Mark 16
16
Te faka masike ranga
(Mat 28.1–8; Luk 24.1–12; Jon 20.1–10)
1Ia tua te Aso e tapu o nga Jew ku faka oti iei, ko Mary Magdalene ma Mary te nana o James, ma Salome ne tauvi koa sua sinu kona laoi, ke oro ke faka sinu ko te tino o Jesus. 2Vasia i ata i te pongi pongi te Aso e tapu, koratou ne oro ki te tano. 3-4Ma koratou ne fai taranga maso koratou, “Pe koai ka nai furia kese ko te fatu lasi mai te riu ara ki te tano?” (Nea te fatu lasi rei.) Tera koratou ne ono ki runga, ratou ravea rei te fatu ku faka rika ki tua mai te rua. 5Tera fe urufi rei koratou ki roto, i ngangea koratou ne ono ki te tangata muri e nofo i te faasi matau, e uru kia suru tea, tera koratou ku marukia kiei.
6Muna atu rei koia, “Kau see marukia, kuou e kau iroa ina kotou e sakiri kia Jesus mai Nazareth, koia ne tukia ria ki te raakau. Koia e laavaki i kunei, koia ku faka masike riaina! Pula rei, teinei te ngangea ne tuku ea ratou kiei. 7#Mat 26.32; Mak 14.28.Kae oro faka ari ki na kau fanonga ma Peter: ‘Koia ka mua ia kotou o poi ki Galilee i ngangea kotou ka fekitei kiei, pe koia ne faka ari atu kia kotou.’ ”
8Tera koratou ne oro ki tua ma ne furi kese ma te tano, natafito ku maatea rei ratou maattaku. Koratou se ne mmuna pe kiai, natafito koratou ku maattaku.
[Teinei te faka suku suku anga ia tusi tusi anga maori a Mark.
Jesus e faka saa kia Mary Magdalene
(Mat 28.9–10; Jon 20.11–18)
9Ia tua o Jesus ne masike mai te mate, i mo pongi pongi te Aso e tapu, koia ne mataki faka saa kia Mary Magdalene, mai ia koia ne nai fueina kese koa atua pariki e toka fitu. 10Mary ne poi o faka ari ki te kau fanonga o Jesus; koratou ku arofa ma e ttangi; 11mae vasia ratou ne fakarongo ko Jesus ku ora, ma koia ne ono kiei, kae koratou se ne fakatonu kiei.
Jesus e faka saa kia kau fanonga e toka rua
(Luk 24.13–35)
12Ia tua nei, ko Jesus ne faka saa i take fai faka ata kia taangata toka rua o na kau fanonga, mo vasia koraua e oro ki take potu fenua. 13Koraua ne foki mai ki te noforanga lasi, o faka ari ki rake faoa, kae koratou si se ne fakatonu kiei.
Jesus e faka saa ki te kau fanonga tino angafuru ma tasi
(Mat 28.16–20; Luk 24.36–49; Jon 20.19–23; Act 1.6–8)
14Kia muri rei ko Jesus ne faka saa ki te kau fanonga e tino angafuru ma tasi, i ratou vasia e kkai iei. Koia ne muna faka teke teke kia ratou, natafito koratou e seke fakatonu ma koratou fokia e faka taringa turi ke fakatonu ki faoa ne ono koia ku ora. 15#Act 1.8.Tera muna atu rei koia kia ratou, “Oro saere kia taangata nei, kae tuufaki te Rongo Laoi ki nga turaurau kaatoa. 16Pe koai ma e fakatonu ma e faka ukuuku, koratou ka ora; koai ma se ne fakatonu, koratou ka mmate. 17Faoa fakatonu ka soria ko te manuu kia ratou ke fai koa furisanga: koratou ke fue ki tua ko nga atua i toku ingoa; ratou ka purotu ia araara fanga oa taranga foou. 18Vasia koratou ka tari ko nga sineke pe inu sara kia poiseni, koratou ka see ravea iei; koratou ka tuku ko aratou rima ki faoa ngae ngae, ka maroro.”
Jesus ku saua ki te vaerangi
(Luk 24.50–53; Act 1.9–11)
19 #
Act 1.9–11. Ia tua te Ariki Jesus ne araara ma ratou, koia ku saua ki runga ki te vaerangi, nofo rei i te faasi matau o Tupua. 20Na kau fanonga ne oro, o tuufaki i ngangea kaatoa; ma te Ariki ku fai fekau ma ratou, ma ku faka tonusia koratou tutuufaki ranga ku tonu ma ratou furisanga ranga.]
Iliyochaguliwa sasa
Mark 16: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 16
16
Te faka masike ranga
(Mat 28.1–8; Luk 24.1–12; Jon 20.1–10)
1Ia tua te Aso e tapu o nga Jew ku faka oti iei, ko Mary Magdalene ma Mary te nana o James, ma Salome ne tauvi koa sua sinu kona laoi, ke oro ke faka sinu ko te tino o Jesus. 2Vasia i ata i te pongi pongi te Aso e tapu, koratou ne oro ki te tano. 3-4Ma koratou ne fai taranga maso koratou, “Pe koai ka nai furia kese ko te fatu lasi mai te riu ara ki te tano?” (Nea te fatu lasi rei.) Tera koratou ne ono ki runga, ratou ravea rei te fatu ku faka rika ki tua mai te rua. 5Tera fe urufi rei koratou ki roto, i ngangea koratou ne ono ki te tangata muri e nofo i te faasi matau, e uru kia suru tea, tera koratou ku marukia kiei.
6Muna atu rei koia, “Kau see marukia, kuou e kau iroa ina kotou e sakiri kia Jesus mai Nazareth, koia ne tukia ria ki te raakau. Koia e laavaki i kunei, koia ku faka masike riaina! Pula rei, teinei te ngangea ne tuku ea ratou kiei. 7#Mat 26.32; Mak 14.28.Kae oro faka ari ki na kau fanonga ma Peter: ‘Koia ka mua ia kotou o poi ki Galilee i ngangea kotou ka fekitei kiei, pe koia ne faka ari atu kia kotou.’ ”
8Tera koratou ne oro ki tua ma ne furi kese ma te tano, natafito ku maatea rei ratou maattaku. Koratou se ne mmuna pe kiai, natafito koratou ku maattaku.
[Teinei te faka suku suku anga ia tusi tusi anga maori a Mark.
Jesus e faka saa kia Mary Magdalene
(Mat 28.9–10; Jon 20.11–18)
9Ia tua o Jesus ne masike mai te mate, i mo pongi pongi te Aso e tapu, koia ne mataki faka saa kia Mary Magdalene, mai ia koia ne nai fueina kese koa atua pariki e toka fitu. 10Mary ne poi o faka ari ki te kau fanonga o Jesus; koratou ku arofa ma e ttangi; 11mae vasia ratou ne fakarongo ko Jesus ku ora, ma koia ne ono kiei, kae koratou se ne fakatonu kiei.
Jesus e faka saa kia kau fanonga e toka rua
(Luk 24.13–35)
12Ia tua nei, ko Jesus ne faka saa i take fai faka ata kia taangata toka rua o na kau fanonga, mo vasia koraua e oro ki take potu fenua. 13Koraua ne foki mai ki te noforanga lasi, o faka ari ki rake faoa, kae koratou si se ne fakatonu kiei.
Jesus e faka saa ki te kau fanonga tino angafuru ma tasi
(Mat 28.16–20; Luk 24.36–49; Jon 20.19–23; Act 1.6–8)
14Kia muri rei ko Jesus ne faka saa ki te kau fanonga e tino angafuru ma tasi, i ratou vasia e kkai iei. Koia ne muna faka teke teke kia ratou, natafito koratou e seke fakatonu ma koratou fokia e faka taringa turi ke fakatonu ki faoa ne ono koia ku ora. 15#Act 1.8.Tera muna atu rei koia kia ratou, “Oro saere kia taangata nei, kae tuufaki te Rongo Laoi ki nga turaurau kaatoa. 16Pe koai ma e fakatonu ma e faka ukuuku, koratou ka ora; koai ma se ne fakatonu, koratou ka mmate. 17Faoa fakatonu ka soria ko te manuu kia ratou ke fai koa furisanga: koratou ke fue ki tua ko nga atua i toku ingoa; ratou ka purotu ia araara fanga oa taranga foou. 18Vasia koratou ka tari ko nga sineke pe inu sara kia poiseni, koratou ka see ravea iei; koratou ka tuku ko aratou rima ki faoa ngae ngae, ka maroro.”
Jesus ku saua ki te vaerangi
(Luk 24.50–53; Act 1.9–11)
19 #
Act 1.9–11. Ia tua te Ariki Jesus ne araara ma ratou, koia ku saua ki runga ki te vaerangi, nofo rei i te faasi matau o Tupua. 20Na kau fanonga ne oro, o tuufaki i ngangea kaatoa; ma te Ariki ku fai fekau ma ratou, ma ku faka tonusia koratou tutuufaki ranga ku tonu ma ratou furisanga ranga.]
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.