Mark 15
15
Jesus e kavena kia Pilate
(Mat 27.1–2; 27.11–14; Luk 23.1–5; Jon 18.28–38)
1I mo pongi pongi, nga ariki fai kava ne taanaki faka vave ma nga matapure ma nga fakaako oa Fono ma te Kau Fono fono kaatoa, o faka tonu ratou atamai. Koratou ne rii ko Jesus kia seni, tera ratou kavea raa koia o soria ki te makeke o Pilate. 2Tera fesiri rei ko Pilate kia Jesus, “Ko kee te Tii o nga Jew?”
Tongoi atu rei ko Jesus, “Teenaa rei ko kee e muna iei naa.”
3Nga ariki fai kava ku ratou faka tautara sia ko Jesus ia nea kaatoa. 4Tera ko Pilate ne fesiri atu kia koia fokia, “Ko kee ka se kee tongoia rei? Fakarongo kia nea kaatoa ratou faka tautara sia ko kee iei!”
5Kae ko Jesus si see fifia ke tongoi ko se foi taranga, tera ko Pilate ku rere rei ko ana mauri.
Jesus ku tukuna ke tamatea
(Mat 27.15–26; Luk 23.13–25; Jon 18.39—19.16)
6I nga vasia katoa ia Kai kai o te Faka sara anga, ko Pilate e faka masara pe koai e fakkiro ki te kano fenua e kaaisi kiei. 7I te vasiaa, te tangata na ingoa ko Barabbas ku nofo i te fare pono pono ma nga faoa titisara noko taa taangata ia featunga. 8Vasia te kano fenua ku taanaki, ma e fakatafito ke feesiri kia Pilate ke faka paa mai kia ratou, 9koia ne fesiri kia ratou, “Kotou e fifia kuou ke sara atu kia kotou te Tii o nga Jew?” 10Koia ne nai iroa laoi rei, ko nga ariki fai kava ne sori ko Jesus kia koia natafito koratou e maakau kiei.
11Kae tera nga ariki fai kava ne ratou usu usufia ria te kano fenua ke kaaisi kia Pilate ke tuku mai ko Barabbas kia ratou. 12Pilate ne karanga fokia ki te kano fenua, “A nia rei motou e fifia kia kuou ke fai kia koia e muna kotou koia te Tii o nga Jew?”
13Foorua atu rei koratou kiei, “Tukia ki te raakau!”
14Fesiri atu rei ko Pilate, “Kae sea tana sara ne fai?”
Tera koratou ne tafito o foorua rei ki runga i ratou reo lasi, “Tukia ria!”
15Tera maanatu rei ko Pilate ke fai ko atamai o te kano fenua ke laoi, tera faka masara rei ea koia ko Barabbas kia ratou. Ta muna atu rei ko Pilate ki nga faoa tau ke sasa ko Jesus iei, kae sori rei ea koia ke tukia ki te raakau.
Faoa reo o nga Roman ne fai faka kata kia Jesus
(Mat 27.27–31; Jon 19.2–3)
16Nga taangata tau ne kave ko Jesus ki rota paito o te gavana o nga Roman, ma ne karanga ki ratou kano faoa kaatoa rei ke taanaki mai. 17Ratou ne fakatau ko te suru e kefu kia Jesus, ma ne fai ko na fau tara taramoa tera faka fau rei ki na poko uru. 18Tera fakatafito rei koratou karanga kiei, “Nofo roa te Tii o nga Jew!” 19Tera ratou saia ria ko na poko uru ki te raakau, ne ratou anu sia, tokoturi ki aratou turi, ma e fakaturou ki raro kiei. 20Vasia koratou ku faka oti ratou fai faka kata kiei, ne ratou saua kesea ko te suru ki tua, ma ne faa uru ko ana kee suru ia. Tera kave rei ea ratou koia ki tua ke tuki ki te raakau.
Jesus e tukia ki te raakau
(Mat 27.32–44; Luk 23.26–43; Jon 19.17–27)
21 #
Rom 16.13. Ratou vasia e oro iei, fekitei rei koratou ma te tangata na ingoa ko Simon, koia e au ki te noforanga lasi mai take potu fenua, tera ne ratou faka oso oso fia ria koia ke amo ko te raakau o Jesus. (Simon te foi Cyrene koia te mmana o Alexander ma Rufus.) 22koratou ne kave ko Jesus ki te ngangea e ati ko Golgotha, na atamai: “Te Ngangea e ati te Pokouru”. 23Tera koratou ne fai ke sori kiei a waeni ne faka ravea ma maresini e ati te ʻmyrrhʼ, kae ko Jesus se ne inu kiei. 24Tera ne ratou tukia ria koia ki te raakau. Kae tufa rei ia koratou ko ana suru, ma ne fai taakaro rei ke ono koai ka sau i ngangea fea o na suru. 25Te raa ku siva i te pongi pongi vasia ne ratou tukia ko Jesus ki te raakau. 26Te tusi ne faka ari o te faka tautara sia anga kia koia: “Te Tii o nga Jew” 27Ne ratou tukia ma Jesus koa taangata fai fai sara e toka rua, e taki tasi i ana faasi, na faasi matau ma na faasi sema. 28[Tera ku faka tonusia pe nia ku munakina i te Pepa Tapu:
“Koia ku taanaki ria ma nga faoa titisara.”]
29 #
Mak 14.58; Jon 2.19. Te kano fenua e oro faka sara i ngangea e ruu ko aratou poko uru o faka ngutu ngutu kia Jesus, “Aha! Tera ko kee te tangata ka ofa aki ki raro te Paito Tapu, mae ka nai taia ria ki runga ia foi aso e toru! 30Tera fena ifo ki raro mai te raakau naa ma e fakasao maso ko kee!”
31Ia fai atamai sokotasi, nga ariki fai kava ma nga fakaako oa Fono ne fai faka kata kia Jesus maso koratou, “Koia ne nai faka saofia ria ko rake faoa, kae se ma fai ke nai faka saofia maso koia! 32Tuku mua ke tatou ono, na pe te Ariki Fakaroro, te Tii o Israel, ke fena ifo ki raro mai te raakau naa, tera kotatou ka fakatonu kiei!”
Ma koraua ne tukia ria ma Jesus e mmuna faka ngutu ngutu fokia kiei.
Te mate o Jesus
(Mat 27.45–56; Luk 23.44–49; Jon 19.28–30)
33I te raa e fuanga furu ma rua i te avatea, oko rei ki te raa e toru, te fenua ne purou ria ki te kau pouri ngiti rei. 34I te raa ku toru, ko Jesus ne tangi forua rei ki runga, “Eloi, eloi, lama sabatani?” na atamai: “Toku Tupua, toku Tupua, sea na atamai ne kee tiakina kuou?”
35Vasia rake faoa e turaki i te ngangea ne fakarongo kiei, tera mmuna rei koratou, “Fakarongo rei, koia e karanga kia Elijah!” 36Te tangata ia ratou ne rere ma te ʻsponsiʼ o faka suu kia waeni kona, tera nonoa ki te foi raakau. Tera toro faki rei ki runga ea koia kia Jesus ke inu ma ne muna, “Tuku mua ke tatou ono, na pe ko Elijah e au ke sau ifo koia ki raro mai te raakau!”
37Jesus ne tangi forua, tera kae mate raa.
38Te suru e sisi i mataa Paito Tapu ku masae rua ifo mai runga oko rei ki raro. 39Te tangata lasi o faoa tau, koia e tuu i ngangea ia mua o te raakau o Jesus, ne ono mata ki te fai a Jesus ne tuku ko na ora. Koia ne muna, “E tonu rei, te tangata nei te Tama a Tupua!”
40 #
Luk 8.2,3. Rake maatua faafine i ngangea, ne pula mmao mai rei. I nga maatua faafine ko Mary Magdalene, ma Mary te nana o te tama tangata ko James ma na taina ko Joseph, ma Salome. 41Ratou noko tautari mai arei kia Jesus i vasia koia i Galilee, ma noko sosoa kiei. E tokkapi nga maatua faafine i ngangea fokia, koratou noko oomai ki Jerusalem ma koia.
Te tanu anga o Jesus
(Mat 27.57–61; Luk 23.50–56; Jon 19.38–42)
42-43Ku piri ke afi afi te vasia o Joseph te foi Arimathea e oko mai. Koia te tangata e faka epa riaina e te Kau Fono fono, koia fokia e fetari ki te au ranga o te Kainanga o Tupua. Te aso ai, te Aso Pena pena (te aso kae marama ake te Aso e tapu). Tera ko Joseph ne tuku ko na mataku kae poi arei kia Pilate o kaisi atu kiei ki te tino o Jesus. 44Tera ko Pilate ne rere ko ana mauri ke rongo ko Jesus ku mate ku oti. Karanga rei koia ki te ariki o faoa tau, tera fesiri atu rei kiei, pe ko Jesus ku roa rei ma na mate. 45Ia tua ku rongo ku faka aria atu kia koia e te tangata lasi o faoa tau, tera muna atu rei ko Pilate kia Joseph ke poi o sau ko te tino. 46Tera ko Joseph ne tauvi koa kafu suru, sau ifo rei ki raro ko te tino o Jesus, o ruru kia kafu, ma ne tuku ki te rua, faka rika rei ko te fatu lasi faka rava o sai ko te rua. 47Mary Magdalene ma Mary te nana o Joseph e rau iroa, ma ne ono ki te ngangea o Jesus ne tuku kiei.
Iliyochaguliwa sasa
Mark 15: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 15
15
Jesus e kavena kia Pilate
(Mat 27.1–2; 27.11–14; Luk 23.1–5; Jon 18.28–38)
1I mo pongi pongi, nga ariki fai kava ne taanaki faka vave ma nga matapure ma nga fakaako oa Fono ma te Kau Fono fono kaatoa, o faka tonu ratou atamai. Koratou ne rii ko Jesus kia seni, tera ratou kavea raa koia o soria ki te makeke o Pilate. 2Tera fesiri rei ko Pilate kia Jesus, “Ko kee te Tii o nga Jew?”
Tongoi atu rei ko Jesus, “Teenaa rei ko kee e muna iei naa.”
3Nga ariki fai kava ku ratou faka tautara sia ko Jesus ia nea kaatoa. 4Tera ko Pilate ne fesiri atu kia koia fokia, “Ko kee ka se kee tongoia rei? Fakarongo kia nea kaatoa ratou faka tautara sia ko kee iei!”
5Kae ko Jesus si see fifia ke tongoi ko se foi taranga, tera ko Pilate ku rere rei ko ana mauri.
Jesus ku tukuna ke tamatea
(Mat 27.15–26; Luk 23.13–25; Jon 18.39—19.16)
6I nga vasia katoa ia Kai kai o te Faka sara anga, ko Pilate e faka masara pe koai e fakkiro ki te kano fenua e kaaisi kiei. 7I te vasiaa, te tangata na ingoa ko Barabbas ku nofo i te fare pono pono ma nga faoa titisara noko taa taangata ia featunga. 8Vasia te kano fenua ku taanaki, ma e fakatafito ke feesiri kia Pilate ke faka paa mai kia ratou, 9koia ne fesiri kia ratou, “Kotou e fifia kuou ke sara atu kia kotou te Tii o nga Jew?” 10Koia ne nai iroa laoi rei, ko nga ariki fai kava ne sori ko Jesus kia koia natafito koratou e maakau kiei.
11Kae tera nga ariki fai kava ne ratou usu usufia ria te kano fenua ke kaaisi kia Pilate ke tuku mai ko Barabbas kia ratou. 12Pilate ne karanga fokia ki te kano fenua, “A nia rei motou e fifia kia kuou ke fai kia koia e muna kotou koia te Tii o nga Jew?”
13Foorua atu rei koratou kiei, “Tukia ki te raakau!”
14Fesiri atu rei ko Pilate, “Kae sea tana sara ne fai?”
Tera koratou ne tafito o foorua rei ki runga i ratou reo lasi, “Tukia ria!”
15Tera maanatu rei ko Pilate ke fai ko atamai o te kano fenua ke laoi, tera faka masara rei ea koia ko Barabbas kia ratou. Ta muna atu rei ko Pilate ki nga faoa tau ke sasa ko Jesus iei, kae sori rei ea koia ke tukia ki te raakau.
Faoa reo o nga Roman ne fai faka kata kia Jesus
(Mat 27.27–31; Jon 19.2–3)
16Nga taangata tau ne kave ko Jesus ki rota paito o te gavana o nga Roman, ma ne karanga ki ratou kano faoa kaatoa rei ke taanaki mai. 17Ratou ne fakatau ko te suru e kefu kia Jesus, ma ne fai ko na fau tara taramoa tera faka fau rei ki na poko uru. 18Tera fakatafito rei koratou karanga kiei, “Nofo roa te Tii o nga Jew!” 19Tera ratou saia ria ko na poko uru ki te raakau, ne ratou anu sia, tokoturi ki aratou turi, ma e fakaturou ki raro kiei. 20Vasia koratou ku faka oti ratou fai faka kata kiei, ne ratou saua kesea ko te suru ki tua, ma ne faa uru ko ana kee suru ia. Tera kave rei ea ratou koia ki tua ke tuki ki te raakau.
Jesus e tukia ki te raakau
(Mat 27.32–44; Luk 23.26–43; Jon 19.17–27)
21 #
Rom 16.13. Ratou vasia e oro iei, fekitei rei koratou ma te tangata na ingoa ko Simon, koia e au ki te noforanga lasi mai take potu fenua, tera ne ratou faka oso oso fia ria koia ke amo ko te raakau o Jesus. (Simon te foi Cyrene koia te mmana o Alexander ma Rufus.) 22koratou ne kave ko Jesus ki te ngangea e ati ko Golgotha, na atamai: “Te Ngangea e ati te Pokouru”. 23Tera koratou ne fai ke sori kiei a waeni ne faka ravea ma maresini e ati te ʻmyrrhʼ, kae ko Jesus se ne inu kiei. 24Tera ne ratou tukia ria koia ki te raakau. Kae tufa rei ia koratou ko ana suru, ma ne fai taakaro rei ke ono koai ka sau i ngangea fea o na suru. 25Te raa ku siva i te pongi pongi vasia ne ratou tukia ko Jesus ki te raakau. 26Te tusi ne faka ari o te faka tautara sia anga kia koia: “Te Tii o nga Jew” 27Ne ratou tukia ma Jesus koa taangata fai fai sara e toka rua, e taki tasi i ana faasi, na faasi matau ma na faasi sema. 28[Tera ku faka tonusia pe nia ku munakina i te Pepa Tapu:
“Koia ku taanaki ria ma nga faoa titisara.”]
29 #
Mak 14.58; Jon 2.19. Te kano fenua e oro faka sara i ngangea e ruu ko aratou poko uru o faka ngutu ngutu kia Jesus, “Aha! Tera ko kee te tangata ka ofa aki ki raro te Paito Tapu, mae ka nai taia ria ki runga ia foi aso e toru! 30Tera fena ifo ki raro mai te raakau naa ma e fakasao maso ko kee!”
31Ia fai atamai sokotasi, nga ariki fai kava ma nga fakaako oa Fono ne fai faka kata kia Jesus maso koratou, “Koia ne nai faka saofia ria ko rake faoa, kae se ma fai ke nai faka saofia maso koia! 32Tuku mua ke tatou ono, na pe te Ariki Fakaroro, te Tii o Israel, ke fena ifo ki raro mai te raakau naa, tera kotatou ka fakatonu kiei!”
Ma koraua ne tukia ria ma Jesus e mmuna faka ngutu ngutu fokia kiei.
Te mate o Jesus
(Mat 27.45–56; Luk 23.44–49; Jon 19.28–30)
33I te raa e fuanga furu ma rua i te avatea, oko rei ki te raa e toru, te fenua ne purou ria ki te kau pouri ngiti rei. 34I te raa ku toru, ko Jesus ne tangi forua rei ki runga, “Eloi, eloi, lama sabatani?” na atamai: “Toku Tupua, toku Tupua, sea na atamai ne kee tiakina kuou?”
35Vasia rake faoa e turaki i te ngangea ne fakarongo kiei, tera mmuna rei koratou, “Fakarongo rei, koia e karanga kia Elijah!” 36Te tangata ia ratou ne rere ma te ʻsponsiʼ o faka suu kia waeni kona, tera nonoa ki te foi raakau. Tera toro faki rei ki runga ea koia kia Jesus ke inu ma ne muna, “Tuku mua ke tatou ono, na pe ko Elijah e au ke sau ifo koia ki raro mai te raakau!”
37Jesus ne tangi forua, tera kae mate raa.
38Te suru e sisi i mataa Paito Tapu ku masae rua ifo mai runga oko rei ki raro. 39Te tangata lasi o faoa tau, koia e tuu i ngangea ia mua o te raakau o Jesus, ne ono mata ki te fai a Jesus ne tuku ko na ora. Koia ne muna, “E tonu rei, te tangata nei te Tama a Tupua!”
40 #
Luk 8.2,3. Rake maatua faafine i ngangea, ne pula mmao mai rei. I nga maatua faafine ko Mary Magdalene, ma Mary te nana o te tama tangata ko James ma na taina ko Joseph, ma Salome. 41Ratou noko tautari mai arei kia Jesus i vasia koia i Galilee, ma noko sosoa kiei. E tokkapi nga maatua faafine i ngangea fokia, koratou noko oomai ki Jerusalem ma koia.
Te tanu anga o Jesus
(Mat 27.57–61; Luk 23.50–56; Jon 19.38–42)
42-43Ku piri ke afi afi te vasia o Joseph te foi Arimathea e oko mai. Koia te tangata e faka epa riaina e te Kau Fono fono, koia fokia e fetari ki te au ranga o te Kainanga o Tupua. Te aso ai, te Aso Pena pena (te aso kae marama ake te Aso e tapu). Tera ko Joseph ne tuku ko na mataku kae poi arei kia Pilate o kaisi atu kiei ki te tino o Jesus. 44Tera ko Pilate ne rere ko ana mauri ke rongo ko Jesus ku mate ku oti. Karanga rei koia ki te ariki o faoa tau, tera fesiri atu rei kiei, pe ko Jesus ku roa rei ma na mate. 45Ia tua ku rongo ku faka aria atu kia koia e te tangata lasi o faoa tau, tera muna atu rei ko Pilate kia Joseph ke poi o sau ko te tino. 46Tera ko Joseph ne tauvi koa kafu suru, sau ifo rei ki raro ko te tino o Jesus, o ruru kia kafu, ma ne tuku ki te rua, faka rika rei ko te fatu lasi faka rava o sai ko te rua. 47Mary Magdalene ma Mary te nana o Joseph e rau iroa, ma ne ono ki te ngangea o Jesus ne tuku kiei.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.