Luke 1
1
1Kia Theophilus:
E tokarava rei ko te kano fenua ne faka poto ke tusi ma ke araara faki pe nia ne faka saa ria kia tatou. 2Ne ratou tusia pe nia ne faka aria kia tatou i faasi o faoa ne maataki ono mata kia nea nei mai te fakatafito ranga, ma ne ratou rongo rongo sakina ria ko te taranga. 3Ma teeraa, maurunga ee, natafito kuou maso kuou ne faara faka laoi koa nea kaatoa mai te tafito anga, e laoi fokia kia kuou ke tusi tautari ki tou faasi ki te tonu anga o araara fanga. 4Kuou e fai nei kia kee ke kee iroa laoi te tonu maori oa nea kaatoa ne ratou faka aria kia kee.
Te faanau ranga o John te Faka uku e faka iro iro
5I te vasia o Herod noko fai te Tii o Judea, te pure fai kava i ngangea, na ingoa ko Zechariah, koia te pure fai kava i te aroa paito o Abijah. Na nofine ko Elizabeth fokia i te aroa paito o Aaron. 6A rau ora kaatoa e maatea na laoi i faasi o Tupua, ma koraua e tautari katoa rei kia tutuufaki ranga ma fono kaatoa a te Ariki. 7Koraua see tau tama, natafito ko Elizabeth te fafine siki tau tama, ma koraua ku fetau maatua rei.
8Take aso Zechariah ku fai ko ana fainga fekau pe te pure fai kava ia mata o Tupua, ku soria ko na vasia ke sau rotu. 9E kave tautari kia tukunga o nga pure fai kava, koia ku faka patino ria ke tafu aki te kai puna puna i te mua faitoka. Tera koia ne poi ki te Paito Tapu o Tupua, 10mo vasia te kano fenua i fafo e rotu i vasia o te kai puna puna e sunu iei.
11Te ʻangelʼ o te Ariki ne faka saa kiei, e tuu i te faasi matau o te mua faitoka i te ngangea o te kai puna puna e sunu iei. 12Vasia o Zechariah ne ono kiei, koia ku marukia ma ku au na mataku. 13Kae te ʻangelʼ ne muna atu kiei, “Zechariah ee! Kau see mataku, Tupua ku nai faka rangona ria ko tau rotu, tera tou nofine ko Elizabeth ka faka faanau ria tau tama. Na ingoa ka ati ea kee ko John. 14Tou fai mata mau ma vaki vaki ka maatea rei, ma e kapi rei ko rake faoa ka vaki vaki i na vasia ka faanau ake iei! 15Ko John ka fai te tangata maurunga sapa rei ia mata o te Ariki. Koia ka see inu rei koa waeni pea sinu inu makeke. Mai na faanau ranga, koia ka nofo riaina e te Mauri Tapu o Tupua, 16ma koia ka nai fokisakina mai te kano fenua o nga Israel ki te Ariki te ratou Tupua. 17Koia ka mataki mua arei i te Ariki, e makeke sapa rei fakapera rei pe te ʻprophetʼ Elijah. Koia ka nai aumai ina ko nga mmana ma nga tamariki ki roto foki. Koia ka nai furisia ko te kano fenua saesaeaki ke taafuri kia tukunga ia maanatu anga o te tonu rei. Koia ka fai ko te kano fenua o te Ariki ke pena pena kia koia.”
18Muna atu rei Zechariah ki te ʻangelʼ, “Tera kuou ka kau iroa faka fefea? Kuou ku maatua, ma toku nofine ku maatua fokia.”
19Tongoi atu rei te ʻangelʼ, “Kuou ko Gabriel. Kuou e tuu ia tafa o Tupua, koia ne kau mai kuou ke muna atu kia kee, o faka ari atu kia kee te Rongo Laoi nei. 20Kae ko kee ku see fia fakatonu kia aku taranga, kae aku taranga ka au tonu te vasia maori. Ta natafito ko kee ku see fakatonu kia kuou, ko kee ka se ma muna, ma ko kee ka faka turi oko rei ki te aso taku taranga ka tonu maori iei.”
21I te vasiaa, te kano fenua ku fetari kia Zechariah, ma ku fepoikaki ko aratou atamai, sea natafito koia ku sau vasia roa rei i te Paito Tapu. 22Vasia koia ne au ki tua iei, koia ku se ma muna atu kia ratou, kae tera ku ratou iroa ina koia ku nai ravea ina te faka ata i te Paito Tapu. Ku se ma muna, koia e tusi kia ratou i ana rima fuarei.
23Vasia tana fainga rotu i te Paito Tapu ku oti, Zechariah ne foki ki na paito. 24Mo vasia ki muri, na nofine ko Elizabeth ku nofo ma na manava, ma ana foi marama ku nofo i rota paito e rima. 25Koia e muna, “Ta vasia nei raa, te Ariki ku nai soakina kuou ia tukunga nei. Koia ku nai saua kese ko toku faka maa ia mata o te kano fenua!”
Te faanau ranga o Jesus ku faka iro iro
26I te marama ono anga o Elizabeth ku nofo ma na manava iei, Tupua ne kau ko ʻangelʼ Gabriel ki te taoni i Galilee e ati ko Nazareth. 27#Mat 1.18.Koia e kave koa taranga ki te fafine taka e fai ke avanga ki te tangata na ingoa ko Joseph, koia ne afu mai a David te Tii. Na ingoa ko Mary. 28Te ʻangelʼ ne au kiei o muna atu, “Te roto mafora ke naa ia kee! Te Ariki ia ko kee, ma tana fakatapu e sapa kia ko kee!”
29Ko Mary ku maanatu vare ia taranga a te ʻangelʼ, ma koia ku fepoikaki kia atamai oa taranga. 30Muna atu rei ko te ʻangelʼ kia Mary, “Kau see mataku, Mary ee, natafito Tupua ku nai manava arofa tiaina ko kee. 31#Mat 1.21.Ko kee ka nofo ma tou manava, ma ka faanau te tama, ma ka faka ingoa ea kee ko Jesus. 32Koia ka sapa ma ka karanga tiaina te Tama a Tupua Maurunga Sapa. Te Ariki Tupua ka nai faia koia te tii, pe na puna ko David noko fai. 33Ma koia ka fai te tii o afu o Jacob i nga vasia katoa. Na kainanga ka seke suku suku!”
34Muna atu rei ko Mary ki te ʻangelʼ, “Ka ma fai faka fefea, ia kuou te makene nei?”
35Tongoi atu rei ko te ʻangelʼ, “Te Mauri Tapu o Tupua ka ifo kia kee, ma te manuu o Tupua ka nofo ia kee, natafito i te atamai nei, te memea tapu ka karanga tia te Tama a Tupua. 36Faka maanatu tou kanoa paito ko Elizabeth. E iroa ina koia ka see tau tama rei, kae koia i vasia nei ku marama ono, moa rei koia ku maatua. 37Natafito siei pe nia e faingataa ki Tupua.”
38Muna atu rei ko Mary, “Kuou te seka a te Ariki, ke faka saa ria rei kia kuou pe ko kee e muna naa!”
Tera poi kese arei te ʻangelʼ.
Mary ne faka ati kia Elizabeth
39See roa ake, ko Mary ne tokai ake, poi faka vave ki te taoni ia motu ngangea maunga i Judea. 40Koia ne uru ki te paito o Zechariah ma ne arofa kia Elizabeth. 41Ma i vasia o Elizabeth ne fakarongo ki te faka afe a Mary, te memea i na manava ne ngasue ake, ma ko Elizabeth ne vakaria e te Mauri Tapu o Tupua. 42Koia ne muna atu rei ki runga i na reo, “Ko kee te matuaa fafine rei i nga maatua faafine kaatoa rei, ma ke fakatapu ria ko tau memea ka faka faanau naa! 43Sea natafito a matuaa nea nei e faka saa ria mai kia kuou, ko te nana o toku Ariki ne au o faka ati mai kia kuou? 44I vasia kuou ne fakarongo ki tou arofa, te memea e nofo ia kuou ne ngasue ake ma te vaki vaki. 45Fakatapu ria ko kee natafito ko kee ne fakatonu kia taranga a te Ariki kia kee ka au maori!”
Te pese rausapai a Mary
46Mary ne muna,
“Toku fatu manava e faka puu ki te Ariki.
47Toku ora e vaki vaki i Tupua toku Faka sao,
48natafito koia ne nai maanatua kuou, tana fai fekau tuku raro!
Mai ia vasia nei nga tau tupu ranga kaatoa ka karanga kia kuou ne fakatapu ria,
49natafito Tupua e Mana sapa
ku nai faia koa nea kaatoa kia kuou e sapa.
Na ingoa e tapu.
50Koia e faka saa na arofa kia ratou e fakaturou kiei,
mai nga tau tupu ranga ki nga tau tupu ranga.
51Koia ne fai fekauaki sapa kina i na makeke,
ma ne nai ofa akina ko faoa fia paasaki ma ratou maanatu kaatoa.
52Koia ne nai tukuna ki raro ko nga tii maurunga sapa mai ia ratou noforanga ariki.
Ma ne nai rangaia ki runga ko fenua faka arofa.
53Koia ne nai faangaina
ko te fenua fiakai kia nea laoi,
ma ne nai fueina kese
ko te kano fenua taufenua ke oro ma penii rima.
54Koia ne tuu i tana tongi ki tatou puna,
ma ne soaki ki tana seka ko Israel.
55Koia ne maanatu ke manava arofa ki tatou tupuna ko Abraham
ma ki ana afu i nga vasia katoa!”
56Ko Mary ne nofo ma Elizabeth ana foi marama faka peeraa e toru, oti foki raa ki na noforanga.
Te faanau ranga o John te Faka uku
57Ku oko ki te vasia o Elizabeth ke faka faanau tana memea iei, tera koia ne faanau te tama. 58Ana faoa ma ana kanoa paito ne rongo ki te manava arofa ma te laoi o te Ariki e fai kiei, tera koratou ku maatea rei ratou vaki vaki kia koia.
59Vasia oa foi aso o memea ku varu iei, koratou ku fai ke fai na pungaumu, ma ke ati na ingoa ki te ingoa o na mmana. 60Kae muna atu rei ko na nana, “Siei! Na ingoa ka ati ko John.”
61Koratou muna atu rei kiei, “Kae siei rei pe koai i totou kanoa paito ke ati ki te ingoa naa!” 62Tera koratou feesiri rei ki na mmana pe se ingoa koai ke ati kiei.
63Kaisi rei ko Zechariah ki se pakaa pepa, tusi rei, “Na ingoa ko John.” Koratou kaatoa rei ku fereki aratou mauri! 64Ma i mo vakanga Zechariah ku ma tau araara, ma ne fakatafito rausapai ki Tupua. 65Ko ana faoa ku marukia ina, ma te rongo oa nea nei ne kavea kia noforanga kaatoa ia motu ngangea maunga i Judea. 66Ma koratou kaatoa ne rongo kia nea nei, ne fakarongo ake ia ratou fatu manava, ma ne feesiri, “A nia ma te tama nei ka somo ake ka fai?” Natafito e tonu maori rei te manuu o te Ariki ia koia fuarei.
Te muna muna ranga a Zechariah
67Na mmana ko Zechariah ku nofo riaina e te Mauri Tapu o Tupua, ma ne munaki ea koia koa taranga a Tupua:
68“Tatou fakapuu ki te Ariki Tapu,
Tupua o nga Israel,
koia ne au nai soakina ria ko na kano fenua
ma ne nai faka saofia koratou,
69ma koia ne nai soria kia tatou te matuaa Faka sao,
te afu o David, tana seka,
70fakapera rei pe koia ne tongi rei i ana ʻprophetʼ tapu ia vasia i mua:
71‘Koia ka nai faka saofia mai kotatou mai te faoa e firi mai kia tatou,
ma mai te makeke oa ratou kaatoa e ratou kanifinia ria kotatou.’
72Koia ne muna koia ka arofa kia tatou puna,
ma e faka maanatu riaina ko na tongi sanga tapu,
73te tongi sanga tapu ne vata vata ea koia ki tatou puna ko Abraham.
74Koia ke nai faka saofia kotatou mai ia makeke o tatou tau firi firi,
ma ke fai kotatou ke seka kiei
ma ka see faka tuasaa.
75Tatou faia te kano fenua tapu
tera e tonu ki na faasi,
i nga aso katoa o tatou ora.
76Ko kee taku tama,
ka karanga tiaina te ʻprophetʼ o Tupua Maurunga Sapa.
Natafito ko kee ka mataki mua i mua o te Ariki Tapu,
o pena pena ko na riu ara kia koia,
77ke faka ari ki na kano fenua,
koratou ka faka saofia,
natafito aratou sara ka faka ngaromia.
78Tatou Tupua e manava arofa,
iei ka rere ko na maarama o te oratanga mai te vaerangi kia tatou,
79ma ke aata mai te vaerangi
kia ratou e farenaki i te pouri anga ma i te aata o te mate,
ma ke nai takina kotatou
ke oro i te riu ara o te mafora.”
80Te tama ne somo ake tangata ma ne makeke i na ora. Koia ne nofo i te ngangea tulaavaki oko rei ki te aso koia ku faka saa kia mata o nga Israel.
Iliyochaguliwa sasa
Luke 1: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Luke 1
1
1Kia Theophilus:
E tokarava rei ko te kano fenua ne faka poto ke tusi ma ke araara faki pe nia ne faka saa ria kia tatou. 2Ne ratou tusia pe nia ne faka aria kia tatou i faasi o faoa ne maataki ono mata kia nea nei mai te fakatafito ranga, ma ne ratou rongo rongo sakina ria ko te taranga. 3Ma teeraa, maurunga ee, natafito kuou maso kuou ne faara faka laoi koa nea kaatoa mai te tafito anga, e laoi fokia kia kuou ke tusi tautari ki tou faasi ki te tonu anga o araara fanga. 4Kuou e fai nei kia kee ke kee iroa laoi te tonu maori oa nea kaatoa ne ratou faka aria kia kee.
Te faanau ranga o John te Faka uku e faka iro iro
5I te vasia o Herod noko fai te Tii o Judea, te pure fai kava i ngangea, na ingoa ko Zechariah, koia te pure fai kava i te aroa paito o Abijah. Na nofine ko Elizabeth fokia i te aroa paito o Aaron. 6A rau ora kaatoa e maatea na laoi i faasi o Tupua, ma koraua e tautari katoa rei kia tutuufaki ranga ma fono kaatoa a te Ariki. 7Koraua see tau tama, natafito ko Elizabeth te fafine siki tau tama, ma koraua ku fetau maatua rei.
8Take aso Zechariah ku fai ko ana fainga fekau pe te pure fai kava ia mata o Tupua, ku soria ko na vasia ke sau rotu. 9E kave tautari kia tukunga o nga pure fai kava, koia ku faka patino ria ke tafu aki te kai puna puna i te mua faitoka. Tera koia ne poi ki te Paito Tapu o Tupua, 10mo vasia te kano fenua i fafo e rotu i vasia o te kai puna puna e sunu iei.
11Te ʻangelʼ o te Ariki ne faka saa kiei, e tuu i te faasi matau o te mua faitoka i te ngangea o te kai puna puna e sunu iei. 12Vasia o Zechariah ne ono kiei, koia ku marukia ma ku au na mataku. 13Kae te ʻangelʼ ne muna atu kiei, “Zechariah ee! Kau see mataku, Tupua ku nai faka rangona ria ko tau rotu, tera tou nofine ko Elizabeth ka faka faanau ria tau tama. Na ingoa ka ati ea kee ko John. 14Tou fai mata mau ma vaki vaki ka maatea rei, ma e kapi rei ko rake faoa ka vaki vaki i na vasia ka faanau ake iei! 15Ko John ka fai te tangata maurunga sapa rei ia mata o te Ariki. Koia ka see inu rei koa waeni pea sinu inu makeke. Mai na faanau ranga, koia ka nofo riaina e te Mauri Tapu o Tupua, 16ma koia ka nai fokisakina mai te kano fenua o nga Israel ki te Ariki te ratou Tupua. 17Koia ka mataki mua arei i te Ariki, e makeke sapa rei fakapera rei pe te ʻprophetʼ Elijah. Koia ka nai aumai ina ko nga mmana ma nga tamariki ki roto foki. Koia ka nai furisia ko te kano fenua saesaeaki ke taafuri kia tukunga ia maanatu anga o te tonu rei. Koia ka fai ko te kano fenua o te Ariki ke pena pena kia koia.”
18Muna atu rei Zechariah ki te ʻangelʼ, “Tera kuou ka kau iroa faka fefea? Kuou ku maatua, ma toku nofine ku maatua fokia.”
19Tongoi atu rei te ʻangelʼ, “Kuou ko Gabriel. Kuou e tuu ia tafa o Tupua, koia ne kau mai kuou ke muna atu kia kee, o faka ari atu kia kee te Rongo Laoi nei. 20Kae ko kee ku see fia fakatonu kia aku taranga, kae aku taranga ka au tonu te vasia maori. Ta natafito ko kee ku see fakatonu kia kuou, ko kee ka se ma muna, ma ko kee ka faka turi oko rei ki te aso taku taranga ka tonu maori iei.”
21I te vasiaa, te kano fenua ku fetari kia Zechariah, ma ku fepoikaki ko aratou atamai, sea natafito koia ku sau vasia roa rei i te Paito Tapu. 22Vasia koia ne au ki tua iei, koia ku se ma muna atu kia ratou, kae tera ku ratou iroa ina koia ku nai ravea ina te faka ata i te Paito Tapu. Ku se ma muna, koia e tusi kia ratou i ana rima fuarei.
23Vasia tana fainga rotu i te Paito Tapu ku oti, Zechariah ne foki ki na paito. 24Mo vasia ki muri, na nofine ko Elizabeth ku nofo ma na manava, ma ana foi marama ku nofo i rota paito e rima. 25Koia e muna, “Ta vasia nei raa, te Ariki ku nai soakina kuou ia tukunga nei. Koia ku nai saua kese ko toku faka maa ia mata o te kano fenua!”
Te faanau ranga o Jesus ku faka iro iro
26I te marama ono anga o Elizabeth ku nofo ma na manava iei, Tupua ne kau ko ʻangelʼ Gabriel ki te taoni i Galilee e ati ko Nazareth. 27#Mat 1.18.Koia e kave koa taranga ki te fafine taka e fai ke avanga ki te tangata na ingoa ko Joseph, koia ne afu mai a David te Tii. Na ingoa ko Mary. 28Te ʻangelʼ ne au kiei o muna atu, “Te roto mafora ke naa ia kee! Te Ariki ia ko kee, ma tana fakatapu e sapa kia ko kee!”
29Ko Mary ku maanatu vare ia taranga a te ʻangelʼ, ma koia ku fepoikaki kia atamai oa taranga. 30Muna atu rei ko te ʻangelʼ kia Mary, “Kau see mataku, Mary ee, natafito Tupua ku nai manava arofa tiaina ko kee. 31#Mat 1.21.Ko kee ka nofo ma tou manava, ma ka faanau te tama, ma ka faka ingoa ea kee ko Jesus. 32Koia ka sapa ma ka karanga tiaina te Tama a Tupua Maurunga Sapa. Te Ariki Tupua ka nai faia koia te tii, pe na puna ko David noko fai. 33Ma koia ka fai te tii o afu o Jacob i nga vasia katoa. Na kainanga ka seke suku suku!”
34Muna atu rei ko Mary ki te ʻangelʼ, “Ka ma fai faka fefea, ia kuou te makene nei?”
35Tongoi atu rei ko te ʻangelʼ, “Te Mauri Tapu o Tupua ka ifo kia kee, ma te manuu o Tupua ka nofo ia kee, natafito i te atamai nei, te memea tapu ka karanga tia te Tama a Tupua. 36Faka maanatu tou kanoa paito ko Elizabeth. E iroa ina koia ka see tau tama rei, kae koia i vasia nei ku marama ono, moa rei koia ku maatua. 37Natafito siei pe nia e faingataa ki Tupua.”
38Muna atu rei ko Mary, “Kuou te seka a te Ariki, ke faka saa ria rei kia kuou pe ko kee e muna naa!”
Tera poi kese arei te ʻangelʼ.
Mary ne faka ati kia Elizabeth
39See roa ake, ko Mary ne tokai ake, poi faka vave ki te taoni ia motu ngangea maunga i Judea. 40Koia ne uru ki te paito o Zechariah ma ne arofa kia Elizabeth. 41Ma i vasia o Elizabeth ne fakarongo ki te faka afe a Mary, te memea i na manava ne ngasue ake, ma ko Elizabeth ne vakaria e te Mauri Tapu o Tupua. 42Koia ne muna atu rei ki runga i na reo, “Ko kee te matuaa fafine rei i nga maatua faafine kaatoa rei, ma ke fakatapu ria ko tau memea ka faka faanau naa! 43Sea natafito a matuaa nea nei e faka saa ria mai kia kuou, ko te nana o toku Ariki ne au o faka ati mai kia kuou? 44I vasia kuou ne fakarongo ki tou arofa, te memea e nofo ia kuou ne ngasue ake ma te vaki vaki. 45Fakatapu ria ko kee natafito ko kee ne fakatonu kia taranga a te Ariki kia kee ka au maori!”
Te pese rausapai a Mary
46Mary ne muna,
“Toku fatu manava e faka puu ki te Ariki.
47Toku ora e vaki vaki i Tupua toku Faka sao,
48natafito koia ne nai maanatua kuou, tana fai fekau tuku raro!
Mai ia vasia nei nga tau tupu ranga kaatoa ka karanga kia kuou ne fakatapu ria,
49natafito Tupua e Mana sapa
ku nai faia koa nea kaatoa kia kuou e sapa.
Na ingoa e tapu.
50Koia e faka saa na arofa kia ratou e fakaturou kiei,
mai nga tau tupu ranga ki nga tau tupu ranga.
51Koia ne fai fekauaki sapa kina i na makeke,
ma ne nai ofa akina ko faoa fia paasaki ma ratou maanatu kaatoa.
52Koia ne nai tukuna ki raro ko nga tii maurunga sapa mai ia ratou noforanga ariki.
Ma ne nai rangaia ki runga ko fenua faka arofa.
53Koia ne nai faangaina
ko te fenua fiakai kia nea laoi,
ma ne nai fueina kese
ko te kano fenua taufenua ke oro ma penii rima.
54Koia ne tuu i tana tongi ki tatou puna,
ma ne soaki ki tana seka ko Israel.
55Koia ne maanatu ke manava arofa ki tatou tupuna ko Abraham
ma ki ana afu i nga vasia katoa!”
56Ko Mary ne nofo ma Elizabeth ana foi marama faka peeraa e toru, oti foki raa ki na noforanga.
Te faanau ranga o John te Faka uku
57Ku oko ki te vasia o Elizabeth ke faka faanau tana memea iei, tera koia ne faanau te tama. 58Ana faoa ma ana kanoa paito ne rongo ki te manava arofa ma te laoi o te Ariki e fai kiei, tera koratou ku maatea rei ratou vaki vaki kia koia.
59Vasia oa foi aso o memea ku varu iei, koratou ku fai ke fai na pungaumu, ma ke ati na ingoa ki te ingoa o na mmana. 60Kae muna atu rei ko na nana, “Siei! Na ingoa ka ati ko John.”
61Koratou muna atu rei kiei, “Kae siei rei pe koai i totou kanoa paito ke ati ki te ingoa naa!” 62Tera koratou feesiri rei ki na mmana pe se ingoa koai ke ati kiei.
63Kaisi rei ko Zechariah ki se pakaa pepa, tusi rei, “Na ingoa ko John.” Koratou kaatoa rei ku fereki aratou mauri! 64Ma i mo vakanga Zechariah ku ma tau araara, ma ne fakatafito rausapai ki Tupua. 65Ko ana faoa ku marukia ina, ma te rongo oa nea nei ne kavea kia noforanga kaatoa ia motu ngangea maunga i Judea. 66Ma koratou kaatoa ne rongo kia nea nei, ne fakarongo ake ia ratou fatu manava, ma ne feesiri, “A nia ma te tama nei ka somo ake ka fai?” Natafito e tonu maori rei te manuu o te Ariki ia koia fuarei.
Te muna muna ranga a Zechariah
67Na mmana ko Zechariah ku nofo riaina e te Mauri Tapu o Tupua, ma ne munaki ea koia koa taranga a Tupua:
68“Tatou fakapuu ki te Ariki Tapu,
Tupua o nga Israel,
koia ne au nai soakina ria ko na kano fenua
ma ne nai faka saofia koratou,
69ma koia ne nai soria kia tatou te matuaa Faka sao,
te afu o David, tana seka,
70fakapera rei pe koia ne tongi rei i ana ʻprophetʼ tapu ia vasia i mua:
71‘Koia ka nai faka saofia mai kotatou mai te faoa e firi mai kia tatou,
ma mai te makeke oa ratou kaatoa e ratou kanifinia ria kotatou.’
72Koia ne muna koia ka arofa kia tatou puna,
ma e faka maanatu riaina ko na tongi sanga tapu,
73te tongi sanga tapu ne vata vata ea koia ki tatou puna ko Abraham.
74Koia ke nai faka saofia kotatou mai ia makeke o tatou tau firi firi,
ma ke fai kotatou ke seka kiei
ma ka see faka tuasaa.
75Tatou faia te kano fenua tapu
tera e tonu ki na faasi,
i nga aso katoa o tatou ora.
76Ko kee taku tama,
ka karanga tiaina te ʻprophetʼ o Tupua Maurunga Sapa.
Natafito ko kee ka mataki mua i mua o te Ariki Tapu,
o pena pena ko na riu ara kia koia,
77ke faka ari ki na kano fenua,
koratou ka faka saofia,
natafito aratou sara ka faka ngaromia.
78Tatou Tupua e manava arofa,
iei ka rere ko na maarama o te oratanga mai te vaerangi kia tatou,
79ma ke aata mai te vaerangi
kia ratou e farenaki i te pouri anga ma i te aata o te mate,
ma ke nai takina kotatou
ke oro i te riu ara o te mafora.”
80Te tama ne somo ake tangata ma ne makeke i na ora. Koia ne nofo i te ngangea tulaavaki oko rei ki te aso koia ku faka saa kia mata o nga Israel.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.