Mark 14
14
Te tau purenga ke tamate ko Jesus
(Mat 26.1–5; Luk 22.1–2; Jon 11.45–53)
1I te vasia nei a foi aso e rua ku oko ki te aso o te Kai kai o te Faka sara anga ma te Kai kai oa Preti ne Tao Fua Fuarei, nga ariki fai kava ma nga fakaako oa Fono e ono ono se fai riu ara koai ke puke faka leku leku ko Jesus ke taa ke mate. 2Mmuna rei koratou, “Tatou ka see fai i te vasia te Kai kai, natafito te kanofenua naa kae featu.”
Jesus e faka roro ria i Bethany
(Mat 26.6–13; Jon 12.1–8)
3 #
Luk 7.37,38. Ko Jesus noko nofo i Bethany i te paito o Simon te tangata ne maua ria e te ngae ngae tino para e ati te lepa; ta te vasia o Jesus e kai iei, kae uru mai te maatua fafine ma tana faangongo ne fai kia ʻalapastaʼ e pii ia sinu manongi na tauvi e fai rei ki fea, ne fai mai mai te punai raakau e ati te ʻnardʼ. Sasara ea koia ko te faangongo ta ringi rei koa sua sinu manongi ki te poko uru o Jesus. 4Tera ko rake faoa i te kano fenua i ngangea ne maakeri, kae mmuna maso koratou ia, “Sea rei ku fai peri koa sua sinu manongi naa? 5E fetau fangatasi rei ke fai tauvi ke nai kaina ria koa fua te rau e toru ia foi mane, ta sori rei koa mane ki faoa faka ruru faka arofa.” Tera koratou ku maatea rei ratou fai fai ngutu kiei.
6Kae muna atu rei ko Jesus, “Kau see fai kiei! Sea na atamai kotou e fai kiei? E maatea rei na laoi ma na taurekareka a maatua fafine nei ne fai mai kia kuou. 7Kotou ka fare mau ma te kano fenua e fakaruru faka arofa i otou tafa, soko se vasia fuarei kotou e fifia ke soaki kia ratou, tera soaki rei; kae kuou ka see nofo mau ma kotou. 8Te maatua fafine nei ne fai pe nia ma ana e ma fai, koia ne ringi koa sua sinu manongi ki oku tino ke singa pena pena ki toku vasia ka tanu. 9Kuou e faka ari atu kia kotou te maori: Ia a ngangea fea te Rongo Laoi nei e tuufakina ria ia taangata kaatoa nei, ta pe nia ma te maatua fafine ne fai nei, ka araara fakina o faka maanatu kiei.”
Judas e fifia ke sori ko Jesus
(Mat 26.14–16; Luk 22.3–6)
10Tera ko Judas Iscariot, koia take tangata i te kau fanonga e tino angafuru ma rua, ne poi ki nga ariki fai kava ke sakiri ko ni riu ara ke sori ko Jesus kia ratou. 11Koratou ku maatea rei ratou vaki vaki ke fakarongo pe nia ma ana e fai ke muna kiei, ma e tongisaki ka sori atu kia koia koa mane. Tera ko Judas ne fakatafito o pula ki se vasia laoi ke sori atu ko Jesus kia ratou.
Jesus kau kai ma na kau fanonga i te Kai kai o te Faka sara anga
(Mat 26.17–25; Luk 22.7–14; 22.21–23; Jon 13.21–30)
12I te mataki aso o te Kai kai oa Preti ne Tao Fua Fuarei, te aso oa manu ki te Kai kai o te Faka sara anga ne taa iei, te kau fanonga o Jesus ne feesiri atu kia koia, “Te ngangea fea ko kee e fifia ke matou oro, o pena pena mai tou Kai kai o te Faka sara anga iei?”
13Tera ko Jesus ne fakkau e toka rua ia ratou ma ana taranga, “Oro ki te noforanga lasi, tera te tangata e amo tana fua vai ka fekitei kotou; tera tautari kiei ki na paito ka uru kiei, 14tera muna atu rei ki te tangata ona te paito, ‘Te fakaako e muna mai, “Tefea takua te rota paito kuou ma toku kau fanonga ka kkai te Kai kai o te Faka sara anga iei?” ’ 15Tera koia ka faka ari atu kia korua te ngangea lasi i runga, ne pena ma ne faariki; tera ngangea korua ka pena a nea kaatoa mo tatou.”
16Tera te kau fanonga ne oro ki te noforanga lasi, ma ne mau koa nea fakapera rei pea a Jesus ne faka ari atu kia raua, tera koraua ne pena te Kai kai o te Faka sara anga.
17Vasia ku afi afi, ko Jesus ne au ma ana kau fanonga e tino angafuru ma rua. 18Mo vasia koratou e fare e kkai iei, muna atu rei ko Jesus, “Kuou e faka ari atu kia kotou te maori: Te tangata sokotasi ia kotou ka nai soria kuou; koia e kau kai komaua.”
19Te kau fanonga ku faka maa ma ku fakatafito o feesiri siri kiei, “Ko kee si see fakatuu mai kia kuou, nakoia?”
20Tera tongoi atu rei ko Jesus, “Koia te tangata ia kotou tino angafuru ma rua naa, koia e faka suu ko ana preti ki te longi ma kuou. 21Te Tama a Tangata ka mate pe te Pepa Tapu e muna koia ka mate, ka e fakaruru faka arofa maatea rei ki te tangata ka sori ea koia te Tama a Tangata kia rima o te faoa pariki! E fetau fangatasi rei ki te tangata nei ke see faanau mai.”
Te Kai Tapu o te Ariki
(Mat 26.26–30; Luk 22.14–20; 1 Cor 11.23–25)
22I ratou mo vasia e kkai iei, Jesus ne sau te preti, ne fai ko te rotu faka ue ue, totofi ea koia, ta sori rei ki na kau fanonga. Kae muna atu, “Sau o kai, teinei toku tino.”
23Tera sau ea koia ko te faangongo, ne fai ko te rotu o faka ue ue ki Tupua, ta sori rei kia ratou, ma koratou kaatoa ne inu kiei. 24Jesus ne muna atu, “Teinei toku toto e ringi ki tua mo te faoa kaatoa, toku toto e faka maru ki te tongi sanga a Tupua. 25Kuou e faka ari atu kia kotou te maori: Kuou ka see inu fokia koa waeni nei oko rei ki te aso kuou ka inu koa waeni foou i te Kainanga o Tupua.”
26Tera koratou ne pese ratou pese, ma e oro ki tua oro ki te Maunga i Olive.
Jesus e faka iro te faka fiti fiti anga a Peter
(Mat 26.31–35; Luk 22.31–34; Jon 13.36–38)
27Tera muna atu rei ko Jesus kia ratou, “Kotou kaatoa ka furi kese kae kotou tiakina rei kuou, natafito te Pepa Tapu e muna,
‘Tupua ka nai tamatea te tangata reo manu,
ka ma tofa vare arei koa sipi sipi.’
28 #
Mat 28.16. “Kae ia tua kuou ku faka masike ake ki te ora, kuou ka mua ia kotou o poi ki Galilee.”
29Tongoi atu rei ko Peter, “Kuou ka se ma tiaki rei ko kee, maafa rei onia faoa nei ka furi kese.”
30Muna atu rei ko Jesus kia Peter, “Kuou e faka ari atu kia kee te maori: Te vasia te kio siki tangi faka rua i te poo nei, ko kee ka muna faka toru ko kee se kee iroa ina kuou.”
31Tongoi rei ko Peter ku muna faka makeke rei, “Kuou ka se ma muna rei kuou ka se kau iroa ko kee, moa rei kotaua ka fetau mate rei!”
Ma na kau fanonga kaatoa rei ne muna faka peeraa.
Jesus e rotu i Gethsemane
(Mat 26.36–46; Luk 22.39–46)
32Koratou ne oomai ki te ngangea e ati ko Gethsemane, tera muna atu rei ko Jesus ki na kau fanonga, “Fare i kunei i vasia kuou e rotu iei.” 33Tera kave rei ea koia ko Peter, James, ma John. Koia ku faka tuasaa ma ku maatea na fakarongo neaisu ne au maatea rei kia koia, 34tera koia ne muna atu kia ratou, “Te arofa i toku fatu manava e sapa rei ka nai tamatea kuou; fare i kunei o arafaki.”
35Koia ne poi ke mavae atu, tokoturi ifo maso koia ki te kere ma e rotu pe ka ma fai, koia ka se nai urufia ko te vasia o fakarongo neaisu. 36Koia ne rotu, “Pa ee, toku Mmana! A nea kaatoa e ma fai kia ko kee; sau kese ki tua te faangongo o fakarongo neaisu nei ma kuou, kae siei toku fifia, kae tou fifia.”
37Tera foki rei koia ki na kau fanonga e toka toru, ta nai maua atu rei koratou e meeraki; tera muna atu rei koia kia Peter, “Ea, kotou e toka toru naa ku see ma fai ke arafaki rei ma kuou mo vasia molakea? 38Faka mata araara, o rotu ko kotou ka see feetoki ki te titipea ranga. Te mauri e fifia, kae te tino e losi.”
39Tera foki rei koia o poi o rotu, e muna ia taranga sokotasi. 40Tera koia ne foki mai, nai maua rei na kau fanonga e meeraki; koratou ku se ma ara o pula ko aratou mata. Ma ku se ratou iroa ina pe nia ma ratou ke mmuna kiei.
41Ta i na vasia ne foki faka toru mai, koia ne muna atu kia ratou, “Kotou e koi meeraki rei ma e maanava? Ku laoi! Te vasia ku au! Pula, i vakanga nei te Tama a Tangata ka soria kia makeke o faoa titisara. 42Turaki ki runga, ke tatou oro. Pula, teinei te tangata, koia ka nai soria ina kuou.”
Jesus ku pukea ria
(Mat 26.47–56; Luk 22.47–53; Jon 18.3–12)
43Jesus e koi muna rei vasia o Judas, koia te faka tino angafuru ma rua o te kau fanonga, ku oko mai ma tana kano faoa ma ratou rautoro ma ratou raakau taua, ne fakkau e nga ariki fai kava ma nga fakaako oa Fono ma nga matapure. 44Ko Judas te tataangutu koia ku sori te faka iro kia ratou, “Te tangata kuou ka songi kiei, tera totou tangata e fifia kiei. Puke koia o kave kae reosaki.”
45I mo vasia ko Judas ne oko mai kiei, ne poi arei kia Jesus, kae muna atu, “Te fakaako ee!” kae songi atu kiei. 46Tera koratou ne puke ko Jesus ke mau. 47Kae te tangata sokotasi i na kau fanonga ne taaki tana rautoro o nai sepea ria ko te taringa o te fai fekau a te Maurunga o nga Pure Fai kava. 48Tera ko Jesus ne karanga ma e muna atu kia ratou, “Ne oomai motou rautoro ma raakau taua ke puke kuou pe kuou te tangata saeaki ia fono? 49#Luk 19.47; 21.37.I nga aso katoa, kuou noko nofo ma kotou e fakaako i te Paito Tapu, kae kotou se ne kotou pukea ria kuou. Kae te Pepa Tapu ku faka tonusia ke au maori rei.”
50Tera na kau fanonga kaatoa ku ratou tiakina koia kae furi kese rei.
51Te tama riki riki tangata e uru ki ana suru mee ku tautari mai kia Jesus. Koratou ne fai ke ratou pukea koia, 52kae ne rere fua arei koia, kae tiakina rei ko na suru ki muri.
Jesus ia mua o te Kau Fono fono
(Mat 26.57–68; Luk 22.54–55; 22.63–71; Jon 18.13–14; 18.19–24)
53Tera ko Jesus ne ratou kaavea ki te paito o te Maurunga o nga Pure Fai kava, i ngangea koratou kaatoa, nga ariki fai kava, nga matapure, ma nga fakaako oa Fono, e taanaki kiei. 54Ko Peter ne tautari kiei e au faka totomuri mai, oko rei ki te vae tafaa fare o te paito o te Maurunga o nga Pure Fai kava, i ngangea koia ne nofo ki raro ma nga faoa reo, ne muru maso koia ki vae afi. 55Nga ariki fai kava ma te Kau Fono fono kaatoa ne sakiri o faara se atamai kanifini ke tukuaki kia Jesus, ke sau koia ke tukuna ki te mate, kae koratou se ne ratou maua ko se atamai. 56Ku tokarava rei ko faoa ne ono mata e mmuna faka lelesi o fai pariki kia Jesus kae ratou araara fanga si see tonu faka laoi.
57Tera rake taangata ne turaki ki runga o mmuna lelesi o fai pariki kia Jesus, 58#Jon 2.19.“Maua ne fakarongo kiei ne muna, ‘Kuou ka ofa ki raro te Paito Tapu nei ne taia e nga taangata, tera ia tua oa aso e toru, kuou ka taa te Paito Tapu se ne taia e nga taangata.’ ” 59Siei rei koraua koa rau araara fanga se ne fakatonu sia fokia.
60Te Maurunga o nga Pure Fai kava ne tuu i aratou mata kaatoa rei, kae feesiri kia Jesus, “E fai ko se tongoi ma au kia rau taranga e fai kia kee nei?”
61Kae ko Jesus e fakaturi ma se ne munaki rei se foi taranga. Tera te Maurunga o nga Pure Fai kava ne fesiri kiei fokia, “Ko kee siki te Ariki Fakaroro, te Tama a Tupua e Fakatapu?”
62Tongoi atu rei ko Jesus, “Kuou Koia. Kotou ka ono kaatoa rei ki te Tama a Tangata e nofo i te faasi matau o Tupua, te Uru o te Mana, ma ka fena ifo ma nga kauao o te vaerangi.”
63Tera te Maurunga o nga Pure Fai kava ne sae sae ko ana suru ma e muna, “Tatou ka see fai pe nia fokia! 64Kotou ne songoi fakarongo ki ana taranga faka puaka! Kotou e maanatu faka fefea?”
Tera koratou kaatoa ne karanga kiei, “Koia ku tokaa tera ku fetau fangatasi rei ke tukuna ki te mate.”
65Ko rake nea ia ratou ku tafito anu kia Jesus, ma ne ratou nootia ko ana mata, ma e tuki kiei, kae muna atu rei, “Muna mai rei pe koai ne tuki ia kee naa?” Ma faoa reo ne kave ea ratou ma ne ratou pakia ko ana mata.
Te peupeu ranga a Peter
(Mat 26.69–75; Luk 22.56–62; Jon 18.15–18; 18.25–27)
66Peter e koi tuu rei i te fafare i vasia te fafine i nga maatua faafine fai fekau a te Maurunga o nga Pure Fai kava ne au ki roto. 67Vasia koia ne nai ravea ko Peter e muru maso koia, koia ne ono tonu atu rei kia Peter, muna atu rei kiei, “Ko kee fokia ma Jesus o Nazareth.”
68Kae koia ne peupeu kiei ma e muna, “Kuou se kau iroa ina; kuou si see atetea pe nia ma au e muna kiei naa,” ma ne poi kese arei ki tua i te urufanga. [Mo vasia te kio ku tangi].
69Te fai fekau fafine ne nai ravea ina ko Peter e tuu i ngangea, ma ne fakatafito o araara faki atu ki faoa e turaki koratou, “Koia naa take tangata oa ratou!” 70Kae ko Peter ne peupeu fokia kiei.
Mo vasia molakea ko faoa e turaki koratou, ne ratou faka tautara sia ko Peter fokia, “Ko kee ka see peupeu ko kee e kau ia ratou, natafito ko kee fokia mai Galilee.”
71Tera ko Peter ne faka puaka, “Aku maori rei, Tupua ke nai fakkiroa mai kuou, pe kuou si see muna atu ma te tonu! Kuou si see kau iroa ina ko te tangata e araara kotou kiei naa!”
72Mo vasia te kio ku tangi faka rua, tera ko Peter ku fiti ake i na roto koa taranga a Jesus ne fai atu kiei, “Te vasia te kio siki tangi faka rua iei, ko kee ka muna faka toru ko kee se kee iroa ina kuou.” Tera koia ku tokaa ma e sari ko ana roimata ma e tangi.
Iliyochaguliwa sasa
Mark 14: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 14
14
Te tau purenga ke tamate ko Jesus
(Mat 26.1–5; Luk 22.1–2; Jon 11.45–53)
1I te vasia nei a foi aso e rua ku oko ki te aso o te Kai kai o te Faka sara anga ma te Kai kai oa Preti ne Tao Fua Fuarei, nga ariki fai kava ma nga fakaako oa Fono e ono ono se fai riu ara koai ke puke faka leku leku ko Jesus ke taa ke mate. 2Mmuna rei koratou, “Tatou ka see fai i te vasia te Kai kai, natafito te kanofenua naa kae featu.”
Jesus e faka roro ria i Bethany
(Mat 26.6–13; Jon 12.1–8)
3 #
Luk 7.37,38. Ko Jesus noko nofo i Bethany i te paito o Simon te tangata ne maua ria e te ngae ngae tino para e ati te lepa; ta te vasia o Jesus e kai iei, kae uru mai te maatua fafine ma tana faangongo ne fai kia ʻalapastaʼ e pii ia sinu manongi na tauvi e fai rei ki fea, ne fai mai mai te punai raakau e ati te ʻnardʼ. Sasara ea koia ko te faangongo ta ringi rei koa sua sinu manongi ki te poko uru o Jesus. 4Tera ko rake faoa i te kano fenua i ngangea ne maakeri, kae mmuna maso koratou ia, “Sea rei ku fai peri koa sua sinu manongi naa? 5E fetau fangatasi rei ke fai tauvi ke nai kaina ria koa fua te rau e toru ia foi mane, ta sori rei koa mane ki faoa faka ruru faka arofa.” Tera koratou ku maatea rei ratou fai fai ngutu kiei.
6Kae muna atu rei ko Jesus, “Kau see fai kiei! Sea na atamai kotou e fai kiei? E maatea rei na laoi ma na taurekareka a maatua fafine nei ne fai mai kia kuou. 7Kotou ka fare mau ma te kano fenua e fakaruru faka arofa i otou tafa, soko se vasia fuarei kotou e fifia ke soaki kia ratou, tera soaki rei; kae kuou ka see nofo mau ma kotou. 8Te maatua fafine nei ne fai pe nia ma ana e ma fai, koia ne ringi koa sua sinu manongi ki oku tino ke singa pena pena ki toku vasia ka tanu. 9Kuou e faka ari atu kia kotou te maori: Ia a ngangea fea te Rongo Laoi nei e tuufakina ria ia taangata kaatoa nei, ta pe nia ma te maatua fafine ne fai nei, ka araara fakina o faka maanatu kiei.”
Judas e fifia ke sori ko Jesus
(Mat 26.14–16; Luk 22.3–6)
10Tera ko Judas Iscariot, koia take tangata i te kau fanonga e tino angafuru ma rua, ne poi ki nga ariki fai kava ke sakiri ko ni riu ara ke sori ko Jesus kia ratou. 11Koratou ku maatea rei ratou vaki vaki ke fakarongo pe nia ma ana e fai ke muna kiei, ma e tongisaki ka sori atu kia koia koa mane. Tera ko Judas ne fakatafito o pula ki se vasia laoi ke sori atu ko Jesus kia ratou.
Jesus kau kai ma na kau fanonga i te Kai kai o te Faka sara anga
(Mat 26.17–25; Luk 22.7–14; 22.21–23; Jon 13.21–30)
12I te mataki aso o te Kai kai oa Preti ne Tao Fua Fuarei, te aso oa manu ki te Kai kai o te Faka sara anga ne taa iei, te kau fanonga o Jesus ne feesiri atu kia koia, “Te ngangea fea ko kee e fifia ke matou oro, o pena pena mai tou Kai kai o te Faka sara anga iei?”
13Tera ko Jesus ne fakkau e toka rua ia ratou ma ana taranga, “Oro ki te noforanga lasi, tera te tangata e amo tana fua vai ka fekitei kotou; tera tautari kiei ki na paito ka uru kiei, 14tera muna atu rei ki te tangata ona te paito, ‘Te fakaako e muna mai, “Tefea takua te rota paito kuou ma toku kau fanonga ka kkai te Kai kai o te Faka sara anga iei?” ’ 15Tera koia ka faka ari atu kia korua te ngangea lasi i runga, ne pena ma ne faariki; tera ngangea korua ka pena a nea kaatoa mo tatou.”
16Tera te kau fanonga ne oro ki te noforanga lasi, ma ne mau koa nea fakapera rei pea a Jesus ne faka ari atu kia raua, tera koraua ne pena te Kai kai o te Faka sara anga.
17Vasia ku afi afi, ko Jesus ne au ma ana kau fanonga e tino angafuru ma rua. 18Mo vasia koratou e fare e kkai iei, muna atu rei ko Jesus, “Kuou e faka ari atu kia kotou te maori: Te tangata sokotasi ia kotou ka nai soria kuou; koia e kau kai komaua.”
19Te kau fanonga ku faka maa ma ku fakatafito o feesiri siri kiei, “Ko kee si see fakatuu mai kia kuou, nakoia?”
20Tera tongoi atu rei ko Jesus, “Koia te tangata ia kotou tino angafuru ma rua naa, koia e faka suu ko ana preti ki te longi ma kuou. 21Te Tama a Tangata ka mate pe te Pepa Tapu e muna koia ka mate, ka e fakaruru faka arofa maatea rei ki te tangata ka sori ea koia te Tama a Tangata kia rima o te faoa pariki! E fetau fangatasi rei ki te tangata nei ke see faanau mai.”
Te Kai Tapu o te Ariki
(Mat 26.26–30; Luk 22.14–20; 1 Cor 11.23–25)
22I ratou mo vasia e kkai iei, Jesus ne sau te preti, ne fai ko te rotu faka ue ue, totofi ea koia, ta sori rei ki na kau fanonga. Kae muna atu, “Sau o kai, teinei toku tino.”
23Tera sau ea koia ko te faangongo, ne fai ko te rotu o faka ue ue ki Tupua, ta sori rei kia ratou, ma koratou kaatoa ne inu kiei. 24Jesus ne muna atu, “Teinei toku toto e ringi ki tua mo te faoa kaatoa, toku toto e faka maru ki te tongi sanga a Tupua. 25Kuou e faka ari atu kia kotou te maori: Kuou ka see inu fokia koa waeni nei oko rei ki te aso kuou ka inu koa waeni foou i te Kainanga o Tupua.”
26Tera koratou ne pese ratou pese, ma e oro ki tua oro ki te Maunga i Olive.
Jesus e faka iro te faka fiti fiti anga a Peter
(Mat 26.31–35; Luk 22.31–34; Jon 13.36–38)
27Tera muna atu rei ko Jesus kia ratou, “Kotou kaatoa ka furi kese kae kotou tiakina rei kuou, natafito te Pepa Tapu e muna,
‘Tupua ka nai tamatea te tangata reo manu,
ka ma tofa vare arei koa sipi sipi.’
28 #
Mat 28.16. “Kae ia tua kuou ku faka masike ake ki te ora, kuou ka mua ia kotou o poi ki Galilee.”
29Tongoi atu rei ko Peter, “Kuou ka se ma tiaki rei ko kee, maafa rei onia faoa nei ka furi kese.”
30Muna atu rei ko Jesus kia Peter, “Kuou e faka ari atu kia kee te maori: Te vasia te kio siki tangi faka rua i te poo nei, ko kee ka muna faka toru ko kee se kee iroa ina kuou.”
31Tongoi rei ko Peter ku muna faka makeke rei, “Kuou ka se ma muna rei kuou ka se kau iroa ko kee, moa rei kotaua ka fetau mate rei!”
Ma na kau fanonga kaatoa rei ne muna faka peeraa.
Jesus e rotu i Gethsemane
(Mat 26.36–46; Luk 22.39–46)
32Koratou ne oomai ki te ngangea e ati ko Gethsemane, tera muna atu rei ko Jesus ki na kau fanonga, “Fare i kunei i vasia kuou e rotu iei.” 33Tera kave rei ea koia ko Peter, James, ma John. Koia ku faka tuasaa ma ku maatea na fakarongo neaisu ne au maatea rei kia koia, 34tera koia ne muna atu kia ratou, “Te arofa i toku fatu manava e sapa rei ka nai tamatea kuou; fare i kunei o arafaki.”
35Koia ne poi ke mavae atu, tokoturi ifo maso koia ki te kere ma e rotu pe ka ma fai, koia ka se nai urufia ko te vasia o fakarongo neaisu. 36Koia ne rotu, “Pa ee, toku Mmana! A nea kaatoa e ma fai kia ko kee; sau kese ki tua te faangongo o fakarongo neaisu nei ma kuou, kae siei toku fifia, kae tou fifia.”
37Tera foki rei koia ki na kau fanonga e toka toru, ta nai maua atu rei koratou e meeraki; tera muna atu rei koia kia Peter, “Ea, kotou e toka toru naa ku see ma fai ke arafaki rei ma kuou mo vasia molakea? 38Faka mata araara, o rotu ko kotou ka see feetoki ki te titipea ranga. Te mauri e fifia, kae te tino e losi.”
39Tera foki rei koia o poi o rotu, e muna ia taranga sokotasi. 40Tera koia ne foki mai, nai maua rei na kau fanonga e meeraki; koratou ku se ma ara o pula ko aratou mata. Ma ku se ratou iroa ina pe nia ma ratou ke mmuna kiei.
41Ta i na vasia ne foki faka toru mai, koia ne muna atu kia ratou, “Kotou e koi meeraki rei ma e maanava? Ku laoi! Te vasia ku au! Pula, i vakanga nei te Tama a Tangata ka soria kia makeke o faoa titisara. 42Turaki ki runga, ke tatou oro. Pula, teinei te tangata, koia ka nai soria ina kuou.”
Jesus ku pukea ria
(Mat 26.47–56; Luk 22.47–53; Jon 18.3–12)
43Jesus e koi muna rei vasia o Judas, koia te faka tino angafuru ma rua o te kau fanonga, ku oko mai ma tana kano faoa ma ratou rautoro ma ratou raakau taua, ne fakkau e nga ariki fai kava ma nga fakaako oa Fono ma nga matapure. 44Ko Judas te tataangutu koia ku sori te faka iro kia ratou, “Te tangata kuou ka songi kiei, tera totou tangata e fifia kiei. Puke koia o kave kae reosaki.”
45I mo vasia ko Judas ne oko mai kiei, ne poi arei kia Jesus, kae muna atu, “Te fakaako ee!” kae songi atu kiei. 46Tera koratou ne puke ko Jesus ke mau. 47Kae te tangata sokotasi i na kau fanonga ne taaki tana rautoro o nai sepea ria ko te taringa o te fai fekau a te Maurunga o nga Pure Fai kava. 48Tera ko Jesus ne karanga ma e muna atu kia ratou, “Ne oomai motou rautoro ma raakau taua ke puke kuou pe kuou te tangata saeaki ia fono? 49#Luk 19.47; 21.37.I nga aso katoa, kuou noko nofo ma kotou e fakaako i te Paito Tapu, kae kotou se ne kotou pukea ria kuou. Kae te Pepa Tapu ku faka tonusia ke au maori rei.”
50Tera na kau fanonga kaatoa ku ratou tiakina koia kae furi kese rei.
51Te tama riki riki tangata e uru ki ana suru mee ku tautari mai kia Jesus. Koratou ne fai ke ratou pukea koia, 52kae ne rere fua arei koia, kae tiakina rei ko na suru ki muri.
Jesus ia mua o te Kau Fono fono
(Mat 26.57–68; Luk 22.54–55; 22.63–71; Jon 18.13–14; 18.19–24)
53Tera ko Jesus ne ratou kaavea ki te paito o te Maurunga o nga Pure Fai kava, i ngangea koratou kaatoa, nga ariki fai kava, nga matapure, ma nga fakaako oa Fono, e taanaki kiei. 54Ko Peter ne tautari kiei e au faka totomuri mai, oko rei ki te vae tafaa fare o te paito o te Maurunga o nga Pure Fai kava, i ngangea koia ne nofo ki raro ma nga faoa reo, ne muru maso koia ki vae afi. 55Nga ariki fai kava ma te Kau Fono fono kaatoa ne sakiri o faara se atamai kanifini ke tukuaki kia Jesus, ke sau koia ke tukuna ki te mate, kae koratou se ne ratou maua ko se atamai. 56Ku tokarava rei ko faoa ne ono mata e mmuna faka lelesi o fai pariki kia Jesus kae ratou araara fanga si see tonu faka laoi.
57Tera rake taangata ne turaki ki runga o mmuna lelesi o fai pariki kia Jesus, 58#Jon 2.19.“Maua ne fakarongo kiei ne muna, ‘Kuou ka ofa ki raro te Paito Tapu nei ne taia e nga taangata, tera ia tua oa aso e toru, kuou ka taa te Paito Tapu se ne taia e nga taangata.’ ” 59Siei rei koraua koa rau araara fanga se ne fakatonu sia fokia.
60Te Maurunga o nga Pure Fai kava ne tuu i aratou mata kaatoa rei, kae feesiri kia Jesus, “E fai ko se tongoi ma au kia rau taranga e fai kia kee nei?”
61Kae ko Jesus e fakaturi ma se ne munaki rei se foi taranga. Tera te Maurunga o nga Pure Fai kava ne fesiri kiei fokia, “Ko kee siki te Ariki Fakaroro, te Tama a Tupua e Fakatapu?”
62Tongoi atu rei ko Jesus, “Kuou Koia. Kotou ka ono kaatoa rei ki te Tama a Tangata e nofo i te faasi matau o Tupua, te Uru o te Mana, ma ka fena ifo ma nga kauao o te vaerangi.”
63Tera te Maurunga o nga Pure Fai kava ne sae sae ko ana suru ma e muna, “Tatou ka see fai pe nia fokia! 64Kotou ne songoi fakarongo ki ana taranga faka puaka! Kotou e maanatu faka fefea?”
Tera koratou kaatoa ne karanga kiei, “Koia ku tokaa tera ku fetau fangatasi rei ke tukuna ki te mate.”
65Ko rake nea ia ratou ku tafito anu kia Jesus, ma ne ratou nootia ko ana mata, ma e tuki kiei, kae muna atu rei, “Muna mai rei pe koai ne tuki ia kee naa?” Ma faoa reo ne kave ea ratou ma ne ratou pakia ko ana mata.
Te peupeu ranga a Peter
(Mat 26.69–75; Luk 22.56–62; Jon 18.15–18; 18.25–27)
66Peter e koi tuu rei i te fafare i vasia te fafine i nga maatua faafine fai fekau a te Maurunga o nga Pure Fai kava ne au ki roto. 67Vasia koia ne nai ravea ko Peter e muru maso koia, koia ne ono tonu atu rei kia Peter, muna atu rei kiei, “Ko kee fokia ma Jesus o Nazareth.”
68Kae koia ne peupeu kiei ma e muna, “Kuou se kau iroa ina; kuou si see atetea pe nia ma au e muna kiei naa,” ma ne poi kese arei ki tua i te urufanga. [Mo vasia te kio ku tangi].
69Te fai fekau fafine ne nai ravea ina ko Peter e tuu i ngangea, ma ne fakatafito o araara faki atu ki faoa e turaki koratou, “Koia naa take tangata oa ratou!” 70Kae ko Peter ne peupeu fokia kiei.
Mo vasia molakea ko faoa e turaki koratou, ne ratou faka tautara sia ko Peter fokia, “Ko kee ka see peupeu ko kee e kau ia ratou, natafito ko kee fokia mai Galilee.”
71Tera ko Peter ne faka puaka, “Aku maori rei, Tupua ke nai fakkiroa mai kuou, pe kuou si see muna atu ma te tonu! Kuou si see kau iroa ina ko te tangata e araara kotou kiei naa!”
72Mo vasia te kio ku tangi faka rua, tera ko Peter ku fiti ake i na roto koa taranga a Jesus ne fai atu kiei, “Te vasia te kio siki tangi faka rua iei, ko kee ka muna faka toru ko kee se kee iroa ina kuou.” Tera koia ku tokaa ma e sari ko ana roimata ma e tangi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.