Mark 13
13
Jesus e nai munakina ko te Paito Tapu ka fai pariki tia
(Mat 24.1–2; Luk 21.5–6)
1Vasia o Jesus e poi ki tua i te Paito Tapu, te tangata sokotasi i na kau fanonga ne muna ake, “Pula rei te fakaako ee, a matuaa fatu taurekareka ma paito taurekareka!”
2Tongoi atu rei ko Jesus, “Ko kee ku ono kia paito ku sapa rei? Siei rei se foi fatu sokotasi i kunei ka tukuna ke naa i na ngangea; a fatu kaatoa rei ka rakuna ifo ki raro.”
Te faka pariki ma te fakarongo neaisu ka au
(Mat 24.3–14; Luk 21.7–19)
3Ko Jesus noko nofo i te Maunga i Olive e angai ki te Paito Tapu, tera te vasia o Peter, James, John ma Andrew ne oomai kia koia maso koratou. 4Tera muna atu rei koratou, “Faka ari mai kia matou: I vasia fea rei ka fai ke faka sasa ria iei koa nea kaatoa, ma sea na faka mailonga ke iroa ina kaatoa rei ku oko kiei.”
5Tera muna atu rei ko Jesus kia ratou, “Faka matakite, ma see tuku rei pe koai ke nai lesia kotou. 6E kkapi rei ko nga taangata ka oomai i toku ingoa, ka mmuna, ‘Kuou koia!’ ma ka ratou lesia te kano fenua e tokarava. 7Tera kau see fai o tuasaa i vasia kotou e fakarongo ki te ooro o te tau ku piri mai ma a rongo o te tau e mmao mai. A fai ngangea nei ka faka sasa ria, kae siei te atamai te faka suku suku ku oko mai. 8Nga fenua ka featu maso koratou, nga kainanga ka fefeuaki maso koratou. Te ngaruru ka fai i nga ngangea kaatoa ma te onge. A nea nei ka fai e fai pe te mataki fakarongo neaisu anga o te faanau tama.
9 #
Mat 10.17–20; Luk 12.11,12. “Tera kotou maso kotou faka matakite kiei; kotou ka pukea ria ma e saua ria ki te faka tautara; kotou ka taia ria ia paito tataanaki; kotou ka turaki ia mata o faoa fono ma nga tii natafito ia kuou ke faka ari kia ratou te Rongo Laoi. 10Kae au raa ko te faka suku, te Rongo Laoi ka mataki tuufaki mua ki nga turaurau kaatoa. 11Tera vasia ko kotou ka saua ki te faka tautara, kau see faka tuasaa pe nia motou ka mmuna kiei. Munaki pe nia ne soria atu kia kotou. Kae a taranga kotou ka kotou munakina siei otou, kae ka aumai i te Mauri Tapu o Tupua.
12“Nga taangata ka sori ko aratou kee taina ke tukuna ki te mate, ma nga mmana ka fai fokia fakapera rei ki aratou tamariki; nga tamariki ka fakatau ki aratou maatua, o sau ea ratou o tuku ki te mate. 13#Mat 10.22.Faoa kaatoa ka tteke atu kia kotou fakatafito i toku ingoa, kae pe koai e tuu faka makeke oko rei ki te faka suku, ka faka saofia.
Te “Nea Faka mataku taku”
(Mat 24.15–28; Luk 21.20–24)
14“Kotou ka ono ki te ‘Nea Faka mataku taku’, ka tuu i te ngangea se tau fangatasi ke tuu iei.” (Faka maanatu pe koai e ttau: Ke atetea kia koia na atamai ki sea!) Tera pe koai ma koratou e fare i Judea ke furi kese rei kia ngangea e maurunga. 15#Luk 17.31.Pe koai e nofo i na tua paito ka see faka tuei ko na vasia o ifo ki raro ki na rota paito o sau pe nia ma ana ke kave. 16Pe koai e maua riaina i na tofi, ka see foki o poi ki na paito ke sau ko ana suru.
17“Ka fakaruru faka arofa maatea rei ki nga maatua faafine e fare ma ratou manava ia aso ai, ma nga maatua faafine ma ratou punai memea! 18Tera rotu ki Tupua kia nea nei ka see fai ia vasia sauanufea! 19#Rev 7.14.A sara o aso naa ka pariki maatea rei ma sara oa taangata ke iroa ina tafito mai rei mai te vasia o taangata nei ne faka tupu mai e Tupua, oko mai rei ki vasia nei. Siei pe nia ka fai faka peinei fokia. 20Kae te Ariki Tapu ku sepe o faka potu lake koa fakataunga o aso naa; pe si se ne fai ea koia, siei pe koai ka faka saofia. Natafito i na arofa ki na kano fenua ku faka patino, ta tera arei ne faka potulake koa fakataunga o aso naa.
21“Tera, kae pe koai ka muna atu kia kotou, ‘Pula, teinei te Ariki Fakaroro!’ pe: ‘Pula, teeraa koia ia!’ kau see fakatonu kiei. 22Natafito ko nga Ariki Fakaroro tataangutu ma nga ʻprophetʼ tataangutu ka faka saa. Koratou ka fai aratou furisanga ma aratou ngangea faka mate tino o toka roto te kano fenua ku faka patino e Tupua ke taafuri kese ma Tupua, pe ma fai. 23Kae tera faka matakite! Kuou ne araara atu kia kotou kia nea kaatoa kae oko raa te vasia ku au.
Te au ranga o te Tama a Tangata
(Mat 24.15–28; Luk 21.20–24)
24 #
Rev 6.12. “Ia aso ia tua o te vasia faka pariki,
‘Te raa ka fiti pouri,
te marama ka see tingi,
25 #
Rev 6.13. nga fetuu ka soro ifo mai te vaerangi,
ma a manuu i te vaerangi
ka nai turia kese aratou ngangea e oro kiei.’
26 #
Rev 1.7. “Tera te Tama a Tangata ka faka saa, ka au ia kauao ma na manuu ma na taurekareka. 27Koia ka fakkau ki tua nga ʻangelʼ kia faasi e faa oa taangata nei, tera ke faka ngiti mai te kano fenua ne faka patino e Tupua mai take potu ki take potu oa taangata kaatoa.
Te akona ki te raakau te ʻfigʼ
(Mat 24.32–35; Luk 21.29–33)
28“Tera tuku te raakau te ʻfigʼ ke nai fakaako ria atu kotou ko te atamai. Ta i te vasia ana raa ku tafito o fai ko ana rau raakau ku rau maatara iei, ta kotou iroa laoi rei, te vasia sau sau raa ku piri mai. 29Ia fai atamai sokotasi, ku kotou ravea ina a nea ku fai, ta ku kotou iroa ina te vasia ku piri mai, tera ku pena ke tafito. 30Kuou e faka ari atu kia kotou te maori: A nea katoa nei ka fai mua te vasia o te kano fenua e ora nei ku ngaro iei. 31Tera te vaerangi ma taangata nei ka faka lekutia, kae aku taranga ka si see ma faka leku tia rei.
Siei pe koai e nai iroa ko te aso pe te vasia
(Mat 24.36–44)
32 #
Mat 24.36. “Siei pe koai e nai iroa ko te aso pe te vasia fea ka au; siei fokia ko nga ʻangelʼ i te vaerangi; siei te Tama; kae te Mmana fuarei e nai iroa. 33Faka matakkite tera, natafito see kotou iroa ina te vasia ka au iei. 34#Luk 12.36–38.Ka fai pe te tangata koia e poi kese ma na noforanga o poi kae tuku rei ko ana faoa fai fekau ke oono, ia tua ku tasi fai ea koia a ratou fainga fekau ke fai; kae fai rei koa taranga kia koia e reo i te urufanga ke nofo kae oono. 35Faka matakkite tera, natafito si se kotou iroa ina pe te vasia fea te tangata ona paito ka au iei, matea i te afi afi, pe i te turua poo, pe i vasia ia ata, pe te raa ku fiti. 36Kae koia ke au arei, koia see fetau fangatasi ke nai maua mai kotou e mmee. 37Pe nia ma aku e muna kia kotou, tera, kuou e mmuna kia kotou kaatoa: Faka matakite!”
Iliyochaguliwa sasa
Mark 13: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 13
13
Jesus e nai munakina ko te Paito Tapu ka fai pariki tia
(Mat 24.1–2; Luk 21.5–6)
1Vasia o Jesus e poi ki tua i te Paito Tapu, te tangata sokotasi i na kau fanonga ne muna ake, “Pula rei te fakaako ee, a matuaa fatu taurekareka ma paito taurekareka!”
2Tongoi atu rei ko Jesus, “Ko kee ku ono kia paito ku sapa rei? Siei rei se foi fatu sokotasi i kunei ka tukuna ke naa i na ngangea; a fatu kaatoa rei ka rakuna ifo ki raro.”
Te faka pariki ma te fakarongo neaisu ka au
(Mat 24.3–14; Luk 21.7–19)
3Ko Jesus noko nofo i te Maunga i Olive e angai ki te Paito Tapu, tera te vasia o Peter, James, John ma Andrew ne oomai kia koia maso koratou. 4Tera muna atu rei koratou, “Faka ari mai kia matou: I vasia fea rei ka fai ke faka sasa ria iei koa nea kaatoa, ma sea na faka mailonga ke iroa ina kaatoa rei ku oko kiei.”
5Tera muna atu rei ko Jesus kia ratou, “Faka matakite, ma see tuku rei pe koai ke nai lesia kotou. 6E kkapi rei ko nga taangata ka oomai i toku ingoa, ka mmuna, ‘Kuou koia!’ ma ka ratou lesia te kano fenua e tokarava. 7Tera kau see fai o tuasaa i vasia kotou e fakarongo ki te ooro o te tau ku piri mai ma a rongo o te tau e mmao mai. A fai ngangea nei ka faka sasa ria, kae siei te atamai te faka suku suku ku oko mai. 8Nga fenua ka featu maso koratou, nga kainanga ka fefeuaki maso koratou. Te ngaruru ka fai i nga ngangea kaatoa ma te onge. A nea nei ka fai e fai pe te mataki fakarongo neaisu anga o te faanau tama.
9 #
Mat 10.17–20; Luk 12.11,12. “Tera kotou maso kotou faka matakite kiei; kotou ka pukea ria ma e saua ria ki te faka tautara; kotou ka taia ria ia paito tataanaki; kotou ka turaki ia mata o faoa fono ma nga tii natafito ia kuou ke faka ari kia ratou te Rongo Laoi. 10Kae au raa ko te faka suku, te Rongo Laoi ka mataki tuufaki mua ki nga turaurau kaatoa. 11Tera vasia ko kotou ka saua ki te faka tautara, kau see faka tuasaa pe nia motou ka mmuna kiei. Munaki pe nia ne soria atu kia kotou. Kae a taranga kotou ka kotou munakina siei otou, kae ka aumai i te Mauri Tapu o Tupua.
12“Nga taangata ka sori ko aratou kee taina ke tukuna ki te mate, ma nga mmana ka fai fokia fakapera rei ki aratou tamariki; nga tamariki ka fakatau ki aratou maatua, o sau ea ratou o tuku ki te mate. 13#Mat 10.22.Faoa kaatoa ka tteke atu kia kotou fakatafito i toku ingoa, kae pe koai e tuu faka makeke oko rei ki te faka suku, ka faka saofia.
Te “Nea Faka mataku taku”
(Mat 24.15–28; Luk 21.20–24)
14“Kotou ka ono ki te ‘Nea Faka mataku taku’, ka tuu i te ngangea se tau fangatasi ke tuu iei.” (Faka maanatu pe koai e ttau: Ke atetea kia koia na atamai ki sea!) Tera pe koai ma koratou e fare i Judea ke furi kese rei kia ngangea e maurunga. 15#Luk 17.31.Pe koai e nofo i na tua paito ka see faka tuei ko na vasia o ifo ki raro ki na rota paito o sau pe nia ma ana ke kave. 16Pe koai e maua riaina i na tofi, ka see foki o poi ki na paito ke sau ko ana suru.
17“Ka fakaruru faka arofa maatea rei ki nga maatua faafine e fare ma ratou manava ia aso ai, ma nga maatua faafine ma ratou punai memea! 18Tera rotu ki Tupua kia nea nei ka see fai ia vasia sauanufea! 19#Rev 7.14.A sara o aso naa ka pariki maatea rei ma sara oa taangata ke iroa ina tafito mai rei mai te vasia o taangata nei ne faka tupu mai e Tupua, oko mai rei ki vasia nei. Siei pe nia ka fai faka peinei fokia. 20Kae te Ariki Tapu ku sepe o faka potu lake koa fakataunga o aso naa; pe si se ne fai ea koia, siei pe koai ka faka saofia. Natafito i na arofa ki na kano fenua ku faka patino, ta tera arei ne faka potulake koa fakataunga o aso naa.
21“Tera, kae pe koai ka muna atu kia kotou, ‘Pula, teinei te Ariki Fakaroro!’ pe: ‘Pula, teeraa koia ia!’ kau see fakatonu kiei. 22Natafito ko nga Ariki Fakaroro tataangutu ma nga ʻprophetʼ tataangutu ka faka saa. Koratou ka fai aratou furisanga ma aratou ngangea faka mate tino o toka roto te kano fenua ku faka patino e Tupua ke taafuri kese ma Tupua, pe ma fai. 23Kae tera faka matakite! Kuou ne araara atu kia kotou kia nea kaatoa kae oko raa te vasia ku au.
Te au ranga o te Tama a Tangata
(Mat 24.15–28; Luk 21.20–24)
24 #
Rev 6.12. “Ia aso ia tua o te vasia faka pariki,
‘Te raa ka fiti pouri,
te marama ka see tingi,
25 #
Rev 6.13. nga fetuu ka soro ifo mai te vaerangi,
ma a manuu i te vaerangi
ka nai turia kese aratou ngangea e oro kiei.’
26 #
Rev 1.7. “Tera te Tama a Tangata ka faka saa, ka au ia kauao ma na manuu ma na taurekareka. 27Koia ka fakkau ki tua nga ʻangelʼ kia faasi e faa oa taangata nei, tera ke faka ngiti mai te kano fenua ne faka patino e Tupua mai take potu ki take potu oa taangata kaatoa.
Te akona ki te raakau te ʻfigʼ
(Mat 24.32–35; Luk 21.29–33)
28“Tera tuku te raakau te ʻfigʼ ke nai fakaako ria atu kotou ko te atamai. Ta i te vasia ana raa ku tafito o fai ko ana rau raakau ku rau maatara iei, ta kotou iroa laoi rei, te vasia sau sau raa ku piri mai. 29Ia fai atamai sokotasi, ku kotou ravea ina a nea ku fai, ta ku kotou iroa ina te vasia ku piri mai, tera ku pena ke tafito. 30Kuou e faka ari atu kia kotou te maori: A nea katoa nei ka fai mua te vasia o te kano fenua e ora nei ku ngaro iei. 31Tera te vaerangi ma taangata nei ka faka lekutia, kae aku taranga ka si see ma faka leku tia rei.
Siei pe koai e nai iroa ko te aso pe te vasia
(Mat 24.36–44)
32 #
Mat 24.36. “Siei pe koai e nai iroa ko te aso pe te vasia fea ka au; siei fokia ko nga ʻangelʼ i te vaerangi; siei te Tama; kae te Mmana fuarei e nai iroa. 33Faka matakkite tera, natafito see kotou iroa ina te vasia ka au iei. 34#Luk 12.36–38.Ka fai pe te tangata koia e poi kese ma na noforanga o poi kae tuku rei ko ana faoa fai fekau ke oono, ia tua ku tasi fai ea koia a ratou fainga fekau ke fai; kae fai rei koa taranga kia koia e reo i te urufanga ke nofo kae oono. 35Faka matakkite tera, natafito si se kotou iroa ina pe te vasia fea te tangata ona paito ka au iei, matea i te afi afi, pe i te turua poo, pe i vasia ia ata, pe te raa ku fiti. 36Kae koia ke au arei, koia see fetau fangatasi ke nai maua mai kotou e mmee. 37Pe nia ma aku e muna kia kotou, tera, kuou e mmuna kia kotou kaatoa: Faka matakite!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.