Mark 12
12
Te araara fanga faka tautau kia faoa e oono i te tofi waeni
(Mat 21.33–46; Luk 20.9–19)
1Tera ko Jesus ne araara kia ratou ia araara fanga faka tautau, “Nai take vasia, te tangata ne too ko na maara, fai ma ana saisai vakai, keri ma na rua kumi oa fufua ʻgrapeʼ, ma ne taa ma ana paito reo. Ta tuku rei ea koia ko na tofi ki faoa ke reo iei, kae poi rei ki take potu fenua e mmao. 2Tera ku oko te vasia o te tofi ku matua iei, tera fakkau rei tana fai fekau ki faoa reo ke sori mai ko na vaenga mai ia ratou fainga kai. 3Ko faoa reo ne ratou pukea ko te fai fekau, ratou tukia ria koia, ma ne ratou fakkauna ke foki siei pe sea ne soria kiei. 4Tera te tangata ona te tofi fakkau rei fokia take fai fekau ki faoa reo; ne ratou patungia ria ko ana mata ma ne ratou faia ria ke faka ruru faka maa. 5Tangata ona te tofi ne fakkau ko take fai fekau ma ne ratou taia ria; koratou ne fai fakapera rei pe ne fai ki rake faoa fokia, ne ratou taia ma ne ratou tamatea ko rake faoa. 6Tera koia ku tee ke fakkau ke poi te tama fangasere maori rei a tangata. Tera faka muri muri katoa rei koia ne fakkau ko tana kee tama ia ke poi ki faoa reo. Muna rei koia, ‘Matea koratou ka ratou faka epa ria ko taku tama nei.’ 7Kae nga faoa reo ne tau araara maso koratou, ‘Teinei te tama maori a tangata ona te tofi. Oomai ke tatou tamatea ria ki aatea, ta sau raa ea tatou ko na tofi.’ 8Tera koratou ne ratou pukea koia, ma ne tamate rei ea ratou, kae peia rei ko na tino ki tua ma te tofi.”
9Tera fesiri atu rei ko Jesus, “A nia rei ma tangata ona te tofi ka fai ki ana faoa reo? Koia ka poi, nai taia rei faoa reo, kae sori rei ko na tofi ki rake faoa. 10Ea? Kotou si se ne kotou taua i te Pepa Tapu e muna:
‘Te fatu rei ne tiakina e faoa taa paito,
ku siaki te matuaa fatu rei o te paito!
11Teinei ne fai e Tupua,
ma e faka maseke ia tatou mata!’?”
12Nga fakarongo ranga o nga Jew ne fai ke puke ko Jesus, natafito ne ratou iroa ina koia ne araara faki te araara fanga faka tautau kia ratou. Kae koratou ne maattaku i te kano fenua, tera ne ratou tiakina ria koia kae oro kese arei.
Te fesiri kia tauvi o takisi
(Mat 22.15–22; Luk 20.20–26)
13Rake Pharisee ma rake faoa a Herod ne fakkau ke oro kia Jesus ke titipea kia fesiri. 14Ratou ne oomai kiei, muna atu rei kiei, “Te fakaako ee, e matou iroa ina ko kee e munaki ko te tonu, ma e see tuasaa kia fai maanatu o te kano fenua. Ko kee see maanatu pe ke ono ki aratou fakataunga, kae akonaki koa tukunga maori o Tupua ki nga taangata. Faka ari mai kia matou: Ea? E sara ia tatou fono ke tauvi takisi kia Sisa, ko te Empra o nga Roman? Matou ka tauvi kiei o pe siei?”
15Kae ko Jesus ne nai ravea ina ia ratou toka roto, ta tongoi rei, “Sea na atamai kotou e oomai o toka roto mai kia kuou? Sau mai foi mane naa, o tuku mai kau ono kiei.”
16Sau mai rei ea ratou kiei e sokotasi, ta fesiri rei koia, “Oai koa mata ma te ingoa e tuu iei nei?”
Tongoi rei koratou, “O te Empra o nga Roman.”
17Tera muna atu rei ko Jesus, “Tera rei, tauvi ki te Empra pe nia ma te Empra, ma e tauvi ki Tupua pe nia ma Tupua.”
Tera koratou ku fereki ko aratou mauri kia Jesus.
Te fesiri ki te masike ranga mai te mate
(Mat 22.23–33; Luk 20.27–40)
18 #
Act 23.8. Tera rake Sadducee ne oomai kia Jesus. Koratou koa faoa ne mmuna te kano fenua ka see masike ake mai te mate. 19Koratou ne muna atu, “Te fakaako ee, Moses ne tusi koa fono nei ma tatou: ‘Te tangata e mate ta nofo na nofine kae siei ni tama, na taina ke avanga rei ki te tangi soa ke fai ni tama ma na taina ku mate.’ 20Take vasia nga tau faanau e toka fitu, te uru matua ne avanga kae ne mate, kae siei ni tama ma ana. 21Tera na tao ne avanga ki fafine, koia fokia ne mate arei se ne tau tama fokia; a fainga sokotasi ne fai ki ratou toka toru. 22Tera ne mori katoa rei i nga tau faanau e toka fitu katoa rei ne avanga ki maatua fafine, tera ne mmate siei ni tama ma ratou ne fai. Faka muri muri rei ia ratou kaatoa, ta kae mate te maatua fafine. 23Tera, i vasia o te mate kaatoa ka maasike ki te ora i te aso o te faka masike ranga, oai reia te nofine ka fai? Natafito koratou kaatoa ne avanga fakaoti rei kiei.”
24Tongoi atu rei ko Jesus kia ratou, “Kotou e atamai sara! E kotou iroa ina pe sea na atamai? Natafito kotou si se kotou iroa ina ko te Pepa Tapu o pe te manuu o Tupua. 25Natafito i te vasia o te mate e maasike ki te ora, koratou ka fai pe nga ʻangelʼ o te vaerangi ka si see avanga. 26Ki te fai o te mate ka faka masike ria mai, ea, kotou se ne tau i te kupi taranga i te Pepa a Moses te riu ara i te uruvao ne vera? Tera ne tusia ina Tupua ne muna kia Moses,
‘Kuou te Tupua o Abraham,
te Tupua o Isaac,
ma te Tupua o Jacob’,
“maafa rei koratou ne mmate fakaoti.
27“Koia te Tupua o te faoa ora, kae siei o te faoa mmate. Kotou e sara katoa rei!”
Te matuaa fono
(Mat 22.34–40; Luk 10.25–28)
28Te fakaako oa Fono noko nofo i kuraa o fakarongo ki aratou araara fanga, ta fakarongo rei koia ko Jesus ne tongoi laoi ki nga Sadducee, tera au rei koia kiei ma te fesiri: “Tefea te matuaa fono e sapa ia fono kaatoa?”
29Ta muna atu rei ko Jesus, “Teinei te matuaa fono e sapa:
‘Fakarongo, kotou nga Israel!
Te Ariki Tapu tatou Tupua,
koia fuarei te Ariki Tapu.
30Fakapere ki te Ariki tou Tupua,
ma tou fatu manava katoa,
ma tou ora katoa,
ma tou atamai katoa,
ma tou makeke katoa rei.’
31“Te rua oa matuaa fono e faka peinei:
‘Ko kee fakapere ki ou faoa
pe ko kee e fakapere kia kee maso kee!’
“Siei se fono ke sapa ma fono e rua nei.”
32Tera muna atu rei te fakaako oa Fono kia Jesus, “E maatea na laoi te fakaako ee! E tonu rei au e muna naa, te Ariki Tapu fuarei te Tupua, kae siei fokia se Tupua kae koia fuarei. 33Ma ke fakapere ki Tupua ma otou fatu manava kaatoa ma otou atamai kaatoa ma otou makeke kaatoa rei; ma ke fakapere ki ou faoa pe ko kee e fakapere kia kee maso kee. E sapa kese rei ma kotou e sori koa manu ma rake sori o kavaaki ki Tupua.”
34 #
Luk 10.25–28. Jesus ku nai matea koia i tana mata purotu i ana tongoi ranga, tera muna atu rei ko Jesus kiei, “Ko kee si see mmao rei ma te Kainanga o Tupua.”
Tera ia tua nei siei rei pe koai ke maanatu ke fesiri fokia kiei.
Te fesiri ki te Ariki Fakaroro
(Mat 22.41–46; Luk 20.41–44)
35Vasia o Jesus ku fakaako i te Paito Tapu, koia ne fesiri atu, “Faka fefea nga fakaako oa Fono ke muna ki te Ariki Fakaroro ka faia mai te afu o David? 36Te Mauri Tapu o Tupua ne faka atetea kia David ke muna:
‘Tupua ne muna ki toku Ariki:
nofo ki raro i toku faasi matau,
oko rei ki vasia ka kau tukuna ko ou faoa tau firi firi ki araro ou rafi vae.’
37“Ko David maso koia ne karanga kiei te Ariki; e ma faia faka fefea rei, te Ariki Fakaroro ke afu mai a David?”
Jesus e faka iro ke faka matakite ia fakaako oa Fono
(Mat 23.1–36; Luk 20.45–47)
E tokkapi rei te kano fenua ne fakarongo kia Jesus ne maatea rei ratou vaki vaki. 38Na vasia koia e akonaki koratou, koia ne faka iro atu kia ratou, “Faka matakite ki nga fakaako oa Fono, koratou e fifia ke oro saere e fe urufi ki aratou suru e fingauoro ma ke rausapaia ria ma te faka epa ia ngangea makete. 39Koratou e fifia ke fare kia noforanga laoi ia paito taanaki, ma ke fare kia ngangea laoi ia kai kai. 40Koratou toka roto ria ko nga tangi soa, ma e ratou kaiaa tia ria ko aratou noforanga, kae moa rei koratou e fai faka peinei, koratou e fai ko aratou rotu roa o lelesi. Kae ratou fakkiro ka faia ria kia ratou kaatoa ka maatea rei na pariki.”
Te sori a te tangi soa faka arofa
(Luk 21.1–4)
41Vasia o Jesus e nofo i rota Paito Tapu, ne nofo piri piri ki te tanga fao mane o te Paito Tapu, koia e ono ki te kano fenua i vasia koratou e fao ki roto ko ratou mane. Nga taangata taufenua e fao ki roto a ratou mane e rava rei. 42Tera te tangi soa faka arofa ne au o fao ki roto e rua koa foi para silen, e maurunga pe foi pene sokotasi fuarei. 43Karanga atu rei ko Jesus ki na kau fanonga kaatoa, kae muna atu kia ratou, “Kuou e faka ari atu kia kotou te maori: Ko te tangi soa faka arofa nei, a ana ne fao nei ki te tanga fao mane e sapa rei ma koratou kaatoa. 44Natafito rake faoa ne fao ki roto ko aratou mane fakatausara ia ratou taufenua, kae te tangi soa faka arofa nei koia ne fao ki roto kaatoa rei pe nia ma ana e fai, koia ne sori kaatoa rei pe nia ma ana ka faka ora kiei.”
Iliyochaguliwa sasa
Mark 12: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 12
12
Te araara fanga faka tautau kia faoa e oono i te tofi waeni
(Mat 21.33–46; Luk 20.9–19)
1Tera ko Jesus ne araara kia ratou ia araara fanga faka tautau, “Nai take vasia, te tangata ne too ko na maara, fai ma ana saisai vakai, keri ma na rua kumi oa fufua ʻgrapeʼ, ma ne taa ma ana paito reo. Ta tuku rei ea koia ko na tofi ki faoa ke reo iei, kae poi rei ki take potu fenua e mmao. 2Tera ku oko te vasia o te tofi ku matua iei, tera fakkau rei tana fai fekau ki faoa reo ke sori mai ko na vaenga mai ia ratou fainga kai. 3Ko faoa reo ne ratou pukea ko te fai fekau, ratou tukia ria koia, ma ne ratou fakkauna ke foki siei pe sea ne soria kiei. 4Tera te tangata ona te tofi fakkau rei fokia take fai fekau ki faoa reo; ne ratou patungia ria ko ana mata ma ne ratou faia ria ke faka ruru faka maa. 5Tangata ona te tofi ne fakkau ko take fai fekau ma ne ratou taia ria; koratou ne fai fakapera rei pe ne fai ki rake faoa fokia, ne ratou taia ma ne ratou tamatea ko rake faoa. 6Tera koia ku tee ke fakkau ke poi te tama fangasere maori rei a tangata. Tera faka muri muri katoa rei koia ne fakkau ko tana kee tama ia ke poi ki faoa reo. Muna rei koia, ‘Matea koratou ka ratou faka epa ria ko taku tama nei.’ 7Kae nga faoa reo ne tau araara maso koratou, ‘Teinei te tama maori a tangata ona te tofi. Oomai ke tatou tamatea ria ki aatea, ta sau raa ea tatou ko na tofi.’ 8Tera koratou ne ratou pukea koia, ma ne tamate rei ea ratou, kae peia rei ko na tino ki tua ma te tofi.”
9Tera fesiri atu rei ko Jesus, “A nia rei ma tangata ona te tofi ka fai ki ana faoa reo? Koia ka poi, nai taia rei faoa reo, kae sori rei ko na tofi ki rake faoa. 10Ea? Kotou si se ne kotou taua i te Pepa Tapu e muna:
‘Te fatu rei ne tiakina e faoa taa paito,
ku siaki te matuaa fatu rei o te paito!
11Teinei ne fai e Tupua,
ma e faka maseke ia tatou mata!’?”
12Nga fakarongo ranga o nga Jew ne fai ke puke ko Jesus, natafito ne ratou iroa ina koia ne araara faki te araara fanga faka tautau kia ratou. Kae koratou ne maattaku i te kano fenua, tera ne ratou tiakina ria koia kae oro kese arei.
Te fesiri kia tauvi o takisi
(Mat 22.15–22; Luk 20.20–26)
13Rake Pharisee ma rake faoa a Herod ne fakkau ke oro kia Jesus ke titipea kia fesiri. 14Ratou ne oomai kiei, muna atu rei kiei, “Te fakaako ee, e matou iroa ina ko kee e munaki ko te tonu, ma e see tuasaa kia fai maanatu o te kano fenua. Ko kee see maanatu pe ke ono ki aratou fakataunga, kae akonaki koa tukunga maori o Tupua ki nga taangata. Faka ari mai kia matou: Ea? E sara ia tatou fono ke tauvi takisi kia Sisa, ko te Empra o nga Roman? Matou ka tauvi kiei o pe siei?”
15Kae ko Jesus ne nai ravea ina ia ratou toka roto, ta tongoi rei, “Sea na atamai kotou e oomai o toka roto mai kia kuou? Sau mai foi mane naa, o tuku mai kau ono kiei.”
16Sau mai rei ea ratou kiei e sokotasi, ta fesiri rei koia, “Oai koa mata ma te ingoa e tuu iei nei?”
Tongoi rei koratou, “O te Empra o nga Roman.”
17Tera muna atu rei ko Jesus, “Tera rei, tauvi ki te Empra pe nia ma te Empra, ma e tauvi ki Tupua pe nia ma Tupua.”
Tera koratou ku fereki ko aratou mauri kia Jesus.
Te fesiri ki te masike ranga mai te mate
(Mat 22.23–33; Luk 20.27–40)
18 #
Act 23.8. Tera rake Sadducee ne oomai kia Jesus. Koratou koa faoa ne mmuna te kano fenua ka see masike ake mai te mate. 19Koratou ne muna atu, “Te fakaako ee, Moses ne tusi koa fono nei ma tatou: ‘Te tangata e mate ta nofo na nofine kae siei ni tama, na taina ke avanga rei ki te tangi soa ke fai ni tama ma na taina ku mate.’ 20Take vasia nga tau faanau e toka fitu, te uru matua ne avanga kae ne mate, kae siei ni tama ma ana. 21Tera na tao ne avanga ki fafine, koia fokia ne mate arei se ne tau tama fokia; a fainga sokotasi ne fai ki ratou toka toru. 22Tera ne mori katoa rei i nga tau faanau e toka fitu katoa rei ne avanga ki maatua fafine, tera ne mmate siei ni tama ma ratou ne fai. Faka muri muri rei ia ratou kaatoa, ta kae mate te maatua fafine. 23Tera, i vasia o te mate kaatoa ka maasike ki te ora i te aso o te faka masike ranga, oai reia te nofine ka fai? Natafito koratou kaatoa ne avanga fakaoti rei kiei.”
24Tongoi atu rei ko Jesus kia ratou, “Kotou e atamai sara! E kotou iroa ina pe sea na atamai? Natafito kotou si se kotou iroa ina ko te Pepa Tapu o pe te manuu o Tupua. 25Natafito i te vasia o te mate e maasike ki te ora, koratou ka fai pe nga ʻangelʼ o te vaerangi ka si see avanga. 26Ki te fai o te mate ka faka masike ria mai, ea, kotou se ne tau i te kupi taranga i te Pepa a Moses te riu ara i te uruvao ne vera? Tera ne tusia ina Tupua ne muna kia Moses,
‘Kuou te Tupua o Abraham,
te Tupua o Isaac,
ma te Tupua o Jacob’,
“maafa rei koratou ne mmate fakaoti.
27“Koia te Tupua o te faoa ora, kae siei o te faoa mmate. Kotou e sara katoa rei!”
Te matuaa fono
(Mat 22.34–40; Luk 10.25–28)
28Te fakaako oa Fono noko nofo i kuraa o fakarongo ki aratou araara fanga, ta fakarongo rei koia ko Jesus ne tongoi laoi ki nga Sadducee, tera au rei koia kiei ma te fesiri: “Tefea te matuaa fono e sapa ia fono kaatoa?”
29Ta muna atu rei ko Jesus, “Teinei te matuaa fono e sapa:
‘Fakarongo, kotou nga Israel!
Te Ariki Tapu tatou Tupua,
koia fuarei te Ariki Tapu.
30Fakapere ki te Ariki tou Tupua,
ma tou fatu manava katoa,
ma tou ora katoa,
ma tou atamai katoa,
ma tou makeke katoa rei.’
31“Te rua oa matuaa fono e faka peinei:
‘Ko kee fakapere ki ou faoa
pe ko kee e fakapere kia kee maso kee!’
“Siei se fono ke sapa ma fono e rua nei.”
32Tera muna atu rei te fakaako oa Fono kia Jesus, “E maatea na laoi te fakaako ee! E tonu rei au e muna naa, te Ariki Tapu fuarei te Tupua, kae siei fokia se Tupua kae koia fuarei. 33Ma ke fakapere ki Tupua ma otou fatu manava kaatoa ma otou atamai kaatoa ma otou makeke kaatoa rei; ma ke fakapere ki ou faoa pe ko kee e fakapere kia kee maso kee. E sapa kese rei ma kotou e sori koa manu ma rake sori o kavaaki ki Tupua.”
34 #
Luk 10.25–28. Jesus ku nai matea koia i tana mata purotu i ana tongoi ranga, tera muna atu rei ko Jesus kiei, “Ko kee si see mmao rei ma te Kainanga o Tupua.”
Tera ia tua nei siei rei pe koai ke maanatu ke fesiri fokia kiei.
Te fesiri ki te Ariki Fakaroro
(Mat 22.41–46; Luk 20.41–44)
35Vasia o Jesus ku fakaako i te Paito Tapu, koia ne fesiri atu, “Faka fefea nga fakaako oa Fono ke muna ki te Ariki Fakaroro ka faia mai te afu o David? 36Te Mauri Tapu o Tupua ne faka atetea kia David ke muna:
‘Tupua ne muna ki toku Ariki:
nofo ki raro i toku faasi matau,
oko rei ki vasia ka kau tukuna ko ou faoa tau firi firi ki araro ou rafi vae.’
37“Ko David maso koia ne karanga kiei te Ariki; e ma faia faka fefea rei, te Ariki Fakaroro ke afu mai a David?”
Jesus e faka iro ke faka matakite ia fakaako oa Fono
(Mat 23.1–36; Luk 20.45–47)
E tokkapi rei te kano fenua ne fakarongo kia Jesus ne maatea rei ratou vaki vaki. 38Na vasia koia e akonaki koratou, koia ne faka iro atu kia ratou, “Faka matakite ki nga fakaako oa Fono, koratou e fifia ke oro saere e fe urufi ki aratou suru e fingauoro ma ke rausapaia ria ma te faka epa ia ngangea makete. 39Koratou e fifia ke fare kia noforanga laoi ia paito taanaki, ma ke fare kia ngangea laoi ia kai kai. 40Koratou toka roto ria ko nga tangi soa, ma e ratou kaiaa tia ria ko aratou noforanga, kae moa rei koratou e fai faka peinei, koratou e fai ko aratou rotu roa o lelesi. Kae ratou fakkiro ka faia ria kia ratou kaatoa ka maatea rei na pariki.”
Te sori a te tangi soa faka arofa
(Luk 21.1–4)
41Vasia o Jesus e nofo i rota Paito Tapu, ne nofo piri piri ki te tanga fao mane o te Paito Tapu, koia e ono ki te kano fenua i vasia koratou e fao ki roto ko ratou mane. Nga taangata taufenua e fao ki roto a ratou mane e rava rei. 42Tera te tangi soa faka arofa ne au o fao ki roto e rua koa foi para silen, e maurunga pe foi pene sokotasi fuarei. 43Karanga atu rei ko Jesus ki na kau fanonga kaatoa, kae muna atu kia ratou, “Kuou e faka ari atu kia kotou te maori: Ko te tangi soa faka arofa nei, a ana ne fao nei ki te tanga fao mane e sapa rei ma koratou kaatoa. 44Natafito rake faoa ne fao ki roto ko aratou mane fakatausara ia ratou taufenua, kae te tangi soa faka arofa nei koia ne fao ki roto kaatoa rei pe nia ma ana e fai, koia ne sori kaatoa rei pe nia ma ana ka faka ora kiei.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.