Mark 11
11
Jesus e uru ma te maaroo ki Jerusalem
(Mat 21.1–11; Luk 19.28–40; Jon 12.12–19)
1Tera te vasia koratou ne oomai ku oko ki Jerusalem e piri piri kia noforanga i Bethphage ma Bethany, koratou ne oomai ki te Maunga i Olive. Jesus ne fakkau e toka rua i na kau fanonga ke mua i mua. 2Tera muna atu rei kia raua, “Oro ki te noforanga e tuu mai i mua. Toru vasia ka oko kiei, korua ka ono ki te tamai manu te ʻdonkeyʼ e noa kae siei pe koai ne sopo kiei, vevete ki tua ta aumai rei ki kunei. 3Kae pe koai e fesiri atu kia korua, ‘A nia mo rua e fai naa?’ faka ari atu rei kiei, ‘Te Ariki e fifia kiei, ma ka fai fokisaki mai arei.’ ”
4Tera koraua ne oro, mau rei ea raua te ʻdonkeyʼ e tuu i vae riu ara, e noa ki te urufanga o te paito. Vasia koraua e vete iei, 5rake taangata e turaki piri piri ne feesiri kia raua, “A nia mo rua e fai o vete ko te ʻdonkeyʼ naa?”
6Tera faka ari atu rei ea raua pe nia ma Jesus ne muna atu kia raua. Tera tuku rei e faoa e turaki ko te ʻdonkeyʼ ke kave. 7Tera kave rei ea raua ko te ʻdonkeyʼ kia Jesus, fora fora ko aratou suru ki te tua o te ʻdonkeyʼ ta sopo rei ko Jesus o nofo kiei. 8E tokkapi rei ko te kano fenua e fora saere ko aratou suru ki te riu ara, kae rake taangata e sepe mai koa taru raakau mai a roto tofi o fora fora ki te riu ara. 9Te kano fenua koai ma e mua, ma koai ma e faka muri muri atu, e fakatafito o foorua,
“Rausapaia ki Tupua!
Tupua ke nai fakatapu ria
koia e au i te ingoa o te Ariki Tapu!
10Tupua ke nai fakatapu ria
te au ranga o te kainanga o tatou puna o David!
Rausapaia ki Tupua
i na maurunga anga!”
11Ko Jesus ku poi i Jerusalem, poi rei o uru ki rota Paito Tapu, ma ne ono saere kia nea kaatoa, kae natafito vasia ku afi afi rei, poi arei koia ki Bethany ma ana kau fanonga e tino angafuru ma rua.
Jesus e nai tautukuna te raakau e ati te ʻfigʼ
(Mat 21.18–19)
12Take aso, i vasia koratou e foki mai mai Bethany, Jesus ku fiakai. 13Nai ravea mmao atu rei te raakau e ati te ʻfigʼ e tuu e uru uru e maru maru kia i ana rau, tera poi rei koia ke ono pe se fufuei raakau mo ona ke tau. Kae na vasia koia ne au kiei, koia ne ono atu ana rau fuarei, natafito siki too ki na vasia te ʻfigʼ ke fua iei. 14Ta muna atu rei koia ki te raakau, “Siei fokia pe koai ka kai ki ou fua raakau i se vasia!”
Ma na kau fanonga ne fakarongo kiei.
Jesus e poi ki te Paito Tapu
(Mat 21.12–17; Luk 19.45–48; Jon 2.13–22)
15I vasia koratou ne oko ki Jerusalem, Jesus ne poi ki rota Paito Tapu, ma ne tafito o nai fueina ki tua ko faoa e fai tauvi ma e tauvi i kuraa. Koia ne nai furi furi sia koa tepolo o faoa e siaki mane, ma a noforanga o faoa e fai tauvi ia rupe. 16Ma se ne nai tukuna rei pe koai ke amo pe nia i tafaa fare rotu. 17Tera koia ne nai ako ria raa ko te kano fenua, “E tusia ria i te Pepa Tapu:
‘Toku paito ka ati te paito rotu
o nga turaurau katoa,’
“kae kotou ne furi saki ea kotou ma faka leku otou kaiaa ranga.”
18Nga ariki fai kava ma nga fakaako oa Fono ne rongo kiei. Tera koratou ne tafito ono ono ki se vasia ke mau ke tamate ko Jesus, kae koratou e maattaku kia koia, natafito te kano fenua kaatoa ku mmate ko aratou tino ki ana fakaako ranga.
19Vasia ku oko ki te afi afi, ko Jesus ma ana kau fanonga ne oro kese i noforanga.
Te fakaako mai te raakau te ʻfigʼ
(Mat 21.20–22)
20I mo vasia i aata i take pongi pongi, vasia koratou e oro i te ara, ratou ravea rei te raakau te ʻfigʼ ku mate ifo katoa rei, poi arei ki ana vai aka. 21Maanatu rei ko Peter kia taranga a Jesus, ma ne muna atu kiei, “Ono rei te Fakaako ee ki te raakau te ʻfigʼ ne kee tautukuna, ku mate!”
22Tongoi atu rei ko Jesus kia ratou, “Kotou fakatonu ki Tupua. 23#Mat 17.20; 1 Cor 13.2.Kuou e faka ari atu kia kotou te maori: Pe koai ka muna ki te maunga nei, ‘Tokai ki runga o pee maso kee ki te moana,’ kae koia see faka tuka tuka i na fatu manava, kae fakatonu pe nia ma ana e muna ka faka saa, ka fai kiei. 24Natafito ia atamai nei, kuou e faka ari kia kotou: Vasia kotou e rotu ma e kaaisi pe ki sea, fakatonu ko kotou ka soria mai, ma ka sori atu pe nia motou e kaaisi kiei. 25#Mat 6.14,15.Mae vasia kotou e turaki o rotu iei, faka ngaromia mua pe koai ne fai pariki mai kia kee, tera totou Mmana i te vaerangi ka nai faka ngaromia otou sara ne fai. 26[Kae kotou see faka ngaromia koa sara oa rake nea, totou Mmana i te vaerangi ka se nai faka ngaromia otou sara fokia.”]
Te fesiri anga ki te tonu tuu o Jesus
(Mat 21.23–27; Luk 20.1–8)
27Koratou ku oko foki ki Jerusalem. Vasia Jesus e saere i te Paito Tapu, nga ariki fai kava ma nga fakaako oa Fono, ma nga matapure ne oomai kia koia, 28o feesiri atu kiei, “Se tonu koai ma au ke fai koa nea nei? Koai ne sori atu te tonu kia kee?”
29Tongoi atu rei ko Jesus kia ratou, “Kuou ka fesiri atu te fesiri sokotasi fuarei; pe kotou soria mai na tongoi, tera kuou ka faka ari atu kia kotou se tonu koai ma aku ke fai koa nea nei. 30Faka ari mai kia kuou, te tonu a John ke fai te faka uku, e aumai mai fea: mai Tupua o pe mai nga taangata?”
31Faka tafito arei o taua taranga maso koratou, “Tatou ka mmuna fefea? Kae pe tatou ke tongoi: ‘Mai Tupua,’ koia ka muna, ‘Sea rei na atamai kotou si se ne fakatonu kia John?’ 32Kae pe tatou ke mmuna: ‘Mai nga taangata…’ ” (Koratou e maattaku maatea rei i te kano fenua, natafito koratou ku fakattonu kaatoa rei ko John te ʻprophetʼ a Tupua.) 33Tera tongoi atu rei koratou kia Jesus, “See matou iroa ina.”
Muna atu rei ko Jesus kia ratou, “Tera kuou fokia ka see faka ari atu kia kotou, pe koai ne nai faka tonu sia ke kau fai koa ngangea nei.”
Iliyochaguliwa sasa
Mark 11: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 11
11
Jesus e uru ma te maaroo ki Jerusalem
(Mat 21.1–11; Luk 19.28–40; Jon 12.12–19)
1Tera te vasia koratou ne oomai ku oko ki Jerusalem e piri piri kia noforanga i Bethphage ma Bethany, koratou ne oomai ki te Maunga i Olive. Jesus ne fakkau e toka rua i na kau fanonga ke mua i mua. 2Tera muna atu rei kia raua, “Oro ki te noforanga e tuu mai i mua. Toru vasia ka oko kiei, korua ka ono ki te tamai manu te ʻdonkeyʼ e noa kae siei pe koai ne sopo kiei, vevete ki tua ta aumai rei ki kunei. 3Kae pe koai e fesiri atu kia korua, ‘A nia mo rua e fai naa?’ faka ari atu rei kiei, ‘Te Ariki e fifia kiei, ma ka fai fokisaki mai arei.’ ”
4Tera koraua ne oro, mau rei ea raua te ʻdonkeyʼ e tuu i vae riu ara, e noa ki te urufanga o te paito. Vasia koraua e vete iei, 5rake taangata e turaki piri piri ne feesiri kia raua, “A nia mo rua e fai o vete ko te ʻdonkeyʼ naa?”
6Tera faka ari atu rei ea raua pe nia ma Jesus ne muna atu kia raua. Tera tuku rei e faoa e turaki ko te ʻdonkeyʼ ke kave. 7Tera kave rei ea raua ko te ʻdonkeyʼ kia Jesus, fora fora ko aratou suru ki te tua o te ʻdonkeyʼ ta sopo rei ko Jesus o nofo kiei. 8E tokkapi rei ko te kano fenua e fora saere ko aratou suru ki te riu ara, kae rake taangata e sepe mai koa taru raakau mai a roto tofi o fora fora ki te riu ara. 9Te kano fenua koai ma e mua, ma koai ma e faka muri muri atu, e fakatafito o foorua,
“Rausapaia ki Tupua!
Tupua ke nai fakatapu ria
koia e au i te ingoa o te Ariki Tapu!
10Tupua ke nai fakatapu ria
te au ranga o te kainanga o tatou puna o David!
Rausapaia ki Tupua
i na maurunga anga!”
11Ko Jesus ku poi i Jerusalem, poi rei o uru ki rota Paito Tapu, ma ne ono saere kia nea kaatoa, kae natafito vasia ku afi afi rei, poi arei koia ki Bethany ma ana kau fanonga e tino angafuru ma rua.
Jesus e nai tautukuna te raakau e ati te ʻfigʼ
(Mat 21.18–19)
12Take aso, i vasia koratou e foki mai mai Bethany, Jesus ku fiakai. 13Nai ravea mmao atu rei te raakau e ati te ʻfigʼ e tuu e uru uru e maru maru kia i ana rau, tera poi rei koia ke ono pe se fufuei raakau mo ona ke tau. Kae na vasia koia ne au kiei, koia ne ono atu ana rau fuarei, natafito siki too ki na vasia te ʻfigʼ ke fua iei. 14Ta muna atu rei koia ki te raakau, “Siei fokia pe koai ka kai ki ou fua raakau i se vasia!”
Ma na kau fanonga ne fakarongo kiei.
Jesus e poi ki te Paito Tapu
(Mat 21.12–17; Luk 19.45–48; Jon 2.13–22)
15I vasia koratou ne oko ki Jerusalem, Jesus ne poi ki rota Paito Tapu, ma ne tafito o nai fueina ki tua ko faoa e fai tauvi ma e tauvi i kuraa. Koia ne nai furi furi sia koa tepolo o faoa e siaki mane, ma a noforanga o faoa e fai tauvi ia rupe. 16Ma se ne nai tukuna rei pe koai ke amo pe nia i tafaa fare rotu. 17Tera koia ne nai ako ria raa ko te kano fenua, “E tusia ria i te Pepa Tapu:
‘Toku paito ka ati te paito rotu
o nga turaurau katoa,’
“kae kotou ne furi saki ea kotou ma faka leku otou kaiaa ranga.”
18Nga ariki fai kava ma nga fakaako oa Fono ne rongo kiei. Tera koratou ne tafito ono ono ki se vasia ke mau ke tamate ko Jesus, kae koratou e maattaku kia koia, natafito te kano fenua kaatoa ku mmate ko aratou tino ki ana fakaako ranga.
19Vasia ku oko ki te afi afi, ko Jesus ma ana kau fanonga ne oro kese i noforanga.
Te fakaako mai te raakau te ʻfigʼ
(Mat 21.20–22)
20I mo vasia i aata i take pongi pongi, vasia koratou e oro i te ara, ratou ravea rei te raakau te ʻfigʼ ku mate ifo katoa rei, poi arei ki ana vai aka. 21Maanatu rei ko Peter kia taranga a Jesus, ma ne muna atu kiei, “Ono rei te Fakaako ee ki te raakau te ʻfigʼ ne kee tautukuna, ku mate!”
22Tongoi atu rei ko Jesus kia ratou, “Kotou fakatonu ki Tupua. 23#Mat 17.20; 1 Cor 13.2.Kuou e faka ari atu kia kotou te maori: Pe koai ka muna ki te maunga nei, ‘Tokai ki runga o pee maso kee ki te moana,’ kae koia see faka tuka tuka i na fatu manava, kae fakatonu pe nia ma ana e muna ka faka saa, ka fai kiei. 24Natafito ia atamai nei, kuou e faka ari kia kotou: Vasia kotou e rotu ma e kaaisi pe ki sea, fakatonu ko kotou ka soria mai, ma ka sori atu pe nia motou e kaaisi kiei. 25#Mat 6.14,15.Mae vasia kotou e turaki o rotu iei, faka ngaromia mua pe koai ne fai pariki mai kia kee, tera totou Mmana i te vaerangi ka nai faka ngaromia otou sara ne fai. 26[Kae kotou see faka ngaromia koa sara oa rake nea, totou Mmana i te vaerangi ka se nai faka ngaromia otou sara fokia.”]
Te fesiri anga ki te tonu tuu o Jesus
(Mat 21.23–27; Luk 20.1–8)
27Koratou ku oko foki ki Jerusalem. Vasia Jesus e saere i te Paito Tapu, nga ariki fai kava ma nga fakaako oa Fono, ma nga matapure ne oomai kia koia, 28o feesiri atu kiei, “Se tonu koai ma au ke fai koa nea nei? Koai ne sori atu te tonu kia kee?”
29Tongoi atu rei ko Jesus kia ratou, “Kuou ka fesiri atu te fesiri sokotasi fuarei; pe kotou soria mai na tongoi, tera kuou ka faka ari atu kia kotou se tonu koai ma aku ke fai koa nea nei. 30Faka ari mai kia kuou, te tonu a John ke fai te faka uku, e aumai mai fea: mai Tupua o pe mai nga taangata?”
31Faka tafito arei o taua taranga maso koratou, “Tatou ka mmuna fefea? Kae pe tatou ke tongoi: ‘Mai Tupua,’ koia ka muna, ‘Sea rei na atamai kotou si se ne fakatonu kia John?’ 32Kae pe tatou ke mmuna: ‘Mai nga taangata…’ ” (Koratou e maattaku maatea rei i te kano fenua, natafito koratou ku fakattonu kaatoa rei ko John te ʻprophetʼ a Tupua.) 33Tera tongoi atu rei koratou kia Jesus, “See matou iroa ina.”
Muna atu rei ko Jesus kia ratou, “Tera kuou fokia ka see faka ari atu kia kotou, pe koai ne nai faka tonu sia ke kau fai koa ngangea nei.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.