Matthew 28
28
Te faka masike ranga
(Mak 16.1–10; Luk 24.1–12; Jon 20.1–10)
1Tera ia tua o te Aso e tapu o nga Jew, ku piri ki pongi pongi o te mataki aso o te wiki, ko Mary Magdalene, ma take Mary ne oro o maataki te tano. 2I mo vakanga kae paa ko te ngaruru lasi, natafito te ʻangelʼ o te Ariki ne fena ifo mai te vaerangi, ne nai faka rikaia ki tua ko te fatu, tera nofo rei kiei. 3Na faka saa anga ne fai pe te kamo, ana suru ku maakira rei. 4Tera nga faoa reo ku maatea rei ratou maattaku, tera ratou ne fesingai ki te kere ia ratou maattaku ku fai pea taangata mmate.
5Kae te ʻangelʼ ne karanga atu kia maatua faafine, “Korua kau see maattaku, kuou e kau iroa ina korua e oomai o faara kia Jesus, koia ne tukia ria ki te raakau. 6Tera ko Jesus e laavaki i kunei; koia ku faka masike ria ki te ora, fakapera pe koia ne faka ari atu. Oomai rei, ono ki te ngangea noko naa ko na tino iei. 7Tera faka vave oro o faka ari ki na kau fanonga koia ku faka masike ria mai te mate, ka mua ia ratou o poi ki Galilee, tera ratou ka ono kiei. Faka maanatu pe nia ma aku ne faka ari atu kia korua!”
8Tera koraua ne oro kese ma te tano e faka vave, e maattaku, kae e maatea rei rau mata mau, tera raua ne furi o faka ari ki na kau fanonga.
9I mo vakanga ko Jesus ne fekitei kia raua kae muna atu, “Te roto mafora ke naa ia korua.” Tera oomai rei koraua kiei, o avai ki ana vae, ma kae fakaturou kiei. 10Muna atu rei ko Jesus kia raua, “Kau see maattaku, kae oro o faka ari ki oku taina ke oro ki Galilee, i kuraa koratou ka ono kia kuou.”
A faka ari anga a faoa reo
11I mo vasia oa maatua faafine ne oro koraua ia, rake taangata i te faoa reosaki o te tano ne oro fokia ki te noforanga lasi, o araara faki koa nea kaatoa ne faka sasa ria ki nga ariki fai kava. 12Tera ko nga ariki fai kava ma nga matapure ne tau purenga, kae fai ma ratou atamai: ta koratou ke tauvi faka sapa ko nga faoa reo, 13ma ne mmuna, “Kotou ke mmuna na kau fanonga ne oomai i te turua poo o kaiaa ko na tino i te vasia kotou ku meeraki iei. 14Tera ko Pilate ka fakarongo ki te araara fanga nei, komatou ka oro o fai faka laoi kiei, ka see faka tuasaa kotou kiei.”
15Te faoa reo ne sau koa mane, tera ne fai tautari rei pe nia ma ratou ne faka ari atu ke fai. Te araara fanga nei ne kavea rei ki nga Jew, oko rei ki te aso nei.
Jesus e faka saa ki na kau fanonga
(Mak 16.14–18; Luk 24.36–49; Jon 20.19–23; Act 1.6–8)
16 #
Mat 26.32; Mak 14.28. Tera te kau fanonga e tino angafuru ma tasi, ne oro ki te maunga i Galilee, te ngangea ko Jesus ne faka ari atu koratou ke oro kiei. 17Tera i ratou vasia ne ono kia Jesus, koratou ne fakaturou kiei, maafa rei onia rake taangata ia ratou ne faka tuka tuka. 18Tera ko Jesus ne au ku piri kia ratou ta kae muna atu, “Te manuu ku sori mai kia kuou kia nea kaatoa o te vaerangi ma oa taangata nei. 19#Act 1.8.Tera, oro kia kano fenua kaatoa oa taangata nei, o fai se kau fanonga mo oku. Faka uku koratou i te ingoa o te Mmana, te Tama, ma te Mauri Tapu o Tupua. 20Tera kae fakaako koratou ke tautari pe nia ma aku ne faka ari atu kia kotou. Kae kuou ka nofo ma kotou i nga vasia katoa, oko rei ki te faka suku suku anga oa tau tupu ranga.”
Iliyochaguliwa sasa
Matthew 28: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 28
28
Te faka masike ranga
(Mak 16.1–10; Luk 24.1–12; Jon 20.1–10)
1Tera ia tua o te Aso e tapu o nga Jew, ku piri ki pongi pongi o te mataki aso o te wiki, ko Mary Magdalene, ma take Mary ne oro o maataki te tano. 2I mo vakanga kae paa ko te ngaruru lasi, natafito te ʻangelʼ o te Ariki ne fena ifo mai te vaerangi, ne nai faka rikaia ki tua ko te fatu, tera nofo rei kiei. 3Na faka saa anga ne fai pe te kamo, ana suru ku maakira rei. 4Tera nga faoa reo ku maatea rei ratou maattaku, tera ratou ne fesingai ki te kere ia ratou maattaku ku fai pea taangata mmate.
5Kae te ʻangelʼ ne karanga atu kia maatua faafine, “Korua kau see maattaku, kuou e kau iroa ina korua e oomai o faara kia Jesus, koia ne tukia ria ki te raakau. 6Tera ko Jesus e laavaki i kunei; koia ku faka masike ria ki te ora, fakapera pe koia ne faka ari atu. Oomai rei, ono ki te ngangea noko naa ko na tino iei. 7Tera faka vave oro o faka ari ki na kau fanonga koia ku faka masike ria mai te mate, ka mua ia ratou o poi ki Galilee, tera ratou ka ono kiei. Faka maanatu pe nia ma aku ne faka ari atu kia korua!”
8Tera koraua ne oro kese ma te tano e faka vave, e maattaku, kae e maatea rei rau mata mau, tera raua ne furi o faka ari ki na kau fanonga.
9I mo vakanga ko Jesus ne fekitei kia raua kae muna atu, “Te roto mafora ke naa ia korua.” Tera oomai rei koraua kiei, o avai ki ana vae, ma kae fakaturou kiei. 10Muna atu rei ko Jesus kia raua, “Kau see maattaku, kae oro o faka ari ki oku taina ke oro ki Galilee, i kuraa koratou ka ono kia kuou.”
A faka ari anga a faoa reo
11I mo vasia oa maatua faafine ne oro koraua ia, rake taangata i te faoa reosaki o te tano ne oro fokia ki te noforanga lasi, o araara faki koa nea kaatoa ne faka sasa ria ki nga ariki fai kava. 12Tera ko nga ariki fai kava ma nga matapure ne tau purenga, kae fai ma ratou atamai: ta koratou ke tauvi faka sapa ko nga faoa reo, 13ma ne mmuna, “Kotou ke mmuna na kau fanonga ne oomai i te turua poo o kaiaa ko na tino i te vasia kotou ku meeraki iei. 14Tera ko Pilate ka fakarongo ki te araara fanga nei, komatou ka oro o fai faka laoi kiei, ka see faka tuasaa kotou kiei.”
15Te faoa reo ne sau koa mane, tera ne fai tautari rei pe nia ma ratou ne faka ari atu ke fai. Te araara fanga nei ne kavea rei ki nga Jew, oko rei ki te aso nei.
Jesus e faka saa ki na kau fanonga
(Mak 16.14–18; Luk 24.36–49; Jon 20.19–23; Act 1.6–8)
16 #
Mat 26.32; Mak 14.28. Tera te kau fanonga e tino angafuru ma tasi, ne oro ki te maunga i Galilee, te ngangea ko Jesus ne faka ari atu koratou ke oro kiei. 17Tera i ratou vasia ne ono kia Jesus, koratou ne fakaturou kiei, maafa rei onia rake taangata ia ratou ne faka tuka tuka. 18Tera ko Jesus ne au ku piri kia ratou ta kae muna atu, “Te manuu ku sori mai kia kuou kia nea kaatoa o te vaerangi ma oa taangata nei. 19#Act 1.8.Tera, oro kia kano fenua kaatoa oa taangata nei, o fai se kau fanonga mo oku. Faka uku koratou i te ingoa o te Mmana, te Tama, ma te Mauri Tapu o Tupua. 20Tera kae fakaako koratou ke tautari pe nia ma aku ne faka ari atu kia kotou. Kae kuou ka nofo ma kotou i nga vasia katoa, oko rei ki te faka suku suku anga oa tau tupu ranga.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.