Matthew 9
9
Jesus e faka maroro te tangata tino mate
(Mak 2.1–12; Luk 5.17–26)
1Jesus ne sopo ki te vaka, o foki ki na kee taoni i take faasi roto. 2I te ngangea, a taangata ne aumai ea ratou te tangata tino mate, e mee i na meeranga. Vasia o Jesus ne nai ravea ratou fai fakatonu e fai, muna atu rei ki te tangata tino mate, “Faka matakaro, taku tama ee! Au sara ku faka ngaromia.”
3Tera rake fakaako oa Fono mumuna rei maso koratou, “Te tangata nei e muna faka puaka ki Tupua!”
4Jesus ku nai iroa ina aratou maanatu, tera muna atu rei kia ratou, “Sea na atamai kotou e maanatu kia atamai pariki? 5Ea, e faingaofia ke kau muna: ‘Au sara ku faka ngaromia,’ o pe e faingaofia ke kau muna, ‘Tuu ki runga o saere’? 6Tera kuou ka faka ari atu kia kotou, te Tama a Tangata e fai tana manuu ke nai faka ngaromia koa sara oa taangata nei.”
Ta muna atu rei ki te tangata tino mate, “Tokai ki runga, o sau tou meeranga o poi ki tou paito!”
7Tokai arei te tangata tino mate o poi ki na paito. 8Vasia te kano fenua ne ono kiei, koratou ne maattaku, ma e faka puu ki Tupua ku nai soria ko te fai manuu nei ki te kano fenua.
Jesus e nai karanga tia ko Matthew
(Mak 2.13–17; Luk 5.27–32)
9Jesus ne poi kese i te ngangea; i na vasia e saere o poi, nai ravea rei te tangata tari takisi, na ingoa ko Matthew, e nofo i na ofisi. Muna atu rei kiei, “Tautari mai.”
Tokai ake ko Matthew, tautari arei kiei.
10 #
Luk 15.1,2. Mo vasia o Jesus e nofo faka manava i paito o Matthew, e kkapi rei ko nga faoa tari takisi ma faoa oro saere ne oomai fokia o soko kia Jesus ma na kau fanonga e fare koratou. 11Rake Pharisee ne ono kiei, feesiri atu rei ki na kau fanonga, “Sea na atamai totou fakaako naa e kau kai ma te fai faoa naa?”
12Ne rongo ko Jesus, tongoi atu rei kia ratou, “Te faoa maroro ka see ono ki te ʻdoctorʼ, kae faoa fuarei e ngae ngae. 13#Mat 12.7.Oro o maataki pe sea te Pepa Tapu e muna kiei:
‘Kuou e fifia ki te arofa,
kae siei kia manu e fai kava kiei.’
“Kuou se ne au ke karanga ki faoa e tonu, kae ki te kano fenua titisara.”
Te fesiri ki te faka naa mangumangu
(Mak 2.18–22; Luk 5.33–39)
14Tera te kau fanonga o John te Faka uku ne oomai o feesiri kia Jesus, “Sea na atamai komatou ma nga Pharisee e faka naa mangumangu i rake vasia, kae tou kau fanonga siei rei se vasia ke faka naa mangumangu iei?”
15Tongoi atu rei ko Jesus, “Ko kotou e maanatu faoa ne oomai ki te kai kai o te avanga ka aarofa moa rei te pure foou ne avanga koratou e fare? Siki siei arei! Kae te aso ka au, vasia o pure foou ka sau kese mai ia koratou, teeraa ko te vasia koratou ka faka naa mangumangu iei.
16“Siei pe koai ke mono a fotu o na suru aofaki kia pakaa suru foou. Ka fai, te ngangea ne mono foou ka motu motu nai faia rei ke masae lasi.
17“Siei fokia pe koai ke ringi koa waeni foou kia raukiri waeni tuei. Ka fai, te raukiri waeni tuei ka faka pokai arei, tafe rei ki tua a waeni, ma ka fai pariki tia koa raukiri waeni. Kae ringi rei koa waeni foou kia raukiri waeni foou, ka tuku ka naa laoi rei.”
Te tama afine a te tangata maurunga, ma te maatua fafine ne poo kia suru o Jesus
(Mak 5.21–43; Luk 8.40–56)
18Vasia o Jesus e muna faka peinei, te foi tangata maurunga o nga Jew ku au kia koia, tokoturi atu kia Jesus, o muna, “Taku tama afine e songoi mate fuarei; kae au fuarei o poo ou rima kiei, koia ka ora.”
19Tera tokai ake rei ko Jesus ki runga, oro koraua, na kau fanonga fokia e oro koratou.
20Te maatua fafine, e maua pariki rei i te ngana ana tau ku fuanga furu ma rua, ne au ia tua o Jesus o poo atu ki na kapa suru. 21Maanatu rei te maatua fafine maso koia, “Kuou matea ke kau poo fuarei ki na kapa suru, kuou ka laoi arei.”
22Tafuri ake ko Jesus nai ravea rei koia, muna atu rei kiei, “Taku tama afine ee! Kau see tuasaa! Tau fakatonu ku nai faia ko kee ke maroro laoi.” I mo vakanga, laoi arei te maatua fafine.
23Tera poi rei ko Jesus ki te paito o te tangata maurunga. Vasia koia ne ono ki fenua pese o te mate ma faoa ku tafito o arofa, 24muna atu rei koia, “Oro ki tua! Te tama fafine naa se ne mate, e mee fuarei!” Tera koratou kaatoa ku fai faka kata kia koia. 25Kae mo vasia fuarei te kano fenua ne oro ki tua, uru arei ko Jesus ki te rumu o te tama fafine, popo atu ki na rima, tokai ake arei ki runga. 26Te rongo o te tama fafine ne fokisaki mai ki te ora e Jesus ku kavea saere rei ia motu ngangea fakaoti rei o te fenua.
Jesus e fai ea koia a tangata mata ufu ke pula
27Jesus poi rei ki tua ma noforanga; i na vasia e saere iei, a taangata mata ufu e toka rua e tautari kia koia. Koraua e foorua kia Jesus, “Arofa mai kia maua, te Tama a David ee!”
28Vasia o Jesus e uru atu ki rota paito, a taangata mata ufu e toka rua ne oomai kia koia, feesiri atu rei ko Jesus, “Korua e fakatonu rei korua ka fai ea kuou maroro rei?”
Faka maori atu rei koraua kia Jesus, “Ioo!”
29Ta tera, poo atu raa ko Jesus kia rau mata, kae muna, “Tuku pea korua e fakatonu!” Tera a rau ono fanga ku laoi arei. 30Kae muna taufau atu rei ko Jesus kia raua, “Kau see oro o mmuna pe kiai!”
31Kae oro rei koraua o paa varo varo saere ko te rongo o Jesus kia ngangea kaatoa i te fenua.
Jesus e fai ea koia te tangata e nguu ke tau araara
32Vasia a taangata ne foki iei, rake faoa ne aumai ea ratou te tangata see araara kia Jesus, natafito e nofo ria e te atua pariki. 33Kae mo vakanga te atua ne fueina ki tua, te tangata tafito arei o araara. Faoa kaatoa rei ku fereki ko aratou mauri, ma e mmuna, “Ko matou se ne ono ki ni nea faka peinei i Israel!”
34 #
Mat 10.25; 12.24; Mak 3.22; Luk 11.15. Kae nga Pharisee e mmuna, “Neenaa te ariki o nga atua ne sori kiei ko te manuu ke nai fueina kese koratou.”
Jesus na arofa ki te kano fenua
35 #
Mat 4.23; Mak 1.39; Luk 4.44. Jesus ne poi o vakai i nga taoni lasi kaatoa ma nga nofo ranga kaatoa. Koia e fakaako i ratou paito taanaki, e tuufaki te Rongo Laoi o te Kainanga, ma e faka maroro ko fenua e maua i nga fai ngae ngae kaatoa. 36#Mak 6.34.Vasia o Jesus ne ono ki te kano fenua, na fatu manava ka motu fakaoti rei kia ratou i na arofa, natafito koratou e faka tuasaa ma e faka taunga vare e sseke sosoa e fakapera rei pe nga sipi sipi e seke tangata reo. 37#Luk 10.2.Tera muna atu rei ko Jesus ki na kau fanonga, “Te tofi ku matua maatea rei, kae see tokarava ko faoa ke fai fekauaki iei. 38Rotu ki te tangata ona o te tofi koia ke kau ko ana fai fekau ke oro ki na tofi o fai fekauaki.”
Iliyochaguliwa sasa
Matthew 9: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 9
9
Jesus e faka maroro te tangata tino mate
(Mak 2.1–12; Luk 5.17–26)
1Jesus ne sopo ki te vaka, o foki ki na kee taoni i take faasi roto. 2I te ngangea, a taangata ne aumai ea ratou te tangata tino mate, e mee i na meeranga. Vasia o Jesus ne nai ravea ratou fai fakatonu e fai, muna atu rei ki te tangata tino mate, “Faka matakaro, taku tama ee! Au sara ku faka ngaromia.”
3Tera rake fakaako oa Fono mumuna rei maso koratou, “Te tangata nei e muna faka puaka ki Tupua!”
4Jesus ku nai iroa ina aratou maanatu, tera muna atu rei kia ratou, “Sea na atamai kotou e maanatu kia atamai pariki? 5Ea, e faingaofia ke kau muna: ‘Au sara ku faka ngaromia,’ o pe e faingaofia ke kau muna, ‘Tuu ki runga o saere’? 6Tera kuou ka faka ari atu kia kotou, te Tama a Tangata e fai tana manuu ke nai faka ngaromia koa sara oa taangata nei.”
Ta muna atu rei ki te tangata tino mate, “Tokai ki runga, o sau tou meeranga o poi ki tou paito!”
7Tokai arei te tangata tino mate o poi ki na paito. 8Vasia te kano fenua ne ono kiei, koratou ne maattaku, ma e faka puu ki Tupua ku nai soria ko te fai manuu nei ki te kano fenua.
Jesus e nai karanga tia ko Matthew
(Mak 2.13–17; Luk 5.27–32)
9Jesus ne poi kese i te ngangea; i na vasia e saere o poi, nai ravea rei te tangata tari takisi, na ingoa ko Matthew, e nofo i na ofisi. Muna atu rei kiei, “Tautari mai.”
Tokai ake ko Matthew, tautari arei kiei.
10 #
Luk 15.1,2. Mo vasia o Jesus e nofo faka manava i paito o Matthew, e kkapi rei ko nga faoa tari takisi ma faoa oro saere ne oomai fokia o soko kia Jesus ma na kau fanonga e fare koratou. 11Rake Pharisee ne ono kiei, feesiri atu rei ki na kau fanonga, “Sea na atamai totou fakaako naa e kau kai ma te fai faoa naa?”
12Ne rongo ko Jesus, tongoi atu rei kia ratou, “Te faoa maroro ka see ono ki te ʻdoctorʼ, kae faoa fuarei e ngae ngae. 13#Mat 12.7.Oro o maataki pe sea te Pepa Tapu e muna kiei:
‘Kuou e fifia ki te arofa,
kae siei kia manu e fai kava kiei.’
“Kuou se ne au ke karanga ki faoa e tonu, kae ki te kano fenua titisara.”
Te fesiri ki te faka naa mangumangu
(Mak 2.18–22; Luk 5.33–39)
14Tera te kau fanonga o John te Faka uku ne oomai o feesiri kia Jesus, “Sea na atamai komatou ma nga Pharisee e faka naa mangumangu i rake vasia, kae tou kau fanonga siei rei se vasia ke faka naa mangumangu iei?”
15Tongoi atu rei ko Jesus, “Ko kotou e maanatu faoa ne oomai ki te kai kai o te avanga ka aarofa moa rei te pure foou ne avanga koratou e fare? Siki siei arei! Kae te aso ka au, vasia o pure foou ka sau kese mai ia koratou, teeraa ko te vasia koratou ka faka naa mangumangu iei.
16“Siei pe koai ke mono a fotu o na suru aofaki kia pakaa suru foou. Ka fai, te ngangea ne mono foou ka motu motu nai faia rei ke masae lasi.
17“Siei fokia pe koai ke ringi koa waeni foou kia raukiri waeni tuei. Ka fai, te raukiri waeni tuei ka faka pokai arei, tafe rei ki tua a waeni, ma ka fai pariki tia koa raukiri waeni. Kae ringi rei koa waeni foou kia raukiri waeni foou, ka tuku ka naa laoi rei.”
Te tama afine a te tangata maurunga, ma te maatua fafine ne poo kia suru o Jesus
(Mak 5.21–43; Luk 8.40–56)
18Vasia o Jesus e muna faka peinei, te foi tangata maurunga o nga Jew ku au kia koia, tokoturi atu kia Jesus, o muna, “Taku tama afine e songoi mate fuarei; kae au fuarei o poo ou rima kiei, koia ka ora.”
19Tera tokai ake rei ko Jesus ki runga, oro koraua, na kau fanonga fokia e oro koratou.
20Te maatua fafine, e maua pariki rei i te ngana ana tau ku fuanga furu ma rua, ne au ia tua o Jesus o poo atu ki na kapa suru. 21Maanatu rei te maatua fafine maso koia, “Kuou matea ke kau poo fuarei ki na kapa suru, kuou ka laoi arei.”
22Tafuri ake ko Jesus nai ravea rei koia, muna atu rei kiei, “Taku tama afine ee! Kau see tuasaa! Tau fakatonu ku nai faia ko kee ke maroro laoi.” I mo vakanga, laoi arei te maatua fafine.
23Tera poi rei ko Jesus ki te paito o te tangata maurunga. Vasia koia ne ono ki fenua pese o te mate ma faoa ku tafito o arofa, 24muna atu rei koia, “Oro ki tua! Te tama fafine naa se ne mate, e mee fuarei!” Tera koratou kaatoa ku fai faka kata kia koia. 25Kae mo vasia fuarei te kano fenua ne oro ki tua, uru arei ko Jesus ki te rumu o te tama fafine, popo atu ki na rima, tokai ake arei ki runga. 26Te rongo o te tama fafine ne fokisaki mai ki te ora e Jesus ku kavea saere rei ia motu ngangea fakaoti rei o te fenua.
Jesus e fai ea koia a tangata mata ufu ke pula
27Jesus poi rei ki tua ma noforanga; i na vasia e saere iei, a taangata mata ufu e toka rua e tautari kia koia. Koraua e foorua kia Jesus, “Arofa mai kia maua, te Tama a David ee!”
28Vasia o Jesus e uru atu ki rota paito, a taangata mata ufu e toka rua ne oomai kia koia, feesiri atu rei ko Jesus, “Korua e fakatonu rei korua ka fai ea kuou maroro rei?”
Faka maori atu rei koraua kia Jesus, “Ioo!”
29Ta tera, poo atu raa ko Jesus kia rau mata, kae muna, “Tuku pea korua e fakatonu!” Tera a rau ono fanga ku laoi arei. 30Kae muna taufau atu rei ko Jesus kia raua, “Kau see oro o mmuna pe kiai!”
31Kae oro rei koraua o paa varo varo saere ko te rongo o Jesus kia ngangea kaatoa i te fenua.
Jesus e fai ea koia te tangata e nguu ke tau araara
32Vasia a taangata ne foki iei, rake faoa ne aumai ea ratou te tangata see araara kia Jesus, natafito e nofo ria e te atua pariki. 33Kae mo vakanga te atua ne fueina ki tua, te tangata tafito arei o araara. Faoa kaatoa rei ku fereki ko aratou mauri, ma e mmuna, “Ko matou se ne ono ki ni nea faka peinei i Israel!”
34 #
Mat 10.25; 12.24; Mak 3.22; Luk 11.15. Kae nga Pharisee e mmuna, “Neenaa te ariki o nga atua ne sori kiei ko te manuu ke nai fueina kese koratou.”
Jesus na arofa ki te kano fenua
35 #
Mat 4.23; Mak 1.39; Luk 4.44. Jesus ne poi o vakai i nga taoni lasi kaatoa ma nga nofo ranga kaatoa. Koia e fakaako i ratou paito taanaki, e tuufaki te Rongo Laoi o te Kainanga, ma e faka maroro ko fenua e maua i nga fai ngae ngae kaatoa. 36#Mak 6.34.Vasia o Jesus ne ono ki te kano fenua, na fatu manava ka motu fakaoti rei kia ratou i na arofa, natafito koratou e faka tuasaa ma e faka taunga vare e sseke sosoa e fakapera rei pe nga sipi sipi e seke tangata reo. 37#Luk 10.2.Tera muna atu rei ko Jesus ki na kau fanonga, “Te tofi ku matua maatea rei, kae see tokarava ko faoa ke fai fekauaki iei. 38Rotu ki te tangata ona o te tofi koia ke kau ko ana fai fekau ke oro ki na tofi o fai fekauaki.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.