Matthew 8
8
Jesus e ikirave ki te tangata tino para
(Mak 1.40–45; Luk 5.12–16)
1Ta i te vasia o Jesus ne fena ifo mai te fongo maunga, e tokkapi rei te kano fenua e tautari kia koia. 2Te tangata e maua i te ngaengae tino para e ati te lepa ne au kia koia, tokoturi ifo, ma ne muna atu, “Maurunga ee, pe ko kee e fifia rei, ko kee ka ma fai rei kuou ke maa.”
3Jesus ropa atu rei na rima, o poo atu kia koia, kae muna atu rei, “Kuou e fifia ko kee ke maa.” I mo vakanga, te tangata ana tino e para ku maa. 4Ta muna atu rei ko Jesus kiei, “Fakarongo! Kau see faka ari pe kiai, kae poi tonu ki te pure fai kava ke maataki ea koia ko kee. E laoi te kano fenua ke ratou iroa ina ko kee ku maroro, tera sori rei tau faka ue ue pea Moses ne muna.”
Jesus e faka maroro te seka a te taki faka Roman
(Luk 7.1–10)
5Vasia o Jesus ne oko mai ki Capernaum, fekitei rei ki te taki faka Roman e faka ngore ngore atu kia koia ke sosoa, 6“Maurunga ee, taku seka e ngae ngae e mee fuarei i paito, e fakarongo neaisu maatea rei!”
7Muna atu rei ko Jesus kiei, “Kuou ka poi o fai koia ke maroro.”
8Tongoi atu rei te taki kiei, “Maurunga ee, Kuou si see fetau fangatasi ke kau kaavea ko kee ki toku paito. Kae sori mai fuarei tau taranga, tera taku seka ka maroro laoi. 9Kuou fokia, kuou te tangata lasi e nofo ia fono o nga taangata maurunga, ma oku taangata tau e fakarongo kia kuou. Kuou ka muna ki take tangata ke poi, ma koia ka poi arei, kuou ka muna ki take tangata ke au, koia ka au arei; kuou ka muna ki taku seka ke fai faka peinei, ma koia ka fai arei.”
10Vasia o Jesus ne rongo kiei, ku rere ko ana mauri ma e muna atu ki kano fenua e tautari kia koia, “Kuou e faka ari atu kia kotou te maori: Kuou se ne kau maua se nea i Israel ke fai tana fakatonu faka peinei. 11#Luk 13.29.Kuou ka faka ari atu ko te maori: Ka tokkapi rei ko faoa ka oomai mai te tonga, mai te raki, o fare ki raro ratou ma Abraham, ma Isaac ma Jacob i te kai kai te Kainanga i te vaerangi. 12#Mat 22.13; 25.30; Luk 13.28.Kae koratou rei e fetau fangatasi ki te Kainanga ka rakuna kese ki te kau pouri ngiti ranga, i kuraa koratou ka ttangi ma e fe ngii taki aratou nifo.” 13Tera Jesus muna atu rei ki te tangata lasi faka Roman, “Poi ki tou paito, pe nia tau fakatonu ka faia atu ma au.”
Tera te seka a tangata lasi nei maroro arei i mo vakanga.
Jesus e ikirave ki te kano fenua e tokarava
(Mak 1.29–34; Luk 4.38–41)
14Jesus ne poi ki te paito o Peter; nai ravea rei te nana fongoai o Peter e mee i ana meeranga e ngaengae, e makariri. 15Koia ne poo atu ki na rima, poi kese arei ko na makariri, ma tuu arei ki runga, o pena pena koa kai kiei.
16Vasia ku afi afi, te kano fenua e tari mai faoa e vaka ria e nga atua pariki. Jesus ne nai fueina kese ko nga atua pariki i tana foi taranga, ma ne faka maroro faoa ngae ngae. 17Koia ne fai faka peinei pe nia a ʻprophetʼ Isaiah ne munaki ke au maori rei:
“Koia ne sau ea koia ki tua
atatou ngaengae
ma atatou fai fea vare.”
Te faingataa anga ke tautari kia Jesus
(Luk 9.57–62)
18Vasia ko Jesus ku nai ravea ina te kano fenua e fare riikofi atu kia koia, muna atu rei koia ki na kau fanonga ke oro ki take faasi roto. 19Te fakaako oa Fono ne au kiei. Muna atu rei kiei, “Fakaako ee, kuou ka tautari atu kia kee ia ngangea kaatoa ka poi ko kee kiei.”
20Tongoi atu rei ko Jesus kia koia, “Nga manu tauvao e fai ko aratou ngangea mee, ma nga manu e fai ko aratou fare faanganga, kae te Tama a Tangata siei ni mo ngangea mee mo ona ke maanava kiei.”
21Take tangata i na kau fanonga ne muna atu kiei, “Maurunga ee, tuku mai mua ke kau poi o tanu toku mmana.”
22Tongoi atu rei ko Jesus, “Tautari mai, tuku ko te mate ke tanu ko te mate.”
Jesus e faka ngaio te ofa
(Mak 4.35–41; Luk 8.22–25)
23Jesus ne sopo ki te vaka e poi ma na kau fanonga oro koratou. 24I mo vakanga te ofa ku oko i te roto, tera te vaka ku fai ke ngoto, kae ko Jesus e rotonga mee rei. 25Ta oro rei na kau fanonga o fango atu kiei. Muna atu rei koratou, “Faka sao kotatou, te Ariki ee! Kotatou ka mmate!”
26Tongoi atu rei ko Jesus, “Sea na atamai kotou e maattaku? Otou fakatonu e vikilake.” Tera tokai ake rei ko Jesus ki runga, o muna ki te matangi ma te ngaru ke too ko te ngaio. Ta too arei te ngaio rororo.
27Koratou kaatoa ku mmate ko aratou tino ma e mmuna, “Neinei se fai tangata koai nei? Te matangi ma te ngaru e tautari kia koia fokia!”
Jesus e fue kese ko nga atua pariki ia taangata toka rua
(Mak 5.1–20; Luk 8.26–39)
28Vasia o Jesus ne au ia motu ngangea i Gadara i take faasi roto, fekitei rei koratou ma taangata e toka rua, e oomai ki tua mai te kere tamate. A taangata nei e nofo ria ia atua pariki, tera siei rei pe koai ke poi i te riu ara e faka mataku taku. 29I te vasia sokotasi raua foorua arei o muna, “A nia ma au e fifia kia maua, te Tama a Tupua ee? Ko kee e au ke fakkiroa komaua, kae oko raa ki te vasia maori?”
30Ngangea see mmao ma te fare piki lasi e faangai iei. 31Tera kaisi atu rei ko nga atua pariki kia Jesus, “Kae pe ko kee e au rei ke fue kese komatou, fakau mai rei komatou ki fare piki.”
32Muna atu rei ko Jesus, “Oro!”
Tera oro arei o fe urufi kia piki, furi ifo arei ko nga piki katoa ia vae ngangea mato mato oro ki te roto, maaremo arei iei.
33Nga taangata noko reo i nga piki, furi kese arei, oro ki taoni, o araara faki te araara fanga oa taangata noko vakaria e nga atua pariki. 34Tera oro arei faoa kaatoa o te taoni o fekitei kia Jesus; i vasia koratou ne ono kiei, kaisi atu rei kiei ke poi kese ma aratou motu ngangea.
Iliyochaguliwa sasa
Matthew 8: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 8
8
Jesus e ikirave ki te tangata tino para
(Mak 1.40–45; Luk 5.12–16)
1Ta i te vasia o Jesus ne fena ifo mai te fongo maunga, e tokkapi rei te kano fenua e tautari kia koia. 2Te tangata e maua i te ngaengae tino para e ati te lepa ne au kia koia, tokoturi ifo, ma ne muna atu, “Maurunga ee, pe ko kee e fifia rei, ko kee ka ma fai rei kuou ke maa.”
3Jesus ropa atu rei na rima, o poo atu kia koia, kae muna atu rei, “Kuou e fifia ko kee ke maa.” I mo vakanga, te tangata ana tino e para ku maa. 4Ta muna atu rei ko Jesus kiei, “Fakarongo! Kau see faka ari pe kiai, kae poi tonu ki te pure fai kava ke maataki ea koia ko kee. E laoi te kano fenua ke ratou iroa ina ko kee ku maroro, tera sori rei tau faka ue ue pea Moses ne muna.”
Jesus e faka maroro te seka a te taki faka Roman
(Luk 7.1–10)
5Vasia o Jesus ne oko mai ki Capernaum, fekitei rei ki te taki faka Roman e faka ngore ngore atu kia koia ke sosoa, 6“Maurunga ee, taku seka e ngae ngae e mee fuarei i paito, e fakarongo neaisu maatea rei!”
7Muna atu rei ko Jesus kiei, “Kuou ka poi o fai koia ke maroro.”
8Tongoi atu rei te taki kiei, “Maurunga ee, Kuou si see fetau fangatasi ke kau kaavea ko kee ki toku paito. Kae sori mai fuarei tau taranga, tera taku seka ka maroro laoi. 9Kuou fokia, kuou te tangata lasi e nofo ia fono o nga taangata maurunga, ma oku taangata tau e fakarongo kia kuou. Kuou ka muna ki take tangata ke poi, ma koia ka poi arei, kuou ka muna ki take tangata ke au, koia ka au arei; kuou ka muna ki taku seka ke fai faka peinei, ma koia ka fai arei.”
10Vasia o Jesus ne rongo kiei, ku rere ko ana mauri ma e muna atu ki kano fenua e tautari kia koia, “Kuou e faka ari atu kia kotou te maori: Kuou se ne kau maua se nea i Israel ke fai tana fakatonu faka peinei. 11#Luk 13.29.Kuou ka faka ari atu ko te maori: Ka tokkapi rei ko faoa ka oomai mai te tonga, mai te raki, o fare ki raro ratou ma Abraham, ma Isaac ma Jacob i te kai kai te Kainanga i te vaerangi. 12#Mat 22.13; 25.30; Luk 13.28.Kae koratou rei e fetau fangatasi ki te Kainanga ka rakuna kese ki te kau pouri ngiti ranga, i kuraa koratou ka ttangi ma e fe ngii taki aratou nifo.” 13Tera Jesus muna atu rei ki te tangata lasi faka Roman, “Poi ki tou paito, pe nia tau fakatonu ka faia atu ma au.”
Tera te seka a tangata lasi nei maroro arei i mo vakanga.
Jesus e ikirave ki te kano fenua e tokarava
(Mak 1.29–34; Luk 4.38–41)
14Jesus ne poi ki te paito o Peter; nai ravea rei te nana fongoai o Peter e mee i ana meeranga e ngaengae, e makariri. 15Koia ne poo atu ki na rima, poi kese arei ko na makariri, ma tuu arei ki runga, o pena pena koa kai kiei.
16Vasia ku afi afi, te kano fenua e tari mai faoa e vaka ria e nga atua pariki. Jesus ne nai fueina kese ko nga atua pariki i tana foi taranga, ma ne faka maroro faoa ngae ngae. 17Koia ne fai faka peinei pe nia a ʻprophetʼ Isaiah ne munaki ke au maori rei:
“Koia ne sau ea koia ki tua
atatou ngaengae
ma atatou fai fea vare.”
Te faingataa anga ke tautari kia Jesus
(Luk 9.57–62)
18Vasia ko Jesus ku nai ravea ina te kano fenua e fare riikofi atu kia koia, muna atu rei koia ki na kau fanonga ke oro ki take faasi roto. 19Te fakaako oa Fono ne au kiei. Muna atu rei kiei, “Fakaako ee, kuou ka tautari atu kia kee ia ngangea kaatoa ka poi ko kee kiei.”
20Tongoi atu rei ko Jesus kia koia, “Nga manu tauvao e fai ko aratou ngangea mee, ma nga manu e fai ko aratou fare faanganga, kae te Tama a Tangata siei ni mo ngangea mee mo ona ke maanava kiei.”
21Take tangata i na kau fanonga ne muna atu kiei, “Maurunga ee, tuku mai mua ke kau poi o tanu toku mmana.”
22Tongoi atu rei ko Jesus, “Tautari mai, tuku ko te mate ke tanu ko te mate.”
Jesus e faka ngaio te ofa
(Mak 4.35–41; Luk 8.22–25)
23Jesus ne sopo ki te vaka e poi ma na kau fanonga oro koratou. 24I mo vakanga te ofa ku oko i te roto, tera te vaka ku fai ke ngoto, kae ko Jesus e rotonga mee rei. 25Ta oro rei na kau fanonga o fango atu kiei. Muna atu rei koratou, “Faka sao kotatou, te Ariki ee! Kotatou ka mmate!”
26Tongoi atu rei ko Jesus, “Sea na atamai kotou e maattaku? Otou fakatonu e vikilake.” Tera tokai ake rei ko Jesus ki runga, o muna ki te matangi ma te ngaru ke too ko te ngaio. Ta too arei te ngaio rororo.
27Koratou kaatoa ku mmate ko aratou tino ma e mmuna, “Neinei se fai tangata koai nei? Te matangi ma te ngaru e tautari kia koia fokia!”
Jesus e fue kese ko nga atua pariki ia taangata toka rua
(Mak 5.1–20; Luk 8.26–39)
28Vasia o Jesus ne au ia motu ngangea i Gadara i take faasi roto, fekitei rei koratou ma taangata e toka rua, e oomai ki tua mai te kere tamate. A taangata nei e nofo ria ia atua pariki, tera siei rei pe koai ke poi i te riu ara e faka mataku taku. 29I te vasia sokotasi raua foorua arei o muna, “A nia ma au e fifia kia maua, te Tama a Tupua ee? Ko kee e au ke fakkiroa komaua, kae oko raa ki te vasia maori?”
30Ngangea see mmao ma te fare piki lasi e faangai iei. 31Tera kaisi atu rei ko nga atua pariki kia Jesus, “Kae pe ko kee e au rei ke fue kese komatou, fakau mai rei komatou ki fare piki.”
32Muna atu rei ko Jesus, “Oro!”
Tera oro arei o fe urufi kia piki, furi ifo arei ko nga piki katoa ia vae ngangea mato mato oro ki te roto, maaremo arei iei.
33Nga taangata noko reo i nga piki, furi kese arei, oro ki taoni, o araara faki te araara fanga oa taangata noko vakaria e nga atua pariki. 34Tera oro arei faoa kaatoa o te taoni o fekitei kia Jesus; i vasia koratou ne ono kiei, kaisi atu rei kiei ke poi kese ma aratou motu ngangea.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.