Matthew 10
10
Jesus e faka patino na kau fai fekau e tino angafuru ma rua
(Mak 3.13–19; Luk 6.12–16)
1Jesus ne karanga ki na kau fanonga e tino angafuru ma rua, o sori ea koia kia ratou te manuu ke fue kese ko nga atua pariki mai nga taangata, ma ke faka maroro ko nga fai ngae ngae ma fai fea vare kaatoa. 2Konei koa ingoa o na kau fai fekau:
Mataki nea na ingoa ko Simon (e ati ko Peter)
ma na taina ko Andrew,
James ma na taina ko John, a tama a Zebedee,
3Philip ma Bartholomew;
Thomas ma Matthew te tangata tari takisi;
James te tama a Alphaeus ma Thaddaeus;
4Simon te Patriot,
ma Judas Iscariot, koia ka nai soria ko Jesus.
A fainga fekau o na kau fanonga e tino angafuru ma rua
(Mak 6.7–13; Luk 9.1–6)
5A taangata e tino angafuru ma rua ne fakkau e Jesus, muna atu rei kia ratou: “Kau see oro kia noforanga o nga Gentile, o pe kia taoni o nga Samaritan. 6Kae kotou ke oro fuarei kia manu ne lleku a te kano fenua o Israel. 7Oro o araara faki: ‘Te Kainanga o te Vaerangi ku piri mai!’ 8Faka maroro ko te ngae ngae, fokisaki mai te mate ki te ora, faka maroro ko faoa fakarongo neaisu ia ratou tino e para, ma e fue kese ko nga atua pariki. Kotou ne sau see tauvi, tera soria fuarei ka see fai tauvi. 9Kau see sau ko ni ʻgoldʼ, ʻsilverʼ o pe foi ʻkopaʼ mane o fao ki otou tanga suru uru. 10#1 Cor 9.14; 1 Tim 5.18.Kau see sau te tanga kaisisi i otou vasia e oro iei, o pe suru tino fakatausara, o pe ni rafi vae, o pe te foi raakau. Faoa fai fekau e laoi rei ke soria pe nia e fifia kiei.
11“Vasia kotou e oomai ki taoni o pe ki noforanga, oro ono ono pe koai ka fifia ke nai faka afea ria kotou, tera fare kotou ma koia oko rei ki totou vasia ka oro kese ma noforanga. 12Totou vasia e fe urufi atu ki paito, muna rei, ‘Te roto mafora ke naa ia kotou.’ 13Kae pe faoa e fare i paito ka ratou faka afea ria kotou, tuku totou roto mafora ke naa arei iei; kae pe kotou see ratou faka afea ria kotou, fokisaki rei totou roto mafora. 14#Act 13.51.Kae i rake taoni ma i rake noforanga si se ratou faka afea ria kotou, o pe see fakarongo kia kotou, oro ki tua ma ngangea naa, titi rei ko te efu efu i otou vae. 15#Mat 11.24; Luk 10.4–12.Kuou e faka ari atu kia kotou te maori: Te aso o te faka tautara ka oko iei, Tupua ka arofa sapa ki te kano fenua o Sodom ma Gomorrah kae siei rei ki te kano fenua o taoni naa!
Te au ranga o fakarongo neaisu
(Mak 13.9–13; Luk 21.12–17)
16 #
Luk 10.3. “Fakarongo! Kuou e fakkau atu kotou ki tua pe nga manu sipi sipi ke oro ki tauranga nga korii tauvao. Kotou ke faka matakite pe nga sineke ma ke roto afe pe nga rupe. 17#Mak 13.9–11; Luk 12.11,12; 21.12–15.Faka matakite ki faoa ka oomai, ka ratou saua kotou o kave ki te faka tautara, ma ka ratou saia kotou ia ratou paito tataanaki. 18Kotou ka aumai ki te maataki i te faoa fono ma nga tii ke araara faki te Rongo Laoi kia ratou ma nga Gentile, fakatafito ia kuou. 19I ratou vasia e aumai ea ratou kotou ki te faka tautara, kau see faka tuasaa pe nia motou e faia ke muna kiei, o pe totou fai muna ka fai. Te vasia ka oko, kotou ka fai sori atu rei otou taranga ke muna iei. 20A taranga ka munaki ea kotou siei otou, kae e au mai i te Mauri o totou Mmana e munaki ea kotou.
21 #
Mak 13.12; Luk 21.16. “Nga taangata ka sori ko aratou kee taina ke tukuna ki te mate, ma nga mmana ka fai fokia fakapera rei ki aratou tamariki; nga tamariki ka fakatau ki aratou maatua, o sau ea ratou o tuku ki te mate. 22#Mat 24.9,13; Mak 13.13; Luk 21.17.Faoa kaatoa ka tteke atu kia kotou fakatafito i toku ingoa, kae pe koai ka faka mau ki muri ka faka saofia. 23Vasia ka ratou fai pariki tia kotou i take taoni, furi kese oro ki take taoni. Kuou e faka ari atu kia kotou te maori: Te Tama a Tangata ka oko mai kae otou fainga fekau siki fakaoti i nga taoni kaatoa i Israel.
24 #
Luk 6.40; Jon 13.16; 15.20. “Siei se tama ako ke sapa ma na fakaako. Siei fokia se seka ke sapa ma na ariki. 25#Mat 9.34; 12.24; Mak 3.22; Luk 11.15.Tera te tama ako koia e fetau fangatasi ke nai iroa rei, ke fai koia pe na fakaako, ma te seka e fetau fangatasi ke fai fokia pe na ariki. Kae te uru o kanoa paito ku ati ko Beelzebul, tera te kanoa paito ka ati kia ingoa pariki maatea rei!”
Koai ke mataku kiei
(Luk 12.2–7)
26 #
Mak 4.22; Luk 8.17. “Tera kau see fai o maattaku ki faoa. Kae pe nia e ufi ufi vasia nei ka fukea ki tua, ma a nea katoa e fuu ka faka aria ki tua. 27Kae pe nia ma aku e munaki atu kia kotou i te pouri, ko kotou ke araara faki rei i te ao. Ma pe nia ne rongo ko kotou kiei faka leku leku ke faka ari ifo rei mai fongo taufufu o paito. 28Kau see fai o maattaku ki faoa e ratou taia ko te tino, kae see ratou taia ko te ora; kae fuarei kotou ke maattaku ki Tupua, koia ka nai faka leku tia ria te tino ma te ora ki te ngangea pariki. 29Te foi pene sokotasi ka tauvi a punai manu e rua, kae siei se manu ke too ki te kere kae se iroa ina e totou Mmana. 30Kae kia kotou, a rau uru otou poko uru naa ku taua fakaoti rei. 31Tera kau see fai o maattaku; kotou e sapa rei ma nga punai manu kaatoa rei!
Te tara sara ma see fifia kia Christ
(Luk 12.8–9)
32“Pe koai ma e faka ari maso koratou ia mata o te kano fenua koratou o oku, kuou ka fai faka peeraa ia mata o toku Mmana i te vaerangi. 33#2 Tim 2.12.Kae pe koai si se nai fifia kina kuou ia mata o te kano fenua, koia fokia ka se kau fifia kina ia mata o toku Mmana i te vaerangi.
Siei te mafora kae te kofe tau
(Luk 12.51–53; 14.26–27)
34“Kau see fai o maanatu kuou ne au o aumai te roto mafora kia taangata nei; siei, kuou se ne au ma te roto mafora, kae te kofe tau. 35Kuou ne au o fai ko nga tama tangata ke fakatau ki aratou mmana, ma nga tama afine ke fakatau ki aratou nnana, nga fongona fafine ka fakatau ki aratou nnana fongoai. 36Otou faoa tau firi firi ka fai se tangata i totou kee kanoa paito maori rei.
37“Pe koai ma e fakapere sapa ki aratou mmana pe kia ratou nnana, kae siei rei kia kuou, si see tau fangatasi ke fai oku kau fanonga; pe koai ma e fakapere ki aratou tama o pe ratou tama afine, kae siei rei kia kuou, ka see tau fangatasi ke fai oku kau fanonga. 38#Mat 16.24; Mak 8.34; Luk 9.23.Pe koai ma si see amo aratou raakau tapu, ma ke tautari mai ki oku ngao, ka si see tau fangatasi ke fai oku kau fanonga. 39#Mat 16.25; Mak 8.35; Luk 9.24; 17.33; Jon 12.25.Kae pe koai ma e fifia fuarei ke faka sao ko ratou kee ora ia, ka faka lekutia; kae pe koai ma e faka leku mai ko ratou ora natafito ia kuou, ka faka saofia.
Te tauvi
(Mak 9.41)
40 #
Luk 10.16; Jon 13.20; Mak 9.37; Luk 9.48. “Pe koai e nai faka afea ria kotou, e nai faka afea ria kuou; kae pe koai e nai faka afea ria kuou, e nai faka afea ria koia ne kau mai ia kuou. 41Kae pe koai e nai faka afea ria te kave rongo a Tupua, natafito koia te kave rongo a Tupua, ka vae koraua i na tauvi. Ma pe koai e nai faka afea ria te tangata laoi, natafito koia te tangata laoi, koraua ka vae i na tauvi. 42Kuou e faka ari atu kia kotou te maori: Pe koai e sori ko te faangongo vai mariki i se tangata faka muri muri rei i toku kau fanonga, natafito koia o oku, koia ka see sara rei ka soria ko na sori.”
Iliyochaguliwa sasa
Matthew 10: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 10
10
Jesus e faka patino na kau fai fekau e tino angafuru ma rua
(Mak 3.13–19; Luk 6.12–16)
1Jesus ne karanga ki na kau fanonga e tino angafuru ma rua, o sori ea koia kia ratou te manuu ke fue kese ko nga atua pariki mai nga taangata, ma ke faka maroro ko nga fai ngae ngae ma fai fea vare kaatoa. 2Konei koa ingoa o na kau fai fekau:
Mataki nea na ingoa ko Simon (e ati ko Peter)
ma na taina ko Andrew,
James ma na taina ko John, a tama a Zebedee,
3Philip ma Bartholomew;
Thomas ma Matthew te tangata tari takisi;
James te tama a Alphaeus ma Thaddaeus;
4Simon te Patriot,
ma Judas Iscariot, koia ka nai soria ko Jesus.
A fainga fekau o na kau fanonga e tino angafuru ma rua
(Mak 6.7–13; Luk 9.1–6)
5A taangata e tino angafuru ma rua ne fakkau e Jesus, muna atu rei kia ratou: “Kau see oro kia noforanga o nga Gentile, o pe kia taoni o nga Samaritan. 6Kae kotou ke oro fuarei kia manu ne lleku a te kano fenua o Israel. 7Oro o araara faki: ‘Te Kainanga o te Vaerangi ku piri mai!’ 8Faka maroro ko te ngae ngae, fokisaki mai te mate ki te ora, faka maroro ko faoa fakarongo neaisu ia ratou tino e para, ma e fue kese ko nga atua pariki. Kotou ne sau see tauvi, tera soria fuarei ka see fai tauvi. 9Kau see sau ko ni ʻgoldʼ, ʻsilverʼ o pe foi ʻkopaʼ mane o fao ki otou tanga suru uru. 10#1 Cor 9.14; 1 Tim 5.18.Kau see sau te tanga kaisisi i otou vasia e oro iei, o pe suru tino fakatausara, o pe ni rafi vae, o pe te foi raakau. Faoa fai fekau e laoi rei ke soria pe nia e fifia kiei.
11“Vasia kotou e oomai ki taoni o pe ki noforanga, oro ono ono pe koai ka fifia ke nai faka afea ria kotou, tera fare kotou ma koia oko rei ki totou vasia ka oro kese ma noforanga. 12Totou vasia e fe urufi atu ki paito, muna rei, ‘Te roto mafora ke naa ia kotou.’ 13Kae pe faoa e fare i paito ka ratou faka afea ria kotou, tuku totou roto mafora ke naa arei iei; kae pe kotou see ratou faka afea ria kotou, fokisaki rei totou roto mafora. 14#Act 13.51.Kae i rake taoni ma i rake noforanga si se ratou faka afea ria kotou, o pe see fakarongo kia kotou, oro ki tua ma ngangea naa, titi rei ko te efu efu i otou vae. 15#Mat 11.24; Luk 10.4–12.Kuou e faka ari atu kia kotou te maori: Te aso o te faka tautara ka oko iei, Tupua ka arofa sapa ki te kano fenua o Sodom ma Gomorrah kae siei rei ki te kano fenua o taoni naa!
Te au ranga o fakarongo neaisu
(Mak 13.9–13; Luk 21.12–17)
16 #
Luk 10.3. “Fakarongo! Kuou e fakkau atu kotou ki tua pe nga manu sipi sipi ke oro ki tauranga nga korii tauvao. Kotou ke faka matakite pe nga sineke ma ke roto afe pe nga rupe. 17#Mak 13.9–11; Luk 12.11,12; 21.12–15.Faka matakite ki faoa ka oomai, ka ratou saua kotou o kave ki te faka tautara, ma ka ratou saia kotou ia ratou paito tataanaki. 18Kotou ka aumai ki te maataki i te faoa fono ma nga tii ke araara faki te Rongo Laoi kia ratou ma nga Gentile, fakatafito ia kuou. 19I ratou vasia e aumai ea ratou kotou ki te faka tautara, kau see faka tuasaa pe nia motou e faia ke muna kiei, o pe totou fai muna ka fai. Te vasia ka oko, kotou ka fai sori atu rei otou taranga ke muna iei. 20A taranga ka munaki ea kotou siei otou, kae e au mai i te Mauri o totou Mmana e munaki ea kotou.
21 #
Mak 13.12; Luk 21.16. “Nga taangata ka sori ko aratou kee taina ke tukuna ki te mate, ma nga mmana ka fai fokia fakapera rei ki aratou tamariki; nga tamariki ka fakatau ki aratou maatua, o sau ea ratou o tuku ki te mate. 22#Mat 24.9,13; Mak 13.13; Luk 21.17.Faoa kaatoa ka tteke atu kia kotou fakatafito i toku ingoa, kae pe koai ka faka mau ki muri ka faka saofia. 23Vasia ka ratou fai pariki tia kotou i take taoni, furi kese oro ki take taoni. Kuou e faka ari atu kia kotou te maori: Te Tama a Tangata ka oko mai kae otou fainga fekau siki fakaoti i nga taoni kaatoa i Israel.
24 #
Luk 6.40; Jon 13.16; 15.20. “Siei se tama ako ke sapa ma na fakaako. Siei fokia se seka ke sapa ma na ariki. 25#Mat 9.34; 12.24; Mak 3.22; Luk 11.15.Tera te tama ako koia e fetau fangatasi ke nai iroa rei, ke fai koia pe na fakaako, ma te seka e fetau fangatasi ke fai fokia pe na ariki. Kae te uru o kanoa paito ku ati ko Beelzebul, tera te kanoa paito ka ati kia ingoa pariki maatea rei!”
Koai ke mataku kiei
(Luk 12.2–7)
26 #
Mak 4.22; Luk 8.17. “Tera kau see fai o maattaku ki faoa. Kae pe nia e ufi ufi vasia nei ka fukea ki tua, ma a nea katoa e fuu ka faka aria ki tua. 27Kae pe nia ma aku e munaki atu kia kotou i te pouri, ko kotou ke araara faki rei i te ao. Ma pe nia ne rongo ko kotou kiei faka leku leku ke faka ari ifo rei mai fongo taufufu o paito. 28Kau see fai o maattaku ki faoa e ratou taia ko te tino, kae see ratou taia ko te ora; kae fuarei kotou ke maattaku ki Tupua, koia ka nai faka leku tia ria te tino ma te ora ki te ngangea pariki. 29Te foi pene sokotasi ka tauvi a punai manu e rua, kae siei se manu ke too ki te kere kae se iroa ina e totou Mmana. 30Kae kia kotou, a rau uru otou poko uru naa ku taua fakaoti rei. 31Tera kau see fai o maattaku; kotou e sapa rei ma nga punai manu kaatoa rei!
Te tara sara ma see fifia kia Christ
(Luk 12.8–9)
32“Pe koai ma e faka ari maso koratou ia mata o te kano fenua koratou o oku, kuou ka fai faka peeraa ia mata o toku Mmana i te vaerangi. 33#2 Tim 2.12.Kae pe koai si se nai fifia kina kuou ia mata o te kano fenua, koia fokia ka se kau fifia kina ia mata o toku Mmana i te vaerangi.
Siei te mafora kae te kofe tau
(Luk 12.51–53; 14.26–27)
34“Kau see fai o maanatu kuou ne au o aumai te roto mafora kia taangata nei; siei, kuou se ne au ma te roto mafora, kae te kofe tau. 35Kuou ne au o fai ko nga tama tangata ke fakatau ki aratou mmana, ma nga tama afine ke fakatau ki aratou nnana, nga fongona fafine ka fakatau ki aratou nnana fongoai. 36Otou faoa tau firi firi ka fai se tangata i totou kee kanoa paito maori rei.
37“Pe koai ma e fakapere sapa ki aratou mmana pe kia ratou nnana, kae siei rei kia kuou, si see tau fangatasi ke fai oku kau fanonga; pe koai ma e fakapere ki aratou tama o pe ratou tama afine, kae siei rei kia kuou, ka see tau fangatasi ke fai oku kau fanonga. 38#Mat 16.24; Mak 8.34; Luk 9.23.Pe koai ma si see amo aratou raakau tapu, ma ke tautari mai ki oku ngao, ka si see tau fangatasi ke fai oku kau fanonga. 39#Mat 16.25; Mak 8.35; Luk 9.24; 17.33; Jon 12.25.Kae pe koai ma e fifia fuarei ke faka sao ko ratou kee ora ia, ka faka lekutia; kae pe koai ma e faka leku mai ko ratou ora natafito ia kuou, ka faka saofia.
Te tauvi
(Mak 9.41)
40 #
Luk 10.16; Jon 13.20; Mak 9.37; Luk 9.48. “Pe koai e nai faka afea ria kotou, e nai faka afea ria kuou; kae pe koai e nai faka afea ria kuou, e nai faka afea ria koia ne kau mai ia kuou. 41Kae pe koai e nai faka afea ria te kave rongo a Tupua, natafito koia te kave rongo a Tupua, ka vae koraua i na tauvi. Ma pe koai e nai faka afea ria te tangata laoi, natafito koia te tangata laoi, koraua ka vae i na tauvi. 42Kuou e faka ari atu kia kotou te maori: Pe koai e sori ko te faangongo vai mariki i se tangata faka muri muri rei i toku kau fanonga, natafito koia o oku, koia ka see sara rei ka soria ko na sori.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.