Matthew 7
7
Faka tautara sia rake faoa
(Luk 6.37–38; 6.41–42)
1“Kau see faka tautara ki rake faoa, tera Tupua ka se nai faka tautara sia kotou, 2#Mak 4.24.natafito ko Tupua ka nai faka tautara sia kotou fakapera rei pe totou fai faka tautara ki rake faoa, ma te fakataunga e fai ea kotou ki rake faoa, ka faia atu e Tupua kia kotou fokia. 3Na atamai sea, ko kee e ono fuarei kia titi e naa i te mata o tou taina, kae si see fai mua ko kee ke ono kia penu penu e naa i tou kee mata ia?! 4Ne fai rei faka fefea ke muna ki tou taina, ‘Sea rei, tuku mai ke sau kese ki tua ko te titi i tou mata,’ kae puri puri oa penu penu i tou kee mata ia?! 5Ko kee te tangata taataa laoi! Sau mua ki tua ko te penu penu i tou kee mata ia, tera ko kee ka kee ravea ina laoi ke saua ki tua ko te titi i te mata o tou taina.
6“Kau see fai o sori pe nia e tapu ki nga korii. Koratou ka taafuri ake ka ratou ngau tia ria kotou. Tera kau see raku pe nia otou e faka mmasi kia mua o nga poi. Koratou ka fai taka fanga rei koratou kiei.
Kaisi, faara, fiti fiti
(Luk 11.9–13)
7“Tera kaaisi, ka sori atu; faara ka kotou maua; fiti fiti te urufanga ka sara atu kia kotou. 8Ki te faoa kaatoa e kaaisi ka sori atu, ma pe koai e faara ka ratou maua, ma te urufanga ka sara kia koratou e fiti fiti. 9Koai ia kotou i nga mmana ka sori ki tana tama te fatu na vasia e kaisi atu ki foi preti?! 10O pe ko kee ka sori kiei te sineke i na vasia e kaisi atu ki foi ika?! 11Kotou moa rei e pariki, kae e kotou iroa ina koa nea laoi ke sori ki otou tama. Tera rei, ka ravea atu rei totou Mmana i te vaerangi ka sori a nea laoi kia koratou e kaaisi kia koia!
12 #
Luk 6.31. “Fai fekau mo rake faoa pe nia motou e fifia koratou ke fai mai kia kotou: teinei te atamai oa Fono a Moses, ma a tusi tusi ranga a nga ʻProphetʼ.
Te urufanga komo komo
(Luk 13.24)
13“Fe urufi ki te urufanga e komo komo, natafito te urufanga ki ngangea pariki e lasi, ma te riu ara e poi kiei e faingaofia, ku kapi rei faoa e oro iei. 14Kae te urufanga ki te ora e komo komo ma te riu ara e poi kiei e maatea rei na faingataa, e soko soko fia faoa e ratou maua.
Te raakau ma ana fua
(Luk 6.43–44)
15“Faka matakite ki nga ʻprophetʼ tataangutu; ratou e oomai kia kotou e ono pe nga sipi sipi i tua, kae i roto koratou e fai rei pe nga korii tauvao. 16Ka kotou iroa ina koratou i ratou fainga fekau e fai. Te uruvao tara taramoa siei ni fua raakau ʻgrapeʼ mo ona ke fai, ma te ngatae ka see fua mai te foi ʻfigʼ. 17Te raakau ora ora laoi, ana fua e fufua laoi; kae te raakau si see ora laoi, ana fua ka fufua pariki. 18Ta te raakau e ora laoi ka see fua pariki, ma te raakau e ora pariki, ka see fua laoi. 19#Mat 3.10; Luk 3.9.Tera se raakau e fua pariki, taia ria ki raro, peia rei ki te afi. 20#Mat 12.33.Ta tera ka kotou iroa ina ko nga ʻprophetʼ tataangutu i ratou fainga fekau e fai.
Kuou see kau iroa ina kotou
(Luk 13.25–27)
21“Tera siei faoa kaatoa e kaaranga kia kuou: ‘Te Ariki ee, te Ariki ee,’ ka fe urufi ki te Kainanga o te Vaerangi, kae faoa fuarei e fai ko te fifia o toku Mmana i te vaerangi. 22Ta i te vasia o te aso o te faka tautara ku oko iei, ka tokkapi rei faoa ka muna mai kia kuou, ‘Te Ariki ee, te Ariki ee, i tou ingoa matou noko munaki koa taranga a Tupua, i tou ingoa matou noko fue kese ko nga atua pariki, ma e rava rei a matou furisanga ne fai!’ 23Tera kuou ka muna atu kia ratou, ‘Kuou see kau iroa ina kotou. Oro kese ma kuou, kotou faoa pariki!’
A tufunga taa paito toka rua
(Luk 6.47–49)
24“Tera ka pe koai e fakarongo ki aku taranga nei ma e tautari kiei, e fai rei pe te tangata atamai ne taa na paito i fongo fatu. 25Te ua ne too puke, a vai saria ne tafe maatea rei, te matangi ne maatea rei na angi kae te paito se ne turekina, natafito ne taa i fongo fatu.
26“Kae pe koai e fakarongo ki aku taranga nei, kae see tautari kiei, e fai pe te tangata faka vare ne taa na paito i te one one ranga. 27Te ua ne too puke, a vai saria ne tafe, te matangi ne angi maatea ki te paito, ma ne singa arei ki raro. Te fai too pariki ne fai!”
Te manuu o Jesus
28 #
Mak 1.22; Luk 4.32. Tera te vasia o Jesus ne faka oti ma te araara faki koa nea nei, te kano fenua ku fereki ko aratou mauri ki ana fai fakaako ranga. 29Koia ku see fai pe nga fakaako oa Fono, natafito koia e fakaako ma te manuu.
Iliyochaguliwa sasa
Matthew 7: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 7
7
Faka tautara sia rake faoa
(Luk 6.37–38; 6.41–42)
1“Kau see faka tautara ki rake faoa, tera Tupua ka se nai faka tautara sia kotou, 2#Mak 4.24.natafito ko Tupua ka nai faka tautara sia kotou fakapera rei pe totou fai faka tautara ki rake faoa, ma te fakataunga e fai ea kotou ki rake faoa, ka faia atu e Tupua kia kotou fokia. 3Na atamai sea, ko kee e ono fuarei kia titi e naa i te mata o tou taina, kae si see fai mua ko kee ke ono kia penu penu e naa i tou kee mata ia?! 4Ne fai rei faka fefea ke muna ki tou taina, ‘Sea rei, tuku mai ke sau kese ki tua ko te titi i tou mata,’ kae puri puri oa penu penu i tou kee mata ia?! 5Ko kee te tangata taataa laoi! Sau mua ki tua ko te penu penu i tou kee mata ia, tera ko kee ka kee ravea ina laoi ke saua ki tua ko te titi i te mata o tou taina.
6“Kau see fai o sori pe nia e tapu ki nga korii. Koratou ka taafuri ake ka ratou ngau tia ria kotou. Tera kau see raku pe nia otou e faka mmasi kia mua o nga poi. Koratou ka fai taka fanga rei koratou kiei.
Kaisi, faara, fiti fiti
(Luk 11.9–13)
7“Tera kaaisi, ka sori atu; faara ka kotou maua; fiti fiti te urufanga ka sara atu kia kotou. 8Ki te faoa kaatoa e kaaisi ka sori atu, ma pe koai e faara ka ratou maua, ma te urufanga ka sara kia koratou e fiti fiti. 9Koai ia kotou i nga mmana ka sori ki tana tama te fatu na vasia e kaisi atu ki foi preti?! 10O pe ko kee ka sori kiei te sineke i na vasia e kaisi atu ki foi ika?! 11Kotou moa rei e pariki, kae e kotou iroa ina koa nea laoi ke sori ki otou tama. Tera rei, ka ravea atu rei totou Mmana i te vaerangi ka sori a nea laoi kia koratou e kaaisi kia koia!
12 #
Luk 6.31. “Fai fekau mo rake faoa pe nia motou e fifia koratou ke fai mai kia kotou: teinei te atamai oa Fono a Moses, ma a tusi tusi ranga a nga ʻProphetʼ.
Te urufanga komo komo
(Luk 13.24)
13“Fe urufi ki te urufanga e komo komo, natafito te urufanga ki ngangea pariki e lasi, ma te riu ara e poi kiei e faingaofia, ku kapi rei faoa e oro iei. 14Kae te urufanga ki te ora e komo komo ma te riu ara e poi kiei e maatea rei na faingataa, e soko soko fia faoa e ratou maua.
Te raakau ma ana fua
(Luk 6.43–44)
15“Faka matakite ki nga ʻprophetʼ tataangutu; ratou e oomai kia kotou e ono pe nga sipi sipi i tua, kae i roto koratou e fai rei pe nga korii tauvao. 16Ka kotou iroa ina koratou i ratou fainga fekau e fai. Te uruvao tara taramoa siei ni fua raakau ʻgrapeʼ mo ona ke fai, ma te ngatae ka see fua mai te foi ʻfigʼ. 17Te raakau ora ora laoi, ana fua e fufua laoi; kae te raakau si see ora laoi, ana fua ka fufua pariki. 18Ta te raakau e ora laoi ka see fua pariki, ma te raakau e ora pariki, ka see fua laoi. 19#Mat 3.10; Luk 3.9.Tera se raakau e fua pariki, taia ria ki raro, peia rei ki te afi. 20#Mat 12.33.Ta tera ka kotou iroa ina ko nga ʻprophetʼ tataangutu i ratou fainga fekau e fai.
Kuou see kau iroa ina kotou
(Luk 13.25–27)
21“Tera siei faoa kaatoa e kaaranga kia kuou: ‘Te Ariki ee, te Ariki ee,’ ka fe urufi ki te Kainanga o te Vaerangi, kae faoa fuarei e fai ko te fifia o toku Mmana i te vaerangi. 22Ta i te vasia o te aso o te faka tautara ku oko iei, ka tokkapi rei faoa ka muna mai kia kuou, ‘Te Ariki ee, te Ariki ee, i tou ingoa matou noko munaki koa taranga a Tupua, i tou ingoa matou noko fue kese ko nga atua pariki, ma e rava rei a matou furisanga ne fai!’ 23Tera kuou ka muna atu kia ratou, ‘Kuou see kau iroa ina kotou. Oro kese ma kuou, kotou faoa pariki!’
A tufunga taa paito toka rua
(Luk 6.47–49)
24“Tera ka pe koai e fakarongo ki aku taranga nei ma e tautari kiei, e fai rei pe te tangata atamai ne taa na paito i fongo fatu. 25Te ua ne too puke, a vai saria ne tafe maatea rei, te matangi ne maatea rei na angi kae te paito se ne turekina, natafito ne taa i fongo fatu.
26“Kae pe koai e fakarongo ki aku taranga nei, kae see tautari kiei, e fai pe te tangata faka vare ne taa na paito i te one one ranga. 27Te ua ne too puke, a vai saria ne tafe, te matangi ne angi maatea ki te paito, ma ne singa arei ki raro. Te fai too pariki ne fai!”
Te manuu o Jesus
28 #
Mak 1.22; Luk 4.32. Tera te vasia o Jesus ne faka oti ma te araara faki koa nea nei, te kano fenua ku fereki ko aratou mauri ki ana fai fakaako ranga. 29Koia ku see fai pe nga fakaako oa Fono, natafito koia e fakaako ma te manuu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.