Matthew 6
6
Fakaako ranga ki te soaki
1 #
Mat 23.5. “Faka matakite ka see fai o faka sasa otou fainga fekau ki te rotu ia ngangea e feonga o te fenua, tera kano fenua ka ono pe nia motou ka fai. Kae pe kotou e fai koa nea nei ia ngangea feonga o fenua, ko kotou ka seke tauvi mai totou Mmana i te vaerangi.
2“I te vasia kotou e sori pe nia ki faoa e sessese, kau see fai o faka ari ki tua pe faoa taataa laoi e fai i rota paito rotu ma ia vae riu ara. E fai ea ratou e laoi ke faka puria e te kano fenua koratou. Kuou e faka ari atu kia kotou te maori: Koratou ku tauvi ku oti. 3Kae vasia ko kee e sosoa ki tangata e sessese, fai ia riu ara moa rei tou kau soavaka ka se nai iroa ina. 4Tera ka fai tau kee faka leku. Tou Mmana, koia e ono pe nia ma au e fai faka leku leku, ka sori atu tou tauvi.
Fakaako ranga ki te rotu
(Luk 11.2–4)
5 #
Luk 18.10–14. “Vasia kotou e rotu, kau see fai pe faoa e taataa laoi! Koratou e fifia ke turaki i runga o rotu ia paito rotu ma ia ngangea o te vae riu ara o te fenua, e laoi koratou ke ravea ina katoa rei. Kuou e faka ari atu kia kotou te maori: A ratou tauvi ku sau katoa rei. 6Kae tou vasia e rotu iei, poi ki tou rumu, sasai te urufanga, kae rotu rei ko kee ki tou Mmana, si see ravea ina. Kae tou Mmana e nai ravea ina fuarei pe nia ma au e fai faka leku leku, ka nai soria atu tou tauvi.
7“I tou vasia e rotu iei, kau see fai te angaa taranga e seke atamai pe ko nga faoa pouri e fai. Koratou e maanatu ratou tupua ka fakarongo kia ratou, natafito a ratou rotu e roa. 8Kau see fai pe koratou; totou Mmana e nai iroa ku oti pe nia motou e fifia ke kaaisi kiei. 9Ta teinei totou fai rotu ke fai:
Matou Mmana i te vaerangi:
Ko tou ingoa e tapu
ke faka epa ria;
10tou Kainanga ke au;
tou fifia ke oko ia taangata nei pe i te vaerangi.
11Soria mai kia matou
koa mo kai mo te aso nei.
12Faka ngaromia mai
ko amatou sara ne fai,
pe matou faka ngaromia koa sara
ne fai mai e rake faoa kia matou.
13Kau see aumai komatou
ki te titipea ranga,
tuku tonu komatou ke sao mai te Atua Pariki.
[Natafito, te Kainanga, ma te manuu ma te maarama
ke naa mau ia kee. E tonu.]
14 #
Mak 11.25,26. “Ko kotou e kotou faka ngaromia pe nia ma rake faoa ne fai sara atu kia kotou, totou Mmana i te vaerangi ka nai faka ngaromia otou sara fokia. 15Kae pe kotou se ma faka ngaromia koa sara oa rake faoa, ta totou Mmana ka se nai faka ngaromia otou sara ne fai.
Te fakaako ranga ki faka naa mangumangu
16“Otou vasia e faka naa mangumangu iei, kau see pula faka ruru faka arofa pe nga faoa taataa laoi e fai. Koratou see rau rei, ratou fai faka saa koratou ku fai fuarei ki faoa kaatoa ke ono atu koratou e faka naa mangumangu. Kuou e faka ari atu kia kotou te maori: A ratou tauvi ku oti na tauvi fakaoti rei. 17Otou vasia e oro faka naa mangumangu, furu ou mata kia vai ma e seru tou uru ki te seru uru. 18E laoi ko rake faoa ka se ratou iroa ina ko kee e faka naa mangumangu, fuarei tou Mmana, koia e nai ravea pe nia ma au e fai faka leku leku, ka nai soria atu tou tauvi.
Taufenua i te vaerangi
(Luk 12.33–34)
19 #
Jas 5.2,3. “Kau see fai tuku ko ni taufenua motou ia taangata nei, i kuraa ka kaina e nga potu potu ma ka popo, ma fenua kaiaa ka ratou sara tiaina o kaiaa. 20Kae fai tonu o tuku ko ni taufenua motou i te vaerangi, i kuraa ka see kaina e nga potu potu ma te popo ka se nai fai pariki tiaina. Ma te fenua kaiaa ka se ratou sara tiaina o kaiaa. 21Natafito tou fatu manava ka naa mau fuarei i ngangea tou taufenua e naa iei.
Te maarama o te tino
(Luk 11.34–36)
22“A kafi mata e fai pe te faka maarama ki tou tino. Kae ou kafi mata ka atetea, tou tino kaatoa ka maarama fakaoti rei; 23kae pe ou kafi mata si see laoi, tou tino ka pouri ngiti rei; kae pe te maarama e naa ia kee ke pouri ngiti, tera te pouri ka maatea rei!
Tupua ma a taufenua
(Luk 16.13; 12.22–31)
24“Siei pe koai ka fai fekau ki aana ariki e toka rua. Koia ka fakapere ki take na ariki, kae teke rei ki take na ariki, o pe laoi koia ki take na ariki, kae siei ki take na ariki. Ko kee ka si see fai fekauaki taanaki ko Tupua ma a mane i vasia e sokotasi.
25“Teinei arei kuou e faka ari atu kia kotou: Kau see faka tuasaa ki otou ora pe nia motou ka kai, o pe ki otou tino pe ni suru motou ka fe urufi. Ea? Te ora siki e sapa kese rei ma a kai?! Ma te tino siki e sapa kese rei ma a suru?! 26Pula rei ki nga manu: ratou see too ni kai, tuku rei ki aratou fare oa kai, kae totou Mmana i te vaerangi e oono ia ratou! Ea? Kotou siki e sapa kese rei ma nga manu?! 27Kae moa rei kotou e faka tuasaa ki otou ora, kae kotou ka se ma fai otou ora ke roa ake faka molakea!
28“Mae sea rei na atamai te faka tuasaa kia suru? Pula rei kia fai ora oa manongi vao: ratou see fai fekau, o pe e fai ko ni suru mo ratou. 29Kae kuou ka faka ari atu kia kotou, kae moa rei ko Solomon te taufenua ne uru ki ana suru laoi, kae si see taurekareka pe te foi manongi ia manongi nei. 30Kae Tupua koia e faka suru ia manongi vao e somo i te aso nei oko rei kia pongi pongi, kae sunua rei ki te afi. Ea, koia si se nai faka suru ria atu kotou? Otou paanaki e vikilake!
31“Tera kau see fai faka tuasaa kia mo kai o muna, ‘Ka sau mai oku mo kai mai fea? O pe oku mo vai? Pe oku suru?’ 32Konei te fai o te fenua pouri koratou e tuasaa kia nea nei. Totou Mmana i te vaerangi e nai iroa kotou e fifia kia nea katoa nei. 33Fai fuarei kia nea katoa i te Kainanga o Tupua, ma pe nia ma ana e fifia kiei mai ia kotou, tera koia ka sori atu a nea katoa ma rake nea fokia. 34Tera kau see faka tuasaa kia pongi pongi; ko ana kee maanatu e fetau fangatasi rei kiei. Se fetau fangatasi ke taanaki koa sara o rake aso mai ki roto ki aso taki tasi.
Iliyochaguliwa sasa
Matthew 6: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 6
6
Fakaako ranga ki te soaki
1 #
Mat 23.5. “Faka matakite ka see fai o faka sasa otou fainga fekau ki te rotu ia ngangea e feonga o te fenua, tera kano fenua ka ono pe nia motou ka fai. Kae pe kotou e fai koa nea nei ia ngangea feonga o fenua, ko kotou ka seke tauvi mai totou Mmana i te vaerangi.
2“I te vasia kotou e sori pe nia ki faoa e sessese, kau see fai o faka ari ki tua pe faoa taataa laoi e fai i rota paito rotu ma ia vae riu ara. E fai ea ratou e laoi ke faka puria e te kano fenua koratou. Kuou e faka ari atu kia kotou te maori: Koratou ku tauvi ku oti. 3Kae vasia ko kee e sosoa ki tangata e sessese, fai ia riu ara moa rei tou kau soavaka ka se nai iroa ina. 4Tera ka fai tau kee faka leku. Tou Mmana, koia e ono pe nia ma au e fai faka leku leku, ka sori atu tou tauvi.
Fakaako ranga ki te rotu
(Luk 11.2–4)
5 #
Luk 18.10–14. “Vasia kotou e rotu, kau see fai pe faoa e taataa laoi! Koratou e fifia ke turaki i runga o rotu ia paito rotu ma ia ngangea o te vae riu ara o te fenua, e laoi koratou ke ravea ina katoa rei. Kuou e faka ari atu kia kotou te maori: A ratou tauvi ku sau katoa rei. 6Kae tou vasia e rotu iei, poi ki tou rumu, sasai te urufanga, kae rotu rei ko kee ki tou Mmana, si see ravea ina. Kae tou Mmana e nai ravea ina fuarei pe nia ma au e fai faka leku leku, ka nai soria atu tou tauvi.
7“I tou vasia e rotu iei, kau see fai te angaa taranga e seke atamai pe ko nga faoa pouri e fai. Koratou e maanatu ratou tupua ka fakarongo kia ratou, natafito a ratou rotu e roa. 8Kau see fai pe koratou; totou Mmana e nai iroa ku oti pe nia motou e fifia ke kaaisi kiei. 9Ta teinei totou fai rotu ke fai:
Matou Mmana i te vaerangi:
Ko tou ingoa e tapu
ke faka epa ria;
10tou Kainanga ke au;
tou fifia ke oko ia taangata nei pe i te vaerangi.
11Soria mai kia matou
koa mo kai mo te aso nei.
12Faka ngaromia mai
ko amatou sara ne fai,
pe matou faka ngaromia koa sara
ne fai mai e rake faoa kia matou.
13Kau see aumai komatou
ki te titipea ranga,
tuku tonu komatou ke sao mai te Atua Pariki.
[Natafito, te Kainanga, ma te manuu ma te maarama
ke naa mau ia kee. E tonu.]
14 #
Mak 11.25,26. “Ko kotou e kotou faka ngaromia pe nia ma rake faoa ne fai sara atu kia kotou, totou Mmana i te vaerangi ka nai faka ngaromia otou sara fokia. 15Kae pe kotou se ma faka ngaromia koa sara oa rake faoa, ta totou Mmana ka se nai faka ngaromia otou sara ne fai.
Te fakaako ranga ki faka naa mangumangu
16“Otou vasia e faka naa mangumangu iei, kau see pula faka ruru faka arofa pe nga faoa taataa laoi e fai. Koratou see rau rei, ratou fai faka saa koratou ku fai fuarei ki faoa kaatoa ke ono atu koratou e faka naa mangumangu. Kuou e faka ari atu kia kotou te maori: A ratou tauvi ku oti na tauvi fakaoti rei. 17Otou vasia e oro faka naa mangumangu, furu ou mata kia vai ma e seru tou uru ki te seru uru. 18E laoi ko rake faoa ka se ratou iroa ina ko kee e faka naa mangumangu, fuarei tou Mmana, koia e nai ravea pe nia ma au e fai faka leku leku, ka nai soria atu tou tauvi.
Taufenua i te vaerangi
(Luk 12.33–34)
19 #
Jas 5.2,3. “Kau see fai tuku ko ni taufenua motou ia taangata nei, i kuraa ka kaina e nga potu potu ma ka popo, ma fenua kaiaa ka ratou sara tiaina o kaiaa. 20Kae fai tonu o tuku ko ni taufenua motou i te vaerangi, i kuraa ka see kaina e nga potu potu ma te popo ka se nai fai pariki tiaina. Ma te fenua kaiaa ka se ratou sara tiaina o kaiaa. 21Natafito tou fatu manava ka naa mau fuarei i ngangea tou taufenua e naa iei.
Te maarama o te tino
(Luk 11.34–36)
22“A kafi mata e fai pe te faka maarama ki tou tino. Kae ou kafi mata ka atetea, tou tino kaatoa ka maarama fakaoti rei; 23kae pe ou kafi mata si see laoi, tou tino ka pouri ngiti rei; kae pe te maarama e naa ia kee ke pouri ngiti, tera te pouri ka maatea rei!
Tupua ma a taufenua
(Luk 16.13; 12.22–31)
24“Siei pe koai ka fai fekau ki aana ariki e toka rua. Koia ka fakapere ki take na ariki, kae teke rei ki take na ariki, o pe laoi koia ki take na ariki, kae siei ki take na ariki. Ko kee ka si see fai fekauaki taanaki ko Tupua ma a mane i vasia e sokotasi.
25“Teinei arei kuou e faka ari atu kia kotou: Kau see faka tuasaa ki otou ora pe nia motou ka kai, o pe ki otou tino pe ni suru motou ka fe urufi. Ea? Te ora siki e sapa kese rei ma a kai?! Ma te tino siki e sapa kese rei ma a suru?! 26Pula rei ki nga manu: ratou see too ni kai, tuku rei ki aratou fare oa kai, kae totou Mmana i te vaerangi e oono ia ratou! Ea? Kotou siki e sapa kese rei ma nga manu?! 27Kae moa rei kotou e faka tuasaa ki otou ora, kae kotou ka se ma fai otou ora ke roa ake faka molakea!
28“Mae sea rei na atamai te faka tuasaa kia suru? Pula rei kia fai ora oa manongi vao: ratou see fai fekau, o pe e fai ko ni suru mo ratou. 29Kae kuou ka faka ari atu kia kotou, kae moa rei ko Solomon te taufenua ne uru ki ana suru laoi, kae si see taurekareka pe te foi manongi ia manongi nei. 30Kae Tupua koia e faka suru ia manongi vao e somo i te aso nei oko rei kia pongi pongi, kae sunua rei ki te afi. Ea, koia si se nai faka suru ria atu kotou? Otou paanaki e vikilake!
31“Tera kau see fai faka tuasaa kia mo kai o muna, ‘Ka sau mai oku mo kai mai fea? O pe oku mo vai? Pe oku suru?’ 32Konei te fai o te fenua pouri koratou e tuasaa kia nea nei. Totou Mmana i te vaerangi e nai iroa kotou e fifia kia nea katoa nei. 33Fai fuarei kia nea katoa i te Kainanga o Tupua, ma pe nia ma ana e fifia kiei mai ia kotou, tera koia ka sori atu a nea katoa ma rake nea fokia. 34Tera kau see faka tuasaa kia pongi pongi; ko ana kee maanatu e fetau fangatasi rei kiei. Se fetau fangatasi ke taanaki koa sara o rake aso mai ki roto ki aso taki tasi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.