Matthew 5
5
Te tuufaki i fongo maunga
1Jesus ne ono ki te kano fenua, poi arei ki fongo maunga, ma e nofo arei ki raro i te ngangea. Na kau fanonga ne fare riikofi atu kia koia. 2Tafito arei koia o ako koratou:
Te mata mau maori
(Luk 6.20–23)
3“Fakatapu ria koratou
e ratou iroa ina
e fakaruru faka arofa ia ratou mauri,
te Kainanga o te Vaerangi oratou!
4Fakatapu ria koratou e pali,
Tupua ka tuku tuku roto kia koratou.
5Fakatapu ria koratou
e tuku raro maso koratou,
ka ratou saua pe nia ma Tupua ne tongisaki.
6Fakatapu ria koratou
e faka sapa ke fai pe nia ma Tupua e fifia kiei,
Tupua ka nai faia ria koratou fifia katoa.
7Fakatapu ria koratou
e aarofa ki rake faoa,
Tupua ka arofa atu kia ratou!
8Fakatapu ria koratou
ia ratou fatu manava e maa,
ka ratou ravea ina ko Tupua!
9Fakatapu ria koratou
e fai fekauaki te roto mafora,
Tupua ka muna koratou ana tamariki.
10 #
1 Pet 3.14. Fakatapu ria koratou
e fai pariki tiaina
natafito koratou e fai pe nia ma Tupua e fifia kiei,
te Kainanga o te Vaerangi oratou.
11 #
1 Pet 4.14. “Fakatapu ria ko kotou e taranga pariki tiaina e faoa, e munaki ko te roi o fai pariki kia kotou, faina kotou a faoa e tautari kia kuou. 12#Act 7.52.Vaki vaki ma e mata mau, natafito totou matuaa sori e naa i te vaerangi. Teinei te fai fai ne faia ki nga ʻprophetʼ noko fare i mua noko fai pariki tiaina.
Te vaitai ma te maarama
(Luk 6.20–23)
13“Kotou e fai pe ni vaitai i nga turaurau katoa. Kae pe te vaitai e too kese na namu vaitai, e faingataa rei na kona ke fai ake fokia, ku laoi fokia, tera ku peia ki te riu ara tera fai taka fanga rei ko te kano fenua kiei.
14 #
Jon 8.12; 9.5. “Kotou e fai pe te maarama kia taangata kaatoa nei. A taoni lasi ne pena ia fongo maunga ka se ma funa ria rei. 15#Mak 4.21; Luk 8.16; 11.33.Siei pe koai ke tutu ea koia te laiti, purou rei ea koia ki te kumete; kae faka tuu rei tonu ea koia ki te tuuranga laiti, e laoi ke maarama kia ratou kaatoa i rota paito. 16#1 Pet 2.12.Ia fai atamai sokotasi, otou laiti ke ata ki te kano fenua, e laoi ke ratou ravea ina koa nea laoi e fai ea kotou, ma e faka puu ki totou Mmana i te vaerangi.”
Fakaako ranga kia Fono
17Tera ko Jesus e muna fokia, “Kau see maanatu kuou e au o fai ke tuku kese koa Fono a Moses ma a tusi tusi ranga a nga ʻProphetʼ. Kuou se ne au o fai ke tuku kese koratou, kae fai tonu a ratou fakaako ranga ke au ke tonu. 18#Luk 16.17.Faka maanatu, oko rei ki te vasia o te vaerangi ma oa taangata nei ka faka oti, siei se foi matai tusi sokotasi ke leku, siei pe ni mo atamai e faka atetea ina ia Fono ke leku, oko rei ki te faka suku suku anga oa nea kaatoa nei. 19Ta teeraa, pe koai e saeaki moa rei ia mo ngangea molakea ia matuaa atamai oa Fono a Tupua ma e fakaako ki rake faoa ke fai koa nea sokotasi, ka tuku raro ria i te Kainanga o te Vaerangi. I rake fai maanatu, pe koai e tautari kia fono ma e fakaako ki rake faoa ke fai koa nea sokotasi, ka sapa kese rei i te Kainanga o te Vaerangi. 20Ta teenaa, kuou e faka ari atu kia kotou, ko kotou ka oro raa o fe urufi ki te Kainanga o te Vaerangi fuarei ko kotou ke sapa ma e faka poto ma nga fakaako oa Fono ma nga Pharisee o fai pe nia ma Tupua e fifia kiei.
Fakaako ranga o te teke
(Luk 12.57–59)
21“Kotou ne rongo i mua ne faka iro ki nga taangata: ‘Kau see fai kotou o taa taangata; ka pe koai e fai ea koia, ka aumai ina ki te faka tautara.’ 22Kae vasia nei kuou ka faka ari atu kia kotou: kae pe koai e teke ki na taina, ka aumai ina ki te faka tautara. Pe koai rei e karanga ki na taina, ‘Ko kee e ngatii laoi fuarei!’ ka aumai ina ki te kau fono, kae pe koai rei e karanga ki na taina, ‘Ko kee te kausi e siei rei pe sea!’ ka pariki maatea rei ke poi ki te afi o ngangea e pariki.
23“Tera kae ko kee e fai ke sori tau sori ki Tupua i te mua faitoka kae faka maanatu i ngangea tou taina e fai ko ana nea e teke atu kia ko kee, 24tuku ko tau sori i te mua faitoka, kae poi rei ko kee o faka laoi ki tou taina, ta foki mai raa ko kee o sori tau sori ki Tupua.
25“Kae pe koai e nai aumai ina te faka tautara kia kee ke nai kavena ko kee ki te faka tautara, fai o faka laoi toru faka pariki i oru mo vasia e koi fare iei naa, oti kae poi raa ko kee ki te faka tautara. I vasia sokotasi ko kee i kunaa, ko kee ka sori ea koia ki te tangata o te faka tautara, ma koia ka sori ia ko kee ki nga polisi, tera ke tuku ki te fare pono pono. 26Tera kuou e faka ari atu rei kia ko kee te maori: Ko kee ka se ma au rei ki tua oko rei ku kee tauvia ria tau tee pene o tau malai.
Fakaako ranga ki te poi vare
27“Kotou ne rongo ne munakina: ‘Kau see fai o poi vare!’ 28Kae vasia nei kuou e faka ari atu kia kotou: pe koai e ono ki te maatua fafine au rei i na atamai te maninia, koia ku tokaa ki te poi vare i na fatu manava. 29#Mat 18.9; Mak 9.47.Kae tou kafi mata rei i faasi matau e nai faia ko kee ke too ki te sara, kapea ki tua o peia rei! Ka maatea rei na laoi ke sau ki tua a mo ngangea o tou tino, sapa kese rei ma tou tino katoa ke peia ki te afi. 30#Mat 18.8; Mak 9.43.Kae tou rima matau e nai faia ko kee ke too ki te sara, saua kese o peia ki tua! E laoi rei kia ko kee ke faka too kese te mo ngangea o tou tino, kae siei tou tino katoa ke poi ki te afi.
Fakaako ranga ki te fue nofine
(Mat 19.9; Mak 10.11–12; Luk 16.18)
31 #
Mat 19.7; Mak 10.4. “Ne munakina fokia: ‘Pe koai ke fue kese na nofine, e fetau fangatasi ke tusi o faka iro ki na nofine koraua ka fare ma vaevae.’ 32#Mat 19.9; Mak 10.11,12; Luk 16.18; 1 Cor 7.10,11.Kae vasia nei kuou e faka ari atu kia kotou, se tangata e fue kese ko na nofine, ka na nofine si se ne poi vare, tera koia ku ravaa tia ke fai na nofine ke poi vare vasia koia ka avanga fokia, ma te tangata e avanga ki te maatua fafine nei ku poi vare fokia.
Fakaako ranga kia vata vata
33“Kotou ne rongo fokia ne faka aria ki te faoa i mua: ‘Kau see fai o motu tau tongi, kae fai tau vata vata ne fai ki te Ariki.’ 34#Jas 5.12; Mat 23.22.Kae vasia nei kuou e faka ari atu kia kotou, kau see fai pe ni vata vata i otou vasia e tongi iei. Kau see tongi ki te vaerangi, iei te noforanga o Tupua; 35siei kia taangata nei, te tuku ranga o ana rafi vae; siei fokia ki Jerusalem, te noforanga o te matuaa Tii. 36Kau see fai o tongi mai ki tou pokouru, natafito ko kee ka se ma fai foi rau uru sokotasi ke tea o pe ke uri. 37Kae muna fuarei: ‘E tonu,’ pe ‘Siei’. Kae pe nia ka muna kotou kiei e au mai i te Atua Pariki.
Fakaako ranga ki faka nanaroto
(Luk 6.29–30)
38“Kotou ne rongo ne munakina: ‘Te mata ki te mata, ma te nifo ki te nifo!’ 39Kae vasia nei kuou ka muna atu kia kotou: Kau see faka nanaroto pe koai ne fai sara atu kia ko kee. Kae pe koai e nai pakia atu tou faasi karafau matau, tuku atu tou faasi karafau sema ke nai pakia fokia. 40Ma pe koai e nai kaavea ko kee ki te faka tautara i tou suru tino, tuku kiei fokia tou suru tino aofaki. 41Ma pe koai i te faoa tau e faka oso atu ke sau tana amonga ke mmao, amo atu rei ki te mmao anga. 42Kae i te vasia pe koai e kaisi atu pe nia, sori kiei; i te vasia pe koai e fifia ke sau mua pe nia, tuku mua kiei.
Fakapere ki fenua e firi atu
(Luk 6.27–28; 6.32–36)
43“Kotou ne rongo ne munakina: ‘Fakapere ki tou soavaka, kae teke rei ki tou tau firi firi.’ 44Kae vasia nei kuou ka faka ari atu kia kotou: Fakapere ki te faoa e firi atu kia kotou, ma e rotu ki faoa e fai e ratou fai pariki tia ko kotou. 45Tera ko kotou ka oomai ka fai a tama a totou Mmana i te vaerangi. Natafito koia e fai te raa ke aata ki faoa pariki ma ki faoa laoi. Ma e sori te ua ki faoa e fai faka laoi ma faoa e fai pariki. 46Sea na atamai Tupua ka tauvi atu kia kotou e fakapere fuarei ki otou faoa e laoi kia kotou?! Kae faoa tari takisi e fai faka peeraa fokia! 47Ma kotou e tau araara fuarei ki otou soavaka, ko kotou si se ne fai pe nia e sapa?! Kae faoa pouri e fai faka peenaa fokia! 48Kotou faka maakira rei pe totou Mmana i te vaerangi e makkira.
Iliyochaguliwa sasa
Matthew 5: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 5
5
Te tuufaki i fongo maunga
1Jesus ne ono ki te kano fenua, poi arei ki fongo maunga, ma e nofo arei ki raro i te ngangea. Na kau fanonga ne fare riikofi atu kia koia. 2Tafito arei koia o ako koratou:
Te mata mau maori
(Luk 6.20–23)
3“Fakatapu ria koratou
e ratou iroa ina
e fakaruru faka arofa ia ratou mauri,
te Kainanga o te Vaerangi oratou!
4Fakatapu ria koratou e pali,
Tupua ka tuku tuku roto kia koratou.
5Fakatapu ria koratou
e tuku raro maso koratou,
ka ratou saua pe nia ma Tupua ne tongisaki.
6Fakatapu ria koratou
e faka sapa ke fai pe nia ma Tupua e fifia kiei,
Tupua ka nai faia ria koratou fifia katoa.
7Fakatapu ria koratou
e aarofa ki rake faoa,
Tupua ka arofa atu kia ratou!
8Fakatapu ria koratou
ia ratou fatu manava e maa,
ka ratou ravea ina ko Tupua!
9Fakatapu ria koratou
e fai fekauaki te roto mafora,
Tupua ka muna koratou ana tamariki.
10 #
1 Pet 3.14. Fakatapu ria koratou
e fai pariki tiaina
natafito koratou e fai pe nia ma Tupua e fifia kiei,
te Kainanga o te Vaerangi oratou.
11 #
1 Pet 4.14. “Fakatapu ria ko kotou e taranga pariki tiaina e faoa, e munaki ko te roi o fai pariki kia kotou, faina kotou a faoa e tautari kia kuou. 12#Act 7.52.Vaki vaki ma e mata mau, natafito totou matuaa sori e naa i te vaerangi. Teinei te fai fai ne faia ki nga ʻprophetʼ noko fare i mua noko fai pariki tiaina.
Te vaitai ma te maarama
(Luk 6.20–23)
13“Kotou e fai pe ni vaitai i nga turaurau katoa. Kae pe te vaitai e too kese na namu vaitai, e faingataa rei na kona ke fai ake fokia, ku laoi fokia, tera ku peia ki te riu ara tera fai taka fanga rei ko te kano fenua kiei.
14 #
Jon 8.12; 9.5. “Kotou e fai pe te maarama kia taangata kaatoa nei. A taoni lasi ne pena ia fongo maunga ka se ma funa ria rei. 15#Mak 4.21; Luk 8.16; 11.33.Siei pe koai ke tutu ea koia te laiti, purou rei ea koia ki te kumete; kae faka tuu rei tonu ea koia ki te tuuranga laiti, e laoi ke maarama kia ratou kaatoa i rota paito. 16#1 Pet 2.12.Ia fai atamai sokotasi, otou laiti ke ata ki te kano fenua, e laoi ke ratou ravea ina koa nea laoi e fai ea kotou, ma e faka puu ki totou Mmana i te vaerangi.”
Fakaako ranga kia Fono
17Tera ko Jesus e muna fokia, “Kau see maanatu kuou e au o fai ke tuku kese koa Fono a Moses ma a tusi tusi ranga a nga ʻProphetʼ. Kuou se ne au o fai ke tuku kese koratou, kae fai tonu a ratou fakaako ranga ke au ke tonu. 18#Luk 16.17.Faka maanatu, oko rei ki te vasia o te vaerangi ma oa taangata nei ka faka oti, siei se foi matai tusi sokotasi ke leku, siei pe ni mo atamai e faka atetea ina ia Fono ke leku, oko rei ki te faka suku suku anga oa nea kaatoa nei. 19Ta teeraa, pe koai e saeaki moa rei ia mo ngangea molakea ia matuaa atamai oa Fono a Tupua ma e fakaako ki rake faoa ke fai koa nea sokotasi, ka tuku raro ria i te Kainanga o te Vaerangi. I rake fai maanatu, pe koai e tautari kia fono ma e fakaako ki rake faoa ke fai koa nea sokotasi, ka sapa kese rei i te Kainanga o te Vaerangi. 20Ta teenaa, kuou e faka ari atu kia kotou, ko kotou ka oro raa o fe urufi ki te Kainanga o te Vaerangi fuarei ko kotou ke sapa ma e faka poto ma nga fakaako oa Fono ma nga Pharisee o fai pe nia ma Tupua e fifia kiei.
Fakaako ranga o te teke
(Luk 12.57–59)
21“Kotou ne rongo i mua ne faka iro ki nga taangata: ‘Kau see fai kotou o taa taangata; ka pe koai e fai ea koia, ka aumai ina ki te faka tautara.’ 22Kae vasia nei kuou ka faka ari atu kia kotou: kae pe koai e teke ki na taina, ka aumai ina ki te faka tautara. Pe koai rei e karanga ki na taina, ‘Ko kee e ngatii laoi fuarei!’ ka aumai ina ki te kau fono, kae pe koai rei e karanga ki na taina, ‘Ko kee te kausi e siei rei pe sea!’ ka pariki maatea rei ke poi ki te afi o ngangea e pariki.
23“Tera kae ko kee e fai ke sori tau sori ki Tupua i te mua faitoka kae faka maanatu i ngangea tou taina e fai ko ana nea e teke atu kia ko kee, 24tuku ko tau sori i te mua faitoka, kae poi rei ko kee o faka laoi ki tou taina, ta foki mai raa ko kee o sori tau sori ki Tupua.
25“Kae pe koai e nai aumai ina te faka tautara kia kee ke nai kavena ko kee ki te faka tautara, fai o faka laoi toru faka pariki i oru mo vasia e koi fare iei naa, oti kae poi raa ko kee ki te faka tautara. I vasia sokotasi ko kee i kunaa, ko kee ka sori ea koia ki te tangata o te faka tautara, ma koia ka sori ia ko kee ki nga polisi, tera ke tuku ki te fare pono pono. 26Tera kuou e faka ari atu rei kia ko kee te maori: Ko kee ka se ma au rei ki tua oko rei ku kee tauvia ria tau tee pene o tau malai.
Fakaako ranga ki te poi vare
27“Kotou ne rongo ne munakina: ‘Kau see fai o poi vare!’ 28Kae vasia nei kuou e faka ari atu kia kotou: pe koai e ono ki te maatua fafine au rei i na atamai te maninia, koia ku tokaa ki te poi vare i na fatu manava. 29#Mat 18.9; Mak 9.47.Kae tou kafi mata rei i faasi matau e nai faia ko kee ke too ki te sara, kapea ki tua o peia rei! Ka maatea rei na laoi ke sau ki tua a mo ngangea o tou tino, sapa kese rei ma tou tino katoa ke peia ki te afi. 30#Mat 18.8; Mak 9.43.Kae tou rima matau e nai faia ko kee ke too ki te sara, saua kese o peia ki tua! E laoi rei kia ko kee ke faka too kese te mo ngangea o tou tino, kae siei tou tino katoa ke poi ki te afi.
Fakaako ranga ki te fue nofine
(Mat 19.9; Mak 10.11–12; Luk 16.18)
31 #
Mat 19.7; Mak 10.4. “Ne munakina fokia: ‘Pe koai ke fue kese na nofine, e fetau fangatasi ke tusi o faka iro ki na nofine koraua ka fare ma vaevae.’ 32#Mat 19.9; Mak 10.11,12; Luk 16.18; 1 Cor 7.10,11.Kae vasia nei kuou e faka ari atu kia kotou, se tangata e fue kese ko na nofine, ka na nofine si se ne poi vare, tera koia ku ravaa tia ke fai na nofine ke poi vare vasia koia ka avanga fokia, ma te tangata e avanga ki te maatua fafine nei ku poi vare fokia.
Fakaako ranga kia vata vata
33“Kotou ne rongo fokia ne faka aria ki te faoa i mua: ‘Kau see fai o motu tau tongi, kae fai tau vata vata ne fai ki te Ariki.’ 34#Jas 5.12; Mat 23.22.Kae vasia nei kuou e faka ari atu kia kotou, kau see fai pe ni vata vata i otou vasia e tongi iei. Kau see tongi ki te vaerangi, iei te noforanga o Tupua; 35siei kia taangata nei, te tuku ranga o ana rafi vae; siei fokia ki Jerusalem, te noforanga o te matuaa Tii. 36Kau see fai o tongi mai ki tou pokouru, natafito ko kee ka se ma fai foi rau uru sokotasi ke tea o pe ke uri. 37Kae muna fuarei: ‘E tonu,’ pe ‘Siei’. Kae pe nia ka muna kotou kiei e au mai i te Atua Pariki.
Fakaako ranga ki faka nanaroto
(Luk 6.29–30)
38“Kotou ne rongo ne munakina: ‘Te mata ki te mata, ma te nifo ki te nifo!’ 39Kae vasia nei kuou ka muna atu kia kotou: Kau see faka nanaroto pe koai ne fai sara atu kia ko kee. Kae pe koai e nai pakia atu tou faasi karafau matau, tuku atu tou faasi karafau sema ke nai pakia fokia. 40Ma pe koai e nai kaavea ko kee ki te faka tautara i tou suru tino, tuku kiei fokia tou suru tino aofaki. 41Ma pe koai i te faoa tau e faka oso atu ke sau tana amonga ke mmao, amo atu rei ki te mmao anga. 42Kae i te vasia pe koai e kaisi atu pe nia, sori kiei; i te vasia pe koai e fifia ke sau mua pe nia, tuku mua kiei.
Fakapere ki fenua e firi atu
(Luk 6.27–28; 6.32–36)
43“Kotou ne rongo ne munakina: ‘Fakapere ki tou soavaka, kae teke rei ki tou tau firi firi.’ 44Kae vasia nei kuou ka faka ari atu kia kotou: Fakapere ki te faoa e firi atu kia kotou, ma e rotu ki faoa e fai e ratou fai pariki tia ko kotou. 45Tera ko kotou ka oomai ka fai a tama a totou Mmana i te vaerangi. Natafito koia e fai te raa ke aata ki faoa pariki ma ki faoa laoi. Ma e sori te ua ki faoa e fai faka laoi ma faoa e fai pariki. 46Sea na atamai Tupua ka tauvi atu kia kotou e fakapere fuarei ki otou faoa e laoi kia kotou?! Kae faoa tari takisi e fai faka peeraa fokia! 47Ma kotou e tau araara fuarei ki otou soavaka, ko kotou si se ne fai pe nia e sapa?! Kae faoa pouri e fai faka peenaa fokia! 48Kotou faka maakira rei pe totou Mmana i te vaerangi e makkira.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.