Matthew 24
24
Jesus e nai munakina ko te Paito Tapu ka fai pariki tia
(Mak 13.1–2; Luk 21.5–6)
1Ko Jesus ku faka oti ku poi kese ma rota Paito Tapu, ta te vasia rei na kau fanonga ne oomai kiei o faka ari kiei ko nga fai paito i te Paito Tapu. 2Tera fesiri atu rei koia, “Ea, ko kotou ku kotou ravea ina a nea katoa nei? Kuou e faka ari atu kia kotou te maori: Ka siei rei se foi fatu sokotasi i kunei ka tukuna ke naa i na ngangea; a fatu kaatoa rei ka rakuna ifo ki raro.”
Te faka pariki ma te fakarongo neaisu ka au
(Mak 13.3–13; Luk 21.7–19)
3Vasia o Jesus ne nofo i te Maunga i Olive, na kau fanonga ne oomai kia koia maso koratou ma ne feesiri, “Faka ari mai kia matou, i te vasia fea rei a nea nei ka fai iei, tera sea te faka mailonga o tou vasia ka au iei ma te faka suku suku oa tau tupu ranga?”
4Tera tongoi atu rei ko Jesus, “Faka matakite ka see tukuna ria pe koai ke nai takina ria kotou. 5Natafito e kapi rei ko nga taangata ka oomai i toku ingoa, o faka piri koratou e tau araara ma aku, ‘Tera ta kuou te Ariki Fakaroro!’ ma ka ratou takina ria te kano fenua e tokkapi. 6Tera ko kotou ka fakarongo kia faka oa o te tau e piri mai, ma a rongo o te tau e mmao rei; kae kau see fai o fe poi kaki. A fai nea peinei ka faka sasa ria, kae si see atamai te faka suku suku ku oko mai. 7Nga fenua ka featu maso koratou; ko nga kainanga ka fe rama taki maso koratou. Te onge ma te ngaruru ka fai i ngangea kaatoa. 8A nea nei ka fai e fai pe te mataki fakarongo neaisu anga o te faanau tama.
9 #
Mat 10.22. “Tera kotou ka pukea ria o soria ke fakkiroa ma ke tukuna ria ki te mate. Nga turaurau kaatoa ka tteke kia kotou natafito i toku ingoa. 10Ta i te vasia naa, ka tokarava rei ko faoa ka taafuri kese mai ia ratou fakattonu, o taa pouri ma e fai fai pariki kia ratou maso koratou. 11Tera ka tokarava rei ko nga ʻprophetʼ tataangutu ka faka saa mai o ratou lelesia ria ko te kano fenua. 12Natafito i te kano fenua pariki ku kapi, tera te fakapere o te kano fenua e tokarava e poi ke mariki ia aratou atamai. 13#Mat 10.22.Pe koai e tuu faka makeke oko rei ki te faka suku, ka faka saofia. 14Tera te Rongo Laoi nei o te Kainanga ka tuufaki saere kia taangata kaatoa nei ke araara fakina ki nga turaurau katoa, ta tera te faka suku suku anga ka au.
Te “Nea Faka mataku taku”
(Mak 13.14–23; Luk 21.20–24)
15“Tera kotou ka ono ki te ‘Nea Faka mataku taku’ noko araara ko ʻprophetʼ Daniel kiei. Neinei ka tuu i te ngangea Tapu. (Faka maanatu pe koai e ttau: Ke atetea kia koia na atamai ki sea!) 16Tera pe koai ma koratou e fare i Judea ke furi kia ngangea e maurunga. 17#Luk 17.31.Pe koai e nofo i na tua paito ka see ifo ki raro ki na rota paito o sau pe nia ma ana ke kave. 18Pe koai e maua riaina i na tofi, ka see foki o poi ki na paito ke sau ko ana suru. 19Ka fakaruru faka arofa maatea rei ki nga maatua faafine e fare ma ratou manava ia aso ai, ma nga maatua faafine ma ratou punai memea! 20Tera rotu ki Tupua kotou ka see fai o furi kese ia vasia sauanufea, o pe i te Aso e tapu! 21#Rev 7.14.A sara o aso naa ka pariki maatea rei, mai te vasia o taangata nei ne faka tupu mai e Tupua, oko rei ki te aso nei, siei fokia pe nia faka peeraa ka fai fokia. 22Kae Tupua ne sepe o faka potu lake koa fakataunga o aso naa, pe si se ne fai ea koia, siei pe koai ka faka saofia. Natafito i na arofa ki na kano fenua ku faka patino e Tupua, ka faka potu lake koa fakataunga o aso naa.
23“Tera, kae pe koai e muna atu kia kotou, ‘Pula, teinei te Ariki Fakaroro!’ pe, ‘Teeraa koia ia!’ kau see fakatonu kiei. 24Natafito ko nga ariki fakaroro tataangutu ma nga ʻprophetʼ tataangutu ka faka saa: Koratou ka faka sasa ko aratou fai furisanga ma aratou ngangea faka mate tino ke ratou takina kese ko te kano fenua ku faka patino e Tupua, pe ma fai. 25Tera fakarongo! Kuou ne faka ari atu kia kotou a nea nei, kae oko raa ki na vasia ka au.
26 #
Luk 17.23,24. “O pe te kano fenua ke faka ari atu kia kotou, ‘Pula, koia ku poi i te ngangea tulaavaki!’ kau see oro ki ngangea. Pe ratou ke muna atu, ‘Pula, koia e pola i kunei!’ kau see fakatonu kiei. 27Natafito te Tama a Tangata ka au pe te foi kamo e maripo i te vaerangi mai te fiti anga o te raa ki te too anga o te raa e ravea ina. 28#Luk 17.37.I ngangea o te tino mate e naa iei, nga manu kai tangata ka purii kiei.
Te au ranga o te Tama a Tangata
(Mak 13.24–27; Luk 21.25–28)
29 #
Rev 6.12; 6.13. “Ia aso ia tua o te vasia faka pariki,
te raa ka fiti pouri,
te marama ka see tingi,
nga fetuu ka soro ifo mai
te vaerangi,
ma a manuu i te vaerangi
ka nai turia kese mai
aratou ngangea e oro kiei.
30 #
Rev 1.7. “Tera te faka mailonga o te Tama a Tangata ka faka saa ria i te vaerangi; ta ma te kano fenua kaatoa oa taangata nei ka fe tangisi i ratou vasia e ono ki te Tama a Tangata e au i nga kauao o te vaerangi ma na manuu ma na taurekareka sapa. 31Te ʻtrumpetʼ ka iri lasi, ma koia ka fakkau ko ana ʻangelʼ kia faasi e faa oa taangata nei, ma tera koratou ka taanaki mai ki roto ko te kano fenua ku faka patino e Tupua mai take potu ki take potu oa taangata kaatoa.
Te akona ki te raakau te ʻfigʼ
(Mak 13.28–31; Luk 21.29–33)
32“Tera tuku te raakau te ʻfigʼ ke nai fakaako ria atu kotou ko te atamai. Ta i te vasia ana raa ku tafito o fai ko ana rau raakau ku rau maatara iei, ta kotou iroa laoi rei, te vasia sau sau raa ku piri mai. 33Ia fai atamai sokotasi, ku kotou ravea ina a nea katoa ku fai, ta ku kotou iroa ina te vasia ku piri mai, tera ku pena ke tafito. 34Kuou e faka ari atu kia kotou te maori: A nea katoa nei ka fai mua te vasia o te kano fenua e ora nei ku ngaro iei. 35Tera te vaerangi ma taangata nei ka faka lekutia, kae aku taranga ka si see faka leku tia rei.
Siei pe koai e nai iroa ko te aso pe te vasia
(Mak 13.32–37; Luk 17.26–30; 17.34–36)
36“Tera siei pe koai e nai iroa ko te aso pe te vasia fea ka au, siei fokia ko nga ʻangelʼ i te vaerangi; siei te Tama; kae te Mmana fuarei e nai iroa. 37Te fai au o te Tama a Tangata ka fai pe ne fai i te vasia o Noah. 38Tera ia foi aso o te ofa ua siki oko iei, te kano fenua ne kai ma ne inu, nga taangata ma nga faafine ne fe avanga taki oko rei ki te aso o Noah e uru ki roto vaka iei. 39Si se ne ratou iroa ina oko rei ki te vai ku fanake ake ma ku rofi saere i te fenua kae fakataia kese koratou kaatoa. Tera te fai fai ka fai i te vasia Tama a Tangata ka au iei. 40I te vasiaa, a taangata e toka rua e fai fekau i te tofi, take tangata ka saua kese, kae nofo rei take tangata i muri. 41A maatua faafine toka rua e soro koa kai, take tangata ka saua kese, kae nofo rei take tangata i muri. 42Faka matakkite, tera, natafito si se kotou iroa ina pe te aso fea te Ariki ka au iei. 43#Luk 12.39,40.Kae te tangata ona paito pe ke nai iroa ina ko te vasia o te tangata kaiaa ka au iei, koia ka arafaki na paito, ka se nai tukuna ria ko te tangata kaiaa ke nai urufia ina ko na paito. 44Kae tera, kotou fokia e fetau fangatasi ke kotou pena pena mau rei, natafito te Tama a Tangata ka au i te vasia kotou si see maanatu kiei.
Te fakapoto pe te seke fakapoto
(Luk 12.41–48)
45“Koai tera te fai fekau e faka poto ma e mata purotu? Tera koia te tangata ka tukuna e na ariki ke oono i na kanoa paito ke faangai koratou i vasia e tau fangatasi rei. 46E maatea te vaki vaki o te fai fekau i vasia na ariki e oko mai iei, ono rei koia e fai a nea kaatoa e laoi. 47Kuou e faka ari atu kia kotou te maori: Te ariki ka tuku ko te fai fekau ke oono i ana kope kopenga kaatoa. 48Kae pe koia te fai fekau pariki, koia ka muna maso koia, ‘Toku ariki ka roa rei ko na vasia, kae foki mai rei,’ 49tera koia ka fakatafito o fai pariki ko ana faoa fai fekau, ma koia e kai ma e inu ke varea. 50Tera te ariki o te fai fekau nei ka foki mai i se aso i te vasia te fai fekau si see maanatu kiei, ma i se vasia koia si se nai iroa ina. 51Te ariki ka nai sepe sepea riki rei koia, tera ka nai tukuna ria koia ke vaevae ia fakkiro anga o faoa taataa laoi, i ngangea koia ka tangi ma e fe ngii taki ko ana nifo iei.
Iliyochaguliwa sasa
Matthew 24: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 24
24
Jesus e nai munakina ko te Paito Tapu ka fai pariki tia
(Mak 13.1–2; Luk 21.5–6)
1Ko Jesus ku faka oti ku poi kese ma rota Paito Tapu, ta te vasia rei na kau fanonga ne oomai kiei o faka ari kiei ko nga fai paito i te Paito Tapu. 2Tera fesiri atu rei koia, “Ea, ko kotou ku kotou ravea ina a nea katoa nei? Kuou e faka ari atu kia kotou te maori: Ka siei rei se foi fatu sokotasi i kunei ka tukuna ke naa i na ngangea; a fatu kaatoa rei ka rakuna ifo ki raro.”
Te faka pariki ma te fakarongo neaisu ka au
(Mak 13.3–13; Luk 21.7–19)
3Vasia o Jesus ne nofo i te Maunga i Olive, na kau fanonga ne oomai kia koia maso koratou ma ne feesiri, “Faka ari mai kia matou, i te vasia fea rei a nea nei ka fai iei, tera sea te faka mailonga o tou vasia ka au iei ma te faka suku suku oa tau tupu ranga?”
4Tera tongoi atu rei ko Jesus, “Faka matakite ka see tukuna ria pe koai ke nai takina ria kotou. 5Natafito e kapi rei ko nga taangata ka oomai i toku ingoa, o faka piri koratou e tau araara ma aku, ‘Tera ta kuou te Ariki Fakaroro!’ ma ka ratou takina ria te kano fenua e tokkapi. 6Tera ko kotou ka fakarongo kia faka oa o te tau e piri mai, ma a rongo o te tau e mmao rei; kae kau see fai o fe poi kaki. A fai nea peinei ka faka sasa ria, kae si see atamai te faka suku suku ku oko mai. 7Nga fenua ka featu maso koratou; ko nga kainanga ka fe rama taki maso koratou. Te onge ma te ngaruru ka fai i ngangea kaatoa. 8A nea nei ka fai e fai pe te mataki fakarongo neaisu anga o te faanau tama.
9 #
Mat 10.22. “Tera kotou ka pukea ria o soria ke fakkiroa ma ke tukuna ria ki te mate. Nga turaurau kaatoa ka tteke kia kotou natafito i toku ingoa. 10Ta i te vasia naa, ka tokarava rei ko faoa ka taafuri kese mai ia ratou fakattonu, o taa pouri ma e fai fai pariki kia ratou maso koratou. 11Tera ka tokarava rei ko nga ʻprophetʼ tataangutu ka faka saa mai o ratou lelesia ria ko te kano fenua. 12Natafito i te kano fenua pariki ku kapi, tera te fakapere o te kano fenua e tokarava e poi ke mariki ia aratou atamai. 13#Mat 10.22.Pe koai e tuu faka makeke oko rei ki te faka suku, ka faka saofia. 14Tera te Rongo Laoi nei o te Kainanga ka tuufaki saere kia taangata kaatoa nei ke araara fakina ki nga turaurau katoa, ta tera te faka suku suku anga ka au.
Te “Nea Faka mataku taku”
(Mak 13.14–23; Luk 21.20–24)
15“Tera kotou ka ono ki te ‘Nea Faka mataku taku’ noko araara ko ʻprophetʼ Daniel kiei. Neinei ka tuu i te ngangea Tapu. (Faka maanatu pe koai e ttau: Ke atetea kia koia na atamai ki sea!) 16Tera pe koai ma koratou e fare i Judea ke furi kia ngangea e maurunga. 17#Luk 17.31.Pe koai e nofo i na tua paito ka see ifo ki raro ki na rota paito o sau pe nia ma ana ke kave. 18Pe koai e maua riaina i na tofi, ka see foki o poi ki na paito ke sau ko ana suru. 19Ka fakaruru faka arofa maatea rei ki nga maatua faafine e fare ma ratou manava ia aso ai, ma nga maatua faafine ma ratou punai memea! 20Tera rotu ki Tupua kotou ka see fai o furi kese ia vasia sauanufea, o pe i te Aso e tapu! 21#Rev 7.14.A sara o aso naa ka pariki maatea rei, mai te vasia o taangata nei ne faka tupu mai e Tupua, oko rei ki te aso nei, siei fokia pe nia faka peeraa ka fai fokia. 22Kae Tupua ne sepe o faka potu lake koa fakataunga o aso naa, pe si se ne fai ea koia, siei pe koai ka faka saofia. Natafito i na arofa ki na kano fenua ku faka patino e Tupua, ka faka potu lake koa fakataunga o aso naa.
23“Tera, kae pe koai e muna atu kia kotou, ‘Pula, teinei te Ariki Fakaroro!’ pe, ‘Teeraa koia ia!’ kau see fakatonu kiei. 24Natafito ko nga ariki fakaroro tataangutu ma nga ʻprophetʼ tataangutu ka faka saa: Koratou ka faka sasa ko aratou fai furisanga ma aratou ngangea faka mate tino ke ratou takina kese ko te kano fenua ku faka patino e Tupua, pe ma fai. 25Tera fakarongo! Kuou ne faka ari atu kia kotou a nea nei, kae oko raa ki na vasia ka au.
26 #
Luk 17.23,24. “O pe te kano fenua ke faka ari atu kia kotou, ‘Pula, koia ku poi i te ngangea tulaavaki!’ kau see oro ki ngangea. Pe ratou ke muna atu, ‘Pula, koia e pola i kunei!’ kau see fakatonu kiei. 27Natafito te Tama a Tangata ka au pe te foi kamo e maripo i te vaerangi mai te fiti anga o te raa ki te too anga o te raa e ravea ina. 28#Luk 17.37.I ngangea o te tino mate e naa iei, nga manu kai tangata ka purii kiei.
Te au ranga o te Tama a Tangata
(Mak 13.24–27; Luk 21.25–28)
29 #
Rev 6.12; 6.13. “Ia aso ia tua o te vasia faka pariki,
te raa ka fiti pouri,
te marama ka see tingi,
nga fetuu ka soro ifo mai
te vaerangi,
ma a manuu i te vaerangi
ka nai turia kese mai
aratou ngangea e oro kiei.
30 #
Rev 1.7. “Tera te faka mailonga o te Tama a Tangata ka faka saa ria i te vaerangi; ta ma te kano fenua kaatoa oa taangata nei ka fe tangisi i ratou vasia e ono ki te Tama a Tangata e au i nga kauao o te vaerangi ma na manuu ma na taurekareka sapa. 31Te ʻtrumpetʼ ka iri lasi, ma koia ka fakkau ko ana ʻangelʼ kia faasi e faa oa taangata nei, ma tera koratou ka taanaki mai ki roto ko te kano fenua ku faka patino e Tupua mai take potu ki take potu oa taangata kaatoa.
Te akona ki te raakau te ʻfigʼ
(Mak 13.28–31; Luk 21.29–33)
32“Tera tuku te raakau te ʻfigʼ ke nai fakaako ria atu kotou ko te atamai. Ta i te vasia ana raa ku tafito o fai ko ana rau raakau ku rau maatara iei, ta kotou iroa laoi rei, te vasia sau sau raa ku piri mai. 33Ia fai atamai sokotasi, ku kotou ravea ina a nea katoa ku fai, ta ku kotou iroa ina te vasia ku piri mai, tera ku pena ke tafito. 34Kuou e faka ari atu kia kotou te maori: A nea katoa nei ka fai mua te vasia o te kano fenua e ora nei ku ngaro iei. 35Tera te vaerangi ma taangata nei ka faka lekutia, kae aku taranga ka si see faka leku tia rei.
Siei pe koai e nai iroa ko te aso pe te vasia
(Mak 13.32–37; Luk 17.26–30; 17.34–36)
36“Tera siei pe koai e nai iroa ko te aso pe te vasia fea ka au, siei fokia ko nga ʻangelʼ i te vaerangi; siei te Tama; kae te Mmana fuarei e nai iroa. 37Te fai au o te Tama a Tangata ka fai pe ne fai i te vasia o Noah. 38Tera ia foi aso o te ofa ua siki oko iei, te kano fenua ne kai ma ne inu, nga taangata ma nga faafine ne fe avanga taki oko rei ki te aso o Noah e uru ki roto vaka iei. 39Si se ne ratou iroa ina oko rei ki te vai ku fanake ake ma ku rofi saere i te fenua kae fakataia kese koratou kaatoa. Tera te fai fai ka fai i te vasia Tama a Tangata ka au iei. 40I te vasiaa, a taangata e toka rua e fai fekau i te tofi, take tangata ka saua kese, kae nofo rei take tangata i muri. 41A maatua faafine toka rua e soro koa kai, take tangata ka saua kese, kae nofo rei take tangata i muri. 42Faka matakkite, tera, natafito si se kotou iroa ina pe te aso fea te Ariki ka au iei. 43#Luk 12.39,40.Kae te tangata ona paito pe ke nai iroa ina ko te vasia o te tangata kaiaa ka au iei, koia ka arafaki na paito, ka se nai tukuna ria ko te tangata kaiaa ke nai urufia ina ko na paito. 44Kae tera, kotou fokia e fetau fangatasi ke kotou pena pena mau rei, natafito te Tama a Tangata ka au i te vasia kotou si see maanatu kiei.
Te fakapoto pe te seke fakapoto
(Luk 12.41–48)
45“Koai tera te fai fekau e faka poto ma e mata purotu? Tera koia te tangata ka tukuna e na ariki ke oono i na kanoa paito ke faangai koratou i vasia e tau fangatasi rei. 46E maatea te vaki vaki o te fai fekau i vasia na ariki e oko mai iei, ono rei koia e fai a nea kaatoa e laoi. 47Kuou e faka ari atu kia kotou te maori: Te ariki ka tuku ko te fai fekau ke oono i ana kope kopenga kaatoa. 48Kae pe koia te fai fekau pariki, koia ka muna maso koia, ‘Toku ariki ka roa rei ko na vasia, kae foki mai rei,’ 49tera koia ka fakatafito o fai pariki ko ana faoa fai fekau, ma koia e kai ma e inu ke varea. 50Tera te ariki o te fai fekau nei ka foki mai i se aso i te vasia te fai fekau si see maanatu kiei, ma i se vasia koia si se nai iroa ina. 51Te ariki ka nai sepe sepea riki rei koia, tera ka nai tukuna ria koia ke vaevae ia fakkiro anga o faoa taataa laoi, i ngangea koia ka tangi ma e fe ngii taki ko ana nifo iei.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.