Matthew 23
23
Jesus e faka iro iro ki nga fakaako oa Fono ma nga Pharisee
(Mak 12.38–39; Luk 11.43,46; 20.45–46)
1Tera ko Jesus ne muna atu ki te kano fenua ma ki na kau fanonga, 2“Nga fakaako oa Fono ma nga Pharisee ne fakatonu koratou ke faka atetea koa Fono a Moses. 3Tera kotou tautari kae fai pe nia ma ratou e muna atu ke fai; maafa rei onia, kau see tautari ki aratou tukunga, natafito koratou si see fai tautari pe nia ma ratou e oro o tuufaki kiei. 4Ratou faka nevea amonga mafa kia tua kapa kau o nga taangata, kae maso koratou ku see fifia ke sosoa o amo koa amonga nei. 5#Mat 6.1.Koratou e fai koa nea kaatoa fuarei ko te kano fenua ke ono kia ratou, ke ono kia fai lasi oa punai pokisi oa taranga tapu e nonoa ia ratou mungarae ma ratou rima, ma ke ravea ratou fai lasi. Ravea fokia te fai nga ofe oa ratou suru rotu. 6Koratou e fifia maatea rei kia noforanga laoi ia ngangea katoanga kai, ma ke fare kia noforanga laoi ia ratou paito taanaki. 7Ratou e fifia maatea rei ke faka napa napa ria ma te faka epa ia ngangea makete, ma te kano fenua ke karanga kia ratou nga fakaako. 8Kotou e fai ka see karanga nga ‘Fakaako’, natafito kotou nga tau faanau sokotasi, ma totou Fakaako e sokotasi fuarei. 9Kotou kau see karanga pe kiai ia tangata nei te ‘Mmana’, natafito totou Mmana e sokotasi fuarei i te vaerangi. 10Siei ke kotou fai karanga te ‘Taki’, natafito totou Taki e sokotasi fuarei te Ariki Fakaroro. 11#Mat 20.26,27; Mak 9.35; 10.43,44; Luk 22.26.Koai e sapa kese ia kotou tera fai totou fai fekau. 12#Luk 14.11; 18.14.Pe koai e fai maso koia ke sapa, ka tukuna ki raro, ma pe koai e tuku raro maso koia, ka faka sapa ria.
Jesus e nai fai pariki tia ratou taataa laoi
(Mak 12.40; Luk 11.39–42,44,52; 20.47)
13“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou saitia ria ko te urufanga ki te Kainanga o te Vaerangi i nga taangata, kae ko kotou maso kotou si se ne kotou urufia ina, ma ke kotou tukuna ria fokia pe koai i te kano fenua e faara ke ratou urufia ina!
14[“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Kotou lelesia ko nga maatua faafine e faka arofa e kotou kaiaa tia ria ko ratou paito, kae moa rei kotou e fai faka peinei, kotou fokia e fai otou rotu roa o lelesi ki te kano fenua! Kae totou fakkiro ka faia ria kia kotou ka maatea rei na pariki!]
15“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Kotou foraua ria ko te moana ki nga potu fenua kaatoa, ke kotou siakina se tangata sokotasi; ta vasia ne kotou maua ria iei, kotou faia ria rei koia faka rua ke fetau fangatasi ke poi ki te ngangea pariki pea kotou!
16“E fakaruru faka arofa maatea rei kia kotou nga taki mata sengi koia! Kotou akona ria, te tangata koia ke vata vata ki te Paito Tapu o Tupua, koia si see fai ke tautari ki tana tongi. Kae pe koia ke vata vata ki te ʻgoldʼ i te Paito Tapu o Tupua, koia e fai ke tautari ki tana tongi. 17Kotou koa kausi mata sengi! Tefea te matuaa nea: te ʻgoldʼ pe te noforanga o Tupua e nai faia ria ko te ʻgoldʼ ke tapu? 18Kotou fokia e akonaki, pe koai e vata vata ki te mua faitoka, koia si see fai ke tautari ki tana tongi, kae pe koia e vata vata ki te sori e naa i te mua faitoka, koia e fai ke tautari ki tana tongi. 19Kotou fenua mata ufu! Tefea e mafa sapa: te sori pe te mua faitoka e nai faia ria ko te sori ke tapu? 20Ta te vasia pe koai e vata vata ki te mua faitoka, koia e vata vata kiei ma kia sori kaatoa e naa iei. 21Ta pe koai e vata vata ki te Paito Tapu, koia e vata vata kiei ma ki Tupua e nofo i ngangea. 22#Mat 5.34.Tera vasia pe koai e vata vata ki te vaerangi, koia e vata vata ki te noforanga o Tupua, ma kia koia e nofo iei.
23“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou e sori koa faka fuanga furu i otou kopenga e vikilake, fakapera rei pea rau raakau faka rave kai, pea ʻmintʼ ma ʻdillʼ ma ʻcuminʼ, kae kotou tiakina rei ko te matuaa fakaako ranga oa Fono, fakapera rei pea fono faka tonu ke arofa ma ke laoi fuarei. Konei a nea ke fai fekauaki ea kotou, ka see tiaki koa rake nea. 24Kotou faoa reo mata sengi! Kotou faka too kese foi rango mai otou vai inu, kae kotou foro mia te ʻkameleʼ!
25“E fakaruru faka arofa maatea rei kia kotou, nga fakaako oa Fono ma nga Pharisee! Kotou fenua taataa laoi! Kotou e faka maa fuarei koa tua o otou faangongo ma otou longi, kae i roto ia e pii ia nea ne kotou saua ria i otou faka taki taki pariki anga ma i otou totomatua anga. 26Ko kee te Pharisee mata sengi! Furu mua koa roto o tou faangongo, kae tera fufuru raa koa tua o tou faangongo fokia!
27 #
Act 23.3. “E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou e fai pea tano e pania faka maa iei e pula atu e faka maseke i tua, kae i roto ia e pii ia ivi ma tino mate, ma nea kere kere kaatoa. 28Ia fai atamai sokotasi, kotou e faka sasa ki tua e laoi ki faoa kaatoa, kae ia roto otou manava ia e pii i otou taataa laoi ma otou sara.
Jesus e faka iro ratou faka kiro anga
(Luk 11.47–51)
29“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou e fai koa tano laoi mo nga ʻprophetʼ, ma ne kotou faka raakei ria ko aratou fatu ku ratou nofo ria ko te ora laoi. 30Ta ma kotou e muna rei tera kotou pe ne fare i vasia otou puna, kotou ka see fai pe nia ma ratou ne fai ne ratou taia ko nga ʻprophetʼ. 31Tera kotou e faka ari maso kotou koa fua o faoa ne ratou taia ko nga ʻprophetʼ! 32Ta fai o faka suku suku pe nia mo otou puna ne fakatafito!
33 #
Mat 3.7; 12.34; Luk 3.7. “Kotou nga sineke, ma tama o nga sineke! E ma fai faka fefea kotou ke faka saofia mai te afi fakkiro? 34Ta tera kuou ka faka ari atu kia kotou: Kuou ka fakkau atu kia kotou ko nga ʻprophetʼ, ma nga taangata mata purotu, ma nga fakaako. Tera ka kotou taia rake taangata ia ratou, tukia ki fongo raakau ko rake taangata, ma e saia ko rake taangata ia paito taanaki ta kae turia saere koratou mai take taoni ki take taoni. 35Tera te fakkiro anga kia faka ngaro anga oa faoa ttonu katoa ne taia ka naa rei ia kotou, fakatafito mai i te mate o tangata tonu ko Abel ki te tamatea anga o Zechariah te tama a Berechiah, koia ne kotou tamatea ria i te vasia i roto o te Paito Tapu ma te mua faitoka. 36Kuou e faka ari atu kia kotou te maori: Te fakkiro anga kia faka ngaro anga kaatoa nei ka tuku rei ki te kano fenua oa aso nei!
Jesus e fakapere ki Jerusalem
(Luk 13.34–35)
37“Jerusalem ee, Jerusalem ee! Kotou ne kotou tamatea riaina ko nga ʻprophetʼ, ma ne kotou tau fatu ria ko faoa rongo rongo saki koa taranga a Tupua ne fakkau atu! E rava rei oku vasia kuou ne fifia ke tuku oku rima o avai atu kia kotou kaatoa, fakapera pe te kio fafine e ruru ko tana faanganga ki ana kapakau, kae kotou si se ne tuku mai kia kuou! 38Pula, totou Paito Tapu ka tukuna ke tulaavaki. 39Kuou e faka ari atu: Mai te vasia e poi nei, kotou ka si see ono kia kuou fokia, oko rei kotou ke mmuna, ‘Tupua ke nai fakatapu ria koia e au i te ingoa o Tupua.’ ”
Iliyochaguliwa sasa
Matthew 23: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 23
23
Jesus e faka iro iro ki nga fakaako oa Fono ma nga Pharisee
(Mak 12.38–39; Luk 11.43,46; 20.45–46)
1Tera ko Jesus ne muna atu ki te kano fenua ma ki na kau fanonga, 2“Nga fakaako oa Fono ma nga Pharisee ne fakatonu koratou ke faka atetea koa Fono a Moses. 3Tera kotou tautari kae fai pe nia ma ratou e muna atu ke fai; maafa rei onia, kau see tautari ki aratou tukunga, natafito koratou si see fai tautari pe nia ma ratou e oro o tuufaki kiei. 4Ratou faka nevea amonga mafa kia tua kapa kau o nga taangata, kae maso koratou ku see fifia ke sosoa o amo koa amonga nei. 5#Mat 6.1.Koratou e fai koa nea kaatoa fuarei ko te kano fenua ke ono kia ratou, ke ono kia fai lasi oa punai pokisi oa taranga tapu e nonoa ia ratou mungarae ma ratou rima, ma ke ravea ratou fai lasi. Ravea fokia te fai nga ofe oa ratou suru rotu. 6Koratou e fifia maatea rei kia noforanga laoi ia ngangea katoanga kai, ma ke fare kia noforanga laoi ia ratou paito taanaki. 7Ratou e fifia maatea rei ke faka napa napa ria ma te faka epa ia ngangea makete, ma te kano fenua ke karanga kia ratou nga fakaako. 8Kotou e fai ka see karanga nga ‘Fakaako’, natafito kotou nga tau faanau sokotasi, ma totou Fakaako e sokotasi fuarei. 9Kotou kau see karanga pe kiai ia tangata nei te ‘Mmana’, natafito totou Mmana e sokotasi fuarei i te vaerangi. 10Siei ke kotou fai karanga te ‘Taki’, natafito totou Taki e sokotasi fuarei te Ariki Fakaroro. 11#Mat 20.26,27; Mak 9.35; 10.43,44; Luk 22.26.Koai e sapa kese ia kotou tera fai totou fai fekau. 12#Luk 14.11; 18.14.Pe koai e fai maso koia ke sapa, ka tukuna ki raro, ma pe koai e tuku raro maso koia, ka faka sapa ria.
Jesus e nai fai pariki tia ratou taataa laoi
(Mak 12.40; Luk 11.39–42,44,52; 20.47)
13“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou saitia ria ko te urufanga ki te Kainanga o te Vaerangi i nga taangata, kae ko kotou maso kotou si se ne kotou urufia ina, ma ke kotou tukuna ria fokia pe koai i te kano fenua e faara ke ratou urufia ina!
14[“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Kotou lelesia ko nga maatua faafine e faka arofa e kotou kaiaa tia ria ko ratou paito, kae moa rei kotou e fai faka peinei, kotou fokia e fai otou rotu roa o lelesi ki te kano fenua! Kae totou fakkiro ka faia ria kia kotou ka maatea rei na pariki!]
15“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Kotou foraua ria ko te moana ki nga potu fenua kaatoa, ke kotou siakina se tangata sokotasi; ta vasia ne kotou maua ria iei, kotou faia ria rei koia faka rua ke fetau fangatasi ke poi ki te ngangea pariki pea kotou!
16“E fakaruru faka arofa maatea rei kia kotou nga taki mata sengi koia! Kotou akona ria, te tangata koia ke vata vata ki te Paito Tapu o Tupua, koia si see fai ke tautari ki tana tongi. Kae pe koia ke vata vata ki te ʻgoldʼ i te Paito Tapu o Tupua, koia e fai ke tautari ki tana tongi. 17Kotou koa kausi mata sengi! Tefea te matuaa nea: te ʻgoldʼ pe te noforanga o Tupua e nai faia ria ko te ʻgoldʼ ke tapu? 18Kotou fokia e akonaki, pe koai e vata vata ki te mua faitoka, koia si see fai ke tautari ki tana tongi, kae pe koia e vata vata ki te sori e naa i te mua faitoka, koia e fai ke tautari ki tana tongi. 19Kotou fenua mata ufu! Tefea e mafa sapa: te sori pe te mua faitoka e nai faia ria ko te sori ke tapu? 20Ta te vasia pe koai e vata vata ki te mua faitoka, koia e vata vata kiei ma kia sori kaatoa e naa iei. 21Ta pe koai e vata vata ki te Paito Tapu, koia e vata vata kiei ma ki Tupua e nofo i ngangea. 22#Mat 5.34.Tera vasia pe koai e vata vata ki te vaerangi, koia e vata vata ki te noforanga o Tupua, ma kia koia e nofo iei.
23“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou e sori koa faka fuanga furu i otou kopenga e vikilake, fakapera rei pea rau raakau faka rave kai, pea ʻmintʼ ma ʻdillʼ ma ʻcuminʼ, kae kotou tiakina rei ko te matuaa fakaako ranga oa Fono, fakapera rei pea fono faka tonu ke arofa ma ke laoi fuarei. Konei a nea ke fai fekauaki ea kotou, ka see tiaki koa rake nea. 24Kotou faoa reo mata sengi! Kotou faka too kese foi rango mai otou vai inu, kae kotou foro mia te ʻkameleʼ!
25“E fakaruru faka arofa maatea rei kia kotou, nga fakaako oa Fono ma nga Pharisee! Kotou fenua taataa laoi! Kotou e faka maa fuarei koa tua o otou faangongo ma otou longi, kae i roto ia e pii ia nea ne kotou saua ria i otou faka taki taki pariki anga ma i otou totomatua anga. 26Ko kee te Pharisee mata sengi! Furu mua koa roto o tou faangongo, kae tera fufuru raa koa tua o tou faangongo fokia!
27 #
Act 23.3. “E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou e fai pea tano e pania faka maa iei e pula atu e faka maseke i tua, kae i roto ia e pii ia ivi ma tino mate, ma nea kere kere kaatoa. 28Ia fai atamai sokotasi, kotou e faka sasa ki tua e laoi ki faoa kaatoa, kae ia roto otou manava ia e pii i otou taataa laoi ma otou sara.
Jesus e faka iro ratou faka kiro anga
(Luk 11.47–51)
29“E fakaruru faka arofa maatea rei kia kotou nga fakaako oa Fono ma nga Pharisee! Kotou fenua taataa laoi! Natafito kotou e fai koa tano laoi mo nga ʻprophetʼ, ma ne kotou faka raakei ria ko aratou fatu ku ratou nofo ria ko te ora laoi. 30Ta ma kotou e muna rei tera kotou pe ne fare i vasia otou puna, kotou ka see fai pe nia ma ratou ne fai ne ratou taia ko nga ʻprophetʼ. 31Tera kotou e faka ari maso kotou koa fua o faoa ne ratou taia ko nga ʻprophetʼ! 32Ta fai o faka suku suku pe nia mo otou puna ne fakatafito!
33 #
Mat 3.7; 12.34; Luk 3.7. “Kotou nga sineke, ma tama o nga sineke! E ma fai faka fefea kotou ke faka saofia mai te afi fakkiro? 34Ta tera kuou ka faka ari atu kia kotou: Kuou ka fakkau atu kia kotou ko nga ʻprophetʼ, ma nga taangata mata purotu, ma nga fakaako. Tera ka kotou taia rake taangata ia ratou, tukia ki fongo raakau ko rake taangata, ma e saia ko rake taangata ia paito taanaki ta kae turia saere koratou mai take taoni ki take taoni. 35Tera te fakkiro anga kia faka ngaro anga oa faoa ttonu katoa ne taia ka naa rei ia kotou, fakatafito mai i te mate o tangata tonu ko Abel ki te tamatea anga o Zechariah te tama a Berechiah, koia ne kotou tamatea ria i te vasia i roto o te Paito Tapu ma te mua faitoka. 36Kuou e faka ari atu kia kotou te maori: Te fakkiro anga kia faka ngaro anga kaatoa nei ka tuku rei ki te kano fenua oa aso nei!
Jesus e fakapere ki Jerusalem
(Luk 13.34–35)
37“Jerusalem ee, Jerusalem ee! Kotou ne kotou tamatea riaina ko nga ʻprophetʼ, ma ne kotou tau fatu ria ko faoa rongo rongo saki koa taranga a Tupua ne fakkau atu! E rava rei oku vasia kuou ne fifia ke tuku oku rima o avai atu kia kotou kaatoa, fakapera pe te kio fafine e ruru ko tana faanganga ki ana kapakau, kae kotou si se ne tuku mai kia kuou! 38Pula, totou Paito Tapu ka tukuna ke tulaavaki. 39Kuou e faka ari atu: Mai te vasia e poi nei, kotou ka si see ono kia kuou fokia, oko rei kotou ke mmuna, ‘Tupua ke nai fakatapu ria koia e au i te ingoa o Tupua.’ ”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.