Matthew 22
22
Te araara fanga faka tautau ki te avanga
(Luk 14.15–24)
1Tera ko Jesus fokia ne munaki ko te araara fanga faka tautau ki te kano fenua: 2“Te Kainanga o te Vaerangi e fai peinei. Nai take vasia te tii koia ne pena pena ko te avanga o tana tama. 3Koia ne fakkau ko ana faoa fai fekau ke oro o mmuna ki faoa ne kafi ke oomai ki te katoanga o te avanga, kae koratou se ne fifia ke oomai. 4Ta kau rei foki ea koia rake ana fai fekau, ma rake taranga ki faoa ne kafi ea koia, ‘Taku kai kai ku oti na pena, aku puluka tangata ma aku puluka faangai ku taa, ku naa fuarei; oomai ki te kai o te avanga ke fai.’ 5Kae koratou si se ne tautari rei, ma ne tasi tautari ki na fifia, take tangata ne poi ki na tofi, ma take tangata ne poi ki na fare koroa. 6Kae ko rake taangata ne ratou pukea ko ana fai fekau, taa ia ma ne ratou tamatea ria koratou. 7Te tii ne teke maatea rei, koia ne fakkau tana faoa tau ke oro o ratou taia ko faoa taa taangata, ma ke sunua ki aatea koratou noforanga lasi. 8Tera koia ne karanga ki rake ana fai fekau kae muna atu kia ratou, ‘Te kai o toku avanga ku naa fuarei, kae koratou ne kafi atu kiei, si see fifia rei ke oomai. 9Oro kia vaevae ngangea o te noforanga, o kafi ke oomai te kano fenua e kotou maua e tokkapi fefea.’ 10Tera ko ana fai fekau ne oro kia vaevae noforanga o tari mai te kano fenua kaatoa e ratou maua ria, te faoa pariki ma te faoa laoi, tera te paito kai o te avanga ku pii i te kano fenua.
11“Kae vasia te tii ne au ke pula ki te kano fenua, ne nai ravea te tangata si see uru ki ana suru o te kai. 12Koia ne muna atu kiei, ‘Soa ee, ko kee ne au se kee suru faka fefea ki roto nei?’ Kae koia ku see muna. 13#Mat 8.12; 25.30; Luk 13.28.Tera te tii ne faka ari atu ki ana fai fekau ke rii ko ana rima ma ana vae, ta sau raa o tika ki te pouri, i te ngangea koia ka tangi kae fe ngii taki ko ana nifo!”
14Faka suku suku rei ko Jesus, “Natafito e kkapi rei ko faoa ne karanga tia, kae si see tokarava ko na kano fenua ne faka patino ria.”
Te fesiri kia tauvi o takisi
(Mak 12.13–17; Luk 20.20–26)
15Tera nga Pharisee ne oro o tau purenga ke oomai o titipea ko Jesus kia fesiri. 16Ta koratou ne fakkau kia koia ko rake taangata i ratou kau fanonga ma rake faoa o Herod kia Jesus o muna atu, “Te fakaako ee, e matou iroa ina ko kee e munaki ko te tonu, ma e akonaki koa tukunga maori o Tupua ki nga taangata si se ne faka tuasaa ki rake faoa, natafito ko kee si see fai koa tukunga faka taangata. 17Ta faka ari mai kia matou ko tau maanatu: Ea, e sara ia tatou fono ke tauvi koa takisi kia Sisa, ko te Empra o nga Roman, o pe siei?”
18Kae ko Jesus ku nai iroa ina ko aratou atamai pariki, ta muna rei, “Kotou fenua taataa laoi! Sea na atamai kotou e oomai o fai ke kotou titipea ina kuou?! 19Faka ari mai kia kuou te foi mane tauvi o te takisi!”
Ta sau mai rei foi mane ea ratou o sori kiei. 20Ta fesiri atu rei ko Jesus, “Oai koa mata ma te ingoa e tuu iei nei?”
21Tongoi atu rei koratou, “O te Empra o nga Roman.”
Ta muna atu rei ko Jesus kia ratou, “Tera arei, tauvi ki te Empra pe nia ma te Empra, kae tauvi ki Tupua pe nia ma Tupua.”
22Vasia koratou ne fakarongo iei, koratou ku fereki ko aratou mauri, ta ne ratou tiakina ria koia kae oro kese arei.
Te fesiri ki te masike ranga mai te mate
(Mak 12.18–27; Luk 20.27–40)
23 #
Act 23.8. Ta i te aso ai, rake Sadducee ne oomai kia Jesus. Koratou e mmuna ko te kano fenua ka see masike mai i te mate. Feesiri rei koratou kia Jesus, 24o mmuna, “Te fakaako ee, Moses ne muna:
‘Te tangata e mate, siei ko ni tama ma ana,
na taina ke avanga rei
ki te tangi soa
ke fai ko ni tama ma na taina ku mate.’
25“Nga tau faanau e toka fitu noko fare, te uru matua ne mataki avanga, kae ne mate arei, siei ko ni tama ma ana, kae avanga rei na nofine ki na taina. 26A fainga sokotasi ne fai ki na toka rua, ma ki ratou toka toru, ta ki te faanaunga kaatoa e toka fitu. 27Ia tua te faanaunga ku mmate fakaoti rei, faka muri muri rei ia ratou te maatua fafine ne mate atu. 28I te aso o te faka masike ranga, oai reia te nofine ka fai? Natafito koratou kaatoa ne avanga fakaoti rei kiei.”
29Ta tongoi atu rei ko Jesus kia ratou, “Kotou e sara, natafito si se kotou iroa ina ko te Pepa Tapu o pe te manuu o Tupua. 30Natafito i te vasia o te mate e maasike ki te ora, koratou ka fai pe nga ʻangelʼ o te vaerangi ka si see avanga. 31Kae ki te faka masike ranga o te mate ki te ora: Aa, kotou si se ne tau pe nia ma Tupua ne muna atu kia kotou? Koia ne muna atu,
32‘Kuou te Tupua o Abraham,
ma te Tupua o Isaac,
ma te Tupua o Jacob.’
“maafa rei koratou ne mmate fakaoti. Koia siei te Tupua o te faoa mmate, kae te Tupua o te faoa ora.”
33Ma vasia te kano fenua ne fakarongo kiei, ratou ku fereki ratou mauri ki ana fakaako ranga.
Te matuaa fono
(Mak 12.28–34; Luk 10.25–28)
34Kae i te vasia nga Pharisee ne fakarongo ko Jesus ku nai tongoi ria ko nga Sadducee ke faka turi, ratou ne oomai o taanaki ki roto. 35Kae te tangata ia ratou, te fakaako oa Fono, ne fai ke nai titipea ina ko Jesus i te fesiri. 36Koia e fesiri, “Te fakaako ee, tefea te matuaa fono ia fono?”
37Tongoi atu rei ko Jesus kiei:
“ ‘Ko kee ke fakapere te Ariki tou Tupua
ma tou fatu manava katoa
ma tou ora katoa,
ma tou atamai katoa.’
38“Ta teinei te matuaa fono. 39Te rua oa matuaa fono e faka peeraa:
‘Ko kee fakapere ki ou faoa,
pea kee e fakapere kia kee
maso kee.’
40 #
Luk 10.25–28. “Koa Fono kaatoa a Moses ma a tusi tusi ranga a nga ʻProphetʼ e tautari fuarei kia fono e rua nei.”
Te fesiri ki te Ariki Fakaroro
(Mak 12.35–37; Luk 20.41–44)
41I te vasia rake Pharisee ku turaki taanaki, ko Jesus ne fesiri atu kia ratou, 42“Ko fea otou maanatu ki te Ariki Fakaroro? Koia te afu oai?”
Tongoi atu rei koratou kiei, “Koia te afu o David.”
43Ta ko Jesus ne fesiri, “Sea rei na atamai, tera ko David ne faia ria e te Mauri o Tupua ke karanga ki na afu ko te ariki? Ko David ne muna,
44‘Tupua ne muna ki toku Ariki,
nofo i kunei i toku faasi matau,
oko rei ki vasia ka kau tukuna
ko ou faoa tau firi firi
ki araro ou rafi vae.’
45“Kae ta David ne karanga kiei na ariki, e ma faia faka fefea rei, te Ariki Fakaroro ke afu mai a David?”
46Siei rei fokia pe koai e ma fai ke tongoi kia Jesus, tera mai i te aso ai siei rei pe koai ke fesiri fokia kiei.
Iliyochaguliwa sasa
Matthew 22: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 22
22
Te araara fanga faka tautau ki te avanga
(Luk 14.15–24)
1Tera ko Jesus fokia ne munaki ko te araara fanga faka tautau ki te kano fenua: 2“Te Kainanga o te Vaerangi e fai peinei. Nai take vasia te tii koia ne pena pena ko te avanga o tana tama. 3Koia ne fakkau ko ana faoa fai fekau ke oro o mmuna ki faoa ne kafi ke oomai ki te katoanga o te avanga, kae koratou se ne fifia ke oomai. 4Ta kau rei foki ea koia rake ana fai fekau, ma rake taranga ki faoa ne kafi ea koia, ‘Taku kai kai ku oti na pena, aku puluka tangata ma aku puluka faangai ku taa, ku naa fuarei; oomai ki te kai o te avanga ke fai.’ 5Kae koratou si se ne tautari rei, ma ne tasi tautari ki na fifia, take tangata ne poi ki na tofi, ma take tangata ne poi ki na fare koroa. 6Kae ko rake taangata ne ratou pukea ko ana fai fekau, taa ia ma ne ratou tamatea ria koratou. 7Te tii ne teke maatea rei, koia ne fakkau tana faoa tau ke oro o ratou taia ko faoa taa taangata, ma ke sunua ki aatea koratou noforanga lasi. 8Tera koia ne karanga ki rake ana fai fekau kae muna atu kia ratou, ‘Te kai o toku avanga ku naa fuarei, kae koratou ne kafi atu kiei, si see fifia rei ke oomai. 9Oro kia vaevae ngangea o te noforanga, o kafi ke oomai te kano fenua e kotou maua e tokkapi fefea.’ 10Tera ko ana fai fekau ne oro kia vaevae noforanga o tari mai te kano fenua kaatoa e ratou maua ria, te faoa pariki ma te faoa laoi, tera te paito kai o te avanga ku pii i te kano fenua.
11“Kae vasia te tii ne au ke pula ki te kano fenua, ne nai ravea te tangata si see uru ki ana suru o te kai. 12Koia ne muna atu kiei, ‘Soa ee, ko kee ne au se kee suru faka fefea ki roto nei?’ Kae koia ku see muna. 13#Mat 8.12; 25.30; Luk 13.28.Tera te tii ne faka ari atu ki ana fai fekau ke rii ko ana rima ma ana vae, ta sau raa o tika ki te pouri, i te ngangea koia ka tangi kae fe ngii taki ko ana nifo!”
14Faka suku suku rei ko Jesus, “Natafito e kkapi rei ko faoa ne karanga tia, kae si see tokarava ko na kano fenua ne faka patino ria.”
Te fesiri kia tauvi o takisi
(Mak 12.13–17; Luk 20.20–26)
15Tera nga Pharisee ne oro o tau purenga ke oomai o titipea ko Jesus kia fesiri. 16Ta koratou ne fakkau kia koia ko rake taangata i ratou kau fanonga ma rake faoa o Herod kia Jesus o muna atu, “Te fakaako ee, e matou iroa ina ko kee e munaki ko te tonu, ma e akonaki koa tukunga maori o Tupua ki nga taangata si se ne faka tuasaa ki rake faoa, natafito ko kee si see fai koa tukunga faka taangata. 17Ta faka ari mai kia matou ko tau maanatu: Ea, e sara ia tatou fono ke tauvi koa takisi kia Sisa, ko te Empra o nga Roman, o pe siei?”
18Kae ko Jesus ku nai iroa ina ko aratou atamai pariki, ta muna rei, “Kotou fenua taataa laoi! Sea na atamai kotou e oomai o fai ke kotou titipea ina kuou?! 19Faka ari mai kia kuou te foi mane tauvi o te takisi!”
Ta sau mai rei foi mane ea ratou o sori kiei. 20Ta fesiri atu rei ko Jesus, “Oai koa mata ma te ingoa e tuu iei nei?”
21Tongoi atu rei koratou, “O te Empra o nga Roman.”
Ta muna atu rei ko Jesus kia ratou, “Tera arei, tauvi ki te Empra pe nia ma te Empra, kae tauvi ki Tupua pe nia ma Tupua.”
22Vasia koratou ne fakarongo iei, koratou ku fereki ko aratou mauri, ta ne ratou tiakina ria koia kae oro kese arei.
Te fesiri ki te masike ranga mai te mate
(Mak 12.18–27; Luk 20.27–40)
23 #
Act 23.8. Ta i te aso ai, rake Sadducee ne oomai kia Jesus. Koratou e mmuna ko te kano fenua ka see masike mai i te mate. Feesiri rei koratou kia Jesus, 24o mmuna, “Te fakaako ee, Moses ne muna:
‘Te tangata e mate, siei ko ni tama ma ana,
na taina ke avanga rei
ki te tangi soa
ke fai ko ni tama ma na taina ku mate.’
25“Nga tau faanau e toka fitu noko fare, te uru matua ne mataki avanga, kae ne mate arei, siei ko ni tama ma ana, kae avanga rei na nofine ki na taina. 26A fainga sokotasi ne fai ki na toka rua, ma ki ratou toka toru, ta ki te faanaunga kaatoa e toka fitu. 27Ia tua te faanaunga ku mmate fakaoti rei, faka muri muri rei ia ratou te maatua fafine ne mate atu. 28I te aso o te faka masike ranga, oai reia te nofine ka fai? Natafito koratou kaatoa ne avanga fakaoti rei kiei.”
29Ta tongoi atu rei ko Jesus kia ratou, “Kotou e sara, natafito si se kotou iroa ina ko te Pepa Tapu o pe te manuu o Tupua. 30Natafito i te vasia o te mate e maasike ki te ora, koratou ka fai pe nga ʻangelʼ o te vaerangi ka si see avanga. 31Kae ki te faka masike ranga o te mate ki te ora: Aa, kotou si se ne tau pe nia ma Tupua ne muna atu kia kotou? Koia ne muna atu,
32‘Kuou te Tupua o Abraham,
ma te Tupua o Isaac,
ma te Tupua o Jacob.’
“maafa rei koratou ne mmate fakaoti. Koia siei te Tupua o te faoa mmate, kae te Tupua o te faoa ora.”
33Ma vasia te kano fenua ne fakarongo kiei, ratou ku fereki ratou mauri ki ana fakaako ranga.
Te matuaa fono
(Mak 12.28–34; Luk 10.25–28)
34Kae i te vasia nga Pharisee ne fakarongo ko Jesus ku nai tongoi ria ko nga Sadducee ke faka turi, ratou ne oomai o taanaki ki roto. 35Kae te tangata ia ratou, te fakaako oa Fono, ne fai ke nai titipea ina ko Jesus i te fesiri. 36Koia e fesiri, “Te fakaako ee, tefea te matuaa fono ia fono?”
37Tongoi atu rei ko Jesus kiei:
“ ‘Ko kee ke fakapere te Ariki tou Tupua
ma tou fatu manava katoa
ma tou ora katoa,
ma tou atamai katoa.’
38“Ta teinei te matuaa fono. 39Te rua oa matuaa fono e faka peeraa:
‘Ko kee fakapere ki ou faoa,
pea kee e fakapere kia kee
maso kee.’
40 #
Luk 10.25–28. “Koa Fono kaatoa a Moses ma a tusi tusi ranga a nga ʻProphetʼ e tautari fuarei kia fono e rua nei.”
Te fesiri ki te Ariki Fakaroro
(Mak 12.35–37; Luk 20.41–44)
41I te vasia rake Pharisee ku turaki taanaki, ko Jesus ne fesiri atu kia ratou, 42“Ko fea otou maanatu ki te Ariki Fakaroro? Koia te afu oai?”
Tongoi atu rei koratou kiei, “Koia te afu o David.”
43Ta ko Jesus ne fesiri, “Sea rei na atamai, tera ko David ne faia ria e te Mauri o Tupua ke karanga ki na afu ko te ariki? Ko David ne muna,
44‘Tupua ne muna ki toku Ariki,
nofo i kunei i toku faasi matau,
oko rei ki vasia ka kau tukuna
ko ou faoa tau firi firi
ki araro ou rafi vae.’
45“Kae ta David ne karanga kiei na ariki, e ma faia faka fefea rei, te Ariki Fakaroro ke afu mai a David?”
46Siei rei fokia pe koai e ma fai ke tongoi kia Jesus, tera mai i te aso ai siei rei pe koai ke fesiri fokia kiei.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.