Matthew 19
19
Jesus e fakaako ki te faasi o te fare kese kese
(Mak 10.1–12)
1Vasia o Jesus ku faka oti pe nia ma ana ne muna kiei, poi kese rei koia i Galilee, ma ne poi ki te motu ngangea o Judea i take faasi vai saria i Jordan. 2E tokkapi te kano fenua ne tautari kiei, ma ne nai faka maroro ria koratou i ngangea.
3Rake Pharisee ne oomai kiei, ke ratou titipea ria koia. Koratou ne feesiri, “Ea, tatou fono e masara ki te tangata ke fue kese ko na nofine pe koia e fifia?”
4Tongoi atu rei ko Jesus, “Ko kotou se ne tau i te Pepa Tapu i te fakatafito ranga te Faka tupunga ne fai ko te tangata ma te fafine? 5Tera ko Tupua ne muna, ‘Natafito ia atamai nei, te tangata ka tuku ko na mmana ma na nana, ka e soko ki na nofine, ma ko raua ka fare e sokotasi.’ 6Tera koraua ka see fare e toka rua, kae ka sokotasi. Tera siei se tangata ke nai vaea kese ki tua pe nia ma Tupua ne faka tutaki.”
7 #
Mat 5.31. Ta ko nga Pharisee ne feesiri atu kiei, “Kae, sea rei ko na atamai ne sori e Moses te fono ki te tangata ke sori ki na nofine ko mo faka iro te faka mavaevae, ta fakkau raa na nofine ki tua?”
8Ta tongoi atu rei ko Jesus, “Moses ne tuku atu kia kotou ke fue kese otou nofine, natafito ko kotou e faingataa ke fakaako, kae siei se fai peeraa i te vasia o faka tupu anga. 9#Mat 5.32; 1 Cor 7.10,11.Ta kuou e faka ari atu kia kotou, pe se tangata koai e fue kese ko na nofine, kae siei faasi na nofine ku poi vare, kae avanga rei ki take fafine, koia ku poi vare.”
10Mumuna atu rei ko na kau fanonga kiei, “Kae pe teinei rei a tukunga i vasia i roto tangata ma na nofine, ta e fetau fangatasi fuarei ka see avanga.”
11Ta tongoi atu rei ko Jesus, “Te ako ranga nei siei see fai atu ki faoa kaatoa, kae kia koratou fuarei ne sori kiei ko Tupua. 12Kia rake taangata si see avanga natafito ia atamai e kese kese: rake taangata, natafito koratou ne faanau rei i fai atamai faka peeraa, ko rake taangata ne fai faka peeraa koratou e nga taangata, ma rake taangata si see fifia ke avanga, natafito i te Kainanga o te Vaerangi. Tuku koia e ma fai ke sau koa fakaako ranga nei ke fai arei kiei.”
Jesus e fakatapu ko nga tamariki
(Mak 10.13–16; Luk 18.15–17)
13Rake kano fenua ne aumai ko nga tamariki kia Jesus ke tuku ifo ko ana rima kia ratou, ma ke rotu kia ratou; kae fue kese rei e na kau fanonga ko faoa nei. 14Muna atu rei ko Jesus, “Tuku ko nga tamariki ke oomai kia kuou, ma kau see fai o pii koratou, natafito te Kainanga o te Vaerangi mo fai faoa faka peinei.”
15Tera koia ne tuku ifo ko ana rima kia ratou, oti poi kese arei.
Te tangata muri e taufenua
(Mak 10.17–31; Luk 18.18–30)
16Mo vasia te tangata ne au kia Jesus. Fesiri atu rei koia, “Te fakaako ee, a ni nea laoi koai ma aku ke fai ke kau saua ko te ora mau?”
17Tongoi atu rei ko Jesus, “Sea na atamai ko kee e fesiri mai kia kuou au maanatu e fai kia nea laoi? Tera e sokotasi fuarei koia e laoi. Tautari fuarei kia fono pe ko kee e fifia ke okotia ina ko te ora mau.”
18Fesiri atu rei te tangata kia Jesus, “Ni fono koai?”
Tongoi atu rei ko Jesus,
“Kau see taa taangata,
kau see poi vare,
kau see kaiaa,
kau see tukuaki pouri.
19Faka epa ki tou mmana ma tou nana,
ma fakapere ki ou faoa
pe ko kee e fakapere kia kee maso kee.”
20Tongoi atu rei te tangata muri, “Kuou ne tautari kia fono kaatoa nei, a nia rei fokia ma aku ke fai?”
21Ta ko Jesus muna atu rei kiei, “Kae ko kee e fifia rei ke tonu maori rei, poi o fai tauvi kaatoa rei ko ou kope kopenga, ta sori rei koa mane ki te faka ruru faka arofa, ma ko kee ka fai tou taufenua i te vaerangi, tera au raa o tautari mai kia kuou.”
22Ta te tangata muri ne fakarongo nei, koia ne poi kese arei ku maatea rei na arofa, natafito koia e taufenua sapa.
23Tera ko Jesus ne muna atu ki na kau fanonga, “Kuou e faka ari atu kia kotou te maori: Ka maatea rei na faingataa ki te faoa taufenua ke ratou urufi ria ko te Kainanga o te Vaerangi. 24Kuou ka faka ari atu fokia: Te tangata taufenua ke nai urufia ko te Kainanga o Tupua, e faingataa sapa atu ma te ʻkameleʼ ke nai urufia ko te mata o te nitili.”
25Vasia te kau fanonga ne fakarongo kiei, koratou ku fereki ko aratou mauri, ma ne feesiri, “Ta koai rei ia ka faka saofia ia?”
26Ono atu rei ko Jesus kia ratou kae tongoi atu rei, “Teinei e faingataa ki nga taangata, kae siei ki Tupua; a nea kaatoa e faingaofia ki Tupua.”
27Tera karanga rei ko Peter, kae muna atu rei koia kia Jesus, “Pula rei, komatou ku tuku koa nea kaatoa, kae tautari rei kia kee. A nia rei ma matou ka sau?”
28 #
Mat 25.31; Luk 22.30. Muna atu rei ko Jesus kia ratou, “Kuou e faka ari atu kia kotou te maori: Vasia te Tama a Tangata ka nofo ki na noforanga taurekareka i te fakataunga foou, tera kotou toku kau fanonga e tino angafuru ma rua ne tautari mai kia kuou, ka kotou nofo ria fokia ko noforanga taurekareka, ke kotou oono ia kainanga e tino angafuru ma rua o Israel. 29Ma pe koai ma ne tuku ko ratou paito o pe ratou taina pe ratou kave, pe aratou mmana, pe aratou nnana, pe aratou tamariki pe aratou tofi natafito i toku ingoa, ka ratou saua e fua te rau oa vasia oa nea nei, ma ka ratou saua ko te ora mau. 30#Mat 20.16; Luk 13.30.Kae e tokkapi rei koai ma i vasia nei e mua, ka fai ka faka muri muri, ma e tokkapi rei koai ma i vasia nei e faka muri muri, ka mua.
Iliyochaguliwa sasa
Matthew 19: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 19
19
Jesus e fakaako ki te faasi o te fare kese kese
(Mak 10.1–12)
1Vasia o Jesus ku faka oti pe nia ma ana ne muna kiei, poi kese rei koia i Galilee, ma ne poi ki te motu ngangea o Judea i take faasi vai saria i Jordan. 2E tokkapi te kano fenua ne tautari kiei, ma ne nai faka maroro ria koratou i ngangea.
3Rake Pharisee ne oomai kiei, ke ratou titipea ria koia. Koratou ne feesiri, “Ea, tatou fono e masara ki te tangata ke fue kese ko na nofine pe koia e fifia?”
4Tongoi atu rei ko Jesus, “Ko kotou se ne tau i te Pepa Tapu i te fakatafito ranga te Faka tupunga ne fai ko te tangata ma te fafine? 5Tera ko Tupua ne muna, ‘Natafito ia atamai nei, te tangata ka tuku ko na mmana ma na nana, ka e soko ki na nofine, ma ko raua ka fare e sokotasi.’ 6Tera koraua ka see fare e toka rua, kae ka sokotasi. Tera siei se tangata ke nai vaea kese ki tua pe nia ma Tupua ne faka tutaki.”
7 #
Mat 5.31. Ta ko nga Pharisee ne feesiri atu kiei, “Kae, sea rei ko na atamai ne sori e Moses te fono ki te tangata ke sori ki na nofine ko mo faka iro te faka mavaevae, ta fakkau raa na nofine ki tua?”
8Ta tongoi atu rei ko Jesus, “Moses ne tuku atu kia kotou ke fue kese otou nofine, natafito ko kotou e faingataa ke fakaako, kae siei se fai peeraa i te vasia o faka tupu anga. 9#Mat 5.32; 1 Cor 7.10,11.Ta kuou e faka ari atu kia kotou, pe se tangata koai e fue kese ko na nofine, kae siei faasi na nofine ku poi vare, kae avanga rei ki take fafine, koia ku poi vare.”
10Mumuna atu rei ko na kau fanonga kiei, “Kae pe teinei rei a tukunga i vasia i roto tangata ma na nofine, ta e fetau fangatasi fuarei ka see avanga.”
11Ta tongoi atu rei ko Jesus, “Te ako ranga nei siei see fai atu ki faoa kaatoa, kae kia koratou fuarei ne sori kiei ko Tupua. 12Kia rake taangata si see avanga natafito ia atamai e kese kese: rake taangata, natafito koratou ne faanau rei i fai atamai faka peeraa, ko rake taangata ne fai faka peeraa koratou e nga taangata, ma rake taangata si see fifia ke avanga, natafito i te Kainanga o te Vaerangi. Tuku koia e ma fai ke sau koa fakaako ranga nei ke fai arei kiei.”
Jesus e fakatapu ko nga tamariki
(Mak 10.13–16; Luk 18.15–17)
13Rake kano fenua ne aumai ko nga tamariki kia Jesus ke tuku ifo ko ana rima kia ratou, ma ke rotu kia ratou; kae fue kese rei e na kau fanonga ko faoa nei. 14Muna atu rei ko Jesus, “Tuku ko nga tamariki ke oomai kia kuou, ma kau see fai o pii koratou, natafito te Kainanga o te Vaerangi mo fai faoa faka peinei.”
15Tera koia ne tuku ifo ko ana rima kia ratou, oti poi kese arei.
Te tangata muri e taufenua
(Mak 10.17–31; Luk 18.18–30)
16Mo vasia te tangata ne au kia Jesus. Fesiri atu rei koia, “Te fakaako ee, a ni nea laoi koai ma aku ke fai ke kau saua ko te ora mau?”
17Tongoi atu rei ko Jesus, “Sea na atamai ko kee e fesiri mai kia kuou au maanatu e fai kia nea laoi? Tera e sokotasi fuarei koia e laoi. Tautari fuarei kia fono pe ko kee e fifia ke okotia ina ko te ora mau.”
18Fesiri atu rei te tangata kia Jesus, “Ni fono koai?”
Tongoi atu rei ko Jesus,
“Kau see taa taangata,
kau see poi vare,
kau see kaiaa,
kau see tukuaki pouri.
19Faka epa ki tou mmana ma tou nana,
ma fakapere ki ou faoa
pe ko kee e fakapere kia kee maso kee.”
20Tongoi atu rei te tangata muri, “Kuou ne tautari kia fono kaatoa nei, a nia rei fokia ma aku ke fai?”
21Ta ko Jesus muna atu rei kiei, “Kae ko kee e fifia rei ke tonu maori rei, poi o fai tauvi kaatoa rei ko ou kope kopenga, ta sori rei koa mane ki te faka ruru faka arofa, ma ko kee ka fai tou taufenua i te vaerangi, tera au raa o tautari mai kia kuou.”
22Ta te tangata muri ne fakarongo nei, koia ne poi kese arei ku maatea rei na arofa, natafito koia e taufenua sapa.
23Tera ko Jesus ne muna atu ki na kau fanonga, “Kuou e faka ari atu kia kotou te maori: Ka maatea rei na faingataa ki te faoa taufenua ke ratou urufi ria ko te Kainanga o te Vaerangi. 24Kuou ka faka ari atu fokia: Te tangata taufenua ke nai urufia ko te Kainanga o Tupua, e faingataa sapa atu ma te ʻkameleʼ ke nai urufia ko te mata o te nitili.”
25Vasia te kau fanonga ne fakarongo kiei, koratou ku fereki ko aratou mauri, ma ne feesiri, “Ta koai rei ia ka faka saofia ia?”
26Ono atu rei ko Jesus kia ratou kae tongoi atu rei, “Teinei e faingataa ki nga taangata, kae siei ki Tupua; a nea kaatoa e faingaofia ki Tupua.”
27Tera karanga rei ko Peter, kae muna atu rei koia kia Jesus, “Pula rei, komatou ku tuku koa nea kaatoa, kae tautari rei kia kee. A nia rei ma matou ka sau?”
28 #
Mat 25.31; Luk 22.30. Muna atu rei ko Jesus kia ratou, “Kuou e faka ari atu kia kotou te maori: Vasia te Tama a Tangata ka nofo ki na noforanga taurekareka i te fakataunga foou, tera kotou toku kau fanonga e tino angafuru ma rua ne tautari mai kia kuou, ka kotou nofo ria fokia ko noforanga taurekareka, ke kotou oono ia kainanga e tino angafuru ma rua o Israel. 29Ma pe koai ma ne tuku ko ratou paito o pe ratou taina pe ratou kave, pe aratou mmana, pe aratou nnana, pe aratou tamariki pe aratou tofi natafito i toku ingoa, ka ratou saua e fua te rau oa vasia oa nea nei, ma ka ratou saua ko te ora mau. 30#Mat 20.16; Luk 13.30.Kae e tokkapi rei koai ma i vasia nei e mua, ka fai ka faka muri muri, ma e tokkapi rei koai ma i vasia nei e faka muri muri, ka mua.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.