Matthew 17
17
Te faka ata ata anga o Jesus ki na rau ariki
(Mak 9.2–13; Luk 9.28–36)
1Ia tua oa foi aso e ono, Jesus ne sau ko Peter ma te tau faanau ko James ma John, ma ne taki koratou oro ki fongo maunga maurunga sapa, i kuraa maso koratou e fare. 2I ratou vasia e pula atu, te siaki ku fena ifo kia Jesus: ana mata e aata pe te raa, ma ana suru ku maa ila rei 3Tera na kau fanonga e toka toru ne ratou ravea ina ko Moses ma Elijah e araara ma Jesus. 4Muna atu rei ko Peter kia Jesus, “Te Ariki ee, e maatea rei na laoi kotatou i kunei, kae pe ko kee e fifia kuou ke pena koa viki fare e toru i kunei: Take fare mo ou, take fare mo Moses, ma take fare mo Elijah.”
5 #
Mat 3.17; 12.18; Mak 1.11; Luk 3.22; 2 Pet 1.17,18. Mo vasia koia e araara, te kauao maarama ne au ia ratou arunga, ma te reo ne karanga ifo mai te kauao, “Teinei taku kee Tama fangasere; ia koia kuou e vaki vaki maatea rei kiei. Fakarongo kia koia!”
6Vasia na kau fanonga ne fakarongo ki te reo, koratou ku maattaku rei iei, ne punou maso koratou ki te kere. 7Jesus ne au o poo atu kiei o muna atu, “Tookai ki runga, kau see maattaku!” 8Tera koratou ne pula ake ki runga, ma ne ono siei pe koai, kae ko Jesus fuarei.
9I ratou vasia e oa ifo ki raro mai te maunga, Jesus ne tutuufaki atu kia ratou, “Kau see faka ari pe kiai ko te aata nei oko rei ki te vasia te Tama a Tangata ku faka masike ria mai te mate.”
10Tera na kau fanonga ne feesiri kia Jesus, “Sea na atamai nga fakaako oa Fono e mmuna, ko Elijah e fai ke mataki au mua?”
11Tongoi rei ko Jesus, “E tonu rei ko Elijah e mua mai, ma koia ka pena pena a nea kaatoa ke naa fuarei. 12#Mat 11.14.Kae kuou e faka ari atu kia kotou: Ko Elijah ku oti na au, te kano fenua se ne ratou matea ria koia, kae ne fai ea ratou kia koia pe koratou ne fifia. Ia tukunga sokotasi, te Tama a Tangata ka fai fai faka pariki ea ratou.”
13Tera na kau fanonga ku ratou iroa ina, koia e muna kia ratou i faasi o John te Faka uku.
Jesus e faka maroro te tama tangata e nofo ria e te atua
(Mak 9.14–29; Luk 9.37–43a)
14Vasia koratou ne foki mai ki te kano fenua, te tangata ne au kia Jesus, tokoturi rei i ana mua, 15o muna atu, “Maurunga ee, arofa mai ki taku tama! Koia e maua e te fiti ma e fakarongo neaisu mau fuarei, koia e turekina mau ki te afi pe ki te roto vai. 16Ne aumai ea kuou koia ki tou kau fanonga, kae se ne ma fai ke faka maroro ea ratou.”
17Tongoi atu rei ko Jesus, “Kotou te kano fenua e seke fakatonu ma e sara! Ka roa faka fefea kau nofo ma kotou? E fetau fangatasi ke roa faka fefea kau faka mau ma kotou? Sau mai te tama naa kia kuou!” 18Jesus ne muna atu ki te atua pariki ke poi kese, tera poi kese arei ki tua ma tama riki riki, tera ko te tama ku maroro laoi.
19Tera te kau fanonga ne oomai kia Jesus maso koratou, ma ne feesiri atu kiei, “Sea na atamai komatou si se matou maua ria te fue kese te atua naa?”
20 #
Mat 21.21; Mak 11.23; 1 Cor 13.2. Tongoi atu rei ko Jesus, “Na atamai otou fakatonu si see lasi. Kuou e faka ari atu kia kotou te maori: Kae otou fakatonu pe ne lasi ake pe te foi fatu kai ʻmustardʼ, kotou ka ma muna atu ki te maunga nei ke soosoo kese i kunei ki kunaa mae ka soosoo arei! Kotou ka ma fai fuarei pe nia! 21[Kae te rotu fuarei ma te faka naa mangumangu e nai faia koa totonga nei; siei fokia pe sea.”]
Ko Jesus e araara faki foki ko na mate
(Mak 9.30–32; Luk 9.43–45)
22Vasia na kau fanonga ne oomai kaatoa rei o taanaki i Galilee, Jesus ne muna atu kia ratou, “Te Tama a Tangata ku piri piri ke soria ki nga taangata. 23Koratou ka tamate iei, kae i na aso toru, koia ka faka masike ake ki te ora.”
Na kau fanonga ku maatea rei ratou aarofa.
Te sori ki Paito Tapu
24Vasia o Jesus ma na kau fanonga ne oomai ki Capernaum, te faoa e tari ia sori ki Paito Tapu ne oomai kia Peter ma ne feesiri, “Ea? Tou fakaako ne tauvi tana sori ki Paito Tapu?”
25Tongoi rei ko Peter, “Kae nea rei.”
Vasia ko Peter ne uru ki rota paito, Jesus ne mataki muna atu kiei, “Simon, ko fea au maanatu? Koai e tauvi koa fainga fekau o pe a takisi ki nga tii oa taangata nei? Ko te nofo fenua, o pe rake faoa o rake fenua?”
26Tongoi atu rei ko Peter kia koia, “A faoa o rake fenua.”
Tongoi rei ko Jesus, “Ta e laoi, tera na atamai te nofo fenua si see tauvi. 27Kae tatou se tau fangatasi ke tou fai koa nea si see laoi ki te kanofenua naa! Tera poi ki te roto o vero tou uka; futi ake ki runga te mataki ika, fanga ko na ngutu ka ke maua te foi mane ka fetau fangatasi kia tau sori ki Paito Tapu. Sau tauvi rei koa tau takisi.”
Iliyochaguliwa sasa
Matthew 17: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 17
17
Te faka ata ata anga o Jesus ki na rau ariki
(Mak 9.2–13; Luk 9.28–36)
1Ia tua oa foi aso e ono, Jesus ne sau ko Peter ma te tau faanau ko James ma John, ma ne taki koratou oro ki fongo maunga maurunga sapa, i kuraa maso koratou e fare. 2I ratou vasia e pula atu, te siaki ku fena ifo kia Jesus: ana mata e aata pe te raa, ma ana suru ku maa ila rei 3Tera na kau fanonga e toka toru ne ratou ravea ina ko Moses ma Elijah e araara ma Jesus. 4Muna atu rei ko Peter kia Jesus, “Te Ariki ee, e maatea rei na laoi kotatou i kunei, kae pe ko kee e fifia kuou ke pena koa viki fare e toru i kunei: Take fare mo ou, take fare mo Moses, ma take fare mo Elijah.”
5 #
Mat 3.17; 12.18; Mak 1.11; Luk 3.22; 2 Pet 1.17,18. Mo vasia koia e araara, te kauao maarama ne au ia ratou arunga, ma te reo ne karanga ifo mai te kauao, “Teinei taku kee Tama fangasere; ia koia kuou e vaki vaki maatea rei kiei. Fakarongo kia koia!”
6Vasia na kau fanonga ne fakarongo ki te reo, koratou ku maattaku rei iei, ne punou maso koratou ki te kere. 7Jesus ne au o poo atu kiei o muna atu, “Tookai ki runga, kau see maattaku!” 8Tera koratou ne pula ake ki runga, ma ne ono siei pe koai, kae ko Jesus fuarei.
9I ratou vasia e oa ifo ki raro mai te maunga, Jesus ne tutuufaki atu kia ratou, “Kau see faka ari pe kiai ko te aata nei oko rei ki te vasia te Tama a Tangata ku faka masike ria mai te mate.”
10Tera na kau fanonga ne feesiri kia Jesus, “Sea na atamai nga fakaako oa Fono e mmuna, ko Elijah e fai ke mataki au mua?”
11Tongoi rei ko Jesus, “E tonu rei ko Elijah e mua mai, ma koia ka pena pena a nea kaatoa ke naa fuarei. 12#Mat 11.14.Kae kuou e faka ari atu kia kotou: Ko Elijah ku oti na au, te kano fenua se ne ratou matea ria koia, kae ne fai ea ratou kia koia pe koratou ne fifia. Ia tukunga sokotasi, te Tama a Tangata ka fai fai faka pariki ea ratou.”
13Tera na kau fanonga ku ratou iroa ina, koia e muna kia ratou i faasi o John te Faka uku.
Jesus e faka maroro te tama tangata e nofo ria e te atua
(Mak 9.14–29; Luk 9.37–43a)
14Vasia koratou ne foki mai ki te kano fenua, te tangata ne au kia Jesus, tokoturi rei i ana mua, 15o muna atu, “Maurunga ee, arofa mai ki taku tama! Koia e maua e te fiti ma e fakarongo neaisu mau fuarei, koia e turekina mau ki te afi pe ki te roto vai. 16Ne aumai ea kuou koia ki tou kau fanonga, kae se ne ma fai ke faka maroro ea ratou.”
17Tongoi atu rei ko Jesus, “Kotou te kano fenua e seke fakatonu ma e sara! Ka roa faka fefea kau nofo ma kotou? E fetau fangatasi ke roa faka fefea kau faka mau ma kotou? Sau mai te tama naa kia kuou!” 18Jesus ne muna atu ki te atua pariki ke poi kese, tera poi kese arei ki tua ma tama riki riki, tera ko te tama ku maroro laoi.
19Tera te kau fanonga ne oomai kia Jesus maso koratou, ma ne feesiri atu kiei, “Sea na atamai komatou si se matou maua ria te fue kese te atua naa?”
20 #
Mat 21.21; Mak 11.23; 1 Cor 13.2. Tongoi atu rei ko Jesus, “Na atamai otou fakatonu si see lasi. Kuou e faka ari atu kia kotou te maori: Kae otou fakatonu pe ne lasi ake pe te foi fatu kai ʻmustardʼ, kotou ka ma muna atu ki te maunga nei ke soosoo kese i kunei ki kunaa mae ka soosoo arei! Kotou ka ma fai fuarei pe nia! 21[Kae te rotu fuarei ma te faka naa mangumangu e nai faia koa totonga nei; siei fokia pe sea.”]
Ko Jesus e araara faki foki ko na mate
(Mak 9.30–32; Luk 9.43–45)
22Vasia na kau fanonga ne oomai kaatoa rei o taanaki i Galilee, Jesus ne muna atu kia ratou, “Te Tama a Tangata ku piri piri ke soria ki nga taangata. 23Koratou ka tamate iei, kae i na aso toru, koia ka faka masike ake ki te ora.”
Na kau fanonga ku maatea rei ratou aarofa.
Te sori ki Paito Tapu
24Vasia o Jesus ma na kau fanonga ne oomai ki Capernaum, te faoa e tari ia sori ki Paito Tapu ne oomai kia Peter ma ne feesiri, “Ea? Tou fakaako ne tauvi tana sori ki Paito Tapu?”
25Tongoi rei ko Peter, “Kae nea rei.”
Vasia ko Peter ne uru ki rota paito, Jesus ne mataki muna atu kiei, “Simon, ko fea au maanatu? Koai e tauvi koa fainga fekau o pe a takisi ki nga tii oa taangata nei? Ko te nofo fenua, o pe rake faoa o rake fenua?”
26Tongoi atu rei ko Peter kia koia, “A faoa o rake fenua.”
Tongoi rei ko Jesus, “Ta e laoi, tera na atamai te nofo fenua si see tauvi. 27Kae tatou se tau fangatasi ke tou fai koa nea si see laoi ki te kanofenua naa! Tera poi ki te roto o vero tou uka; futi ake ki runga te mataki ika, fanga ko na ngutu ka ke maua te foi mane ka fetau fangatasi kia tau sori ki Paito Tapu. Sau tauvi rei koa tau takisi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.