Matthew 16
16
Te fifia ki te furisanga
(Mak 8.11–13; Luk 12.54–56)
1 #
Mat 12.38; Luk 11.16. Nga Pharisee ma nga Sadducee ne oomai kia Jesus, e fifia ke ratou toka roto ria koia, tera ratou ne kaaisi kiei ke fai ko se furisanga kia ratou ke faka ari koia ne faka tonu e Tupua.
2Kae tongoi atu rei ko Jesus, “Vasia o te raa e too iei, kotou e mmuna, ‘Tatou ka ngaio, natafito te vaerangi e mera.’ 3Mae i mo pongi pongi, kotou e mmuna, ‘Te ua e fai ke too, natafito te vaerangi e mera ma e pouri.’ Ko kotou ka ma maanatu te vaerangi pe ka fai faka fefea i otou vasia e ono ki te vaerangi, kae ko kotou ka see fai o mmuna kia faka mailonga e fai kia vasia nei! 4#Mat 12.39; Luk 11.29.Te kano fenua oa aso nei e fai pariki ma e seke tupua rei! Kotou e kaaisi mai kia kuou ki se furisanga? Siei! Te furisanga fuarei ka sori atu, te furisanga o Jonah te ʻprophetʼ.”
Tera, ko Jesus ne poi kese ia ratou o poi ki tua.
Te ʻyeastʼ o nga Pharisee ma nga Sadducee
(Mak 8.14–21)
5Vasia na kau fanonga ku oro ki take faasi roto, ratou ne faka ngaro ke sau koa preti. 6#Luk 12.1.Ko Jesus muna atu rei kia ratou, “Faka matakite kotou kia ʻyeastʼ o nga Pharisee ma nga Sadducee.”
7Koratou ne tafito o tau araara maso koratou, “Koia e muna faka peinei, natafito kotatou si se ne sau mai ko ni preti.”
8Jesus ku nai iroa ina pe nia ma ratou e mmuna kiei, tera fesiri atu rei koia kia ratou, “Sea na atamai kotou e tau araara maso kotou, siei ko ni preti? Kotou e vikilake i otou paanaki e fai! 9#Mat 14.17–21.Kotou siki atetea rei? Kotou si see maanatu vasia kuou ne tofi tofi koa foi preti e rima kia afe e rima (5,000) o nga taangata? E fia otou kete ne utufaki? 10#Mat 15.34–38.Ma sea rei kia foi preti e fitu kia afe e faa (4,000) o nga taangata? E fia otou kete ne fao? 11Ea rei, kotou se kotou iroa ina, kuou si se ne muna atu kia kotou kia preti? Faka matakite kotou kia ʻyeastʼ o nga Pharisee ma nga Sadducee!”
12Tera na kau fanonga e atetea ia ratou koia si se ne muna atu kia ratou o faka iro atu kia ratou ke faka matakite maso koratou mai te ʻyeastʼ ne faka rave kia preti, kae kia fakaako ranga o nga Pharisee ma nga Sadducee.
Peter e nai faka aria ko Jesus
(Mak 8.27–30; Luk 9.18–21)
13Jesus ne poi ki te motu ngangea ia taoni i Caesarea Philippi, i ngangea koia ne fesiri atu ki na kau fanonga, “Faka ari mai pe koai te kano fenua e mmuna te Tama a Tangata?”
14 #
Mat 14.1,2; Mak 6.14,15; Luk 9.7,8. Tongoi atu rei koratou, “Rake faoa e mmuna, ‘Ko John te Faka uku,’ kae rake faoa e mmuna, ‘Ko Elijah,’ kae rake faoa e mmuna, ‘Ko Jeremiah ka pe take ʻprophetʼ.’ ”
15Fesiri atu rei ko Jesus kia ratou, “Kae kotou rei e mmuna kuou koai?”
16 #
Jon 6.68,69. Tongoi atu rei ko Simon Peter, “Ko kee te Ariki Fakaroro, te Tama a te Tupua Ora mau.”
17Tongoi rei ko Jesus, “Fakatapu ria ko kee, Simon, te tama a John! Natafito te tonu nei si se ne au kia kee mai se tangata, kae ne sori tonu atu rei mai toku Mmana i te vaerangi. 18Ma tera kuou ka faka ari atu kia kee, Peter ee, ko kee te mato, ma te faka mau ranga o toku Paito Tapu ka taa i te mato nei, ma siei rei pe sea ka nai fai pariki tiaina, siei fokia te Ngangea o te Mate. 19#Mat 18.18; Jon 20.23.Kuou ka sori atu kia kee koa kii o te Kainanga o te Vaerangi. Pe sea e kee mono tia ia taangata nei, ka mono tia fokia i te vaerangi. Mae pe sea e kee sara ria ia taangata nei, ka sara ria fokia i te vaerangi.”
20Tera muna atu faka makeke rei ko Jesus ki na kau fanonga ka see faka ari pe kiai koia te Ariki Fakaroro.
Jesus e nai munakina ko na fakarongo neaisu ma na mate
(Mak 8.31—9.1; Luk 9.22–27)
21Mai i te vasiaa, Jesus ku fakatafito ke muna atetea ki na kau fanonga, “Kuou e fetau fangatasi rei kau poi ki Jerusalem ma ke kau fakarongo neaisu mai nga matapure, ma nga ariki fai kava, ma nga fakaako oa Fono. Kuou ka tukuna ki te mate, kae ia tua oa aso e toru kuou ka faka masike ake ki te ora.”
22Peter ne kave kese ea koia ko Jesus, ma e fakatafito o muna atu kia koia, “E monotia e Tupua, te Ariki ee! Ka se ma fai rei kia kee!”
23Tafuri ake ko Jesus, muna atu rei kia Peter, “Poi kese ma kuou Satan ee! Ko kee e kee mono mono tia ria toku riu ara, natafito au maanatu si se ne aumai i Tupua kae e au mai ia maanatu faka taangata.”
24 #
Mat 10.38; Luk 14.27. Tera ko Jesus ne muna atu ki na kau fanonga, “Kae pe koai e fifia ke tautari mai kia kuou, koia ke faka ngaro maso koia, kae amo ko na raakau tapu, tera tautari mai raa kia kuou. 25#Mat 10.39; Luk 17.33; Jon 12.25.Natafito pe koai ma e fifia ke faka sao ko na kee ora ia, ka faka lekutia; kae pe koai e faka leku ko na ora natafito ia kuou, ka nai maua riaina. 26Ea, se tangata ke nai saua ria pe nia pe tuu ko te maaroo oa taangata katoa nei, kae faka leku rei ko na ora? Siki siei arei! Tera siei pe sea ma ana ke sori ke fokisaki mai ko na ora! 27#Mat 25.31; Rom 2.6.Natafito te Tama a Tangata e fai ke au i te taurekareka o na Mmana ma ana ʻangelʼ, tera koia ka tauvi ko nga taangata tautari ki aratou fai fai ranga. 28Kuou e faka ari atu kia kotou te maori: Rake taangata i kunei ka see mmate, oko rei koratou ku ono mata ki te Tama a Tangata ka au pe te Tii!”
Iliyochaguliwa sasa
Matthew 16: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 16
16
Te fifia ki te furisanga
(Mak 8.11–13; Luk 12.54–56)
1 #
Mat 12.38; Luk 11.16. Nga Pharisee ma nga Sadducee ne oomai kia Jesus, e fifia ke ratou toka roto ria koia, tera ratou ne kaaisi kiei ke fai ko se furisanga kia ratou ke faka ari koia ne faka tonu e Tupua.
2Kae tongoi atu rei ko Jesus, “Vasia o te raa e too iei, kotou e mmuna, ‘Tatou ka ngaio, natafito te vaerangi e mera.’ 3Mae i mo pongi pongi, kotou e mmuna, ‘Te ua e fai ke too, natafito te vaerangi e mera ma e pouri.’ Ko kotou ka ma maanatu te vaerangi pe ka fai faka fefea i otou vasia e ono ki te vaerangi, kae ko kotou ka see fai o mmuna kia faka mailonga e fai kia vasia nei! 4#Mat 12.39; Luk 11.29.Te kano fenua oa aso nei e fai pariki ma e seke tupua rei! Kotou e kaaisi mai kia kuou ki se furisanga? Siei! Te furisanga fuarei ka sori atu, te furisanga o Jonah te ʻprophetʼ.”
Tera, ko Jesus ne poi kese ia ratou o poi ki tua.
Te ʻyeastʼ o nga Pharisee ma nga Sadducee
(Mak 8.14–21)
5Vasia na kau fanonga ku oro ki take faasi roto, ratou ne faka ngaro ke sau koa preti. 6#Luk 12.1.Ko Jesus muna atu rei kia ratou, “Faka matakite kotou kia ʻyeastʼ o nga Pharisee ma nga Sadducee.”
7Koratou ne tafito o tau araara maso koratou, “Koia e muna faka peinei, natafito kotatou si se ne sau mai ko ni preti.”
8Jesus ku nai iroa ina pe nia ma ratou e mmuna kiei, tera fesiri atu rei koia kia ratou, “Sea na atamai kotou e tau araara maso kotou, siei ko ni preti? Kotou e vikilake i otou paanaki e fai! 9#Mat 14.17–21.Kotou siki atetea rei? Kotou si see maanatu vasia kuou ne tofi tofi koa foi preti e rima kia afe e rima (5,000) o nga taangata? E fia otou kete ne utufaki? 10#Mat 15.34–38.Ma sea rei kia foi preti e fitu kia afe e faa (4,000) o nga taangata? E fia otou kete ne fao? 11Ea rei, kotou se kotou iroa ina, kuou si se ne muna atu kia kotou kia preti? Faka matakite kotou kia ʻyeastʼ o nga Pharisee ma nga Sadducee!”
12Tera na kau fanonga e atetea ia ratou koia si se ne muna atu kia ratou o faka iro atu kia ratou ke faka matakite maso koratou mai te ʻyeastʼ ne faka rave kia preti, kae kia fakaako ranga o nga Pharisee ma nga Sadducee.
Peter e nai faka aria ko Jesus
(Mak 8.27–30; Luk 9.18–21)
13Jesus ne poi ki te motu ngangea ia taoni i Caesarea Philippi, i ngangea koia ne fesiri atu ki na kau fanonga, “Faka ari mai pe koai te kano fenua e mmuna te Tama a Tangata?”
14 #
Mat 14.1,2; Mak 6.14,15; Luk 9.7,8. Tongoi atu rei koratou, “Rake faoa e mmuna, ‘Ko John te Faka uku,’ kae rake faoa e mmuna, ‘Ko Elijah,’ kae rake faoa e mmuna, ‘Ko Jeremiah ka pe take ʻprophetʼ.’ ”
15Fesiri atu rei ko Jesus kia ratou, “Kae kotou rei e mmuna kuou koai?”
16 #
Jon 6.68,69. Tongoi atu rei ko Simon Peter, “Ko kee te Ariki Fakaroro, te Tama a te Tupua Ora mau.”
17Tongoi rei ko Jesus, “Fakatapu ria ko kee, Simon, te tama a John! Natafito te tonu nei si se ne au kia kee mai se tangata, kae ne sori tonu atu rei mai toku Mmana i te vaerangi. 18Ma tera kuou ka faka ari atu kia kee, Peter ee, ko kee te mato, ma te faka mau ranga o toku Paito Tapu ka taa i te mato nei, ma siei rei pe sea ka nai fai pariki tiaina, siei fokia te Ngangea o te Mate. 19#Mat 18.18; Jon 20.23.Kuou ka sori atu kia kee koa kii o te Kainanga o te Vaerangi. Pe sea e kee mono tia ia taangata nei, ka mono tia fokia i te vaerangi. Mae pe sea e kee sara ria ia taangata nei, ka sara ria fokia i te vaerangi.”
20Tera muna atu faka makeke rei ko Jesus ki na kau fanonga ka see faka ari pe kiai koia te Ariki Fakaroro.
Jesus e nai munakina ko na fakarongo neaisu ma na mate
(Mak 8.31—9.1; Luk 9.22–27)
21Mai i te vasiaa, Jesus ku fakatafito ke muna atetea ki na kau fanonga, “Kuou e fetau fangatasi rei kau poi ki Jerusalem ma ke kau fakarongo neaisu mai nga matapure, ma nga ariki fai kava, ma nga fakaako oa Fono. Kuou ka tukuna ki te mate, kae ia tua oa aso e toru kuou ka faka masike ake ki te ora.”
22Peter ne kave kese ea koia ko Jesus, ma e fakatafito o muna atu kia koia, “E monotia e Tupua, te Ariki ee! Ka se ma fai rei kia kee!”
23Tafuri ake ko Jesus, muna atu rei kia Peter, “Poi kese ma kuou Satan ee! Ko kee e kee mono mono tia ria toku riu ara, natafito au maanatu si se ne aumai i Tupua kae e au mai ia maanatu faka taangata.”
24 #
Mat 10.38; Luk 14.27. Tera ko Jesus ne muna atu ki na kau fanonga, “Kae pe koai e fifia ke tautari mai kia kuou, koia ke faka ngaro maso koia, kae amo ko na raakau tapu, tera tautari mai raa kia kuou. 25#Mat 10.39; Luk 17.33; Jon 12.25.Natafito pe koai ma e fifia ke faka sao ko na kee ora ia, ka faka lekutia; kae pe koai e faka leku ko na ora natafito ia kuou, ka nai maua riaina. 26Ea, se tangata ke nai saua ria pe nia pe tuu ko te maaroo oa taangata katoa nei, kae faka leku rei ko na ora? Siki siei arei! Tera siei pe sea ma ana ke sori ke fokisaki mai ko na ora! 27#Mat 25.31; Rom 2.6.Natafito te Tama a Tangata e fai ke au i te taurekareka o na Mmana ma ana ʻangelʼ, tera koia ka tauvi ko nga taangata tautari ki aratou fai fai ranga. 28Kuou e faka ari atu kia kotou te maori: Rake taangata i kunei ka see mmate, oko rei koratou ku ono mata ki te Tama a Tangata ka au pe te Tii!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.