Matthew 15
15
Te fakaako ranga o nga puna
(Mak 7.1–13)
1Tera rake Pharisee ma nga fakaako oa Fono ne oomai kia Jesus mai Jerusalem o feesiri kiei, 2“Sea na atamai ko tou kau fanonga e saeaki ia fakaako ranga ne sori mai e tatou puna? Koratou e kkai si see furu mua ko aratou rima faka laoi!”
3Tongoi rei ko Jesus, “Sea rei na atamai kotou e fai si see tautari kia fono a Tupua kae tautari rei ki otou kee tukunga faka taangata ia? 4Natafito Tupua ne muna:
‘Faka epa ki tou mmana ma tou nana,’
“ma:
‘Pe koai koia e munaki koa nea pariki ki na mmana pe ki na nnana,
e fetau fangatasi ke tukuna ki te mate.’
5“Kae kotou e fakaako: Ko se tangata ke fai pe nia ma ana ke soaki ki na mmana pe na nana, kae muna rei, ‘A nea nei ne fakatapu ria ki Tupua!’ 6tera koia see fetau fangatasi ke rau ke faka epa ki na mmana. I fai riu ara nei koia ku see tautari kia taranga a Tupua, kae tautari ki otou kee tukunga ia! 7Kotou fenua taataa laoi! E tonu maori rei a Isaiah i vasia koia ku nai muna akina i mua kia kotou:
8‘Tupua ne muna,
te kano fenua nei e ratou
faka epa ria kuou ia ratou taranga fuarei.
Kae aratou fatu manava
e mmao kese rei ma kuou.
9Si see tau fangatasi koratou
ke fakaturou mai kia kuou,
natafito koratou e ako
koa tukunga faka taangata
pe a fono a aku.’ ”
A nea e nai faia te tangata ke kere kere
(Mak 7.14–23)
10Tera Jesus ne karanga ki te kano fenua o muna atu kia ratou, “Fakarongo ke kotou iroa! 11Siei rei pe nia ke sau ki te muangutu o tangata e nai faia koia ke kere kere, kae pe nia e aumai ina ki tua e nai faia koia ke kere kere.”
12Tera na kau fanonga ne oomai kiei, ma ne muna atu, “Ko kee se kee iroa ko nga Pharisee ku ravea i au taranga ne munaki?”
13Tongoi rei ko Jesus, “Koa raakau kaatoa si se ne tokaki e toku Mmana i te vaerangi, ka futia kese ma ratou vai aka. 14#Luk 6.39.Kau see faka tuasaa ki nga Pharisee! Koratou a taki ufu o nga ufu; kae te tangata ufu e taki e take tangata ufu, koraua kaatoa ka fetau feetoki ki te riu rua.”
15Fesiri atu rei ko Peter kia Jesus, “Faka ari mai kia matou te atamai o te araara fanga faka tautau nei?”
16Ko Jesus muna atu rei kia ratou, “Kotou si see mau atamai rei pe rake taangata? 17E se kotou iroa ina pe nia e poi ki roto i te muangutu o tangata e poi ki na roto manava, tera fena ifo raa ki tua mai na tino. 18#Mat 12.34.Kae koa nea e aumai ina ki tua mai te muangutu e au mai te fatu manava, koraa a nea e nai faia koia ke kere kere iei. 19Natafito mai te fatu manava e aumai ina koa atamai pariki, e nai takina koia ke taa taangata, ke faka vare, ma ke fai ko rake nea pariki, ke kaiaa, ke tataangutu, ma ke fatu fatu ki rake faoa. 20Konei a nea e nai faia ria te tangata ke kere kere, kae ke kai se furu ou rima pe munakina koratou ke fai, se faia kotou ke kere kere.”
Te fakatonu a te maatua fafine
(Mak 7.24–30)
21Jesus ku faka oti i ngangea naa, ma ne poi kese ki take motu ngangea, e piri piri kia taoni lasi i Tyre ma Sidon. 22Te maatua fafine faka Canaan, koia e nofo i motu ngangea, ne au kiei karanga rei, “Te tama a David ee; arofa mai kia kuou! Taku tama afine e nofo ria e te atua pariki, ku maatea rei na fakarongo neaisu.”
23Kae siei se taranga ma Jesus ne muna atu kiei. Na kau fanonga ne oomai kiei, ma ne kaaisi atu kiei, “Fakkau ke poi kese! Koia e tautari mai kia tatou, e faka ova siei rei!”
24Tera tongoi atu rei ko Jesus, “Kuou ne fakkauna mai fuarei ki nga manu ne lleku o te kano fenua o Israel.”
25Vasia nei te maatua fafine ne au ma ne purou kia vae o Jesus; koia ne muna atu, “Toku ariki ee, sosoa mai kia kuou!”
26Tongoi rei ko Jesus, “Si see laoi rei ke sau koa kai a nga tamariki, raku rei ki nga korii.”
27Tongoi rei koia, “Toku ariki ee, e tonu rei, kae fokia nga korii e kkai kia tee tee kainga e soro ifo mai te tepolo o ratou ariki.”
28Tera tongoi atu rei ko Jesus kiei, “Ko kee te matuaa fafine e sapa tau fakatonu! A nia ma au e fifia kiei, ka fai atu kia ko kee.”
I te mo vakanga tana tama afine ku maroro laoi.
Jesus e faka maroro te kano fenua e kkapi rei
29Jesus ne poi ki tua i ngangea, ma ne poi vakai i vae roto i Galilee. Koia ne ake ake ki fongo maunga, ma ne nofo ki raro. 30E tokkapi te kano fenua ne oomai kia koia, ne aumai fua teka, te ufu, te sape, te nguu, ma e kkapi rei ko rake faoa ngae ngae. Koratou ku tuku ia mua o Jesus, mae koia ne faka maroro koratou. 31Te kano fenua ku mate rei ko aratou tino, i vasia koratou ne ono te nguu ku araara, te sape ne fai laoi rei, te fua teka ku saere, ma te ufu ku ono, ma koratou ku rausapai ki te Tupua o Israel.
Jesus e faangai koa afe e faa
(Mak 8.1–10)
32Jesus ne karanga ki na kau fanonga ma ne muna atu kia ratou, “Kuou e maatea rei toku arofa ki te kano fenua nei, natafito koratou ku toru anga rei ko aratou aso ma kuou, kae siei rei pe nia ma ratou ke kai. Kae kuou see fifia ke fakkau kese koratou kae si see faangai, naa pe koratou ka fai mata pouringia rei i te ara i ratou vasia e oro ki aratou noforanga.”
33Tera feesiri atu rei ko na kau fanonga kiei, “I fea rei ka matou maua i te ngangea tulaavaki nei koa mo kai ke fetau fangatasi ke faangai te kano fenua kkapi nei?”
34Fesiri atu rei ko Jesus, “E fia otou foi preti e fai?”
Tongoi atu rei koratou, “E fitu koa foi preti, ma foi punai ika.”
35Tera muna atu rei ko Jesus ki te kano fenua ke fare ki raro ki te kere. 36Sau rei koa foi preti e fitu ma foi ika, iki arei ko te faka ue ue ki Tupua, tofi tofi ea koia, kae sori ki na kau fanonga ke tuufaki ki te kano fenua. 37Koratou kaatoa ne kkai ma ku maakona. Na kau fanonga ne fao koa kete e fitu ne pipi ia ratou kai ne tee. 38Afe e faa (4,000) o nga taangata koratou ne kkai kiei, si se ne tau ko nga maatua faafine, ma nga tamariki.
39Tera fakkau rei ko Jesus te kano fenua ke oro kese, kae sopo arei koia ki te vaka, o forau ki te motu ngangea i Magadan.
Iliyochaguliwa sasa
Matthew 15: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 15
15
Te fakaako ranga o nga puna
(Mak 7.1–13)
1Tera rake Pharisee ma nga fakaako oa Fono ne oomai kia Jesus mai Jerusalem o feesiri kiei, 2“Sea na atamai ko tou kau fanonga e saeaki ia fakaako ranga ne sori mai e tatou puna? Koratou e kkai si see furu mua ko aratou rima faka laoi!”
3Tongoi rei ko Jesus, “Sea rei na atamai kotou e fai si see tautari kia fono a Tupua kae tautari rei ki otou kee tukunga faka taangata ia? 4Natafito Tupua ne muna:
‘Faka epa ki tou mmana ma tou nana,’
“ma:
‘Pe koai koia e munaki koa nea pariki ki na mmana pe ki na nnana,
e fetau fangatasi ke tukuna ki te mate.’
5“Kae kotou e fakaako: Ko se tangata ke fai pe nia ma ana ke soaki ki na mmana pe na nana, kae muna rei, ‘A nea nei ne fakatapu ria ki Tupua!’ 6tera koia see fetau fangatasi ke rau ke faka epa ki na mmana. I fai riu ara nei koia ku see tautari kia taranga a Tupua, kae tautari ki otou kee tukunga ia! 7Kotou fenua taataa laoi! E tonu maori rei a Isaiah i vasia koia ku nai muna akina i mua kia kotou:
8‘Tupua ne muna,
te kano fenua nei e ratou
faka epa ria kuou ia ratou taranga fuarei.
Kae aratou fatu manava
e mmao kese rei ma kuou.
9Si see tau fangatasi koratou
ke fakaturou mai kia kuou,
natafito koratou e ako
koa tukunga faka taangata
pe a fono a aku.’ ”
A nea e nai faia te tangata ke kere kere
(Mak 7.14–23)
10Tera Jesus ne karanga ki te kano fenua o muna atu kia ratou, “Fakarongo ke kotou iroa! 11Siei rei pe nia ke sau ki te muangutu o tangata e nai faia koia ke kere kere, kae pe nia e aumai ina ki tua e nai faia koia ke kere kere.”
12Tera na kau fanonga ne oomai kiei, ma ne muna atu, “Ko kee se kee iroa ko nga Pharisee ku ravea i au taranga ne munaki?”
13Tongoi rei ko Jesus, “Koa raakau kaatoa si se ne tokaki e toku Mmana i te vaerangi, ka futia kese ma ratou vai aka. 14#Luk 6.39.Kau see faka tuasaa ki nga Pharisee! Koratou a taki ufu o nga ufu; kae te tangata ufu e taki e take tangata ufu, koraua kaatoa ka fetau feetoki ki te riu rua.”
15Fesiri atu rei ko Peter kia Jesus, “Faka ari mai kia matou te atamai o te araara fanga faka tautau nei?”
16Ko Jesus muna atu rei kia ratou, “Kotou si see mau atamai rei pe rake taangata? 17E se kotou iroa ina pe nia e poi ki roto i te muangutu o tangata e poi ki na roto manava, tera fena ifo raa ki tua mai na tino. 18#Mat 12.34.Kae koa nea e aumai ina ki tua mai te muangutu e au mai te fatu manava, koraa a nea e nai faia koia ke kere kere iei. 19Natafito mai te fatu manava e aumai ina koa atamai pariki, e nai takina koia ke taa taangata, ke faka vare, ma ke fai ko rake nea pariki, ke kaiaa, ke tataangutu, ma ke fatu fatu ki rake faoa. 20Konei a nea e nai faia ria te tangata ke kere kere, kae ke kai se furu ou rima pe munakina koratou ke fai, se faia kotou ke kere kere.”
Te fakatonu a te maatua fafine
(Mak 7.24–30)
21Jesus ku faka oti i ngangea naa, ma ne poi kese ki take motu ngangea, e piri piri kia taoni lasi i Tyre ma Sidon. 22Te maatua fafine faka Canaan, koia e nofo i motu ngangea, ne au kiei karanga rei, “Te tama a David ee; arofa mai kia kuou! Taku tama afine e nofo ria e te atua pariki, ku maatea rei na fakarongo neaisu.”
23Kae siei se taranga ma Jesus ne muna atu kiei. Na kau fanonga ne oomai kiei, ma ne kaaisi atu kiei, “Fakkau ke poi kese! Koia e tautari mai kia tatou, e faka ova siei rei!”
24Tera tongoi atu rei ko Jesus, “Kuou ne fakkauna mai fuarei ki nga manu ne lleku o te kano fenua o Israel.”
25Vasia nei te maatua fafine ne au ma ne purou kia vae o Jesus; koia ne muna atu, “Toku ariki ee, sosoa mai kia kuou!”
26Tongoi rei ko Jesus, “Si see laoi rei ke sau koa kai a nga tamariki, raku rei ki nga korii.”
27Tongoi rei koia, “Toku ariki ee, e tonu rei, kae fokia nga korii e kkai kia tee tee kainga e soro ifo mai te tepolo o ratou ariki.”
28Tera tongoi atu rei ko Jesus kiei, “Ko kee te matuaa fafine e sapa tau fakatonu! A nia ma au e fifia kiei, ka fai atu kia ko kee.”
I te mo vakanga tana tama afine ku maroro laoi.
Jesus e faka maroro te kano fenua e kkapi rei
29Jesus ne poi ki tua i ngangea, ma ne poi vakai i vae roto i Galilee. Koia ne ake ake ki fongo maunga, ma ne nofo ki raro. 30E tokkapi te kano fenua ne oomai kia koia, ne aumai fua teka, te ufu, te sape, te nguu, ma e kkapi rei ko rake faoa ngae ngae. Koratou ku tuku ia mua o Jesus, mae koia ne faka maroro koratou. 31Te kano fenua ku mate rei ko aratou tino, i vasia koratou ne ono te nguu ku araara, te sape ne fai laoi rei, te fua teka ku saere, ma te ufu ku ono, ma koratou ku rausapai ki te Tupua o Israel.
Jesus e faangai koa afe e faa
(Mak 8.1–10)
32Jesus ne karanga ki na kau fanonga ma ne muna atu kia ratou, “Kuou e maatea rei toku arofa ki te kano fenua nei, natafito koratou ku toru anga rei ko aratou aso ma kuou, kae siei rei pe nia ma ratou ke kai. Kae kuou see fifia ke fakkau kese koratou kae si see faangai, naa pe koratou ka fai mata pouringia rei i te ara i ratou vasia e oro ki aratou noforanga.”
33Tera feesiri atu rei ko na kau fanonga kiei, “I fea rei ka matou maua i te ngangea tulaavaki nei koa mo kai ke fetau fangatasi ke faangai te kano fenua kkapi nei?”
34Fesiri atu rei ko Jesus, “E fia otou foi preti e fai?”
Tongoi atu rei koratou, “E fitu koa foi preti, ma foi punai ika.”
35Tera muna atu rei ko Jesus ki te kano fenua ke fare ki raro ki te kere. 36Sau rei koa foi preti e fitu ma foi ika, iki arei ko te faka ue ue ki Tupua, tofi tofi ea koia, kae sori ki na kau fanonga ke tuufaki ki te kano fenua. 37Koratou kaatoa ne kkai ma ku maakona. Na kau fanonga ne fao koa kete e fitu ne pipi ia ratou kai ne tee. 38Afe e faa (4,000) o nga taangata koratou ne kkai kiei, si se ne tau ko nga maatua faafine, ma nga tamariki.
39Tera fakkau rei ko Jesus te kano fenua ke oro kese, kae sopo arei koia ki te vaka, o forau ki te motu ngangea i Magadan.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.