Matthew 14
14
Te mate o John te Faka uku
(Mak 6.14–29; Luk 9.7–9)
1I te vasia, ko Herod te fakarongo anga o Galilee ne rongo ki te rongo o Jesus. 2Koia e muna atu ki ana faoa fai fekau, “Koia maori rei ko John te Faka uku ku foki mai ki te ora. Teinei arei matea koia e fai na mana ke fai koa furisanga.”
3 #
Luk 3.19,20. Natafito faka mua ake, ko Herod ne muna ke puke ko John, tera koia ku rii tia ria kia seni, tukuna rei ki te fare pono pono. Koia ne fai faka peinei, natafito ia Herodias te nofine o na taina ko Philip. 4Ku fai vasia rei ko John te Faka uku ne faka ari mau rei kia Herod, “Si see fetau fangatasi ko kee ke avanga ki te nofine o tou taina!” 5Herod ne fifia rei ke tamate ko John, kae koia ku mataku ki te kano fenua o nga Jew, natafito koratou ku maanatu rei ko John te ʻprophetʼ.
6Te aso faka maanatu ki te faanau anga o Herod, te tama afine a Herodias ne mako ia mua oratou. Ko Herod ne maatea rei na vaki vaki kiei. 7Tera koia ne tongi kiei, “Kuou e vata vata ka sori atu kia ko kee pe sea fuarei ko kee ka kaisi kiei.”
8Koia ne kaisi kiei ki te maanatu a na nana, “Sori mai kia kuou ko te poko uru o John te Faka uku i te longi!”
9Te tii ku maatea rei na arofa, kae natafito i tana tongi koia ku fai ia mata o ana kau soavaka kaatoa, koia ne faka maori ki tana mafine, ke fai mai ko na fifia. 10Tera koia ku fai te poko uru o John ke sepe ko na ua i te fare pono pono. 11Na poko uru ku aumai i te longi o soria ki te tama fafine, sau rei ki na nana.
12Te kau fanonga o John ne oomai o sau ko na tino, o ratou tanumia ria, tera oro rei koratou o faka ari kia Jesus.
Jesus e faangai koa afe e rima
(Mak 6.30–44; Luk 9.10–17; Jon 6.1–14)
13Vasia o Jesus ne rongo ki te rongo mate o John, koia ne tuku ko noforanga, poi rei i te vaka ki te ngangea tulaavaki maso koia. Te kano fenua ne rongo kiei, tera ne tuku ko aratou taoni, ma ne tautari arei kia koia i ngauta. 14Jesus ne sopo ki tua mai te vaka, ma vasia koia ne ono ki te kkapi o te kano fenua, na fatu manava ka motu rei kia ratou i na arofa, ma ne faka maroro ea koia rake faoa i aratou e ngae ngae.
15Te afi afi ai, na kau fanonga ne oomai kiei, ma ne muna atu, “Ku sara i te vasia, ma te ngangea nei te ngangea tulaavaki; fakkau te kano fenua ke oro kese, tuku koratou ke oro kia noforanga, o tauvi ko ni mo kai ma ratou.”
16Tongoi rei ko Jesus, “Koratou si see fetau fangatasi ke oro: kotou maso kotou sori pe nia ma ratou ke kai.”
17Tongoi rei koratou, “A matou e fai a foi preti e rima ma foi ika e rua i kunei.”
18Muna atu rei ko Jesus, “Sau mai ki kunei.” 19Muna atu rei koia ki te kano fenua ke fare ki raro kia mauku; koia ne sau koa foi preti e rima ma foi ika e rua, ono ki runga ki te vaerangi, ma ne iki arei o faka ue ue ki Tupua. Koia ne tofi tofi koa foi preti o sori ki na kau fanonga ke tuufaki ki te kano fenua. 20Koratou kaatoa ne kkai, ne maakona rei. Tera na kau fanonga ne fao koa kete e fuanga furu ma rua e pii ia ratou tee kai. 21Te fakataunga o nga taangata koratou ne kkai afe e rima (5,000), si se ne fakatau ki nga maatua faafine ma nga tamariki.
Jesus e saere i fongo vai
(Mak 6.45–52; Jon 6.15–21)
22Tera ko Jesus ne fai ko na kau fanonga ke fesopoki ki roto vaka ke mua rei ki take faasi roto, mo vasia koia e fakkau te kano fenua ke oro kese. 23Ia tua te kano fenua ku oro kese iei, koia ne poi maso koia ki fongo maunga o rotu. Vasia te afi afi, Jesus maso koia fuarei i ngauta. 24I te vasiaa, te vaka ku poi i rottonu mangaarie rei i te roto, e pepeeia saere ia ngaru, natafito te matangi ku maatea rei na angi kiei.
25Vasia i roto te raa e toru ma e ono i mo pongi pongi, tera ko Jesus ne au kia ratou, e saere i fongo vai. 26Vasia na kau fanonga ne ono kiei e saere i fongo vai, ratou ku maatea rei ratou maattaku, ma ne mmuna, “Te tupu tupua fenua!” kae ttangi ia ratou maattaku.
27Jesus ne muna atu kia ratou i mo vakanga, “Faka tangata maatua! Ko kuou fuarei, kau see maattaku!”
28Tera karanga atu rei ko Peter kia Jesus, “Te Ariki ee, kae ko kee maori rei, fai mai ke kau fenatu i fongo vai kia kee!”
29Tongoi atu rei ko Jesus, “Au!” Tera Peter ne sopo kese ma te vaka, ma ne tafito saere i fongo vai kia Jesus. 30Vasia koia ne ono ki te ofa, koia ku mataku ma ne fakatafito o too saere ki raro ki te vai. Koia ne ttangi ake, “Te Ariki ee, faka sao mai kuou!”
31I mo vakanga ko Jesus ku oko mai, ma ne tango o puke, ma ne muna atu kiei, “Tau fakatonu e vikilake! Sea na atamai ko kee e faka tuka tuka?”
32Raua ne fesopoki ki roto vaka, ma te matangi ku too ki raro. 33Na kau fanonga i roto vaka ne fakaturou kia Jesus, ma ne mmuna, “E tonu rei ko kee te Tama maori rei a Tupua!”
Jesus e faka maroro kia faoa ngae ngae i Gennesaret
(Mak 6.53–56)
34Koratou e faka rava oro ki take faasi roto, fakatau rei ki Gennesaret, 35i ngangea te kano fenua ne ratou matea arei ko Jesus. Tera koratou ne faka fekau saere ki te kano fenua ngae ngae ia noforanga kaatoa, tera ke tari mai ea ratou kia Jesus. 36Koratou ne kaaisi kia Jesus ke tuku te kano fenua ngae ngae ke poo fuarei ki ana suru, ma pe koai ma ne poo kiei ku maroro laoi.
Iliyochaguliwa sasa
Matthew 14: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 14
14
Te mate o John te Faka uku
(Mak 6.14–29; Luk 9.7–9)
1I te vasia, ko Herod te fakarongo anga o Galilee ne rongo ki te rongo o Jesus. 2Koia e muna atu ki ana faoa fai fekau, “Koia maori rei ko John te Faka uku ku foki mai ki te ora. Teinei arei matea koia e fai na mana ke fai koa furisanga.”
3 #
Luk 3.19,20. Natafito faka mua ake, ko Herod ne muna ke puke ko John, tera koia ku rii tia ria kia seni, tukuna rei ki te fare pono pono. Koia ne fai faka peinei, natafito ia Herodias te nofine o na taina ko Philip. 4Ku fai vasia rei ko John te Faka uku ne faka ari mau rei kia Herod, “Si see fetau fangatasi ko kee ke avanga ki te nofine o tou taina!” 5Herod ne fifia rei ke tamate ko John, kae koia ku mataku ki te kano fenua o nga Jew, natafito koratou ku maanatu rei ko John te ʻprophetʼ.
6Te aso faka maanatu ki te faanau anga o Herod, te tama afine a Herodias ne mako ia mua oratou. Ko Herod ne maatea rei na vaki vaki kiei. 7Tera koia ne tongi kiei, “Kuou e vata vata ka sori atu kia ko kee pe sea fuarei ko kee ka kaisi kiei.”
8Koia ne kaisi kiei ki te maanatu a na nana, “Sori mai kia kuou ko te poko uru o John te Faka uku i te longi!”
9Te tii ku maatea rei na arofa, kae natafito i tana tongi koia ku fai ia mata o ana kau soavaka kaatoa, koia ne faka maori ki tana mafine, ke fai mai ko na fifia. 10Tera koia ku fai te poko uru o John ke sepe ko na ua i te fare pono pono. 11Na poko uru ku aumai i te longi o soria ki te tama fafine, sau rei ki na nana.
12Te kau fanonga o John ne oomai o sau ko na tino, o ratou tanumia ria, tera oro rei koratou o faka ari kia Jesus.
Jesus e faangai koa afe e rima
(Mak 6.30–44; Luk 9.10–17; Jon 6.1–14)
13Vasia o Jesus ne rongo ki te rongo mate o John, koia ne tuku ko noforanga, poi rei i te vaka ki te ngangea tulaavaki maso koia. Te kano fenua ne rongo kiei, tera ne tuku ko aratou taoni, ma ne tautari arei kia koia i ngauta. 14Jesus ne sopo ki tua mai te vaka, ma vasia koia ne ono ki te kkapi o te kano fenua, na fatu manava ka motu rei kia ratou i na arofa, ma ne faka maroro ea koia rake faoa i aratou e ngae ngae.
15Te afi afi ai, na kau fanonga ne oomai kiei, ma ne muna atu, “Ku sara i te vasia, ma te ngangea nei te ngangea tulaavaki; fakkau te kano fenua ke oro kese, tuku koratou ke oro kia noforanga, o tauvi ko ni mo kai ma ratou.”
16Tongoi rei ko Jesus, “Koratou si see fetau fangatasi ke oro: kotou maso kotou sori pe nia ma ratou ke kai.”
17Tongoi rei koratou, “A matou e fai a foi preti e rima ma foi ika e rua i kunei.”
18Muna atu rei ko Jesus, “Sau mai ki kunei.” 19Muna atu rei koia ki te kano fenua ke fare ki raro kia mauku; koia ne sau koa foi preti e rima ma foi ika e rua, ono ki runga ki te vaerangi, ma ne iki arei o faka ue ue ki Tupua. Koia ne tofi tofi koa foi preti o sori ki na kau fanonga ke tuufaki ki te kano fenua. 20Koratou kaatoa ne kkai, ne maakona rei. Tera na kau fanonga ne fao koa kete e fuanga furu ma rua e pii ia ratou tee kai. 21Te fakataunga o nga taangata koratou ne kkai afe e rima (5,000), si se ne fakatau ki nga maatua faafine ma nga tamariki.
Jesus e saere i fongo vai
(Mak 6.45–52; Jon 6.15–21)
22Tera ko Jesus ne fai ko na kau fanonga ke fesopoki ki roto vaka ke mua rei ki take faasi roto, mo vasia koia e fakkau te kano fenua ke oro kese. 23Ia tua te kano fenua ku oro kese iei, koia ne poi maso koia ki fongo maunga o rotu. Vasia te afi afi, Jesus maso koia fuarei i ngauta. 24I te vasiaa, te vaka ku poi i rottonu mangaarie rei i te roto, e pepeeia saere ia ngaru, natafito te matangi ku maatea rei na angi kiei.
25Vasia i roto te raa e toru ma e ono i mo pongi pongi, tera ko Jesus ne au kia ratou, e saere i fongo vai. 26Vasia na kau fanonga ne ono kiei e saere i fongo vai, ratou ku maatea rei ratou maattaku, ma ne mmuna, “Te tupu tupua fenua!” kae ttangi ia ratou maattaku.
27Jesus ne muna atu kia ratou i mo vakanga, “Faka tangata maatua! Ko kuou fuarei, kau see maattaku!”
28Tera karanga atu rei ko Peter kia Jesus, “Te Ariki ee, kae ko kee maori rei, fai mai ke kau fenatu i fongo vai kia kee!”
29Tongoi atu rei ko Jesus, “Au!” Tera Peter ne sopo kese ma te vaka, ma ne tafito saere i fongo vai kia Jesus. 30Vasia koia ne ono ki te ofa, koia ku mataku ma ne fakatafito o too saere ki raro ki te vai. Koia ne ttangi ake, “Te Ariki ee, faka sao mai kuou!”
31I mo vakanga ko Jesus ku oko mai, ma ne tango o puke, ma ne muna atu kiei, “Tau fakatonu e vikilake! Sea na atamai ko kee e faka tuka tuka?”
32Raua ne fesopoki ki roto vaka, ma te matangi ku too ki raro. 33Na kau fanonga i roto vaka ne fakaturou kia Jesus, ma ne mmuna, “E tonu rei ko kee te Tama maori rei a Tupua!”
Jesus e faka maroro kia faoa ngae ngae i Gennesaret
(Mak 6.53–56)
34Koratou e faka rava oro ki take faasi roto, fakatau rei ki Gennesaret, 35i ngangea te kano fenua ne ratou matea arei ko Jesus. Tera koratou ne faka fekau saere ki te kano fenua ngae ngae ia noforanga kaatoa, tera ke tari mai ea ratou kia Jesus. 36Koratou ne kaaisi kia Jesus ke tuku te kano fenua ngae ngae ke poo fuarei ki ana suru, ma pe koai ma ne poo kiei ku maroro laoi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.