Matthew 13
13
Te araara fanga faka tautau kia fatu kai ne riaki
(Mak 4.1–9; Luk 8.4–8)
1Te aso ai, ko Jesus ne poi kese i paito, ne poi ki vae roto, nofo rei ki raro o fakaako. 2#Luk 5.1–3.E kapi rei te kano fenua ne riikofi kiei, tera koia ne sopo ki te roto vaka o nofo iei, ma te kano fenua e turaki i te vae roto. 3Jesus ne fai koa araara fanga faka tautau, ke faka ari kia ratou koa nea kaatoa, o muna kia ratou:
“Nai take vasia, te tangata ne poi ke riaki ko ana fatu kai. 4Vasia koia ne riaki saere iei, rake ana fatu kai ne soro ki te kao kao ara, nga manu ne ova ifo, ma ne ratou kaina ria. 5Rake ana fatu kai ne feettoki kia kere fatu fatu; e fai ko ana mo kere molakea. Koa fatu kai ne somo vave ake, natafito te kere si see mmao. 6Vasia te raa ne vera mai iei, ku nai verangia ria koa fatu kai somo, natafito aratou vai aka se ne oro ke mmao faka laoi, koa fatu kai somo ne mate arei. 7Rake ana fatu kai ne riaki ki te ngangea uruvao, ne fe somo aki ake maru maru kia arei. 8Kae rake ana fatu kai ne riaki kia kere laoi, ne fai ko aratou fua witi, rake nea taki fua te rau, rake nea fua ono, ma rake nea taki fua toru ia fua raakau.”
9Faka suku suku rei ko Jesus, “Tera fakarongo pe kotou e fai otou taringa!”
Te atamai oa araara fanga faka tautau
(Mak 4.10–12; Luk 8.9–10)
10Tera na kau fanonga ne oomai kia Jesus, ma ne feesiri kiei, “Sea na atamai ko kee e fai araara faki koa araara fanga faka tautau vasia ko kee e araara ki te kano fenua?”
11Tongoi atu rei ko Jesus, “Te poto o te faka fufu o te Kainanga o te Vaerangi ku soria atu kia kotou, kae siei kia ratou. 12#Mat 25.29; Mak 4.25; Luk 8.18; 19.26.Natafito te tangata e fai faka laoi pe nia ma ana e fai, ta ka fai ka sori kiei e rava, kae te tangata e fai pe nia ma ana e molakea, maafa rei ana mo nea e molakea e fai, ka saua kese ma koia. 13Te atamai kuou e fai araara fanga faka tautau ke araara kia ratou faka peinei: Koratou ke pula, kae see ratou ravea ina. Koratou ke fakarongo, kae see ratou rangona riaina, pe ke ratou iroa riaina. 14Tera te faka iro iro anga a Isaiah te ʻprophetʼ e fai kia ratou:
‘Faoa nei ka fakarongo ma e fakarongo,
kae ka see atetea;
koratou ka ono ma e ono,
kae ka see ratou ravea ina.
15Natafito te kano fenua nei,
aratou atamai e pouri,
ma ku faka taringa turi
ma ratou kafi mata ku monomono.
Naa pe koratou ka ma pula ki aratou mata,
aratou taringa ka ma fakarongo,
aratou atamai ka ma atetea,
ma koratou ka ma taafuri mai kia kuou,
muna rei Tupua,
ka ma faka maroro ea kuou koratou.’
16 #
Luk 10.23,24. “Kae kotou ne fakatapu ria, natafito otou kafi mata e ono, otou taringa e fakarongo. 17Kuou e faka ari atu kia kotou te maori: E kkapi rei ko nga ʻprophetʼ ma te kano fenua o Tupua ne fifia rei ke ono pe nia kotou e ono kiei, kae koratou se ne ma fai; koratou ne fifia rei ke rongo pe nia kotou e fakarongo kiei, kae koratou se ne ma rongo kiei.
Jesus e faka atetea ko te araara fanga faka tautau kia fatu kai
(Mak 4.13–20; Luk 8.11–15)
18“Fakarongo, tera, ma ako ki te atamai o te araara fanga faka tautau oa fatu kai ne tokaki. 19Koratou e fakarongo kia taranga o te Kainanga, kae si see atetea iei, e fai pea fatu kai ne soro ki te kao kao ara. Te atua pariki e au, ma e nai sau kesea pe nia ku tokaki ia ratou fatu manava. 20Koa fatu kai ne riaki kia kere kaupapa, e fai kia ratou e sau koa taranga ma te vaki vaki i mo vasia ratou e fakarongo kiei. 21Kae si se ne fiti vai aka ia ratou, ma ratou vasia si see roa, tera vasia fai pariki ma fakarongo neaisu e au fakatafito ia taranga, koratou taafuri kese arei i mo vakanga. 22Koa fatu kai rei ne riaki ki te ngangea uruvao, e fai kia ratou e fakarongo kia taranga, kae te faka tuasaa ki aratou ora ma te fakapere ki aratou taufenua e nai faka tuka tuka ria koa taranga, ma siei ni fua raakau mo ratou. 23Mae a fatu kai ne tokaki kia kere laoi, e fai kia ratou e fakarongo kia taranga, ma ne atetea kiei: Ratou ne faka fua, rake nea e taki fua te rau, rake nea fua ono, ma rake nea e fua toru ia fufua raakau.”
Te araara fanga faka tautau oa mauku
24Jesus ne araara faki kia ratou take araara fanga faka tautau:
“Te Kainanga o te Vaerangi e fai faka peinei: Nai take vasia, te tangata ne tokaki ko ana fatu kai laoi i na tofi. 25Take poo, vasia faoa kaatoa ku mmee, te tangata tau firi firi ne au o tokaki rotoi koa mauku ki ana fatu kai witi, kae poi kese arei. 26Vasia koa fatu kai ku ora ake, ku faka saa ake iei, ku fakatafito o fai ko aratou rau iei, tera koa mauku ku faka saa ake fokia ki runga.
27“Ana taangata fai fekau ne oomai kiei, muna atu rei, ‘Te ariki ee, au fatu kai laoi rei ne tokaki i tou roto tofi, mai fea reia koa mauku e aumai mai fea?’
28“Tongoi atu rei koia, ‘Te tangata e firi mai kia kuou ne fai iei.’
“Koratou ne kaisi atu kiei, ‘Ko kee e fifia matou oro o futi kese koa mauku ke atetea?’
29“Tongoi atu rei koia, ‘Siei, natafito kotou ka fai nae futi sara fokia koa witi ma mauku naa! 30Tuku koa witi naa ma mauku ke ora taanaki, oko rei ki ratou vasia ka faki iei. Tera kuou ka faka ari ki faoa ka faki iei ke mataki futi mua koa mauku, o nonoa ki ana paenga, ke raku ki roto te afi, tera faka maopo rei ki roto koa witi o tuku ki te fare kai.’ ”
Te araara fanga faka tautau ki te punai fatu kai ʻmustardʼ
(Mak 4.30–32; Luk 13.18–19)
31Jesus ne araara faki kia ratou take araara fanga faka tautau:
“Te Kainanga o te Vaerangi e fai faka peinei. Te tangata ne sau te foi fatu kai ʻmustardʼ ma ne tokaki ki na roto tofi. 32Te foi fatu kai nei, te punai fatu kai o nga fatu kai kaatoa, kae na vasia ne ora ake ki runga iei, toua raakau lasi rei ma nga raakau kaatoa. Tera ko nga manu e oomai, ma e fai fare faanganga i ana raa raakau.”
Te araara fanga faka tautau ki te ʻyeastʼ
(Luk 13.20–21)
33Jesus ne araara faki kia ratou take araara fanga faka tautau:
“Te Kainanga o te Vaerangi e fai faka peinei. Te maatua fafine ne sau ea koia a ʻyeastʼ o faka rave ki fua faa lita oa falaua, oko rei ki na vasia ku fanake katoa rei ki runga!”
Te fai fakaako a Jesus kia araara fanga faka tautau
(Mak 4.33–34)
34Jesus ne fai koa araara fanga faka tautau ke faka ari ari koa nea kaatoa ki te kano fenua; koia ka si see muna kia ratou kae see fai koa araara fanga faka tautau. 35Koia ne fai faka peinei pe nia ma te ʻprophetʼ ne munaki ke au tonu:
“Kuou ka fai koa araara fanga faka tautau
i oku vasia e araara kia ratou;
kuou ka faka ari kia ratou koa nea si se ne iroa ina
mai te faka tupu anga oa taangata nei.”
Jesus e faka atetea te araara fanga faka tautau oa mauku
36Vasia Jesus ku tuku te kano fenua ma ne poi ki rota paito, na kau fanonga ne oomai kiei, ma ne muna atu, “Faka ari mai kia matou, sea te atamai o te araara fanga faka tautau oa mauku i te tofi.”
37Tongoi atu rei ko Jesus, “Nai take vasia, te tangata ne tokaki ia fatu kai laoi te Tama a Tangata. 38Te tofi koa taangata nei; koa fatu kai laoi, ko te kano fenua koratou o te Kainanga; koa mauku ko te kano fenua koratou o te atua pariki. 39Te tangata tau firi firi ne tokaki koa mauku, koia te Atua Pariki. Te fai kai anga ko te faka suku suku oa tau tupu ranga, ma te faoa fai kai ko nga ʻangelʼ. 40Faka peeraa koa mauku ku futia ki runga, taanakina ki roto, ma ne sunua ki te afi, tera ka fai i te faka suku suku oa tau tupu ranga. 41Te Tama a Tangata ka fakkau ki tua ko ana ʻangelʼ, koratou ke tataanaki saere ki tua kese ma na Kainanga ko te kano fenua kaatoa e taki taki sara, ma rake faoa kaatoa e titisara, 42mae ka rakuna koratou ki roto te kailelo afi, i kuraa koratou ka ttangi ma e fe ngii taki ko aratou nifo iei. 43Tera te kano fenua o Tupua ka ata ata pe te raa i te Kainanga o ratou Mmana. Tera fakarongo pe kotou e fai otou taringa!”
Te araara fanga faka tautau ki te taufenua e funa ria
44“Te Kainanga o te Vaerangi e fai faka peinei. Te tangata ne nai maua ina a matuaa koroa e fuu i te tofi. Tera ufi ufi rei fokia ea koia ke naa. Ne maatea rei na vaki vaki, tera foki rei o fai tauvi ko ana kope kopenga kaatoa e fai. Ma e foki raa o tauvi ko mo kere mo ona.
Te araara fanga faka tautau ki te ʻpearlʼ
45“Te Kainanga o te Vaerangi e fai fokia pe te tangata ne faara ki te ʻpearlʼ e laoi. 46Vasia koia ku nai maua ria ko na taufenua, koia ne poi o fai tauvi ko ana kope kopenga kaatoa e fai, tera tauvi raa ko te ʻpearlʼ.
Te araara fanga faka tautau ki te kupenga
47“Te Kainanga o te Vaerangi e fai fokia pe rake faoa fai ika ne fora ratou kupenga ki tua i te roto, ma ne tauvia ria e nga fai ika katoa. 48Vasia te kupenga ne pii iei, nga taangata fai ika ne futi ki ngauta o fare ki raro o firi koa ika: Koa ika laoi e fao ki aratou kete sokotasi, koa ika pariki e rakuna kese. 49Ka faia faka peinei i te faka suku suku oa tau tupu ranga: Nga ʻangelʼ ka oro ki tua o firi kese ko te kano fenua pariki mai te kano fenua laoi. 50Mae ka rakuna koratou ki roto te kailelo afi, i kuraa koratou ka ttangi ma e fe ngii taki ko aratou nifo.”
A ttonu foou ma a ttonu tuei
51Jesus ne fesiri atu kia ratou, “Kotou ku kotou iroa ina koa nea nei?”
Tongoi rei koratou, “E ttonu, e matou iroa ina.”
52Tera tongoi rei ko Jesus, “Teinei na atamai, tera, ko nga fakaako katoa oa Fono koratou ku fai a kau fanonga i te Kainanga o te Vaerangi, e fai pe te tangata ona paito koia e sau koa nea foou ma a nea tuei ki tua mai na fare koroa.”
Jesus se ne fifia kina ria i Nazareth
(Mak 6.1–6; Luk 4.16–30)
53Vasia o Jesus ku faka oti araara faki koa araara fanga faka tautau nei, koia ne tuku ko ngangea, 54ma ne foki o poi ki na noforanga. Koia ne fakaako i ratou paito taanaki. Ma koratou ne fakarongo kiei, ku fereki ko aratou mauri. Koratou ne feesiri, “Mai fea rei ko ana mata purotu, ma na furisanga rei naa? 55Siki koia te tama a te tangata taa paito? Siki ko Mary na nana, ma ko James, Joseph, Simon ma Judas ana taina? 56Siki ana kave kaatoa rei e fare i kunei? I fea rei ne sau ea koia koa nea kaatoa nei?” 57#Jon 4.44.Tera koratou ku see fifia kia koia.
Tera ko Jesus ne muna atu kia ratou, “Te ʻprophetʼ e faka epa ria ia ngangea kaatoa, kae siei rei i na kee noforanga ia, ma na kee kanoa paito.” 58Koia si se ne fai ko ana furisanga i ngangea, natafito koratou e seke fakatonu.
Iliyochaguliwa sasa
Matthew 13: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 13
13
Te araara fanga faka tautau kia fatu kai ne riaki
(Mak 4.1–9; Luk 8.4–8)
1Te aso ai, ko Jesus ne poi kese i paito, ne poi ki vae roto, nofo rei ki raro o fakaako. 2#Luk 5.1–3.E kapi rei te kano fenua ne riikofi kiei, tera koia ne sopo ki te roto vaka o nofo iei, ma te kano fenua e turaki i te vae roto. 3Jesus ne fai koa araara fanga faka tautau, ke faka ari kia ratou koa nea kaatoa, o muna kia ratou:
“Nai take vasia, te tangata ne poi ke riaki ko ana fatu kai. 4Vasia koia ne riaki saere iei, rake ana fatu kai ne soro ki te kao kao ara, nga manu ne ova ifo, ma ne ratou kaina ria. 5Rake ana fatu kai ne feettoki kia kere fatu fatu; e fai ko ana mo kere molakea. Koa fatu kai ne somo vave ake, natafito te kere si see mmao. 6Vasia te raa ne vera mai iei, ku nai verangia ria koa fatu kai somo, natafito aratou vai aka se ne oro ke mmao faka laoi, koa fatu kai somo ne mate arei. 7Rake ana fatu kai ne riaki ki te ngangea uruvao, ne fe somo aki ake maru maru kia arei. 8Kae rake ana fatu kai ne riaki kia kere laoi, ne fai ko aratou fua witi, rake nea taki fua te rau, rake nea fua ono, ma rake nea taki fua toru ia fua raakau.”
9Faka suku suku rei ko Jesus, “Tera fakarongo pe kotou e fai otou taringa!”
Te atamai oa araara fanga faka tautau
(Mak 4.10–12; Luk 8.9–10)
10Tera na kau fanonga ne oomai kia Jesus, ma ne feesiri kiei, “Sea na atamai ko kee e fai araara faki koa araara fanga faka tautau vasia ko kee e araara ki te kano fenua?”
11Tongoi atu rei ko Jesus, “Te poto o te faka fufu o te Kainanga o te Vaerangi ku soria atu kia kotou, kae siei kia ratou. 12#Mat 25.29; Mak 4.25; Luk 8.18; 19.26.Natafito te tangata e fai faka laoi pe nia ma ana e fai, ta ka fai ka sori kiei e rava, kae te tangata e fai pe nia ma ana e molakea, maafa rei ana mo nea e molakea e fai, ka saua kese ma koia. 13Te atamai kuou e fai araara fanga faka tautau ke araara kia ratou faka peinei: Koratou ke pula, kae see ratou ravea ina. Koratou ke fakarongo, kae see ratou rangona riaina, pe ke ratou iroa riaina. 14Tera te faka iro iro anga a Isaiah te ʻprophetʼ e fai kia ratou:
‘Faoa nei ka fakarongo ma e fakarongo,
kae ka see atetea;
koratou ka ono ma e ono,
kae ka see ratou ravea ina.
15Natafito te kano fenua nei,
aratou atamai e pouri,
ma ku faka taringa turi
ma ratou kafi mata ku monomono.
Naa pe koratou ka ma pula ki aratou mata,
aratou taringa ka ma fakarongo,
aratou atamai ka ma atetea,
ma koratou ka ma taafuri mai kia kuou,
muna rei Tupua,
ka ma faka maroro ea kuou koratou.’
16 #
Luk 10.23,24. “Kae kotou ne fakatapu ria, natafito otou kafi mata e ono, otou taringa e fakarongo. 17Kuou e faka ari atu kia kotou te maori: E kkapi rei ko nga ʻprophetʼ ma te kano fenua o Tupua ne fifia rei ke ono pe nia kotou e ono kiei, kae koratou se ne ma fai; koratou ne fifia rei ke rongo pe nia kotou e fakarongo kiei, kae koratou se ne ma rongo kiei.
Jesus e faka atetea ko te araara fanga faka tautau kia fatu kai
(Mak 4.13–20; Luk 8.11–15)
18“Fakarongo, tera, ma ako ki te atamai o te araara fanga faka tautau oa fatu kai ne tokaki. 19Koratou e fakarongo kia taranga o te Kainanga, kae si see atetea iei, e fai pea fatu kai ne soro ki te kao kao ara. Te atua pariki e au, ma e nai sau kesea pe nia ku tokaki ia ratou fatu manava. 20Koa fatu kai ne riaki kia kere kaupapa, e fai kia ratou e sau koa taranga ma te vaki vaki i mo vasia ratou e fakarongo kiei. 21Kae si se ne fiti vai aka ia ratou, ma ratou vasia si see roa, tera vasia fai pariki ma fakarongo neaisu e au fakatafito ia taranga, koratou taafuri kese arei i mo vakanga. 22Koa fatu kai rei ne riaki ki te ngangea uruvao, e fai kia ratou e fakarongo kia taranga, kae te faka tuasaa ki aratou ora ma te fakapere ki aratou taufenua e nai faka tuka tuka ria koa taranga, ma siei ni fua raakau mo ratou. 23Mae a fatu kai ne tokaki kia kere laoi, e fai kia ratou e fakarongo kia taranga, ma ne atetea kiei: Ratou ne faka fua, rake nea e taki fua te rau, rake nea fua ono, ma rake nea e fua toru ia fufua raakau.”
Te araara fanga faka tautau oa mauku
24Jesus ne araara faki kia ratou take araara fanga faka tautau:
“Te Kainanga o te Vaerangi e fai faka peinei: Nai take vasia, te tangata ne tokaki ko ana fatu kai laoi i na tofi. 25Take poo, vasia faoa kaatoa ku mmee, te tangata tau firi firi ne au o tokaki rotoi koa mauku ki ana fatu kai witi, kae poi kese arei. 26Vasia koa fatu kai ku ora ake, ku faka saa ake iei, ku fakatafito o fai ko aratou rau iei, tera koa mauku ku faka saa ake fokia ki runga.
27“Ana taangata fai fekau ne oomai kiei, muna atu rei, ‘Te ariki ee, au fatu kai laoi rei ne tokaki i tou roto tofi, mai fea reia koa mauku e aumai mai fea?’
28“Tongoi atu rei koia, ‘Te tangata e firi mai kia kuou ne fai iei.’
“Koratou ne kaisi atu kiei, ‘Ko kee e fifia matou oro o futi kese koa mauku ke atetea?’
29“Tongoi atu rei koia, ‘Siei, natafito kotou ka fai nae futi sara fokia koa witi ma mauku naa! 30Tuku koa witi naa ma mauku ke ora taanaki, oko rei ki ratou vasia ka faki iei. Tera kuou ka faka ari ki faoa ka faki iei ke mataki futi mua koa mauku, o nonoa ki ana paenga, ke raku ki roto te afi, tera faka maopo rei ki roto koa witi o tuku ki te fare kai.’ ”
Te araara fanga faka tautau ki te punai fatu kai ʻmustardʼ
(Mak 4.30–32; Luk 13.18–19)
31Jesus ne araara faki kia ratou take araara fanga faka tautau:
“Te Kainanga o te Vaerangi e fai faka peinei. Te tangata ne sau te foi fatu kai ʻmustardʼ ma ne tokaki ki na roto tofi. 32Te foi fatu kai nei, te punai fatu kai o nga fatu kai kaatoa, kae na vasia ne ora ake ki runga iei, toua raakau lasi rei ma nga raakau kaatoa. Tera ko nga manu e oomai, ma e fai fare faanganga i ana raa raakau.”
Te araara fanga faka tautau ki te ʻyeastʼ
(Luk 13.20–21)
33Jesus ne araara faki kia ratou take araara fanga faka tautau:
“Te Kainanga o te Vaerangi e fai faka peinei. Te maatua fafine ne sau ea koia a ʻyeastʼ o faka rave ki fua faa lita oa falaua, oko rei ki na vasia ku fanake katoa rei ki runga!”
Te fai fakaako a Jesus kia araara fanga faka tautau
(Mak 4.33–34)
34Jesus ne fai koa araara fanga faka tautau ke faka ari ari koa nea kaatoa ki te kano fenua; koia ka si see muna kia ratou kae see fai koa araara fanga faka tautau. 35Koia ne fai faka peinei pe nia ma te ʻprophetʼ ne munaki ke au tonu:
“Kuou ka fai koa araara fanga faka tautau
i oku vasia e araara kia ratou;
kuou ka faka ari kia ratou koa nea si se ne iroa ina
mai te faka tupu anga oa taangata nei.”
Jesus e faka atetea te araara fanga faka tautau oa mauku
36Vasia Jesus ku tuku te kano fenua ma ne poi ki rota paito, na kau fanonga ne oomai kiei, ma ne muna atu, “Faka ari mai kia matou, sea te atamai o te araara fanga faka tautau oa mauku i te tofi.”
37Tongoi atu rei ko Jesus, “Nai take vasia, te tangata ne tokaki ia fatu kai laoi te Tama a Tangata. 38Te tofi koa taangata nei; koa fatu kai laoi, ko te kano fenua koratou o te Kainanga; koa mauku ko te kano fenua koratou o te atua pariki. 39Te tangata tau firi firi ne tokaki koa mauku, koia te Atua Pariki. Te fai kai anga ko te faka suku suku oa tau tupu ranga, ma te faoa fai kai ko nga ʻangelʼ. 40Faka peeraa koa mauku ku futia ki runga, taanakina ki roto, ma ne sunua ki te afi, tera ka fai i te faka suku suku oa tau tupu ranga. 41Te Tama a Tangata ka fakkau ki tua ko ana ʻangelʼ, koratou ke tataanaki saere ki tua kese ma na Kainanga ko te kano fenua kaatoa e taki taki sara, ma rake faoa kaatoa e titisara, 42mae ka rakuna koratou ki roto te kailelo afi, i kuraa koratou ka ttangi ma e fe ngii taki ko aratou nifo iei. 43Tera te kano fenua o Tupua ka ata ata pe te raa i te Kainanga o ratou Mmana. Tera fakarongo pe kotou e fai otou taringa!”
Te araara fanga faka tautau ki te taufenua e funa ria
44“Te Kainanga o te Vaerangi e fai faka peinei. Te tangata ne nai maua ina a matuaa koroa e fuu i te tofi. Tera ufi ufi rei fokia ea koia ke naa. Ne maatea rei na vaki vaki, tera foki rei o fai tauvi ko ana kope kopenga kaatoa e fai. Ma e foki raa o tauvi ko mo kere mo ona.
Te araara fanga faka tautau ki te ʻpearlʼ
45“Te Kainanga o te Vaerangi e fai fokia pe te tangata ne faara ki te ʻpearlʼ e laoi. 46Vasia koia ku nai maua ria ko na taufenua, koia ne poi o fai tauvi ko ana kope kopenga kaatoa e fai, tera tauvi raa ko te ʻpearlʼ.
Te araara fanga faka tautau ki te kupenga
47“Te Kainanga o te Vaerangi e fai fokia pe rake faoa fai ika ne fora ratou kupenga ki tua i te roto, ma ne tauvia ria e nga fai ika katoa. 48Vasia te kupenga ne pii iei, nga taangata fai ika ne futi ki ngauta o fare ki raro o firi koa ika: Koa ika laoi e fao ki aratou kete sokotasi, koa ika pariki e rakuna kese. 49Ka faia faka peinei i te faka suku suku oa tau tupu ranga: Nga ʻangelʼ ka oro ki tua o firi kese ko te kano fenua pariki mai te kano fenua laoi. 50Mae ka rakuna koratou ki roto te kailelo afi, i kuraa koratou ka ttangi ma e fe ngii taki ko aratou nifo.”
A ttonu foou ma a ttonu tuei
51Jesus ne fesiri atu kia ratou, “Kotou ku kotou iroa ina koa nea nei?”
Tongoi rei koratou, “E ttonu, e matou iroa ina.”
52Tera tongoi rei ko Jesus, “Teinei na atamai, tera, ko nga fakaako katoa oa Fono koratou ku fai a kau fanonga i te Kainanga o te Vaerangi, e fai pe te tangata ona paito koia e sau koa nea foou ma a nea tuei ki tua mai na fare koroa.”
Jesus se ne fifia kina ria i Nazareth
(Mak 6.1–6; Luk 4.16–30)
53Vasia o Jesus ku faka oti araara faki koa araara fanga faka tautau nei, koia ne tuku ko ngangea, 54ma ne foki o poi ki na noforanga. Koia ne fakaako i ratou paito taanaki. Ma koratou ne fakarongo kiei, ku fereki ko aratou mauri. Koratou ne feesiri, “Mai fea rei ko ana mata purotu, ma na furisanga rei naa? 55Siki koia te tama a te tangata taa paito? Siki ko Mary na nana, ma ko James, Joseph, Simon ma Judas ana taina? 56Siki ana kave kaatoa rei e fare i kunei? I fea rei ne sau ea koia koa nea kaatoa nei?” 57#Jon 4.44.Tera koratou ku see fifia kia koia.
Tera ko Jesus ne muna atu kia ratou, “Te ʻprophetʼ e faka epa ria ia ngangea kaatoa, kae siei rei i na kee noforanga ia, ma na kee kanoa paito.” 58Koia si se ne fai ko ana furisanga i ngangea, natafito koratou e seke fakatonu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.