Matthew 12
12
Te fesiri ki te Aso e tapu
(Mak 2.23–28; Luk 6.1–5)
1Tera si se ne roa ake, Jesus ne saere i roto tofi oa witi i te Aso e tapu. Ko na kau fanonga ku fiakai, koratou ku tafito o tau koa witi, o kai ko ana fuei fatu kai. 2Vasia nga Pharisee ne ono kiei, muna atu kia Jesus, “Pula rei, e sara ia tatou fono tou kau fanonga ke fai faka peenaa i te Aso e tapu!”
3Tongoi atu rei ko Jesus, “Ea, kotou se ne tau pe nia ma David ne fai i te vasia koia ma ana taangata ne fiakai iei? 4Koia ne poi ki rota Paito o Tupua, koia ma na taangata ne kkai koa preti kavaaki ki Tupua, ka moa rei e sara ia fono koratou ke kai koa preti, kae fuarei nga pure fai kava e masara ke kai kia preti nei. 5O pe kotou se ne tau koa Fono a Moses, i nga Aso e tapu kaatoa ko nga pure fai kava koratou e sara ia fono, e sau kava kae se ne tokaa? 6Kuou ka faka ari atu kia kotou te nea e naa i kunei e sapa rei ma te Paito Tapu naa. 7#Mat 9.13.Te Pepa Tapu e muna:
‘Kuou e fifia ki te arofa,
kae siei kia manu e fai kava kiei.’
“Pe kotou e kotou iroa ina ko atamai maori oa taranga nei e atamai ki sea, ko kotou ka se kotou fai pariki tia ko te faoa si see tokaa, 8natafito te Tama a Tangata e nai ariki tia ko te Aso e tapu.”
Te tangata na rima e mate
(Mak 3.1–6; Luk 6.6–11)
9Tera poi rei ko Jesus ki te paito taanaki, 10te ngangea te tangata na rima e mate e nofo iei. Rake faoa e fifia ke ratou korea ko Jesus kia nea ne fai sara, tera feesiri rei kia Jesus, “Ea, e sara ia tatou fono ke faka maroro i te Aso e tapu?”
11 #
Luk 14.5. Tongoi atu rei ko Jesus, “Se tangata ia kotou naa ke too tana manu te sipi ne too ifo ki te riu rua i te Aso e tapu? Ea, koia ka see puke kiei, o futi ki runga? 12Tangata e sapa rei ma te manu te sipi sipi! Tera ia tatou fono e masara ke tatou sosoa ki se tangata i te Aso e tapu.” 13Tera muna atu rei koia ki te tangata na rima e mate, “Fofora ki tua tou rima!”
Tera fofora arei ko na rima ki tua, laoi arei fokia pe take na rima.
14Oro arei ko nga Pharisee o tau purenga ke taa ko Jesus.
Tupua ne faka patino tana seka
15Vasia o Jesus ne rongo ki te purenga ke taa koia, poi kese arei ki tua ma te noforanga; ma e kapi rei ko te kano fenua ne tautari arei kia koia. Koia ne faka maroro ko faoa ngae ngae, 16ma e muna taufau atu kia ratou, “Kau see oro o araara faki kuou ki rake faoa.” 17Koia ne fai koa nea nei pe nia ma Tupua ne araara faki ea koia i tana ʻprophetʼ ko Isaiah ke au tonu:
18“Teinei taku seka ku faka patino ea kuou,
ia koia kuou e fakapere kiei,
ma koia kuou e vaki vaki
maatea rei kiei.
Kuou ka fakkau toku Mauri
kia koia,
ma koia ke faka iro iro ko taku faka tautara ki nga turaurau.
19Koia ka see faka marauraua taranga
o pe forua ma e muna forua
i na vasia e fai ana araara fanga
ia vae riu ara o te kano fenua.
20Koia ka se nai fai fatia ifo koa kaso e rofe ifo,
o pe nai tamatea ria te maarama o te laiti e piri ke mate,
koia ka see fakkau rava oko rei ki te vasia te tonu
ku maaroo tia.
21Ma te kano fenua katoa ka tuku ko aratou paanaki soro
kia koia.”
Jesus ma Beelzebul
(Mak 3.20–30; Luk 11.14–23)
22Tera rake faoa ne aumai ea ratou kia Jesus te tangata mata ufu ma e nguu, natafito e nofo ria e te atua; Jesus ne nai faka maroro ria te tangata, ku pula ma ku ma muna. 23Te kano fenua ku fereki ko aratou mauri pe nia ma Jesus ne fai. Feesiri rei koratou, “Naa pe koia te Tama a David?”
24 #
Mat 9.34; 10.25. Nga Pharisee ne rongo, mumuna rei koratou, “Koia e fue ko nga atua naa fuarei natafito te manuu ne sori kiei e ratou fakarongo ranga ko Beelzebul ke fai fekauaki.”
25Jesus ku nai iroa ina koa aratou maanatu, tera muna atu rei kia ratou, “Se fenua e vae rua maso koia i na kanoa fenua o featu maso koratou, ka si see roa ake! Ma se taoni o pe se kanoa paito ke vae kese ki aratou motu ngangea ke featu maso koratou ka maofa kese kese arei. 26Tera, kae te kau taangata e featu ma take kau taangata i te kainanga o Satan, na atamai te kainanga o Satan ku oti ku vaea riaina i ana motunga, ka see roa kae maofa kese kese. 27Kotou e mmuna ko Beelzebul ne sori mai ko na mana ke fue kese ko nga atua pariki, ia teeraa, koai rei e nai soria atu ki ou faoa ko te mana ke fue kese koratou? Ou kee faoa e faka aria atu ko kotou e sara! 28Siei, siei rei ko Beelzebul, kae tera te Mauri o Tupua, koia ne sori mai kia kuou te makeke ke fue kese ko nga atua, tera e faka ari mai rei te Kainanga o Tupua ku au ia kotou ku oti.
29“Siei pe koai ke nai urufia ko te paito o te tangata makeke, kae fuarei e rii ko ana rima mua, tera ka nai kaiaa tia rei ko ana kope kopenga.
30 #
Mak 9.40. “Pe koai siei o oku, koia e nai kivimata riaina kuou; pe koai si se nai soakina kuou ke taanaki, koia maori rei e seveki. 31Natafito ia atamai nei, kuou e faka ari atu kia kotou: nga taangata e ma faka ngaromia ko aratou sara ma ratou mmuna pariki anga, kae pe koai e muna faka puaka ki te Mauri Tapu o Tupua, ka se ma faka ngaromia rei. 32#Luk 12.10.Pe koai koia e munaki koa nea pariki ki te Tama a Tangata e ma faka ngaromia; kae pe koai koia e munaki koa nea pariki ki te Mauri Tapu, ka se ma faka ngaromia, i vasia nei pe i te vasia ka au.
Te raakau ma na fua raakau
(Luk 6.43–45)
33 #
Mat 7.20; Luk 6.44. “Faka somo te raakau laoi, ma ana fua ka laoi; pe ke faka somo te raakau pariki, ma ana fua raakau ka pariki, natafito te raakau e iroa ina mai i ana fua raakau e fua ifo. 34#Mat 3.7; 23.33; Luk 3.7; Mat 15.18; Luk 6.45.Kotou nga sineke, e ma fai fefea kotou munakina koa nea laoi, vasia kotou e pariki iei? Natafito te muangutu e nai munakina ria pe nia e naa i te fatu manava. 35Te tangata laoi e nai aumai ina ki tua koa nea laoi e naa ia koia. Te tangata pariki e nai aumai ina koa nea pariki e naa ia koia.
36“Kuou e faka ari atu kia kotou nei, i te aso e faka tautara iei, faoa kaatoa e tasi sori ko ana taranga noko nai munakina. 37Au taranga naa ka fai tou faka tautara ke faka saa mai ki tua ko kee e tonu o pe e tokaa.”
Te kaisi ki se furisanga
(Mak 8.11–12; Luk 11.29–32)
38 #
Mat 16.1; Mak 8.11; Luk 11.16. Tera rake fakaako oa Fono ma rake Pharisee mumuna ake rei, “Fakaako ee, matou e fifia ke matou ono kia kee ke fai ko se furisanga.”
39 #
Mat 16.4; Mak 8.12. Tongoi atu rei ko Jesus, “Te kano fenua oa aso nei e fai pariki ma e seke tupua rei! Kotou e kaaisi mai kia kuou ki se furisanga? Siei! Te furisanga fuarei ka sori atu, te furisanga o Jonah te ʻprophetʼ. 40Jonah ne aso toru ma ne poo toru i te manava o te ika, tera i te riu ara sokotasi te Tama a Tangata nei ka aso toru ma ka poo toru fokia i te riu rua oa taangata nei. 41I te aso e faka tautara ria iei, te kano fenua o Nineveh ka turaki ki runga o ratou faka tautara ria kotou, natafito koratou ne taafuri kese mai ia ratou sara i ratou vasia ne fakarongo ki te tuufaki a Jonah. Kae kuou ka faka ari atu rei kia kotou: Te nea e naa i kunei e sapa rei ma Jonah! 42I te Aso o te Faka tautara, te Kuini o Sheba, ka tuu ake ki runga, o nai faka tautara sia ko te kano fenua oa aso nei, natafito koia ne au rei mai te mmao anga mai na fenua ke fakarongo kia mata purotu oa fakaako ranga a Solomon. Kae kuou e faka ari atu kia kotou: Te nea e naa i kunei e sapa rei ma Solomon!
Te foki ranga o te atua pariki
(Luk 11.24–26)
43“Vasia o te atua pariki e poi ki tua ma te tangata, koia saere rei o poi i te fenua paku paku ono ono ki se ngangea mana maanava. Kae siei se ngangea ke nai maua, 44muna rei koia maso koia, ‘Kuou ka foki ki toku paito ne au mai iei.’ Tera foki rei o poi mau atu rei ea koia te paito e tulaavaki, kae ku saaro ku maa, ma e taurekareka. 45Ta foki rei o poi o sau mai rake atua e pariki sapa rei e toka fitu, tera taki mai arei o fare i te paito nei. Tera i te fakaoti anga te tangata nei ku pariki sapa rei mai te vasia ne fakatafito iei. Teinei te fai fai ka fai ki te fenua pariki oa aso nei.”
Te nana o Jesus ma ana taina
(Mak 3.31–35; Luk 8.19–21)
46Jesus e koi araara rei ki fenua i te vasia na nana ma ana taina e oko atu iei. Turaki atu rei i fafo kae feesiri atu rei koratou e fifia ke mmuna kia Jesus. 47Tera muna atu rei take tangata i te kano fenua kia Jesus, “Pula raa ki tou nana ma ou taina e turaki i fafo e fifia ke tau araara kia kee.”
48Tongoi atu rei ko Jesus, “Koai toku nana? Koai ma oku taina?” 49Tusi atu rei ki na kau fanonga kae muna atu rei, “Pula! Teinei toku nana ma oku taina! 50Pe koai e fai pe nia ma toku Mmana i te vaerangi e fifia kiei, tera koia toku taina, toku kave ma toku nana.”
Iliyochaguliwa sasa
Matthew 12: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 12
12
Te fesiri ki te Aso e tapu
(Mak 2.23–28; Luk 6.1–5)
1Tera si se ne roa ake, Jesus ne saere i roto tofi oa witi i te Aso e tapu. Ko na kau fanonga ku fiakai, koratou ku tafito o tau koa witi, o kai ko ana fuei fatu kai. 2Vasia nga Pharisee ne ono kiei, muna atu kia Jesus, “Pula rei, e sara ia tatou fono tou kau fanonga ke fai faka peenaa i te Aso e tapu!”
3Tongoi atu rei ko Jesus, “Ea, kotou se ne tau pe nia ma David ne fai i te vasia koia ma ana taangata ne fiakai iei? 4Koia ne poi ki rota Paito o Tupua, koia ma na taangata ne kkai koa preti kavaaki ki Tupua, ka moa rei e sara ia fono koratou ke kai koa preti, kae fuarei nga pure fai kava e masara ke kai kia preti nei. 5O pe kotou se ne tau koa Fono a Moses, i nga Aso e tapu kaatoa ko nga pure fai kava koratou e sara ia fono, e sau kava kae se ne tokaa? 6Kuou ka faka ari atu kia kotou te nea e naa i kunei e sapa rei ma te Paito Tapu naa. 7#Mat 9.13.Te Pepa Tapu e muna:
‘Kuou e fifia ki te arofa,
kae siei kia manu e fai kava kiei.’
“Pe kotou e kotou iroa ina ko atamai maori oa taranga nei e atamai ki sea, ko kotou ka se kotou fai pariki tia ko te faoa si see tokaa, 8natafito te Tama a Tangata e nai ariki tia ko te Aso e tapu.”
Te tangata na rima e mate
(Mak 3.1–6; Luk 6.6–11)
9Tera poi rei ko Jesus ki te paito taanaki, 10te ngangea te tangata na rima e mate e nofo iei. Rake faoa e fifia ke ratou korea ko Jesus kia nea ne fai sara, tera feesiri rei kia Jesus, “Ea, e sara ia tatou fono ke faka maroro i te Aso e tapu?”
11 #
Luk 14.5. Tongoi atu rei ko Jesus, “Se tangata ia kotou naa ke too tana manu te sipi ne too ifo ki te riu rua i te Aso e tapu? Ea, koia ka see puke kiei, o futi ki runga? 12Tangata e sapa rei ma te manu te sipi sipi! Tera ia tatou fono e masara ke tatou sosoa ki se tangata i te Aso e tapu.” 13Tera muna atu rei koia ki te tangata na rima e mate, “Fofora ki tua tou rima!”
Tera fofora arei ko na rima ki tua, laoi arei fokia pe take na rima.
14Oro arei ko nga Pharisee o tau purenga ke taa ko Jesus.
Tupua ne faka patino tana seka
15Vasia o Jesus ne rongo ki te purenga ke taa koia, poi kese arei ki tua ma te noforanga; ma e kapi rei ko te kano fenua ne tautari arei kia koia. Koia ne faka maroro ko faoa ngae ngae, 16ma e muna taufau atu kia ratou, “Kau see oro o araara faki kuou ki rake faoa.” 17Koia ne fai koa nea nei pe nia ma Tupua ne araara faki ea koia i tana ʻprophetʼ ko Isaiah ke au tonu:
18“Teinei taku seka ku faka patino ea kuou,
ia koia kuou e fakapere kiei,
ma koia kuou e vaki vaki
maatea rei kiei.
Kuou ka fakkau toku Mauri
kia koia,
ma koia ke faka iro iro ko taku faka tautara ki nga turaurau.
19Koia ka see faka marauraua taranga
o pe forua ma e muna forua
i na vasia e fai ana araara fanga
ia vae riu ara o te kano fenua.
20Koia ka se nai fai fatia ifo koa kaso e rofe ifo,
o pe nai tamatea ria te maarama o te laiti e piri ke mate,
koia ka see fakkau rava oko rei ki te vasia te tonu
ku maaroo tia.
21Ma te kano fenua katoa ka tuku ko aratou paanaki soro
kia koia.”
Jesus ma Beelzebul
(Mak 3.20–30; Luk 11.14–23)
22Tera rake faoa ne aumai ea ratou kia Jesus te tangata mata ufu ma e nguu, natafito e nofo ria e te atua; Jesus ne nai faka maroro ria te tangata, ku pula ma ku ma muna. 23Te kano fenua ku fereki ko aratou mauri pe nia ma Jesus ne fai. Feesiri rei koratou, “Naa pe koia te Tama a David?”
24 #
Mat 9.34; 10.25. Nga Pharisee ne rongo, mumuna rei koratou, “Koia e fue ko nga atua naa fuarei natafito te manuu ne sori kiei e ratou fakarongo ranga ko Beelzebul ke fai fekauaki.”
25Jesus ku nai iroa ina koa aratou maanatu, tera muna atu rei kia ratou, “Se fenua e vae rua maso koia i na kanoa fenua o featu maso koratou, ka si see roa ake! Ma se taoni o pe se kanoa paito ke vae kese ki aratou motu ngangea ke featu maso koratou ka maofa kese kese arei. 26Tera, kae te kau taangata e featu ma take kau taangata i te kainanga o Satan, na atamai te kainanga o Satan ku oti ku vaea riaina i ana motunga, ka see roa kae maofa kese kese. 27Kotou e mmuna ko Beelzebul ne sori mai ko na mana ke fue kese ko nga atua pariki, ia teeraa, koai rei e nai soria atu ki ou faoa ko te mana ke fue kese koratou? Ou kee faoa e faka aria atu ko kotou e sara! 28Siei, siei rei ko Beelzebul, kae tera te Mauri o Tupua, koia ne sori mai kia kuou te makeke ke fue kese ko nga atua, tera e faka ari mai rei te Kainanga o Tupua ku au ia kotou ku oti.
29“Siei pe koai ke nai urufia ko te paito o te tangata makeke, kae fuarei e rii ko ana rima mua, tera ka nai kaiaa tia rei ko ana kope kopenga.
30 #
Mak 9.40. “Pe koai siei o oku, koia e nai kivimata riaina kuou; pe koai si se nai soakina kuou ke taanaki, koia maori rei e seveki. 31Natafito ia atamai nei, kuou e faka ari atu kia kotou: nga taangata e ma faka ngaromia ko aratou sara ma ratou mmuna pariki anga, kae pe koai e muna faka puaka ki te Mauri Tapu o Tupua, ka se ma faka ngaromia rei. 32#Luk 12.10.Pe koai koia e munaki koa nea pariki ki te Tama a Tangata e ma faka ngaromia; kae pe koai koia e munaki koa nea pariki ki te Mauri Tapu, ka se ma faka ngaromia, i vasia nei pe i te vasia ka au.
Te raakau ma na fua raakau
(Luk 6.43–45)
33 #
Mat 7.20; Luk 6.44. “Faka somo te raakau laoi, ma ana fua ka laoi; pe ke faka somo te raakau pariki, ma ana fua raakau ka pariki, natafito te raakau e iroa ina mai i ana fua raakau e fua ifo. 34#Mat 3.7; 23.33; Luk 3.7; Mat 15.18; Luk 6.45.Kotou nga sineke, e ma fai fefea kotou munakina koa nea laoi, vasia kotou e pariki iei? Natafito te muangutu e nai munakina ria pe nia e naa i te fatu manava. 35Te tangata laoi e nai aumai ina ki tua koa nea laoi e naa ia koia. Te tangata pariki e nai aumai ina koa nea pariki e naa ia koia.
36“Kuou e faka ari atu kia kotou nei, i te aso e faka tautara iei, faoa kaatoa e tasi sori ko ana taranga noko nai munakina. 37Au taranga naa ka fai tou faka tautara ke faka saa mai ki tua ko kee e tonu o pe e tokaa.”
Te kaisi ki se furisanga
(Mak 8.11–12; Luk 11.29–32)
38 #
Mat 16.1; Mak 8.11; Luk 11.16. Tera rake fakaako oa Fono ma rake Pharisee mumuna ake rei, “Fakaako ee, matou e fifia ke matou ono kia kee ke fai ko se furisanga.”
39 #
Mat 16.4; Mak 8.12. Tongoi atu rei ko Jesus, “Te kano fenua oa aso nei e fai pariki ma e seke tupua rei! Kotou e kaaisi mai kia kuou ki se furisanga? Siei! Te furisanga fuarei ka sori atu, te furisanga o Jonah te ʻprophetʼ. 40Jonah ne aso toru ma ne poo toru i te manava o te ika, tera i te riu ara sokotasi te Tama a Tangata nei ka aso toru ma ka poo toru fokia i te riu rua oa taangata nei. 41I te aso e faka tautara ria iei, te kano fenua o Nineveh ka turaki ki runga o ratou faka tautara ria kotou, natafito koratou ne taafuri kese mai ia ratou sara i ratou vasia ne fakarongo ki te tuufaki a Jonah. Kae kuou ka faka ari atu rei kia kotou: Te nea e naa i kunei e sapa rei ma Jonah! 42I te Aso o te Faka tautara, te Kuini o Sheba, ka tuu ake ki runga, o nai faka tautara sia ko te kano fenua oa aso nei, natafito koia ne au rei mai te mmao anga mai na fenua ke fakarongo kia mata purotu oa fakaako ranga a Solomon. Kae kuou e faka ari atu kia kotou: Te nea e naa i kunei e sapa rei ma Solomon!
Te foki ranga o te atua pariki
(Luk 11.24–26)
43“Vasia o te atua pariki e poi ki tua ma te tangata, koia saere rei o poi i te fenua paku paku ono ono ki se ngangea mana maanava. Kae siei se ngangea ke nai maua, 44muna rei koia maso koia, ‘Kuou ka foki ki toku paito ne au mai iei.’ Tera foki rei o poi mau atu rei ea koia te paito e tulaavaki, kae ku saaro ku maa, ma e taurekareka. 45Ta foki rei o poi o sau mai rake atua e pariki sapa rei e toka fitu, tera taki mai arei o fare i te paito nei. Tera i te fakaoti anga te tangata nei ku pariki sapa rei mai te vasia ne fakatafito iei. Teinei te fai fai ka fai ki te fenua pariki oa aso nei.”
Te nana o Jesus ma ana taina
(Mak 3.31–35; Luk 8.19–21)
46Jesus e koi araara rei ki fenua i te vasia na nana ma ana taina e oko atu iei. Turaki atu rei i fafo kae feesiri atu rei koratou e fifia ke mmuna kia Jesus. 47Tera muna atu rei take tangata i te kano fenua kia Jesus, “Pula raa ki tou nana ma ou taina e turaki i fafo e fifia ke tau araara kia kee.”
48Tongoi atu rei ko Jesus, “Koai toku nana? Koai ma oku taina?” 49Tusi atu rei ki na kau fanonga kae muna atu rei, “Pula! Teinei toku nana ma oku taina! 50Pe koai e fai pe nia ma toku Mmana i te vaerangi e fifia kiei, tera koia toku taina, toku kave ma toku nana.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.