Matthew 11
11
A kave rongo mai a John te Faka uku
(Luk 7.18–35)
1Vasia o Jesus ne faka oti tana tuufaki ki na kau fanonga e tino anga furu ma rua, poi rei ki tua i noforanga, o fakaako ma e tuufaki ia taoni e taupiri atu ki ngangea.
2Vasia o John te Faka uku ne rongo i te fare pono pono kia fainga fekau a Christ noko fai, ka kau rei ea koia ko rake taangata i na kau fanonga kia Jesus. 3Feesiri atu rei koratou kia Jesus, “Faka ari mai rei kia matou, ko kee ko te tangata e muna ko John ka au pe se tangata kese?”
4Tongoi atu rei ko Jesus, “Fofoki o faka ari atu kia John pe nia ne fakarongo kotou kiei ma ne ono kiei: 5Faoa mata ufu ku pula, nga fua teka ku saere, faoa noko fakarongo neaisu ia ratou tino para ku maakira, faoa taringa turi ku rongo, faoa mmate ku faka masike ria ki te ora, ma te Rongo Laoi ku tuufakina ki te faoa faka ruru faka arofa. 6Fakatapu ria te faoa si see faka tuka tuka kia kuou!”
7Mo vasia a kau fanonga o John ku foki iei, Jesus ne araara faki ko John ki te kano fenua, “Vasia kotou ne oro ke ono kia John i te ngangea tulaavaki, a nia motou e maanatu ke ono kiei? A mauku e afea ria e te matangi? 8A nia motou e maanatu ke oro o ono kiei? Te tangata e uru ki ana suru laoi? Siei! Faoa e fe urufi ki aratou suru faka peenaa e fare ia paito lasi! 9Mumuna mai rei kia kuou, a nia motou ne oro ke ono kiei? Te ʻprophetʼ? E tonu rei, kuou ka faka ari atu kia kotou, kae te nea ne kotou ravea ina e sapa maatea rei ma te ʻprophetʼ. 10Ko John ta koia te tangata e araara fakina e te Pepa Tapu:
‘Kuou Tupua, ka fakkau taku kave rongo ke mua ia kee,
o poi o pena pena mai
tou riu ara.’
11“Kuou e faka ari atu kia kotou te maori: Ko John e sapa tomao rei ma faoa ne fare ake, kae koai ma e sapa na mau raro i te Kainanga o Tupua i te Vaerangi e sapa na maurunga ma John. 12#Luk 16.16.Mai te vasia o John te Faka uku noko tuufaki iei, oko rei ki te aso nei, te Kainanga o te Vaerangi ne fai pariki tiaina ma nga taangata mmaakeke e oro o fai ke turi kese. 13Oko rei ki te vasia o John, koa tusi tusi ranga kaatoa a nga ʻProphetʼ ma a Fono a Moses ku araara faki ki te Kainanga o Tupua. 14#Mat 17.10–13; Mak 9.11–13.Kae ko kotou e fifia ke fakatonu ki aratou araara fanga: ko John ko Elijah ne rongo rongo sakina ko na au ranga. 15Fakarongo pe kotou e fai otou taringa!
16“Ta a nia rei ma aku ka fai ke faka tautau te kano fenua oa aso nei? Koratou e fai pe nga tamariki, e fare ia ngangea makete e fe forua aki maso koratou ki roto,
17‘Komatou noko fai atu a pese
o te avanga,
kae ko kotou se ne mako!
Komatou noko usu fuatanga atu,
kae ko kotou se ne ttangi.’
18“Kae i te vasia o John ne au iei, koia ne faka naa mangumangu ma si se ne inu kia waeni, tera mumuna rei koratou kaatoa, koia e nofo riaina e te atua pariki! 19I te vasia Tama a Tangata ne au iei, koia e kai ma e inu kia nea inu, mumuna rei koratou: ‘Pupula rei ki tangata nei! Koia tangata kai mate ma e inu; ma te soavaka o faoa tari takisi ma faoa titisara!’ Kae te mata purotu o Tupua e faka tonu sia maori rei e koratou e tautari kiei.”
A taoni e seke fakatonu
(Luk 10.13–15)
20Te kano fenua e fare ia taoni noko fai koa furi furi sanga a Jesus si se ne taafuri kese mai ratou sara, tera koia ne muna fatu fatu kia taoni naa: 21“E fakaruru faka arofa maatea rei kia kotou, Chorazin! E fakaruru faka arofa maatea rei kia kotou fokia, Bethsaida! A furi furi sanga ne fai atu kia kotou, pe ne fai i Tyre ma Sidon, te kano fenua i kuraa kua roa rei o fe urufi ki aratou fati suru masaesae ma e male refu i fea rei maso koratou ke faka ari koratou ku taafuri kese mai ia ratou sara. 22Kuou e faka ari atu kia kotou: I te aso o te faka tautara, Tupua ka nai manava arofa tia ko te kano fenua i Tyre ma Sidon ka sapa ma kotou! 23Ma kia kotou nga Capernaum! Ko kotou ne fifia ke sau maso kotou ki te vaerangi? Ko kotou ka peia ifo ki te Ngangea o te Mate! Kae a furi furi sanga noko fai atu kia kotou, pe ne fai fokia i Sodom, e oko ki aso nei e koi naa rei! 24#Mat 10.15; Luk 10.12.Kuou e faka ari atu kia kotou: I te aso o te faka tautara, Tupua ka nai manava arofa tia ko te kano fenua i Sodom ka sapa ma kotou!”
Au kia kuou o maanava
(Luk 10.21–22)
25I te vasiaa, Jesus ne muna, “Pa ee te Ariki o te vaerangi ma o taangata nei, kuou e faka ue ue kia ko kee, natafito ku kee faka aria ina ki te faoa se ne akona ria pe nia ma au ne fuu mai te faoa poto ma ne akona. 26E tonu rei, Pa ee! Teinei e fai tautari pea kee ne fifia.
27 #
Jon 1.18; 3.35; 10.15. “Toku Mmana ne sori mai kia kuou a nea kaatoa, siei pe koai ke nai iroa ina pe koai te Tama kae te Mmana fuarei, ma siei fokia pe koai ke nai iroa ina te Mmana kae te Tama fuarei, ma koratou ne faka patino ria e te Tama ke faka ari koia.
28“Oomai kia kuou pe koai ma ia kotou ku faka erengau ma te amo te amonga palasuu, ma kuou ka soria atu kia kotou ko te maanava. 29Sau taku amonga o tuku ki otou kapakau, ma e ako kia kuou, natafito kuou e amunoa ma e tuku raro; ma kotou ka kotou maua ko te maanava. 30Ko te raakau amo kuou ka sori atu kia kotou e faingaofia, ma te amonga kuou ka faka amo atu kia kotou e palangi langi.”
Iliyochaguliwa sasa
Matthew 11: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Matthew 11
11
A kave rongo mai a John te Faka uku
(Luk 7.18–35)
1Vasia o Jesus ne faka oti tana tuufaki ki na kau fanonga e tino anga furu ma rua, poi rei ki tua i noforanga, o fakaako ma e tuufaki ia taoni e taupiri atu ki ngangea.
2Vasia o John te Faka uku ne rongo i te fare pono pono kia fainga fekau a Christ noko fai, ka kau rei ea koia ko rake taangata i na kau fanonga kia Jesus. 3Feesiri atu rei koratou kia Jesus, “Faka ari mai rei kia matou, ko kee ko te tangata e muna ko John ka au pe se tangata kese?”
4Tongoi atu rei ko Jesus, “Fofoki o faka ari atu kia John pe nia ne fakarongo kotou kiei ma ne ono kiei: 5Faoa mata ufu ku pula, nga fua teka ku saere, faoa noko fakarongo neaisu ia ratou tino para ku maakira, faoa taringa turi ku rongo, faoa mmate ku faka masike ria ki te ora, ma te Rongo Laoi ku tuufakina ki te faoa faka ruru faka arofa. 6Fakatapu ria te faoa si see faka tuka tuka kia kuou!”
7Mo vasia a kau fanonga o John ku foki iei, Jesus ne araara faki ko John ki te kano fenua, “Vasia kotou ne oro ke ono kia John i te ngangea tulaavaki, a nia motou e maanatu ke ono kiei? A mauku e afea ria e te matangi? 8A nia motou e maanatu ke oro o ono kiei? Te tangata e uru ki ana suru laoi? Siei! Faoa e fe urufi ki aratou suru faka peenaa e fare ia paito lasi! 9Mumuna mai rei kia kuou, a nia motou ne oro ke ono kiei? Te ʻprophetʼ? E tonu rei, kuou ka faka ari atu kia kotou, kae te nea ne kotou ravea ina e sapa maatea rei ma te ʻprophetʼ. 10Ko John ta koia te tangata e araara fakina e te Pepa Tapu:
‘Kuou Tupua, ka fakkau taku kave rongo ke mua ia kee,
o poi o pena pena mai
tou riu ara.’
11“Kuou e faka ari atu kia kotou te maori: Ko John e sapa tomao rei ma faoa ne fare ake, kae koai ma e sapa na mau raro i te Kainanga o Tupua i te Vaerangi e sapa na maurunga ma John. 12#Luk 16.16.Mai te vasia o John te Faka uku noko tuufaki iei, oko rei ki te aso nei, te Kainanga o te Vaerangi ne fai pariki tiaina ma nga taangata mmaakeke e oro o fai ke turi kese. 13Oko rei ki te vasia o John, koa tusi tusi ranga kaatoa a nga ʻProphetʼ ma a Fono a Moses ku araara faki ki te Kainanga o Tupua. 14#Mat 17.10–13; Mak 9.11–13.Kae ko kotou e fifia ke fakatonu ki aratou araara fanga: ko John ko Elijah ne rongo rongo sakina ko na au ranga. 15Fakarongo pe kotou e fai otou taringa!
16“Ta a nia rei ma aku ka fai ke faka tautau te kano fenua oa aso nei? Koratou e fai pe nga tamariki, e fare ia ngangea makete e fe forua aki maso koratou ki roto,
17‘Komatou noko fai atu a pese
o te avanga,
kae ko kotou se ne mako!
Komatou noko usu fuatanga atu,
kae ko kotou se ne ttangi.’
18“Kae i te vasia o John ne au iei, koia ne faka naa mangumangu ma si se ne inu kia waeni, tera mumuna rei koratou kaatoa, koia e nofo riaina e te atua pariki! 19I te vasia Tama a Tangata ne au iei, koia e kai ma e inu kia nea inu, mumuna rei koratou: ‘Pupula rei ki tangata nei! Koia tangata kai mate ma e inu; ma te soavaka o faoa tari takisi ma faoa titisara!’ Kae te mata purotu o Tupua e faka tonu sia maori rei e koratou e tautari kiei.”
A taoni e seke fakatonu
(Luk 10.13–15)
20Te kano fenua e fare ia taoni noko fai koa furi furi sanga a Jesus si se ne taafuri kese mai ratou sara, tera koia ne muna fatu fatu kia taoni naa: 21“E fakaruru faka arofa maatea rei kia kotou, Chorazin! E fakaruru faka arofa maatea rei kia kotou fokia, Bethsaida! A furi furi sanga ne fai atu kia kotou, pe ne fai i Tyre ma Sidon, te kano fenua i kuraa kua roa rei o fe urufi ki aratou fati suru masaesae ma e male refu i fea rei maso koratou ke faka ari koratou ku taafuri kese mai ia ratou sara. 22Kuou e faka ari atu kia kotou: I te aso o te faka tautara, Tupua ka nai manava arofa tia ko te kano fenua i Tyre ma Sidon ka sapa ma kotou! 23Ma kia kotou nga Capernaum! Ko kotou ne fifia ke sau maso kotou ki te vaerangi? Ko kotou ka peia ifo ki te Ngangea o te Mate! Kae a furi furi sanga noko fai atu kia kotou, pe ne fai fokia i Sodom, e oko ki aso nei e koi naa rei! 24#Mat 10.15; Luk 10.12.Kuou e faka ari atu kia kotou: I te aso o te faka tautara, Tupua ka nai manava arofa tia ko te kano fenua i Sodom ka sapa ma kotou!”
Au kia kuou o maanava
(Luk 10.21–22)
25I te vasiaa, Jesus ne muna, “Pa ee te Ariki o te vaerangi ma o taangata nei, kuou e faka ue ue kia ko kee, natafito ku kee faka aria ina ki te faoa se ne akona ria pe nia ma au ne fuu mai te faoa poto ma ne akona. 26E tonu rei, Pa ee! Teinei e fai tautari pea kee ne fifia.
27 #
Jon 1.18; 3.35; 10.15. “Toku Mmana ne sori mai kia kuou a nea kaatoa, siei pe koai ke nai iroa ina pe koai te Tama kae te Mmana fuarei, ma siei fokia pe koai ke nai iroa ina te Mmana kae te Tama fuarei, ma koratou ne faka patino ria e te Tama ke faka ari koia.
28“Oomai kia kuou pe koai ma ia kotou ku faka erengau ma te amo te amonga palasuu, ma kuou ka soria atu kia kotou ko te maanava. 29Sau taku amonga o tuku ki otou kapakau, ma e ako kia kuou, natafito kuou e amunoa ma e tuku raro; ma kotou ka kotou maua ko te maanava. 30Ko te raakau amo kuou ka sori atu kia kotou e faingaofia, ma te amonga kuou ka faka amo atu kia kotou e palangi langi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.