Luke 4
4
Te titipea ranga o Jesus
(Mat 4.1–11; Mak 1.12–13)
1Jesus ku foki mai mai te Vai saria i Jordan, ku nofo riaina e te Mauri Tapu o Tupua, tera taki rei e te Mauri o Tupua ki te ngangea tulaavaki. 2Te ngangea ne titipea ina koia e te Atua Pariki e fua faa koa ana aso. Tera ia vasia, koia siei rei pe nia ma ana ne kai, ia tua ku faka oti iei koia ku fiakai.
3Tera muna atu rei ko te Atua Pariki, “Kae pe ko kee te Tama a Tupua, muna ki te fatu nei ke tafuri ki te preti.”
4Tongoi atu rei ko Jesus, “Te Pepa Tapu e muna: ‘Te tangata ka si se ora fuarei ia preti.’ ”
5Tera kkave rei e te Atua Pariki ko Jesus ki te ngangea maurunga, i vakanga faka ari atu arei kia koia koa kainanga kaatoa oa taangata nei. 6Ma e muna atu ko te Atua Pariki kia koia, “Ka sori atu kaatoa rei ea kuou ko te manuu ma te taufenua kaatoa rei. A nea nei ne sori mai kia kuou, ka kau soria pe kiai kuou e fifia kiei. 7Kae pe ko kee e fakaturou mai kia kuou, a nea kaatoa rei nei a au.”
8Tongoi atu rei ko Jesus, “Te Pepa Tapu e muna: ‘Fakaturou fuarei ki te Ariki tou Tupua, ma seka fuarei kia koia!’ ”
9Tera kkave rei koia e te Atua Pariki ki Jerusalem, tuku rei ea koia ki te ngangea maurunga i te Paito Tapu, o muna atu fokia kia koia, “Kae pe ko kee te tama a Tupua, faka too maso ko kee ki raro, 10natafito te Pepa Tapu e muna: ‘Tupua ka muna ki aana ʻangelʼ kia kee, 11ma ka ratou siko fia ko kee ki aratou rima, tera ou vae ka see pakia fokia ia fatu.’ ”
12Tongoi atu rei ko Jesus kiei, “E munaki fokia i te Pepa Tapu: Kau see tuku te Ariki Tapu, tou Tupua, ki te maataki.”
13Vasia ko te Atua Pariki ku faka oti ko ana titipea ranga kia Jesus ia fai riu ara katoa, ta poi kese arei koia ki tua mo vasia molakea.
Jesus e fakatafito ko ana fainga fekau i Galilee
(Mat 4.12–17; Mak 1.14–15)
14Tera ko Jesus ne foki ki Galilee ma te mana o te Mauri Tapu o Tupua ia koia. Na rongo ku kavea saere ia motu ngangea kaatoa rei. 15Tera koia tuufaki rei i ratou paito taanaki, ne faka puria e te kano fenua katoa rei.
Jesus se ne fifia kina ria i Nazareth
(Mat 13.53–58; Mak 6.1–6)
16Tera ko Jesus ne poi ki Nazareth, i ngangea koia ne somo iei. Tera i te Aso e tapu koia ne poi ki te paito taanaki oratou pe fai mau ea koia. Koia ne tokai ake ki runga ke tau ko te Pepa Tapu. 17Te Pepa a te ʻprophetʼ Isaiah ne soria kiei. Koia ne fuke o faara, mau rei te ngangea ne tusia ria:
18“Te Mauri o Tupua ia kuou,
natafito kuou ne nai faka patino ria ke kau tuufaki te Rongo Laoi ki te kano fenua e fakaruru faka arofa.
Koia ne kau mai kuou ke faka iro ko te tonu ki te faoa ne fakkiroa,
ma ke faka pula ko faoa mata sengi,
ke sosoa ki faoa lupea riaina,
19ma ke faka iro ko te vasia o te Ariki Tapu ka au o faka sao ko na kanoa fenua.”
20Tera ko Jesus sasai ko te Pepa, fokisaki rei ki te tangata fai fekau, kae nofo rei ki raro. A mata o te kano fenua kaatoa rei i te paito taanaki ku pula fuarei kiei. 21Muna atu rei koia kia ratou, “Mo taranga o te Pepa Tapu ne fakarongo ko kotou kiei nei ku au maori rei i te aso nei!”
22Koratou kaatoa ne araara laoi kiei, ma ku fereki ko aratou mauri ki ana taranga faka mate tino ne nai munakina. Koratou ne feesiri siri, “Siki koia te tama a Joseph?!”
23Muna atu rei koia kia koratou, “Kuou e kau iroa laoi rei kotou ka faka tautau kia kuou faka peeraa, ʻDoctorʼ ee, faka maroro maso ko kee. Ko kotou fokia ka mmuna mai kia kuou ke fai i toku noforanga a nea sokotasi kotou ne fakarongo kiei ne fai i Capernaum.” 24#Jon 4.44.Jesus muna rei fokia, “Kuou e faka ari atu kia kotou te maori: Siei se ʻprophetʼ ka faka afea ria i na kee noforanga.
25“Fakarongo mai kia kuou, e tonu rei, e tokarava nga tangi soa e fakaruru faka arofa e fare i Israel i vasia o Elijah. I vasia te ua se ne too ana tau e toru ma na marama e ono, kae te onge lasi ne mmori rei i te fenua kaatoa. 26Kae ko Elijah si se ne kau ke poi ki se nea i Israel, kae ne kau fuarei ke poi ki te tangi soa i Zarephath ia motu ngangea i Sidon.
27“Tera e tokarava rei te kano fenua e maua i te ngaengae tino para e fare i Israel i te vasia o Elisha te ʻprophetʼ. Kae siei pe koai ne faka maroro ria, kae ko Naaman fuarei te foi Syria.”
28Te kano fenua kaatoa i te paito taanaki ku makeri kiei i vasia koratou ne fakarongo faka peinei. 29Tera koratou ne turaki ake, tosi kese ko Jesus ki tua ma te taoni, kave rei ea ratou ki fongo maunga ne pena te ratou taoni iei, ke tureki koia ki te ngangea tiva tiva. 30Kae koia ne saere arei o poi i ratou vasia i rottonu o te kano fenua o poi kese ma koratou.
Te tangata e urufia ina e te atua pariki
(Mak 1.21–28)
31Tera ko Jesus ne poi ki Capernaum, te taoni i Galilee, i ngangea koia ne nai akona ria ko te kano fenua i te Aso e tapu. 32#Mat 7.28,29.Koratou kaatoa ku mmate ko aratou tino ki ana fakaako ranga, natafito koia e fakaako ma te manuu. 33I te paito taanaki te tangata e urufia ina e te atua pariki. Koia e tangi foorua ki runga, 34“Aee! A nia ma au e fifia kia matou, Jesus o Nazareth ee? Ko kee e au ke fai pariki komatou? Kuou e kau iroa atu pe ko kee koai: Ko kee te kave rongo tapu a Tupua!”
35Muna atu rei ko Jesus kiei, “Faka tturi! Au kese ma tangata naa!” Te atua pariki ne nai turekina ko tangata ia ratou mua, kae poi kese arei ma tangata, si se ne pakia.
36Te kano fenua kaatoa rei ku fepoikaki ma ne mumuna maso koratou, “A fai taranga koai? Te manuu ma te makeke o tangata nei e muna ki nga atua pariki, oomai arei ki tua!” 37Tera ko te rongo o Jesus ku kavea saere ia motu ngangea kaatoa ia noforanga.
Jesus e ikirave ki te kano fenua e tokarava
(Mat 8.14–17; Mak 1.29–34)
38Jesus ne poi kese i te paito taanaki, o poi ki te paito o Simon. Te nana fongoai o Simon e maatea rei na ngae ngae, tera koratou ne kaaisi kia Jesus ke sosoa kiei. 39Tera poi rei koia ki na vae meeranga, o muna ki te makariri ke poi kese, poi kese arei ko na makariri. Ma ne tuu ake arei te maatua fafine, o pena pena koa kai mo ratou.
40Ia tua te raa ku suki ki raro, faoa ratou soavaka e ngae ngae ia fai ngae ngae ne aumai kia Jesus; koia ne poo ana rima kia ratou taki tasi, tera ne nai faka maroro ria koratou. 41Nga atua pariki ku oomai kese mai te kano fenua e tokarava, e foorua, “Ko kee te Tama a Tupua!”
Jesus ne sori te taranga ki nga atua pariki, ma se ne nai tukuna ria ke mmuna pe ki nia, natafito e ratou iroa ina koia ko Christ, ko te Ariki Fakaroro.
Jesus e tuufaki i nga paito taanaki
(Mak 1.35–39)
42I te aso ne maarama, Jesus ne poi kese ma te taoni, o poi ki te ngangea e tuu amunoa. Te kano fenua ku tafito faara kiei. I te vasia ne ratou maua ria koia, ratou se ne fia tuku koia ke poi kese. 43Kae koia e muna atu kia ratou, “Kuou e fetau fangatasi ke araara faki rei ko te Rongo Laoi o te Kainanga o Tupua i rake taoni fokia, natafito teinei te ngangea Tupua ne nai kauna mai kau au o fai.”
44Tera koia ne tuufaki i nga paito taanaki o nga Jew ia ngangea kaatoa i Judea.
Iliyochaguliwa sasa
Luke 4: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Luke 4
4
Te titipea ranga o Jesus
(Mat 4.1–11; Mak 1.12–13)
1Jesus ku foki mai mai te Vai saria i Jordan, ku nofo riaina e te Mauri Tapu o Tupua, tera taki rei e te Mauri o Tupua ki te ngangea tulaavaki. 2Te ngangea ne titipea ina koia e te Atua Pariki e fua faa koa ana aso. Tera ia vasia, koia siei rei pe nia ma ana ne kai, ia tua ku faka oti iei koia ku fiakai.
3Tera muna atu rei ko te Atua Pariki, “Kae pe ko kee te Tama a Tupua, muna ki te fatu nei ke tafuri ki te preti.”
4Tongoi atu rei ko Jesus, “Te Pepa Tapu e muna: ‘Te tangata ka si se ora fuarei ia preti.’ ”
5Tera kkave rei e te Atua Pariki ko Jesus ki te ngangea maurunga, i vakanga faka ari atu arei kia koia koa kainanga kaatoa oa taangata nei. 6Ma e muna atu ko te Atua Pariki kia koia, “Ka sori atu kaatoa rei ea kuou ko te manuu ma te taufenua kaatoa rei. A nea nei ne sori mai kia kuou, ka kau soria pe kiai kuou e fifia kiei. 7Kae pe ko kee e fakaturou mai kia kuou, a nea kaatoa rei nei a au.”
8Tongoi atu rei ko Jesus, “Te Pepa Tapu e muna: ‘Fakaturou fuarei ki te Ariki tou Tupua, ma seka fuarei kia koia!’ ”
9Tera kkave rei koia e te Atua Pariki ki Jerusalem, tuku rei ea koia ki te ngangea maurunga i te Paito Tapu, o muna atu fokia kia koia, “Kae pe ko kee te tama a Tupua, faka too maso ko kee ki raro, 10natafito te Pepa Tapu e muna: ‘Tupua ka muna ki aana ʻangelʼ kia kee, 11ma ka ratou siko fia ko kee ki aratou rima, tera ou vae ka see pakia fokia ia fatu.’ ”
12Tongoi atu rei ko Jesus kiei, “E munaki fokia i te Pepa Tapu: Kau see tuku te Ariki Tapu, tou Tupua, ki te maataki.”
13Vasia ko te Atua Pariki ku faka oti ko ana titipea ranga kia Jesus ia fai riu ara katoa, ta poi kese arei koia ki tua mo vasia molakea.
Jesus e fakatafito ko ana fainga fekau i Galilee
(Mat 4.12–17; Mak 1.14–15)
14Tera ko Jesus ne foki ki Galilee ma te mana o te Mauri Tapu o Tupua ia koia. Na rongo ku kavea saere ia motu ngangea kaatoa rei. 15Tera koia tuufaki rei i ratou paito taanaki, ne faka puria e te kano fenua katoa rei.
Jesus se ne fifia kina ria i Nazareth
(Mat 13.53–58; Mak 6.1–6)
16Tera ko Jesus ne poi ki Nazareth, i ngangea koia ne somo iei. Tera i te Aso e tapu koia ne poi ki te paito taanaki oratou pe fai mau ea koia. Koia ne tokai ake ki runga ke tau ko te Pepa Tapu. 17Te Pepa a te ʻprophetʼ Isaiah ne soria kiei. Koia ne fuke o faara, mau rei te ngangea ne tusia ria:
18“Te Mauri o Tupua ia kuou,
natafito kuou ne nai faka patino ria ke kau tuufaki te Rongo Laoi ki te kano fenua e fakaruru faka arofa.
Koia ne kau mai kuou ke faka iro ko te tonu ki te faoa ne fakkiroa,
ma ke faka pula ko faoa mata sengi,
ke sosoa ki faoa lupea riaina,
19ma ke faka iro ko te vasia o te Ariki Tapu ka au o faka sao ko na kanoa fenua.”
20Tera ko Jesus sasai ko te Pepa, fokisaki rei ki te tangata fai fekau, kae nofo rei ki raro. A mata o te kano fenua kaatoa rei i te paito taanaki ku pula fuarei kiei. 21Muna atu rei koia kia ratou, “Mo taranga o te Pepa Tapu ne fakarongo ko kotou kiei nei ku au maori rei i te aso nei!”
22Koratou kaatoa ne araara laoi kiei, ma ku fereki ko aratou mauri ki ana taranga faka mate tino ne nai munakina. Koratou ne feesiri siri, “Siki koia te tama a Joseph?!”
23Muna atu rei koia kia koratou, “Kuou e kau iroa laoi rei kotou ka faka tautau kia kuou faka peeraa, ʻDoctorʼ ee, faka maroro maso ko kee. Ko kotou fokia ka mmuna mai kia kuou ke fai i toku noforanga a nea sokotasi kotou ne fakarongo kiei ne fai i Capernaum.” 24#Jon 4.44.Jesus muna rei fokia, “Kuou e faka ari atu kia kotou te maori: Siei se ʻprophetʼ ka faka afea ria i na kee noforanga.
25“Fakarongo mai kia kuou, e tonu rei, e tokarava nga tangi soa e fakaruru faka arofa e fare i Israel i vasia o Elijah. I vasia te ua se ne too ana tau e toru ma na marama e ono, kae te onge lasi ne mmori rei i te fenua kaatoa. 26Kae ko Elijah si se ne kau ke poi ki se nea i Israel, kae ne kau fuarei ke poi ki te tangi soa i Zarephath ia motu ngangea i Sidon.
27“Tera e tokarava rei te kano fenua e maua i te ngaengae tino para e fare i Israel i te vasia o Elisha te ʻprophetʼ. Kae siei pe koai ne faka maroro ria, kae ko Naaman fuarei te foi Syria.”
28Te kano fenua kaatoa i te paito taanaki ku makeri kiei i vasia koratou ne fakarongo faka peinei. 29Tera koratou ne turaki ake, tosi kese ko Jesus ki tua ma te taoni, kave rei ea ratou ki fongo maunga ne pena te ratou taoni iei, ke tureki koia ki te ngangea tiva tiva. 30Kae koia ne saere arei o poi i ratou vasia i rottonu o te kano fenua o poi kese ma koratou.
Te tangata e urufia ina e te atua pariki
(Mak 1.21–28)
31Tera ko Jesus ne poi ki Capernaum, te taoni i Galilee, i ngangea koia ne nai akona ria ko te kano fenua i te Aso e tapu. 32#Mat 7.28,29.Koratou kaatoa ku mmate ko aratou tino ki ana fakaako ranga, natafito koia e fakaako ma te manuu. 33I te paito taanaki te tangata e urufia ina e te atua pariki. Koia e tangi foorua ki runga, 34“Aee! A nia ma au e fifia kia matou, Jesus o Nazareth ee? Ko kee e au ke fai pariki komatou? Kuou e kau iroa atu pe ko kee koai: Ko kee te kave rongo tapu a Tupua!”
35Muna atu rei ko Jesus kiei, “Faka tturi! Au kese ma tangata naa!” Te atua pariki ne nai turekina ko tangata ia ratou mua, kae poi kese arei ma tangata, si se ne pakia.
36Te kano fenua kaatoa rei ku fepoikaki ma ne mumuna maso koratou, “A fai taranga koai? Te manuu ma te makeke o tangata nei e muna ki nga atua pariki, oomai arei ki tua!” 37Tera ko te rongo o Jesus ku kavea saere ia motu ngangea kaatoa ia noforanga.
Jesus e ikirave ki te kano fenua e tokarava
(Mat 8.14–17; Mak 1.29–34)
38Jesus ne poi kese i te paito taanaki, o poi ki te paito o Simon. Te nana fongoai o Simon e maatea rei na ngae ngae, tera koratou ne kaaisi kia Jesus ke sosoa kiei. 39Tera poi rei koia ki na vae meeranga, o muna ki te makariri ke poi kese, poi kese arei ko na makariri. Ma ne tuu ake arei te maatua fafine, o pena pena koa kai mo ratou.
40Ia tua te raa ku suki ki raro, faoa ratou soavaka e ngae ngae ia fai ngae ngae ne aumai kia Jesus; koia ne poo ana rima kia ratou taki tasi, tera ne nai faka maroro ria koratou. 41Nga atua pariki ku oomai kese mai te kano fenua e tokarava, e foorua, “Ko kee te Tama a Tupua!”
Jesus ne sori te taranga ki nga atua pariki, ma se ne nai tukuna ria ke mmuna pe ki nia, natafito e ratou iroa ina koia ko Christ, ko te Ariki Fakaroro.
Jesus e tuufaki i nga paito taanaki
(Mak 1.35–39)
42I te aso ne maarama, Jesus ne poi kese ma te taoni, o poi ki te ngangea e tuu amunoa. Te kano fenua ku tafito faara kiei. I te vasia ne ratou maua ria koia, ratou se ne fia tuku koia ke poi kese. 43Kae koia e muna atu kia ratou, “Kuou e fetau fangatasi ke araara faki rei ko te Rongo Laoi o te Kainanga o Tupua i rake taoni fokia, natafito teinei te ngangea Tupua ne nai kauna mai kau au o fai.”
44Tera koia ne tuufaki i nga paito taanaki o nga Jew ia ngangea kaatoa i Judea.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.