Luke 2
2
Te faanau anga o Jesus
(Mat 1.18–25)
1Ta i te vasia o te Empra o nga Roman ko Augustus ku faka fekau saere ki nga noforanga kaatoa e oono ko nga Roman iei, ke tau ko te kkapi o te kano fenua. 2Teinei te mataki vasia te tau anga o te kapi ne fai iei, vasia ko Quirinius ku fai te gavana o Syria. 3Tera, faoa kaatoa ku tasi oro ki aratou taoni ne afu mai iei o tusi aratou ingoa.
4Kae ko Joseph ne poi ki tua mai te taoni ko Nazareth i Galilee, poi rei ki te taoni e ati ko Bethlehem i Judea, te ngangea o David te Tii ne faanau iei. Ne poi ki Bethlehem natafito koia e afu mai ia David. 5Ne poi ki kuraa ke tusi ki raro a rau ingoa ma Mary, koia ne tongi ka avanga kiei, tera ko Mary ku nofo ma na manava. 6A rau mo vasia e fare i Bethlehem, iei te vasia fokia o Mary ke faanau tana memea. 7Koia ne faanau tana muaki tama, ne nai faka kafu ria kia suru e rii vakai i na tino, ma ne faka meeranga kia mauku o nga manu i te kumete, natafito siei ni mo ngangea mo ratou i te paito mannava.
Te faoa reo manu ma nga ʻangelʼ
8Ma i ngangea te faoa reo o nga sipi sipi e fare ia tofi mauku e piri piri mai, e oono ia ratou manu i te poo ai. 9Te ʻangelʼ o te Ariki, ne faka saa kia ratou, ma te taurekareka o te Ariki ne faka ata ria kia ratou ma koratou ku maatea rei ratou maattaku. 10Kae muna atu rei ko te ʻangelʼ, “Kau see maattaku. Kuou e aumai te Rongo Laoi kia kotou. Te Rongo laoi nei ka nai faia ria te kano fenua kaatoa ke maatea ratou mata mau. 11Te aso nei, i te taoni o David, te Faka sao ku faanau kia kotou. Koia ko te Ariki Fakaroro, ko Christ. 12Teinei te faka mailonga kia kotou: Ka kotou maua ria te memea e ruru kia suru, ma e faka meeranga kia mauku o nga manu.”
13Ma i mo vakanga te ngangea ku pii i nga ʻangelʼ o te vaerangi e pese fakapuu ki Tupua e mmuna,
14“Te taurekareka ki Tupua i na maurunga anga,
ma te roto mafora ki nga taangata Tupua e vaki vaki kiei.”
15Vasia o nga ʻangelʼ ku oro kese ma koratou ki te vaerangi, nga faoa reo manu ne fai taranga maso koratou, “Tatou oro ki Bethlehem ke ono pe nia ku faka saa ria iei te Ariki ku faka aria mai kia tatou nei.”
16Tera koratou ne oro faka vave, ratou maua ria ko Mary ma Joseph, ma ne ono ki te memea e meeranga kia mauku o nga manu. 17Vasia nga faoa reo ne ono kiei, koratou ne faka ari atu kia raua pe nia ma te ʻangelʼ ne araara faki atu kia ratou ki te tama nei. 18Ko faoa kaatoa ne fakarongo kiei, ku fereki ko aratou mauri kia taranga a faoa reo ne mmuna kia ratou. 19Kae ko Mary ne faka maanatu kaatoa rei kia nea nei, ma tana maanatu e maatea rei kiei. 20Nga faoa reo ne foki oro, e pese fakapuu ki Tupua kia nea kaatoa koratou ne ono ma ne fakarongo kiei, noko fakapera rei pe nia ma te ʻangelʼ ne faka ari atu kia ratou.
Te faka ingoa anga o Jesus
21 #
Luk 1.31. Ia tua oa foi aso e varu, ku oko te vasia te memea ka faka rau tangata, ma ne ati na ingoa ko Jesus, te ingoa rei a te ʻangelʼ ne sori i na vasia siki nofo ma na manava iei.
Jesus ku kave ki rota Paito Tapu
22Te vasia ku oko ko Joseph ma Mary ke kavaaki ko te faka kira anga tautari koa Fono a Moses ne sori atu ke fai. Koraua ne sau te memea ki Jerusalem ke sori ki Tupua, 23pe ne tusia riaina kia fono a Tupua:
“A muaki tama tangata kaatoa e faanau ake ke sori ki te Ariki Tapu.”
24Ma ke sori ke kavaaki kia tukunga ne munakina ia fono a Tupua:
“A manu a ʻdoveʼ e rua pe a rupe e rua.”
25I te vasiaa, te tangata i Jerusalem na ingoa ko Simeon, koia te tangata tonu maori o te rotu, ma koia ne fetari rei ke ono ki te tangata faka sao o nga Israel. Te Mauri Tapu o Tupua ia koia. 26Ma te Mauri o Tupua ne faka iro atu kiei, koia ka see mate, oko rei ki te vasia ku ono mata ki te Ariki Fakaroro ne faka iro mai e Tupua. 27Simeon ne poi ki rota Paito Tapu ne kavea e te Mauri o Tupua, vasia a maatua ne aumai te memea ko Jesus ke fai kiei koa tukunga oa Fono e faka ari. 28Simeon ne ruku ruku ko te memea ma ne faka ue ue ki Tupua:
29“Vasia nei, te Ariki ee,
tuku tau seka ke poi i te mafora pe ko kee ne tongi.
30Natafito ne kau ravea ina tau faka sao,
31iei ne kee pena ria ia mata o kano fenua kaatoa:
32ko te maarama ke ata ata ki te kano fenua fare pouri,
ma te taurekareka ki tou kano fenua nga Israel!”
33Te mmana ma te nana o punai memea ku fepoikaki kia taranga a Simeon e fai ki punai memea. 34Simeon ne nai fakatapu ria koraua, ma e muna atu kia Mary, na nana, “Te tama nei, ku faka patino riaina e Tupua ki te fai pariki tia ranga ma te faka saofia ranga o nga Israel. Koia te faka mailonga mai Tupua, kae tokarava rei te kano fenua ka toko kiei. 35Ma ka faka aria ki tua ko aratou atamai faka fufu. Ma te arofa ka fai pe te kai o te rautoro ka faia ria tou kee fatu manava ke maatea rei na faka arofa.”
36Te ʻprophetʼ te maatua vali vali, te tangi soa, na ingoa ko Anna te tama afine a Phanuel mai te kainanga o Asher. Koia ku maatua rei. Koia ne nofo ma na tangata rau tau e fitu ia tua rau avanga. 37Kae nofo raa te tangi soa oko rei ana tau fua varu ma faa. Koia e nofo arei i rota Paito Tapu te poo ma te ao, o fakaturou ki Tupua, e rotu ma e faka naa mangumangu. 38Koia ne au rei i mo vasia kia ratou, faka ue ue ki Tupua ma ne araara faki ko te tama kia ratou kaatoa e tari faki ki te faka sao ranga o Jerusalem.
39 #
Mat 2.23. Vasia o Joseph ma Mary ku fai fakkaatoa a nea ne taufau mai ia fono a Tupua, koraua ne foki ki rau taoni ko Nazareth i Galilee. 40Ma te tama ne faka somo ake, mata marooroo ma e makeke. Koia ne somo purotu, ma te manuu a Tupua ia koia.
Ko Jesus i rota Paito Tapu
41Nga tau katoa a maatua o Jesus e oro mau ki Jerusalem ki te Kai kai o te Faka sara anga. 42Vasia o Jesus ku fuanga furu ma rua ko ana tau, koratou ne oro ki te Kai kai o te Faka sara anga fai tautari ki aratou tukunga. 43Vasia o te Kai kai o te Faka sara anga ku oti iei, ana maatua ku foki ki ratou noforanga, kae ko Jesus ne nofo arei i Jerusalem, ana maatua see rau iroa ina. 44Koraua e maanatu rei, koia e kau fanonga ma ratou, tera koraua ku oro te aso katoa rei, ma e tafito o faara kiei ia ratou kanoa paito ma ratou soavaka. 45Se ne rau maua koia, tera foki arei koraua ki Jerusalem o faara kiei. 46I rau aso toru, rau maua koia i rota Paito Tapu, e nofo ma fakaako o nga Jew, e fakarongo ma e fesiri siri kia ratou. 47Faoa kaatoa ne fakarongo kiei, ku fereki ko aratou mauri ki na roto afe afe ma ana tongoi tongoi anga. 48Vasia ana maatua ne ono kiei, koraua ku mmate koa rau tino. Na nana ne muna atu kiei, “Taku tama ee, sea te atamai ne kee faia ria komaua faka peinei? Komaua ma tou mmana ku mmate rei ma e faka tuasaa o faara kia ko kee.”
49Tongoi atu rei koia kia raua, “Sea te atamai korua e faara kia kuou? Ea, see koru iroa ina, kuou e fai ke nofo tonu i te paito o toku Mmana?” 50Kae si see rau iroa ina pe nia ma ana e muna atu kiei.
51Tera foki arei ko Jesus oro koratou ki Nazareth i ngangea koia ku tautari kia raua. Na nana ku tuku koa nea kaatoa i na fatu manava. 52Tera ko Jesus ne somo ake ma na tino ma na mata purotu, ma ku fakaperea e Tupua ma te kano fenua.
Iliyochaguliwa sasa
Luke 2: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Luke 2
2
Te faanau anga o Jesus
(Mat 1.18–25)
1Ta i te vasia o te Empra o nga Roman ko Augustus ku faka fekau saere ki nga noforanga kaatoa e oono ko nga Roman iei, ke tau ko te kkapi o te kano fenua. 2Teinei te mataki vasia te tau anga o te kapi ne fai iei, vasia ko Quirinius ku fai te gavana o Syria. 3Tera, faoa kaatoa ku tasi oro ki aratou taoni ne afu mai iei o tusi aratou ingoa.
4Kae ko Joseph ne poi ki tua mai te taoni ko Nazareth i Galilee, poi rei ki te taoni e ati ko Bethlehem i Judea, te ngangea o David te Tii ne faanau iei. Ne poi ki Bethlehem natafito koia e afu mai ia David. 5Ne poi ki kuraa ke tusi ki raro a rau ingoa ma Mary, koia ne tongi ka avanga kiei, tera ko Mary ku nofo ma na manava. 6A rau mo vasia e fare i Bethlehem, iei te vasia fokia o Mary ke faanau tana memea. 7Koia ne faanau tana muaki tama, ne nai faka kafu ria kia suru e rii vakai i na tino, ma ne faka meeranga kia mauku o nga manu i te kumete, natafito siei ni mo ngangea mo ratou i te paito mannava.
Te faoa reo manu ma nga ʻangelʼ
8Ma i ngangea te faoa reo o nga sipi sipi e fare ia tofi mauku e piri piri mai, e oono ia ratou manu i te poo ai. 9Te ʻangelʼ o te Ariki, ne faka saa kia ratou, ma te taurekareka o te Ariki ne faka ata ria kia ratou ma koratou ku maatea rei ratou maattaku. 10Kae muna atu rei ko te ʻangelʼ, “Kau see maattaku. Kuou e aumai te Rongo Laoi kia kotou. Te Rongo laoi nei ka nai faia ria te kano fenua kaatoa ke maatea ratou mata mau. 11Te aso nei, i te taoni o David, te Faka sao ku faanau kia kotou. Koia ko te Ariki Fakaroro, ko Christ. 12Teinei te faka mailonga kia kotou: Ka kotou maua ria te memea e ruru kia suru, ma e faka meeranga kia mauku o nga manu.”
13Ma i mo vakanga te ngangea ku pii i nga ʻangelʼ o te vaerangi e pese fakapuu ki Tupua e mmuna,
14“Te taurekareka ki Tupua i na maurunga anga,
ma te roto mafora ki nga taangata Tupua e vaki vaki kiei.”
15Vasia o nga ʻangelʼ ku oro kese ma koratou ki te vaerangi, nga faoa reo manu ne fai taranga maso koratou, “Tatou oro ki Bethlehem ke ono pe nia ku faka saa ria iei te Ariki ku faka aria mai kia tatou nei.”
16Tera koratou ne oro faka vave, ratou maua ria ko Mary ma Joseph, ma ne ono ki te memea e meeranga kia mauku o nga manu. 17Vasia nga faoa reo ne ono kiei, koratou ne faka ari atu kia raua pe nia ma te ʻangelʼ ne araara faki atu kia ratou ki te tama nei. 18Ko faoa kaatoa ne fakarongo kiei, ku fereki ko aratou mauri kia taranga a faoa reo ne mmuna kia ratou. 19Kae ko Mary ne faka maanatu kaatoa rei kia nea nei, ma tana maanatu e maatea rei kiei. 20Nga faoa reo ne foki oro, e pese fakapuu ki Tupua kia nea kaatoa koratou ne ono ma ne fakarongo kiei, noko fakapera rei pe nia ma te ʻangelʼ ne faka ari atu kia ratou.
Te faka ingoa anga o Jesus
21 #
Luk 1.31. Ia tua oa foi aso e varu, ku oko te vasia te memea ka faka rau tangata, ma ne ati na ingoa ko Jesus, te ingoa rei a te ʻangelʼ ne sori i na vasia siki nofo ma na manava iei.
Jesus ku kave ki rota Paito Tapu
22Te vasia ku oko ko Joseph ma Mary ke kavaaki ko te faka kira anga tautari koa Fono a Moses ne sori atu ke fai. Koraua ne sau te memea ki Jerusalem ke sori ki Tupua, 23pe ne tusia riaina kia fono a Tupua:
“A muaki tama tangata kaatoa e faanau ake ke sori ki te Ariki Tapu.”
24Ma ke sori ke kavaaki kia tukunga ne munakina ia fono a Tupua:
“A manu a ʻdoveʼ e rua pe a rupe e rua.”
25I te vasiaa, te tangata i Jerusalem na ingoa ko Simeon, koia te tangata tonu maori o te rotu, ma koia ne fetari rei ke ono ki te tangata faka sao o nga Israel. Te Mauri Tapu o Tupua ia koia. 26Ma te Mauri o Tupua ne faka iro atu kiei, koia ka see mate, oko rei ki te vasia ku ono mata ki te Ariki Fakaroro ne faka iro mai e Tupua. 27Simeon ne poi ki rota Paito Tapu ne kavea e te Mauri o Tupua, vasia a maatua ne aumai te memea ko Jesus ke fai kiei koa tukunga oa Fono e faka ari. 28Simeon ne ruku ruku ko te memea ma ne faka ue ue ki Tupua:
29“Vasia nei, te Ariki ee,
tuku tau seka ke poi i te mafora pe ko kee ne tongi.
30Natafito ne kau ravea ina tau faka sao,
31iei ne kee pena ria ia mata o kano fenua kaatoa:
32ko te maarama ke ata ata ki te kano fenua fare pouri,
ma te taurekareka ki tou kano fenua nga Israel!”
33Te mmana ma te nana o punai memea ku fepoikaki kia taranga a Simeon e fai ki punai memea. 34Simeon ne nai fakatapu ria koraua, ma e muna atu kia Mary, na nana, “Te tama nei, ku faka patino riaina e Tupua ki te fai pariki tia ranga ma te faka saofia ranga o nga Israel. Koia te faka mailonga mai Tupua, kae tokarava rei te kano fenua ka toko kiei. 35Ma ka faka aria ki tua ko aratou atamai faka fufu. Ma te arofa ka fai pe te kai o te rautoro ka faia ria tou kee fatu manava ke maatea rei na faka arofa.”
36Te ʻprophetʼ te maatua vali vali, te tangi soa, na ingoa ko Anna te tama afine a Phanuel mai te kainanga o Asher. Koia ku maatua rei. Koia ne nofo ma na tangata rau tau e fitu ia tua rau avanga. 37Kae nofo raa te tangi soa oko rei ana tau fua varu ma faa. Koia e nofo arei i rota Paito Tapu te poo ma te ao, o fakaturou ki Tupua, e rotu ma e faka naa mangumangu. 38Koia ne au rei i mo vasia kia ratou, faka ue ue ki Tupua ma ne araara faki ko te tama kia ratou kaatoa e tari faki ki te faka sao ranga o Jerusalem.
39 #
Mat 2.23. Vasia o Joseph ma Mary ku fai fakkaatoa a nea ne taufau mai ia fono a Tupua, koraua ne foki ki rau taoni ko Nazareth i Galilee. 40Ma te tama ne faka somo ake, mata marooroo ma e makeke. Koia ne somo purotu, ma te manuu a Tupua ia koia.
Ko Jesus i rota Paito Tapu
41Nga tau katoa a maatua o Jesus e oro mau ki Jerusalem ki te Kai kai o te Faka sara anga. 42Vasia o Jesus ku fuanga furu ma rua ko ana tau, koratou ne oro ki te Kai kai o te Faka sara anga fai tautari ki aratou tukunga. 43Vasia o te Kai kai o te Faka sara anga ku oti iei, ana maatua ku foki ki ratou noforanga, kae ko Jesus ne nofo arei i Jerusalem, ana maatua see rau iroa ina. 44Koraua e maanatu rei, koia e kau fanonga ma ratou, tera koraua ku oro te aso katoa rei, ma e tafito o faara kiei ia ratou kanoa paito ma ratou soavaka. 45Se ne rau maua koia, tera foki arei koraua ki Jerusalem o faara kiei. 46I rau aso toru, rau maua koia i rota Paito Tapu, e nofo ma fakaako o nga Jew, e fakarongo ma e fesiri siri kia ratou. 47Faoa kaatoa ne fakarongo kiei, ku fereki ko aratou mauri ki na roto afe afe ma ana tongoi tongoi anga. 48Vasia ana maatua ne ono kiei, koraua ku mmate koa rau tino. Na nana ne muna atu kiei, “Taku tama ee, sea te atamai ne kee faia ria komaua faka peinei? Komaua ma tou mmana ku mmate rei ma e faka tuasaa o faara kia ko kee.”
49Tongoi atu rei koia kia raua, “Sea te atamai korua e faara kia kuou? Ea, see koru iroa ina, kuou e fai ke nofo tonu i te paito o toku Mmana?” 50Kae si see rau iroa ina pe nia ma ana e muna atu kiei.
51Tera foki arei ko Jesus oro koratou ki Nazareth i ngangea koia ku tautari kia raua. Na nana ku tuku koa nea kaatoa i na fatu manava. 52Tera ko Jesus ne somo ake ma na tino ma na mata purotu, ma ku fakaperea e Tupua ma te kano fenua.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.