यूहन्ना 18
18
यीसु नै पकड़णौ
(मती 26:47–56; मरकुस 14:43–50; लूका 22:47–53)
1यीसु ऐ बातां कैयनै आपरै चेलौ रै साथै किदरोन नाळे रै उण पार गिया। उठै एक बगीचों हो, जिण में वो अर उणरा चेला गिया।
2उणौ नै धोखे ऊं पकड़ाणै वाळौ यहूदा ई इण जगा नै जांणतौ हो, क्यूंकै यीसु आपरै चेलौ रै साथै उठै जाया करतौ हो। 3तो यहूदा, रोमी सैनिकों री एक पलटन नै अर परधान याजकौ अर फरीसियों री तरफ ऊं भेज्या सेवकों रै साथै लालटेनो, मसालों अर हथियारों नै लेयनै उठै आया।
4तद यीसु, नै तो पको ठाह हो के उण साथै कांई होवण वाळौ है वांरै ऊं मिलण खातर वो आगै आया अर पूछयौ, “किणनै सौधौ हो?”
5उणौ यीसु नै जबाब दियौ, “यीसु नासरी नै।”
यीसु कयौ, “वो म्हैं इज हूं।”
अर यीसु नै धोखे ऊं पकड़ाणै वाळौ यहूदा ई उणौ रै साथै ऊभौ हो। 6यीसु ओ कैवतै ही, “वो म्हैं इज हूं,” वे सगळा लारै सिरकने जमीं माथै पड़ग्या।
7तद यीसु वळै उणौनै पूछयौ, “थै किणनै सौधौ हो?”
वे बोलया, “यीसु नासरी नै।”
8यीसु जबाब दियौ, “म्हैं तो थोरै ऊं कैह चुकयो हूं की वो म्हैं इज हूं। जे म्हनै सौधौ हो तो इणानै जावण दो।” 9ओ इण वास्तै होयौ, की वो वचन पूरौ होवै, जिकौ उणै कयौ हो, की “जिकौ थै म्हनै दियौ, उणमे ऊं म्हैं एक नै ई कोनीं नास होणै दियौ।”
10तद समौन पतरस नै तरवार, जिकौ उणरै खनै ही, बारै काढ़ी अर महायाजक रै नौकर रौ जीमणौ कांन काट दियौ। उण नौकर रौ नाम मलखुस हो।
11 #
मत 26:39; मरकु 14:36; लूक 22:42 तो यीसु पतरस नै कयौ, “थूं थांरी तरवार नै म्यांन मांय घाल दे। जिकौ दुख रौ कटोरो पिता म्हनै दियौ है, कांई म्हैं उणै नीं पीवूं?”
12तद रोमी सिपाई, वांरा सूबेदार अर यहूदियो रा सेवक, यीसु नै पकड़नै बांध दियौ। 13अर पैला वे उणनै हन्ना रै खनै लेन गिया, जिकौ वो उण साल रौ महायाजक काइफा रौ ससुर हो। 14#यूह 11:49,50ओ वोहीज काइफा हो, जिकौ यहूदी नेता नै समझाया हा के, “सगळौ रै खातर एक मिनख रौ मरणौ ठीक है।”
पतरस रौ मना करणौ
(मती 26:69,70; मरकुस 14:66–68; लूका 22:55–57)
15समौन पतरस, अर एक चेलौ ई यीसु रै लारै वहीर हो गियो। ओ चेलौ महायाजक रै जांण-पिछांण वाळौ हो, अर यीसु रै साथै महायाजक रै आंगणै में गियौ। 16पण पतरस बारै बारणा माथै ऊभौ रियौ। तो वो दूजै चेले जिकौ महायाजक री जांण पिछांण वाळौ हो, बारै निकळनै, पोरैदारणी ऊं कैय, पतरस नै मांय लेयनै आयौ।
17वां दासी जिकौ पोरैदारणी ही, पतरस नै पूछयौ, “कांई थूं भी इण मिनख रै चेलौ मांय ऊं तो कोनीं है?”
उणै कयौ, “म्हैं कोनीं हूं।”
18उण वेळा सियाळौ हो, इण खातर पोरैदार अर घर रा नौकर अग्नि सळगायनै ताप रिया हा। पतरस ई उणारै साथै ऊभौ ताप रियौ हो।
महायाजक यीसु ऊं पूछताछ की
(मती 26:59–66; मरकुस 14:55–64; लूका 22:66–71)
19तद महायाजक यीसु ऊं उणरै चेलौ रै बारै में अर उणरै उपदेस रै बारै में पूछताछ किनी।
20यीसु उणौनै जबाब दियौ, “म्हैं संसार ऊं खुलनै बातां किनी। म्हैं मिंदर अर पराथना घरो में, जठै सैंग यहूदी भेळा होया करता हा, उठै हमेसां उपदेस दियौ। अर छांनै में कीं नीं कयौ हो। 21थूं म्हारै ऊं क्यूं पूछै? सुणणै वाळौ ऊं पूछ, की म्हैं उणौ नै कांई कयौ। वे जांणै है, की म्हैं कांई कांई कयौ?”
22जद यीसु ओ कयौ, तो सेवकों में ऊं एक जिकौ नैड़ौ ऊभौ हो, यीसु रै थप्पड़ ठोकनै कयौ, “कांई थूं महायाजक नै इण तरैह जबाब दैवै है?”
23यीसु उणनै जबाब दियौ, “जे म्हैं गळत कयौ, तो गळती बता दो। अर जे ठीक कयौ, तो म्हनै क्यूं ठोकौ हो?” 24तद हन्ना, यीसु नै बांधयोड़ौ ई महायाजक काइफा रै खनै भेज दियौ।
पतरस रौ वळै मना करणौ
(मती 26:71–75; मरकुस 14:69–72; लूका 22:58–62)
25समौन पतरस ऊभौ ताप रियौ हो। तो वे उणनै पूछयौ, “कांई थूं ई उणरै चेलौ में ऊं तो कोनीं है?”
उणै मना करनै कयौ, “म्हैं कोनीं हूं।”
26पण महायाजक रै दासो में ऊं एक, जिकौ उणरै परिवार मांय ऊं हो जिणरौ कांन पतरस काट दियौ हो, बोल्यौ, “कांई म्हैं थनै यीसु रै साथै बगीचें मांय कोनीं देख्यौ हो?” 27पतरस वळै नटगो, अर उणीज वेळा कुंकड़े बांग दीनी।
यीसु नै पिलातुस रै सांम्ही हाजर करणौ
(मती 27:1,2,11–14; मरकुस 15:1–5; लूका 23:1–5)
28तो वे यीसु नै काइफा रै खनै ऊं किले लेन गिया, अर दिन उगै री वेळा ही, पण वे आप किले रै मांय कोनीं गिया ताकी असुद्ध नीं होवै, पण फसह खा सकै। 29तो पिलातुस उणरै खनै बारै निकळ आयौ अर कयौ, “थै इण मिनख माथै कीण बात रौ दोसण लगावो हो?”
30वे उणनै जबाब दियौ, “जे ओ गुनेगार नीं व्हैतौ तो म्हैं इणनै थांनै कोनीं सूंपता।”
31पिलातुस उणौनै कयौ, “थै इज इणनै ले जायनै थोरै कायदा रै अनुसार इणरौ न्याव करौ।”
यहूदियो उणनै कयौ, “म्हौ नै हक नीं है की किणी रौ प्रांण लौ।” 32#यूह 3:14; 12:32इण ऊं यीसु री आ भविसयवांणी पूरी होई के वांरी मौत कीण तरीकै ऊं व्हैला।
33तो वळै पिलातुस किले मांय गियौ, अर यीसु नै बुलायनै उणनै पूछयौ, “कांई थूं यहूदियो रौ राजा है?”
34यीसु जबाब दियौ, “कांई थूं आ बात खुद री तरफ ऊं कैवै या दूजौ म्हारै बारै में थारै ऊं केई है?”
35पिलातुस जबाब दियौ, “कांई म्हैं यहूदी हूं? थारै देस रा लोग अर परधान याजकौ थनै म्हारै हाथ सूंपयौ है। थै कांई करयौ है?”
36यीसु जबाब दियौ, “म्हारौ राज इण संसार रौ कोनीं। जे म्हारौ राज इण संसार रौ व्हैतौ, तो म्हारा सेवक लड़ता, अर म्हनै यहूदियो रै हाथो में नीं सूंपता। पण म्हारौ राज अठै रौ कोनीं।”
37पिलातुस यीसु नै कयौ, “तो कांई थूं राजा है?”
यीसु जबाब दियौ, “थूं कैवै है की म्हैं राजा हूं। म्हैं इण वास्तै जनम लियौ, अर इण वास्तै संसार मांय आयौ हूं के म्हैं सचाई री गवाई दूं। जे कोई सचाई ऊं परैम राखै, वो म्हारौ सबद सुणै है।”
38पिलातुस यीसु नै कयौ, “सचाई कांई है?”
मौत रौ हुकम
(मती 27:15–31; मरकुस 15:6–20; लूका 23:13–25)
ओ कैन पछै पिलातुस पाछौ यहूदियो रै खनै बारै आयौ अर उणौनै कयौ, “म्हैं तो उणमे कीं दोस कोनीं देखूं। 39पण थांरी आ रीत है की म्हैं फसह में थोरै वास्तै एक मिनख नै छोड़ दूं। आखरी थै कांई चावौ की म्हैं थोरै वास्तै ‘यहूदियो रै राजा’ नै छोड़ दूं?”
40पण वे वळै हाका करनै कयौ, “इणनै कोनीं, पण म्हौ रै वास्तै बरअब्बा नै छोड़ दो।” अर बरअब्बा एक डाकू हो।
Iliyochaguliwa sasa
यूहन्ना 18: RWR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© NLCI CC BY-NC-ND 4.0
यूहन्ना 18
18
यीसु नै पकड़णौ
(मती 26:47–56; मरकुस 14:43–50; लूका 22:47–53)
1यीसु ऐ बातां कैयनै आपरै चेलौ रै साथै किदरोन नाळे रै उण पार गिया। उठै एक बगीचों हो, जिण में वो अर उणरा चेला गिया।
2उणौ नै धोखे ऊं पकड़ाणै वाळौ यहूदा ई इण जगा नै जांणतौ हो, क्यूंकै यीसु आपरै चेलौ रै साथै उठै जाया करतौ हो। 3तो यहूदा, रोमी सैनिकों री एक पलटन नै अर परधान याजकौ अर फरीसियों री तरफ ऊं भेज्या सेवकों रै साथै लालटेनो, मसालों अर हथियारों नै लेयनै उठै आया।
4तद यीसु, नै तो पको ठाह हो के उण साथै कांई होवण वाळौ है वांरै ऊं मिलण खातर वो आगै आया अर पूछयौ, “किणनै सौधौ हो?”
5उणौ यीसु नै जबाब दियौ, “यीसु नासरी नै।”
यीसु कयौ, “वो म्हैं इज हूं।”
अर यीसु नै धोखे ऊं पकड़ाणै वाळौ यहूदा ई उणौ रै साथै ऊभौ हो। 6यीसु ओ कैवतै ही, “वो म्हैं इज हूं,” वे सगळा लारै सिरकने जमीं माथै पड़ग्या।
7तद यीसु वळै उणौनै पूछयौ, “थै किणनै सौधौ हो?”
वे बोलया, “यीसु नासरी नै।”
8यीसु जबाब दियौ, “म्हैं तो थोरै ऊं कैह चुकयो हूं की वो म्हैं इज हूं। जे म्हनै सौधौ हो तो इणानै जावण दो।” 9ओ इण वास्तै होयौ, की वो वचन पूरौ होवै, जिकौ उणै कयौ हो, की “जिकौ थै म्हनै दियौ, उणमे ऊं म्हैं एक नै ई कोनीं नास होणै दियौ।”
10तद समौन पतरस नै तरवार, जिकौ उणरै खनै ही, बारै काढ़ी अर महायाजक रै नौकर रौ जीमणौ कांन काट दियौ। उण नौकर रौ नाम मलखुस हो।
11 #
मत 26:39; मरकु 14:36; लूक 22:42 तो यीसु पतरस नै कयौ, “थूं थांरी तरवार नै म्यांन मांय घाल दे। जिकौ दुख रौ कटोरो पिता म्हनै दियौ है, कांई म्हैं उणै नीं पीवूं?”
12तद रोमी सिपाई, वांरा सूबेदार अर यहूदियो रा सेवक, यीसु नै पकड़नै बांध दियौ। 13अर पैला वे उणनै हन्ना रै खनै लेन गिया, जिकौ वो उण साल रौ महायाजक काइफा रौ ससुर हो। 14#यूह 11:49,50ओ वोहीज काइफा हो, जिकौ यहूदी नेता नै समझाया हा के, “सगळौ रै खातर एक मिनख रौ मरणौ ठीक है।”
पतरस रौ मना करणौ
(मती 26:69,70; मरकुस 14:66–68; लूका 22:55–57)
15समौन पतरस, अर एक चेलौ ई यीसु रै लारै वहीर हो गियो। ओ चेलौ महायाजक रै जांण-पिछांण वाळौ हो, अर यीसु रै साथै महायाजक रै आंगणै में गियौ। 16पण पतरस बारै बारणा माथै ऊभौ रियौ। तो वो दूजै चेले जिकौ महायाजक री जांण पिछांण वाळौ हो, बारै निकळनै, पोरैदारणी ऊं कैय, पतरस नै मांय लेयनै आयौ।
17वां दासी जिकौ पोरैदारणी ही, पतरस नै पूछयौ, “कांई थूं भी इण मिनख रै चेलौ मांय ऊं तो कोनीं है?”
उणै कयौ, “म्हैं कोनीं हूं।”
18उण वेळा सियाळौ हो, इण खातर पोरैदार अर घर रा नौकर अग्नि सळगायनै ताप रिया हा। पतरस ई उणारै साथै ऊभौ ताप रियौ हो।
महायाजक यीसु ऊं पूछताछ की
(मती 26:59–66; मरकुस 14:55–64; लूका 22:66–71)
19तद महायाजक यीसु ऊं उणरै चेलौ रै बारै में अर उणरै उपदेस रै बारै में पूछताछ किनी।
20यीसु उणौनै जबाब दियौ, “म्हैं संसार ऊं खुलनै बातां किनी। म्हैं मिंदर अर पराथना घरो में, जठै सैंग यहूदी भेळा होया करता हा, उठै हमेसां उपदेस दियौ। अर छांनै में कीं नीं कयौ हो। 21थूं म्हारै ऊं क्यूं पूछै? सुणणै वाळौ ऊं पूछ, की म्हैं उणौ नै कांई कयौ। वे जांणै है, की म्हैं कांई कांई कयौ?”
22जद यीसु ओ कयौ, तो सेवकों में ऊं एक जिकौ नैड़ौ ऊभौ हो, यीसु रै थप्पड़ ठोकनै कयौ, “कांई थूं महायाजक नै इण तरैह जबाब दैवै है?”
23यीसु उणनै जबाब दियौ, “जे म्हैं गळत कयौ, तो गळती बता दो। अर जे ठीक कयौ, तो म्हनै क्यूं ठोकौ हो?” 24तद हन्ना, यीसु नै बांधयोड़ौ ई महायाजक काइफा रै खनै भेज दियौ।
पतरस रौ वळै मना करणौ
(मती 26:71–75; मरकुस 14:69–72; लूका 22:58–62)
25समौन पतरस ऊभौ ताप रियौ हो। तो वे उणनै पूछयौ, “कांई थूं ई उणरै चेलौ में ऊं तो कोनीं है?”
उणै मना करनै कयौ, “म्हैं कोनीं हूं।”
26पण महायाजक रै दासो में ऊं एक, जिकौ उणरै परिवार मांय ऊं हो जिणरौ कांन पतरस काट दियौ हो, बोल्यौ, “कांई म्हैं थनै यीसु रै साथै बगीचें मांय कोनीं देख्यौ हो?” 27पतरस वळै नटगो, अर उणीज वेळा कुंकड़े बांग दीनी।
यीसु नै पिलातुस रै सांम्ही हाजर करणौ
(मती 27:1,2,11–14; मरकुस 15:1–5; लूका 23:1–5)
28तो वे यीसु नै काइफा रै खनै ऊं किले लेन गिया, अर दिन उगै री वेळा ही, पण वे आप किले रै मांय कोनीं गिया ताकी असुद्ध नीं होवै, पण फसह खा सकै। 29तो पिलातुस उणरै खनै बारै निकळ आयौ अर कयौ, “थै इण मिनख माथै कीण बात रौ दोसण लगावो हो?”
30वे उणनै जबाब दियौ, “जे ओ गुनेगार नीं व्हैतौ तो म्हैं इणनै थांनै कोनीं सूंपता।”
31पिलातुस उणौनै कयौ, “थै इज इणनै ले जायनै थोरै कायदा रै अनुसार इणरौ न्याव करौ।”
यहूदियो उणनै कयौ, “म्हौ नै हक नीं है की किणी रौ प्रांण लौ।” 32#यूह 3:14; 12:32इण ऊं यीसु री आ भविसयवांणी पूरी होई के वांरी मौत कीण तरीकै ऊं व्हैला।
33तो वळै पिलातुस किले मांय गियौ, अर यीसु नै बुलायनै उणनै पूछयौ, “कांई थूं यहूदियो रौ राजा है?”
34यीसु जबाब दियौ, “कांई थूं आ बात खुद री तरफ ऊं कैवै या दूजौ म्हारै बारै में थारै ऊं केई है?”
35पिलातुस जबाब दियौ, “कांई म्हैं यहूदी हूं? थारै देस रा लोग अर परधान याजकौ थनै म्हारै हाथ सूंपयौ है। थै कांई करयौ है?”
36यीसु जबाब दियौ, “म्हारौ राज इण संसार रौ कोनीं। जे म्हारौ राज इण संसार रौ व्हैतौ, तो म्हारा सेवक लड़ता, अर म्हनै यहूदियो रै हाथो में नीं सूंपता। पण म्हारौ राज अठै रौ कोनीं।”
37पिलातुस यीसु नै कयौ, “तो कांई थूं राजा है?”
यीसु जबाब दियौ, “थूं कैवै है की म्हैं राजा हूं। म्हैं इण वास्तै जनम लियौ, अर इण वास्तै संसार मांय आयौ हूं के म्हैं सचाई री गवाई दूं। जे कोई सचाई ऊं परैम राखै, वो म्हारौ सबद सुणै है।”
38पिलातुस यीसु नै कयौ, “सचाई कांई है?”
मौत रौ हुकम
(मती 27:15–31; मरकुस 15:6–20; लूका 23:13–25)
ओ कैन पछै पिलातुस पाछौ यहूदियो रै खनै बारै आयौ अर उणौनै कयौ, “म्हैं तो उणमे कीं दोस कोनीं देखूं। 39पण थांरी आ रीत है की म्हैं फसह में थोरै वास्तै एक मिनख नै छोड़ दूं। आखरी थै कांई चावौ की म्हैं थोरै वास्तै ‘यहूदियो रै राजा’ नै छोड़ दूं?”
40पण वे वळै हाका करनै कयौ, “इणनै कोनीं, पण म्हौ रै वास्तै बरअब्बा नै छोड़ दो।” अर बरअब्बा एक डाकू हो।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© NLCI CC BY-NC-ND 4.0