1 कुरिन्थियो 16
16
विसवासियो रै लियै दांन
1 #
रोमि 15:25,26 अबार उण चन्दे रै बारै में जिकौ यहूदिया परदेस रै परमेसर रै लोगां रै लियै कियो जावै है, जैड़ी आग्या म्हैं गलातिया परदेस री कलीसियाओ नै दी, वैड़ौ ही थै भी करौ। 2हरैक हपतै रै पैलै दिन थौरे में ऊं हरैक अपणी आवक रै अनुसार कईक आपरै खनै राख छोड़ै, की म्हारै आवण पे थांनै चन्दो भेळौ नीं करणौ पड़ै। 3अर जद म्हैं आऊंला, तो जिणनै थै चावौ ला उणौनै म्हैं चिठ्ठियो देयनै भेज दूंला, की थौरो दांन यरुसलेम पूगा दे। 4अर जे म्हारौ भी जावणौ सही होयौ, तो वे म्हारै साथै जावैला।
पौलुस री यात्रा
5 #
प्रेरि 19:21
म्हैं मकिदुनिया होयनै थौरे खनै आऊंला, क्यूंकै म्हनै मकिदुनिया होयनै जावणौ ही है। 6जे हो सकै, तो म्हैं आपरै उठै कीं दिनां तांई रैवूंला अर सरदी रौ मौसम में थौरे उठै रैवूं, तद जिण तरफ म्हारौ जावणौ हो उण तरफ थै म्हनै सुविधा रै साथै विदा कर दैणौ। 7क्यूंकै म्हैं नीं चावूं की थौरे ऊं कैवल चालतो-चालतो मिळूं। पण म्हनै आसा है की जे परभु चावै तो कीं वगत तांई थौरे साथै रैवूंला। 8#प्रेरि 19:8–10पण म्हैं पिन्तेकुस्त तैंवार तांई एठैज इफिसुस में रैवूंला, 9क्यूंकै म्हारै वास्तै उठै एक मोटो अर उपयोगी सेवा रौ द्धार खुलयो है, अर उठै म्हारा कई विरोधी भी है।
10 #
1 कुरि 4:17
जद तीमुथियुस थौरे खनै आ जावै, तो देखणौ की वो थौरे एठै बेखौफ रैवै। क्यूंकै वो म्हारै जैड़ौ परभु रौ कांम करै है। 11इण वास्तै कोई उणनै तुच्छ नीं जांणै, पण उणनै खुसी ऊं इण तरफ पूगा दीजौ की म्हारै खनै आ जावै। क्यूंकै म्हैं उणरी बाट जोह रियौ हूं की वो विसवासी भाइयो रै साथै आवै। 12भाई अपुल्लोस ऊं म्हैं घणी विनती करी की भाइयो रै साथै थौरे खनै आवै। पण उणनै इण वगत जावण री कीं भी इछा नीं की, पण जद मौकौ मिळैला तो आ जावैला।
आखरी आदेस
13जागता रैवौ, विसवास में पका रैवौ, बेखौफ रैवौ, ताकतवर होवो। 14जिकौ कीं करौ परैम ऊं करौ।
15 #
1 कुरि 1:16
हे विसवासी भाइयो, थै स्तिफनास रै घराणै नै जांणौ हो की वे अखया परदेस रौ पैलौ फळ है। अर परमेसर रै लोगां री सेवा रै लियै तैयार रैवै है। 16इण वास्तै म्हैं थौरे ऊं विनती करूं हूं की ऐड़ै लोगां रै अधीन रैवौ, बल्कि हरैक रै जिकौ इण कांम में मेहनती अर सहायक है।
17म्हैं स्तिफनास अर फूरतूनातुस अर अखइकुस रै आवण ऊं खुस हूं, क्यूंकै थौरी तरफ ऊं जिकौ कमी ही, वो पूरी होयगी। 18उणौनै म्हारै अर थौरे मन री चिंता नै आगी कर दी। आप ऐड़ै लोगां रौ कदर करौ। 19#प्रेरि 18:2आसिया री कलीसियाओ री तरफ ऊं थांनै नमस्कार। अक्किला अर प्रिस्का रौ अर उणरै घर री कलीसिया रौ भी थांनै परभु में घणा न घणा नमस्कार। 20एठै रा सगळै भाइयो रौ थांनै नमस्कार। हाथ मिळान आपस में नमस्कार करौ।
21म्हैं खुद पौलुस अपणै हाथ ऊं नमस्कार लिखूं हूं। 22जे कोई परभु ऊं परैम नीं राखै तो वो सापित हो।
हे म्हौरै परभु, आ।
23परभु यीसु री करपा थांरै माथै होती रैवै।
24म्हारौ परैम मसीह यीसु में थांरै सगळौ रै साथै रै।
Iliyochaguliwa sasa
1 कुरिन्थियो 16: RWR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© NLCI CC BY-NC-ND 4.0