Bikoluwa ndia Bhakwenda 8
8
1Saulo abhi̱ ka bemoti̱ ndibha bhabhala eti bhamuole Sitefano.
Saulo naki̱bhu̱eni̱sa bhu̱su̱ bhai̱ki̱li̱za
Ka tolo injo, bhai̱ki̱li̱za ka Yelusalemu bhatandika ena bhu̱su̱, bhoponi bhahanjikana ka Yu̱deya na Samali̱ya nobhubhoi̱be bhakwenda. 2Bhakpa ndibha yabhamulami̱aga Mambombi̱ bhamu̱lu̱mba Sitefano, nibhakigama si̱ni̱. 3No Saulo nakitandika eni̱sa bhu̱su̱ bhai̱ki̱li̱za poni, adhetaga mpu̱me ka mpu̱me nalia kibhubhuaku̱ bhakali̱ na bhaluku bi̱sabho ka nkomo.
Fi̱li̱po nakitebeza Makulu Mabhonga ka Samali̱ya
4No bhai̱ki̱li̱za bhoponi ndibha bhahanjikana bhatebeza Makulu Mabhonga kindia bhabhi̱ ki̱yaga. 5Fi̱li̱po, moti̱ ka bhaluku ncambu ndibha bhabhubhuwa heleza, ai̱ya ka tau̱ni̱ manyeta ndia ka Samali̱ya nakibhutebeza bhakpa ndia angbei̱be Masiya. 6Bhakpa bi̱yabho bhamuokiana bhiani Fi̱li̱po nanga bhabha kakabha oka makulu ndiaki na zi̱ba sazi̱bi̱li̱ai̱be ndia akitina nki̱li̱ ndia akola. 7Bhali̱mo bi̱yabho bhabhutukabe bhakpa, nibhagbei̱ habhaga, toli̱ bhenjo poni ndibhabha nibhakatimani na lamala bhalama. 8Bhakpa bi̱yabho ka Samali̱ya bhadhedhelua.
9Muluku moti̱ i̱naki nandiye Si̱moni̱ abha naladhaki̱ tolo mamadha naki̱koli̱sa mani̱ sa limba, nagbei̱ kola kima ndia akibhutina nki̱li̱ bhakpa ndibha ka Samali̱ya na kwei̱sa bhia ntua mani̱. 10Bhakpa poni, bhagudha na bhanako bhabhi̱ kimuongagabe bhiyo; “Muluku miyo andiye mani̱ ndia Mambombi̱. Ndia bhakigiagaku̱ Ndia Akoli̱ku̱ Si̱ni̱.” 11Bhakpa ndibha ka Samali̱ya bhamu̱hi̱ki̱li̱zaku̱ nanga adhakia bwile mamadha nakibhutina nki̱li̱ na mani̱ ndiaki sa limba. 12No ndia bhamu̱hi̱ki̱li̱za Fi̱li̱po nesi̱ alangililia Makulu Mabhonga sa kusali̱a ndia Mambombi̱ na i̱na ndia Yesu Ki̱li̱si̱to, bhabhu̱bati̱za bhaluku na bhakali̱. 13Du̱mbi̱ Si̱moni̱ naye naki̱hi̱ki̱li̱za toli̱ nibhakimbati̱za. Nakitandika yaki na Fi̱li̱po kindia yai̱yaga poni toli̱ kima ndia Fi̱li̱po yakolaga, yantinaga nki̱li̱ Si̱moni̱.
14Bhakwenda ka Yelusalemu ndia bhaoka nesi̱ bhakpa ndibha ka Samali̱ya bhahi̱ki̱li̱zi̱ kigambo ndia Mambombi̱, bhantikaku̱ Petelo na Yohana. 15Petelo na Yohana ndia bhaki̱dha ka Samali̱ya, bhabhusabilia bhai̱ki̱li̱za bhahiaka bhehe andu̱lu̱ Mwoyo Mawelikana abhu̱bi̱kebe. 16Mwoyo Mawelikana abha ndia kabhu̱bi̱ki̱mbebe nanga yabhabhu̱bati̱zi̱ ka i̱na ndia Sali̱a Yesu u̱kaka. 17Du̱mbi̱ Petelo na Yohana bhabhu̱bi̱sabe bhai̱ki̱li̱za bhehe kibhoko ndiabho, toli̱ Mwoyo Mawelikana naki̱bhu̱bi̱kabe.
18Si̱moni̱ ndia atangia Mwoyo Mawelikana naki̱bhu̱bi̱kabe bhakpa nanga bhakwenda bi̱sabhobe kibhoko, ampesi̱a Petelo na Yohana mbangana nakibhugia bhiyo; 19“Bhudhuwe nemi nibhe na mani̱ yoho andu̱lu̱ ki̱bhu̱bi̱sagabe bhakpa kibhoko gwa muhu, Mwoyo Mawelikana abhu̱bi̱kagebe.”
20No Petelo naki̱nsi̱ki̱aku̱ bhiyo; “Osweke na mbangana ndiako injo nanga kweli̱li̱kana eti kisembo ndia Mambombi̱ bhakisumbaga.” 21Kogbokiliani̱ bhako ka mulimo yoho nanga mulima ndiako kawelikani kei̱soa Mambombi̱. 22Wesi̱ki̱eku̱ kibi ndiako toli̱ onsabe Sali̱a Yesu. Kedha akukugani̱li̱a nanga kweli̱li̱kana ndiako sa kibi. 23Nanga ni̱zi̱bi̱ oli na i̱ni̱ si̱ni̱ ka mulima toli̱ kibi akubhweliagia. 24Si̱moni̱ naki̱bhu̱si̱ki̱aku̱ Petelo na Yohana bhiyo; “Bhunisabilie andu̱lu̱ kima ndio bhuniongi̱o kala kinienikanabe.” 25Petelo na Yohana ndia bhadhakia pesi̱a bwakai̱so na tebeza kigambo ndia Mambombi̱ ka Samali̱ya, bhasi̱ki̱a ka Yelusalemu. Nibhalia nesi̱yo, bhai̱ya nibhakitebeza Makulu Mabhonga ndia Mambombi̱ ka kyalo poni.
Fi̱li̱po na Munaeti̱yopi̱ya
26Tolo moti̱ malai̱ka mindia Sali̱a angia Fi̱li̱po bhiyo; “Oye yasi ka nesi̱yo ke lungu ndia atu̱ki̱li̱ ka Yelusalemu yai̱ ka Gaza.” 27Du̱mbi̱ Fi̱li̱po ameliaku̱ naki̱ya. Andwana muluku mindia abha nadhoti̱ mbili toli̱ nali mbisananagi̱ mbangana ndia sali̱a nkali̱aki mindia ka Eti̱yopi̱ya mindia yabhangiagaku̱ Kandake. Muluku miyo abha katukaki ka Yelusalemu lami̱a Mambombi̱. 28Abha nadhai̱ ki̱gadhi̱ ndia bhankai̱na bhakibhulaga toli̱ nagbei̱ soma kitabo ndia nabbi̱ Isaya. 29Mwoyo Mawelikana nakingia Fi̱li̱po bhiyo; “Oye bi̱ya na ki̱gadhi̱ injo toli̱ oli̱kebe.”
30Fi̱li̱po atetia nakiduwa ka ki̱gadhi̱ nakioka muluku miyo nagbei̱ soma tuka ka kitabo ndia nabbi̱ Isaya. Fi̱li̱po nakimuolu̱li̱a muluku miyo bhiyo; “Kima ndio kasomai̱ injo ogbei̱ kenga makulu si̱?”
31Muluku naki̱nsi̱ki̱aku̱ Fi̱li̱po bhiyo; “Kikitoka kengai̱ bhuai̱be nkpa nanihabhuli.” Du̱mbi̱ nakinkunga Fi̱li̱po eti adhaye ka ki̱gadhi̱ ali̱kage naye.
32Yoho andu̱lu̱ Ndia Bhahandika ndia muluku miyo abhakasomai̱:
“Bhamu̱i̱sa bhia ntama kai̱ya olaki,
Toli̱ kali na kigambo poni ndia aonga,
nesi̱ mu̱ku̱a ntama akidakaga kadhu̱waki sala-sala.
33Bhandakia ngu̱ko toli̱ katunga bwi̱ngani̱za kei̱soa kilagilo.
Kalibe mindia ada kibhuongabe bhananaki,
nanga bhamuola.”#Isaya 53:7-8
34Du̱mbi̱ muluku miyo amuolu̱li̱a Fi̱li̱po bhiyo; “Nabbi̱ miyo abha nali kakwetonganabe nku̱mi̱, kedha nkpa mindietolo?” 35Du̱mbi̱ Fi̱li̱po nakitandika na Ndia Bhahandika yoho toto nakintoliabe muluku miyo Makulu Mabhonga ndia angbei̱be Yesu.
36Nibhalia ki̱ya imamoti̱ ka ki̱gadhi̱, nibhakidwana li̱bho, du̱mbi̱ muluku miyo nakingia Fi̱li̱po bhiyo; “Ozi̱be li̱bho alimehe, ndia akidhuwa konibati̱ze andiki?” 37Fi̱li̱po naki̱nsi̱ki̱aku̱ bhiyo; “Nikitoka bati̱zako kobha nohi̱ki̱li̱zi̱ na mulima ndiako.” Du̱mbi̱ muluku miyo naki̱nsi̱ki̱aku̱ eti ni̱hi̱ki̱li̱zi̱a nesi̱ Yesu Ki̱li̱si̱to andi Mi̱ki̱ mindia Mambombi̱.#8:37 Kihandiko ndietolo kali na nkala yoho. 38Du̱mbi̱ nakimulagilia nvu̱gi̱ ki̱gadhi̱ telemi̱sai̱, nibhaki̱si̱ma ka li̱bho, Fi̱li̱po nakimbati̱za. 39Fi̱li̱po ndia adhakia bati̱za muluku miyo, nibhakituka ka li̱bho, Mwoyo mindia Sali̱a Mambombi̱ naki̱mu̱i̱sa Fi̱li̱po nakimbulisa. Muluku miyo katodha nakintangia Fi̱li̱po no ai̱ya nadhedhelu̱ ka mulima ndiaki. 40Fi̱li̱po etakana ka tau̱ni̱ ndia ka Azoti. Ai̱ya nakitebeza nji̱li̱ ka tau̱ni̱ poni kindia yatombaga doi̱sa ndia aduwa ka Kai̱sali̱ya.
Iliyochaguliwa sasa
Bikoluwa ndia Bhakwenda 8: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025
Bikoluwa ndia Bhakwenda 8
8
1Saulo abhi̱ ka bemoti̱ ndibha bhabhala eti bhamuole Sitefano.
Saulo naki̱bhu̱eni̱sa bhu̱su̱ bhai̱ki̱li̱za
Ka tolo injo, bhai̱ki̱li̱za ka Yelusalemu bhatandika ena bhu̱su̱, bhoponi bhahanjikana ka Yu̱deya na Samali̱ya nobhubhoi̱be bhakwenda. 2Bhakpa ndibha yabhamulami̱aga Mambombi̱ bhamu̱lu̱mba Sitefano, nibhakigama si̱ni̱. 3No Saulo nakitandika eni̱sa bhu̱su̱ bhai̱ki̱li̱za poni, adhetaga mpu̱me ka mpu̱me nalia kibhubhuaku̱ bhakali̱ na bhaluku bi̱sabho ka nkomo.
Fi̱li̱po nakitebeza Makulu Mabhonga ka Samali̱ya
4No bhai̱ki̱li̱za bhoponi ndibha bhahanjikana bhatebeza Makulu Mabhonga kindia bhabhi̱ ki̱yaga. 5Fi̱li̱po, moti̱ ka bhaluku ncambu ndibha bhabhubhuwa heleza, ai̱ya ka tau̱ni̱ manyeta ndia ka Samali̱ya nakibhutebeza bhakpa ndia angbei̱be Masiya. 6Bhakpa bi̱yabho bhamuokiana bhiani Fi̱li̱po nanga bhabha kakabha oka makulu ndiaki na zi̱ba sazi̱bi̱li̱ai̱be ndia akitina nki̱li̱ ndia akola. 7Bhali̱mo bi̱yabho bhabhutukabe bhakpa, nibhagbei̱ habhaga, toli̱ bhenjo poni ndibhabha nibhakatimani na lamala bhalama. 8Bhakpa bi̱yabho ka Samali̱ya bhadhedhelua.
9Muluku moti̱ i̱naki nandiye Si̱moni̱ abha naladhaki̱ tolo mamadha naki̱koli̱sa mani̱ sa limba, nagbei̱ kola kima ndia akibhutina nki̱li̱ bhakpa ndibha ka Samali̱ya na kwei̱sa bhia ntua mani̱. 10Bhakpa poni, bhagudha na bhanako bhabhi̱ kimuongagabe bhiyo; “Muluku miyo andiye mani̱ ndia Mambombi̱. Ndia bhakigiagaku̱ Ndia Akoli̱ku̱ Si̱ni̱.” 11Bhakpa ndibha ka Samali̱ya bhamu̱hi̱ki̱li̱zaku̱ nanga adhakia bwile mamadha nakibhutina nki̱li̱ na mani̱ ndiaki sa limba. 12No ndia bhamu̱hi̱ki̱li̱za Fi̱li̱po nesi̱ alangililia Makulu Mabhonga sa kusali̱a ndia Mambombi̱ na i̱na ndia Yesu Ki̱li̱si̱to, bhabhu̱bati̱za bhaluku na bhakali̱. 13Du̱mbi̱ Si̱moni̱ naye naki̱hi̱ki̱li̱za toli̱ nibhakimbati̱za. Nakitandika yaki na Fi̱li̱po kindia yai̱yaga poni toli̱ kima ndia Fi̱li̱po yakolaga, yantinaga nki̱li̱ Si̱moni̱.
14Bhakwenda ka Yelusalemu ndia bhaoka nesi̱ bhakpa ndibha ka Samali̱ya bhahi̱ki̱li̱zi̱ kigambo ndia Mambombi̱, bhantikaku̱ Petelo na Yohana. 15Petelo na Yohana ndia bhaki̱dha ka Samali̱ya, bhabhusabilia bhai̱ki̱li̱za bhahiaka bhehe andu̱lu̱ Mwoyo Mawelikana abhu̱bi̱kebe. 16Mwoyo Mawelikana abha ndia kabhu̱bi̱ki̱mbebe nanga yabhabhu̱bati̱zi̱ ka i̱na ndia Sali̱a Yesu u̱kaka. 17Du̱mbi̱ Petelo na Yohana bhabhu̱bi̱sabe bhai̱ki̱li̱za bhehe kibhoko ndiabho, toli̱ Mwoyo Mawelikana naki̱bhu̱bi̱kabe.
18Si̱moni̱ ndia atangia Mwoyo Mawelikana naki̱bhu̱bi̱kabe bhakpa nanga bhakwenda bi̱sabhobe kibhoko, ampesi̱a Petelo na Yohana mbangana nakibhugia bhiyo; 19“Bhudhuwe nemi nibhe na mani̱ yoho andu̱lu̱ ki̱bhu̱bi̱sagabe bhakpa kibhoko gwa muhu, Mwoyo Mawelikana abhu̱bi̱kagebe.”
20No Petelo naki̱nsi̱ki̱aku̱ bhiyo; “Osweke na mbangana ndiako injo nanga kweli̱li̱kana eti kisembo ndia Mambombi̱ bhakisumbaga.” 21Kogbokiliani̱ bhako ka mulimo yoho nanga mulima ndiako kawelikani kei̱soa Mambombi̱. 22Wesi̱ki̱eku̱ kibi ndiako toli̱ onsabe Sali̱a Yesu. Kedha akukugani̱li̱a nanga kweli̱li̱kana ndiako sa kibi. 23Nanga ni̱zi̱bi̱ oli na i̱ni̱ si̱ni̱ ka mulima toli̱ kibi akubhweliagia. 24Si̱moni̱ naki̱bhu̱si̱ki̱aku̱ Petelo na Yohana bhiyo; “Bhunisabilie andu̱lu̱ kima ndio bhuniongi̱o kala kinienikanabe.” 25Petelo na Yohana ndia bhadhakia pesi̱a bwakai̱so na tebeza kigambo ndia Mambombi̱ ka Samali̱ya, bhasi̱ki̱a ka Yelusalemu. Nibhalia nesi̱yo, bhai̱ya nibhakitebeza Makulu Mabhonga ndia Mambombi̱ ka kyalo poni.
Fi̱li̱po na Munaeti̱yopi̱ya
26Tolo moti̱ malai̱ka mindia Sali̱a angia Fi̱li̱po bhiyo; “Oye yasi ka nesi̱yo ke lungu ndia atu̱ki̱li̱ ka Yelusalemu yai̱ ka Gaza.” 27Du̱mbi̱ Fi̱li̱po ameliaku̱ naki̱ya. Andwana muluku mindia abha nadhoti̱ mbili toli̱ nali mbisananagi̱ mbangana ndia sali̱a nkali̱aki mindia ka Eti̱yopi̱ya mindia yabhangiagaku̱ Kandake. Muluku miyo abha katukaki ka Yelusalemu lami̱a Mambombi̱. 28Abha nadhai̱ ki̱gadhi̱ ndia bhankai̱na bhakibhulaga toli̱ nagbei̱ soma kitabo ndia nabbi̱ Isaya. 29Mwoyo Mawelikana nakingia Fi̱li̱po bhiyo; “Oye bi̱ya na ki̱gadhi̱ injo toli̱ oli̱kebe.”
30Fi̱li̱po atetia nakiduwa ka ki̱gadhi̱ nakioka muluku miyo nagbei̱ soma tuka ka kitabo ndia nabbi̱ Isaya. Fi̱li̱po nakimuolu̱li̱a muluku miyo bhiyo; “Kima ndio kasomai̱ injo ogbei̱ kenga makulu si̱?”
31Muluku naki̱nsi̱ki̱aku̱ Fi̱li̱po bhiyo; “Kikitoka kengai̱ bhuai̱be nkpa nanihabhuli.” Du̱mbi̱ nakinkunga Fi̱li̱po eti adhaye ka ki̱gadhi̱ ali̱kage naye.
32Yoho andu̱lu̱ Ndia Bhahandika ndia muluku miyo abhakasomai̱:
“Bhamu̱i̱sa bhia ntama kai̱ya olaki,
Toli̱ kali na kigambo poni ndia aonga,
nesi̱ mu̱ku̱a ntama akidakaga kadhu̱waki sala-sala.
33Bhandakia ngu̱ko toli̱ katunga bwi̱ngani̱za kei̱soa kilagilo.
Kalibe mindia ada kibhuongabe bhananaki,
nanga bhamuola.”#Isaya 53:7-8
34Du̱mbi̱ muluku miyo amuolu̱li̱a Fi̱li̱po bhiyo; “Nabbi̱ miyo abha nali kakwetonganabe nku̱mi̱, kedha nkpa mindietolo?” 35Du̱mbi̱ Fi̱li̱po nakitandika na Ndia Bhahandika yoho toto nakintoliabe muluku miyo Makulu Mabhonga ndia angbei̱be Yesu.
36Nibhalia ki̱ya imamoti̱ ka ki̱gadhi̱, nibhakidwana li̱bho, du̱mbi̱ muluku miyo nakingia Fi̱li̱po bhiyo; “Ozi̱be li̱bho alimehe, ndia akidhuwa konibati̱ze andiki?” 37Fi̱li̱po naki̱nsi̱ki̱aku̱ bhiyo; “Nikitoka bati̱zako kobha nohi̱ki̱li̱zi̱ na mulima ndiako.” Du̱mbi̱ muluku miyo naki̱nsi̱ki̱aku̱ eti ni̱hi̱ki̱li̱zi̱a nesi̱ Yesu Ki̱li̱si̱to andi Mi̱ki̱ mindia Mambombi̱.#8:37 Kihandiko ndietolo kali na nkala yoho. 38Du̱mbi̱ nakimulagilia nvu̱gi̱ ki̱gadhi̱ telemi̱sai̱, nibhaki̱si̱ma ka li̱bho, Fi̱li̱po nakimbati̱za. 39Fi̱li̱po ndia adhakia bati̱za muluku miyo, nibhakituka ka li̱bho, Mwoyo mindia Sali̱a Mambombi̱ naki̱mu̱i̱sa Fi̱li̱po nakimbulisa. Muluku miyo katodha nakintangia Fi̱li̱po no ai̱ya nadhedhelu̱ ka mulima ndiaki. 40Fi̱li̱po etakana ka tau̱ni̱ ndia ka Azoti. Ai̱ya nakitebeza nji̱li̱ ka tau̱ni̱ poni kindia yatombaga doi̱sa ndia aduwa ka Kai̱sali̱ya.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025