Bikoluwa ndia Bhakwenda 9
9
Saulo naki̱mu̱hi̱ki̱li̱za Yesu
(Bikoluwa ndia Bhakwenda 22:6-16; 26:12-18)
1Ka tolo injo, Saulo nalia kibhuongilia bhaegi̱ ndibha Sali̱a kigambo sa pesi̱abho bhoko na olabho, ai̱ya kindia ngbekua bhabhembi̱ ndibha Mambombi̱ 2nakinkunga bbaluwa sa i̱saki ka bhasali̱a ndibha ka Ndabho kindia Bhayu̱daya yabhalami̱li̱aga ka Damasi̱ko andu̱lu̱ kantakanaku̱ nkpa poni mindia akidhetiliaga ka nesi̱yo ndia Yesu, nkali̱ kedha muluku, akibhugba bhia bhanyankomo abhu̱i̱se ka Yelusalemu. 3Nali̱bi̱ya duwaki ka Damasi̱ko, kubha atuka gulu naki̱zi̱ga kindia abhi̱o. 4Agu̱wa gwabhi̱mba nakioka nkpa nakingia bhiyo; “Saulo, Saulo, olika eni̱sami bhu̱su̱ nangeki?”
5Saulo nakiolu̱li̱a bhiyo; “Anduwe ani, Sali̱a?”
Naki̱nsi̱ki̱aku̱ Saulo bhiyo; “Andimi Yesu mindia ka tau̱ni̱ ndia ka Nazaleti̱, mindia olika eni̱saki bhu̱su̱.” 6“Ome, oye ka tau̱ni̱ manyeta, kuwo nkpa akukutolia ndio ogbokiliani̱ kolai̱.”
7Bhaluku ndibhabhi̱ na Saulo ka gendo bhatelema ndia bhakali na sa ongai̱, bhaoka laso no bhakantangi̱a nkpa poni. 8Saulo ama gwabhi̱mba, no ndia azu̱zu̱ka katoka zi̱ba. Nibhakingbeliaga doi̱saki ka Damasi̱ko. 9Adhakia tolo salo i̱so nalia nandakani toli̱ kekebhe nakiliaga kedha nu̱wa kima poni.
10Ka Damasi̱ko abha nali̱ku̱ mwegi̱ mindia Yesu i̱naki nandiye Anania. Mambombi̱ amuenikiliana nakimueka bhiyo; “Anania.”
Anania nakilibhikia bhiyo; “Mendimi Sali̱a.”
11Sali̱a Yesu nakingia bhiyo; “Oye ka ndabho ndia Yu̱da mindia aki̱li̱kaga ka ngudhe ndia bhakigiagaku̱ Ngudhe Amasi̱ma omuolu̱li̱e muluku mindia atu̱ki̱ ka Talu̱so andiye Saulo alika saba. 12Mambombi̱ amuani̱sa muluku mindia bhakingiagaku Anania nali ka bi̱sakibe kibhoko andu̱lu̱ atodhe azi̱be.”
13Anania naki̱nsi̱ki̱aku̱ bhiyo; “Sali̱a Yesu, ni̱oki̱ loki̱ mamadha ndia angbei̱be muluku miyo nesi̱ agbei̱ eni̱sa bhu̱su̱ bhakpa ndibhako bhamawelikana ka Yelusalemu. 14Toli̱ abi̱ki̱ na mani̱ tuka kindia bhabhembi̱ bhangbeku ndibha Mambombi̱ gba bhenjo poni ndibha bhakukulami̱aga.”
15No Sali̱a Yesu nakingia Anania bhiyo; “Oye! muluku miyo nimboi̱ ndimi dhuwa Bhakpa ndibha kali Bhayu̱daya na bhasali̱a ndibhabho na bhakpa ndibha ka Isaleli̱ nibhaki̱hi̱ba i̱nami. 16Nikimuani̱sa nesi̱ agbokiliani̱ ena bhu̱su̱ nanga langililia i̱nami.”
17Anania naki̱ya nakigodha ka ndabho kindia Saulo abhi̱o. Naki̱mbi̱sabe kibhoko nakigia bhiyo; “Namami Saulo, Sali̱a Yesu mindio ontangia ka nesi̱yo kabi̱kako kuni anitikia andu̱lu̱ otodhe ozi̱be toli̱ Mwoyo Mawelikana aku̱bi̱kebe.” 18Menjo kima ndia ali bhia kalakamba sa asu̱ antuka Saulo ka i̱so du̱mbi̱ naki̱zi̱ba. Nakima toli̱ nibhakimbati̱za. 19Saulo ndia adhakia liaga, asi̱ki̱si̱a mani̱.
Saulo nakitebeza ka Damasi̱ko na ka Yelusalemu
Saulo adhakia tolo nke na bhai̱ki̱li̱za ka Damasi̱ko. 20Du̱mbi̱ nakitandika tebeza ka Ndabho kindia Bhayu̱daya yabhalami̱li̱aga eti Yesu andi mi̱ki̱ mindia Mambombi̱. 21Bhenjo poni ndibha bhamuoka nki̱li̱ nakibhutina, nibhakitandika olu̱li̱ana bhiyo; “Minjo kandiye muluku mindia atina nsi̱si̱ ka Yelusalemu ka bhenjo ndibha bhakimulami̱aga Yesu? Toli̱ kabi̱ki̱ mehe andu̱lu̱ abhu̱i̱se kindia bhabhembi̱ bhangbeku ndibha Mambombi̱ bhia bhanyankomo.” 22Saulo naki̱ya namusa na tebeza kigambo ndia Mambombi̱ ka Bhayu̱daya ndibha ka Damasi̱ko na ani̱sabho eti Yesu andi Masiya.#9:22 Masiya Kigambo Masiya atu̱ki̱ ka Kuhebbulania makulu si̱ Mindia Mambombi̱ ambuwa zuna bhakpa.
23Tolo mamadha nalakoli̱be, Bhayu̱daya bhamuleliana Saulo olaki. 24Ki̱li̱a na ntangali̱ yabhali̱kaga nibhaleketi mpu̱me sa tau̱ni̱ andu̱lu̱ bhamuole. No Saulo nibhakintolia nesi̱ bhakakabha olaki. 25No bhai̱ki̱li̱za bhambi̱sa ka zalu ki̱li̱a nibha kimuhu̱i̱si̱li̱a ka mpolo sa bhi̱si̱li̱ sa tau̱ni̱.
26Saulo ndia aki̱dha ka Yelusalemu, nakikabha si̱dha-si̱dhana na bhaegi̱, no nibhakintiya ndia bhakai̱bi̱ nesi̱ naye ahi̱ki̱li̱za. 27No Balanaba naki̱mu̱i̱sa ka bhakwenda. Nakibhutolia nesi̱ Saulo antangi̱ Sali̱a Yesu ka gendo ndiaki kayaki ka Damasi̱ko toli̱ nesi̱ Sali̱a aongi̱ naye. Nakitodha nakibhutolia eti Saulo antebezabe Yesu ndia kali na bhoko poni ka Damasi̱ko. 28Saulo naki̱li̱ka na bhakwenda toli̱ nibhakimbalisana mamikana nabho nagbei̱ tebeza ndia kali na bhoko ka i̱na Sali̱a Yesu ka Yelusalemu. 29Aonga toli̱ nakiteli̱ana na Bhayu̱daya bhaongi̱ Ku̱gi̱li̱ki̱ no nibhakikabha olaki. 30Bhai̱ki̱li̱za ndia bhaoka eti Bhayu̱daya bhakakabha ola Saulo, nibhaki̱mui̱sa yasi ka Kai̱sali̱ya du̱mbi̱ naki̱ya ka Talu̱so. 31Bhai̱ki̱li̱za poni ka Yu̱deya na Galilaya na Samali̱ya nibhakidhuwa ena bhu̱su̱ toli̱ mani̱ naki̱bhu̱si̱ki̱aku̱ nanga yabhambi̱sagaku̱ Mambombi̱ ngu̱ko. Mwoyo Mawelikana naki̱bhu̱bi̱saku̱ mani̱, nibhakieyongela madhabho.
Petelo naki̱ya ka Lida na ka Yopa
32Petelo nalia kimamikana ka kyalo poni ndia ka Samali̱ya, abhumamikiliana bhakpa ndibha Mambombi̱ ndibha yali̱kaga ka Lida. 33Nankintakanaku̱ muluku i̱naki nandiye Ai̱neya, mindia yakatimani̱o toli̱ ndia kakima ke ima dhakia mwaka nane. 34Petelo nakingia bhiyo; “Ai̱neya, Yesu Ki̱li̱si̱to akulami̱si̱ya. Ome okunye mukeka ndiako.” Menjo Ai̱neya nakima. 35Bhakpa poni ndibha ka Lida na Saloni ndia bhantangia Ai̱neya bhamu̱hi̱ki̱li̱za Sali̱a Yesu.
36Ka Yopa, abhi̱ku̱ nkali̱ i̱naki nandiye Tabita (Ka Ku̱gu̱li̱ki̱ nandiye Dolika), yakolaga kima mabhonga na konia bhanako. 37Ka tolo injo, Tabita alwala naki̱ku̱wa. Ki̱nda ndiaki nibhakiogi̱sa toli̱ nibhaki̱bi̱sa gulu ka kisika ka ndabho sa golofa. 38Lida abhi̱ bi̱ya na Yopa, bhai̱ki̱li̱za ndia bhaoka nesi̱ Petelo ali ka Lida, bhabhutika bhaluku bhebhali i̱ya kunga Petelo eti, “Abi̱ke yau̱.”
39Petelo ai̱ya nabho, ndia aki̱dha nibhaki̱mu̱i̱sa gulu ka golofa. Bhamaki̱ku̱si̱a poni nibhakitelema bi̱ya naye, nibhagbei̱ ngamu nibhalia kimuani̱sa ngoye na koti̱ ndia Dolika yasaniaga kabho nalia nabho.
40Petelo nakibhukunga bhoponi eti bhahu̱we, du̱mbi̱ naki̱su̱ku̱mana ka saba, nakigali̱ngana kindia ki̱nda abhi̱o, nakigia bhiyo; “Tabita, ome.” Naki̱zu̱zu̱ka du̱mbi̱ ndia anzi̱ba Petelo, naki̱li̱kaga. 41Petelo nakingbeliaga ka kibhoko nakinkonia telemi̱saki. Nakibhueka bhai̱ki̱li̱za na si̱ni̱-si̱ni̱ bhamaki̱ku̱si̱a nakibhuani̱sa Tabita nali̱ki̱. 42Bhakpa ndibha ka Yopa bhoponi bhaoka makulu yoho, toli̱ bi̱yabho nibhaki̱mu̱hi̱ki̱li̱za Sali̱a. 43Petelo ali̱ka kindia Si̱moni̱ mwomi̱si̱ ngubu ka Yopa dhakia tolo mamadha.
Iliyochaguliwa sasa
Bikoluwa ndia Bhakwenda 9: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025
Bikoluwa ndia Bhakwenda 9
9
Saulo naki̱mu̱hi̱ki̱li̱za Yesu
(Bikoluwa ndia Bhakwenda 22:6-16; 26:12-18)
1Ka tolo injo, Saulo nalia kibhuongilia bhaegi̱ ndibha Sali̱a kigambo sa pesi̱abho bhoko na olabho, ai̱ya kindia ngbekua bhabhembi̱ ndibha Mambombi̱ 2nakinkunga bbaluwa sa i̱saki ka bhasali̱a ndibha ka Ndabho kindia Bhayu̱daya yabhalami̱li̱aga ka Damasi̱ko andu̱lu̱ kantakanaku̱ nkpa poni mindia akidhetiliaga ka nesi̱yo ndia Yesu, nkali̱ kedha muluku, akibhugba bhia bhanyankomo abhu̱i̱se ka Yelusalemu. 3Nali̱bi̱ya duwaki ka Damasi̱ko, kubha atuka gulu naki̱zi̱ga kindia abhi̱o. 4Agu̱wa gwabhi̱mba nakioka nkpa nakingia bhiyo; “Saulo, Saulo, olika eni̱sami bhu̱su̱ nangeki?”
5Saulo nakiolu̱li̱a bhiyo; “Anduwe ani, Sali̱a?”
Naki̱nsi̱ki̱aku̱ Saulo bhiyo; “Andimi Yesu mindia ka tau̱ni̱ ndia ka Nazaleti̱, mindia olika eni̱saki bhu̱su̱.” 6“Ome, oye ka tau̱ni̱ manyeta, kuwo nkpa akukutolia ndio ogbokiliani̱ kolai̱.”
7Bhaluku ndibhabhi̱ na Saulo ka gendo bhatelema ndia bhakali na sa ongai̱, bhaoka laso no bhakantangi̱a nkpa poni. 8Saulo ama gwabhi̱mba, no ndia azu̱zu̱ka katoka zi̱ba. Nibhakingbeliaga doi̱saki ka Damasi̱ko. 9Adhakia tolo salo i̱so nalia nandakani toli̱ kekebhe nakiliaga kedha nu̱wa kima poni.
10Ka Damasi̱ko abha nali̱ku̱ mwegi̱ mindia Yesu i̱naki nandiye Anania. Mambombi̱ amuenikiliana nakimueka bhiyo; “Anania.”
Anania nakilibhikia bhiyo; “Mendimi Sali̱a.”
11Sali̱a Yesu nakingia bhiyo; “Oye ka ndabho ndia Yu̱da mindia aki̱li̱kaga ka ngudhe ndia bhakigiagaku̱ Ngudhe Amasi̱ma omuolu̱li̱e muluku mindia atu̱ki̱ ka Talu̱so andiye Saulo alika saba. 12Mambombi̱ amuani̱sa muluku mindia bhakingiagaku Anania nali ka bi̱sakibe kibhoko andu̱lu̱ atodhe azi̱be.”
13Anania naki̱nsi̱ki̱aku̱ bhiyo; “Sali̱a Yesu, ni̱oki̱ loki̱ mamadha ndia angbei̱be muluku miyo nesi̱ agbei̱ eni̱sa bhu̱su̱ bhakpa ndibhako bhamawelikana ka Yelusalemu. 14Toli̱ abi̱ki̱ na mani̱ tuka kindia bhabhembi̱ bhangbeku ndibha Mambombi̱ gba bhenjo poni ndibha bhakukulami̱aga.”
15No Sali̱a Yesu nakingia Anania bhiyo; “Oye! muluku miyo nimboi̱ ndimi dhuwa Bhakpa ndibha kali Bhayu̱daya na bhasali̱a ndibhabho na bhakpa ndibha ka Isaleli̱ nibhaki̱hi̱ba i̱nami. 16Nikimuani̱sa nesi̱ agbokiliani̱ ena bhu̱su̱ nanga langililia i̱nami.”
17Anania naki̱ya nakigodha ka ndabho kindia Saulo abhi̱o. Naki̱mbi̱sabe kibhoko nakigia bhiyo; “Namami Saulo, Sali̱a Yesu mindio ontangia ka nesi̱yo kabi̱kako kuni anitikia andu̱lu̱ otodhe ozi̱be toli̱ Mwoyo Mawelikana aku̱bi̱kebe.” 18Menjo kima ndia ali bhia kalakamba sa asu̱ antuka Saulo ka i̱so du̱mbi̱ naki̱zi̱ba. Nakima toli̱ nibhakimbati̱za. 19Saulo ndia adhakia liaga, asi̱ki̱si̱a mani̱.
Saulo nakitebeza ka Damasi̱ko na ka Yelusalemu
Saulo adhakia tolo nke na bhai̱ki̱li̱za ka Damasi̱ko. 20Du̱mbi̱ nakitandika tebeza ka Ndabho kindia Bhayu̱daya yabhalami̱li̱aga eti Yesu andi mi̱ki̱ mindia Mambombi̱. 21Bhenjo poni ndibha bhamuoka nki̱li̱ nakibhutina, nibhakitandika olu̱li̱ana bhiyo; “Minjo kandiye muluku mindia atina nsi̱si̱ ka Yelusalemu ka bhenjo ndibha bhakimulami̱aga Yesu? Toli̱ kabi̱ki̱ mehe andu̱lu̱ abhu̱i̱se kindia bhabhembi̱ bhangbeku ndibha Mambombi̱ bhia bhanyankomo.” 22Saulo naki̱ya namusa na tebeza kigambo ndia Mambombi̱ ka Bhayu̱daya ndibha ka Damasi̱ko na ani̱sabho eti Yesu andi Masiya.#9:22 Masiya Kigambo Masiya atu̱ki̱ ka Kuhebbulania makulu si̱ Mindia Mambombi̱ ambuwa zuna bhakpa.
23Tolo mamadha nalakoli̱be, Bhayu̱daya bhamuleliana Saulo olaki. 24Ki̱li̱a na ntangali̱ yabhali̱kaga nibhaleketi mpu̱me sa tau̱ni̱ andu̱lu̱ bhamuole. No Saulo nibhakintolia nesi̱ bhakakabha olaki. 25No bhai̱ki̱li̱za bhambi̱sa ka zalu ki̱li̱a nibha kimuhu̱i̱si̱li̱a ka mpolo sa bhi̱si̱li̱ sa tau̱ni̱.
26Saulo ndia aki̱dha ka Yelusalemu, nakikabha si̱dha-si̱dhana na bhaegi̱, no nibhakintiya ndia bhakai̱bi̱ nesi̱ naye ahi̱ki̱li̱za. 27No Balanaba naki̱mu̱i̱sa ka bhakwenda. Nakibhutolia nesi̱ Saulo antangi̱ Sali̱a Yesu ka gendo ndiaki kayaki ka Damasi̱ko toli̱ nesi̱ Sali̱a aongi̱ naye. Nakitodha nakibhutolia eti Saulo antebezabe Yesu ndia kali na bhoko poni ka Damasi̱ko. 28Saulo naki̱li̱ka na bhakwenda toli̱ nibhakimbalisana mamikana nabho nagbei̱ tebeza ndia kali na bhoko ka i̱na Sali̱a Yesu ka Yelusalemu. 29Aonga toli̱ nakiteli̱ana na Bhayu̱daya bhaongi̱ Ku̱gi̱li̱ki̱ no nibhakikabha olaki. 30Bhai̱ki̱li̱za ndia bhaoka eti Bhayu̱daya bhakakabha ola Saulo, nibhaki̱mui̱sa yasi ka Kai̱sali̱ya du̱mbi̱ naki̱ya ka Talu̱so. 31Bhai̱ki̱li̱za poni ka Yu̱deya na Galilaya na Samali̱ya nibhakidhuwa ena bhu̱su̱ toli̱ mani̱ naki̱bhu̱si̱ki̱aku̱ nanga yabhambi̱sagaku̱ Mambombi̱ ngu̱ko. Mwoyo Mawelikana naki̱bhu̱bi̱saku̱ mani̱, nibhakieyongela madhabho.
Petelo naki̱ya ka Lida na ka Yopa
32Petelo nalia kimamikana ka kyalo poni ndia ka Samali̱ya, abhumamikiliana bhakpa ndibha Mambombi̱ ndibha yali̱kaga ka Lida. 33Nankintakanaku̱ muluku i̱naki nandiye Ai̱neya, mindia yakatimani̱o toli̱ ndia kakima ke ima dhakia mwaka nane. 34Petelo nakingia bhiyo; “Ai̱neya, Yesu Ki̱li̱si̱to akulami̱si̱ya. Ome okunye mukeka ndiako.” Menjo Ai̱neya nakima. 35Bhakpa poni ndibha ka Lida na Saloni ndia bhantangia Ai̱neya bhamu̱hi̱ki̱li̱za Sali̱a Yesu.
36Ka Yopa, abhi̱ku̱ nkali̱ i̱naki nandiye Tabita (Ka Ku̱gu̱li̱ki̱ nandiye Dolika), yakolaga kima mabhonga na konia bhanako. 37Ka tolo injo, Tabita alwala naki̱ku̱wa. Ki̱nda ndiaki nibhakiogi̱sa toli̱ nibhaki̱bi̱sa gulu ka kisika ka ndabho sa golofa. 38Lida abhi̱ bi̱ya na Yopa, bhai̱ki̱li̱za ndia bhaoka nesi̱ Petelo ali ka Lida, bhabhutika bhaluku bhebhali i̱ya kunga Petelo eti, “Abi̱ke yau̱.”
39Petelo ai̱ya nabho, ndia aki̱dha nibhaki̱mu̱i̱sa gulu ka golofa. Bhamaki̱ku̱si̱a poni nibhakitelema bi̱ya naye, nibhagbei̱ ngamu nibhalia kimuani̱sa ngoye na koti̱ ndia Dolika yasaniaga kabho nalia nabho.
40Petelo nakibhukunga bhoponi eti bhahu̱we, du̱mbi̱ naki̱su̱ku̱mana ka saba, nakigali̱ngana kindia ki̱nda abhi̱o, nakigia bhiyo; “Tabita, ome.” Naki̱zu̱zu̱ka du̱mbi̱ ndia anzi̱ba Petelo, naki̱li̱kaga. 41Petelo nakingbeliaga ka kibhoko nakinkonia telemi̱saki. Nakibhueka bhai̱ki̱li̱za na si̱ni̱-si̱ni̱ bhamaki̱ku̱si̱a nakibhuani̱sa Tabita nali̱ki̱. 42Bhakpa ndibha ka Yopa bhoponi bhaoka makulu yoho, toli̱ bi̱yabho nibhaki̱mu̱hi̱ki̱li̱za Sali̱a. 43Petelo ali̱ka kindia Si̱moni̱ mwomi̱si̱ ngubu ka Yopa dhakia tolo mamadha.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025