Bikoluwa ndia Bhakwenda 7
7
Loki̱ ndia Sitefano ka ku̱sei̱ ndia Bhayu̱daya
1Du̱mbi̱ ngbekua bhabhembi̱ ndibha Mambombi̱ nakimuolu̱li̱a Sitefano bhiyo; “Kima yoho poni ndia bhaku̱ongi̱be andi mazima?”
2Sitefano naki̱si̱ki̱aku̱ bhiyo; “Bhaba na bhanamami, bhuniokiane. Mambombi̱ mindiasu̱ ntua ngu̱ko amuenikiliana tatasu̱ Ibbulahi̱mu̱ ka Mesopotamiya ndia kai̱mbe ka Halani 3nakingia bhiyo; ‘Otuke ka nsi ndiako toli̱ obhudhuwe bhalugandako oye ka kyalo ndie nikukutolia.’ ”
4Ibbulahi̱mu̱ atuka ka nsi ndia Bhakalidaya naki̱ya li̱kaki ka Halani. Abaki ndia aku̱wa, Mambombi̱ naki̱mbi̱ki̱sa mehe ka nsi ndio bhu̱li̱ku̱ endindi. 5Mambombi̱ kampesi̱a Ibbulahi̱mu̱ hala dhudhu poni, ka bwile injo Ibbulahi̱mu̱ yakabhi̱ na mi̱ki̱ no Mambombi̱ nakimulaki̱sana eti dhudhu poni akibha ndiaki imamoti̱ na bhananaki. 6Mambombi̱ atodha nakingia bhiyo; “Bhananako bhada ki̱li̱ka ka kyalo ndia kali ndiabho kindia bhada kiena bhu̱su̱ dhakia mwaka nku̱mi̱ i̱ni̱. 7No nikifubilia nsi injo ndia akibhu̱i̱sa bhia bhagele toli̱ ka dhakililia bhakinilami̱a mehe.”#Teketa 15:13-14 8Du̱mbi̱ Mambombi̱ nakilakana na Ibbulahi̱mu̱ tina. Toli̱ Ibbulahi̱mu̱ ndia ambokota Isaka, anti̱ni̱sa ka tolo ndiake nane naladhaki̱ bhokotiana. Na Isaka ndia ambokota Yakobbo naki̱nti̱ni̱sa na Yakobbo nakibhubhokota bhani̱ki̱ komi̱ na bhebhali ndibha ka nsi ndia ka Isaleli̱ nabho naki̱bhu̱ti̱ni̱sa.
9“Bhani̱ki̱ komi̱ na bhebhali bhehe bhangbelia namabho Yozefu i̱ni̱ nibhakinsumbesa bhia gele ka Mi̱si̱li̱. No Mambombi̱ ali̱ka nalia naye 10nakimbuwa ka ena bhu̱su̱ yoho poni. Mambombi̱ nakingbelia kobhu̱ naki̱mpesi̱a magezi̱ kei̱soa Falaho, sali̱a mindia ka Mi̱si̱li̱. Du̱mbi̱ Falaho nakimbuwa bhaki gavuna ka Mi̱si̱li̱ na lema kikali.”
11“No inja gbolu̱si̱ nakigu̱wa ka Mi̱si̱li̱ na ka Kanani nakidhua bhakpa nibhakiena bhu̱su̱, toli̱ bhatatasu̱ bhakatoka ena kima poni maliya. 12Yakobbo ndia aoka eti li̱eli̱ ali ka Mi̱si̱li̱, abhutikaku̱ bhatatasu̱ dou̱ ndia kateketa. 13Ndia bhai̱yaku̱ ndiake dou̱ bhali, Yozefu eyani̱sa kowa bhanamaki. Na Falaho ai̱bi̱li̱a kau̱ menjo i̱nji̱ ndia Yozefu. 14Du̱mbi̱ Yozefu naki̱nti̱ki̱sa abaki Yakobbo imamoti̱ na bhalugandaki poni i̱ya li̱kabho ka Mi̱si̱li̱, bhoponi bhabhi̱ bhakpa nsanju̱ na bhetano. 15Du̱mbi̱ Yakobbo naki̱ya yasi ka Mi̱si̱li̱ imamoti̱ na bhatatasu̱ kindia bhoponi bhakweli̱a. 16Ki̱nda ndiabho poni bhai̱sa lu̱mbai̱ ka Sekemu ke li̱mba ndia Ibbulahi̱mu̱ asumba na bhani̱ki̱ ndibha Hamoli.”
17“Nali̱bi̱ya duwa tolo ndia Mambombi̱ amulaki̱sana Ibbulahi̱mu̱ koliliaki ndia amulaki̱sana, bhakpa ndibhasu̱ bhabha nibhala madhi̱ ka Mi̱si̱li̱. 18Andu̱lu̱ sali̱a mindietolo ndia abi̱ka ka kusali̱a ndia ka Mi̱si̱li̱ mindia yakai̱bi̱ kima poni ndia angbei̱be Yozefu. 19Sali̱a miyo abhu̱eni̱sa bhu̱su̱ bhakpa ndibhasu̱ nakidhuwa bhabhokoti̱ nibhakibhumaka bhani̱ki̱ ndibhabho bhabenje andu̱lu̱ bhaku̱we.”
20“Ka bwile injo, Musa mi̱ki̱ mabhonga kei̱soa Mambombi̱ abhokotiana. Bhabhokoti̱ ndibhaki bhanzi̱bi̱li̱li̱a dhakia sungi salo ka i̱nji̱. 21Ndia bhamumaka Musa, mi̱ki̱ mindia Falaho nkali̱aki amuena naki̱mu̱i̱sa bombi̱saki bhia mi̱ki̱ mindiaki. 22Musa bhamuegesa magezi̱ poni ndia Bhanami̱si̱li̱ toli̱ nakibha na mani̱ ka loki̱ na kola kima.”
23“Musa ndia adoi̱sa mwaka maku̱mi̱ ana, ai̱ya nakibhumamikiliana bhalugandaki Bhaisaleli̱. 24Musa atangia nibhali kaeni̱sa bhu̱su̱ moti̱ ka bhalugandaki, naki̱bi̱ka koniaki, du̱mbi̱ nakimuola Munami̱si̱li̱. 25Musa nakyeli̱li̱kana eti Bhaisaleli̱ daki bhabhi̱ kikenga nesi̱ Mambombi̱ anti̱ki̱ ndiye bi̱ka zunabho, no bhakakenga.” 26Tolo ndia adhabhiabe, Musa asi̱ki̱aku̱ todha mamikiliana bhalugandaki, du̱mbi̱ nakibhudwana Bhaisaleli̱ bhebhali nibhali kalwana. Musa nakikingabe li̱nabho nakibhugia bhiyo; “Bhukuoliana eki bhenu̱ poni nibhuli bhatualuganda?”
27“No muluku mindia aya sobhi̱o anti̱ngi̱ti̱a Musa, nakimuolu̱li̱a bhiyo; ‘Andi ani̱ mindia akufola mulemi na cueliasu̱ku̱?’ 28Okukabha olami nesi̱ omuoli̱ Munami̱si̱li̱ bhugo?” 29Musa ndia aoka yoho, atetilia ka nsi ndia ka Midiyani kindia abhubhokotilia bhani̱ki̱ bhebhali bhalu̱ku̱abho.
30“Nalakoli̱be mwaka maku̱mi̱ ana, malai̱ka amuenikiliana Musa ka nkala, ke lungu bi̱ya na gu̱si̱a Sinai̱.” 31Musa ndia atangia nkala yoho, nki̱li̱ nakintina. Ndia asekedhana bi̱ya andu̱lu̱ azi̱be bhiani, aoka Sali̱a Mambombi̱ nakingia bhiyo; 32“Andimi Mambombi̱ mindia bhatatako, Mambombi̱ mindia Ibbulahi̱mu̱, Mambombi̱ mindia Isaka na Mambombi̱ mindia Yakobbo.” Musa atitila nali na bhoko toli̱ kabha na mani̱ sa zi̱ba.
33“Du̱mbi̱ Sali̱a Mambombi̱ nakingia Musa bhiyo; ‘Obhuweku̱ nkai̱to ndiako nanga otelemi̱ ka dhudhu mawelikana.’ 34Nitangi̱ nesi̱ bhakpa ndibhamo bhagbei̱ ena bhu̱su̱ ka Mi̱si̱li̱. Ni̱oki̱ ngamu ndiabho mamadha, toli̱ ni̱bi̱ki̱ zunabho. Nili katikako endindi osi̱ki̱ye ka Mi̱si̱li̱.”
35“Andiahaye Musa mindia Bhaisaleli̱ bhankoma ka Mi̱si̱li̱ nibhakingia bhiyo; ‘Andi ani̱ mindia akufola mulemi na cueliasu̱ku̱?’ Mambombi̱ antika bha mulemi mindiabho na bhuabhoku̱ kolilia kowa malai̱ka mindia amuenikiliana ka nkala.” 36Musa akola sazi̱bi̱li̱ai̱be ndia akitina nki̱li̱ mamadha, abhuikilia Bhaisaleli̱ tukabho ka Mi̱si̱li̱ nibhakoli̱li̱ ke tu̱li̱ matana imamoti̱ na ke lungu dhakia mwaka maku̱mi̱ ana.
37“Musa nku̱mi̱ abhutolia bhakpa ndibha ka Isaleli̱ bhiyo; ‘Mambombi̱ akimbuwa Nabbi̱ moti̱ mindia ali bhia emi tuka kowa bhakpa ndibhanu̱.’#Kilagilo 18:15 38Musa abhukumesa imamoti̱ bhatatasu̱ ke lungu du̱mbi̱ malai̱ka nakionga naye ka gu̱si̱a Sinai̱. Du̱mbi̱ menjo Mambombi̱ nakimpa Musa kigambo sa bwomezi̱ sa toliasu̱.”
39“No bhatatasu̱ bhakoma okiana Musa, toli̱ nibhakyeyokia nibhakabhi̱ si̱ki̱abho ka Mi̱si̱li̱. 40Bhatatasu̱ bhehe bhangia Aloni̱ bhiyo; ‘Obhukole kasu̱ bhamambombi̱ ndibha bhakikihikilia nanga bhi̱ki̱hi̱bi̱ ndia amulibe Musa mindia akibhuwa ka Mi̱si̱li̱.’ ” 41Andu̱lu̱ ndia bhakola kihongano nenyagi̱ mu̱ku̱a nte nibhakitandika bhembiliaki toli̱ nibhakikola bhu̱geni̱ nanga kima yoho ndia bhakola. 42Du̱mbi̱ Mambombi̱ nakibhutukabe Bhaisaleli̱ eti bhabhulami̱e bhatanga-tanga bhia bhamambombi̱ ndibhabho. Nesi̱ bhahandi̱ki̱ ka kitabo ndia bhanabbi̱ bhiyo;
“Bhakpa ndibha ka Isaleli̱, kandimi mindie bhuntinilia na bhembilia bhanyama ndibhanu̱
dhakia mwaka maku̱mi̱ ana ke lungu?
43Bhu̱ku̱mba kihongano ndianu̱ ka hema ndia Moleki,
na tanga-tanga mindia mambombi̱ mindianu̱ Lefani
na bhakihongano ndibho bhubhukola andu̱lu̱ bhubhulami̱e. Nikibhu̱i̱sa ka kyalo masela koliya ka Bbabbu̱loni̱.”#Amosi̱ 5:25-27
44“Bhatatasu̱ bhaku̱mba hema ke lungu. Bhabha nibhahaliki nibhatombi̱li̱li̱ nesi̱ Mambombi̱ amuani̱sa Musa. 45Nalakoli̱be mwaka mamadha, Yosuwa ndia abhuikilia bhatatasu̱ ka bhulemo na kyalo bi̱yai̱ ndia Mambombi̱ abhiya ka kyalo yoho, bhai̱ya na hema ka kyalo ndiabho mpiaka. Ali̱kaku̱ doi̱sa bwile ndia Dhau̱dhi̱ abha naliabe. 46Mambombi̱ angbelia Dhau̱dhi̱ kobhu̱, du̱mbi̱ Dhau̱dhi̱ nakinkunga eti ambalisane ahalike Hekalo ka Mambombi̱ mindia Yakobbo yamulami̱aga. 47No Sulumani ahalika ndiye.”
48No Mambombi̱ mindia gulu si̱ni̱ kaki̱li̱kaga ka ndabho ndia bhakpa bhahaliki̱o nesi̱ nabbi̱ akiongaga bhiyo;
49“Gulu andu̱lu̱ mbata ndiamo sa kusali̱a,
toli̱ ka nsi mehe nikikpetaga kau̱.
Mambombi̱ nakimuolu̱li̱a eti,
Andi ndabho mabhoni̱ ndia okutoka alikiliami?
Toli̱ nki̱li̱ka humuliliami mani?
50Kandimi mindia ahanga kima poni?”
51Sitefano nakibhugia bhiyo; “Bhenu̱ bhabhula koke, mulima ndianu̱ ati̱gi̱kani̱a toli̱ ki̱toi̱ ndianu̱ kakabhi̱ okiana makulu ndia Mambombi̱. Bhu̱nkomi̱ Mwoyo Mawelikana nesi̱ bhatatanu̱ bhankoma. 52Bhuntuwe nabbi̱ moti̱ mindia bhatatanu̱ bhakamueni̱sa bhu̱su̱. Bhai̱ya namusa ola bhenjo ndibha bhalangililia bi̱ka ndia mindia agbokiliani̱o. Toli̱ nibhukumuleliana, nibhukudhuwa nibhakimuola. 53Bhutunga kilagilo nesi̱ bhamalai̱ka bhabi̱ki̱sa no bhukugba.”
Ku̱wa ndia Sitefano
54Bhakpa ndibhabhi̱ ka ku̱sei̱ bhazigidhiluwa nanga kigambo ndia Sitefano ali̱ka ongai̱. Nibhakitandika kwebhabhu̱a ngaga. 55No Sitefano Mwoyo Mawelikana namulibe, azi̱ba gulu nakitangia ngu̱ko ndia Mambombi̱. Antangia Yesu natelemi̱ ka kibhoko sa kuluku ndia Mambombi̱. 56Sitefano nakibhugia bhiyo; “Bhu̱zi̱be, nitangi̱ gulu naoku̱dhani toli̱ Yesu natelemi̱ ka kibhoko sa kuluku ndia Mambombi̱.”
57Ndia bhaoka injo, bhadhakaga ki̱toi̱ ndiabho na kibhoko ndiabho, nibhakisakimana gweliaki nibhalia kihabhaga 58nibhaki̱mu̱hu̱i̱sa ka tau̱ni̱ manyeta na mani̱ nibhakitandika bhi̱ndagaki na tali. Bhenjo ndibha bhamunyegela bhetu̱ba koti̱ ndiabho nibhakiala ka kigua ntabhana i̱naki nandiye Saulo.
59Nibhalia ki̱mbi̱ndaga na tali, Sitefano nakitandika saba bhiyo; “Sali̱a Yesu, mwoyo ndiamo ni̱bi̱si̱ ka kibhoko ndiako.” 60Du̱mbi̱ naki̱su̱ku̱mana, nakisaba bhiyo; “Mambombi̱, kolo kubhucuelia musango sa kibi yoho.” Ndia adhakia onga yoho, naki̱ku̱wa.
Iliyochaguliwa sasa
Bikoluwa ndia Bhakwenda 7: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025
Bikoluwa ndia Bhakwenda 7
7
Loki̱ ndia Sitefano ka ku̱sei̱ ndia Bhayu̱daya
1Du̱mbi̱ ngbekua bhabhembi̱ ndibha Mambombi̱ nakimuolu̱li̱a Sitefano bhiyo; “Kima yoho poni ndia bhaku̱ongi̱be andi mazima?”
2Sitefano naki̱si̱ki̱aku̱ bhiyo; “Bhaba na bhanamami, bhuniokiane. Mambombi̱ mindiasu̱ ntua ngu̱ko amuenikiliana tatasu̱ Ibbulahi̱mu̱ ka Mesopotamiya ndia kai̱mbe ka Halani 3nakingia bhiyo; ‘Otuke ka nsi ndiako toli̱ obhudhuwe bhalugandako oye ka kyalo ndie nikukutolia.’ ”
4Ibbulahi̱mu̱ atuka ka nsi ndia Bhakalidaya naki̱ya li̱kaki ka Halani. Abaki ndia aku̱wa, Mambombi̱ naki̱mbi̱ki̱sa mehe ka nsi ndio bhu̱li̱ku̱ endindi. 5Mambombi̱ kampesi̱a Ibbulahi̱mu̱ hala dhudhu poni, ka bwile injo Ibbulahi̱mu̱ yakabhi̱ na mi̱ki̱ no Mambombi̱ nakimulaki̱sana eti dhudhu poni akibha ndiaki imamoti̱ na bhananaki. 6Mambombi̱ atodha nakingia bhiyo; “Bhananako bhada ki̱li̱ka ka kyalo ndia kali ndiabho kindia bhada kiena bhu̱su̱ dhakia mwaka nku̱mi̱ i̱ni̱. 7No nikifubilia nsi injo ndia akibhu̱i̱sa bhia bhagele toli̱ ka dhakililia bhakinilami̱a mehe.”#Teketa 15:13-14 8Du̱mbi̱ Mambombi̱ nakilakana na Ibbulahi̱mu̱ tina. Toli̱ Ibbulahi̱mu̱ ndia ambokota Isaka, anti̱ni̱sa ka tolo ndiake nane naladhaki̱ bhokotiana. Na Isaka ndia ambokota Yakobbo naki̱nti̱ni̱sa na Yakobbo nakibhubhokota bhani̱ki̱ komi̱ na bhebhali ndibha ka nsi ndia ka Isaleli̱ nabho naki̱bhu̱ti̱ni̱sa.
9“Bhani̱ki̱ komi̱ na bhebhali bhehe bhangbelia namabho Yozefu i̱ni̱ nibhakinsumbesa bhia gele ka Mi̱si̱li̱. No Mambombi̱ ali̱ka nalia naye 10nakimbuwa ka ena bhu̱su̱ yoho poni. Mambombi̱ nakingbelia kobhu̱ naki̱mpesi̱a magezi̱ kei̱soa Falaho, sali̱a mindia ka Mi̱si̱li̱. Du̱mbi̱ Falaho nakimbuwa bhaki gavuna ka Mi̱si̱li̱ na lema kikali.”
11“No inja gbolu̱si̱ nakigu̱wa ka Mi̱si̱li̱ na ka Kanani nakidhua bhakpa nibhakiena bhu̱su̱, toli̱ bhatatasu̱ bhakatoka ena kima poni maliya. 12Yakobbo ndia aoka eti li̱eli̱ ali ka Mi̱si̱li̱, abhutikaku̱ bhatatasu̱ dou̱ ndia kateketa. 13Ndia bhai̱yaku̱ ndiake dou̱ bhali, Yozefu eyani̱sa kowa bhanamaki. Na Falaho ai̱bi̱li̱a kau̱ menjo i̱nji̱ ndia Yozefu. 14Du̱mbi̱ Yozefu naki̱nti̱ki̱sa abaki Yakobbo imamoti̱ na bhalugandaki poni i̱ya li̱kabho ka Mi̱si̱li̱, bhoponi bhabhi̱ bhakpa nsanju̱ na bhetano. 15Du̱mbi̱ Yakobbo naki̱ya yasi ka Mi̱si̱li̱ imamoti̱ na bhatatasu̱ kindia bhoponi bhakweli̱a. 16Ki̱nda ndiabho poni bhai̱sa lu̱mbai̱ ka Sekemu ke li̱mba ndia Ibbulahi̱mu̱ asumba na bhani̱ki̱ ndibha Hamoli.”
17“Nali̱bi̱ya duwa tolo ndia Mambombi̱ amulaki̱sana Ibbulahi̱mu̱ koliliaki ndia amulaki̱sana, bhakpa ndibhasu̱ bhabha nibhala madhi̱ ka Mi̱si̱li̱. 18Andu̱lu̱ sali̱a mindietolo ndia abi̱ka ka kusali̱a ndia ka Mi̱si̱li̱ mindia yakai̱bi̱ kima poni ndia angbei̱be Yozefu. 19Sali̱a miyo abhu̱eni̱sa bhu̱su̱ bhakpa ndibhasu̱ nakidhuwa bhabhokoti̱ nibhakibhumaka bhani̱ki̱ ndibhabho bhabenje andu̱lu̱ bhaku̱we.”
20“Ka bwile injo, Musa mi̱ki̱ mabhonga kei̱soa Mambombi̱ abhokotiana. Bhabhokoti̱ ndibhaki bhanzi̱bi̱li̱li̱a dhakia sungi salo ka i̱nji̱. 21Ndia bhamumaka Musa, mi̱ki̱ mindia Falaho nkali̱aki amuena naki̱mu̱i̱sa bombi̱saki bhia mi̱ki̱ mindiaki. 22Musa bhamuegesa magezi̱ poni ndia Bhanami̱si̱li̱ toli̱ nakibha na mani̱ ka loki̱ na kola kima.”
23“Musa ndia adoi̱sa mwaka maku̱mi̱ ana, ai̱ya nakibhumamikiliana bhalugandaki Bhaisaleli̱. 24Musa atangia nibhali kaeni̱sa bhu̱su̱ moti̱ ka bhalugandaki, naki̱bi̱ka koniaki, du̱mbi̱ nakimuola Munami̱si̱li̱. 25Musa nakyeli̱li̱kana eti Bhaisaleli̱ daki bhabhi̱ kikenga nesi̱ Mambombi̱ anti̱ki̱ ndiye bi̱ka zunabho, no bhakakenga.” 26Tolo ndia adhabhiabe, Musa asi̱ki̱aku̱ todha mamikiliana bhalugandaki, du̱mbi̱ nakibhudwana Bhaisaleli̱ bhebhali nibhali kalwana. Musa nakikingabe li̱nabho nakibhugia bhiyo; “Bhukuoliana eki bhenu̱ poni nibhuli bhatualuganda?”
27“No muluku mindia aya sobhi̱o anti̱ngi̱ti̱a Musa, nakimuolu̱li̱a bhiyo; ‘Andi ani̱ mindia akufola mulemi na cueliasu̱ku̱?’ 28Okukabha olami nesi̱ omuoli̱ Munami̱si̱li̱ bhugo?” 29Musa ndia aoka yoho, atetilia ka nsi ndia ka Midiyani kindia abhubhokotilia bhani̱ki̱ bhebhali bhalu̱ku̱abho.
30“Nalakoli̱be mwaka maku̱mi̱ ana, malai̱ka amuenikiliana Musa ka nkala, ke lungu bi̱ya na gu̱si̱a Sinai̱.” 31Musa ndia atangia nkala yoho, nki̱li̱ nakintina. Ndia asekedhana bi̱ya andu̱lu̱ azi̱be bhiani, aoka Sali̱a Mambombi̱ nakingia bhiyo; 32“Andimi Mambombi̱ mindia bhatatako, Mambombi̱ mindia Ibbulahi̱mu̱, Mambombi̱ mindia Isaka na Mambombi̱ mindia Yakobbo.” Musa atitila nali na bhoko toli̱ kabha na mani̱ sa zi̱ba.
33“Du̱mbi̱ Sali̱a Mambombi̱ nakingia Musa bhiyo; ‘Obhuweku̱ nkai̱to ndiako nanga otelemi̱ ka dhudhu mawelikana.’ 34Nitangi̱ nesi̱ bhakpa ndibhamo bhagbei̱ ena bhu̱su̱ ka Mi̱si̱li̱. Ni̱oki̱ ngamu ndiabho mamadha, toli̱ ni̱bi̱ki̱ zunabho. Nili katikako endindi osi̱ki̱ye ka Mi̱si̱li̱.”
35“Andiahaye Musa mindia Bhaisaleli̱ bhankoma ka Mi̱si̱li̱ nibhakingia bhiyo; ‘Andi ani̱ mindia akufola mulemi na cueliasu̱ku̱?’ Mambombi̱ antika bha mulemi mindiabho na bhuabhoku̱ kolilia kowa malai̱ka mindia amuenikiliana ka nkala.” 36Musa akola sazi̱bi̱li̱ai̱be ndia akitina nki̱li̱ mamadha, abhuikilia Bhaisaleli̱ tukabho ka Mi̱si̱li̱ nibhakoli̱li̱ ke tu̱li̱ matana imamoti̱ na ke lungu dhakia mwaka maku̱mi̱ ana.
37“Musa nku̱mi̱ abhutolia bhakpa ndibha ka Isaleli̱ bhiyo; ‘Mambombi̱ akimbuwa Nabbi̱ moti̱ mindia ali bhia emi tuka kowa bhakpa ndibhanu̱.’#Kilagilo 18:15 38Musa abhukumesa imamoti̱ bhatatasu̱ ke lungu du̱mbi̱ malai̱ka nakionga naye ka gu̱si̱a Sinai̱. Du̱mbi̱ menjo Mambombi̱ nakimpa Musa kigambo sa bwomezi̱ sa toliasu̱.”
39“No bhatatasu̱ bhakoma okiana Musa, toli̱ nibhakyeyokia nibhakabhi̱ si̱ki̱abho ka Mi̱si̱li̱. 40Bhatatasu̱ bhehe bhangia Aloni̱ bhiyo; ‘Obhukole kasu̱ bhamambombi̱ ndibha bhakikihikilia nanga bhi̱ki̱hi̱bi̱ ndia amulibe Musa mindia akibhuwa ka Mi̱si̱li̱.’ ” 41Andu̱lu̱ ndia bhakola kihongano nenyagi̱ mu̱ku̱a nte nibhakitandika bhembiliaki toli̱ nibhakikola bhu̱geni̱ nanga kima yoho ndia bhakola. 42Du̱mbi̱ Mambombi̱ nakibhutukabe Bhaisaleli̱ eti bhabhulami̱e bhatanga-tanga bhia bhamambombi̱ ndibhabho. Nesi̱ bhahandi̱ki̱ ka kitabo ndia bhanabbi̱ bhiyo;
“Bhakpa ndibha ka Isaleli̱, kandimi mindie bhuntinilia na bhembilia bhanyama ndibhanu̱
dhakia mwaka maku̱mi̱ ana ke lungu?
43Bhu̱ku̱mba kihongano ndianu̱ ka hema ndia Moleki,
na tanga-tanga mindia mambombi̱ mindianu̱ Lefani
na bhakihongano ndibho bhubhukola andu̱lu̱ bhubhulami̱e. Nikibhu̱i̱sa ka kyalo masela koliya ka Bbabbu̱loni̱.”#Amosi̱ 5:25-27
44“Bhatatasu̱ bhaku̱mba hema ke lungu. Bhabha nibhahaliki nibhatombi̱li̱li̱ nesi̱ Mambombi̱ amuani̱sa Musa. 45Nalakoli̱be mwaka mamadha, Yosuwa ndia abhuikilia bhatatasu̱ ka bhulemo na kyalo bi̱yai̱ ndia Mambombi̱ abhiya ka kyalo yoho, bhai̱ya na hema ka kyalo ndiabho mpiaka. Ali̱kaku̱ doi̱sa bwile ndia Dhau̱dhi̱ abha naliabe. 46Mambombi̱ angbelia Dhau̱dhi̱ kobhu̱, du̱mbi̱ Dhau̱dhi̱ nakinkunga eti ambalisane ahalike Hekalo ka Mambombi̱ mindia Yakobbo yamulami̱aga. 47No Sulumani ahalika ndiye.”
48No Mambombi̱ mindia gulu si̱ni̱ kaki̱li̱kaga ka ndabho ndia bhakpa bhahaliki̱o nesi̱ nabbi̱ akiongaga bhiyo;
49“Gulu andu̱lu̱ mbata ndiamo sa kusali̱a,
toli̱ ka nsi mehe nikikpetaga kau̱.
Mambombi̱ nakimuolu̱li̱a eti,
Andi ndabho mabhoni̱ ndia okutoka alikiliami?
Toli̱ nki̱li̱ka humuliliami mani?
50Kandimi mindia ahanga kima poni?”
51Sitefano nakibhugia bhiyo; “Bhenu̱ bhabhula koke, mulima ndianu̱ ati̱gi̱kani̱a toli̱ ki̱toi̱ ndianu̱ kakabhi̱ okiana makulu ndia Mambombi̱. Bhu̱nkomi̱ Mwoyo Mawelikana nesi̱ bhatatanu̱ bhankoma. 52Bhuntuwe nabbi̱ moti̱ mindia bhatatanu̱ bhakamueni̱sa bhu̱su̱. Bhai̱ya namusa ola bhenjo ndibha bhalangililia bi̱ka ndia mindia agbokiliani̱o. Toli̱ nibhukumuleliana, nibhukudhuwa nibhakimuola. 53Bhutunga kilagilo nesi̱ bhamalai̱ka bhabi̱ki̱sa no bhukugba.”
Ku̱wa ndia Sitefano
54Bhakpa ndibhabhi̱ ka ku̱sei̱ bhazigidhiluwa nanga kigambo ndia Sitefano ali̱ka ongai̱. Nibhakitandika kwebhabhu̱a ngaga. 55No Sitefano Mwoyo Mawelikana namulibe, azi̱ba gulu nakitangia ngu̱ko ndia Mambombi̱. Antangia Yesu natelemi̱ ka kibhoko sa kuluku ndia Mambombi̱. 56Sitefano nakibhugia bhiyo; “Bhu̱zi̱be, nitangi̱ gulu naoku̱dhani toli̱ Yesu natelemi̱ ka kibhoko sa kuluku ndia Mambombi̱.”
57Ndia bhaoka injo, bhadhakaga ki̱toi̱ ndiabho na kibhoko ndiabho, nibhakisakimana gweliaki nibhalia kihabhaga 58nibhaki̱mu̱hu̱i̱sa ka tau̱ni̱ manyeta na mani̱ nibhakitandika bhi̱ndagaki na tali. Bhenjo ndibha bhamunyegela bhetu̱ba koti̱ ndiabho nibhakiala ka kigua ntabhana i̱naki nandiye Saulo.
59Nibhalia ki̱mbi̱ndaga na tali, Sitefano nakitandika saba bhiyo; “Sali̱a Yesu, mwoyo ndiamo ni̱bi̱si̱ ka kibhoko ndiako.” 60Du̱mbi̱ naki̱su̱ku̱mana, nakisaba bhiyo; “Mambombi̱, kolo kubhucuelia musango sa kibi yoho.” Ndia adhakia onga yoho, naki̱ku̱wa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025