Bikoluwa ndia Bhakwenda 4
4
Petelo na Yohana nibhakyetonganabe
1Petelo na Yohana nibhalia kibhuongilia bhakpa, bhabhembi̱ ndibha Mambombi̱, ngbekua bhabhu̱ndi̱li̱ Hekalo imamoti̱ na Bhasadukayo nibhaki̱ki̱dha. 2Bhasali̱a bhehe bhazigidhiluwa si̱ni̱ nanga Petelo na Yohana bhabhi̱ kaegesa bhakpa eti Yesu ahu̱mbu̱ka, ndia akiani̱sa eti ndibha bhaku̱wo bhaki̱hu̱mbu̱ka. 3Bhangba Petelo na Yohana, nibhaki̱bhu̱bi̱sa ka nkomo doi̱sa u̱ma-u̱ma nanga yabhi̱ tamabhugo-bhugo. 4Toli̱ bi̱ya bhakpa ndibha oka ndia Petelo na Yohana bhabhi̱ kaegesai̱, bhahi̱ki̱li̱za. Bhaluku ndibha bhahi̱ki̱li̱za bhaduwa nku̱mi̱ tano.
5Tolo ndia adhabhiabe bhalemi na bhangbeku ndibha Bhayu̱daya imamoti̱ na bhaegesi̱ sa kilagilo ndia Mambombi̱ ampesi̱a Musa nibhaki̱si̱dha-si̱dhana ka Yelusalemu. 6Anasi ngbekua bhabhembi̱ mindia Mambombi̱ atakanana na Kayafa na Yohana na Alekizanda imamoti̱ na bhalugandaki ndibhetolo. 7Bhambi̱ki̱sa Petelo na Yohana kei̱soabho, nibhakibhuolu̱li̱a bhiyo; “Kima yoho bhu̱koli̱ ka mani̱ ti̱na toli̱ ka i̱na ani?”
8Du̱mbi̱ Petelo, Mwoyo Mawelikana namulibe nakibhugia bhiyo; “Bhalemi na bhangbeku ndibha bhakpa.” 9Kabha nibhuli kaolu̱li̱asu̱ lelu nanga kima mabhonga ndie kikoli ka muluku mindia abhi̱ nalamali̱ na kabha i̱ba nesi̱ alama, 10bhu̱i̱be yoho bhenu̱ na bhakpa poni ndibha ka Isaleli̱, muluku miyo mindia atelemi̱ kei̱soanu̱ nalami̱ andi nanga mani̱ ndia ali ka i̱na Yesu Ki̱li̱si̱to mindia ka tau̱ni̱ ndia ka Nazaleti̱, mindie bhumbamba ka musalaba no Mambombi̱ naki̱mu̱hu̱mbu̱la. 11Nanga Yesu bhamuongabe ka Ndia Bhahandika ndia akigiaga bhiyo;
“Tali bhenu̱ bhahali̱ki̱ ndie bhukoma
andu̱lu̱ ndia ahagika ndabho.”
12Du̱mbi̱ Petelo nakigia bhiyo; “Yesu andiye yekaka mindia akitoka zuna bhakpa. Kabhi̱mbebe nkpa mindietolo ka nsi mindia akikola yoho.”
13Bhakpa ndibhabhi̱ ka si̱dha-si̱dhana nki̱li̱ abhutina ndia bhatangia nesi̱ Petelo na Yohana bhagbei̱ onga na mani̱. Nanga bhabhi̱ bhakpa ndibha gwabhi̱mba toli̱ yabhakasomi. Nibhakibhuhibilia bhia bhaluku ndibha bhabhi̱ na Yesu. 14No ndia bhantangia muluku mindia Petelo na Yohana bhamulami̱sa natelemi̱ nabho, kabhabe kima poni ndia bhaonga. 15Bhalagilia eti bhahu̱we ka ku̱sei̱ ndia Bhayu̱daya du̱mbi̱ nibhakitandika hanula bhiyo; 16“Kikoleki na bhaluku bhehe?ʼʼ Bhikikitoka ngana eti bhakakoli̱ sazi̱bi̱li̱ai̱be ndia akitina nki̱li̱ nanga bhakpa poni ka Yelusalemu bhai̱bi̱ kima yoho. 17No kanga dhuwa bhakpa bhehe nibha kiseli̱sa makulu yoho, kibhukomise bhadhweliye menjo onga na bhakpa poni nibhakikoli̱sa i̱na ndia Yesu.”
18Nibhakitodha eka Petelo na Yohana ka si̱dha-si̱dhana toli̱ nibhakibhulagilia eti bhakala kitodha onga kedha egesa ka i̱na ndia Yesu. 19No Petelo na Yohana nibhaki̱bhu̱si̱ki̱aku̱ bhiyo; “Bhukweli̱li̱kana Mambombi̱ akabhi̱ kibhuoke bhenu̱, nandiki ye? Ali kowanu̱ cuwaku̱ 20Bhikikitoka dhuwa ongai̱be ndie kitangi̱o na ndie ki̱oki̱o.” 21Ndibhabhi̱ ka si̱dha-si̱dhana yoho ndia bhadhakia bhangi̱sabho, nibhakibhudhwelia nanga bhakabhi̱ na nsonga ndia akidhuwa nibhakinfubilia Petelo na Yohana. Bhakpa bhoponi bhabhi̱ kasinda Mambombi̱ nanga ndia enikani̱o. 22Muluku mindia alama abhi̱ na mwaka ndia akoli ka maku̱mi̱ ana toli̱ kabhi̱ kilama bhuai̱be Mambombi̱ nku̱mi̱ namulami̱si̱.
Nsala ndia Bhai̱ki̱li̱za
23Ndia bhandwelia Petelo na Yohana, bhasi̱ki̱a ka bhai̱ki̱li̱za ndibhetolo toliabho ndia bhabhembi̱ bhangbeku na bhangbeku ndia bhaongi̱o. 24Ndia bhaoka makulu yoho, bhai̱ki̱li̱za bhoponi nibhaki̱mei̱sa laso ndiabho imamoti̱ ka saba Mambombi̱ nibhakigia bhiyo; “Uwe Sali̱a ntua mani̱ si̱ni̱ mindia ohanga gwabhi̱mba na gulu, tu̱li̱ imamoti̱ na kima poni ndia ali̱ku̱.” 25Oʼnga na Mwoyo Mawelikana kolilia kowa tatasu̱ Dhau̱dhi̱ nkoli̱ mindiako, nokugia bhiyo;
“Ndia adhu̱ kyalo poni nazi̱gi̱dhi̱lu̱ andiki?
Ndia adhuwa bhakpa nibhaki̱lu̱za bwile ndiabho tegeka kima ndia kali na mugaso andiki?”
26Bhasali̱a na bhalemi ndibha ka nsi bhekumesi imamoti̱.
Bhatiniku̱ lwani̱sa Sali̱a Mambombi̱ na Masiya mindiaki.#4:26 Masiya andiye mindia bhambuwa zuna bhakpa.
27Ka mazima yoho aenikani̱ mehe ka tau̱ni̱ manyeta. Nanga Helude na Pontio Pilato na Bhakpa ndibha kali Bhayu̱daya imamoti̱ na bhakpa ndibha ka Isaleli̱ bhekumesa imamoti̱ ngana Yesu Nkoli̱ mindiako mawelikana mindio ondu̱ki̱abe mou̱la. 28Bhakola kima yoho poni ka magezi̱ na mani̱ ndiako nesi̱ otinaku̱ eti abhebhu. 29Endindi Sali̱a, oʼke nesi̱ bhagbei̱ bhangi̱sasu̱, toli̱ bhesu̱ bhakoli̱ ndibhako okitokise ongabe kigambo ndiako makanga bha na bhoko. 30Onanuwe kibhoko ndiako ndia ali na mani̱ sa lami̱sa, odhuwe sazi̱bi̱li̱ai̱be ndia akitina nki̱li̱ aenikane kolilia ka i̱na ndia nkoli̱ mindiako mawelikana Yesu.
31Ndia bhadhakia saba, kindie bhabhi̱ nibhasi̱dha-si̱dhani̱li̱o nakidhinga du̱mbi̱ Mwoyo Mawelikana naki̱bhu̱bi̱kabe nibhakitebeza kigambo ndia Mambombi̱ ndia bhakali na bhoko poni.
Bhai̱ki̱li̱za nibhakigabiana ndia bhabhi̱ nai̱
32Bhai̱ki̱li̱za bhoponi bhabhi̱ bhia nkpa moti̱ ka mulima na ka kweli̱li̱kana ndiabho. Kalibe mindia yagiaga eti ndia ali nai̱ ali ndiaki yekaka no yabhagabianaga poni ndia bhabhi̱ nai̱. 33Bhakwenda bhapesi̱aku̱ bwakai̱so na mani̱ ka hu̱mbu̱ka ndia Sali̱a Yesu toli̱ kobhu̱ ndia Mambombi̱ yali̱kaga nabho. 34Kabhi̱be nkpa poni kowabho mindia yabhulililwaga. Nanga bhenjo ndibhabhi̱ na dhudhu kedha ndabho yabhasumbesaga. 35Toli̱ mbangana injo yabhabi̱ki̱saga kowa bhakwenda ndibha Yesu Ki̱li̱si̱to, pesi̱a bhenjo ndibhabhi̱ na ndia bhakikabha.
36Abha nalibe muluku moti̱ i̱naki nandiye Yozefu mindia bhakwenda bhambi̱sabe i̱na Balanaba (Makulu si̱, “nsi̱ki̱si̱ku̱ mani̱”). Abha nandi Mu̱levi̱ nabhokotiani ka nsi ndia ka Ki̱pu̱lo. 37Asumbesa dhudhu ndiaki naki̱bi̱ki̱sa mbangana naki̱bhu̱pesi̱a bhakwenda ndibha Yesu.
Iliyochaguliwa sasa
Bikoluwa ndia Bhakwenda 4: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025
Bikoluwa ndia Bhakwenda 4
4
Petelo na Yohana nibhakyetonganabe
1Petelo na Yohana nibhalia kibhuongilia bhakpa, bhabhembi̱ ndibha Mambombi̱, ngbekua bhabhu̱ndi̱li̱ Hekalo imamoti̱ na Bhasadukayo nibhaki̱ki̱dha. 2Bhasali̱a bhehe bhazigidhiluwa si̱ni̱ nanga Petelo na Yohana bhabhi̱ kaegesa bhakpa eti Yesu ahu̱mbu̱ka, ndia akiani̱sa eti ndibha bhaku̱wo bhaki̱hu̱mbu̱ka. 3Bhangba Petelo na Yohana, nibhaki̱bhu̱bi̱sa ka nkomo doi̱sa u̱ma-u̱ma nanga yabhi̱ tamabhugo-bhugo. 4Toli̱ bi̱ya bhakpa ndibha oka ndia Petelo na Yohana bhabhi̱ kaegesai̱, bhahi̱ki̱li̱za. Bhaluku ndibha bhahi̱ki̱li̱za bhaduwa nku̱mi̱ tano.
5Tolo ndia adhabhiabe bhalemi na bhangbeku ndibha Bhayu̱daya imamoti̱ na bhaegesi̱ sa kilagilo ndia Mambombi̱ ampesi̱a Musa nibhaki̱si̱dha-si̱dhana ka Yelusalemu. 6Anasi ngbekua bhabhembi̱ mindia Mambombi̱ atakanana na Kayafa na Yohana na Alekizanda imamoti̱ na bhalugandaki ndibhetolo. 7Bhambi̱ki̱sa Petelo na Yohana kei̱soabho, nibhakibhuolu̱li̱a bhiyo; “Kima yoho bhu̱koli̱ ka mani̱ ti̱na toli̱ ka i̱na ani?”
8Du̱mbi̱ Petelo, Mwoyo Mawelikana namulibe nakibhugia bhiyo; “Bhalemi na bhangbeku ndibha bhakpa.” 9Kabha nibhuli kaolu̱li̱asu̱ lelu nanga kima mabhonga ndie kikoli ka muluku mindia abhi̱ nalamali̱ na kabha i̱ba nesi̱ alama, 10bhu̱i̱be yoho bhenu̱ na bhakpa poni ndibha ka Isaleli̱, muluku miyo mindia atelemi̱ kei̱soanu̱ nalami̱ andi nanga mani̱ ndia ali ka i̱na Yesu Ki̱li̱si̱to mindia ka tau̱ni̱ ndia ka Nazaleti̱, mindie bhumbamba ka musalaba no Mambombi̱ naki̱mu̱hu̱mbu̱la. 11Nanga Yesu bhamuongabe ka Ndia Bhahandika ndia akigiaga bhiyo;
“Tali bhenu̱ bhahali̱ki̱ ndie bhukoma
andu̱lu̱ ndia ahagika ndabho.”
12Du̱mbi̱ Petelo nakigia bhiyo; “Yesu andiye yekaka mindia akitoka zuna bhakpa. Kabhi̱mbebe nkpa mindietolo ka nsi mindia akikola yoho.”
13Bhakpa ndibhabhi̱ ka si̱dha-si̱dhana nki̱li̱ abhutina ndia bhatangia nesi̱ Petelo na Yohana bhagbei̱ onga na mani̱. Nanga bhabhi̱ bhakpa ndibha gwabhi̱mba toli̱ yabhakasomi. Nibhakibhuhibilia bhia bhaluku ndibha bhabhi̱ na Yesu. 14No ndia bhantangia muluku mindia Petelo na Yohana bhamulami̱sa natelemi̱ nabho, kabhabe kima poni ndia bhaonga. 15Bhalagilia eti bhahu̱we ka ku̱sei̱ ndia Bhayu̱daya du̱mbi̱ nibhakitandika hanula bhiyo; 16“Kikoleki na bhaluku bhehe?ʼʼ Bhikikitoka ngana eti bhakakoli̱ sazi̱bi̱li̱ai̱be ndia akitina nki̱li̱ nanga bhakpa poni ka Yelusalemu bhai̱bi̱ kima yoho. 17No kanga dhuwa bhakpa bhehe nibha kiseli̱sa makulu yoho, kibhukomise bhadhweliye menjo onga na bhakpa poni nibhakikoli̱sa i̱na ndia Yesu.”
18Nibhakitodha eka Petelo na Yohana ka si̱dha-si̱dhana toli̱ nibhakibhulagilia eti bhakala kitodha onga kedha egesa ka i̱na ndia Yesu. 19No Petelo na Yohana nibhaki̱bhu̱si̱ki̱aku̱ bhiyo; “Bhukweli̱li̱kana Mambombi̱ akabhi̱ kibhuoke bhenu̱, nandiki ye? Ali kowanu̱ cuwaku̱ 20Bhikikitoka dhuwa ongai̱be ndie kitangi̱o na ndie ki̱oki̱o.” 21Ndibhabhi̱ ka si̱dha-si̱dhana yoho ndia bhadhakia bhangi̱sabho, nibhakibhudhwelia nanga bhakabhi̱ na nsonga ndia akidhuwa nibhakinfubilia Petelo na Yohana. Bhakpa bhoponi bhabhi̱ kasinda Mambombi̱ nanga ndia enikani̱o. 22Muluku mindia alama abhi̱ na mwaka ndia akoli ka maku̱mi̱ ana toli̱ kabhi̱ kilama bhuai̱be Mambombi̱ nku̱mi̱ namulami̱si̱.
Nsala ndia Bhai̱ki̱li̱za
23Ndia bhandwelia Petelo na Yohana, bhasi̱ki̱a ka bhai̱ki̱li̱za ndibhetolo toliabho ndia bhabhembi̱ bhangbeku na bhangbeku ndia bhaongi̱o. 24Ndia bhaoka makulu yoho, bhai̱ki̱li̱za bhoponi nibhaki̱mei̱sa laso ndiabho imamoti̱ ka saba Mambombi̱ nibhakigia bhiyo; “Uwe Sali̱a ntua mani̱ si̱ni̱ mindia ohanga gwabhi̱mba na gulu, tu̱li̱ imamoti̱ na kima poni ndia ali̱ku̱.” 25Oʼnga na Mwoyo Mawelikana kolilia kowa tatasu̱ Dhau̱dhi̱ nkoli̱ mindiako, nokugia bhiyo;
“Ndia adhu̱ kyalo poni nazi̱gi̱dhi̱lu̱ andiki?
Ndia adhuwa bhakpa nibhaki̱lu̱za bwile ndiabho tegeka kima ndia kali na mugaso andiki?”
26Bhasali̱a na bhalemi ndibha ka nsi bhekumesi imamoti̱.
Bhatiniku̱ lwani̱sa Sali̱a Mambombi̱ na Masiya mindiaki.#4:26 Masiya andiye mindia bhambuwa zuna bhakpa.
27Ka mazima yoho aenikani̱ mehe ka tau̱ni̱ manyeta. Nanga Helude na Pontio Pilato na Bhakpa ndibha kali Bhayu̱daya imamoti̱ na bhakpa ndibha ka Isaleli̱ bhekumesa imamoti̱ ngana Yesu Nkoli̱ mindiako mawelikana mindio ondu̱ki̱abe mou̱la. 28Bhakola kima yoho poni ka magezi̱ na mani̱ ndiako nesi̱ otinaku̱ eti abhebhu. 29Endindi Sali̱a, oʼke nesi̱ bhagbei̱ bhangi̱sasu̱, toli̱ bhesu̱ bhakoli̱ ndibhako okitokise ongabe kigambo ndiako makanga bha na bhoko. 30Onanuwe kibhoko ndiako ndia ali na mani̱ sa lami̱sa, odhuwe sazi̱bi̱li̱ai̱be ndia akitina nki̱li̱ aenikane kolilia ka i̱na ndia nkoli̱ mindiako mawelikana Yesu.
31Ndia bhadhakia saba, kindie bhabhi̱ nibhasi̱dha-si̱dhani̱li̱o nakidhinga du̱mbi̱ Mwoyo Mawelikana naki̱bhu̱bi̱kabe nibhakitebeza kigambo ndia Mambombi̱ ndia bhakali na bhoko poni.
Bhai̱ki̱li̱za nibhakigabiana ndia bhabhi̱ nai̱
32Bhai̱ki̱li̱za bhoponi bhabhi̱ bhia nkpa moti̱ ka mulima na ka kweli̱li̱kana ndiabho. Kalibe mindia yagiaga eti ndia ali nai̱ ali ndiaki yekaka no yabhagabianaga poni ndia bhabhi̱ nai̱. 33Bhakwenda bhapesi̱aku̱ bwakai̱so na mani̱ ka hu̱mbu̱ka ndia Sali̱a Yesu toli̱ kobhu̱ ndia Mambombi̱ yali̱kaga nabho. 34Kabhi̱be nkpa poni kowabho mindia yabhulililwaga. Nanga bhenjo ndibhabhi̱ na dhudhu kedha ndabho yabhasumbesaga. 35Toli̱ mbangana injo yabhabi̱ki̱saga kowa bhakwenda ndibha Yesu Ki̱li̱si̱to, pesi̱a bhenjo ndibhabhi̱ na ndia bhakikabha.
36Abha nalibe muluku moti̱ i̱naki nandiye Yozefu mindia bhakwenda bhambi̱sabe i̱na Balanaba (Makulu si̱, “nsi̱ki̱si̱ku̱ mani̱”). Abha nandi Mu̱levi̱ nabhokotiani ka nsi ndia ka Ki̱pu̱lo. 37Asumbesa dhudhu ndiaki naki̱bi̱ki̱sa mbangana naki̱bhu̱pesi̱a bhakwenda ndibha Yesu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025