Bikoluwa ndia Bhakwenda 5
5
Anania na Safi̱la
1Abhi̱be muluku i̱naki nandiye Anania imamoti̱ na nkaki Safi̱la nabho bhasumbesabe moti̱ ka dhudhu ndia bhabhi̱ nai̱. 2Anania abi̱ki̱sabe ka bhakwenda gbu̱tu̱si̱ sa mbangana injo nakibhugia eti mbangana andu̱lu̱ yoho uponi ndietolo nakisomia toli̱ yoho poni akola na nkaki nai̱bi̱.
3Du̱mbi̱ Petelo nakingia bhiyo; “Anania, Sitani adhu̱ noku̱bi̱sa gbu̱tu̱si̱ sa mbangana ndio obhoi̱ ka sumbesa dhudhu ndiako nangeki? Ondimagi̱ Mwoyo Mawelikana nokusomia gbu̱tu̱si̱ sa mbangana ndio obhoi̱ ka sumbesa dhudhu. 4Dhudhu abhi̱ ndiako sumbesai̱ kedha kanga sumbesai̱ toli̱ ndia odhakia sumbesai̱, abhi̱ kowako mbangana injo pesi̱ai̱ku̱ kedha bba. Okola kima sie yoho nangeki? Kobhi̱ kadimaga bhakpa no Mambombi̱.”
5Anania ndia aoka kigambo yoho, agu̱wa gwabhi̱mba naki̱ku̱wa. Nkpa poni mindia aoka makulu yoho bhoko angbeliabe. 6Du̱mbi̱ bhatabhana bhameliaku̱ nibhakibhuwa ki̱nda ka suka nibhaki̱hu̱i̱sa ya lu̱mbai̱.
7Nalakoli̱be bhia saha salo, Safi̱la nkali̱a Anania abi̱ka ka ndabho kindia Petelo abhi̱o makanga i̱ba ndia enikani̱o. 8Toli̱ Petelo nakingia bhiyo; “Onitolie, yoho andu̱lu̱ mbangana toto ndio bhubhoi̱ ka sumbesa dhudhu ndianu̱?”
Safi̱la nakibhala eti andu̱lu̱ injo toto.
9Du̱mbi̱ Petelo nakingia bhiyo; “Ndia adhuwa nibhukuokana uwe na munyako lengesa Mwoyo mindia Mambombi̱ andiki? Bhatabhana ndibha bhamu̱lu̱mbi̱ munyako bhali ka mpu̱me, newe bhaku̱ku̱ku̱mba endindi bhai̱ye bhaku̱lu̱mbe.”
10Du̱mbi̱ menjo Safi̱la agu̱wa gwabhi̱mba nakikweliabe. Bhatabhana ndia bhagodhaku̱ bhatakana naku̱, nibhaki̱ku̱mba ki̱nda ndiaki i̱ya lu̱mbai̱ bi̱ya na kindia bhamu̱lu̱mba munyaki. 11Bhoko nakibhugba bhai̱ki̱li̱za bhoponi na nkpa poni mindia aoka ndia enikani̱o.
Bhakwenda nibhakikola sazi̱bi̱li̱ai̱be ndia akibhutina nki̱li̱ bi̱ya bhakpa
12Bhakwenda bhakola sazi̱bi̱li̱ai̱be mamadha ndia akitina nki̱li̱ kowa bhakpa. Toli̱ bhai̱ki̱li̱za bhoponi yabhasi̱dha-si̱dhanaga ka ku̱dhu̱ ndia Sulumani. 13Kalibe nkpa na moti̱ mindia abhi̱ kyei̱saga bhia mu̱i̱ki̱li̱za eti abhwebhingiye, no bhakpa poni yabhabhuongagabe kulungi. 14Tolo poni bhakpa bi̱yabho bhaluku na bhakali̱, bhabhwebhingia nibhaki̱mu̱hi̱ki̱li̱za Sali̱a Yesu. 15Nanga sazi̱bi̱li̱ai̱be ndia akitina nki̱li̱ ndia bhakwenda bhakola, bhakpa bhabhu̱bi̱ki̱sa ndibha bhalwali̱o ka ngudhe ndia ka tau̱ni̱ ke ima na ka mukeka andu̱lu̱ moli-moli ndia Petelo abhu̱bi̱kebe ndibhetolo ka koliaki. 16Bi̱ya bhakpa bhatuka ka kyalo ndia adhabhiani na Yelusalemu nibhabhu̱bi̱ki̱si̱ ndibha bhalwali̱o imamoti̱ na ndibhabhi̱ nibhabhubhandu̱ bhali̱mo toli̱ bhoponi nibhakilama.
Bhakwenda nibhakiena bhu̱su̱
17Ngbekua bhabhembi̱ mindia Mambombi̱ na bhadaki ndibhabhi̱ Bhasadukayo bhabhugbelia i̱ni̱ bhakwenda. 18Du̱mbi̱ nibhakibhugba bhakwenda nibhaki̱bhu̱bi̱sa ka nkomo. 19No Malai̱ka mindia Mambombi̱ abi̱ka ki̱li̱a injo, naki̱oku̱dha ki̱ku̱ku̱ sa nkomo, nakibhu̱hu̱i̱sa. Du̱mbi̱ nakibhutolia bhiyo; 20“Bhu̱ye ka mulima-bala sa Hekalo bhubhutoliye bhakpa makulu yoho sa bwomezi̱ mpiaka.”
21U̱ma-u̱ma bhakwenda nibhaki̱ya ka mulima-bala sa Hekalo du̱mbi̱ nibhakitandikiliabe egesa bhakpa.
Ndia bhaki̱dha, ngbekua bhabhembi̱ ndibha Mambombi̱ na bhadaki nibhaki̱bi̱sabe ku̱sei̱ ndia Bhayu̱daya nali̱ku̱ bhangbeku bhoponi ndibha ka Isaleli̱. Nibhakibhutikisa bhakwenda bhuwabho ka nkomo bi̱ka kwetonganabe. 22No bhenjo ndibha bhabhutika ndia bhaduwa ka nkomo, bhakabhudwanaku̱ bhakwenda. Nibhaki̱si̱ki̱aku̱ tolia bhangbeku. 23Nibhakibhugia bhiyo; “Nkomo yadhakikani bhiani na bhabhu̱ndi̱li̱ nibhatelemagi̱ ka ki̱ku̱ku̱, no ndie ki̱oku̱dhi̱ ki̱ku̱ku̱, nkpa na moti̱ kabhi̱ku̱.” 24Bhabhembi̱ bhangbeku na ngbekua bhabhu̱ndi̱li̱ Hekalo ndia bhaoka yoho, nakibhutina nki̱li̱ nibhakyeolu̱li̱a kindia kima yoho poni aki̱su̱ngeli̱a.
25Nkpa moti̱ abi̱ka nakibhugia bhiyo; “Bhaluku ndibhubhubi̱si̱ ka nkomo, amendi̱bho ka mulima-bala sa Hekalo bhagbei̱ egesa bhakpa.” 26Ndia bhaoka injo, ngbekua bhabhu̱ndi̱li̱ ai̱ya na bhabhu̱ndi̱li̱ nibhaki̱bhu̱bi̱ki̱sa bhakwenda ndia bhakakoli̱si̱ mani̱ nanga bhatiya bhakpa bhi̱ndabho na tali.
27Du̱mbi̱ nibhaki̱bhu̱bi̱ki̱sa bhakwenda bhehe ka ku̱sei̱ ndia Bhayu̱daya kindia ngbekua bhabhembi̱ mindia Mambombi̱ abhuolu̱li̱a bhiyo; 28“Bhikibhukomisa eti bhukulukutodha tebeza ka i̱na muluku minjo? Egesa ndianu̱ ndia angbei̱be muluku miyo adhakiagi̱ Yelusalemu poni, toli̱ bhuli ka gia eti andi bhesu̱ ndibhe ki̱dhu̱ nibhakimuola.”
29No Petelo na bhakwenda daki nibhaki̱nsi̱ki̱aku̱ bhiyo; “Kigbokiliani̱ ngu̱ki̱sa Mambombi̱ kekebhe bhakpa.” 30Bhumbamba Yesu ka musalaba naki̱ku̱wa no Mambombi̱ mindia bhatatasu̱ yabhamulami̱aga naki̱mu̱hu̱mbu̱la. 31Du̱mbi̱ Mambombi̱ ambi̱sa naseke ndiaki sa ngu̱ko ka kibhoko ndiaki sa kuluku bhia Sali̱a na Nzu̱ni̱. Akola yoho andu̱lu̱ bhakpa ndibha ka Isaleli̱ bhesi̱ki̱eku̱ toli̱ Mambombi̱ abhugani̱li̱e kibi ndiabho. 32Bhesu̱ kili bhakai̱so ka kima yoho imamoti̱ na Mwoyo Mawelikana mindia Mambombi̱ akibhu̱pesi̱aga bhenjo ndibha bhakimuokaga.
33Ndia bhaoka yoho, bhangbeku bhehe nibhakizigidhilua, nibhakikaba eti bhabhuole bhakwenda bhehe. 34No muluku moti̱ Nfali̱sayo i̱naki nandiye Gamali̱eli̱, abha nali mweghesa sa kilagilo ndia Bhayu̱daya toli̱ bhakpa poni nibhampesi̱ ngu̱ko. Atelema ka ku̱sei̱ ndia Bhayu̱daya nakilagilia eti bhaluku bhehe bhatekete bhabhu̱hu̱i̱se ka ku̱sei̱ dhakia bwile nke. 35Du̱mbi̱ nakibhugia bhiyo; “Bhaisaleli̱ dami, bhwelinde kima ndie bhukakabha kolabe bhaluku bhehe. 36Mwaka nke mbu̱sa, abhi̱be muluku nandiye Teu̱di̱ya, abhi̱ kyei̱saga bhia nkpa ntua mani̱ si̱ni̱. Bhakpa ndibhetolo bhia nku̱mi̱ i̱ni̱ yabhaokaga ndiaki, no muluku miyo nibhakimuola. Yoho nakidhuwa bhenjo bhoponi ndibhabhi̱ kimuokaga nibhakihanjikana. Du̱mbi̱ kima ndia yakolaga nakibhuliliana bhinjo.” 37Teu̱di̱ya ndia atukabe, Yu̱da mindia ka Galilaya abi̱kabe ka tolo sa bala bhakpa. Abhutunga bhakpa bi̱yabho no naye ndia bhamuola, bhakpa ndibhaki nibhakihanjikana. 38“Nili kahabhulanu̱ eti bhubhudhuwe bhaluku bhehe bhai̱ye. Bhakabha nibhakakola kima yoho poni ka mani̱ ndiabho, tolo poni injo aki̱si̱yabe. 39No kabha natu̱ki̱ ka mani̱ ndia Mambombi̱, bhukukutoka komi̱sabho. Bhukwedwana nibhutandi̱ki̱ hakani̱za Mambombi̱.”
40Bhabhala habhula ndia Gamali̱eli̱, nibhakibhueka bhakwenda si̱ki̱abho ka ku̱sei̱ ndia Bhayu̱daya nibhakibhulagilia bhasilikale eti bhabhu̱bhi̱nde. Du̱mbi̱ nibhakibhulagilia makanga todha tebeza ka i̱na ndia Yesu, nibhakibhudhwelia.
41Bhakwenda bhatuka ka ku̱sei̱ ndia Bhayu̱daya nibhakinsinda Mambombi̱ nanga abhu̱pesi̱ ngu̱ko sa ena bhu̱su̱ nanga Yesu. 42Du̱mbi̱ tolo poni, bhai̱ya namusa egesa na tebeza Makulu Mabhonga ka Hekalo na ka i̱nji̱ ndia bhakpa bhiyo; “Yesu andiye Masiya.”
Iliyochaguliwa sasa
Bikoluwa ndia Bhakwenda 5: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025
Bikoluwa ndia Bhakwenda 5
5
Anania na Safi̱la
1Abhi̱be muluku i̱naki nandiye Anania imamoti̱ na nkaki Safi̱la nabho bhasumbesabe moti̱ ka dhudhu ndia bhabhi̱ nai̱. 2Anania abi̱ki̱sabe ka bhakwenda gbu̱tu̱si̱ sa mbangana injo nakibhugia eti mbangana andu̱lu̱ yoho uponi ndietolo nakisomia toli̱ yoho poni akola na nkaki nai̱bi̱.
3Du̱mbi̱ Petelo nakingia bhiyo; “Anania, Sitani adhu̱ noku̱bi̱sa gbu̱tu̱si̱ sa mbangana ndio obhoi̱ ka sumbesa dhudhu ndiako nangeki? Ondimagi̱ Mwoyo Mawelikana nokusomia gbu̱tu̱si̱ sa mbangana ndio obhoi̱ ka sumbesa dhudhu. 4Dhudhu abhi̱ ndiako sumbesai̱ kedha kanga sumbesai̱ toli̱ ndia odhakia sumbesai̱, abhi̱ kowako mbangana injo pesi̱ai̱ku̱ kedha bba. Okola kima sie yoho nangeki? Kobhi̱ kadimaga bhakpa no Mambombi̱.”
5Anania ndia aoka kigambo yoho, agu̱wa gwabhi̱mba naki̱ku̱wa. Nkpa poni mindia aoka makulu yoho bhoko angbeliabe. 6Du̱mbi̱ bhatabhana bhameliaku̱ nibhakibhuwa ki̱nda ka suka nibhaki̱hu̱i̱sa ya lu̱mbai̱.
7Nalakoli̱be bhia saha salo, Safi̱la nkali̱a Anania abi̱ka ka ndabho kindia Petelo abhi̱o makanga i̱ba ndia enikani̱o. 8Toli̱ Petelo nakingia bhiyo; “Onitolie, yoho andu̱lu̱ mbangana toto ndio bhubhoi̱ ka sumbesa dhudhu ndianu̱?”
Safi̱la nakibhala eti andu̱lu̱ injo toto.
9Du̱mbi̱ Petelo nakingia bhiyo; “Ndia adhuwa nibhukuokana uwe na munyako lengesa Mwoyo mindia Mambombi̱ andiki? Bhatabhana ndibha bhamu̱lu̱mbi̱ munyako bhali ka mpu̱me, newe bhaku̱ku̱ku̱mba endindi bhai̱ye bhaku̱lu̱mbe.”
10Du̱mbi̱ menjo Safi̱la agu̱wa gwabhi̱mba nakikweliabe. Bhatabhana ndia bhagodhaku̱ bhatakana naku̱, nibhaki̱ku̱mba ki̱nda ndiaki i̱ya lu̱mbai̱ bi̱ya na kindia bhamu̱lu̱mba munyaki. 11Bhoko nakibhugba bhai̱ki̱li̱za bhoponi na nkpa poni mindia aoka ndia enikani̱o.
Bhakwenda nibhakikola sazi̱bi̱li̱ai̱be ndia akibhutina nki̱li̱ bi̱ya bhakpa
12Bhakwenda bhakola sazi̱bi̱li̱ai̱be mamadha ndia akitina nki̱li̱ kowa bhakpa. Toli̱ bhai̱ki̱li̱za bhoponi yabhasi̱dha-si̱dhanaga ka ku̱dhu̱ ndia Sulumani. 13Kalibe nkpa na moti̱ mindia abhi̱ kyei̱saga bhia mu̱i̱ki̱li̱za eti abhwebhingiye, no bhakpa poni yabhabhuongagabe kulungi. 14Tolo poni bhakpa bi̱yabho bhaluku na bhakali̱, bhabhwebhingia nibhaki̱mu̱hi̱ki̱li̱za Sali̱a Yesu. 15Nanga sazi̱bi̱li̱ai̱be ndia akitina nki̱li̱ ndia bhakwenda bhakola, bhakpa bhabhu̱bi̱ki̱sa ndibha bhalwali̱o ka ngudhe ndia ka tau̱ni̱ ke ima na ka mukeka andu̱lu̱ moli-moli ndia Petelo abhu̱bi̱kebe ndibhetolo ka koliaki. 16Bi̱ya bhakpa bhatuka ka kyalo ndia adhabhiani na Yelusalemu nibhabhu̱bi̱ki̱si̱ ndibha bhalwali̱o imamoti̱ na ndibhabhi̱ nibhabhubhandu̱ bhali̱mo toli̱ bhoponi nibhakilama.
Bhakwenda nibhakiena bhu̱su̱
17Ngbekua bhabhembi̱ mindia Mambombi̱ na bhadaki ndibhabhi̱ Bhasadukayo bhabhugbelia i̱ni̱ bhakwenda. 18Du̱mbi̱ nibhakibhugba bhakwenda nibhaki̱bhu̱bi̱sa ka nkomo. 19No Malai̱ka mindia Mambombi̱ abi̱ka ki̱li̱a injo, naki̱oku̱dha ki̱ku̱ku̱ sa nkomo, nakibhu̱hu̱i̱sa. Du̱mbi̱ nakibhutolia bhiyo; 20“Bhu̱ye ka mulima-bala sa Hekalo bhubhutoliye bhakpa makulu yoho sa bwomezi̱ mpiaka.”
21U̱ma-u̱ma bhakwenda nibhaki̱ya ka mulima-bala sa Hekalo du̱mbi̱ nibhakitandikiliabe egesa bhakpa.
Ndia bhaki̱dha, ngbekua bhabhembi̱ ndibha Mambombi̱ na bhadaki nibhaki̱bi̱sabe ku̱sei̱ ndia Bhayu̱daya nali̱ku̱ bhangbeku bhoponi ndibha ka Isaleli̱. Nibhakibhutikisa bhakwenda bhuwabho ka nkomo bi̱ka kwetonganabe. 22No bhenjo ndibha bhabhutika ndia bhaduwa ka nkomo, bhakabhudwanaku̱ bhakwenda. Nibhaki̱si̱ki̱aku̱ tolia bhangbeku. 23Nibhakibhugia bhiyo; “Nkomo yadhakikani bhiani na bhabhu̱ndi̱li̱ nibhatelemagi̱ ka ki̱ku̱ku̱, no ndie ki̱oku̱dhi̱ ki̱ku̱ku̱, nkpa na moti̱ kabhi̱ku̱.” 24Bhabhembi̱ bhangbeku na ngbekua bhabhu̱ndi̱li̱ Hekalo ndia bhaoka yoho, nakibhutina nki̱li̱ nibhakyeolu̱li̱a kindia kima yoho poni aki̱su̱ngeli̱a.
25Nkpa moti̱ abi̱ka nakibhugia bhiyo; “Bhaluku ndibhubhubi̱si̱ ka nkomo, amendi̱bho ka mulima-bala sa Hekalo bhagbei̱ egesa bhakpa.” 26Ndia bhaoka injo, ngbekua bhabhu̱ndi̱li̱ ai̱ya na bhabhu̱ndi̱li̱ nibhaki̱bhu̱bi̱ki̱sa bhakwenda ndia bhakakoli̱si̱ mani̱ nanga bhatiya bhakpa bhi̱ndabho na tali.
27Du̱mbi̱ nibhaki̱bhu̱bi̱ki̱sa bhakwenda bhehe ka ku̱sei̱ ndia Bhayu̱daya kindia ngbekua bhabhembi̱ mindia Mambombi̱ abhuolu̱li̱a bhiyo; 28“Bhikibhukomisa eti bhukulukutodha tebeza ka i̱na muluku minjo? Egesa ndianu̱ ndia angbei̱be muluku miyo adhakiagi̱ Yelusalemu poni, toli̱ bhuli ka gia eti andi bhesu̱ ndibhe ki̱dhu̱ nibhakimuola.”
29No Petelo na bhakwenda daki nibhaki̱nsi̱ki̱aku̱ bhiyo; “Kigbokiliani̱ ngu̱ki̱sa Mambombi̱ kekebhe bhakpa.” 30Bhumbamba Yesu ka musalaba naki̱ku̱wa no Mambombi̱ mindia bhatatasu̱ yabhamulami̱aga naki̱mu̱hu̱mbu̱la. 31Du̱mbi̱ Mambombi̱ ambi̱sa naseke ndiaki sa ngu̱ko ka kibhoko ndiaki sa kuluku bhia Sali̱a na Nzu̱ni̱. Akola yoho andu̱lu̱ bhakpa ndibha ka Isaleli̱ bhesi̱ki̱eku̱ toli̱ Mambombi̱ abhugani̱li̱e kibi ndiabho. 32Bhesu̱ kili bhakai̱so ka kima yoho imamoti̱ na Mwoyo Mawelikana mindia Mambombi̱ akibhu̱pesi̱aga bhenjo ndibha bhakimuokaga.
33Ndia bhaoka yoho, bhangbeku bhehe nibhakizigidhilua, nibhakikaba eti bhabhuole bhakwenda bhehe. 34No muluku moti̱ Nfali̱sayo i̱naki nandiye Gamali̱eli̱, abha nali mweghesa sa kilagilo ndia Bhayu̱daya toli̱ bhakpa poni nibhampesi̱ ngu̱ko. Atelema ka ku̱sei̱ ndia Bhayu̱daya nakilagilia eti bhaluku bhehe bhatekete bhabhu̱hu̱i̱se ka ku̱sei̱ dhakia bwile nke. 35Du̱mbi̱ nakibhugia bhiyo; “Bhaisaleli̱ dami, bhwelinde kima ndie bhukakabha kolabe bhaluku bhehe. 36Mwaka nke mbu̱sa, abhi̱be muluku nandiye Teu̱di̱ya, abhi̱ kyei̱saga bhia nkpa ntua mani̱ si̱ni̱. Bhakpa ndibhetolo bhia nku̱mi̱ i̱ni̱ yabhaokaga ndiaki, no muluku miyo nibhakimuola. Yoho nakidhuwa bhenjo bhoponi ndibhabhi̱ kimuokaga nibhakihanjikana. Du̱mbi̱ kima ndia yakolaga nakibhuliliana bhinjo.” 37Teu̱di̱ya ndia atukabe, Yu̱da mindia ka Galilaya abi̱kabe ka tolo sa bala bhakpa. Abhutunga bhakpa bi̱yabho no naye ndia bhamuola, bhakpa ndibhaki nibhakihanjikana. 38“Nili kahabhulanu̱ eti bhubhudhuwe bhaluku bhehe bhai̱ye. Bhakabha nibhakakola kima yoho poni ka mani̱ ndiabho, tolo poni injo aki̱si̱yabe. 39No kabha natu̱ki̱ ka mani̱ ndia Mambombi̱, bhukukutoka komi̱sabho. Bhukwedwana nibhutandi̱ki̱ hakani̱za Mambombi̱.”
40Bhabhala habhula ndia Gamali̱eli̱, nibhakibhueka bhakwenda si̱ki̱abho ka ku̱sei̱ ndia Bhayu̱daya nibhakibhulagilia bhasilikale eti bhabhu̱bhi̱nde. Du̱mbi̱ nibhakibhulagilia makanga todha tebeza ka i̱na ndia Yesu, nibhakibhudhwelia.
41Bhakwenda bhatuka ka ku̱sei̱ ndia Bhayu̱daya nibhakinsinda Mambombi̱ nanga abhu̱pesi̱ ngu̱ko sa ena bhu̱su̱ nanga Yesu. 42Du̱mbi̱ tolo poni, bhai̱ya namusa egesa na tebeza Makulu Mabhonga ka Hekalo na ka i̱nji̱ ndia bhakpa bhiyo; “Yesu andiye Masiya.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025