Bikoluwa ndia Bhakwenda 3
3
Petelo nakimulami̱sa muluku mulema
1Tolo moti̱ Petelo na Yohana bhabhi̱ kayabho ka Hekalo ka saha sa saba. 2Ndia bhaduwa ka Hekalo, muluku mindia alamala tuka ka bhokotiana ndiaki bhabha nibhanku̱mbei̱ bi̱ki̱saki ka Hekalo. Tolo poni muluku miyo yabhanku̱mbaga bi̱ki̱saki ka mpu̱me manyeta sa Hekalo ndia yabhagiagaku̱ Mpu̱me Mabhonga andu̱lu̱ abhukunge bhakpa ndibha bhaki̱yaga ka Hekalo mbangana. 3Muluku mulema miyo ndia abhutangia Petelo na Yohana nibhalibi̱ya godabho ka Hekalo, nakibhukunga mbangana. 4Petelo na Yohana nibhaki̱nzi̱ba muluku miyo tonono, du̱mbi̱ Petelo nakingia bhiyo; “Oki̱zi̱be!” 5Muluku miyo naki̱bhu̱zi̱ba nali na nihila eti bhali̱kaya paki mbangana.
6No Petelo nakigia bhiyo; “Kili na mbangana poni#3:6 Kili na mbangana poni Bbai̱bbu̱li̱ ndietolo ali na kili na zabbu poni kedha feza. ndie nikitoka pesi̱ako. Ka mani̱ ndia Yesu Ki̱li̱si̱to mindia ka tau̱ni̱ ndia ka Nazaleti̱, odhetage.” 7Du̱mbi̱ Petelo nakingbeliaga muluku miyo ka kibhoko ndiaki sa kuluku nali ka koniaki andu̱lu̱ ateleme. Menjo kigu ndiaki nakitunga mani̱. 8Muluku miyo atelema, nakitingaga, nakitandika dhetaga. Du̱mbi̱ naki̱ya nabho ka mulima-bala sa Hekalo nagbei̱ dhetaga, na tingaga nalia kinsinda Mambombi̱. 9Bhakpa ndia bhantangia muluku miyo nagbei̱ dhetaga nalia kinsinda Mambombi̱, 10bhamu̱i̱bi̱li̱a bhia muluku mindia yali̱kaga ka Mpu̱me Mabhonga sa Hekalo nakibhukunga mbangana, injo nakibhutina nki̱li̱. 11Muluku miyo nalia nankomi̱li̱be Petelo na Yohana, bhakpa bhoponi nki̱li̱ nakibhutina nibhakisakimana yabho ka ku̱dhu̱ ndia Sulumani, kindia bhabhi̱o.
Petelo nakitebeza ka mulima-bala sa Hekalo
12Petelo ndia abhutangia bhakpa, nakibhugia bhiyo; “Bhaisaleli̱ dami, ndia adhu̱ nki̱li̱ nabhu̱ti̱ni̱ andiki? Toli̱ ndia adhu̱ nibhu̱ku̱ki̱zi̱ba andiki? Bhukweli̱li̱kana eti ki̱dhu̱ muluku miyo nakidhetaga ka mani̱ ndiasu̱ kedha ndia bhamambombi̱?” 13Mambombi̱ mindia Ibbulahi̱mu̱, Mambombi̱ mindia Isaka na Mambombi̱ mindia Yakobbo, Mambombi̱ mindia bhatatasu̱, ampesi̱ ngu̱ko nkoli̱ mindiaki Yesu kola yoho. Andiahaye minjo Yesu mindie bhu̱mpesi̱aku̱ nibhukunkoma kei̱soa Pilato, no Pilato yacu̱ku̱ dhweliaki. 14Bhunkoma miyo mindia awelikani̱o toli̱ mindia agbokiliani̱o, nibhukukunga eti bhandwelie muoli̱. 15Bhudhuwa nibhakimuola Mindia Aki̱pesi̱aga Bwomezi̱ toli̱ Mambombi̱ naki̱mu̱hu̱mbu̱la. Toli̱ kili bhakai̱so se yoho. 16Ka hi̱ki̱li̱za ka i̱na mani̱ ndia Yesu, muluku miyo alami̱ya toli̱ bhu̱i̱bi̱ nesi̱ abha nali mulema. Hi̱ki̱li̱za ka i̱na Yesu amulami̱si̱ya nesi̱ bhuetangi̱li̱o.
17Bhanamami, Ni̱hi̱bi̱ nesi̱ bhenu̱ na bhalemi ndibhanu̱ bhukola yoho makanga i̱ba. 18No Mambombi̱ akola yoho andu̱lu̱ ndia bhanabbi̱ bhaonga kalasi̱o eti Masiya ada kiena bhu̱su̱ abhebhu. 19Bhwesi̱ki̱eku̱, bhu̱si̱ki̱e kowa Mambombi̱, andu̱lu̱ abhugani̱li̱e kibi ndianu̱ du̱mbi̱ bwile sa tunga mani̱ atuke kowa Sali̱a Mambombi̱. 20Toli̱ akintika Masiya mindia ambuwa kanu̱ i̱naki nandiye Yesu. 21Nesi̱ Mambombi̱ abhulaki̱sana kolilia kowa bhanabbi̱ ndibhaki bhamawelikana ndibhe kala eti ali nali̱kaki gulu doi̱sa bwile nadoi̱ ndia Mambombi̱ kola kima poni mpiaka. 22Musa agia bhiyo; “Sali̱a Mambombi̱ mindiako akimbuwa kanu̱ nabbi̱ bhia emi tukaki kowanu̱. Bhuokiane bhiani poni ndia akibhutolia.” 23Musa nakigia bhiyo; “Nkpa poni mindia akikoma okiana Nabbi̱ minjo akibha nebhoi̱ kowa bhakpa ndibha Mambombi̱.”#Kilagilo 18:15, 18, 19
24Teketa na Samwi̱li̱, bhanabbi̱ poni bhaongabe ndia agbei̱ enikanai̱ lelu. 25Bhuli bhagwetwa ndibha bhanabbi̱ bhenjo toli̱ bhuli ka lakana ndia Mambombi̱ akola na bhatatanu̱. Mambombi̱ angia Ibbulahi̱mu̱ bhiyo; “Kolilia ka bhananako, nikibhu̱pesi̱a nki̱sa bhakpa poni ndibha ka nsi.#Teketa 22:18; 26:4 26Mambombi̱ ndia ambuwa nkoli̱ mindiaki Yesu, ateketa nakintika kowanu̱ bhakpa ndibha ka Isaleli̱, pesi̱anu̱ nki̱sa na bhuanu̱ ka kibi.”
Iliyochaguliwa sasa
Bikoluwa ndia Bhakwenda 3: KWAMBA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025
Bikoluwa ndia Bhakwenda 3
3
Petelo nakimulami̱sa muluku mulema
1Tolo moti̱ Petelo na Yohana bhabhi̱ kayabho ka Hekalo ka saha sa saba. 2Ndia bhaduwa ka Hekalo, muluku mindia alamala tuka ka bhokotiana ndiaki bhabha nibhanku̱mbei̱ bi̱ki̱saki ka Hekalo. Tolo poni muluku miyo yabhanku̱mbaga bi̱ki̱saki ka mpu̱me manyeta sa Hekalo ndia yabhagiagaku̱ Mpu̱me Mabhonga andu̱lu̱ abhukunge bhakpa ndibha bhaki̱yaga ka Hekalo mbangana. 3Muluku mulema miyo ndia abhutangia Petelo na Yohana nibhalibi̱ya godabho ka Hekalo, nakibhukunga mbangana. 4Petelo na Yohana nibhaki̱nzi̱ba muluku miyo tonono, du̱mbi̱ Petelo nakingia bhiyo; “Oki̱zi̱be!” 5Muluku miyo naki̱bhu̱zi̱ba nali na nihila eti bhali̱kaya paki mbangana.
6No Petelo nakigia bhiyo; “Kili na mbangana poni#3:6 Kili na mbangana poni Bbai̱bbu̱li̱ ndietolo ali na kili na zabbu poni kedha feza. ndie nikitoka pesi̱ako. Ka mani̱ ndia Yesu Ki̱li̱si̱to mindia ka tau̱ni̱ ndia ka Nazaleti̱, odhetage.” 7Du̱mbi̱ Petelo nakingbeliaga muluku miyo ka kibhoko ndiaki sa kuluku nali ka koniaki andu̱lu̱ ateleme. Menjo kigu ndiaki nakitunga mani̱. 8Muluku miyo atelema, nakitingaga, nakitandika dhetaga. Du̱mbi̱ naki̱ya nabho ka mulima-bala sa Hekalo nagbei̱ dhetaga, na tingaga nalia kinsinda Mambombi̱. 9Bhakpa ndia bhantangia muluku miyo nagbei̱ dhetaga nalia kinsinda Mambombi̱, 10bhamu̱i̱bi̱li̱a bhia muluku mindia yali̱kaga ka Mpu̱me Mabhonga sa Hekalo nakibhukunga mbangana, injo nakibhutina nki̱li̱. 11Muluku miyo nalia nankomi̱li̱be Petelo na Yohana, bhakpa bhoponi nki̱li̱ nakibhutina nibhakisakimana yabho ka ku̱dhu̱ ndia Sulumani, kindia bhabhi̱o.
Petelo nakitebeza ka mulima-bala sa Hekalo
12Petelo ndia abhutangia bhakpa, nakibhugia bhiyo; “Bhaisaleli̱ dami, ndia adhu̱ nki̱li̱ nabhu̱ti̱ni̱ andiki? Toli̱ ndia adhu̱ nibhu̱ku̱ki̱zi̱ba andiki? Bhukweli̱li̱kana eti ki̱dhu̱ muluku miyo nakidhetaga ka mani̱ ndiasu̱ kedha ndia bhamambombi̱?” 13Mambombi̱ mindia Ibbulahi̱mu̱, Mambombi̱ mindia Isaka na Mambombi̱ mindia Yakobbo, Mambombi̱ mindia bhatatasu̱, ampesi̱ ngu̱ko nkoli̱ mindiaki Yesu kola yoho. Andiahaye minjo Yesu mindie bhu̱mpesi̱aku̱ nibhukunkoma kei̱soa Pilato, no Pilato yacu̱ku̱ dhweliaki. 14Bhunkoma miyo mindia awelikani̱o toli̱ mindia agbokiliani̱o, nibhukukunga eti bhandwelie muoli̱. 15Bhudhuwa nibhakimuola Mindia Aki̱pesi̱aga Bwomezi̱ toli̱ Mambombi̱ naki̱mu̱hu̱mbu̱la. Toli̱ kili bhakai̱so se yoho. 16Ka hi̱ki̱li̱za ka i̱na mani̱ ndia Yesu, muluku miyo alami̱ya toli̱ bhu̱i̱bi̱ nesi̱ abha nali mulema. Hi̱ki̱li̱za ka i̱na Yesu amulami̱si̱ya nesi̱ bhuetangi̱li̱o.
17Bhanamami, Ni̱hi̱bi̱ nesi̱ bhenu̱ na bhalemi ndibhanu̱ bhukola yoho makanga i̱ba. 18No Mambombi̱ akola yoho andu̱lu̱ ndia bhanabbi̱ bhaonga kalasi̱o eti Masiya ada kiena bhu̱su̱ abhebhu. 19Bhwesi̱ki̱eku̱, bhu̱si̱ki̱e kowa Mambombi̱, andu̱lu̱ abhugani̱li̱e kibi ndianu̱ du̱mbi̱ bwile sa tunga mani̱ atuke kowa Sali̱a Mambombi̱. 20Toli̱ akintika Masiya mindia ambuwa kanu̱ i̱naki nandiye Yesu. 21Nesi̱ Mambombi̱ abhulaki̱sana kolilia kowa bhanabbi̱ ndibhaki bhamawelikana ndibhe kala eti ali nali̱kaki gulu doi̱sa bwile nadoi̱ ndia Mambombi̱ kola kima poni mpiaka. 22Musa agia bhiyo; “Sali̱a Mambombi̱ mindiako akimbuwa kanu̱ nabbi̱ bhia emi tukaki kowanu̱. Bhuokiane bhiani poni ndia akibhutolia.” 23Musa nakigia bhiyo; “Nkpa poni mindia akikoma okiana Nabbi̱ minjo akibha nebhoi̱ kowa bhakpa ndibha Mambombi̱.”#Kilagilo 18:15, 18, 19
24Teketa na Samwi̱li̱, bhanabbi̱ poni bhaongabe ndia agbei̱ enikanai̱ lelu. 25Bhuli bhagwetwa ndibha bhanabbi̱ bhenjo toli̱ bhuli ka lakana ndia Mambombi̱ akola na bhatatanu̱. Mambombi̱ angia Ibbulahi̱mu̱ bhiyo; “Kolilia ka bhananako, nikibhu̱pesi̱a nki̱sa bhakpa poni ndibha ka nsi.#Teketa 22:18; 26:4 26Mambombi̱ ndia ambuwa nkoli̱ mindiaki Yesu, ateketa nakintika kowanu̱ bhakpa ndibha ka Isaleli̱, pesi̱anu̱ nki̱sa na bhuanu̱ ka kibi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Wycliffe Bible Translators, Inc., 2025