Maruku 4
4
Saktaˈan kǝ ɗar thlǝ chehta
(Mat 13:1-9; Luk 8:4-8)
1Fartǝ thleya, nggak kǝ Yesu chaˈandǝ nafchi har ǝ mii kufi Galili. Nggom kǝ nafchi terchan tauran kandǝ ha. Kǝthlǝm ndaˈan yimkan kǝ hur kwombawal chok kan ha ǝ huran. Nat nafchaˈan paɗ nakandǝ kikit mii kufiˈan. 2Chaˈan kan ichi tandǝ har terchan tǝ sakchaˈan. Hur chaˈaɗan ˈyan ndangkan tanda wa, 3“Kam thlǝmat ha, yowun thlǝ huɗatsi pǝɗakan weˈya weˈta ǝ hǝnggǝyan. 4Nakan weˈya weˈtiɗi, fowun weˈtaˈan hǝhatakandǝ ka ha kǝ hur mbanda, ɓak ɗǝngcha paɗ chehan kanda. 5Fowun hǝhatechandǝ kǝ hǝrang fera, mǝɗi nggowaktǝ fǝrtǝs kaˈan. Chat tif kanda leɗ leɗ kǝthlǝm fǝrtaˈan minni hwengngǝ kaan wa. 6Paɗaa kǝ tǝk kǝ fartǝ ha hwar kandǝ kaɗi kǝthlǝm thlaarchiyandǝs kaan wa. 7Fowun weˈtaˈan hǝhatakandǝ kǝ hur tahcha, tifkan. Mangkǝ tahchaˈan paɗ njipangkan, chiwandǝ wancha wa. 8Fowun weˈtaˈan paɗ hǝhatakandǝ kah kǝ hahǝ thla nech ndiˈchan. Mankanda, pakandǝ wakaf kum chǝt mahkan, fowun, kum chǝt michˈcha, fowun, paɗ kum chǝt kum.”
9Ndak Yesu wa, “Nat thla naa thlǝma sǝktiyansi, sǝkkan.”
Ənɗi chicha thlǝ ndiktǝ Yesu tǝ saktaˈan
(Mat 13:10-17; Luk 8:9-10)
10Fartǝɗi naa Yesu ichiɗan, kǝmsichiyan kum nggǝrsǝ chap, tǝ fowun nafchǝɗi sǝkchǝ ǝnɗi mbuˈtǝn, chǝhan kandǝ mee kǝ ɗar saktǝ ǝnɗi mbuˈtǝn. 11Ndangkan tanda wa,
“Ngguwun nggǝmowunchi fee si kǝ sǝnwun ǝnɗi nech ǝ wuɓta ǝ maandi Kuturakti Farta, paɗ tǝ kǝɗu nafchiɗi nawakchǝ hurwun, chǝka mǝ naa fee mbuˈandata, tǝ saktaˈan ndak. 12Kǝthlǝm,
“ ‘Nat tǝ wenita, nandǝ nata, paɗaa nggandǝ naa wa,
Sǝkta tǝ thlǝmata, nandǝ sǝkta, paɗaa ngen wathlandech ha wa,
Kǝthlǝm maa ǝ sǝnda, nandǝ tǝrtǝ ha naa fee kalandat ha paɗ.’”
Mbuˈ Yesu saktǝ thlǝ chehtǝɗi
(Mat 13:18-23; Luk 8:11-15)
13Ndangkǝ Yesu tanda wa, “Sǝnwowun saktǝ ndiktǝɗiya wa? Maa sǝnwowun saktǝɗiya wa, yen sakchaˈan natwun mbahǝn sǝnda? 14Weˈtǝɗi weˈya thlǝ huɗaɗiya, ndaˈan nech kǝ ndikti Farta. 15Weˈtǝɗi hǝhatech kǝ hur mbandǝ yu, pǝnchan wa nafchiɗi sǝkchǝ ndikti Farta. Kǝ sǝkkanda, chat ɓak Hweˈra huppandǝ ndiktǝɗi kesh chehtǝ fee hur wandǝkaɗatˈyanda. 16Weˈtǝɗi hǝhatech kǝ hǝrang feryu paɗ, fen kaɗandǝ fee tǝ weˈtǝ nafchǝɗi sǝkchi ndiktaˈan kǝ sǝkkanda thlǝkandǝ leɗ leɗ, tǝ mbǝnfata. 17Kǝthlǝm thlaarchandǝs yimwandǝ ha wa, kǝrǝs wa nda wa. Kǝ ɓak ɓahta, tǝ nggwarkwana kǝmɗiyanda, kǝthlǝm ndikti Farta, chat nggǝrankandǝ in kǝrsǝn. 18Weˈtǝɗi hǝhatech kǝ hur tahchiyu paɗ, fen kaɗandǝ fee tǝ nafchǝɗi sǝkchǝ ndiktaˈan. 19Kaɗa ichi heshiɗiya, tǝ lǝm inda thla thlǝ ɓa kǝnau taˈanchi, tǝ yah ichi kaan, ɓakan ɓǝlandǝ ndikti Farta kaɗ wanɗikaɗechˈyanda, pawa wanchi kafa wa. 20Weˈtǝɗi hǝhatech kǝ kwastǝ mǝt yu, fen kaɗandǝ fee tǝ nafchǝɗi sǝkchi ndikti Farta, thlǝkanda, chikandǝ tersi, nggǝt kan ndǝ wanchǝ kaan, fowun kum chǝt mahkan, fowun kum chǝt michˈcha, fowun paɗ, kum chǝt kum.”
Sakta kǝ ɗar tikesha
(Luk 8:16-18)
21Chǝhan kǝ Yesu mee tanda wa, “Na nafchǝ nja ndǝ tikesha kǝ mbulmandǝ tǝ ɗuliya wa? Ndu kǝ wuɓanchi kan mǝt hunata wa? Ngga thlǝ ɗǝf chowun kǝ mǝɗi nech ɗengel wa? 22Nat ǝnɗi nech ǝ wuɓta, nafe kuɓsandǝ kesh. Ənɗi nech ǝ nggǝthla, nwaat naa fee inandǝ ha hayang. 23Nat thla naa thlǝma sǝktiyansi, kǝ sǝkka.”
24Ɗǝkan kǝ pang tǝ ndat wa, “Sǝkama ndiˈchan tasau tǝɗi kaɗa ndu nefsi, tǝ ndaˈan nafee kaɗu tǝssi, tǝ chektaˈan. 25Nat thla naa ǝn ˈyansi, naa fee chekanda, thla nawaktǝn ˈyansi paɗ, chǝka ǝnɗi nessiyan ngguɗyeh naa fee thlandǝ har.”
Saktǝ weˈtǝɗi tifcha
26Ndak Yesu wa, “Nech kutǝrakti Farta kǝɗ nefa, thla weˈech weˈta ǝ hǝngga. 27Kǝ mǝngkan ha tifkǝ weˈtiɗi, mangkan, sǝnwu nef ini ǝnɗi chicha kǝnan maanda wa. 28Fǝrtǝ thlǝ kǝssanchǝ ǝnsi kǝ maana, tǝrkanan thlǝ tifchan kǝ kwefa, kǝnan mbǝthla kǝnan paa waa kafa. 29Ma ǝ nǝhi ɗisǝmnan, tǝrkǝ fee wanggǝta chathlan kǝ fee ha, kǝthlǝm sheˈ fartǝ haathla.”
Saktaˈan tǝ wan mustaɗ
(Mat 13:31-32,34; Luk 13:18-19)
30Ndangkǝ Yesu tandǝ paɗ wa, “Tǝ mii natmǝn kaɗa ndǝ kutǝrakti Farta? Tǝ weˈti saktǝ mii natmǝn pǝnda? 31Nechan kǝɗ wan mustad, thla nech ngguɗyeh hur weˈta thla thlǝ chehtǝ fee. 32Chǝka kǝɗu maa ǝ chehan fee, thlǝ nechan maanda kǝ pǝɗanchǝ takǝt ɗǝf chǝ ha, paɗ thlǝ njarchan ha kaan, ɗǝngchǝ paɗ thlǝ tǝrchandǝ kaha kǝ kan ɗǝftaˈan.”
33Tǝ weˈtǝ sakchiɗiya terchan, mbuˈanda Yesu ndikti Farta, ɓakan keˈke tǝ sǝndiyanda. 34Mbuˈa wa tandǝ ǝnawa, maan ngga tǝ saktaˈan wa. Paɗaa maa mǝthlan tǝ kǝmsichiyan, thlǝ nechan mbuˈanda chǝkamǝ hayang.
Yanan Yesu rǝnna ha
(Mat 8:23-27; Luk 8:22-25)
35Ə fartǝ ini, farwita, ndang kǝ Yesu kǝmsichiyan wa, “Cheman hawurtǝɗiya.” 36Malkanndǝ takǝt nafchǝ ha, yimkandǝ kǝ hur kwombawal tǝɗi natǝn huran, pǝɗakanda. Fowun kwombawal chǝs minni. 37Thlaˈkǝ kapa rǝnnaa, nakan thlaˈandǝ ˈyam kufiˈan nakan thlǝftǝ kafi kwombawal ˈyanda. Nak ˈyamɗi yimndǝ kǝ huran, nak kwombawal taˈan yimndǝ ha kǝ hur ˈyaman. 38Nak Yesu saˈen tǝ kǝrsǝ kwombawal taˈan ɗǝftǝ indiyan kǝ ɗar mǝt ɗǝf inda. Ɓak Kǝmsichiyan nah nanda, ndang kanda wa, “Thlǝ chaˈanan kaɗi, kǝmuwu ǝnawa, nggǝmǝn meˈi mǝrta?”
39Kǝ nahǝnkǝ Yesu, yanan kan rǝnniˈyan ha. Ndang kan hawurtaˈan wa, “No kǝmma, nggasu ɓaˈ.” Chat rǝnni ini thlarkan ha nak mǝɗan kǝmma.
40Ndang kan kǝmsichiyan wa, “Kǝthlǝm mǝ natwun lekǝt kǝɗuyu? Paˈ kǝ nakanya fǝrwowun kit wa?”
41Lekǝkandǝ kaan, ndang kandǝ raˈan wa, “Weˈtǝ naf mǝ kǝɗaya? Rǝnna, tǝ ˈyam hawurta, tandǝ fǝran maanda?”
Iliyochaguliwa sasa
Maruku 4: GQA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation
Maruku 4
4
Saktaˈan kǝ ɗar thlǝ chehta
(Mat 13:1-9; Luk 8:4-8)
1Fartǝ thleya, nggak kǝ Yesu chaˈandǝ nafchi har ǝ mii kufi Galili. Nggom kǝ nafchi terchan tauran kandǝ ha. Kǝthlǝm ndaˈan yimkan kǝ hur kwombawal chok kan ha ǝ huran. Nat nafchaˈan paɗ nakandǝ kikit mii kufiˈan. 2Chaˈan kan ichi tandǝ har terchan tǝ sakchaˈan. Hur chaˈaɗan ˈyan ndangkan tanda wa, 3“Kam thlǝmat ha, yowun thlǝ huɗatsi pǝɗakan weˈya weˈta ǝ hǝnggǝyan. 4Nakan weˈya weˈtiɗi, fowun weˈtaˈan hǝhatakandǝ ka ha kǝ hur mbanda, ɓak ɗǝngcha paɗ chehan kanda. 5Fowun hǝhatechandǝ kǝ hǝrang fera, mǝɗi nggowaktǝ fǝrtǝs kaˈan. Chat tif kanda leɗ leɗ kǝthlǝm fǝrtaˈan minni hwengngǝ kaan wa. 6Paɗaa kǝ tǝk kǝ fartǝ ha hwar kandǝ kaɗi kǝthlǝm thlaarchiyandǝs kaan wa. 7Fowun weˈtaˈan hǝhatakandǝ kǝ hur tahcha, tifkan. Mangkǝ tahchaˈan paɗ njipangkan, chiwandǝ wancha wa. 8Fowun weˈtaˈan paɗ hǝhatakandǝ kah kǝ hahǝ thla nech ndiˈchan. Mankanda, pakandǝ wakaf kum chǝt mahkan, fowun, kum chǝt michˈcha, fowun, paɗ kum chǝt kum.”
9Ndak Yesu wa, “Nat thla naa thlǝma sǝktiyansi, sǝkkan.”
Ənɗi chicha thlǝ ndiktǝ Yesu tǝ saktaˈan
(Mat 13:10-17; Luk 8:9-10)
10Fartǝɗi naa Yesu ichiɗan, kǝmsichiyan kum nggǝrsǝ chap, tǝ fowun nafchǝɗi sǝkchǝ ǝnɗi mbuˈtǝn, chǝhan kandǝ mee kǝ ɗar saktǝ ǝnɗi mbuˈtǝn. 11Ndangkan tanda wa,
“Ngguwun nggǝmowunchi fee si kǝ sǝnwun ǝnɗi nech ǝ wuɓta ǝ maandi Kuturakti Farta, paɗ tǝ kǝɗu nafchiɗi nawakchǝ hurwun, chǝka mǝ naa fee mbuˈandata, tǝ saktaˈan ndak. 12Kǝthlǝm,
“ ‘Nat tǝ wenita, nandǝ nata, paɗaa nggandǝ naa wa,
Sǝkta tǝ thlǝmata, nandǝ sǝkta, paɗaa ngen wathlandech ha wa,
Kǝthlǝm maa ǝ sǝnda, nandǝ tǝrtǝ ha naa fee kalandat ha paɗ.’”
Mbuˈ Yesu saktǝ thlǝ chehtǝɗi
(Mat 13:18-23; Luk 8:11-15)
13Ndangkǝ Yesu tanda wa, “Sǝnwowun saktǝ ndiktǝɗiya wa? Maa sǝnwowun saktǝɗiya wa, yen sakchaˈan natwun mbahǝn sǝnda? 14Weˈtǝɗi weˈya thlǝ huɗaɗiya, ndaˈan nech kǝ ndikti Farta. 15Weˈtǝɗi hǝhatech kǝ hur mbandǝ yu, pǝnchan wa nafchiɗi sǝkchǝ ndikti Farta. Kǝ sǝkkanda, chat ɓak Hweˈra huppandǝ ndiktǝɗi kesh chehtǝ fee hur wandǝkaɗatˈyanda. 16Weˈtǝɗi hǝhatech kǝ hǝrang feryu paɗ, fen kaɗandǝ fee tǝ weˈtǝ nafchǝɗi sǝkchi ndiktaˈan kǝ sǝkkanda thlǝkandǝ leɗ leɗ, tǝ mbǝnfata. 17Kǝthlǝm thlaarchandǝs yimwandǝ ha wa, kǝrǝs wa nda wa. Kǝ ɓak ɓahta, tǝ nggwarkwana kǝmɗiyanda, kǝthlǝm ndikti Farta, chat nggǝrankandǝ in kǝrsǝn. 18Weˈtǝɗi hǝhatech kǝ hur tahchiyu paɗ, fen kaɗandǝ fee tǝ nafchǝɗi sǝkchǝ ndiktaˈan. 19Kaɗa ichi heshiɗiya, tǝ lǝm inda thla thlǝ ɓa kǝnau taˈanchi, tǝ yah ichi kaan, ɓakan ɓǝlandǝ ndikti Farta kaɗ wanɗikaɗechˈyanda, pawa wanchi kafa wa. 20Weˈtǝɗi hǝhatech kǝ kwastǝ mǝt yu, fen kaɗandǝ fee tǝ nafchǝɗi sǝkchi ndikti Farta, thlǝkanda, chikandǝ tersi, nggǝt kan ndǝ wanchǝ kaan, fowun kum chǝt mahkan, fowun kum chǝt michˈcha, fowun paɗ, kum chǝt kum.”
Sakta kǝ ɗar tikesha
(Luk 8:16-18)
21Chǝhan kǝ Yesu mee tanda wa, “Na nafchǝ nja ndǝ tikesha kǝ mbulmandǝ tǝ ɗuliya wa? Ndu kǝ wuɓanchi kan mǝt hunata wa? Ngga thlǝ ɗǝf chowun kǝ mǝɗi nech ɗengel wa? 22Nat ǝnɗi nech ǝ wuɓta, nafe kuɓsandǝ kesh. Ənɗi nech ǝ nggǝthla, nwaat naa fee inandǝ ha hayang. 23Nat thla naa thlǝma sǝktiyansi, kǝ sǝkka.”
24Ɗǝkan kǝ pang tǝ ndat wa, “Sǝkama ndiˈchan tasau tǝɗi kaɗa ndu nefsi, tǝ ndaˈan nafee kaɗu tǝssi, tǝ chektaˈan. 25Nat thla naa ǝn ˈyansi, naa fee chekanda, thla nawaktǝn ˈyansi paɗ, chǝka ǝnɗi nessiyan ngguɗyeh naa fee thlandǝ har.”
Saktǝ weˈtǝɗi tifcha
26Ndak Yesu wa, “Nech kutǝrakti Farta kǝɗ nefa, thla weˈech weˈta ǝ hǝngga. 27Kǝ mǝngkan ha tifkǝ weˈtiɗi, mangkan, sǝnwu nef ini ǝnɗi chicha kǝnan maanda wa. 28Fǝrtǝ thlǝ kǝssanchǝ ǝnsi kǝ maana, tǝrkanan thlǝ tifchan kǝ kwefa, kǝnan mbǝthla kǝnan paa waa kafa. 29Ma ǝ nǝhi ɗisǝmnan, tǝrkǝ fee wanggǝta chathlan kǝ fee ha, kǝthlǝm sheˈ fartǝ haathla.”
Saktaˈan tǝ wan mustaɗ
(Mat 13:31-32,34; Luk 13:18-19)
30Ndangkǝ Yesu tandǝ paɗ wa, “Tǝ mii natmǝn kaɗa ndǝ kutǝrakti Farta? Tǝ weˈti saktǝ mii natmǝn pǝnda? 31Nechan kǝɗ wan mustad, thla nech ngguɗyeh hur weˈta thla thlǝ chehtǝ fee. 32Chǝka kǝɗu maa ǝ chehan fee, thlǝ nechan maanda kǝ pǝɗanchǝ takǝt ɗǝf chǝ ha, paɗ thlǝ njarchan ha kaan, ɗǝngchǝ paɗ thlǝ tǝrchandǝ kaha kǝ kan ɗǝftaˈan.”
33Tǝ weˈtǝ sakchiɗiya terchan, mbuˈanda Yesu ndikti Farta, ɓakan keˈke tǝ sǝndiyanda. 34Mbuˈa wa tandǝ ǝnawa, maan ngga tǝ saktaˈan wa. Paɗaa maa mǝthlan tǝ kǝmsichiyan, thlǝ nechan mbuˈanda chǝkamǝ hayang.
Yanan Yesu rǝnna ha
(Mat 8:23-27; Luk 8:22-25)
35Ə fartǝ ini, farwita, ndang kǝ Yesu kǝmsichiyan wa, “Cheman hawurtǝɗiya.” 36Malkanndǝ takǝt nafchǝ ha, yimkandǝ kǝ hur kwombawal tǝɗi natǝn huran, pǝɗakanda. Fowun kwombawal chǝs minni. 37Thlaˈkǝ kapa rǝnnaa, nakan thlaˈandǝ ˈyam kufiˈan nakan thlǝftǝ kafi kwombawal ˈyanda. Nak ˈyamɗi yimndǝ kǝ huran, nak kwombawal taˈan yimndǝ ha kǝ hur ˈyaman. 38Nak Yesu saˈen tǝ kǝrsǝ kwombawal taˈan ɗǝftǝ indiyan kǝ ɗar mǝt ɗǝf inda. Ɓak Kǝmsichiyan nah nanda, ndang kanda wa, “Thlǝ chaˈanan kaɗi, kǝmuwu ǝnawa, nggǝmǝn meˈi mǝrta?”
39Kǝ nahǝnkǝ Yesu, yanan kan rǝnniˈyan ha. Ndang kan hawurtaˈan wa, “No kǝmma, nggasu ɓaˈ.” Chat rǝnni ini thlarkan ha nak mǝɗan kǝmma.
40Ndang kan kǝmsichiyan wa, “Kǝthlǝm mǝ natwun lekǝt kǝɗuyu? Paˈ kǝ nakanya fǝrwowun kit wa?”
41Lekǝkandǝ kaan, ndang kandǝ raˈan wa, “Weˈtǝ naf mǝ kǝɗaya? Rǝnna, tǝ ˈyam hawurta, tandǝ fǝran maanda?”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation