Maruku 12
12
Sakta kǝ ɗar nafchiɗi thlǝ ɗǝpech hǝnggǝ har
(Mat 21:33-46; Luk 20:9-19)
1Chat nggak kǝ Yesu chaˈandǝ tandǝ har tǝ saktaˈan ndat wa. “Nefsi chehchǝ hǝngga inabi, taurankan ha tǝ sǝsata. Rekan kwi yim wan ɗǝftaˈan, tǝnkan mǝt tanggam thla naa fee thlartǝsi kǝnandǝ pǝk hǝnnggaɗan har. Fǝrankan fowun fǝ huɗecha kǝnandǝ ɗǝpat har kǝ. Chat wiˈkan kǝ yowun hahǝ samǝn. 2Saˈkǝ sǝfakta thlǝnkan artǝ hur mafechˈyan kǝmɗi fee tǝ hǝnggi ˈyan har kǝ thlan chǝ fowun wan ɗǝftǝɗi ɗam ndǝ ndǝ hǝnggaɗan. 3Paɗaa kǝsan kanda, thlǝfan kanda rǝkkandǝ anchi kaɗ her chaˈ. 4Thlǝ hǝnggaɗan thlǝnkan maafat samǝn kǝmɗiya nda, chik kǝɗu mbǝsan kandǝ mǝri ǝ inda, paɗ ɓahan kanda. 5Nggǝrkan thlǝn maafat samǝn, thlǝnni ɓǝlankanda. Thlǝn kan fowun maafech terchan. Fowun thlǝfankandǝ tanda, takichaˈan paɗ ɓǝlankandǝ tanda.
6“Takǝɗ nefsi arta thla natǝn thlǝnda, waˈyan thla yahtǝn kaan. Mǝthlan thlǝ ndǝn kǝrsa tǝ ndat wa, ‘Nandǝ fǝran maandǝ waˈinchi.’
7“Paɗaa ndang kǝ fǝ ɗǝpa hǝnggechaˈan raˈan wa, ‘Əhǝ. Thleya mǝthlan nech sǝm kǝrsǝ mǝrta. Wumaman mee kǝ ɓǝlamǝn, ǝnɗi natǝn sǝmndǝ kǝrsǝ mǝrta kǝ chok kǝ yimǝn.’ 8Kǝsan kandǝ wanan, ɓǝlankanda, mǝkkandǝ anchi kesh tǝ kǝrsǝ sǝsa hǝnggaɗan.”
9“Chokkan kǝɗuyu mǝna thlǝ hǝnggaɗan chǝta? Nan ɓat mbǝlandǝ fǝ pǝk hǝnggaɗan har paɗ kǝ fǝrantǝ fowun samǝn fee nech ɗǝpa hǝnggaɗan har. 10Changgawak nowun ndiktǝɗiya hur Laulawati Farta wa? Thla ndech wa,
“ ‘Ɗakwanɗi kartǝ fǝ tǝncha,
ndaˈan chok chǝ kǝ chǝmaa ɗakwan tǝnan.
11Theya chiti Chinda,
chok kǝ ǝna saka indǝ paɗ ǝ wenitiyamǝn.’ ”
12Nak paktechaˈan i Yahudawecha kaa mbanɗi natndǝ kǝsanda, paɗ tan ndǝ lekandǝ nafcha. Kǝthlǝm sǝnda wa saktǝ ndik tǝɗi fǝr tǝ Yesu yu kǝ ɗar nanda. Tǝ kǝɗu, malan kanda pǝɗakan nda.
Chǝha mee kǝ ɗar ti chamnda kǝmɗi Kwitira Kaisar
(Mat 22:15-22; Luk 20:20-26)
13Kǝrsǝ ndaˈan thlǝn kǝ paktechi Yahudawecha, fowun Farisiyawecha tǝ nafchiɗi thlǝ sǝkchǝ ndikti Hiridus kǝmɗi Yesu kǝthlǝm kǝ kǝsanda, tǝmɗi ndiktǝɗi natǝn chǝta. 14Ɓakandǝ kǝmɗiyan ndaka nda wa, “Thlǝ chaˈanan kaɗi, sǝn ǝn wa nef nako thla thlǝ mbuˈchǝ kit, paɗ thlǝ tǝrcho nafchǝ nat arta ǝ wenitiyo, taɗwen nafchi har wa. Kǝthlǝm ke wen thlǝmat ndu michǝ nakanda wa. Paɗ thlǝ chaˈancho mbandi Fartǝ kaɗ kǝɗ ǝnɗi kǝmchisi ɗar kittaˈan. Mbuˈa an ndǝn keˈke suwa kǝ tii ǝn chamnda kǝmɗi Kaisar wa ndu kǝ tii ǝn wa wa?” 15Kǝ tii ǝn, ndu mǝ wa wa?
Paɗ sǝn Yesu ǝnɗi nat ndǝ kaɗat wanɗikaɗechˈyanda, ndaˈan ndang kan tanda wa, “Kǝthlǝm mii natwun yah kaɗita? Ɓa mii tǝn wandǝ ɓǝthlɗi thlǝ ˈya fee wa ndinari kǝ ɗǝpani.”
16Ɓang kandǝ arta, chǝhan kan tandǝ mee, “Mir shishingndi wunni, tǝ paɗ thlǝmwun nech ɗaran?”
Nggǝman kanda wa, “Yi Kaisar.”
17Ndang kan tanda wa, “Fǝraman Kaisar ǝnɗi nech kǝ yi Kaisar, tǝ paɗ fǝraman Farta ǝnɗi nech kǝ yi Farta.” Sakandak indǝ tǝ ndi kaˈan.
Chǝha mee kǝ ɗar thlaˈti mǝmatecha
(Mat 22:23-33; Luk 20:27-40)
18Ɓak fowun nafchi Sadukiwecha kǝmɗi Yesu. Tandǝ nech kǝ nafchiɗi fǝrchǝ kit suwa nggǝ thlaˈti mǝmatechǝs wa. Ɓakan ndǝ tǝ chǝha mee. 19Nda kanda wa, “Thlǝ chaˈanan kaɗi, yaraˈanchǝ Musa suwa, maa ǝ mǝr wanman yowun ǝ malkan nunef ha, waˈyan suwa, wanmanan kǝ kahantǝ nu mǝrtaˈan, maˈ nan nggǝtan waa wanmanan. 20Nakanya wan manchisi muɗ kǝ hǝssa. Thlaman nanda kahtǝ nunefa, mǝrkan paɗ nggǝt wanda wa. 21Sǝmkǝ chapataˈan yati nu mǝrtaˈan, nggǝt wanda wa, paɗ mǝrkan. Nechan kǝɗu paɗ tǝ mahkaˈan wanmana ndiˈan. 22Nakan nat ndǝ kǝɗu muɗ mǝrkanda, malwandǝ wanchǝ ha wa. Kǝrsaˈan mǝrkǝ nunafan paɗ. 23Maa ǝ saˈ thlaˈti mǝmatecha, yen arta nech kǝ chǝma nuɗi? Nakan nat ndǝ muɗ riindǝ anchi.”
24Nggǝrang kǝ Yesu tandǝs wa, “Ngga thleya ɗǝfchǝ wunchǝs kǝ sakowun wa? Kǝthlǝm senwowun Laulawati Farta ndu alkǝti Farta wa. 25Kǝthlǝm maa ǝ thlaˈ mǝmatecha, hǝssa ngga ndǝ kah kan wa ndu nǝssa kǝ fǝr fee tandǝ kǝ kana wa, nechan ndǝ choktǝ kǝɗ fǝ thlinchi Farta ǝ hulafǝrta. 26Nakanya kǝ ɗar thlaˈti mǝmatecha, chan nggawowun hur kusiˈ i Musa wa, kǝ ɗar ɗǝfta thla kǝschi wata, tǝ mbuˈtǝɗi mbuˈandǝ Farta, Musa wa, ‘Nggǝt nech kǝ Farti Ibrahim, tǝ Farti Ishaku, tǝ paɗ Farti Yakubu?’ 27Mǝthlan ngga Farta yi mematecha wa, paɗaa Farti fee tǝ shishingndǝfa. Sakiwun ha kaan.”
Kusiˈ tǝɗi nech manchan
(Mat 22:34-40; Luk 10:25-28)
28Artǝ hur fǝ chaˈandǝ Kusiˈ i Musa kaɗi, mǝthlan minni, nakan sǝk shenuˈtǝ yanda. Sǝk kan Yesu fǝr tǝ nggǝm nda thla nech ndiˈchan, chǝhangkan Yesu mee, “Hur kusiˈchaˈan nat, yen nech manchan?
29Nggǝrang kǝ Yesu suwa, “Thla nech manchan ndaˈan niya, ‘Sǝkama nafchi Israˈila, Chinda Farti yamǝn, mǝthlan nech kǝ Fartǝ arta. 30Kǝ chin thlǝrɗakta kǝmɗi Chu Fartiˈyo tǝ wandǝkaɗatˈyo nat, tǝ shishingndiyo nat, tǝ hur indiyo nat tǝ alkǝtˈyo nat.’ 31Chapataˈan ndaˈan nech kǝ, ‘Yahu thla nech nduk tǝ wechi kǝɗ ǝnɗi thlǝ yahtu indiyo.’ Nggǝ kusiˈ si pǝɗan chi feya ha wa.”
32Nggǝmangkǝ nafan wa, “Thlǝ chaˈan nan kaɗi, inini mbuˈtuyu keˈke. Keˈke mbuˈtu wa Farta arta ndak, yowun sǝ paɗ wa mǝthlan ndak. 33Kǝ chin thlǝrɗakta kǝmɗiyan tǝ wandǝkaɗat nat, tǝ sǝndǝyo nat, tǝ alkǝt nat, paɗ kǝ yehin thla nech nduk tǝ wechi kǝɗ ǝnɗi thlǝ yahtu indiyo, mbǝrantǝ chika mǝ ha nat tǝ maanda kǝɗ fǝr thle ɓǝra icha tǝ kǝnau pafǝn.”
34Kǝ nak Yesu fǝr tǝ nggǝm ndǝ sǝnndǝ keˈke ndang kana, “Chǝ langngǝ tǝ kutǝrakti Farta wa.” Thlaˈtǝ fartaˈan, nefsǝ nggǝrchi chǝhan mee wa.
Kǝristi, Waˈi wuni
(Mat 22:41-46; Luk 20:41-44)
35Nak Yesu chaˈandǝ nafchi har hur Wiri Farta, ndaˈan chǝhatǝn mee wa, “Tǝ kǝni thlǝ nda fǝ chaˈandǝ kusiˈchi kaɗ wa Kǝristi, Waˈi Dauda? 36Dauda tǝ indiyan mbuˈchan tǝmɗi Shemeti Farta ndat wa,
“ ‘Chinda ndanchǝ Chinna wa.
Choku tǝ harsǝm inchi, paɗ
ni chandǝ atǝkrechǝwa
kǝ chok ndǝ kǝ mǝt sǝt sarchiyo.’”
37“Thlǝ ˈyech Dauda Kǝristi wa ‘Chinda.’ Tǝ kǝn naa Kǝristi choktǝ kǝ waˈyan?”
Kǝ sǝkkǝ kapa nggomnan ǝnɗi mbuˈtǝ Yesu, mbǝn kandǝ fata.
Kah Thlǝmati Yesu kǝ ɗar ǝna chiti fǝ chaˈandǝ kusiˈ i Musa kaɗi
(Mat 23:1-36; Luk 11:7-54; 20:45-47)
38Kǝ nak Yesu chaˈandǝ tandǝ har, ndakan wa, “Cham hǝɓakka tǝ fǝ chaˈandǝ kusiˈ kaɗi. Thlǝ yah chandǝs kǝ nandǝ wiˈta tǝ kapechǝ njang, paɗ nafchǝɗi nech ɓǝrtǝha kǝna ndǝ ndan ǝn tandǝ lǝmo. 39Kǝ mbǝs ndǝ mǝt chok cha fee nech ndiˈchan hur wur nggomǝncha, tǝ mǝt chokti paktǝ nafcha mǝt sǝk mbǝndǝ fa. 40Thlǝ nechan ndǝ lǝm tanda tǝ thlǝt ǝnɗi nessi nessǝɗi mǝrtǝ hǝssiyanda, kǝthlǝm ndaˈan thlǝ shichandǝ tǝ long long. Na Farta ɓahandǝ weˈti nafchi ini kaan mǝni takǝɗ nafcha.”
Fǝr kǝnau pafǝn i nuɗi mǝrtǝ chimaɗan
(Luk 21:1-4)
41Chokkǝ Yesu ha nduk tǝ mǝɗi thlǝ fǝrtǝ fee kǝnau pafǝn. Nakan ɗǝpandǝ nggomnan fǝr kǝnau pafǝn ˈyanda. Fowun wurumǝnchǝ paɗ cham kǝnau pafǝn ˈyandǝ ha kaan. 42Te kǝɗu nunef si thlǝ ɓahta mǝrtǝ chimaɗan, ɓakan cham wanɗǝ mbǝthl ha top tǝpesh chap. 43ˈYakan kǝmsichiyan kǝ thlǝmaɗan, ndangkan tanda wa “Kittaˈan nati mbuˈowunnda, nuɗi kǝ thlǝ ɓahtiya mǝrtǝ chimaɗan ya, wandǝɓǝthlɗi fǝrtǝn, mbǝrantǝ yi takǝɗ nafchǝ ha nat. 44Nafchiɗi nat ya fǝrchandǝ pafǝn hur wurmaktǝ yanda, paɗaa nuɗi mǝrtǝ chimaɗan kǝ thlǝ ɓahtǝya, fǝrchan nat ichiɗi nesssiyan hur takǝɗ ǝnɗi mǝnandǝn.”
Iliyochaguliwa sasa
Maruku 12: GQA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation
Maruku 12
12
Sakta kǝ ɗar nafchiɗi thlǝ ɗǝpech hǝnggǝ har
(Mat 21:33-46; Luk 20:9-19)
1Chat nggak kǝ Yesu chaˈandǝ tandǝ har tǝ saktaˈan ndat wa. “Nefsi chehchǝ hǝngga inabi, taurankan ha tǝ sǝsata. Rekan kwi yim wan ɗǝftaˈan, tǝnkan mǝt tanggam thla naa fee thlartǝsi kǝnandǝ pǝk hǝnnggaɗan har. Fǝrankan fowun fǝ huɗecha kǝnandǝ ɗǝpat har kǝ. Chat wiˈkan kǝ yowun hahǝ samǝn. 2Saˈkǝ sǝfakta thlǝnkan artǝ hur mafechˈyan kǝmɗi fee tǝ hǝnggi ˈyan har kǝ thlan chǝ fowun wan ɗǝftǝɗi ɗam ndǝ ndǝ hǝnggaɗan. 3Paɗaa kǝsan kanda, thlǝfan kanda rǝkkandǝ anchi kaɗ her chaˈ. 4Thlǝ hǝnggaɗan thlǝnkan maafat samǝn kǝmɗiya nda, chik kǝɗu mbǝsan kandǝ mǝri ǝ inda, paɗ ɓahan kanda. 5Nggǝrkan thlǝn maafat samǝn, thlǝnni ɓǝlankanda. Thlǝn kan fowun maafech terchan. Fowun thlǝfankandǝ tanda, takichaˈan paɗ ɓǝlankandǝ tanda.
6“Takǝɗ nefsi arta thla natǝn thlǝnda, waˈyan thla yahtǝn kaan. Mǝthlan thlǝ ndǝn kǝrsa tǝ ndat wa, ‘Nandǝ fǝran maandǝ waˈinchi.’
7“Paɗaa ndang kǝ fǝ ɗǝpa hǝnggechaˈan raˈan wa, ‘Əhǝ. Thleya mǝthlan nech sǝm kǝrsǝ mǝrta. Wumaman mee kǝ ɓǝlamǝn, ǝnɗi natǝn sǝmndǝ kǝrsǝ mǝrta kǝ chok kǝ yimǝn.’ 8Kǝsan kandǝ wanan, ɓǝlankanda, mǝkkandǝ anchi kesh tǝ kǝrsǝ sǝsa hǝnggaɗan.”
9“Chokkan kǝɗuyu mǝna thlǝ hǝnggaɗan chǝta? Nan ɓat mbǝlandǝ fǝ pǝk hǝnggaɗan har paɗ kǝ fǝrantǝ fowun samǝn fee nech ɗǝpa hǝnggaɗan har. 10Changgawak nowun ndiktǝɗiya hur Laulawati Farta wa? Thla ndech wa,
“ ‘Ɗakwanɗi kartǝ fǝ tǝncha,
ndaˈan chok chǝ kǝ chǝmaa ɗakwan tǝnan.
11Theya chiti Chinda,
chok kǝ ǝna saka indǝ paɗ ǝ wenitiyamǝn.’ ”
12Nak paktechaˈan i Yahudawecha kaa mbanɗi natndǝ kǝsanda, paɗ tan ndǝ lekandǝ nafcha. Kǝthlǝm sǝnda wa saktǝ ndik tǝɗi fǝr tǝ Yesu yu kǝ ɗar nanda. Tǝ kǝɗu, malan kanda pǝɗakan nda.
Chǝha mee kǝ ɗar ti chamnda kǝmɗi Kwitira Kaisar
(Mat 22:15-22; Luk 20:20-26)
13Kǝrsǝ ndaˈan thlǝn kǝ paktechi Yahudawecha, fowun Farisiyawecha tǝ nafchiɗi thlǝ sǝkchǝ ndikti Hiridus kǝmɗi Yesu kǝthlǝm kǝ kǝsanda, tǝmɗi ndiktǝɗi natǝn chǝta. 14Ɓakandǝ kǝmɗiyan ndaka nda wa, “Thlǝ chaˈanan kaɗi, sǝn ǝn wa nef nako thla thlǝ mbuˈchǝ kit, paɗ thlǝ tǝrcho nafchǝ nat arta ǝ wenitiyo, taɗwen nafchi har wa. Kǝthlǝm ke wen thlǝmat ndu michǝ nakanda wa. Paɗ thlǝ chaˈancho mbandi Fartǝ kaɗ kǝɗ ǝnɗi kǝmchisi ɗar kittaˈan. Mbuˈa an ndǝn keˈke suwa kǝ tii ǝn chamnda kǝmɗi Kaisar wa ndu kǝ tii ǝn wa wa?” 15Kǝ tii ǝn, ndu mǝ wa wa?
Paɗ sǝn Yesu ǝnɗi nat ndǝ kaɗat wanɗikaɗechˈyanda, ndaˈan ndang kan tanda wa, “Kǝthlǝm mii natwun yah kaɗita? Ɓa mii tǝn wandǝ ɓǝthlɗi thlǝ ˈya fee wa ndinari kǝ ɗǝpani.”
16Ɓang kandǝ arta, chǝhan kan tandǝ mee, “Mir shishingndi wunni, tǝ paɗ thlǝmwun nech ɗaran?”
Nggǝman kanda wa, “Yi Kaisar.”
17Ndang kan tanda wa, “Fǝraman Kaisar ǝnɗi nech kǝ yi Kaisar, tǝ paɗ fǝraman Farta ǝnɗi nech kǝ yi Farta.” Sakandak indǝ tǝ ndi kaˈan.
Chǝha mee kǝ ɗar thlaˈti mǝmatecha
(Mat 22:23-33; Luk 20:27-40)
18Ɓak fowun nafchi Sadukiwecha kǝmɗi Yesu. Tandǝ nech kǝ nafchiɗi fǝrchǝ kit suwa nggǝ thlaˈti mǝmatechǝs wa. Ɓakan ndǝ tǝ chǝha mee. 19Nda kanda wa, “Thlǝ chaˈanan kaɗi, yaraˈanchǝ Musa suwa, maa ǝ mǝr wanman yowun ǝ malkan nunef ha, waˈyan suwa, wanmanan kǝ kahantǝ nu mǝrtaˈan, maˈ nan nggǝtan waa wanmanan. 20Nakanya wan manchisi muɗ kǝ hǝssa. Thlaman nanda kahtǝ nunefa, mǝrkan paɗ nggǝt wanda wa. 21Sǝmkǝ chapataˈan yati nu mǝrtaˈan, nggǝt wanda wa, paɗ mǝrkan. Nechan kǝɗu paɗ tǝ mahkaˈan wanmana ndiˈan. 22Nakan nat ndǝ kǝɗu muɗ mǝrkanda, malwandǝ wanchǝ ha wa. Kǝrsaˈan mǝrkǝ nunafan paɗ. 23Maa ǝ saˈ thlaˈti mǝmatecha, yen arta nech kǝ chǝma nuɗi? Nakan nat ndǝ muɗ riindǝ anchi.”
24Nggǝrang kǝ Yesu tandǝs wa, “Ngga thleya ɗǝfchǝ wunchǝs kǝ sakowun wa? Kǝthlǝm senwowun Laulawati Farta ndu alkǝti Farta wa. 25Kǝthlǝm maa ǝ thlaˈ mǝmatecha, hǝssa ngga ndǝ kah kan wa ndu nǝssa kǝ fǝr fee tandǝ kǝ kana wa, nechan ndǝ choktǝ kǝɗ fǝ thlinchi Farta ǝ hulafǝrta. 26Nakanya kǝ ɗar thlaˈti mǝmatecha, chan nggawowun hur kusiˈ i Musa wa, kǝ ɗar ɗǝfta thla kǝschi wata, tǝ mbuˈtǝɗi mbuˈandǝ Farta, Musa wa, ‘Nggǝt nech kǝ Farti Ibrahim, tǝ Farti Ishaku, tǝ paɗ Farti Yakubu?’ 27Mǝthlan ngga Farta yi mematecha wa, paɗaa Farti fee tǝ shishingndǝfa. Sakiwun ha kaan.”
Kusiˈ tǝɗi nech manchan
(Mat 22:34-40; Luk 10:25-28)
28Artǝ hur fǝ chaˈandǝ Kusiˈ i Musa kaɗi, mǝthlan minni, nakan sǝk shenuˈtǝ yanda. Sǝk kan Yesu fǝr tǝ nggǝm nda thla nech ndiˈchan, chǝhangkan Yesu mee, “Hur kusiˈchaˈan nat, yen nech manchan?
29Nggǝrang kǝ Yesu suwa, “Thla nech manchan ndaˈan niya, ‘Sǝkama nafchi Israˈila, Chinda Farti yamǝn, mǝthlan nech kǝ Fartǝ arta. 30Kǝ chin thlǝrɗakta kǝmɗi Chu Fartiˈyo tǝ wandǝkaɗatˈyo nat, tǝ shishingndiyo nat, tǝ hur indiyo nat tǝ alkǝtˈyo nat.’ 31Chapataˈan ndaˈan nech kǝ, ‘Yahu thla nech nduk tǝ wechi kǝɗ ǝnɗi thlǝ yahtu indiyo.’ Nggǝ kusiˈ si pǝɗan chi feya ha wa.”
32Nggǝmangkǝ nafan wa, “Thlǝ chaˈan nan kaɗi, inini mbuˈtuyu keˈke. Keˈke mbuˈtu wa Farta arta ndak, yowun sǝ paɗ wa mǝthlan ndak. 33Kǝ chin thlǝrɗakta kǝmɗiyan tǝ wandǝkaɗat nat, tǝ sǝndǝyo nat, tǝ alkǝt nat, paɗ kǝ yehin thla nech nduk tǝ wechi kǝɗ ǝnɗi thlǝ yahtu indiyo, mbǝrantǝ chika mǝ ha nat tǝ maanda kǝɗ fǝr thle ɓǝra icha tǝ kǝnau pafǝn.”
34Kǝ nak Yesu fǝr tǝ nggǝm ndǝ sǝnndǝ keˈke ndang kana, “Chǝ langngǝ tǝ kutǝrakti Farta wa.” Thlaˈtǝ fartaˈan, nefsǝ nggǝrchi chǝhan mee wa.
Kǝristi, Waˈi wuni
(Mat 22:41-46; Luk 20:41-44)
35Nak Yesu chaˈandǝ nafchi har hur Wiri Farta, ndaˈan chǝhatǝn mee wa, “Tǝ kǝni thlǝ nda fǝ chaˈandǝ kusiˈchi kaɗ wa Kǝristi, Waˈi Dauda? 36Dauda tǝ indiyan mbuˈchan tǝmɗi Shemeti Farta ndat wa,
“ ‘Chinda ndanchǝ Chinna wa.
Choku tǝ harsǝm inchi, paɗ
ni chandǝ atǝkrechǝwa
kǝ chok ndǝ kǝ mǝt sǝt sarchiyo.’”
37“Thlǝ ˈyech Dauda Kǝristi wa ‘Chinda.’ Tǝ kǝn naa Kǝristi choktǝ kǝ waˈyan?”
Kǝ sǝkkǝ kapa nggomnan ǝnɗi mbuˈtǝ Yesu, mbǝn kandǝ fata.
Kah Thlǝmati Yesu kǝ ɗar ǝna chiti fǝ chaˈandǝ kusiˈ i Musa kaɗi
(Mat 23:1-36; Luk 11:7-54; 20:45-47)
38Kǝ nak Yesu chaˈandǝ tandǝ har, ndakan wa, “Cham hǝɓakka tǝ fǝ chaˈandǝ kusiˈ kaɗi. Thlǝ yah chandǝs kǝ nandǝ wiˈta tǝ kapechǝ njang, paɗ nafchǝɗi nech ɓǝrtǝha kǝna ndǝ ndan ǝn tandǝ lǝmo. 39Kǝ mbǝs ndǝ mǝt chok cha fee nech ndiˈchan hur wur nggomǝncha, tǝ mǝt chokti paktǝ nafcha mǝt sǝk mbǝndǝ fa. 40Thlǝ nechan ndǝ lǝm tanda tǝ thlǝt ǝnɗi nessi nessǝɗi mǝrtǝ hǝssiyanda, kǝthlǝm ndaˈan thlǝ shichandǝ tǝ long long. Na Farta ɓahandǝ weˈti nafchi ini kaan mǝni takǝɗ nafcha.”
Fǝr kǝnau pafǝn i nuɗi mǝrtǝ chimaɗan
(Luk 21:1-4)
41Chokkǝ Yesu ha nduk tǝ mǝɗi thlǝ fǝrtǝ fee kǝnau pafǝn. Nakan ɗǝpandǝ nggomnan fǝr kǝnau pafǝn ˈyanda. Fowun wurumǝnchǝ paɗ cham kǝnau pafǝn ˈyandǝ ha kaan. 42Te kǝɗu nunef si thlǝ ɓahta mǝrtǝ chimaɗan, ɓakan cham wanɗǝ mbǝthl ha top tǝpesh chap. 43ˈYakan kǝmsichiyan kǝ thlǝmaɗan, ndangkan tanda wa “Kittaˈan nati mbuˈowunnda, nuɗi kǝ thlǝ ɓahtiya mǝrtǝ chimaɗan ya, wandǝɓǝthlɗi fǝrtǝn, mbǝrantǝ yi takǝɗ nafchǝ ha nat. 44Nafchiɗi nat ya fǝrchandǝ pafǝn hur wurmaktǝ yanda, paɗaa nuɗi mǝrtǝ chimaɗan kǝ thlǝ ɓahtǝya, fǝrchan nat ichiɗi nesssiyan hur takǝɗ ǝnɗi mǝnandǝn.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Luke Initiative for Scripture Translation