LUKA 23
23
1Bona Bakondji bantso ba bato Bayuda bakeke na Yesu onva Mokondji wa engumba ya Loma, Pilato. 2Ontsima bato baika nofundi Yesu onva Pilato nokakambeli te: Mokondji wa engumba Pilato, tokuli moto oyobo amatoma bato babiyo te badjukela bakondji ba Bingumba. Amakambela na biyo te mpa to futa mpako ya mokondji wa Loma Sezaleya, mpe amasakola te ao Kiliso, Mokondji wabiyo. 3Bona Pilato auwaka Yesu te: Ompendja Mokondji wa Bayuda? Yesu amoyanolaka te: Yo bona ndenge ekambeli awu. 4Ontsima ana, Pilato akambelaka na banganga Kombo na bato ebaika ana te: Too naboni ntina efundi bino moto oyo ka. 5Kasi batingamaka nokambeli nayi te: Amapa mobulu omboka yantso ya Yudeya mpoli malakisi mayi onva bato, aika noteyi se ndenge yango wetuka ya Galileya kino akosweyi anga wengumba ya Yelusaleme. 6Ntango eyokaka Pilato bona, abauwaka te: Aomoto wa Galileya? 7Ntango eboko Pilato te Yesu autaka Ogalileya, weteli eika Elode noyangeli, atomaka Yesu onva Elode. Ontango yango Elode aika mpe Oyelusaleme. 8Elode asepelaka be ntango ebokoayi Yesu, mpo ayokaka ntsango yayi mpe aika na mpowa ya bomoboni uta kala. Aika na elikia te abo Yesu amokelela elembo ya bikanfa omiyo mayi. 9Elode auwaka Yesu mituna be, kasi Yesu too amovinyelaka na eyano mpoko ka. 10Banganga Kombo, na Balakisi ba mibeko mi Mose baika sika ana, baika nofundi Yesu nankele mpendja. 11Mpe Elode, na basoda bayi, bafingaka Yesu mpe banfekeke. Bamoyatiyaka nfaa ya Bokondji, mpe ontsima Elode avinyaka Yesu onva Pilato. 12Boo, Pilato na Elode baika banguna, banda se mokolo nfango bakoswaka noyokani. 13Ontsima, pilato atomaka ntsango mpo babianga banganga Kombo, na Bakondji bakotu, na bato baiyo Bayuda. 14Ntango eyaka bango, abandaka bobakanoli te: Bofundiki mumpele oyobo onva ngai, bokambeliki te ayi atomiki bato batelemele bokondji bo loma, namuwiki mituna ontango yiki bino anga. Too yona elembo mpoko emalakinya te aona ekpeli mpoli mambi emamofundiki nabino ka. 15Elode mpe aboniki te, too aona mbeba ka, yango amovinyaki onva biyo. Yo veti Yesu too akeli eloko mpoko ya bobe mpo namotenela etumbu ya lowa ka. 16Yango, nakopa se mitindo onva basoda ba ngai bamobete fimbo mpe ontsima nakotika. 17Pilato akambelaka bona mpo baika na mumeseno mobobimiyi mokanguvi moko wa bayuda oboloko, ontango ekakela bayuda nteke ya pasika. 18Kasi bato bantso banfanaka nokambeli te: Boma moto oyobo Yesu! Olobimiyela Balanabasi. 19Bakangaka Balanabase oboloko mpo abimiyaka mobulu wengumba ya Yelusaleme mpe abomaka moto. 20Pilato ababiangaka waa, mpo alingaka abimiya Yesu. 21Kasi baika se noanfani nokambeli te: Omobaka na ntsete o ekulusu! Omobaka wekulusu! 22Bona Pilato abauwaka mbala ya miato nokambeli te: Mpodje? Djambi nde libe elikeli ayi? Too naboni ntina ya bomopeyi etumbu ya lowa ka. Yango nakopa se mitindo te bamobete fimbo, mpe ontsima nakomotika ake. 23Kasi baika se noanfani na makasi nokambeli te: Osengeli nobaka Yesu o ekulusu, mpe ontsuka ya boanfani bo bango balongaka. 24Mpe Pilato akpaka mokano mobokeli mambi emayongaka bato. 25Beyongaka bango, Pilato ababimiyela Balanabasa, okpeliyaka bango oboloko mpo abimiyaka mobulu omboka mpe abomaka moto. Ontsima, Pilato apaka basoda mitindo te banganda Yesu mpe bakela mokano emoyongaka bato.
Bobakemi bo Yesu
(Mt. 27.32-44 ; Mk. 15.21-32 ; Yn. 19.17-22)
26Ntango eika basoda ba Pilato nokei na Yesu weteli ya bomobaki o ekulusu, bangandaka mumpele moko nkombo yayi Simona aika moto wa siliya. Autaka omboka mpoko wengumba ya Yelusaleme basoda bamopaka ekulusu ya Yesu aetombaka mpe aika nomboli ontsima ya Yesu. 27Ndjunda li bato babilaka Yesu. Banyala baiyo baika omanteyi ma djunda li bato django. Baika noleli be mpoli li lowa lo Yesu. 28Kasi Yesu abongbanaka onva bango mpe akambelaka na bango te: Bino banyala ba Yelusaleme, mpa bolela mpoli ngai! Bolela ndi mpoli mambi mantsomo emakobokoswela bino na bana ba bino! 29Boyoka! Omikolo mikoya, ntango ekoyala bato nokambeli te, esengo mpoli banyala ebale obotaka. 30Ontsima bakokambela na ngomba ntini mpe nene te, bokpa olikolo li biyo, mpe bololiba! 31Bolela mpoli bino meni mpo mambi emabo makosweli moto osembo, bokanisa sika eloko nde ekokoswela bato ebakomi na etumbu! 32Bakeke mpe na bampele baiyo babale ekambi na Yesu mpo bababoma. Bampele bango bantso babale baika babomi ba bato. 33Ntango ekoswaka bango weteli ekabianga bango lonkpaa lo moto, babeteke Yesu ntsete o ekulusu mpo awa, babeteke waa na bato babale ebabe bango. Bateke moko onkako ya eboko ya mumpele, moiyo onkako ya eboko ya nfanyala. 34Ontsima Yesu asambelaka mpoli bato ebamobakaka wekulusu te: Tata, obalimbisa, mpo too bayebi eloko emakela bango ka, ontsima basoda bavakaka mbesa mpoli bokabi nfaali Yesu. 35Djunda li bato batemeke sika ana baika nolendi. Bona bakondji ba Bayuda baika notiyoli Yesu nokambeli te: Abikiyiki bato baiyo, amibikiya mpe ayi meni eyalaka te ao Kiliso opono Kombo, asengeli nomibikiya! 36Basoda mpe baika noeki Yesu bapusaka belebiyo nayi mpe bamopaka manga ma bokayi. 37Bona bakambelaka na Yesu te: Eyalaka te omokondji wa bayuda omibikiya! 38Maloba ema makomamaka wetanda wekulusu olikolo li mutu mo Yesu mamakomaka na lokota li: Geleke, ebele, latin mpe alarme, bakomaka te: Eye yo mokondji wa Bayuda. 39Moko wa bato babe babale bango bamobakaka belebiyo na Yesu aika nofingi Yesu. Aika nomo tiyoli mpe nokambeli nayi te: Awu too o Kiliso ka? Eyalaka te o Kiliso, omibikiya awumeni mpe olobikiya biyo! 40Ontsima moto mobe otikalaka amodjukelaka mpe akambelaka nayi te: Mpodje omakambela mambi mabe ema? Esengeli otosa Kombo, mpo omawa nawu wekulusu ndibe ayi. 41Kasi etumbu ekuli biyo yompoli bobe bo biyalela bibiyo, kasi moto oyobo toana bobe ka! 42Ontsima, mobomi otikalaka wango akambelaka na Yesu te: Nkolo onkanisa ontango ekoyala awu noyangeli obokondji vawu. 43Bona Yesu akambelaka nayi te: Nakambeli nawu veti nenu okoyala ekambi na ngai olikolo.
Lowa lo Yesu
(Mt. 27.45-56 ; Mk. 15.33-41 ; Yn. 19.25-30)
44Ontango yango ekoswaka belebiyo na ntango ya midi, mumpongo molibaka mokili montso mumpongo nfango mokoboko ngonga ntsato. 45Moyi motikaka bongengi mpe lido wa Tempelo ayatwaka na biteni bibale. 46Yesu anfanaka na mungongo makasi onva Kombo te: Tata, nakopeyi bomoyi bongai. Ontsima yayi bokambeli bona awaka. 47Mokondji wa basoda ba Loma oika nomboliyi Basoda beboko ayi mambi mango mantso nosalemi, atondoko Kombo akambelaka mpoli Yesu te: Nayamboli veti moto oyobo too akeliki na bobe boko ka. 48Djunda li bato bayanganaka ana mpo babo eteli meni. Kasi bango bantso beboko bango djambi meni elisalemaka, bavinyaka ondaku li bango baika nobeti mantolo mpoli bolakinyi te bao na mawa. 49Bato bantso ebayebaka Yesu mpendja, eyala na banyala ebamobilaka bobandi Galileya, batemeke ekolo mpe baika nolendi mambi mantso beika mango nosalemi.
Bakundi Yesu
(Mt. 27.57-61 ; Mk. 15.42-47 ; Yn. 19.38-42)
50Ontango yango, mumpele moko nkombo yayi Yosefu aika ana. Aika mokambi wa bakotu ba bayuda, aika moto molamu, aika mpe sembo. 51Moto wango too ayambolaka mokano emokpaka bakotu Bayuda ka, mpo batelemele Yesu ka. Yosefu auta o Alimateyo, mboka mpoko wetuka ya Yuda, Aika na mpowa be te Kombo atoma Kiliso mpo aya nakela Bokondji bo Kombo. 52Yosefu akeke onva mokambi wa engumba ya loma Pilato, akeke namoyonga ndingisa ya bokpeyi ebembe ya Yesu mpo aekunda, Pilato ayambolaka. 53Yosefu auniyaka ekambi na bato baiyo, bauniyaka ndjoto li Yesu wekulusu, akpaka nfaa ndayi adjingaka ebembe, mpe akeke na yuniya olibulu djoko balitimaka omanteyi ma libanga. Olibulu django too bakundaka naino moto ka. 54Mokolo emowaka Yesu eika mokolo mo bomikominyi, bokokani mumeseno mo bato ba Bayuda, bobandi ontsima ya midi ya mokolo nfango eyekelamaka bokeli mosala, mpo mokolo mo Sabata mobandaka. 55Banyala ebaika nobili Yesu banda Galileya babilaka Yosefu mpo babo ndenge ebeyaka bango ndjoto li Yesu olilita. 56Ontsima, banyala bango bavinyaka ondaku li bango. Na muta bakominyaka mali ma ntsolo ndamu na malasi mpoli bokobi ebembe ya Yesu, omokolo emobilaka, eika mokolo mo sabata batosaka mibeko mi Kombo mpe too bakelaka mosala ka.
Iliyochaguliwa sasa
LUKA 23: LIE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.
LUKA 23
23
1Bona Bakondji bantso ba bato Bayuda bakeke na Yesu onva Mokondji wa engumba ya Loma, Pilato. 2Ontsima bato baika nofundi Yesu onva Pilato nokakambeli te: Mokondji wa engumba Pilato, tokuli moto oyobo amatoma bato babiyo te badjukela bakondji ba Bingumba. Amakambela na biyo te mpa to futa mpako ya mokondji wa Loma Sezaleya, mpe amasakola te ao Kiliso, Mokondji wabiyo. 3Bona Pilato auwaka Yesu te: Ompendja Mokondji wa Bayuda? Yesu amoyanolaka te: Yo bona ndenge ekambeli awu. 4Ontsima ana, Pilato akambelaka na banganga Kombo na bato ebaika ana te: Too naboni ntina efundi bino moto oyo ka. 5Kasi batingamaka nokambeli nayi te: Amapa mobulu omboka yantso ya Yudeya mpoli malakisi mayi onva bato, aika noteyi se ndenge yango wetuka ya Galileya kino akosweyi anga wengumba ya Yelusaleme. 6Ntango eyokaka Pilato bona, abauwaka te: Aomoto wa Galileya? 7Ntango eboko Pilato te Yesu autaka Ogalileya, weteli eika Elode noyangeli, atomaka Yesu onva Elode. Ontango yango Elode aika mpe Oyelusaleme. 8Elode asepelaka be ntango ebokoayi Yesu, mpo ayokaka ntsango yayi mpe aika na mpowa ya bomoboni uta kala. Aika na elikia te abo Yesu amokelela elembo ya bikanfa omiyo mayi. 9Elode auwaka Yesu mituna be, kasi Yesu too amovinyelaka na eyano mpoko ka. 10Banganga Kombo, na Balakisi ba mibeko mi Mose baika sika ana, baika nofundi Yesu nankele mpendja. 11Mpe Elode, na basoda bayi, bafingaka Yesu mpe banfekeke. Bamoyatiyaka nfaa ya Bokondji, mpe ontsima Elode avinyaka Yesu onva Pilato. 12Boo, Pilato na Elode baika banguna, banda se mokolo nfango bakoswaka noyokani. 13Ontsima, pilato atomaka ntsango mpo babianga banganga Kombo, na Bakondji bakotu, na bato baiyo Bayuda. 14Ntango eyaka bango, abandaka bobakanoli te: Bofundiki mumpele oyobo onva ngai, bokambeliki te ayi atomiki bato batelemele bokondji bo loma, namuwiki mituna ontango yiki bino anga. Too yona elembo mpoko emalakinya te aona ekpeli mpoli mambi emamofundiki nabino ka. 15Elode mpe aboniki te, too aona mbeba ka, yango amovinyaki onva biyo. Yo veti Yesu too akeli eloko mpoko ya bobe mpo namotenela etumbu ya lowa ka. 16Yango, nakopa se mitindo onva basoda ba ngai bamobete fimbo mpe ontsima nakotika. 17Pilato akambelaka bona mpo baika na mumeseno mobobimiyi mokanguvi moko wa bayuda oboloko, ontango ekakela bayuda nteke ya pasika. 18Kasi bato bantso banfanaka nokambeli te: Boma moto oyobo Yesu! Olobimiyela Balanabasi. 19Bakangaka Balanabase oboloko mpo abimiyaka mobulu wengumba ya Yelusaleme mpe abomaka moto. 20Pilato ababiangaka waa, mpo alingaka abimiya Yesu. 21Kasi baika se noanfani nokambeli te: Omobaka na ntsete o ekulusu! Omobaka wekulusu! 22Bona Pilato abauwaka mbala ya miato nokambeli te: Mpodje? Djambi nde libe elikeli ayi? Too naboni ntina ya bomopeyi etumbu ya lowa ka. Yango nakopa se mitindo te bamobete fimbo, mpe ontsima nakomotika ake. 23Kasi baika se noanfani na makasi nokambeli te: Osengeli nobaka Yesu o ekulusu, mpe ontsuka ya boanfani bo bango balongaka. 24Mpe Pilato akpaka mokano mobokeli mambi emayongaka bato. 25Beyongaka bango, Pilato ababimiyela Balanabasa, okpeliyaka bango oboloko mpo abimiyaka mobulu omboka mpe abomaka moto. Ontsima, Pilato apaka basoda mitindo te banganda Yesu mpe bakela mokano emoyongaka bato.
Bobakemi bo Yesu
(Mt. 27.32-44 ; Mk. 15.21-32 ; Yn. 19.17-22)
26Ntango eika basoda ba Pilato nokei na Yesu weteli ya bomobaki o ekulusu, bangandaka mumpele moko nkombo yayi Simona aika moto wa siliya. Autaka omboka mpoko wengumba ya Yelusaleme basoda bamopaka ekulusu ya Yesu aetombaka mpe aika nomboli ontsima ya Yesu. 27Ndjunda li bato babilaka Yesu. Banyala baiyo baika omanteyi ma djunda li bato django. Baika noleli be mpoli li lowa lo Yesu. 28Kasi Yesu abongbanaka onva bango mpe akambelaka na bango te: Bino banyala ba Yelusaleme, mpa bolela mpoli ngai! Bolela ndi mpoli mambi mantsomo emakobokoswela bino na bana ba bino! 29Boyoka! Omikolo mikoya, ntango ekoyala bato nokambeli te, esengo mpoli banyala ebale obotaka. 30Ontsima bakokambela na ngomba ntini mpe nene te, bokpa olikolo li biyo, mpe bololiba! 31Bolela mpoli bino meni mpo mambi emabo makosweli moto osembo, bokanisa sika eloko nde ekokoswela bato ebakomi na etumbu! 32Bakeke mpe na bampele baiyo babale ekambi na Yesu mpo bababoma. Bampele bango bantso babale baika babomi ba bato. 33Ntango ekoswaka bango weteli ekabianga bango lonkpaa lo moto, babeteke Yesu ntsete o ekulusu mpo awa, babeteke waa na bato babale ebabe bango. Bateke moko onkako ya eboko ya mumpele, moiyo onkako ya eboko ya nfanyala. 34Ontsima Yesu asambelaka mpoli bato ebamobakaka wekulusu te: Tata, obalimbisa, mpo too bayebi eloko emakela bango ka, ontsima basoda bavakaka mbesa mpoli bokabi nfaali Yesu. 35Djunda li bato batemeke sika ana baika nolendi. Bona bakondji ba Bayuda baika notiyoli Yesu nokambeli te: Abikiyiki bato baiyo, amibikiya mpe ayi meni eyalaka te ao Kiliso opono Kombo, asengeli nomibikiya! 36Basoda mpe baika noeki Yesu bapusaka belebiyo nayi mpe bamopaka manga ma bokayi. 37Bona bakambelaka na Yesu te: Eyalaka te omokondji wa bayuda omibikiya! 38Maloba ema makomamaka wetanda wekulusu olikolo li mutu mo Yesu mamakomaka na lokota li: Geleke, ebele, latin mpe alarme, bakomaka te: Eye yo mokondji wa Bayuda. 39Moko wa bato babe babale bango bamobakaka belebiyo na Yesu aika nofingi Yesu. Aika nomo tiyoli mpe nokambeli nayi te: Awu too o Kiliso ka? Eyalaka te o Kiliso, omibikiya awumeni mpe olobikiya biyo! 40Ontsima moto mobe otikalaka amodjukelaka mpe akambelaka nayi te: Mpodje omakambela mambi mabe ema? Esengeli otosa Kombo, mpo omawa nawu wekulusu ndibe ayi. 41Kasi etumbu ekuli biyo yompoli bobe bo biyalela bibiyo, kasi moto oyobo toana bobe ka! 42Ontsima, mobomi otikalaka wango akambelaka na Yesu te: Nkolo onkanisa ontango ekoyala awu noyangeli obokondji vawu. 43Bona Yesu akambelaka nayi te: Nakambeli nawu veti nenu okoyala ekambi na ngai olikolo.
Lowa lo Yesu
(Mt. 27.45-56 ; Mk. 15.33-41 ; Yn. 19.25-30)
44Ontango yango ekoswaka belebiyo na ntango ya midi, mumpongo molibaka mokili montso mumpongo nfango mokoboko ngonga ntsato. 45Moyi motikaka bongengi mpe lido wa Tempelo ayatwaka na biteni bibale. 46Yesu anfanaka na mungongo makasi onva Kombo te: Tata, nakopeyi bomoyi bongai. Ontsima yayi bokambeli bona awaka. 47Mokondji wa basoda ba Loma oika nomboliyi Basoda beboko ayi mambi mango mantso nosalemi, atondoko Kombo akambelaka mpoli Yesu te: Nayamboli veti moto oyobo too akeliki na bobe boko ka. 48Djunda li bato bayanganaka ana mpo babo eteli meni. Kasi bango bantso beboko bango djambi meni elisalemaka, bavinyaka ondaku li bango baika nobeti mantolo mpoli bolakinyi te bao na mawa. 49Bato bantso ebayebaka Yesu mpendja, eyala na banyala ebamobilaka bobandi Galileya, batemeke ekolo mpe baika nolendi mambi mantso beika mango nosalemi.
Bakundi Yesu
(Mt. 27.57-61 ; Mk. 15.42-47 ; Yn. 19.38-42)
50Ontango yango, mumpele moko nkombo yayi Yosefu aika ana. Aika mokambi wa bakotu ba bayuda, aika moto molamu, aika mpe sembo. 51Moto wango too ayambolaka mokano emokpaka bakotu Bayuda ka, mpo batelemele Yesu ka. Yosefu auta o Alimateyo, mboka mpoko wetuka ya Yuda, Aika na mpowa be te Kombo atoma Kiliso mpo aya nakela Bokondji bo Kombo. 52Yosefu akeke onva mokambi wa engumba ya loma Pilato, akeke namoyonga ndingisa ya bokpeyi ebembe ya Yesu mpo aekunda, Pilato ayambolaka. 53Yosefu auniyaka ekambi na bato baiyo, bauniyaka ndjoto li Yesu wekulusu, akpaka nfaa ndayi adjingaka ebembe, mpe akeke na yuniya olibulu djoko balitimaka omanteyi ma libanga. Olibulu django too bakundaka naino moto ka. 54Mokolo emowaka Yesu eika mokolo mo bomikominyi, bokokani mumeseno mo bato ba Bayuda, bobandi ontsima ya midi ya mokolo nfango eyekelamaka bokeli mosala, mpo mokolo mo Sabata mobandaka. 55Banyala ebaika nobili Yesu banda Galileya babilaka Yosefu mpo babo ndenge ebeyaka bango ndjoto li Yesu olilita. 56Ontsima, banyala bango bavinyaka ondaku li bango. Na muta bakominyaka mali ma ntsolo ndamu na malasi mpoli bokobi ebembe ya Yesu, omokolo emobilaka, eika mokolo mo sabata batosaka mibeko mi Kombo mpe too bakelaka mosala ka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.