LUKA 24
24
Yesu asekpeyi
(Mt. 28.1-9 ; Mk. 16.1-8 ; Yn. 20.1-10)
1Namumbengu mo mokolo mo eyenga, banyala bakeke weteli ebombemaka ebembe ya Yesu. Bakeke na biloko bintsolo ndamu na mali emakomiyaka bango. 2Bekoswaka bango ongo, baboko te libanga eliteke bango ompimo ya lilita balibongolaka. 3Bona bakpelaka olilita, baika noaki ndjoto li Nkolo Yesu, kasi too lika anaka. 4Banyala bango baika sika ana baika nomitungisi nomanyei eloko nde esalemaka. Nambala yawi, Bampele babale bababimelaka mpe batemeke sika belebiyo na bango, Bampele meni bayataka nfaa libongengi ndibe nkake. 5Banyala bango batilaka mpe bauniyaka miutu mi bango ontse, mpoli bopeyi limemiya, kasi bato babale bango bakambelaka na bango te: Too bokoki noaka moto onabomoyi omanteyi ma bibembe ka. 6Yesu too aowangaka, avinyeyi waa na bomoyi, bomanya mambi emaika ayi nobokanoli bino bantso ntango eikayi naino ekambi nabino bantso wetuka ya Galileya. 7Akambelaka te: Nfana wa moto akoanguva omaboko ma bato ba masumu mpo ba moboma o ekulusu kasi akosekpa omokolo mo miato. 8Bona bakanisaka maloba ma Yesu. 9Ontsima banyala bango balongbaka weteli yango mpe bavinyaka wengumba. Bakanolaka mambi mantso mango emabakoswelaka onva Bayekoli djomi na moko. Mpe bato baiyo. 10Nkombo li banyala ebakanolaka Bantoma mambi mango: Eika, Maliya magadala, Djane, mpe Maliya nyango wa Djake. Eika mpe na banyala baiyo ebaika nokeyi ekambi na bango. 11Kasi Bayekoli too bayambolaka mambi emabakanolaka banyala bango ka. Mpo mambi emakambelaka bango, mayokanaka onva bango ndibe lisolo li boyeye. 12Kasi Petelo atemeke sika mpe akotolaka ekoto olilita. Ntango ekoswaka ayi ongo, angbangemaka mpe alendaka omanteyi. Aboko se nfaa esalelaka bango mpoli bolingi ebembe ya Yesu. Petelo akeke ekolo na ndaku yayi mpe aika nomiuwi mpoli eloko esalemaka.
Yesu abimeli Bayekoli babale ondjela ya Emausi
(Mk. 16.12-13)
13Se omokolo nfango Bayekoli baiyo babale ba Yesu baika nokeyi omboka Emausi, eika na ntaka ya bakilometele soko 11 Banda Yelusaleme tee ongo. 14Ntango eika bango nomboli, baika nosololi bango na bango, mpoli mambi mantso emasalemaka omikolo miango. 15Ntango eika bango nosololi mambi mango, Yesu aimeni ayaka belebiyo na bango mpe aika nomboli ekambi na bango. 16Kasi Kombo abayekelaka mpa bayeba te yo Yesu. 17Ontsima Yesu akambelaka na bango te: Mambi nde emamakambela bino na bokebi ntango emaombola bino? Batikaka bomboli mpe bibata bi bango bika nobononi na mawa be. 18Moko wa bango nkombo yayi eika Kelopata, ayanolaka Yesu te: Awu ondi Mopaya anga oyelusaleme, too oyebi mambi emamaleka ongo mikolo emibo ka? 19Yesu abauwaka te mambi nde emasalemi ongo? Bamovinyelaka te: Mambi emakoswelaka Yesu wa nazaleta, aika Mosakoli outaka na Kombo. Akelaka mambi manene be mpe akambelaka ntsango li nguya oboo bo Kombo na bato bantso. 20Kasi Banganga Kombo banene babiyo na bakambi baiyo bamopaka onva Mokondji wa engumba ya Loma mpo bamokatela etumbu ya lowa. Bamobomaka bamobeti ntsete o ekulusu. 21Toiki na elikia te ao Kiliso olalaka Kombo botomi mpoli bobikiyi Bato ba Isalayele omaboko ma bato ba Loma. Mpe too yo se bona mpambaka. Nenu yo mokolo mo miato banda emobomaka bango. 22Banyala baiyo mpe ba etuluku ya biyo bamalopa bokanfeyi mpendja mpona mumbengu mo nenu bakeiki olilita li Yesu, eteli ebombaka bango ndjoto li Yesu. 23Kasi too baliboniki ongo ka. Ontsima bayaniki nalokanola te: Ba Andjelu bababimeliki, mpe babakanoli te Yesu aona bomoyi! 24Bato baiyo omanteyi ma biyo bakeiki obokunda, mambi emaboniki bango ongo makokani mpendja na emalokanoliki Banyala bango, kasi too baboniki Yesu ka. 25Bona Yesu akambelaka na Bayekoli babale bango te: Mpodje bona boyeye bo! Mpodje yo mpasi be mpoli bino boyamboli mambi mansto emakambela Basakoli ba Kombo mpoli Kiliso omakomi? 26Bosengeli mpendja noyeba te: Esengelaka te Kiliso anyokpama na mambi mango mantso mpe awa, ontsimandi akpela onkembo yayi! 27Ontsima Yesu abandaka bobalimboleli mambi mantso emakomamaka omakomi mpo djayi. Abandaka ominkanda mpe omibeko emikomaka Mose, aika nolimboli mambi emakambelaka Basakoli baiyo bantso mpo djayi. 28Ntango ekoswaka bango omboka eteli eika Bayekoli nokeyi, Yesu aika se nomboli ndibe moto amake se mobembo. 29Kasi Bayekoli bamokongoko nokambeli te: Muta mokosweyi, yaka nayala onva biyo, bona Yesu akpelaka ondaku mpo ayala na bango. 30Yesu ayalaka mpoli boleyi ekambi na bango, akpaka limpa, alipamboli. Ontsima alitenaka biteni mpe abapaka mpo bale. 31Nambala yawi miyo mabango malivaka mpoli nkombo ya Kombo, mpe basosoloko te yo Yesu, Nambala yawi yesu alinfaka omiyo mabango. 32Baika nomiuwi te: Mpodje mitema mi biyo too miki na esengo ka ondjela, ntango eikiayi nosololi na biyo mpe beikiayi nolimboli makomi mpoli biyo. 33Se ontango yango, batemeke sika mpe bavinyaka wengumba ya Yelusaleme, ntango ekoswaka bango ongo, bakulaka bayekoli djomi na moko ba Yesu bayanganaka eteli yawi, mpe bato baiyo baika ekambi na bango. 34Se ntango ekoswaka bango, bato bantso baika nokanoli Bayekoli babale bango te: Yo veti! Nkolo aona bomoyi, mpe abimeliki Simona. 35Bayekoli babale ebautaka omboka Emausi, bakanolaka lisolo li bango ndenge ebabimelaka Yesu ntango eika bango nomboli ondjela mpe be moyebaka bango ntango eika ayi noteni limpa.
Yesu abimeli Bayekoli
(Yn. 20.19-23)
36Ntango eika bato bantso naino nokambeli mpoli mambi emasalemaka, Yesu aimeni ababimelaka na mbalakaka mpe atemeke omanteyi mabango akambelaka na bango te: Kimia wa Kombo ayala nabino. 37Ntango emoboko bango, bamanyaka te baboni munkali mpe batilaka be. 38Yesu abauwaka te: Bomatila mpodjeni? Bonantembe omitema mi bino mpodjeni? 39Bolenda maboko mpe makolo ma ngai boyeba te yo ngai meni nolanga! Bonkata mpe bolenda! Bino meni tee yo ngai veti. Munkali too mona ndjoto elikelama na minunu too nkpaa ka, kasi bomabo te ngai naona biango. 40Ntango ekambelaka Yesu bona ababonyaka mpota li maboko na makolo mayi. 41Kasi bayekoli bayi too bayambolaka naino ka, te Yesu aona bomoyi waa. Mpo basepelaka be mpe bakanfaka boboni Yesu. Bona Yesu akambelaka na bango te: Nabobondeli bompa eloko ya boleyi. 42Bamopaka eteni ya ntsu ntumbe. 43Aekpaka mpe aeleyi omiyo mabango. 44Ontsima, Yesu akambelaka na bango te: Ntango eika ngai naino ekambi nabino oboo te nawa, nakambelaka nabino te: Maloba mantso emakomama mpoli ngai esengeli makokisama, na maloba emakomama omibeko mi Mose, na onva Basakoli mpe ondjembo. 45Ontsima Yesu abalimbolelaka ndimbola ya makomi. 46Ontsima akambelaka na bango te: Ekomama omakomi te: Esengeli kiliso anyokpama mpe awa omokolo mo miato akosekpa omanteyi ma baweyi 47Ekomama mpe omakomi te: Bato ebakayambola Kiliso bakoke nakanola bato te batika bokeli masumu mpe bavinya onva Kombo mpo bakula bolimbisi na bobe ebokeli bango. Nalingi bokela bo: Bobandi anga oyelusaleme mpe bokei omokili montso. 48Bino bo bato ebaboni mambi emasalemi emabo, mpe ekomi bomakanola bato baiyo. 49Bona ngai nakobotomela bino Molimo emondakaka Tata wangai. Kasi bino botikalanga wengumba kino mokolo emokoyatiyama bino na nguya ya Likolo.
Yesu avinyeyi olikolo
(Mk. 16.19-20)
50Ontsima, Yesu ababimiyaka wengumba ya Yelusaleme tee omboka Betaniya. Ongo atombolaka maboko mayi mpe abapambolaka. 51Ntango eika ayi nopamboli bato bango, abatikaka mpe Kombo amotombolaka olikolo. 52Bayekoli bayi bangbangemaka nomosambeli ontsima bavinyaka oyelusaleme, na esengo be. 53Mpe baika nolekinyi ntango be olopango lo Tempelo, mpoli bosandjoli Kombo mikolo mintso.
Iliyochaguliwa sasa
LUKA 24: LIE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.
LUKA 24
24
Yesu asekpeyi
(Mt. 28.1-9 ; Mk. 16.1-8 ; Yn. 20.1-10)
1Namumbengu mo mokolo mo eyenga, banyala bakeke weteli ebombemaka ebembe ya Yesu. Bakeke na biloko bintsolo ndamu na mali emakomiyaka bango. 2Bekoswaka bango ongo, baboko te libanga eliteke bango ompimo ya lilita balibongolaka. 3Bona bakpelaka olilita, baika noaki ndjoto li Nkolo Yesu, kasi too lika anaka. 4Banyala bango baika sika ana baika nomitungisi nomanyei eloko nde esalemaka. Nambala yawi, Bampele babale bababimelaka mpe batemeke sika belebiyo na bango, Bampele meni bayataka nfaa libongengi ndibe nkake. 5Banyala bango batilaka mpe bauniyaka miutu mi bango ontse, mpoli bopeyi limemiya, kasi bato babale bango bakambelaka na bango te: Too bokoki noaka moto onabomoyi omanteyi ma bibembe ka. 6Yesu too aowangaka, avinyeyi waa na bomoyi, bomanya mambi emaika ayi nobokanoli bino bantso ntango eikayi naino ekambi nabino bantso wetuka ya Galileya. 7Akambelaka te: Nfana wa moto akoanguva omaboko ma bato ba masumu mpo ba moboma o ekulusu kasi akosekpa omokolo mo miato. 8Bona bakanisaka maloba ma Yesu. 9Ontsima banyala bango balongbaka weteli yango mpe bavinyaka wengumba. Bakanolaka mambi mantso mango emabakoswelaka onva Bayekoli djomi na moko. Mpe bato baiyo. 10Nkombo li banyala ebakanolaka Bantoma mambi mango: Eika, Maliya magadala, Djane, mpe Maliya nyango wa Djake. Eika mpe na banyala baiyo ebaika nokeyi ekambi na bango. 11Kasi Bayekoli too bayambolaka mambi emabakanolaka banyala bango ka. Mpo mambi emakambelaka bango, mayokanaka onva bango ndibe lisolo li boyeye. 12Kasi Petelo atemeke sika mpe akotolaka ekoto olilita. Ntango ekoswaka ayi ongo, angbangemaka mpe alendaka omanteyi. Aboko se nfaa esalelaka bango mpoli bolingi ebembe ya Yesu. Petelo akeke ekolo na ndaku yayi mpe aika nomiuwi mpoli eloko esalemaka.
Yesu abimeli Bayekoli babale ondjela ya Emausi
(Mk. 16.12-13)
13Se omokolo nfango Bayekoli baiyo babale ba Yesu baika nokeyi omboka Emausi, eika na ntaka ya bakilometele soko 11 Banda Yelusaleme tee ongo. 14Ntango eika bango nomboli, baika nosololi bango na bango, mpoli mambi mantso emasalemaka omikolo miango. 15Ntango eika bango nosololi mambi mango, Yesu aimeni ayaka belebiyo na bango mpe aika nomboli ekambi na bango. 16Kasi Kombo abayekelaka mpa bayeba te yo Yesu. 17Ontsima Yesu akambelaka na bango te: Mambi nde emamakambela bino na bokebi ntango emaombola bino? Batikaka bomboli mpe bibata bi bango bika nobononi na mawa be. 18Moko wa bango nkombo yayi eika Kelopata, ayanolaka Yesu te: Awu ondi Mopaya anga oyelusaleme, too oyebi mambi emamaleka ongo mikolo emibo ka? 19Yesu abauwaka te mambi nde emasalemi ongo? Bamovinyelaka te: Mambi emakoswelaka Yesu wa nazaleta, aika Mosakoli outaka na Kombo. Akelaka mambi manene be mpe akambelaka ntsango li nguya oboo bo Kombo na bato bantso. 20Kasi Banganga Kombo banene babiyo na bakambi baiyo bamopaka onva Mokondji wa engumba ya Loma mpo bamokatela etumbu ya lowa. Bamobomaka bamobeti ntsete o ekulusu. 21Toiki na elikia te ao Kiliso olalaka Kombo botomi mpoli bobikiyi Bato ba Isalayele omaboko ma bato ba Loma. Mpe too yo se bona mpambaka. Nenu yo mokolo mo miato banda emobomaka bango. 22Banyala baiyo mpe ba etuluku ya biyo bamalopa bokanfeyi mpendja mpona mumbengu mo nenu bakeiki olilita li Yesu, eteli ebombaka bango ndjoto li Yesu. 23Kasi too baliboniki ongo ka. Ontsima bayaniki nalokanola te: Ba Andjelu bababimeliki, mpe babakanoli te Yesu aona bomoyi! 24Bato baiyo omanteyi ma biyo bakeiki obokunda, mambi emaboniki bango ongo makokani mpendja na emalokanoliki Banyala bango, kasi too baboniki Yesu ka. 25Bona Yesu akambelaka na Bayekoli babale bango te: Mpodje bona boyeye bo! Mpodje yo mpasi be mpoli bino boyamboli mambi mansto emakambela Basakoli ba Kombo mpoli Kiliso omakomi? 26Bosengeli mpendja noyeba te: Esengelaka te Kiliso anyokpama na mambi mango mantso mpe awa, ontsimandi akpela onkembo yayi! 27Ontsima Yesu abandaka bobalimboleli mambi mantso emakomamaka omakomi mpo djayi. Abandaka ominkanda mpe omibeko emikomaka Mose, aika nolimboli mambi emakambelaka Basakoli baiyo bantso mpo djayi. 28Ntango ekoswaka bango omboka eteli eika Bayekoli nokeyi, Yesu aika se nomboli ndibe moto amake se mobembo. 29Kasi Bayekoli bamokongoko nokambeli te: Muta mokosweyi, yaka nayala onva biyo, bona Yesu akpelaka ondaku mpo ayala na bango. 30Yesu ayalaka mpoli boleyi ekambi na bango, akpaka limpa, alipamboli. Ontsima alitenaka biteni mpe abapaka mpo bale. 31Nambala yawi miyo mabango malivaka mpoli nkombo ya Kombo, mpe basosoloko te yo Yesu, Nambala yawi yesu alinfaka omiyo mabango. 32Baika nomiuwi te: Mpodje mitema mi biyo too miki na esengo ka ondjela, ntango eikiayi nosololi na biyo mpe beikiayi nolimboli makomi mpoli biyo. 33Se ontango yango, batemeke sika mpe bavinyaka wengumba ya Yelusaleme, ntango ekoswaka bango ongo, bakulaka bayekoli djomi na moko ba Yesu bayanganaka eteli yawi, mpe bato baiyo baika ekambi na bango. 34Se ntango ekoswaka bango, bato bantso baika nokanoli Bayekoli babale bango te: Yo veti! Nkolo aona bomoyi, mpe abimeliki Simona. 35Bayekoli babale ebautaka omboka Emausi, bakanolaka lisolo li bango ndenge ebabimelaka Yesu ntango eika bango nomboli ondjela mpe be moyebaka bango ntango eika ayi noteni limpa.
Yesu abimeli Bayekoli
(Yn. 20.19-23)
36Ntango eika bato bantso naino nokambeli mpoli mambi emasalemaka, Yesu aimeni ababimelaka na mbalakaka mpe atemeke omanteyi mabango akambelaka na bango te: Kimia wa Kombo ayala nabino. 37Ntango emoboko bango, bamanyaka te baboni munkali mpe batilaka be. 38Yesu abauwaka te: Bomatila mpodjeni? Bonantembe omitema mi bino mpodjeni? 39Bolenda maboko mpe makolo ma ngai boyeba te yo ngai meni nolanga! Bonkata mpe bolenda! Bino meni tee yo ngai veti. Munkali too mona ndjoto elikelama na minunu too nkpaa ka, kasi bomabo te ngai naona biango. 40Ntango ekambelaka Yesu bona ababonyaka mpota li maboko na makolo mayi. 41Kasi bayekoli bayi too bayambolaka naino ka, te Yesu aona bomoyi waa. Mpo basepelaka be mpe bakanfaka boboni Yesu. Bona Yesu akambelaka na bango te: Nabobondeli bompa eloko ya boleyi. 42Bamopaka eteni ya ntsu ntumbe. 43Aekpaka mpe aeleyi omiyo mabango. 44Ontsima, Yesu akambelaka na bango te: Ntango eika ngai naino ekambi nabino oboo te nawa, nakambelaka nabino te: Maloba mantso emakomama mpoli ngai esengeli makokisama, na maloba emakomama omibeko mi Mose, na onva Basakoli mpe ondjembo. 45Ontsima Yesu abalimbolelaka ndimbola ya makomi. 46Ontsima akambelaka na bango te: Ekomama omakomi te: Esengeli kiliso anyokpama mpe awa omokolo mo miato akosekpa omanteyi ma baweyi 47Ekomama mpe omakomi te: Bato ebakayambola Kiliso bakoke nakanola bato te batika bokeli masumu mpe bavinya onva Kombo mpo bakula bolimbisi na bobe ebokeli bango. Nalingi bokela bo: Bobandi anga oyelusaleme mpe bokei omokili montso. 48Bino bo bato ebaboni mambi emasalemi emabo, mpe ekomi bomakanola bato baiyo. 49Bona ngai nakobotomela bino Molimo emondakaka Tata wangai. Kasi bino botikalanga wengumba kino mokolo emokoyatiyama bino na nguya ya Likolo.
Yesu avinyeyi olikolo
(Mk. 16.19-20)
50Ontsima, Yesu ababimiyaka wengumba ya Yelusaleme tee omboka Betaniya. Ongo atombolaka maboko mayi mpe abapambolaka. 51Ntango eika ayi nopamboli bato bango, abatikaka mpe Kombo amotombolaka olikolo. 52Bayekoli bayi bangbangemaka nomosambeli ontsima bavinyaka oyelusaleme, na esengo be. 53Mpe baika nolekinyi ntango be olopango lo Tempelo, mpoli bosandjoli Kombo mikolo mintso.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.