LUKA 22
22
Yudasi ayamboli vangi Yesu
(Mt. 26.1-5,14-16 ; Mk. 14.1-2,10-11 ; Yn. 11.47-53)
1Eleko ya Bayuda ya bokeli nteke ya Pasika ekoswaka belebiyo, bato baika noebiangi mpe Elekeli. 2Banganga Kombo na Balakisi ba mibeko baika noaki miango mi bobomi Yesu na nkuku mpo baika notili bato ebaika noyoki Yesu. 3Bona Satana akpelaka omotema mo Yudasi, Isikaliyote aika mpe moko wa bantoma djomi nababale. 4Yudasi, akeke na yokana Banganga Kombo, Bakondji ba Bakengeli ba Tempelo mpoli vaaki miango mpo banganda Yesu. 5Banganga Kombo na bakondji ba bakengeli ba Tempelo basepelaka be, mpe bayambolaka te bakopa Yudasi mosolo mpo abasunga banganda Yesu. 6Yudasi ayambolaka, mpe abandaka vaaki miango mpoli vangi Yesu. Ontanga ekoyala bato batini.
Boleyi bo mpokpa bo ntsuka
(Mt. 26.17-19 ; Mk. 14.12-16)
7Mokolo mo nteke ya mampa emakale ofulaka ekoswaka, eika ntango ya bokabi mbeka ya nfana wa mpata mpoli Pasika. 8Yesu atomaka Petelo na Yowane mpe akambelaka na bango te: Bokeke na lokomisela boleyi bo nteke ya Pasika mpo tole ekambi. 9Petele na Yowane bauwaka Yesu te: Nkolo, olingi toke nabokomiya ndo? 10Yesu abavinyelaka te: Ntango ekokpela bino wengumba ya Yelusaleme bokokulana na moto atombi ebeke ya mayi odjeke. Bomobila kino ondaku ekokpela ayi. 11Mpe bokambela na munkolo wa ndaku yango te: Molakisi wabiyo akotomeli maloba te: Ololakinya eteni ya ndaku eteli nde ekole ayi Pasika na Bayekoli bayi? 12Munkolo wa ndaku akoke nakolakinya ondaku ya etazi etenela nene baekominyi mpoli biyo, bokokominya boleyi ongo. 13Bayekoli bakeke wengumba mpe bakulaka mambi mantso se ndenge ebakambelaka Yesu. Bona bakomiyaka boleyi bo nteke ya Pasika ongo. 14Ntango ya boleyi ekoswaka, Yesu akeke ongo ekambi na Bantoma djomi nababale mpe bango bantso bayalaka eteli yawi omesa. 15Yesu akambelaka na bango te: Naiki na mpowa be ya boleyi ebubo bo Pasika ekambi nabino, oboo te nanyokpama mpe nawa. 16Mpo nakambeli nabino, too nakole waa pasika ka. Kino mokolo emokobonono ndimbola ya vango ya solo obokondji bo Kombo. 17Ontsima Yesu akpaka kobo wa vino omaboko mayi, atondoko Kombo. Ontsima akambelaka na Bayekoli bayi te: Bokpaa vino oyobo mpe bomokaba omanteyi mabino. 18Mpo namakambela nabino te: Too nakonyuwa waa vino ka kino ntango ekokela Kombo Bokondji vayi. 19Ontsima Yesu akpaka nfa limpa omaboko mayi mpe atondoko Kombo, alitenaka mpe alipaka na Bayekoli baayi mpe akambelaka na bango te: Limpa eti yo ndjoto li ngai elimapa ngai mpoli bino, bokoba nabokeli bompoli bonkanisi. 20Ndenge yawi mpe ontsima ya bango boleyi na mpokpa, Yesu akpaka kobo otondaka na vino omaboko mayi mpe akambelaka te: Kobo wa vino oyobo amaboniya boyamboli bo sika. Mpe yo boyamboli bo makila ma ngai emafeyei mpoli bino. 21Kasi nalingi bino bantso boyeba te: Moto okonkaba onva banguna ba ngai, amale anga ekambi na ngai. 22Ngai nfana wa moto nakowa solo nandenge ekomiya Kombo, kasi ekoyala ntsomo be mpoli moto okonkaba onva banguna ba ngai. 23Ntango eyoka Bayekoli bayi bona, babandaka buwani bango na bango, mpoli boyebi moto nda okokela djambi libe bona. 24Ontsima ana, Bayekoli baika noyomani bango na bango mpo bayeba moto onantina be omanteyi mabango. 25Yesu akambelaka na bayekoli bayi te: Omokili emubo Bakondji na bato banene bakalinga bokondji olikolo li bato babango, mpe bakalinga boyebani ndibe beyi ba bato. 26Kasi bino too bokoki noyala ndibe bango ka, moto onantina be omanteyi mabino, esengeli nayi akoswa ndibe moto odjangi ntina, moto okoyala mokambi wabino, esengeli nayi ayala ndibe mosaleli wabino. 27Nalingi bokanisa, ntango ekayala moto mpoli boleyi mpe moto moiyo ayani mpoli bomoyangeli, bona omanteyi ma bato babale bango moto nda ona motuya? Bato bantso bayebi te yo moto oyali mpe amale, Kasi ngai nakosweyi ndibe mosali omanteyi mabino. 28Kasi bino bo bato ebatikali na bosembo ekambi na ngai na mpasi li ngai. 29Mpe se ndenge emponoko ango wangai Kombo mpo nayala mokondji olikolo li Bokondji vayi, ndenge yango mpe ngai namabopono bino boyala Bakondji ekambi na ngai Obokondji bongai. 30Yango, obokondji bongai bokole, mpe bokonyuwa ekambi na ngai, omesa mi ngai, mpe bokoyala obakiti ba Bokondji mpoli boyangeli mooko djomi na mabale ma bato ba Isalayele.
Yesu akanoli te Petelo akomoyangana
(Mt. 26.31-35 ; Mk. 14.27-31 ; Yn. 13.36-38)
31Ontsima Yesu akambelaka na Simona Petelo te: Simona, Simona, ondjoka ngai! Satana ayongi te ayala na Bokondji olikolo li bino bantso mpo botika bokeli motema onva ngai, akobotombola bino bantso mpe akobopupola ndibekapupola mosali wa mala mbuma li bule. 32Kasi naiki nosambeli mpo djawu Simona, mpako tika bondjamboli, mpe ontsima yawu botubeli mpe ovinyi onva ngai, lendja banfa mama baiyo bayala na boyamboli na makasi onva ngai. 33Kasi Simona Petelo akambelaka na Yesu te: Nkolo, nao belebiyo mpo nake oboloko ekambi nawu, eyalaka na lowa nakowa ekambi nawu! 34Kasi Yesu amoyanolaka te: Petelo, namakokanola djambi liwi, oboo te ntsoo etongo lobi Namumbengu, okontsangana mbala ntsato te too ondjebi ka. 35Ontsima Yesu auwaka Bayekoli bayi te: Ntango ebotomaka ngai omboka lindenge nandenge mpoli bosakoli ntsango ndamu, too boika na sakosi ka, mosolo ka, mapapa mabale ka, boika nabosenga bo eloko ntsiyo? Bayekoli bayanolaka te: weyi too toika nabosenga bo eloko ka. 36Kasi Yesu akambelaka na bango te: kasi sikanga bato ba malotelemele, yango, moto ayalaka na mosolo, too sakosi esengeli amokpaa, moto wampa oba na mopanga ka, anga munkoto nfayi mpe akpaa mosolo nfango aomba mopanga. 37Nakambeli nabino te: Mantso emakoma bango omakomi makondjanela mpendja ekomama te: Bamokpeliyaka omanteyi ma bato ebampa otosa mibeko ka. Veti, mambi mantso emakomaka Basakoli mpoli ngai makosalema kala beka. 38Bona Bayekoli bayi bakambelaka nayi te: Nkolo, lenda anga tona mipanga mibale Yesu abavinyelaka te ekoki.
Yesu abondeli ongomba li miete mi Olive
(Mt. 26.36-45 ; Mk. 14.32-41)
39Bona Yesu abimaka, mpe akeke ndibe mumeseno ongomba ya miete mi olive. Bayekoli bayi mpe bamobilaka. 40Ntango ekoswaka bango weteli yango, Yesu akambelaka na Bayekoli bayi te: Boyalaka nosambeli na Kombo abosalisa mpa vamekama nabokeli masumu. 41Ontsima Yesu akeke nfa ekolo na bango, aika ongo ayi meni, ontsima angbangemaka mpe aika nosambeli Kombo. 42Akambelaka te: Tata wangai, olingaka, longola kobo oyo wa mpatsi ekolo na ngai, kasi nakobondeli mpa kokela mokano mo ngai, kasi kelandi mokano nfawu. 43Ontsima Andjelu moko autaka onva Kombo abimelaka Yesu mpe amopaka mpiko be. 44Beyokaka Yesu ntsomo be asambelaka na makasi mpe bitokiya biayi bikoswaka nokpeyi ontse ndibe mantanga ma makila. 45Ntango eilinyaka Yesu nosambeli, atemeke sika mpe akeke weteli eika Bayekoli bayi, abakulaka babetemi mpo baika na mawa be. 46Bona Yesu akambelaka na bango te: Bomabetema mpo ndjeni? Boyunfa mpe bosambela Kombo abosunga mpa bomekama mpoli bokeli masumu.
Bangandi Yesu
(Mt. 26.47-55 ; Mk. 14.43-49 ; Yn. 18.2-11)
47Se ontango eika Yesu nosololi na Bayekoli bayi: Na mbalakaka djuna li bato bayaka ana, Yudasi oika moko wa Bayekoli djomi nababale ba Yesu aika nomboli na bango, ayaka onva Yesu mpo amopa bizu olitama. 48Kasi Yesu akambelaka nayi te: Yudasi, yompoli bizu omampa awu ngai nfana wa moto mpo ontsanga onva baini ba ngai? 49Ntango esosoloko Bayekoli ba Yesu mambi emakoswelaka Yesu, bakambelaka na Yesu te: Nkolo, tobabuniya na mipanga? 50Oboo te Yesu abayanola, Moyekoli wa Yesu moko abuniyaka mosali wa banganga Kombo munene na mopanga mpe amokataka litoyi li mumpele. 51Kasi Yesu akambelaka nayi te: Tika too yoo waa ntango ya mambi emabo ka. Ontsima, akataka litoyi li mosali wango mpe amobikiyaka. 52Mpe Yesu akambelaka na Bakondji ba banganga kombo na Bakondji ba bakengeli ba Tempelo, na bakotu ebayaka na munganda te: Boyebi te too naomokeli wa bobe ka, kasi boyani na nganda na mipanga na bingbongo. 53Naiki nabino ntango lintso ekambi otempelo, kasi too bomekiki bongandi ongo ka, kasi eboyontango ya bino mpe nguya ya mumpongo emasala.
Petelo ayangani Yesu
(Mt. 26.57-58 ; Mk. 14.53-54 ; Yn. 18.15-16)
54Ontsima bakengeli ba Tempelo bangandaka Yesu mpe bakeke nayi ondaku ya mokondji wa Banganga Kombo munene. Petelo ababilaka kasi too apusaka belebiyo na bango ka. 55Ntango ekoswaka bango ana, bato baiyo baloliyaka muya omanteyi ma lopango lo nganga Kombo munene, bato bayalaka ana belebiyo na muya, Petelo mpe ayaka nayala belebiyo ana. 56Mosali moko wa nfanyala aboko Petelo ayali obo bo muya, amolendaka mpe akambelaka na bato ebaika ana te: Mumpele oyobo mpe ao moko wa bato ebaika ekambi na Yesu. 57Kasi Petelo akambelaka nayi te: Too yo solo ka, nfanyala too nayebi Mumpele wango ka. 58Kalabe te moto moiyo aboko Petelo mpe akambelaka nayi te: Awu mpe onfeyi wa Bayekoli ba Yesu, mpe Petelo akambelaka na moto wango te: Nfeyi wangai too naomoko wa bango ka! 59Ontsima ya ngonga yawi mumpele moko ayambolaka nokambeli na entinge te: Yo veti, moto oyobo aika mpe ekambi na Yesu mpo aompe moto wa Galileya. 60Petelo amoyanolaka te: Nfeyi wangai, too nayebi eloko emakambela awu ka! Se ontango eika nokambeli Petelo yango, ntsoo yawi etongoko. 61Nambala yawi Nkolo abongbanaka mpe alendi Petelo. Mpe Petelo akanisaka mambi emakambelaka Nkolo nayi te: Oboo ntsoo etongo, Namumbengu okontsangana mbala ntsato te too ondjebi ka. 62Ontsima ya Petelo bokanisi maloba mango, abimaka olopango mpe alelaka na mawa.
Bapulusu baeki Yesu
(Mt. 26.67-68 ; Mk. 14.65)
63Ontsima, bakengeli ebaika nokambi Yesu banfekeke mpe bamobeteke. 64Bakengeli balibaka Yesu nfaa omiyo mpe bakambelaka nayi te: Olalakinya te o Mosakoli olokanola moto nda okobeti! 65Mpe baika nomo fingi waa mambi be.
Yesu oboo bo Pilato na Elode
(Mt. 26.59-65 ; Mk. 14.55-64 ; Yn. 18.19-24)
66Ntango ekoswaka moyi, Bakondji baba kotu ba Bayuda bakelaka likita, Bakondji bango baika banganga Kombo, Bakondji na Balakisi ba mibeko, ontsima bakeke na Yesu oboo bo likita django. 67Mpe bauwaka Yesu te: Olokanola! Awundi Kiliso? Kasi Yesu abayanolaka te: Naeyalaka te nakambeli nabino te yo bona, too bokoyambola m. 68Mpe nabuwaka motuna mpoli djambi django, too bokonviyela eyano ka. 69Kasi kala te ontsima ya djambi etibo, ngai nfana wa Moto nakoyala weteli ya nguya weboko ya mumpele ya Kombo ona nguya lintso. 70Ontsima bango bantso bamuwaka Yesu te: O Nfana wa Kombo? Yesu abayanolaka te: Bokambeli nebe no nfana wayi. 71Ontsima bakambelaka te: Too towaa na mpowa ya litatoli liyo ka mpoli bomokpeisi, mpo biyo meni tomoyoki na munoko nfayi meni.
Iliyochaguliwa sasa
LUKA 22: LIE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.
LUKA 22
22
Yudasi ayamboli vangi Yesu
(Mt. 26.1-5,14-16 ; Mk. 14.1-2,10-11 ; Yn. 11.47-53)
1Eleko ya Bayuda ya bokeli nteke ya Pasika ekoswaka belebiyo, bato baika noebiangi mpe Elekeli. 2Banganga Kombo na Balakisi ba mibeko baika noaki miango mi bobomi Yesu na nkuku mpo baika notili bato ebaika noyoki Yesu. 3Bona Satana akpelaka omotema mo Yudasi, Isikaliyote aika mpe moko wa bantoma djomi nababale. 4Yudasi, akeke na yokana Banganga Kombo, Bakondji ba Bakengeli ba Tempelo mpoli vaaki miango mpo banganda Yesu. 5Banganga Kombo na bakondji ba bakengeli ba Tempelo basepelaka be, mpe bayambolaka te bakopa Yudasi mosolo mpo abasunga banganda Yesu. 6Yudasi ayambolaka, mpe abandaka vaaki miango mpoli vangi Yesu. Ontanga ekoyala bato batini.
Boleyi bo mpokpa bo ntsuka
(Mt. 26.17-19 ; Mk. 14.12-16)
7Mokolo mo nteke ya mampa emakale ofulaka ekoswaka, eika ntango ya bokabi mbeka ya nfana wa mpata mpoli Pasika. 8Yesu atomaka Petelo na Yowane mpe akambelaka na bango te: Bokeke na lokomisela boleyi bo nteke ya Pasika mpo tole ekambi. 9Petele na Yowane bauwaka Yesu te: Nkolo, olingi toke nabokomiya ndo? 10Yesu abavinyelaka te: Ntango ekokpela bino wengumba ya Yelusaleme bokokulana na moto atombi ebeke ya mayi odjeke. Bomobila kino ondaku ekokpela ayi. 11Mpe bokambela na munkolo wa ndaku yango te: Molakisi wabiyo akotomeli maloba te: Ololakinya eteni ya ndaku eteli nde ekole ayi Pasika na Bayekoli bayi? 12Munkolo wa ndaku akoke nakolakinya ondaku ya etazi etenela nene baekominyi mpoli biyo, bokokominya boleyi ongo. 13Bayekoli bakeke wengumba mpe bakulaka mambi mantso se ndenge ebakambelaka Yesu. Bona bakomiyaka boleyi bo nteke ya Pasika ongo. 14Ntango ya boleyi ekoswaka, Yesu akeke ongo ekambi na Bantoma djomi nababale mpe bango bantso bayalaka eteli yawi omesa. 15Yesu akambelaka na bango te: Naiki na mpowa be ya boleyi ebubo bo Pasika ekambi nabino, oboo te nanyokpama mpe nawa. 16Mpo nakambeli nabino, too nakole waa pasika ka. Kino mokolo emokobonono ndimbola ya vango ya solo obokondji bo Kombo. 17Ontsima Yesu akpaka kobo wa vino omaboko mayi, atondoko Kombo. Ontsima akambelaka na Bayekoli bayi te: Bokpaa vino oyobo mpe bomokaba omanteyi mabino. 18Mpo namakambela nabino te: Too nakonyuwa waa vino ka kino ntango ekokela Kombo Bokondji vayi. 19Ontsima Yesu akpaka nfa limpa omaboko mayi mpe atondoko Kombo, alitenaka mpe alipaka na Bayekoli baayi mpe akambelaka na bango te: Limpa eti yo ndjoto li ngai elimapa ngai mpoli bino, bokoba nabokeli bompoli bonkanisi. 20Ndenge yawi mpe ontsima ya bango boleyi na mpokpa, Yesu akpaka kobo otondaka na vino omaboko mayi mpe akambelaka te: Kobo wa vino oyobo amaboniya boyamboli bo sika. Mpe yo boyamboli bo makila ma ngai emafeyei mpoli bino. 21Kasi nalingi bino bantso boyeba te: Moto okonkaba onva banguna ba ngai, amale anga ekambi na ngai. 22Ngai nfana wa moto nakowa solo nandenge ekomiya Kombo, kasi ekoyala ntsomo be mpoli moto okonkaba onva banguna ba ngai. 23Ntango eyoka Bayekoli bayi bona, babandaka buwani bango na bango, mpoli boyebi moto nda okokela djambi libe bona. 24Ontsima ana, Bayekoli baika noyomani bango na bango mpo bayeba moto onantina be omanteyi mabango. 25Yesu akambelaka na bayekoli bayi te: Omokili emubo Bakondji na bato banene bakalinga bokondji olikolo li bato babango, mpe bakalinga boyebani ndibe beyi ba bato. 26Kasi bino too bokoki noyala ndibe bango ka, moto onantina be omanteyi mabino, esengeli nayi akoswa ndibe moto odjangi ntina, moto okoyala mokambi wabino, esengeli nayi ayala ndibe mosaleli wabino. 27Nalingi bokanisa, ntango ekayala moto mpoli boleyi mpe moto moiyo ayani mpoli bomoyangeli, bona omanteyi ma bato babale bango moto nda ona motuya? Bato bantso bayebi te yo moto oyali mpe amale, Kasi ngai nakosweyi ndibe mosali omanteyi mabino. 28Kasi bino bo bato ebatikali na bosembo ekambi na ngai na mpasi li ngai. 29Mpe se ndenge emponoko ango wangai Kombo mpo nayala mokondji olikolo li Bokondji vayi, ndenge yango mpe ngai namabopono bino boyala Bakondji ekambi na ngai Obokondji bongai. 30Yango, obokondji bongai bokole, mpe bokonyuwa ekambi na ngai, omesa mi ngai, mpe bokoyala obakiti ba Bokondji mpoli boyangeli mooko djomi na mabale ma bato ba Isalayele.
Yesu akanoli te Petelo akomoyangana
(Mt. 26.31-35 ; Mk. 14.27-31 ; Yn. 13.36-38)
31Ontsima Yesu akambelaka na Simona Petelo te: Simona, Simona, ondjoka ngai! Satana ayongi te ayala na Bokondji olikolo li bino bantso mpo botika bokeli motema onva ngai, akobotombola bino bantso mpe akobopupola ndibekapupola mosali wa mala mbuma li bule. 32Kasi naiki nosambeli mpo djawu Simona, mpako tika bondjamboli, mpe ontsima yawu botubeli mpe ovinyi onva ngai, lendja banfa mama baiyo bayala na boyamboli na makasi onva ngai. 33Kasi Simona Petelo akambelaka na Yesu te: Nkolo, nao belebiyo mpo nake oboloko ekambi nawu, eyalaka na lowa nakowa ekambi nawu! 34Kasi Yesu amoyanolaka te: Petelo, namakokanola djambi liwi, oboo te ntsoo etongo lobi Namumbengu, okontsangana mbala ntsato te too ondjebi ka. 35Ontsima Yesu auwaka Bayekoli bayi te: Ntango ebotomaka ngai omboka lindenge nandenge mpoli bosakoli ntsango ndamu, too boika na sakosi ka, mosolo ka, mapapa mabale ka, boika nabosenga bo eloko ntsiyo? Bayekoli bayanolaka te: weyi too toika nabosenga bo eloko ka. 36Kasi Yesu akambelaka na bango te: kasi sikanga bato ba malotelemele, yango, moto ayalaka na mosolo, too sakosi esengeli amokpaa, moto wampa oba na mopanga ka, anga munkoto nfayi mpe akpaa mosolo nfango aomba mopanga. 37Nakambeli nabino te: Mantso emakoma bango omakomi makondjanela mpendja ekomama te: Bamokpeliyaka omanteyi ma bato ebampa otosa mibeko ka. Veti, mambi mantso emakomaka Basakoli mpoli ngai makosalema kala beka. 38Bona Bayekoli bayi bakambelaka nayi te: Nkolo, lenda anga tona mipanga mibale Yesu abavinyelaka te ekoki.
Yesu abondeli ongomba li miete mi Olive
(Mt. 26.36-45 ; Mk. 14.32-41)
39Bona Yesu abimaka, mpe akeke ndibe mumeseno ongomba ya miete mi olive. Bayekoli bayi mpe bamobilaka. 40Ntango ekoswaka bango weteli yango, Yesu akambelaka na Bayekoli bayi te: Boyalaka nosambeli na Kombo abosalisa mpa vamekama nabokeli masumu. 41Ontsima Yesu akeke nfa ekolo na bango, aika ongo ayi meni, ontsima angbangemaka mpe aika nosambeli Kombo. 42Akambelaka te: Tata wangai, olingaka, longola kobo oyo wa mpatsi ekolo na ngai, kasi nakobondeli mpa kokela mokano mo ngai, kasi kelandi mokano nfawu. 43Ontsima Andjelu moko autaka onva Kombo abimelaka Yesu mpe amopaka mpiko be. 44Beyokaka Yesu ntsomo be asambelaka na makasi mpe bitokiya biayi bikoswaka nokpeyi ontse ndibe mantanga ma makila. 45Ntango eilinyaka Yesu nosambeli, atemeke sika mpe akeke weteli eika Bayekoli bayi, abakulaka babetemi mpo baika na mawa be. 46Bona Yesu akambelaka na bango te: Bomabetema mpo ndjeni? Boyunfa mpe bosambela Kombo abosunga mpa bomekama mpoli bokeli masumu.
Bangandi Yesu
(Mt. 26.47-55 ; Mk. 14.43-49 ; Yn. 18.2-11)
47Se ontango eika Yesu nosololi na Bayekoli bayi: Na mbalakaka djuna li bato bayaka ana, Yudasi oika moko wa Bayekoli djomi nababale ba Yesu aika nomboli na bango, ayaka onva Yesu mpo amopa bizu olitama. 48Kasi Yesu akambelaka nayi te: Yudasi, yompoli bizu omampa awu ngai nfana wa moto mpo ontsanga onva baini ba ngai? 49Ntango esosoloko Bayekoli ba Yesu mambi emakoswelaka Yesu, bakambelaka na Yesu te: Nkolo, tobabuniya na mipanga? 50Oboo te Yesu abayanola, Moyekoli wa Yesu moko abuniyaka mosali wa banganga Kombo munene na mopanga mpe amokataka litoyi li mumpele. 51Kasi Yesu akambelaka nayi te: Tika too yoo waa ntango ya mambi emabo ka. Ontsima, akataka litoyi li mosali wango mpe amobikiyaka. 52Mpe Yesu akambelaka na Bakondji ba banganga kombo na Bakondji ba bakengeli ba Tempelo, na bakotu ebayaka na munganda te: Boyebi te too naomokeli wa bobe ka, kasi boyani na nganda na mipanga na bingbongo. 53Naiki nabino ntango lintso ekambi otempelo, kasi too bomekiki bongandi ongo ka, kasi eboyontango ya bino mpe nguya ya mumpongo emasala.
Petelo ayangani Yesu
(Mt. 26.57-58 ; Mk. 14.53-54 ; Yn. 18.15-16)
54Ontsima bakengeli ba Tempelo bangandaka Yesu mpe bakeke nayi ondaku ya mokondji wa Banganga Kombo munene. Petelo ababilaka kasi too apusaka belebiyo na bango ka. 55Ntango ekoswaka bango ana, bato baiyo baloliyaka muya omanteyi ma lopango lo nganga Kombo munene, bato bayalaka ana belebiyo na muya, Petelo mpe ayaka nayala belebiyo ana. 56Mosali moko wa nfanyala aboko Petelo ayali obo bo muya, amolendaka mpe akambelaka na bato ebaika ana te: Mumpele oyobo mpe ao moko wa bato ebaika ekambi na Yesu. 57Kasi Petelo akambelaka nayi te: Too yo solo ka, nfanyala too nayebi Mumpele wango ka. 58Kalabe te moto moiyo aboko Petelo mpe akambelaka nayi te: Awu mpe onfeyi wa Bayekoli ba Yesu, mpe Petelo akambelaka na moto wango te: Nfeyi wangai too naomoko wa bango ka! 59Ontsima ya ngonga yawi mumpele moko ayambolaka nokambeli na entinge te: Yo veti, moto oyobo aika mpe ekambi na Yesu mpo aompe moto wa Galileya. 60Petelo amoyanolaka te: Nfeyi wangai, too nayebi eloko emakambela awu ka! Se ontango eika nokambeli Petelo yango, ntsoo yawi etongoko. 61Nambala yawi Nkolo abongbanaka mpe alendi Petelo. Mpe Petelo akanisaka mambi emakambelaka Nkolo nayi te: Oboo ntsoo etongo, Namumbengu okontsangana mbala ntsato te too ondjebi ka. 62Ontsima ya Petelo bokanisi maloba mango, abimaka olopango mpe alelaka na mawa.
Bapulusu baeki Yesu
(Mt. 26.67-68 ; Mk. 14.65)
63Ontsima, bakengeli ebaika nokambi Yesu banfekeke mpe bamobeteke. 64Bakengeli balibaka Yesu nfaa omiyo mpe bakambelaka nayi te: Olalakinya te o Mosakoli olokanola moto nda okobeti! 65Mpe baika nomo fingi waa mambi be.
Yesu oboo bo Pilato na Elode
(Mt. 26.59-65 ; Mk. 14.55-64 ; Yn. 18.19-24)
66Ntango ekoswaka moyi, Bakondji baba kotu ba Bayuda bakelaka likita, Bakondji bango baika banganga Kombo, Bakondji na Balakisi ba mibeko, ontsima bakeke na Yesu oboo bo likita django. 67Mpe bauwaka Yesu te: Olokanola! Awundi Kiliso? Kasi Yesu abayanolaka te: Naeyalaka te nakambeli nabino te yo bona, too bokoyambola m. 68Mpe nabuwaka motuna mpoli djambi django, too bokonviyela eyano ka. 69Kasi kala te ontsima ya djambi etibo, ngai nfana wa Moto nakoyala weteli ya nguya weboko ya mumpele ya Kombo ona nguya lintso. 70Ontsima bango bantso bamuwaka Yesu te: O Nfana wa Kombo? Yesu abayanolaka te: Bokambeli nebe no nfana wayi. 71Ontsima bakambelaka te: Too towaa na mpowa ya litatoli liyo ka mpoli bomokpeisi, mpo biyo meni tomoyoki na munoko nfayi meni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.