LUKA 21
21
Nfanyala mobola apeyi likabo
(Mk. 12.41-44)
1Ntango eika Yesu na Bayekoli baayi naino olopango lu Tempelo, Yesu alendaka ondjinga ndjinga wayi mpe aboko bato babokuli baika novaki makabo mabango omantayi ma esaka ya makabo ya tempelo. 2Aboko mpe nfanyala bodjenge moko mobola ayaka navaka misolo mibale mi ebende. Too mika mpe na motuya ka. 3Yesu akambelaka na Bayekoli bayi te: Nakambeli nabino veti, nfanyala mobola wa bodjenge oyo, Mosolo emopei ayi mona motuya be mpoli Kombo boleki misolo mintso emipeyi bato baiyo. 4Mpo bato bantso babokuli bango bapei se nfa nkabo ntini ya biloko ebiki na bango. Kasi nfanyala wa bodjenge oyobo ao mobola be mpe apei biloko bintso ebiki nayi mpo abika.
Bobebiyami bo Tempelo mpe bilembo ebikolakinya ntango yantsuka
(Mt. 24.1-8 ; Mk. 13.1-8)
5Ontsima ana Bayekoli baiyo baika nokambeli mpoli tempelo te: Lenda mabanga malamu ma tempelo! Lenda mabondja malamu emabondji bato mpoli Kombo mpe mpoli bokomiyi tempelo! Kasi Yesu akambelaka te: 6Mpoli mambi emamabo bino sika, omikolo emikoya, too ekotikala na libanga liwi weteli ya django ka, banguna ba basoda bakovaka mabanga mango mantso otse mpe bakobebiya Tempelo! 7Bayekoli bayi bamuwaka te: Molakisi, mambi mango makosalema ntango nde? Tokobo elembo nde mpo toyeba te mambi mango maki nosalema? 8Ontsima Yesu akambelaka na bango te: Bokela keba moto mpa kabokosa, mpo omikolo emimaya, bato djunda bakokambela lokuta te bao bato ba Bokondji bongai. Bakokambela te bao Masiya, bakokambela mpe te ntsuka ya mokili emu ekosweyi belebiyo, kasi mpaa vaa bayambola. 9Ntango ekoyoka bino ntsango ya bibali bibikolo, mpe bato nodjukeli bakondji babango, mpa botila, mpo mambi mango ndi makokelama oboo, kasi ntsuka ya mokili too ekosalema ontango yango ka. 10Ontsima, Yesu akambelaka na bango te: Bato ba mboka mpoko bakobuniya bato bauti omboka ntsiyo. Bakondji na mampinga mabango, bakobuna na Bakondji baiyo mpe mampinga mabango. 11Ntse ekonikana obiteli bi mokili ndenge nandenge, ndjala yantsomo ekoya, mpe mpasi yantsomo ekopalangana onva bato be, bilembo bintsomo mpe bi bokanfeyi bikosalema bobandi olikolo. Yango ekolakinya bato te ntsuka ya mokili ekosweyi belebiyo. 12Kasi oboo te mambi mango mantso masalema, bato bakobokanga mpe bakobokelela mambi na motema mobe. Bakofunda bato baiyo omanteyi mabino, ondaku li eyanganelo mpe bakobokanga omaloko, bakobotomba oboo bo Bakondji mpe Bayangeli mpo bo bato ba ngai. 13Yango ekosalema mpo oyala na nkondjo ya bobakanoli Bokondji bo Kombo. 14Yango, mpa vamitungisa na bomikomiyi oboo mpoli mambi emakokambela bino mpoli bomilongisi ontango ekoyala bango nokosambisi. 15Nakobopa mayele mpo boyeba mambi nde emakokambela bino. Mpo moto moko omanteyi ma bato ebakobofunda too akobotelemele ka mpo akambela te ona limbunga. 16Eyala ba Mama ba bino, ba Tata ba bino, banfa mama ba bino, beyi ba bino, bakovanga onva Bakondji; mpe Bakondji bakoboma bato baiyo omanteyi mabino. 17Bato ndenge nandenge bakovina, mpo bo Bayekoli ba ngai. 18Kasi Kombo kakobobatela na bobe bontso mpoli seko. 19Boyalaka noleki ontango li mpasi, mpa botika boyamboli bobino onva ngai, mpo bokula bomoyi bo seko. 20Ntango ekobo bino engumba ya Yelusaleme adjingemi na djunda li banguna, ana bokoki noyambola te, djunda li banguna bango bakoebebiya kala beka. Mpe na moto moko too akotikala ka. 21Ontango yango, bato ebayali wetuka ya Yudeya bosengeli nokotola ongomba mpe bomibomba. Bino ebayali oyelusaleme bosengeli nolongba ana, mpe bino ebakoyala omala mpa bokpela wengumba yango. 22Ontango ekopa Kombo nopa bato ba Yelusalema etumbu. Etumbu yango ekoyala ndi mpoli bokokisi mambi mantso emakoma mpe emasakola Basakoli. 23Bobe be bukoyala ontango yango mpoli banyala ebakoyala na memi, na ebakoyala no nyuangiyi bana mabele mpasi be ekoyala omboka yango, mpe kombo akopa bato bango etumbu. 24Basoda bakoboma bato djunda omanteyi mabango na mipanga, bakonganda bato baiyo mpe bakoke na bango omikili mi ndenge nandenge. Bapagano bakolonga Yelusaleme mpe bakonyokolo bato bakayala ana kino ontango ekani Kombo mpoli bango mpoli boyangeli ekoka. 25Bona boko bo bilembo bi bokanfeyi omoyi, osandja mpe omioto. Bilembo biango bikolakinya te ntsuka ya mokili mo ntse ekosweyi belebiyo Bapagano bakotungisama be mpe bakobulungana mpoli makelele ma mokeli mpe mula mu nfango. 26Bato bakotwsa nabotili ntango ekoyala bango nokongi makama mantsomo ma Bikanfa emakoya omokili. Mpo biloko bintso ebio olikolo bikombola bikobima obiteli bi biango bi mumeseno. 27Ontango yango, ngai nfana wa Moto nakobima onva bato bantso. Nakoya olikolo li mampata nolakinyi nguya yangai nene mpe nkembo. 28Ntango ekobanda mambi mango nosalemi, botombola muitu mi bino na mpiko mpe boyala na elikia mpe mpo Kombo kakobobikiya kala beka. Obobe mpe, ompasi. 29Ontsima Yesu akelelaka lisolo meni lisese mpoli bolimboli ontango yantsuka. Akambelaka te: Bomanya eloko ekoswelaka nfete mo figo tempe miete emioko mintso. 30Ntango ekabo bato nkaa li nfango libandi bobimi, bokoyeba te eleko ya molunge ekosweyi belebiyo. 31Ndenge yawi mpe ntango ekobo bino mambi ma botili mabandi bosalemi, boyeba te Bokondji bo Kombo vaki noya. 32Namakambela nabino veti, bato bantso ebaona bomoyi sikanga too bakowa ka oboo te mambi mango mantso masalema. 33Likolo na ntse bikobebisama. Kasi maloba emakambeli ngai too makodjanga bosalemi nanfa botini ka. 34Kasi bokeba nandenge emabika bino! Mpa bolekinya ntango li bino mpoli bosepeli bisengo bi mokili emubo, too mpoli bolangi manga, too mpoli mikakatano mi bomoyi bobino, mpo mokolo mo ngai mo boyani mukoyala mbalalaka, ndibe motambo emukanganda evaa. 35Bato bantso ontse bakokula mpasi omokolo nfango. 36Boyala na bonkengi ntango lintso, nosambeli na Kombo abopa nguya, mpo boyala sembo mpoli mambi mantso emakosalema, mpe boteme djanga na ntsoni oboo bongai nfana wa moto omokolo mo bosambisami. 37Mikolo mintso, Yesu aika nolekinyi mikolo miango olopango lo tempelo nolaki, mpokpa lintso aika nobimi wengumba yango mpoli bokeyi na betema ongomba ya Olive. 38Mpe bato djunda baika noyani Namumbengu mpoli boyoki ntango eika ayi nolaki olopango lo Tempelo.
Iliyochaguliwa sasa
LUKA 21: LIE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.
LUKA 21
21
Nfanyala mobola apeyi likabo
(Mk. 12.41-44)
1Ntango eika Yesu na Bayekoli baayi naino olopango lu Tempelo, Yesu alendaka ondjinga ndjinga wayi mpe aboko bato babokuli baika novaki makabo mabango omantayi ma esaka ya makabo ya tempelo. 2Aboko mpe nfanyala bodjenge moko mobola ayaka navaka misolo mibale mi ebende. Too mika mpe na motuya ka. 3Yesu akambelaka na Bayekoli bayi te: Nakambeli nabino veti, nfanyala mobola wa bodjenge oyo, Mosolo emopei ayi mona motuya be mpoli Kombo boleki misolo mintso emipeyi bato baiyo. 4Mpo bato bantso babokuli bango bapei se nfa nkabo ntini ya biloko ebiki na bango. Kasi nfanyala wa bodjenge oyobo ao mobola be mpe apei biloko bintso ebiki nayi mpo abika.
Bobebiyami bo Tempelo mpe bilembo ebikolakinya ntango yantsuka
(Mt. 24.1-8 ; Mk. 13.1-8)
5Ontsima ana Bayekoli baiyo baika nokambeli mpoli tempelo te: Lenda mabanga malamu ma tempelo! Lenda mabondja malamu emabondji bato mpoli Kombo mpe mpoli bokomiyi tempelo! Kasi Yesu akambelaka te: 6Mpoli mambi emamabo bino sika, omikolo emikoya, too ekotikala na libanga liwi weteli ya django ka, banguna ba basoda bakovaka mabanga mango mantso otse mpe bakobebiya Tempelo! 7Bayekoli bayi bamuwaka te: Molakisi, mambi mango makosalema ntango nde? Tokobo elembo nde mpo toyeba te mambi mango maki nosalema? 8Ontsima Yesu akambelaka na bango te: Bokela keba moto mpa kabokosa, mpo omikolo emimaya, bato djunda bakokambela lokuta te bao bato ba Bokondji bongai. Bakokambela te bao Masiya, bakokambela mpe te ntsuka ya mokili emu ekosweyi belebiyo, kasi mpaa vaa bayambola. 9Ntango ekoyoka bino ntsango ya bibali bibikolo, mpe bato nodjukeli bakondji babango, mpa botila, mpo mambi mango ndi makokelama oboo, kasi ntsuka ya mokili too ekosalema ontango yango ka. 10Ontsima, Yesu akambelaka na bango te: Bato ba mboka mpoko bakobuniya bato bauti omboka ntsiyo. Bakondji na mampinga mabango, bakobuna na Bakondji baiyo mpe mampinga mabango. 11Ntse ekonikana obiteli bi mokili ndenge nandenge, ndjala yantsomo ekoya, mpe mpasi yantsomo ekopalangana onva bato be, bilembo bintsomo mpe bi bokanfeyi bikosalema bobandi olikolo. Yango ekolakinya bato te ntsuka ya mokili ekosweyi belebiyo. 12Kasi oboo te mambi mango mantso masalema, bato bakobokanga mpe bakobokelela mambi na motema mobe. Bakofunda bato baiyo omanteyi mabino, ondaku li eyanganelo mpe bakobokanga omaloko, bakobotomba oboo bo Bakondji mpe Bayangeli mpo bo bato ba ngai. 13Yango ekosalema mpo oyala na nkondjo ya bobakanoli Bokondji bo Kombo. 14Yango, mpa vamitungisa na bomikomiyi oboo mpoli mambi emakokambela bino mpoli bomilongisi ontango ekoyala bango nokosambisi. 15Nakobopa mayele mpo boyeba mambi nde emakokambela bino. Mpo moto moko omanteyi ma bato ebakobofunda too akobotelemele ka mpo akambela te ona limbunga. 16Eyala ba Mama ba bino, ba Tata ba bino, banfa mama ba bino, beyi ba bino, bakovanga onva Bakondji; mpe Bakondji bakoboma bato baiyo omanteyi mabino. 17Bato ndenge nandenge bakovina, mpo bo Bayekoli ba ngai. 18Kasi Kombo kakobobatela na bobe bontso mpoli seko. 19Boyalaka noleki ontango li mpasi, mpa botika boyamboli bobino onva ngai, mpo bokula bomoyi bo seko. 20Ntango ekobo bino engumba ya Yelusaleme adjingemi na djunda li banguna, ana bokoki noyambola te, djunda li banguna bango bakoebebiya kala beka. Mpe na moto moko too akotikala ka. 21Ontango yango, bato ebayali wetuka ya Yudeya bosengeli nokotola ongomba mpe bomibomba. Bino ebayali oyelusaleme bosengeli nolongba ana, mpe bino ebakoyala omala mpa bokpela wengumba yango. 22Ontango ekopa Kombo nopa bato ba Yelusalema etumbu. Etumbu yango ekoyala ndi mpoli bokokisi mambi mantso emakoma mpe emasakola Basakoli. 23Bobe be bukoyala ontango yango mpoli banyala ebakoyala na memi, na ebakoyala no nyuangiyi bana mabele mpasi be ekoyala omboka yango, mpe kombo akopa bato bango etumbu. 24Basoda bakoboma bato djunda omanteyi mabango na mipanga, bakonganda bato baiyo mpe bakoke na bango omikili mi ndenge nandenge. Bapagano bakolonga Yelusaleme mpe bakonyokolo bato bakayala ana kino ontango ekani Kombo mpoli bango mpoli boyangeli ekoka. 25Bona boko bo bilembo bi bokanfeyi omoyi, osandja mpe omioto. Bilembo biango bikolakinya te ntsuka ya mokili mo ntse ekosweyi belebiyo Bapagano bakotungisama be mpe bakobulungana mpoli makelele ma mokeli mpe mula mu nfango. 26Bato bakotwsa nabotili ntango ekoyala bango nokongi makama mantsomo ma Bikanfa emakoya omokili. Mpo biloko bintso ebio olikolo bikombola bikobima obiteli bi biango bi mumeseno. 27Ontango yango, ngai nfana wa Moto nakobima onva bato bantso. Nakoya olikolo li mampata nolakinyi nguya yangai nene mpe nkembo. 28Ntango ekobanda mambi mango nosalemi, botombola muitu mi bino na mpiko mpe boyala na elikia mpe mpo Kombo kakobobikiya kala beka. Obobe mpe, ompasi. 29Ontsima Yesu akelelaka lisolo meni lisese mpoli bolimboli ontango yantsuka. Akambelaka te: Bomanya eloko ekoswelaka nfete mo figo tempe miete emioko mintso. 30Ntango ekabo bato nkaa li nfango libandi bobimi, bokoyeba te eleko ya molunge ekosweyi belebiyo. 31Ndenge yawi mpe ntango ekobo bino mambi ma botili mabandi bosalemi, boyeba te Bokondji bo Kombo vaki noya. 32Namakambela nabino veti, bato bantso ebaona bomoyi sikanga too bakowa ka oboo te mambi mango mantso masalema. 33Likolo na ntse bikobebisama. Kasi maloba emakambeli ngai too makodjanga bosalemi nanfa botini ka. 34Kasi bokeba nandenge emabika bino! Mpa bolekinya ntango li bino mpoli bosepeli bisengo bi mokili emubo, too mpoli bolangi manga, too mpoli mikakatano mi bomoyi bobino, mpo mokolo mo ngai mo boyani mukoyala mbalalaka, ndibe motambo emukanganda evaa. 35Bato bantso ontse bakokula mpasi omokolo nfango. 36Boyala na bonkengi ntango lintso, nosambeli na Kombo abopa nguya, mpo boyala sembo mpoli mambi mantso emakosalema, mpe boteme djanga na ntsoni oboo bongai nfana wa moto omokolo mo bosambisami. 37Mikolo mintso, Yesu aika nolekinyi mikolo miango olopango lo tempelo nolaki, mpokpa lintso aika nobimi wengumba yango mpoli bokeyi na betema ongomba ya Olive. 38Mpe bato djunda baika noyani Namumbengu mpoli boyoki ntango eika ayi nolaki olopango lo Tempelo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Likila Bible by Beyond Translation is licensed under Creative Commons Attribution-ShareAlike 4.0 License.