ଲୁକ 22
22
ଜିସୁ ବିରୁଦିଆଟି କାତା କିଅନ୍
(ମାତିଉ ୨୬:୧–୫; ମାର୍କ ୧୪:୧–୨; ଜହନ ୧୧:୪୫–୫୩)
1ନିସ୍ତାର ରେହାଙ୍ଗ୍ ପାରୁଟି କମିର ହେଃଲ୍ଲାନ୍ ରୁଟିଙ୍ଗ୍ତି ରେହାଙ୍ଗ୍ ଟାକ୍କେ ଆଏସ୍ନା ୱାଇଚ୍ଚେ । 2ଆଟେ ଗାମିନ୍ ଜାଜକ ଅଟେ ସାସ୍ତ୍ରିଙ୍ଗ୍ ଇନିମିଡି ଜିସୁନିକି ପାଗନ୍ ମୁନେରି, ଏ ସୁଜଗ ଦାହ୍ପିଚ୍ଚେରି, ଇନାକି ଏୱାରି ଦାଲ୍ଲାନିକି ଆଜ୍ଜେଚ୍ଚେରି ।
ଜିସୁନିକି ଆହ୍ପି କିଅନ୍ ବାଗା ଜିହୁଦା ରାଜି ଆଅନି
(ମାତିଉ ୨୬:୧୪–୧୬; ମାର୍କ ୧୪:୧୦–୧୧)
3ଏଚିତୁକାତାୱା ବାରାଗାଣ୍ଡି ଗ୍ରାମ୍ୱାଗାଟାରି ତାୱାଟି ଇସ୍କାରିୟତ ପାରୁଗାଟି ଜିହୁଦା ଲାଃଇ ସଇତାନ ହଟେ; 4ଆଟେ ଏୱାଞ୍ଜି ହାଜ୍ଜାନ୍ ଇନିମିଡି ଗାମିନ୍ ଜାଜକଙ୍ଗ୍ନିକି ଅଟେ ସିପେଙ୍ଗ୍ତି କାଜ୍ଜୁତାୱା ସର୍ପି କିଅନ୍ ମୁନେଞ୍ଜି, ଏଦା ଏୱାର୍ ଡ଼ାହି କାତା ଆତେଞ୍ଜି । 5ଏମ୍ୱାଟି ଏୱାରି ରାହାଙ୍ଗ୍ ଆତେରି ଅଟେ ଏୱାଞ୍ଜିକି ଟାକ୍କାଙ୍ଗ୍ ହିଅନ୍ ବାଗାଟି କୁତାକିଆନ୍ ୱେସ୍ତେରି । 6ଆଟେ ଏୱାଞ୍ଜି ର ମନ ଆନ୍ ଦାଲ୍ଲା ହେଃଲ୍ଲାନାୱା ତାଙ୍ଗେ ଏୱାର୍ତି କାଜ୍ଜୁତାୱା ସର୍ପି କିଅନ୍ ବାଗାଟି ପେଜୁ ଦାହ୍ପନ୍ ମ୍ରାସ୍ତେଞ୍ଜି ।
ନିସ୍ତାର ରେହାଙ୍ଗ୍ ବାଗାଟି ଜିସୁ ହାମ୍ୱେର୍ ଆଅନ୍
(ମାତିଉ ୨୬:୧୭–୨୫; ମାର୍କ ୧୪:୧୨–୨୧; ଜହନ ୧୩:୨୧–୩୦)
7ନିସ୍ତାର ରେହାଙ୍ଗ୍ତି ମେଁଣ୍ଡାଅଡା ବଲି କିଚ୍ଚି ଡେଗ୍ଗା, କମିର ହେଃଲ୍ଲାନ୍ ରୁଟିଙ୍ଗ୍ତି ରେହାଙ୍ଗ୍ ଏତାତେ; 8ଆଟେ ଜିସୁ ପିତର ଅଟେ ଜହନନିକି ଇଦା ୱେସାନ୍ ପାଣ୍ଡିତେଞ୍ଜି, ମାରୁ ଇନିସ୍କି ଉନ୍ବନ୍ ମୁନା, ଇଦାବାଗା ମିରୁ ହାଜ୍ଜାନ୍ ମା ବାଗାଟି ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିଦୁ । 9ଏଦିମ୍ୱା ଏୱାରି ତାଙ୍ଗେ ୱେଚ୍ଚେରି, ମାମୁ ଇମ୍ୱିନ୍ ଗର୍ରିତାୱା ହାମ୍ୱେର୍ କିନାମୁ ଇଞ୍ଜାନ୍ ନିନୁ ଏଲୁ କିଞ୍ଜି ? 10ଏୱାଞ୍ଜି ଏୱାରିକି ୱେସ୍ତେଞ୍ଜି, ହୁଡ଼ାଟୁ, ମିରୁ ଗାଡ଼ାନାଜୁତାୱା ହଟେସି, ଏଜୁ କ୍ଲାହି ଡେକାନ୍ ହାଜ୍ଜିନ୍ନି ରଃଅଞ୍ଜି କୁଏଞ୍ଜି ମିଙ୍ଗେ ପୁଁଣ୍ଡିଦାନେଞ୍ଜି; ଏୱାଞ୍ଜି ଇମ୍ୱିନ୍ ଇଡ୍ଡୁତାୱା ହଲ୍ନେଞ୍ଜି, ଏୱାଞ୍ଜ୍ତି ବେତ ବେତଟ୍ ଏ ଇଡ୍ଡୁଇନ୍ଦା ହାଜ୍ଜାନ୍ ଇଡ୍ଡୁଗାଟାଞ୍ଜିକି ୱେସ୍ଦେରି, 11ଗ୍ରାପାଗାଟାଞ୍ଜି ନିଙ୍ଗେ ୱେଞ୍ଜିଞ୍ଜାନେଞ୍ଜି, ନାନୁ ନା ଗ୍ରାମ୍ୱାଗାଟାର୍ ଡ଼ାହି ଇମ୍ୱିନାୱା ନିସ୍ତାର ରେହାଙ୍ଗ୍ତି ବୁଜି ପାଲ୍ନି ଆଃଇ, ଏ ଇଡ୍ଡୁ ଇମ୍ୱିନାଦି ? 12ଏଦିମ୍ୱା ଏୱାଞ୍ଜି ମିଙ୍ଗେ ନେହେନ୍ ରହାନ୍ନି ରଣ୍ଡା ୱାନ୍ଦେଟ୍ତି ବେର୍ ବାକ୍ରା ତସ୍ତାନେଞ୍ଜି; ଏ ଗର୍ରିତାୱା ହାମ୍ୱେର୍ କିଦୁ । 13ଆଟେ ଏୱାରି ହାଜ୍ଜାନ୍ ଏୱାଞ୍ଜି ଏୱାରିକି ଇନିସ୍ ୱେସାଚ୍ଚେଞ୍ଜି, ଏହେଙ୍ଗିସି ହୁଡ଼ାନ୍ ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିତେରି ।
ଦାର୍ମୁ ବୁଜିତି ହାଜୁ ପାଲ୍ନି
(ମାତିଉ ୨୬:୨୬–୩୦; ମାର୍କ ୧୪:୨୨–୨୬)
14ଆଟେ ନିସ୍ତାର ରେହାଙ୍ଗ୍ ତୁକା ଏତାୱିଃଆଟି, ଜିସୁ ଅଟେ ତା ଗ୍ରାମ୍ବାଗାଟାରି ଉନ୍ବନ୍ ବାଗା କକ୍ତେରି । 15ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, ନା ଦୁଃକ କସ୍ଟ ପାଁନ୍ବନ୍ତି କାହେ ନାନୁ ମି ଡ଼ାହି ଇ ନିସ୍ତାର ବୁଜି ତିନ୍ବନ୍ ବାଗା ମନ କିତେଃଏ; 16ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜିତାୱା ଇଦାତି ଅର୍ତ ହାବେ ପଃଙ୍ଗାନ୍ ଟିକ୍ନା ନାନୁ ଆଟେ ଏଚ୍ଚେକ୍ୱାଡ଼େ ଏଦା ତିଃନ୍ନାନୁ ।
17ଆଟେ ଏୱାଞ୍ଜି ଏଜୁ ଗିନ୍ନା ଆହାନ୍ ଦନ୍ୟବାଦ ହିଆନ୍ ୱେସ୍ତେଞ୍ଜି, “ଇଦା ଅଆନାହି ମି ମି ତାୱା ବାଗା କିଦୁ ।” 18ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜି ୱାଃଆନ୍ ଟିକ୍ନା ନାନୁ ନିଞ୍ଜୁତାୱାଟି ଅଙ୍ଗୁରନିରୁ ଆଟେ ଉଃନ୍ନାନୁ । 19ଆଟେ ଏୱାଞ୍ଜି ରୁଟି ଅଆନ୍ ଦନ୍ୟବାଦ ହିତେଞ୍ଜି ଅଟେ ଏଦା ପାହେଡ଼୍ କିଆନ୍ ଏୱାରିକି ହିଆନ୍ ୱେସ୍ତେଞ୍ଜି, ମି ବାଗାଟି ହିୱା ଆନ୍ନି ନା ଗାଣ୍ଡି ଇଦି; ନାଙ୍ଗେ ଏଲୁ କିଅନ୍ ବାଗା ଇଦା କିଦୁ । 20ତିନ୍ବା ଉନ୍ବା କିତାୱିଃଆଟି ଏହେଙ୍ଗିସି ଏୱାଞ୍ଜି ଉନ୍ବା ଗିନ୍ନା ଅଆନ୍ ୱେସ୍ତେଞ୍ଜି, ଇ ଉନ୍ବା ଗିନ୍ନା ମି ବାଗାଟି ୱାପ୍କା ଆନ୍ନି ନା ରାକ୍କା ଡ଼ାହି ହାମ୍ୱେର୍ କିଆନ୍ନି ପୁନି ଚୁକ୍ତି ।
21ମତ୍ର ହୁଡ଼ାଟୁ, ଏମ୍ୱେ ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି, ଏୱାଞ୍ଜ୍ତି କାଜ୍ଜୁ ନା ଡ଼ାହି ଟେବୁଲି କୁଃଏଟି ମାନ୍ନେ । 22ଇନାକି ଇନିମିଡି ୱ୍ରିଗାଆନ୍ନେ, କୁଏଞ୍ଜ୍ ମ୍ରିଃଏଞ୍ଜି ଏହେଙ୍ଗିସି ନିଜ୍ଜାନେଃଏ ହାନେଞ୍ଜି, ମତ୍ର ଇମ୍ୱିନ୍ କୁଏଞ୍ଜି ତାଙ୍ଗେ ସତ୍ରୁ କାଜ୍ଜୁତାୱା ସର୍ପି କିନ୍ନେଞ୍ଜି, ହାୟ, ଏୱାଞ୍ଜି ଗାପ୍ଚି ଦଣ୍ଡ ପାଁନେଞ୍ଜି; 23ଏଦାବାଗା ଏୱାରି ତାୱାଟି ଏମ୍ବେନାଞ୍ଜି ଇଦା କିଅନ୍ ବାଗା ହାଜ୍ଜିନ୍ନେଞ୍ଜି, ଏ କାତାତିଦି ତା ତା ଲାଃଇ ୱେନ୍ବିଆତେରି ।
ହାବେତାରିତି ଗାମିନାଞ୍ଜି ହାବେତାରିତି ଆଙ୍ଗୁଲ୍ଗାଟାଞ୍ଜି
24 #
ମାତି ୧୮:୧; ମାର୍କ ୯:୩୪; ଲୁକ ୯:୪୬ ଆଟେ ଗ୍ରାମ୍ୱାଗାଟାରି ତାୱାଟି ଏମ୍ୱେନାଞ୍ଜି ଗାମିନାଞ୍ଜି ଆନେଞ୍ଜି ଇଞ୍ଜାନ୍ ତାରୁ ତାରୁ ହିଲାବାଦେର୍ ଆଇଚ୍ଚେରି । 25ଏମ୍ବାଟି ଜିସୁ ଏୱାରିକି ଆର୍ଚାନ୍ ୱେସ୍ତେଞ୍ଜି, ଅନଜିହୁଦିଙ୍ଗ୍ତି ରାଜେଙ୍ଗ୍ ଏୱାର୍ କୁଃଏଟି ଆକୁଡ଼୍ କିନ୍ନେରି, ଆଟେ ଏମ୍ବେନାରି ଏୱାର୍ କୁଃଏଟି ହକତ୍ କିନ୍ନେରି, ଏୱାରି ଦାଲ୍ଲାତି ଆଙ୍ଗୁଲ୍ଗାଟାରି ଇଞ୍ଜାନ୍ ପଙ୍ଗିନେରି । 26#ମାତି ୨୩:୧୧; ମାର୍କ ୯:୩୫#ମାତି ୨୦:୨୫–୨୭; ମାର୍କ ୧୦:୪୨–୪୪ମତ୍ର ମିରୁ ଏୱାର୍ ଲାକ୍କାଟି ଆଃଆଟୁ, ମତ୍ର ମି ତାୱାଟି ଏମ୍ବେନାଞ୍ଜି ବେର୍ରାନାଞ୍ଜି, ଏୱାଞ୍ଜି ହିତାନାଞ୍ଜି ଆପାକାଞ୍ଜି, ଆଟେ ଏମ୍ୱେନାଞ୍ଜି ଗାମିନାଞ୍ଜି, ଏୱାଞ୍ଜି ଦାଲ୍ଲାତି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି । 27#ଜହ ୧୩:୧୨–୧୫ଇନାକି ହାବେତାରିତାୱାଟି ଏମ୍ୱେନାଞ୍ଜି ଗାମିନାଞ୍ଜି ? ତିନ୍ବା ଉନ୍ବା କିନ୍ନାଞ୍ଜି, କି ଦାଲ୍ଲାନିକି ଆଙ୍ଗୁଲ୍ ଆଅନ୍ତାଞ୍ଜି ? ଏମ୍ୱେନାଞ୍ଜି ତିନ୍ବା ଉନ୍ବା କିନ୍ନେଞ୍ଜି, ଏୱାଞ୍ଜି ଇନ୍ନା ଗାମିନାଞ୍ଜି ଆଃଏଞ୍ଜି ? ମତ୍ର ନାନୁ ମି ତାୱାଟି ରଃଅଞ୍ଜି ଆଙ୍ଗୁଲ୍ଗାଟାଞ୍ଜି ଡେହେଙ୍ଗ୍ ଆମାଃଇ ।
28ମତ୍ର ମିରୁ ନା ହାବେତ୍ ପରିକ୍ୟାତାୱା ନା ଡ଼ାହି ମାଞ୍ଜିଞ୍ଜେରି; 29ଏଦାକି ନା ଆବା ଇନିସ୍ ନା ବାଗାଟି ରାଜି କ୍ଲେହିତେଞ୍ଜି, ନାନୁ ୱାଡ଼େ ଏହେଙ୍ଗିସି ମି ବାଗାଟି କ୍ଲେହେମାଃଇ, 30#ମାତି ୧୯:୨୮ଇନିସ୍କି ମିରୁ ନା ରାଜିତାୱା ନା ଟେବୁଲି ଗୁଞ୍ଜେର୍ କକ୍ଚ୍ଚାନ୍ ତିନ୍ବା ଉନ୍ବା କିଦେରି, ଆଟେ ଗାଦିତାୱା କକ୍ଚ୍ଚାନାହି ଇସ୍ରାଏଲତି ବାରାଗଟ୍ଟା ପୁଣ୍ଡିତିଦି ଆକୁଡ଼୍ କିଦେରି ।
ଜିସୁନିକି ପିତର ଅସ୍ପିକାର କିଅନ୍
(ମାତିଉ ୨୬:୩୧–୩୫; ମାର୍କ ୧୪:୨୭–୩୧)
31ସିମନ, ସିମନ, ହୁଡ଼ାମୁ, ଗହମତିଦି ପର୍ଡିତାୱା#୨୨:୩୧ ପର୍ଡିତାୱା ଇଚ୍ଚେସି ଜାଲେଡ଼ି । ଇଦା ଉଡ଼ିଆ ବାଇବଲତାୱା ଚାଲୁନି ଇଞ୍ଜାନ୍ ୱ୍ରିଗାଆନ୍ନେ । ଦୁପ୍କିନ୍ନି ଡେହେଙ୍ଗ୍ ମିଙ୍ଗେ ଦୁକ୍ଚ୍ଚାନ୍ ଆଙ୍ଗେ କିଅନ୍ ବାଗାଟି ସଇତାନ ଅନୁମତି ପାଁଣ୍ଡାନ୍ନେ; 32ମତ୍ର ନି ମାଞ୍ଜାଡ଼ି ଇନିସ୍କି ମ୍ରାଙ୍ଗେଏ, ଏଦାବାଗା ନାନୁ ନି ବାଗା ଜିଗିତେଃଏ; ଆଟେ ନିନୁ ୱ୍ଡେତାନାୱାଟି ନି ଆମ୍ୱେସାଙ୍ଗାନିକି ବଲ ହିଦି ।
33ମତ୍ର ପିତର ଏୱାଞ୍ଜିକି ୱେସ୍ତେଞ୍ଜି, “ଏ ଦାର୍ମୁ, ନାନୁ ନି ଡ଼ାହି ବନ୍ଦି ଇଡ୍ଡୁଇନ୍ଦା ହାଲ୍ବନ୍ ବାଗା ଅଟେ ହାଅନ୍ ବାଗାଟି ହାମ୍ୱେର୍ ଆମାଃଇ ।” 34ମତ୍ର ଜିସୁ ୱେସ୍ତେଞ୍ଜି, “ଏ ପିତର, ନାନୁ ନିଙ୍ଗେ ୱେସ୍ପିଞ୍ଜା, ନିଞ୍ଜୁ କଜ୍ଜୁ କ୍ଲାଃଏଟେଃଏ ନିନୁ ନାଙ୍ଗେ ପୁଞ୍ଜାହେଃଲ୍ଲେନ୍ ଇଞ୍ଜାନ୍, ମୁଅଲି ଅସ୍ପିକାର କିଆଦି ।”
ଟାକ୍କାଙ୍ଗ୍ ଗାଞ୍ଜି, ବେଗୁ ଅଟେ କଣ୍ଡା
35 #
ମାତି ୧୦:୯,୧୦; ମାର୍କ ୬:୮,୯; ଲୁକ ୯:୩; ୧୦:୪ ଆଟେ ଜିସୁ ଏୱାରିକି ୱେସ୍ତେଞ୍ଜି, “ଏଚ୍ଚିକିଃଆ ନାନୁ ମିଙ୍ଗେ ଗାଞ୍ଜି, ମୁନା ଅଟେ ପାଣ୍ଡେଙ୍ଗ୍ ଅଃଏଟେଃଏ ହାଜ୍ଜୁ ଇଞ୍ଜାନ୍ ପାଣ୍ଡାଞ୍ଜାତେଃଏ, ଏ ତୁକାତାୱା ମିଙ୍ଗେ ଇନ୍ନା ଅବାବ ଆଚ୍ଚେ ? ଏୱାରି ୱେସ୍ତେରି, ବାଃଏ ।” 36ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ହାଦାଡ଼ି, ଇନ୍ଦାରିକି ଗାଞ୍ଜି ମାନ୍ନେ, ଏୱାଞ୍ଜି ଏଦା ଅପାକାଞ୍ଜି, ଏଚିଲାକ୍କା ବେଗୁମୁନା ୱାଡ଼େ ଅପାକାଞ୍ଜି, ଇନ୍ଦାରିକି ହେଃଲ୍ଲେ, ଏୱାଞ୍ଜି ତା ଚେଦର୍ ପ୍ରାଚାନ୍ କଣ୍ଡା କଡ୍ଡାକାଞ୍ଜି । 37ଇନାକି ନାନୁ ମିଙ୍ଗେ ୱେସ୍ପିଞ୍ଜା, ଏୱାଞ୍ଜି ଅଦର୍ମଗାଟାର୍ ଡ଼ାହି ଆଡ୍ଡିତେଞ୍ଜି, ଇ ଇମ୍ୱିନ୍ ବାକ୍ୟ ୱ୍ରିଗାଆନ୍ନେ, ଏଦି ନା ତାୱା ନେହାଦ୍ ଆନ୍ ତଞ୍ଜନ୍ ମାନ୍ନେ, ଏମ୍ବାଟି ନା ୱେସାଚ୍ଚି କାତା ସପଲ ଆତେ ।” 38ଏମ୍ବାଟି ଏୱାରି ୱେସ୍ତେରି, “ଦାର୍ମୁ, ହୁଡ଼ାମୁ, ଇଦିମ୍ୱା ରିଣ୍ଡି କଣ୍ଡାଙ୍ଗ୍ ମାନ୍ନୁ ।” ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, “ପାଡ଼ି ଆନୁ ।”
ଜିତ ହରୁତାୱା ଜିସୁତି ପ୍ରାତ୍ନା
(ମାତିଉ ୨୬:୩୬–୪୬; ମାର୍କ ୧୪:୩୨–୪୨)
39ଜିସୁ ଗାଡ଼ାନାଜୁତାୱାଟି ହଚାନ୍ ଦିନାଙ୍ଗ୍ ଡେହେଙ୍ଗ୍ ଜିତ ହରୁଇନ୍ଦା ହାଚ୍ଚେଞ୍ଜି, ଆଟେ ଗ୍ରାମ୍ୱାଗାଟାରି ୱାଡ଼େ ତା ବେତ ବେତଟ୍ ହାଚ୍ଚେରି । 40ଏ ଗର୍ରିତାୱା ଏଚ୍ଚାନ୍ ତାନୁ ଏୱାରିକି ୱେସ୍ତେଞ୍ଜି, “ପରିକ୍ୟାତାୱା ଇନିୱାହୁ ଦିଃଏରି, ଏଦାବାଗା ପ୍ରାତ୍ନା କିଦୁ ।” 41ଆଟେ ତାନୁ ଏୱାର୍ ତାୱାଟି ବାଇକ୍ ହିତେ ଦେହା ହାଜ୍ଜାନ୍ ମେଣ୍ଡାଙ୍ଗୁତାନ୍ ପ୍ରାତ୍ନା କିଅନ୍ ମ୍ରାସ୍ତେଞ୍ଜି, 42ଏ ଆବା, ନି ଇଚ୍ଚା ଆତେସି, ଇ ଉନ୍ବା ଗିନ୍ନା ନା ତାୱାଟି ଦେହା କିମୁ, ଏଦି ନା ଇଚ୍ଚା ଆଃଏ, ମତ୍ର ନି ଇଚ୍ଚା ସପଲ ଆପାକାଦି । 43ଆଟେ ସର୍ଗତାୱାଟି ରଣ୍ଡି ଦୁତ ତଞ୍ଜୁ ଆନ୍ ତାଙ୍ଗେ ବଲ ହିତେ । 44ଆଟେ ଜିସୁ ହଡାଙ୍ଗ୍ତାୱା ଦୁଃକଟି କିରେଡ଼୍ ଆନ୍ ର ମନଟି ପ୍ରାତ୍ନା କିଅନ୍ ମ୍ରାସ୍ତେଞ୍ଜି ଅଟେ ତା ଜାଲା ରାକ୍କା ଲାକ୍କା ୱିର୍ରାତାୱା ସ୍ରୁତେ । 45ଆଟେ ଏୱାଞ୍ଜି ପ୍ରାତ୍ନାଟିଆଟି ନିଙ୍ଗାନ୍ ଗ୍ରାମ୍ୱାଗାଟାରି ରେଃଏସ୍ ୱାନ୍ ହୁଡ଼ିତେଞ୍ଜି, ଏଚିତୁକାତାୱା ଏୱାରି ଦୁଃକ ଡ଼ାହି ୱାହାନାହି ହୁଞ୍ଜାଚ୍ଚେରି ।
46ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, ଇନାକିଅନ୍ ହୁଞ୍ଜାଞ୍ଜେରି ? ପରିକ୍ୟାତାୱା ଇନିୱାହୁ ଦିଃଏରି, ଇଦାବାଗା ନିଙ୍ଗାନ୍ ପ୍ରାତ୍ନା କିଦୁ ।
ଜିସୁ ସତ୍ରୁ କାଜ୍ଜୁତାୱା ସର୍ପି ଆଅନ୍
(ମାତିଉ ୨୬:୪୭–୫୬; ମାର୍କ ୧୪:୪୩–୫୦)
47ଜିସୁ ଇ କାତା ୱେସ୍ପିଚ୍ଚି ତୁକାତାୱା, ହୁଡ଼ାଟୁ ଦାଲ୍ଲା ହାବେ ୱାନ୍ ଏତାତେରି, ଆଟେ ବାରା ଗାଣ୍ଡିଟିଆଟି ଜିହୁଦା ପାରୁ ଗାଟାଞ୍ଜି ରଃଅଞ୍ଜି ଏୱାର୍ ନକେ ନକେସ୍ ୱାନ୍ ଜିସୁନିକି ଜୁମ୍ବନ୍ ବାଗା ତା ରେଃଏସ୍ ହାଚ୍ଚେଞ୍ଜି । 48ମତ୍ର ଜିସୁ ତାଙ୍ଗେ ୱେସ୍ତେଞ୍ଜି, “ଏ ଜିହୁଦା, ଜୁମ୍ବାନାହି କୁଏଞ୍ଜ୍ ମ୍ରିଃଏଞ୍ଜିକି ସତ୍ରୁଗାଟାର୍ତି କାଜ୍ଜୁତାୱା ସର୍ପି କିଞ୍ଜି ?” 49ଏମ୍ବାଟି ଇନ୍ନା ଆନେ, ଏଦା ହୁଡ଼ାନ୍ ତା ତଡ଼ୁଗାଟାରି ୱେସ୍ତେରି, “ଦାର୍ମୁ, ମାରୁ ଇନ୍ନା କଣ୍ଡା ଡ଼ାହି କାତିନା ?” 50ଆଟେ ଏୱାର୍ତାୱାଟି ରଃଅଞ୍ଜି ଗାମିନ୍ ଜାଜକତି କାମ୍ବାରେଏଞ୍ଜ୍ତି ତିନ୍ନି କ୍ରିଉ କାତା ହିତେଞ୍ଜି । 51ମତ୍ର ଜିସୁ ୱେସ୍ତେଞ୍ଜି, “ଏଚେ, ଏହେଙ୍ଗିସି କିଃଆଟୁ” ଆଟେ ଏୱାଞ୍ଜି ତା କ୍ରିଉ ଡିଗାନ୍ ତାଙ୍ଗେ ନେହି କିତେଞ୍ଜି ।
52ଆଟେ ଜିସୁ ତା ବିରୁଦିଆଟି ୱାନ୍ନି ଗାମିନ୍ ଜାଜକ, ମନ୍ଦିରତି ସିପେଙ୍ଗ୍ତି ଗାମିନାଞ୍ଜି ଅଟେ ଗାମିନାରିନିକି ୱେସ୍ତେଞ୍ଜି, “ଟ୍ଡକେଞ୍ଜିକି ଆହ୍ପନ୍ ହାଜ୍ଜିନ୍ନି ଲାକ୍କାଟି କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ମିରୁ ଇନ୍ନା କିଅନ୍ ୱାତେରି ? 53#ଲୁକ ୧୯:୪୭; ୨୧:୩୭ନାନୁ ହାବେୱେଲା ମି ଡ଼ାହି ମନ୍ଦିରତାୱା ମାଚ୍ଚି ତୁକାତାୱା ମିରୁ ନାଙ୍ଗେ ଆହ୍ତାଦାଃଆତେରି, ମତ୍ର ଇଦି ଆଇନେ ମି ତୁକା ଅଟେ କାଲକ୍ତି ହକତ୍ କାମା ।”
ଜିସୁନିକି ପିତର ଅସ୍ପିକାର କିଅନ୍
(ମାତିଉ ୨୬:୫୬,୫୮,୬୯–୭୫; ମାର୍କ ୧୪:୫୩,୫୪; ମାର୍କ ୧୪:୬୬–୭୨; ଜହନ ୧୮:୧୨–୧୮,୨୫–୨୭)
54ଡେଗ୍ଗା ଏୱାରି ଜିସୁନିକି ଆହାନାହି ମୁଲନ୍ ଜାଜକତି ଇଡ୍ଡୁଇନ୍ଦା ତାଚ୍ଚିୱାତେରି; ମତ୍ର ପିତର ଦେହା ମାଞ୍ଜାନ୍ ତା ବେତ ବେତଟ୍ ହାଚ୍ଚେଞ୍ଜି । 55ଆଟେ ଏୱାରି ମାଦ୍ଦି ଆଟେଲିଆ ନାଡ଼ି ଏର୍ଚ୍ଚାନ୍ ରପାଟ୍ଟେ କପ୍କନେଃଏ, ପିତର ୱାଡ଼େ ଏୱାର୍ ଡ଼ାହି କକ୍ଚ୍ଚାନାହି ବାସାଆତେଞ୍ଜି । 56ରଣ୍ଡି କାମ୍ବାରାଲୁ ଏୱାଞ୍ଜିକି ନାଡ଼ି ରେଃଏସ୍ କକ୍ଚ୍ଚାନ୍ନାଦା ହୁଡ଼ାନ୍ ଏୱାଞ୍ଜିକି ମେହାନ୍ ୱେସ୍ତେ, ଇ କୁଏଞ୍ଜି ୱାଡ଼େ ଏୱାଞ୍ଜି ଡ଼ାହି ମାଚ୍ଚେଞ୍ଜି । 57ମତ୍ର ଏୱାଞ୍ଜି ଅସ୍ପିକାର କିଆନ୍ ୱେସ୍ତେଞ୍ଜି, ଏ ଆଚାଲୁ, ନାନୁ ଏୱାଞ୍ଜିକି ପୁଞ୍ଜାହେଃଲ୍ଲାନୁ । 58ବାଇକ୍ ମାଞ୍ଜାନାହି ଅଟେ ରଃଅଞ୍ଜି ଏୱାଞ୍ଜିକି ହୁଡ଼ାନାହି ୱେସ୍ତେଞ୍ଜି, ନିନୁ ୱାଡ଼େ ଏୱାର୍ତାୱାଟି ରଃଅଞ୍ଜି । ମତ୍ର ପିତର ୱେସ୍ତେଞ୍ଜି, ବାଃଏ, ଆମ୍ୱେସ୍, ନାନୁ ଆଃଏ ।
59ବାଇକ୍ ର ଗଣ୍ଟା ମାଞ୍ଜାନାହି ଅଟେ ରଃଅଞ୍ଜି ମାଞ୍ଜାଟି ୱେସ୍ପନ୍ ମ୍ରାସ୍ତେଞ୍ଜି, ନିଜ୍ଜାନେଃଏ ଇୱାଞ୍ଜି ୱାଡ଼େ ଜିସୁ ଡ଼ାହି ମାଚ୍ଚେଞ୍ଜି, ଇନାକି ଇୱାଞ୍ଜି ଗାଲିଲିତି କୁଏଞ୍ଜି । 60ମତ୍ର ପିତର ୱେସ୍ତେଞ୍ଜି, “ଆମ୍ୱେସ୍, ନିନୁ ଇନ୍ନା ୱେସ୍ପିଞ୍ଜାଦି, ଏଦା ନାନୁ ପୁଞ୍ଜାହେଃଲ୍ଲେନୁ ।” ଏଚିୱାଡ଼େ ଏୱାଞ୍ଜି ୱେସି ୱେସି କଜ୍ଜୁ କ୍ଲାତେ । 61ଆଟେ ଦାର୍ମୁ ପିତରନିକି ମ୍ଲିଆନାହି ହୁଡ଼ିତେଞ୍ଜି; ଏମ୍ବାଟି ନିଞ୍ଜୁ କଜ୍ଜୁ କ୍ଲାଃଏଟେଃଏ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି, ଇ ଇମ୍ୱିନ୍ କାତା ଦାର୍ମୁ ପିତରନିକି ୱେସାଚ୍ଚେଞ୍ଜି, 62ଏଚିତୁକାତାୱା ଏୱାଞ୍ଜିକି ଏଲୁ ଦିତେ, ଏମ୍ବାଟି ଏୱାଞ୍ଜି କାଟ ହଚାନାହି ଡ଼ିତେଞ୍ଜି ।
ଜିସୁନିକି ଗେରୁ କିଅନ୍ ଅଟେ ଚାହ୍ପନ୍
(ମାତିଉ ୨୬:୬୭,୬୮; ମାର୍କ ୧୪:୬୫)
63ଆଟେ ଇମ୍ୱିନ୍ ଦାଲ୍ଲା ଜିସୁନିକି ଆହାନ୍ କିଟ୍ଟାଚ୍ଚେରି, ଏୱାରି ଏୱାଞ୍ଜିକି ଚାହି ଚାହି ଗେରୁ କିଆନ୍ ୱେସ୍ତେରି, 64ଆଟେ ତା ମ୍ରୁମ୍ବୁ ମୁଚ୍ଚି କିଆନ୍ ତାଙ୍ଗେ ୱେଚାନାହି ୱେନ୍ବନ୍ ମ୍ରାସ୍ତେରି, “ନିନୁ ଗିଃଆ ବାବବାଦିତାତି ! ଏହେଙ୍ଗ୍ଆତେସ୍ ୱେସ୍ତାମୁ ନିଙ୍ଗେ ଏମ୍ୱେ ୱେତାତେ ?” 65ଆଟେ ଏୱାରି ଏଗେଲ୍ କାତା ତା ବିରୁଦିଆଟି ୱେସାନ୍ ତାଙ୍ଗେ ଅଡ୍ଡନ୍ ମ୍ରାସ୍ତେରି ।
ବେର୍ ସବାତାୱା ଜିସୁତି ବିଚାର
(ମାତିଉ ୨୬:୫୯–୬୬; ମାର୍କ ୧୪:୫୫–୬୪; ଜହନ ୧୮:୧୯–୨୪)
66ଡାଃଏସ୍ ଆଅନେଃଏ ଦାଲ୍ଲାତି ଗାମିନାରି, ଆଟେ ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଆଡ୍ଡାନାହି, ବେର୍ ସବାଇନ୍ଦା ଅଆନ୍ ତାଙ୍ଗେ ୱେସ୍ତେରି, 67“ନିନୁ ଜଦି କ୍ରିସ୍ଟ, ଏହେଙ୍ଗ୍ ଆତେସି ମାଙ୍ଗେ ୱେସ୍ତାମୁ ।” ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, ନାନୁ ଜଦି ମିଙ୍ଗେ ୱେସ୍ତା, ମିରୁ ମାଞ୍ଜାଡ଼ି କିଃଏରି; 68ନାନୁ ଜଦି ମିଙ୍ଗେ ୱେଞ୍ଜା, “ମିରୁ ନାଙ୍ଗେ ୱେସ୍ପନ୍ ମୁତାଦାଃଏରି ।” 69ମତ୍ର ନିଞ୍ଜୁ ତାୱାଟି କୁଏଞ୍ଜ୍ ମ୍ରିଃଏଞ୍ଜି ମୁଲାପେନୁତି ବଲ ଡ଼ାହି ତିନ୍ନି ଇନ୍ଦେଟ୍ କକ୍ନେଞ୍ଜି । 70ଏମ୍ବାଟି ହାବେତାରି ୱେଚ୍ଚେରି, “ଏହେଙ୍ଗ୍ ଆତେସି ନିନୁ ଇନ୍ନା ମୁଲାପେନୁତି ମ୍ରିଃଏଞ୍ଜି ?” ଏୱାଞ୍ଜି ଏୱାରିକି ୱେସ୍ତେଞ୍ଜି, “ମିରୁ ତ ୱେସ୍ପିଞ୍ଜାଦେରି ।” 71ଏମ୍ବାଟି ଏୱାରି ୱେସ୍ତେରି, “ମାଙ୍ଗେ ଅଟେ ଇନ୍ନି ସାକି ଦରକାର ? ମାରୁ ତ, ତା ଗୁତିତାୱାଟି ଇଦା ୱେଚ୍ଚାସୁ ।”
Iliyochaguliwa sasa
ଲୁକ 22: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 22
22
ଜିସୁ ବିରୁଦିଆଟି କାତା କିଅନ୍
(ମାତିଉ ୨୬:୧–୫; ମାର୍କ ୧୪:୧–୨; ଜହନ ୧୧:୪୫–୫୩)
1ନିସ୍ତାର ରେହାଙ୍ଗ୍ ପାରୁଟି କମିର ହେଃଲ୍ଲାନ୍ ରୁଟିଙ୍ଗ୍ତି ରେହାଙ୍ଗ୍ ଟାକ୍କେ ଆଏସ୍ନା ୱାଇଚ୍ଚେ । 2ଆଟେ ଗାମିନ୍ ଜାଜକ ଅଟେ ସାସ୍ତ୍ରିଙ୍ଗ୍ ଇନିମିଡି ଜିସୁନିକି ପାଗନ୍ ମୁନେରି, ଏ ସୁଜଗ ଦାହ୍ପିଚ୍ଚେରି, ଇନାକି ଏୱାରି ଦାଲ୍ଲାନିକି ଆଜ୍ଜେଚ୍ଚେରି ।
ଜିସୁନିକି ଆହ୍ପି କିଅନ୍ ବାଗା ଜିହୁଦା ରାଜି ଆଅନି
(ମାତିଉ ୨୬:୧୪–୧୬; ମାର୍କ ୧୪:୧୦–୧୧)
3ଏଚିତୁକାତାୱା ବାରାଗାଣ୍ଡି ଗ୍ରାମ୍ୱାଗାଟାରି ତାୱାଟି ଇସ୍କାରିୟତ ପାରୁଗାଟି ଜିହୁଦା ଲାଃଇ ସଇତାନ ହଟେ; 4ଆଟେ ଏୱାଞ୍ଜି ହାଜ୍ଜାନ୍ ଇନିମିଡି ଗାମିନ୍ ଜାଜକଙ୍ଗ୍ନିକି ଅଟେ ସିପେଙ୍ଗ୍ତି କାଜ୍ଜୁତାୱା ସର୍ପି କିଅନ୍ ମୁନେଞ୍ଜି, ଏଦା ଏୱାର୍ ଡ଼ାହି କାତା ଆତେଞ୍ଜି । 5ଏମ୍ୱାଟି ଏୱାରି ରାହାଙ୍ଗ୍ ଆତେରି ଅଟେ ଏୱାଞ୍ଜିକି ଟାକ୍କାଙ୍ଗ୍ ହିଅନ୍ ବାଗାଟି କୁତାକିଆନ୍ ୱେସ୍ତେରି । 6ଆଟେ ଏୱାଞ୍ଜି ର ମନ ଆନ୍ ଦାଲ୍ଲା ହେଃଲ୍ଲାନାୱା ତାଙ୍ଗେ ଏୱାର୍ତି କାଜ୍ଜୁତାୱା ସର୍ପି କିଅନ୍ ବାଗାଟି ପେଜୁ ଦାହ୍ପନ୍ ମ୍ରାସ୍ତେଞ୍ଜି ।
ନିସ୍ତାର ରେହାଙ୍ଗ୍ ବାଗାଟି ଜିସୁ ହାମ୍ୱେର୍ ଆଅନ୍
(ମାତିଉ ୨୬:୧୭–୨୫; ମାର୍କ ୧୪:୧୨–୨୧; ଜହନ ୧୩:୨୧–୩୦)
7ନିସ୍ତାର ରେହାଙ୍ଗ୍ତି ମେଁଣ୍ଡାଅଡା ବଲି କିଚ୍ଚି ଡେଗ୍ଗା, କମିର ହେଃଲ୍ଲାନ୍ ରୁଟିଙ୍ଗ୍ତି ରେହାଙ୍ଗ୍ ଏତାତେ; 8ଆଟେ ଜିସୁ ପିତର ଅଟେ ଜହନନିକି ଇଦା ୱେସାନ୍ ପାଣ୍ଡିତେଞ୍ଜି, ମାରୁ ଇନିସ୍କି ଉନ୍ବନ୍ ମୁନା, ଇଦାବାଗା ମିରୁ ହାଜ୍ଜାନ୍ ମା ବାଗାଟି ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିଦୁ । 9ଏଦିମ୍ୱା ଏୱାରି ତାଙ୍ଗେ ୱେଚ୍ଚେରି, ମାମୁ ଇମ୍ୱିନ୍ ଗର୍ରିତାୱା ହାମ୍ୱେର୍ କିନାମୁ ଇଞ୍ଜାନ୍ ନିନୁ ଏଲୁ କିଞ୍ଜି ? 10ଏୱାଞ୍ଜି ଏୱାରିକି ୱେସ୍ତେଞ୍ଜି, ହୁଡ଼ାଟୁ, ମିରୁ ଗାଡ଼ାନାଜୁତାୱା ହଟେସି, ଏଜୁ କ୍ଲାହି ଡେକାନ୍ ହାଜ୍ଜିନ୍ନି ରଃଅଞ୍ଜି କୁଏଞ୍ଜି ମିଙ୍ଗେ ପୁଁଣ୍ଡିଦାନେଞ୍ଜି; ଏୱାଞ୍ଜି ଇମ୍ୱିନ୍ ଇଡ୍ଡୁତାୱା ହଲ୍ନେଞ୍ଜି, ଏୱାଞ୍ଜ୍ତି ବେତ ବେତଟ୍ ଏ ଇଡ୍ଡୁଇନ୍ଦା ହାଜ୍ଜାନ୍ ଇଡ୍ଡୁଗାଟାଞ୍ଜିକି ୱେସ୍ଦେରି, 11ଗ୍ରାପାଗାଟାଞ୍ଜି ନିଙ୍ଗେ ୱେଞ୍ଜିଞ୍ଜାନେଞ୍ଜି, ନାନୁ ନା ଗ୍ରାମ୍ୱାଗାଟାର୍ ଡ଼ାହି ଇମ୍ୱିନାୱା ନିସ୍ତାର ରେହାଙ୍ଗ୍ତି ବୁଜି ପାଲ୍ନି ଆଃଇ, ଏ ଇଡ୍ଡୁ ଇମ୍ୱିନାଦି ? 12ଏଦିମ୍ୱା ଏୱାଞ୍ଜି ମିଙ୍ଗେ ନେହେନ୍ ରହାନ୍ନି ରଣ୍ଡା ୱାନ୍ଦେଟ୍ତି ବେର୍ ବାକ୍ରା ତସ୍ତାନେଞ୍ଜି; ଏ ଗର୍ରିତାୱା ହାମ୍ୱେର୍ କିଦୁ । 13ଆଟେ ଏୱାରି ହାଜ୍ଜାନ୍ ଏୱାଞ୍ଜି ଏୱାରିକି ଇନିସ୍ ୱେସାଚ୍ଚେଞ୍ଜି, ଏହେଙ୍ଗିସି ହୁଡ଼ାନ୍ ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିତେରି ।
ଦାର୍ମୁ ବୁଜିତି ହାଜୁ ପାଲ୍ନି
(ମାତିଉ ୨୬:୨୬–୩୦; ମାର୍କ ୧୪:୨୨–୨୬)
14ଆଟେ ନିସ୍ତାର ରେହାଙ୍ଗ୍ ତୁକା ଏତାୱିଃଆଟି, ଜିସୁ ଅଟେ ତା ଗ୍ରାମ୍ବାଗାଟାରି ଉନ୍ବନ୍ ବାଗା କକ୍ତେରି । 15ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, ନା ଦୁଃକ କସ୍ଟ ପାଁନ୍ବନ୍ତି କାହେ ନାନୁ ମି ଡ଼ାହି ଇ ନିସ୍ତାର ବୁଜି ତିନ୍ବନ୍ ବାଗା ମନ କିତେଃଏ; 16ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜିତାୱା ଇଦାତି ଅର୍ତ ହାବେ ପଃଙ୍ଗାନ୍ ଟିକ୍ନା ନାନୁ ଆଟେ ଏଚ୍ଚେକ୍ୱାଡ଼େ ଏଦା ତିଃନ୍ନାନୁ ।
17ଆଟେ ଏୱାଞ୍ଜି ଏଜୁ ଗିନ୍ନା ଆହାନ୍ ଦନ୍ୟବାଦ ହିଆନ୍ ୱେସ୍ତେଞ୍ଜି, “ଇଦା ଅଆନାହି ମି ମି ତାୱା ବାଗା କିଦୁ ।” 18ଇନାକି ନାନୁ ମିଙ୍ଗେ ୱେସ୍ପିଞ୍ଜା, ମୁଲାପେନୁତି ରାଜି ୱାଃଆନ୍ ଟିକ୍ନା ନାନୁ ନିଞ୍ଜୁତାୱାଟି ଅଙ୍ଗୁରନିରୁ ଆଟେ ଉଃନ୍ନାନୁ । 19ଆଟେ ଏୱାଞ୍ଜି ରୁଟି ଅଆନ୍ ଦନ୍ୟବାଦ ହିତେଞ୍ଜି ଅଟେ ଏଦା ପାହେଡ଼୍ କିଆନ୍ ଏୱାରିକି ହିଆନ୍ ୱେସ୍ତେଞ୍ଜି, ମି ବାଗାଟି ହିୱା ଆନ୍ନି ନା ଗାଣ୍ଡି ଇଦି; ନାଙ୍ଗେ ଏଲୁ କିଅନ୍ ବାଗା ଇଦା କିଦୁ । 20ତିନ୍ବା ଉନ୍ବା କିତାୱିଃଆଟି ଏହେଙ୍ଗିସି ଏୱାଞ୍ଜି ଉନ୍ବା ଗିନ୍ନା ଅଆନ୍ ୱେସ୍ତେଞ୍ଜି, ଇ ଉନ୍ବା ଗିନ୍ନା ମି ବାଗାଟି ୱାପ୍କା ଆନ୍ନି ନା ରାକ୍କା ଡ଼ାହି ହାମ୍ୱେର୍ କିଆନ୍ନି ପୁନି ଚୁକ୍ତି ।
21ମତ୍ର ହୁଡ଼ାଟୁ, ଏମ୍ୱେ ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି, ଏୱାଞ୍ଜ୍ତି କାଜ୍ଜୁ ନା ଡ଼ାହି ଟେବୁଲି କୁଃଏଟି ମାନ୍ନେ । 22ଇନାକି ଇନିମିଡି ୱ୍ରିଗାଆନ୍ନେ, କୁଏଞ୍ଜ୍ ମ୍ରିଃଏଞ୍ଜି ଏହେଙ୍ଗିସି ନିଜ୍ଜାନେଃଏ ହାନେଞ୍ଜି, ମତ୍ର ଇମ୍ୱିନ୍ କୁଏଞ୍ଜି ତାଙ୍ଗେ ସତ୍ରୁ କାଜ୍ଜୁତାୱା ସର୍ପି କିନ୍ନେଞ୍ଜି, ହାୟ, ଏୱାଞ୍ଜି ଗାପ୍ଚି ଦଣ୍ଡ ପାଁନେଞ୍ଜି; 23ଏଦାବାଗା ଏୱାରି ତାୱାଟି ଏମ୍ବେନାଞ୍ଜି ଇଦା କିଅନ୍ ବାଗା ହାଜ୍ଜିନ୍ନେଞ୍ଜି, ଏ କାତାତିଦି ତା ତା ଲାଃଇ ୱେନ୍ବିଆତେରି ।
ହାବେତାରିତି ଗାମିନାଞ୍ଜି ହାବେତାରିତି ଆଙ୍ଗୁଲ୍ଗାଟାଞ୍ଜି
24 #
ମାତି ୧୮:୧; ମାର୍କ ୯:୩୪; ଲୁକ ୯:୪୬ ଆଟେ ଗ୍ରାମ୍ୱାଗାଟାରି ତାୱାଟି ଏମ୍ୱେନାଞ୍ଜି ଗାମିନାଞ୍ଜି ଆନେଞ୍ଜି ଇଞ୍ଜାନ୍ ତାରୁ ତାରୁ ହିଲାବାଦେର୍ ଆଇଚ୍ଚେରି । 25ଏମ୍ବାଟି ଜିସୁ ଏୱାରିକି ଆର୍ଚାନ୍ ୱେସ୍ତେଞ୍ଜି, ଅନଜିହୁଦିଙ୍ଗ୍ତି ରାଜେଙ୍ଗ୍ ଏୱାର୍ କୁଃଏଟି ଆକୁଡ଼୍ କିନ୍ନେରି, ଆଟେ ଏମ୍ବେନାରି ଏୱାର୍ କୁଃଏଟି ହକତ୍ କିନ୍ନେରି, ଏୱାରି ଦାଲ୍ଲାତି ଆଙ୍ଗୁଲ୍ଗାଟାରି ଇଞ୍ଜାନ୍ ପଙ୍ଗିନେରି । 26#ମାତି ୨୩:୧୧; ମାର୍କ ୯:୩୫#ମାତି ୨୦:୨୫–୨୭; ମାର୍କ ୧୦:୪୨–୪୪ମତ୍ର ମିରୁ ଏୱାର୍ ଲାକ୍କାଟି ଆଃଆଟୁ, ମତ୍ର ମି ତାୱାଟି ଏମ୍ବେନାଞ୍ଜି ବେର୍ରାନାଞ୍ଜି, ଏୱାଞ୍ଜି ହିତାନାଞ୍ଜି ଆପାକାଞ୍ଜି, ଆଟେ ଏମ୍ୱେନାଞ୍ଜି ଗାମିନାଞ୍ଜି, ଏୱାଞ୍ଜି ଦାଲ୍ଲାତି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି । 27#ଜହ ୧୩:୧୨–୧୫ଇନାକି ହାବେତାରିତାୱାଟି ଏମ୍ୱେନାଞ୍ଜି ଗାମିନାଞ୍ଜି ? ତିନ୍ବା ଉନ୍ବା କିନ୍ନାଞ୍ଜି, କି ଦାଲ୍ଲାନିକି ଆଙ୍ଗୁଲ୍ ଆଅନ୍ତାଞ୍ଜି ? ଏମ୍ୱେନାଞ୍ଜି ତିନ୍ବା ଉନ୍ବା କିନ୍ନେଞ୍ଜି, ଏୱାଞ୍ଜି ଇନ୍ନା ଗାମିନାଞ୍ଜି ଆଃଏଞ୍ଜି ? ମତ୍ର ନାନୁ ମି ତାୱାଟି ରଃଅଞ୍ଜି ଆଙ୍ଗୁଲ୍ଗାଟାଞ୍ଜି ଡେହେଙ୍ଗ୍ ଆମାଃଇ ।
28ମତ୍ର ମିରୁ ନା ହାବେତ୍ ପରିକ୍ୟାତାୱା ନା ଡ଼ାହି ମାଞ୍ଜିଞ୍ଜେରି; 29ଏଦାକି ନା ଆବା ଇନିସ୍ ନା ବାଗାଟି ରାଜି କ୍ଲେହିତେଞ୍ଜି, ନାନୁ ୱାଡ଼େ ଏହେଙ୍ଗିସି ମି ବାଗାଟି କ୍ଲେହେମାଃଇ, 30#ମାତି ୧୯:୨୮ଇନିସ୍କି ମିରୁ ନା ରାଜିତାୱା ନା ଟେବୁଲି ଗୁଞ୍ଜେର୍ କକ୍ଚ୍ଚାନ୍ ତିନ୍ବା ଉନ୍ବା କିଦେରି, ଆଟେ ଗାଦିତାୱା କକ୍ଚ୍ଚାନାହି ଇସ୍ରାଏଲତି ବାରାଗଟ୍ଟା ପୁଣ୍ଡିତିଦି ଆକୁଡ଼୍ କିଦେରି ।
ଜିସୁନିକି ପିତର ଅସ୍ପିକାର କିଅନ୍
(ମାତିଉ ୨୬:୩୧–୩୫; ମାର୍କ ୧୪:୨୭–୩୧)
31ସିମନ, ସିମନ, ହୁଡ଼ାମୁ, ଗହମତିଦି ପର୍ଡିତାୱା#୨୨:୩୧ ପର୍ଡିତାୱା ଇଚ୍ଚେସି ଜାଲେଡ଼ି । ଇଦା ଉଡ଼ିଆ ବାଇବଲତାୱା ଚାଲୁନି ଇଞ୍ଜାନ୍ ୱ୍ରିଗାଆନ୍ନେ । ଦୁପ୍କିନ୍ନି ଡେହେଙ୍ଗ୍ ମିଙ୍ଗେ ଦୁକ୍ଚ୍ଚାନ୍ ଆଙ୍ଗେ କିଅନ୍ ବାଗାଟି ସଇତାନ ଅନୁମତି ପାଁଣ୍ଡାନ୍ନେ; 32ମତ୍ର ନି ମାଞ୍ଜାଡ଼ି ଇନିସ୍କି ମ୍ରାଙ୍ଗେଏ, ଏଦାବାଗା ନାନୁ ନି ବାଗା ଜିଗିତେଃଏ; ଆଟେ ନିନୁ ୱ୍ଡେତାନାୱାଟି ନି ଆମ୍ୱେସାଙ୍ଗାନିକି ବଲ ହିଦି ।
33ମତ୍ର ପିତର ଏୱାଞ୍ଜିକି ୱେସ୍ତେଞ୍ଜି, “ଏ ଦାର୍ମୁ, ନାନୁ ନି ଡ଼ାହି ବନ୍ଦି ଇଡ୍ଡୁଇନ୍ଦା ହାଲ୍ବନ୍ ବାଗା ଅଟେ ହାଅନ୍ ବାଗାଟି ହାମ୍ୱେର୍ ଆମାଃଇ ।” 34ମତ୍ର ଜିସୁ ୱେସ୍ତେଞ୍ଜି, “ଏ ପିତର, ନାନୁ ନିଙ୍ଗେ ୱେସ୍ପିଞ୍ଜା, ନିଞ୍ଜୁ କଜ୍ଜୁ କ୍ଲାଃଏଟେଃଏ ନିନୁ ନାଙ୍ଗେ ପୁଞ୍ଜାହେଃଲ୍ଲେନ୍ ଇଞ୍ଜାନ୍, ମୁଅଲି ଅସ୍ପିକାର କିଆଦି ।”
ଟାକ୍କାଙ୍ଗ୍ ଗାଞ୍ଜି, ବେଗୁ ଅଟେ କଣ୍ଡା
35 #
ମାତି ୧୦:୯,୧୦; ମାର୍କ ୬:୮,୯; ଲୁକ ୯:୩; ୧୦:୪ ଆଟେ ଜିସୁ ଏୱାରିକି ୱେସ୍ତେଞ୍ଜି, “ଏଚ୍ଚିକିଃଆ ନାନୁ ମିଙ୍ଗେ ଗାଞ୍ଜି, ମୁନା ଅଟେ ପାଣ୍ଡେଙ୍ଗ୍ ଅଃଏଟେଃଏ ହାଜ୍ଜୁ ଇଞ୍ଜାନ୍ ପାଣ୍ଡାଞ୍ଜାତେଃଏ, ଏ ତୁକାତାୱା ମିଙ୍ଗେ ଇନ୍ନା ଅବାବ ଆଚ୍ଚେ ? ଏୱାରି ୱେସ୍ତେରି, ବାଃଏ ।” 36ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ହାଦାଡ଼ି, ଇନ୍ଦାରିକି ଗାଞ୍ଜି ମାନ୍ନେ, ଏୱାଞ୍ଜି ଏଦା ଅପାକାଞ୍ଜି, ଏଚିଲାକ୍କା ବେଗୁମୁନା ୱାଡ଼େ ଅପାକାଞ୍ଜି, ଇନ୍ଦାରିକି ହେଃଲ୍ଲେ, ଏୱାଞ୍ଜି ତା ଚେଦର୍ ପ୍ରାଚାନ୍ କଣ୍ଡା କଡ୍ଡାକାଞ୍ଜି । 37ଇନାକି ନାନୁ ମିଙ୍ଗେ ୱେସ୍ପିଞ୍ଜା, ଏୱାଞ୍ଜି ଅଦର୍ମଗାଟାର୍ ଡ଼ାହି ଆଡ୍ଡିତେଞ୍ଜି, ଇ ଇମ୍ୱିନ୍ ବାକ୍ୟ ୱ୍ରିଗାଆନ୍ନେ, ଏଦି ନା ତାୱା ନେହାଦ୍ ଆନ୍ ତଞ୍ଜନ୍ ମାନ୍ନେ, ଏମ୍ବାଟି ନା ୱେସାଚ୍ଚି କାତା ସପଲ ଆତେ ।” 38ଏମ୍ବାଟି ଏୱାରି ୱେସ୍ତେରି, “ଦାର୍ମୁ, ହୁଡ଼ାମୁ, ଇଦିମ୍ୱା ରିଣ୍ଡି କଣ୍ଡାଙ୍ଗ୍ ମାନ୍ନୁ ।” ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, “ପାଡ଼ି ଆନୁ ।”
ଜିତ ହରୁତାୱା ଜିସୁତି ପ୍ରାତ୍ନା
(ମାତିଉ ୨୬:୩୬–୪୬; ମାର୍କ ୧୪:୩୨–୪୨)
39ଜିସୁ ଗାଡ଼ାନାଜୁତାୱାଟି ହଚାନ୍ ଦିନାଙ୍ଗ୍ ଡେହେଙ୍ଗ୍ ଜିତ ହରୁଇନ୍ଦା ହାଚ୍ଚେଞ୍ଜି, ଆଟେ ଗ୍ରାମ୍ୱାଗାଟାରି ୱାଡ଼େ ତା ବେତ ବେତଟ୍ ହାଚ୍ଚେରି । 40ଏ ଗର୍ରିତାୱା ଏଚ୍ଚାନ୍ ତାନୁ ଏୱାରିକି ୱେସ୍ତେଞ୍ଜି, “ପରିକ୍ୟାତାୱା ଇନିୱାହୁ ଦିଃଏରି, ଏଦାବାଗା ପ୍ରାତ୍ନା କିଦୁ ।” 41ଆଟେ ତାନୁ ଏୱାର୍ ତାୱାଟି ବାଇକ୍ ହିତେ ଦେହା ହାଜ୍ଜାନ୍ ମେଣ୍ଡାଙ୍ଗୁତାନ୍ ପ୍ରାତ୍ନା କିଅନ୍ ମ୍ରାସ୍ତେଞ୍ଜି, 42ଏ ଆବା, ନି ଇଚ୍ଚା ଆତେସି, ଇ ଉନ୍ବା ଗିନ୍ନା ନା ତାୱାଟି ଦେହା କିମୁ, ଏଦି ନା ଇଚ୍ଚା ଆଃଏ, ମତ୍ର ନି ଇଚ୍ଚା ସପଲ ଆପାକାଦି । 43ଆଟେ ସର୍ଗତାୱାଟି ରଣ୍ଡି ଦୁତ ତଞ୍ଜୁ ଆନ୍ ତାଙ୍ଗେ ବଲ ହିତେ । 44ଆଟେ ଜିସୁ ହଡାଙ୍ଗ୍ତାୱା ଦୁଃକଟି କିରେଡ଼୍ ଆନ୍ ର ମନଟି ପ୍ରାତ୍ନା କିଅନ୍ ମ୍ରାସ୍ତେଞ୍ଜି ଅଟେ ତା ଜାଲା ରାକ୍କା ଲାକ୍କା ୱିର୍ରାତାୱା ସ୍ରୁତେ । 45ଆଟେ ଏୱାଞ୍ଜି ପ୍ରାତ୍ନାଟିଆଟି ନିଙ୍ଗାନ୍ ଗ୍ରାମ୍ୱାଗାଟାରି ରେଃଏସ୍ ୱାନ୍ ହୁଡ଼ିତେଞ୍ଜି, ଏଚିତୁକାତାୱା ଏୱାରି ଦୁଃକ ଡ଼ାହି ୱାହାନାହି ହୁଞ୍ଜାଚ୍ଚେରି ।
46ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, ଇନାକିଅନ୍ ହୁଞ୍ଜାଞ୍ଜେରି ? ପରିକ୍ୟାତାୱା ଇନିୱାହୁ ଦିଃଏରି, ଇଦାବାଗା ନିଙ୍ଗାନ୍ ପ୍ରାତ୍ନା କିଦୁ ।
ଜିସୁ ସତ୍ରୁ କାଜ୍ଜୁତାୱା ସର୍ପି ଆଅନ୍
(ମାତିଉ ୨୬:୪୭–୫୬; ମାର୍କ ୧୪:୪୩–୫୦)
47ଜିସୁ ଇ କାତା ୱେସ୍ପିଚ୍ଚି ତୁକାତାୱା, ହୁଡ଼ାଟୁ ଦାଲ୍ଲା ହାବେ ୱାନ୍ ଏତାତେରି, ଆଟେ ବାରା ଗାଣ୍ଡିଟିଆଟି ଜିହୁଦା ପାରୁ ଗାଟାଞ୍ଜି ରଃଅଞ୍ଜି ଏୱାର୍ ନକେ ନକେସ୍ ୱାନ୍ ଜିସୁନିକି ଜୁମ୍ବନ୍ ବାଗା ତା ରେଃଏସ୍ ହାଚ୍ଚେଞ୍ଜି । 48ମତ୍ର ଜିସୁ ତାଙ୍ଗେ ୱେସ୍ତେଞ୍ଜି, “ଏ ଜିହୁଦା, ଜୁମ୍ବାନାହି କୁଏଞ୍ଜ୍ ମ୍ରିଃଏଞ୍ଜିକି ସତ୍ରୁଗାଟାର୍ତି କାଜ୍ଜୁତାୱା ସର୍ପି କିଞ୍ଜି ?” 49ଏମ୍ବାଟି ଇନ୍ନା ଆନେ, ଏଦା ହୁଡ଼ାନ୍ ତା ତଡ଼ୁଗାଟାରି ୱେସ୍ତେରି, “ଦାର୍ମୁ, ମାରୁ ଇନ୍ନା କଣ୍ଡା ଡ଼ାହି କାତିନା ?” 50ଆଟେ ଏୱାର୍ତାୱାଟି ରଃଅଞ୍ଜି ଗାମିନ୍ ଜାଜକତି କାମ୍ବାରେଏଞ୍ଜ୍ତି ତିନ୍ନି କ୍ରିଉ କାତା ହିତେଞ୍ଜି । 51ମତ୍ର ଜିସୁ ୱେସ୍ତେଞ୍ଜି, “ଏଚେ, ଏହେଙ୍ଗିସି କିଃଆଟୁ” ଆଟେ ଏୱାଞ୍ଜି ତା କ୍ରିଉ ଡିଗାନ୍ ତାଙ୍ଗେ ନେହି କିତେଞ୍ଜି ।
52ଆଟେ ଜିସୁ ତା ବିରୁଦିଆଟି ୱାନ୍ନି ଗାମିନ୍ ଜାଜକ, ମନ୍ଦିରତି ସିପେଙ୍ଗ୍ତି ଗାମିନାଞ୍ଜି ଅଟେ ଗାମିନାରିନିକି ୱେସ୍ତେଞ୍ଜି, “ଟ୍ଡକେଞ୍ଜିକି ଆହ୍ପନ୍ ହାଜ୍ଜିନ୍ନି ଲାକ୍କାଟି କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ମିରୁ ଇନ୍ନା କିଅନ୍ ୱାତେରି ? 53#ଲୁକ ୧୯:୪୭; ୨୧:୩୭ନାନୁ ହାବେୱେଲା ମି ଡ଼ାହି ମନ୍ଦିରତାୱା ମାଚ୍ଚି ତୁକାତାୱା ମିରୁ ନାଙ୍ଗେ ଆହ୍ତାଦାଃଆତେରି, ମତ୍ର ଇଦି ଆଇନେ ମି ତୁକା ଅଟେ କାଲକ୍ତି ହକତ୍ କାମା ।”
ଜିସୁନିକି ପିତର ଅସ୍ପିକାର କିଅନ୍
(ମାତିଉ ୨୬:୫୬,୫୮,୬୯–୭୫; ମାର୍କ ୧୪:୫୩,୫୪; ମାର୍କ ୧୪:୬୬–୭୨; ଜହନ ୧୮:୧୨–୧୮,୨୫–୨୭)
54ଡେଗ୍ଗା ଏୱାରି ଜିସୁନିକି ଆହାନାହି ମୁଲନ୍ ଜାଜକତି ଇଡ୍ଡୁଇନ୍ଦା ତାଚ୍ଚିୱାତେରି; ମତ୍ର ପିତର ଦେହା ମାଞ୍ଜାନ୍ ତା ବେତ ବେତଟ୍ ହାଚ୍ଚେଞ୍ଜି । 55ଆଟେ ଏୱାରି ମାଦ୍ଦି ଆଟେଲିଆ ନାଡ଼ି ଏର୍ଚ୍ଚାନ୍ ରପାଟ୍ଟେ କପ୍କନେଃଏ, ପିତର ୱାଡ଼େ ଏୱାର୍ ଡ଼ାହି କକ୍ଚ୍ଚାନାହି ବାସାଆତେଞ୍ଜି । 56ରଣ୍ଡି କାମ୍ବାରାଲୁ ଏୱାଞ୍ଜିକି ନାଡ଼ି ରେଃଏସ୍ କକ୍ଚ୍ଚାନ୍ନାଦା ହୁଡ଼ାନ୍ ଏୱାଞ୍ଜିକି ମେହାନ୍ ୱେସ୍ତେ, ଇ କୁଏଞ୍ଜି ୱାଡ଼େ ଏୱାଞ୍ଜି ଡ଼ାହି ମାଚ୍ଚେଞ୍ଜି । 57ମତ୍ର ଏୱାଞ୍ଜି ଅସ୍ପିକାର କିଆନ୍ ୱେସ୍ତେଞ୍ଜି, ଏ ଆଚାଲୁ, ନାନୁ ଏୱାଞ୍ଜିକି ପୁଞ୍ଜାହେଃଲ୍ଲାନୁ । 58ବାଇକ୍ ମାଞ୍ଜାନାହି ଅଟେ ରଃଅଞ୍ଜି ଏୱାଞ୍ଜିକି ହୁଡ଼ାନାହି ୱେସ୍ତେଞ୍ଜି, ନିନୁ ୱାଡ଼େ ଏୱାର୍ତାୱାଟି ରଃଅଞ୍ଜି । ମତ୍ର ପିତର ୱେସ୍ତେଞ୍ଜି, ବାଃଏ, ଆମ୍ୱେସ୍, ନାନୁ ଆଃଏ ।
59ବାଇକ୍ ର ଗଣ୍ଟା ମାଞ୍ଜାନାହି ଅଟେ ରଃଅଞ୍ଜି ମାଞ୍ଜାଟି ୱେସ୍ପନ୍ ମ୍ରାସ୍ତେଞ୍ଜି, ନିଜ୍ଜାନେଃଏ ଇୱାଞ୍ଜି ୱାଡ଼େ ଜିସୁ ଡ଼ାହି ମାଚ୍ଚେଞ୍ଜି, ଇନାକି ଇୱାଞ୍ଜି ଗାଲିଲିତି କୁଏଞ୍ଜି । 60ମତ୍ର ପିତର ୱେସ୍ତେଞ୍ଜି, “ଆମ୍ୱେସ୍, ନିନୁ ଇନ୍ନା ୱେସ୍ପିଞ୍ଜାଦି, ଏଦା ନାନୁ ପୁଞ୍ଜାହେଃଲ୍ଲେନୁ ।” ଏଚିୱାଡ଼େ ଏୱାଞ୍ଜି ୱେସି ୱେସି କଜ୍ଜୁ କ୍ଲାତେ । 61ଆଟେ ଦାର୍ମୁ ପିତରନିକି ମ୍ଲିଆନାହି ହୁଡ଼ିତେଞ୍ଜି; ଏମ୍ବାଟି ନିଞ୍ଜୁ କଜ୍ଜୁ କ୍ଲାଃଏଟେଃଏ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି, ଇ ଇମ୍ୱିନ୍ କାତା ଦାର୍ମୁ ପିତରନିକି ୱେସାଚ୍ଚେଞ୍ଜି, 62ଏଚିତୁକାତାୱା ଏୱାଞ୍ଜିକି ଏଲୁ ଦିତେ, ଏମ୍ବାଟି ଏୱାଞ୍ଜି କାଟ ହଚାନାହି ଡ଼ିତେଞ୍ଜି ।
ଜିସୁନିକି ଗେରୁ କିଅନ୍ ଅଟେ ଚାହ୍ପନ୍
(ମାତିଉ ୨୬:୬୭,୬୮; ମାର୍କ ୧୪:୬୫)
63ଆଟେ ଇମ୍ୱିନ୍ ଦାଲ୍ଲା ଜିସୁନିକି ଆହାନ୍ କିଟ୍ଟାଚ୍ଚେରି, ଏୱାରି ଏୱାଞ୍ଜିକି ଚାହି ଚାହି ଗେରୁ କିଆନ୍ ୱେସ୍ତେରି, 64ଆଟେ ତା ମ୍ରୁମ୍ବୁ ମୁଚ୍ଚି କିଆନ୍ ତାଙ୍ଗେ ୱେଚାନାହି ୱେନ୍ବନ୍ ମ୍ରାସ୍ତେରି, “ନିନୁ ଗିଃଆ ବାବବାଦିତାତି ! ଏହେଙ୍ଗ୍ଆତେସ୍ ୱେସ୍ତାମୁ ନିଙ୍ଗେ ଏମ୍ୱେ ୱେତାତେ ?” 65ଆଟେ ଏୱାରି ଏଗେଲ୍ କାତା ତା ବିରୁଦିଆଟି ୱେସାନ୍ ତାଙ୍ଗେ ଅଡ୍ଡନ୍ ମ୍ରାସ୍ତେରି ।
ବେର୍ ସବାତାୱା ଜିସୁତି ବିଚାର
(ମାତିଉ ୨୬:୫୯–୬୬; ମାର୍କ ୧୪:୫୫–୬୪; ଜହନ ୧୮:୧୯–୨୪)
66ଡାଃଏସ୍ ଆଅନେଃଏ ଦାଲ୍ଲାତି ଗାମିନାରି, ଆଟେ ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଆଡ୍ଡାନାହି, ବେର୍ ସବାଇନ୍ଦା ଅଆନ୍ ତାଙ୍ଗେ ୱେସ୍ତେରି, 67“ନିନୁ ଜଦି କ୍ରିସ୍ଟ, ଏହେଙ୍ଗ୍ ଆତେସି ମାଙ୍ଗେ ୱେସ୍ତାମୁ ।” ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, ନାନୁ ଜଦି ମିଙ୍ଗେ ୱେସ୍ତା, ମିରୁ ମାଞ୍ଜାଡ଼ି କିଃଏରି; 68ନାନୁ ଜଦି ମିଙ୍ଗେ ୱେଞ୍ଜା, “ମିରୁ ନାଙ୍ଗେ ୱେସ୍ପନ୍ ମୁତାଦାଃଏରି ।” 69ମତ୍ର ନିଞ୍ଜୁ ତାୱାଟି କୁଏଞ୍ଜ୍ ମ୍ରିଃଏଞ୍ଜି ମୁଲାପେନୁତି ବଲ ଡ଼ାହି ତିନ୍ନି ଇନ୍ଦେଟ୍ କକ୍ନେଞ୍ଜି । 70ଏମ୍ବାଟି ହାବେତାରି ୱେଚ୍ଚେରି, “ଏହେଙ୍ଗ୍ ଆତେସି ନିନୁ ଇନ୍ନା ମୁଲାପେନୁତି ମ୍ରିଃଏଞ୍ଜି ?” ଏୱାଞ୍ଜି ଏୱାରିକି ୱେସ୍ତେଞ୍ଜି, “ମିରୁ ତ ୱେସ୍ପିଞ୍ଜାଦେରି ।” 71ଏମ୍ବାଟି ଏୱାରି ୱେସ୍ତେରି, “ମାଙ୍ଗେ ଅଟେ ଇନ୍ନି ସାକି ଦରକାର ? ମାରୁ ତ, ତା ଗୁତିତାୱାଟି ଇଦା ୱେଚ୍ଚାସୁ ।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0