ଲୁକ 21
21
ୱାଟ୍ଟାଗାଟାଦ୍ତି ଦାନ
(ମାର୍କ ୧୨:୪୧–୪୪)
1ଏମ୍ବାଟି ଜିସୁ ଗୁଞ୍ଜେର୍ ମେହାନ୍ ଦନିଗାଟାରିକି ଦାନ ହାକୁସ୍ତାୱା ଦାନ ହିଚ୍ଚାଦାଃଆ ହୁଡ଼ିତେଞ୍ଜି । 2ଆଟେ ଏୱାଞ୍ଜି ରଣ୍ଡି ହାକ୍କିଗାଟି ୱାଟ୍ଟାଗାଟାଦି ରିଣ୍ଡା ତମ୍ବା ଟାକ୍କାଙ୍ଗ୍ ଦାନ ହିଚ୍ଚାଦାଃଆ ହୁଡ଼ାନ୍ ୱେସ୍ତେଞ୍ଜି, 3ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ହାକ୍କିଗାଟି ୱାଟ୍ଟାଗାଟାଦି ହାବେ ଦାଲ୍ଲାତାୱାଟି ଏଗେଲ୍ ଦାନ ହିତେ, 4ଇନାକି ଦନିଗାଟାରି ହାବେ ତା ତା ହାରାଚ୍ଚି ଦନଟି ହାକୁସ୍ତାୱା ହିତେ ହିତେ ଦାନ ହିତେରି, ମତ୍ର ଇ ହାକ୍କିଗାଟି ୱାଟ୍ଟାଗାଟାଦି ତା ନିମ୍ବନ୍ ବାଗା ମାଚ୍ଚି ଦନ ହାବେ ହିତେ ।
ଜିସୁ ଜିରୁସାଲମ ମନ୍ଦିର ନାହେଡ୍ ଆଅନ୍ତି କୁଲାଟି ୱେସ୍ପନ୍
(ମାତିଉ ୨୪:୧–୨; ମାର୍କ ୧୩:୧–୨)
5ଆଟେ ଏଚ୍ଚେ ଦାଲ୍ଲା ଗ୍ରାମ୍ୱାଗାଟାରି ଇ ମନ୍ଦିର ଇଚ୍ଚେ ଆଡି ଆଡିତି ୱାଲ୍ଲିଙ୍ଗ୍ ଡ଼ାହି ଅଟେ ଦାର୍ମୁ ବାଗାଟି ଦାନ ହିଆନ୍ନି କୁଲାଟି ଏଗେଲ୍ ଆଡାନ୍ ତଞ୍ଜେନ୍ନେ ଇଞ୍ଜାନ୍ କାତାବାର୍ତା ଆଇଚ୍ଚାୱିଃଆଟି ଜିସୁ ୱେସ୍ତେଞ୍ଜି, 6ମିରୁ ଇଦିମ୍ୱା ଇନ୍ନା ହାବେ ହୁଡ଼େଞ୍ଜେରି, ଦିନା ୱାନେ, ଏଚ୍ଚିକିଃଆ ରଣ୍ଡି ୱାଲ୍ଲି ଆଟେ ବିହି ୱାଲ୍ଲି କୁଃଏଟି ବାସାଆଃଏ, ହାବେ ନାହେଡ୍ ଆନୁ ।
ୱିହାନ୍ଦୁକାତି ତୁର୍ରି
(ମାତିଉ ୨୪:୩–୧୪; ମାର୍କ ୧୩:୩–୧୩)
7ଏମ୍ବାଟି ଏୱାରି ଜିସୁନିକି ୱେଚ୍ଚେରି, “ଏ ଗ୍ରାପାଗାଟାତି, ଏହେଙ୍ଗ୍ ଆତେସି ଇଦି ହାବେ ଏଚ୍ଚେକ୍ ଆନେ ? ଆଟେ ଇମ୍ୱିନ୍ ଦିନାତାୱା ଇ ହାବେ ଡୁଣ୍ଡେଲ୍ ରେଃଏସ୍ ୱାନେ, ଏ ଦିନାତି ତୁର୍ରି ଇନ୍ନାଦି ?” 8ଏମ୍ବାଟି ଏୱାଞ୍ଜି ୱେସ୍ତେଞ୍ଜି, “ନେହେନ୍ ବାସାଆଦୁ, ମିରୁ କଲତାୱା ଦିଃଆଟୁ; ଇନାକି ନା ପାରୁଟି ୱାନାହି, ନାନୁ ଏୱାତାନୁ ଅଟେ ଦିନା ଟାକ୍କେନେଃଏ ଇଞ୍ଜାନ୍ ୱେସ୍ତାନେରି; ଏୱାର୍ ବେତଟ୍ ହାଃଲ୍ଲାଟୁ । 9ମତ୍ର ମିରୁ ଏଚ୍ଚିକିଃଆ ଜୁଜ୍ଜି ଆଅନ୍ତି କୁଲା ଅଟେ ହିଲାଗଲି ଆଅନ୍ତି ଗଜେଲ୍ ୱେଞ୍ଜେରି, ଏ ତୁକାତାୱା ମିରୁ ଆଃଜ୍ଜାଟୁ; ଇନାକି ଇ ହାବେ କାତା କାହେନେଃଏ ଗଟି ଆନେ, ମତ୍ର ଏଚିୱାଡ଼େ ଦିନା ୱିଃହେଏ ।”
10ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ଜାତି ବିରୁଦିଆଟି ଜାତି ଅଟେ ରାଜି ବିରୁଦିଆଟି ରାଜି ନିଙ୍ଗିନେ, 11ଆଟେ ଗାପ୍ଚି ୱିର୍ରା ତ୍ରେଗନ୍ ଅଟେ ବିହି ବିହି ଗର୍ରିତାୱା ମର୍ଡି ଅଟେ କାରି ଆନେ, ଆଟେ ଜାଗ୍ଗୁତାୱା ଆଚ୍ଚି ଡେହେଙ୍ଗ୍ତି କୁଲା ଅଟେ ବେର୍ ବେର୍ ରୁକା ହୁଡ଼ନ୍ ଆନେ । 12ମତ୍ର ଇ ହାବେତ୍ ଡୁଣ୍ଡେଲ୍ ଆଃଆନ୍ କାହେ ଦାଲ୍ଲା ମିଙ୍ଗେ ଆହ୍ତାନେରି ଆଟେ ହାଜା ଇଡ୍ଡୁ ଅଟେ ବନ୍ଦି ଇଡ୍ଡୁତାୱା ମିଙ୍ଗେ ସର୍ପି କିଆନାହି କସ୍ଟ ହିଆନେରି, ନା ପାରୁ ବାଗାଟି ମିଙ୍ଗେ ରାଜେଞ୍ଜି ଅଟେ ଆକୁଡ଼୍ କିଅନ୍ତାରି ନକେସି ଅଦାନେରି; 13ମତ୍ର ଇଦି ନା କୁଲାଟି ୱେସ୍ପନ୍ ବାଗା ମିପେଟି ଆନ୍ ମି ବାଗା ସାକି ଆନେ । 14#ଲୁକ ୧୨:୧୧,୧୨ଆଟେ ଇନ୍ନା ୱେସ୍ଦେରି, ଏ କୁଲାଟି କାହେନେଃଏ ଏଲୁ କିଃଆନ୍ ବାଗା ମି ମି ଏଲୁତାୱା ରଞ୍ଜି କିଦୁ; 15ଇନାକି ନାନୁ ମିଙ୍ଗେ ଇହିଙ୍ଗିସି ବାକ୍ୟ ଅଟେ ଗ୍ୟାଁନ ହିଆ ଜେ, ମି ସତ୍ରୁ ଦାଲ୍ଲା ହାବେ ବିରୁଦି କିଅନ୍ ମୁତାଦାଃଏରି । 16ମତ୍ର ମି ଇୟାଆବା, ଆମ୍ୱେସାଙ୍ଗା, ମି ଦାଲ୍ଲା ଆଟେ ହଡ଼୍ଗିନାରିନେଃଏ ମିଙ୍ଗେ ସର୍ପି କିଆନେରି, ଆଟେ ମି ଦାଲ୍ଲା ତାୱାଟି ଇନ୍ଦା ଇନ୍ଦାରିକି ଆତେସ୍ ପାଗିନେରି, 17ଆଟେ ନା ପାରୁ ବାଗାଟି ହାବେତାରି ମିଙ୍ଗେ ସ୍ରିଞ୍ଜାଦାନେରି । 18ମତ୍ର ମି ତ୍ଲାଉତି ରଣ୍ଡି ତ୍ଲାଏର୍ ୱାଡ଼େ ନାହେଡ୍ ଆଃଏ; 19ମତ୍ର ଦର୍ଜ୍ୟ ଡ଼ାହି ମିରୁ ମି ପରନ୍ତିଦି ନିପ୍ଦେରି ।”
ଜିସୁ ଜିରୁସାଲମ ନାହେଡ୍ ଆଅନ୍ତି କୁଲାଟି ୱେସ୍ପନ୍
(ମାତିଉ ୨୪:୧୫–୨୧; ମାର୍କ ୧୩:୧୪–୧୯)
20ମତ୍ର ମିରୁ ଏଚ୍ଚିକିଃଆ ଜିରୁସାଲମତିଦି ସିପେଙ୍ଗ୍ ଡ଼ାହି ଗ୍ରୁଚାନ୍ନାଦାଃଆ ହୁଡ଼ିଦେରି, ଏଚିତୁକାତାୱା ଏଦି କାର୍ବେକ୍ ନାହେଡ୍ ଆଅନ୍ତିକି ହାଜ୍ଜିନ୍ନେ, ଇଦା ପୁଞ୍ଜୁ । 21ଏଚିତୁକାତାୱା ଏମ୍ବେନାରି ଜିହୁଦା ଦେସାତାୱା ମାଞ୍ଜିନ୍ନେରି, ଏୱାରି ନିଜ୍ଜାନେଃଏ ହରୁ ଡ଼ିପେ ଡେହାକାରି; ଆଟେ ଏମ୍ବେନାରି ଗାଡ଼ାନାସ୍କାତାୱା ମାଞ୍ଜିନ୍ନେରି, ଏୱାରି ନିଜ୍ଜାନେଃଏ ନାସ୍କା ପିହାନ୍ ଡେହାକାରି; ଆଟେ ଏମ୍ବେନାରି ଡଟି ନାସ୍କାତାୱା ମାଞ୍ଜିନ୍ନେରି, ଏୱାରି ନିଜ୍ଜାନେଃଏ ଗାଡ଼ାନାସ୍କାତାୱା ହଃଲାକାରି; 22ଇନାକି ଦର୍ମପୁତିତାୱା ୱ୍ରିଗାଆନ୍ନି କୁଲା ହାବେ ଲେର୍ ଆଅନ୍ ବାଗାଟି ଏଦି ହାବେ ଦଣ୍ଡତି ଦିନା ମାନ୍ନେ । 23ଏଚିତୁକାତାୱା ଏମ୍ବେନାଃଆ ଟୁଟୁ ମାନ୍ନୁ ଅଟେ ରାଙ୍ଗୁ ଉଟ୍ପିନ୍ନୁ, ହାୟ, ଏୱା ଏଚିତୁକାତାୱା ଦୁଃକ ପାଁନୁ । ଇନାକି ଦେସାତାୱା ଗାପ୍ଚି ଦୁଃକ ଅଟେ ଇ ଜାତି ଦଣ୍ଡ ପାଁନେ । 24ଆଟେ ଏୱାରିକି କଣ୍ଡା ଡ଼ାହି କାତିନେରି ଆଟେ ଗାସାନାହି ହାବେତ୍ ଅନଜିହୁଦିଙ୍ଗ୍ଇନ୍ଦା ଅୱାଆନେରି, ଆଟେ ଅନଜିହୁଦିଙ୍ଗ୍ତି ଦିନା ୱିହେଟେଃଏ ଜିରୁସାଲମ ଏୱାର୍ତି କାଟ୍କା ନେତେ ବାସାଆନେ ।
କୁଏଞ୍ଜ୍ ମ୍ରିଃଏଞ୍ଜ୍ତି ରିହିକ୍ ୱାଅନ୍
(ମାତିଉ ୨୪:୨୯–୩୧; ମାର୍କ ୧୩:୨୪–୨୭)
25 #
ପ୍ରକା ୬:୧୨,୧୩ ଆଟେ ୱେଲା, ଡାଁଞ୍ଜୁ ଅଟେ ସୁକାଙ୍ଗ୍ତି ରୁକା ହୁଡ଼ନ୍ ଆନେ, ଆଟେ ପୁର୍ତିତି ଜାତି କୁଃଏଟି ବିହାନପୁ ୱାନେ, ସାମ୍ନ୍ଦେର୍ ଅଟେ ଲହଡ଼ା ଗାର୍ଜନ୍ତି ହାଦ୍ଦା ବାଗାଟି ଏୱାର୍ତି ବୁଦ୍ଦିଏଲୁ ମ୍ରାଙ୍ଗିନେ, 26ଆଟେ ପୁର୍ତି କୁଃଏଟି ୱାଇନି ହାବେତ୍ ଡୁଣ୍ଡେଲ୍ କାଚାନାହି ଦାଲ୍ଲା ଆଜ୍ଜିନେରି, ଇନାକି ଜାଗ୍ଗୁ ମୁଲ୍ଡେଞ୍ଜ୍ତି ବଲ ହାବେ କଲିବିଲି ଆନେ । 27#ପ୍ରକା ୧:୭ଏଚିତୁକାତାୱା ଦାଲ୍ଲା କୁଏଞ୍ଜ୍ ମ୍ରିଃଏଞ୍ଜିକି ଗାପ୍ଚି ବଲ ଅଟେ ମହିମାଟି ଜାଗ୍ଗୁ ମୁଲ୍ଡେଞ୍ଜ୍ତାୱା ୱାଅନ୍ତାଦା ହୁଡ଼ିନେରି 28ମତ୍ର ଇ ହାବେତ୍ ଡୁଣ୍ଡେଲ୍ ମ୍ରାନ୍ଦିତେସି ମିରୁ ତ୍ଲାଉ ଡେସାନାହି ୱାନ୍ଦା ମେହ୍ଦୁ, ଇନାକି ମି କୁଲ୍ପା ଦିନା ଟାକ୍କେ ଆତେ ।
ତଗା ମ୍ରାନୁତାୱାଟି ଗ୍ରାମ୍ବନି
(ମାତିଉ ୨୪:୩୨–୩୫; ମାର୍କ ୧୩:୨୮–୩୧)
29ଆଟେ ଜିସୁ ଏୱାରିକି ରଣ୍ଡା ତୁକାଙ୍ଗାତା ୱେସ୍ତେଞ୍ଜି, “ତଗା, ଆଟେ ହାବେତ୍ ମ୍ରାକା କୁଲାଟି ଏଲୁ କିଦୁ ।” 30ଏଚ୍ଚିକିଃଆ ଏ ମ୍ରାକାତାୱା କ୍ଡଗି ଆକା ହପିନ୍ନୁ, ଏଚିତୁକାତାୱା ଏଦା ହୁଡ଼ାନ୍ କାର୍ରା ତୁକା ୱାତେ ଇଞ୍ଜାନ୍ ମାରୁ ପୁଞ୍ଜିନ୍ନା; 31ଏହେଙ୍ଗିସି ମିରୁ ୱାଡ଼େ ଇ ହାବେତ୍ ଡୁଣ୍ଡେଲ୍ ହୁଡ଼ିତେସି ମୁଲାପେନୁତି ରାଜି ଜେ, ରେଃଏସ୍ ଏତାତେ, ଇଦା ପୁଞ୍ଜୁ ।
32ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ହାବେତ୍ ଡୁଣ୍ଡେଲ୍ ଆଃଆନ୍ ଟିକ୍ନା ଇ ହାଦାଡ଼୍ତି ଇ ଦାଲ୍ଲା ଇନ୍ନିୱାହୁ ୱାଡ଼େ ନାହେଡ୍ ଆଃଏରି । 33ଜାଗ୍ଗୁ ଅଟେ ପୁର୍ତି ନାହେଡ୍ ଆନେ, ମତ୍ର ନା ବାକ୍ୟ ଏଚ୍ଚେକ୍ୱାଡ଼େ ନାହେଡ୍ ଆଃଏ ।
ହାମ୍ୱେର୍ ଆନ୍ ମାନ୍ବନ୍ ଆବସକ
34ମତ୍ର ମିରୁ ମି ମି କୁଲାଟି ଜାଗ୍ରତ ଆନ୍ ମାଞ୍ଜୁ; ମିରୁ କାଲୁ ଉଣ୍ଡାନାହି ପାଞ୍ଜାନ୍ ବାସାଆଃଆଟୁ, ଆଟେ ମି ପରନ୍ତାୱା ଚିନ୍ତାଟି ମୁଞ୍ଜାନ୍ ବାସାଆଃଆଟୁ, ଇନାକି ଏ ୱିହାନ୍ଦୁକା ଏଚିୱାଡ଼େ ମି ଟାକ୍କେ ଏତାନେ; 35ଏ ଦିନା ପୁର୍ତିତି ହାବେତ୍ ଦାଲ୍ଲା ବାଗାଟି ସ୍ରୁହୁଡ଼୍ ଡେହେଙ୍ଗ୍ ଆନ୍ ୱାନେ । 36ମତ୍ର ମିରୁ ଇନିସ୍କି ଇ ହାବେ ୱାଇନି ଡୁଣ୍ଡେଲ୍ତାୱାଟି ନିମ୍ବନ୍ ବାଗାଟି ଆଟେ କୁଏଞ୍ଜ୍ ମ୍ରିଃଏଞ୍ଜି ନକେସି ଡିଡ୍ଡନ୍ ମୁଦେରି, ଏଦାବାଗା ଦିନାଙ୍ଗେଃଏ ପ୍ରାତ୍ନା କିଆନାହି କାଚାନ୍ ମାଞ୍ଜୁ ।
37 #
ଲୁକ ୧୯:୪୭
ଜିସୁ ହାବେ ଦିନା ମନ୍ଦିରତାୱା ଗ୍ରାପେଚ୍ଚେଞ୍ଜି, ଆଟେ ଦିନାଙ୍ଗେଃଏ ଡାଡ଼ିଙ୍ଗ୍ ହାଜ୍ଜାନାହି ଜିତ ହରୁତାୱା ମାଞ୍ଜିଚ୍ଚେଞ୍ଜି । 38ଆଟେ ହାବେ ଦାଲ୍ଲା ଜିରୁସାଲମ ମନ୍ଦିରତାୱା ଏୱାଞ୍ଜ୍ତି ଗ୍ରାପା ୱେନ୍ବନ୍ ବାଗାଟି ଡାଃଏସେଃଏ ଏୱାଞ୍ଜ୍ ଟାକ୍କେ ୱାଇଚ୍ଚେରି ।
Iliyochaguliwa sasa
ଲୁକ 21: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 21
21
ୱାଟ୍ଟାଗାଟାଦ୍ତି ଦାନ
(ମାର୍କ ୧୨:୪୧–୪୪)
1ଏମ୍ବାଟି ଜିସୁ ଗୁଞ୍ଜେର୍ ମେହାନ୍ ଦନିଗାଟାରିକି ଦାନ ହାକୁସ୍ତାୱା ଦାନ ହିଚ୍ଚାଦାଃଆ ହୁଡ଼ିତେଞ୍ଜି । 2ଆଟେ ଏୱାଞ୍ଜି ରଣ୍ଡି ହାକ୍କିଗାଟି ୱାଟ୍ଟାଗାଟାଦି ରିଣ୍ଡା ତମ୍ବା ଟାକ୍କାଙ୍ଗ୍ ଦାନ ହିଚ୍ଚାଦାଃଆ ହୁଡ଼ାନ୍ ୱେସ୍ତେଞ୍ଜି, 3ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ହାକ୍କିଗାଟି ୱାଟ୍ଟାଗାଟାଦି ହାବେ ଦାଲ୍ଲାତାୱାଟି ଏଗେଲ୍ ଦାନ ହିତେ, 4ଇନାକି ଦନିଗାଟାରି ହାବେ ତା ତା ହାରାଚ୍ଚି ଦନଟି ହାକୁସ୍ତାୱା ହିତେ ହିତେ ଦାନ ହିତେରି, ମତ୍ର ଇ ହାକ୍କିଗାଟି ୱାଟ୍ଟାଗାଟାଦି ତା ନିମ୍ବନ୍ ବାଗା ମାଚ୍ଚି ଦନ ହାବେ ହିତେ ।
ଜିସୁ ଜିରୁସାଲମ ମନ୍ଦିର ନାହେଡ୍ ଆଅନ୍ତି କୁଲାଟି ୱେସ୍ପନ୍
(ମାତିଉ ୨୪:୧–୨; ମାର୍କ ୧୩:୧–୨)
5ଆଟେ ଏଚ୍ଚେ ଦାଲ୍ଲା ଗ୍ରାମ୍ୱାଗାଟାରି ଇ ମନ୍ଦିର ଇଚ୍ଚେ ଆଡି ଆଡିତି ୱାଲ୍ଲିଙ୍ଗ୍ ଡ଼ାହି ଅଟେ ଦାର୍ମୁ ବାଗାଟି ଦାନ ହିଆନ୍ନି କୁଲାଟି ଏଗେଲ୍ ଆଡାନ୍ ତଞ୍ଜେନ୍ନେ ଇଞ୍ଜାନ୍ କାତାବାର୍ତା ଆଇଚ୍ଚାୱିଃଆଟି ଜିସୁ ୱେସ୍ତେଞ୍ଜି, 6ମିରୁ ଇଦିମ୍ୱା ଇନ୍ନା ହାବେ ହୁଡ଼େଞ୍ଜେରି, ଦିନା ୱାନେ, ଏଚ୍ଚିକିଃଆ ରଣ୍ଡି ୱାଲ୍ଲି ଆଟେ ବିହି ୱାଲ୍ଲି କୁଃଏଟି ବାସାଆଃଏ, ହାବେ ନାହେଡ୍ ଆନୁ ।
ୱିହାନ୍ଦୁକାତି ତୁର୍ରି
(ମାତିଉ ୨୪:୩–୧୪; ମାର୍କ ୧୩:୩–୧୩)
7ଏମ୍ବାଟି ଏୱାରି ଜିସୁନିକି ୱେଚ୍ଚେରି, “ଏ ଗ୍ରାପାଗାଟାତି, ଏହେଙ୍ଗ୍ ଆତେସି ଇଦି ହାବେ ଏଚ୍ଚେକ୍ ଆନେ ? ଆଟେ ଇମ୍ୱିନ୍ ଦିନାତାୱା ଇ ହାବେ ଡୁଣ୍ଡେଲ୍ ରେଃଏସ୍ ୱାନେ, ଏ ଦିନାତି ତୁର୍ରି ଇନ୍ନାଦି ?” 8ଏମ୍ବାଟି ଏୱାଞ୍ଜି ୱେସ୍ତେଞ୍ଜି, “ନେହେନ୍ ବାସାଆଦୁ, ମିରୁ କଲତାୱା ଦିଃଆଟୁ; ଇନାକି ନା ପାରୁଟି ୱାନାହି, ନାନୁ ଏୱାତାନୁ ଅଟେ ଦିନା ଟାକ୍କେନେଃଏ ଇଞ୍ଜାନ୍ ୱେସ୍ତାନେରି; ଏୱାର୍ ବେତଟ୍ ହାଃଲ୍ଲାଟୁ । 9ମତ୍ର ମିରୁ ଏଚ୍ଚିକିଃଆ ଜୁଜ୍ଜି ଆଅନ୍ତି କୁଲା ଅଟେ ହିଲାଗଲି ଆଅନ୍ତି ଗଜେଲ୍ ୱେଞ୍ଜେରି, ଏ ତୁକାତାୱା ମିରୁ ଆଃଜ୍ଜାଟୁ; ଇନାକି ଇ ହାବେ କାତା କାହେନେଃଏ ଗଟି ଆନେ, ମତ୍ର ଏଚିୱାଡ଼େ ଦିନା ୱିଃହେଏ ।”
10ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ଜାତି ବିରୁଦିଆଟି ଜାତି ଅଟେ ରାଜି ବିରୁଦିଆଟି ରାଜି ନିଙ୍ଗିନେ, 11ଆଟେ ଗାପ୍ଚି ୱିର୍ରା ତ୍ରେଗନ୍ ଅଟେ ବିହି ବିହି ଗର୍ରିତାୱା ମର୍ଡି ଅଟେ କାରି ଆନେ, ଆଟେ ଜାଗ୍ଗୁତାୱା ଆଚ୍ଚି ଡେହେଙ୍ଗ୍ତି କୁଲା ଅଟେ ବେର୍ ବେର୍ ରୁକା ହୁଡ଼ନ୍ ଆନେ । 12ମତ୍ର ଇ ହାବେତ୍ ଡୁଣ୍ଡେଲ୍ ଆଃଆନ୍ କାହେ ଦାଲ୍ଲା ମିଙ୍ଗେ ଆହ୍ତାନେରି ଆଟେ ହାଜା ଇଡ୍ଡୁ ଅଟେ ବନ୍ଦି ଇଡ୍ଡୁତାୱା ମିଙ୍ଗେ ସର୍ପି କିଆନାହି କସ୍ଟ ହିଆନେରି, ନା ପାରୁ ବାଗାଟି ମିଙ୍ଗେ ରାଜେଞ୍ଜି ଅଟେ ଆକୁଡ଼୍ କିଅନ୍ତାରି ନକେସି ଅଦାନେରି; 13ମତ୍ର ଇଦି ନା କୁଲାଟି ୱେସ୍ପନ୍ ବାଗା ମିପେଟି ଆନ୍ ମି ବାଗା ସାକି ଆନେ । 14#ଲୁକ ୧୨:୧୧,୧୨ଆଟେ ଇନ୍ନା ୱେସ୍ଦେରି, ଏ କୁଲାଟି କାହେନେଃଏ ଏଲୁ କିଃଆନ୍ ବାଗା ମି ମି ଏଲୁତାୱା ରଞ୍ଜି କିଦୁ; 15ଇନାକି ନାନୁ ମିଙ୍ଗେ ଇହିଙ୍ଗିସି ବାକ୍ୟ ଅଟେ ଗ୍ୟାଁନ ହିଆ ଜେ, ମି ସତ୍ରୁ ଦାଲ୍ଲା ହାବେ ବିରୁଦି କିଅନ୍ ମୁତାଦାଃଏରି । 16ମତ୍ର ମି ଇୟାଆବା, ଆମ୍ୱେସାଙ୍ଗା, ମି ଦାଲ୍ଲା ଆଟେ ହଡ଼୍ଗିନାରିନେଃଏ ମିଙ୍ଗେ ସର୍ପି କିଆନେରି, ଆଟେ ମି ଦାଲ୍ଲା ତାୱାଟି ଇନ୍ଦା ଇନ୍ଦାରିକି ଆତେସ୍ ପାଗିନେରି, 17ଆଟେ ନା ପାରୁ ବାଗାଟି ହାବେତାରି ମିଙ୍ଗେ ସ୍ରିଞ୍ଜାଦାନେରି । 18ମତ୍ର ମି ତ୍ଲାଉତି ରଣ୍ଡି ତ୍ଲାଏର୍ ୱାଡ଼େ ନାହେଡ୍ ଆଃଏ; 19ମତ୍ର ଦର୍ଜ୍ୟ ଡ଼ାହି ମିରୁ ମି ପରନ୍ତିଦି ନିପ୍ଦେରି ।”
ଜିସୁ ଜିରୁସାଲମ ନାହେଡ୍ ଆଅନ୍ତି କୁଲାଟି ୱେସ୍ପନ୍
(ମାତିଉ ୨୪:୧୫–୨୧; ମାର୍କ ୧୩:୧୪–୧୯)
20ମତ୍ର ମିରୁ ଏଚ୍ଚିକିଃଆ ଜିରୁସାଲମତିଦି ସିପେଙ୍ଗ୍ ଡ଼ାହି ଗ୍ରୁଚାନ୍ନାଦାଃଆ ହୁଡ଼ିଦେରି, ଏଚିତୁକାତାୱା ଏଦି କାର୍ବେକ୍ ନାହେଡ୍ ଆଅନ୍ତିକି ହାଜ୍ଜିନ୍ନେ, ଇଦା ପୁଞ୍ଜୁ । 21ଏଚିତୁକାତାୱା ଏମ୍ବେନାରି ଜିହୁଦା ଦେସାତାୱା ମାଞ୍ଜିନ୍ନେରି, ଏୱାରି ନିଜ୍ଜାନେଃଏ ହରୁ ଡ଼ିପେ ଡେହାକାରି; ଆଟେ ଏମ୍ବେନାରି ଗାଡ଼ାନାସ୍କାତାୱା ମାଞ୍ଜିନ୍ନେରି, ଏୱାରି ନିଜ୍ଜାନେଃଏ ନାସ୍କା ପିହାନ୍ ଡେହାକାରି; ଆଟେ ଏମ୍ବେନାରି ଡଟି ନାସ୍କାତାୱା ମାଞ୍ଜିନ୍ନେରି, ଏୱାରି ନିଜ୍ଜାନେଃଏ ଗାଡ଼ାନାସ୍କାତାୱା ହଃଲାକାରି; 22ଇନାକି ଦର୍ମପୁତିତାୱା ୱ୍ରିଗାଆନ୍ନି କୁଲା ହାବେ ଲେର୍ ଆଅନ୍ ବାଗାଟି ଏଦି ହାବେ ଦଣ୍ଡତି ଦିନା ମାନ୍ନେ । 23ଏଚିତୁକାତାୱା ଏମ୍ବେନାଃଆ ଟୁଟୁ ମାନ୍ନୁ ଅଟେ ରାଙ୍ଗୁ ଉଟ୍ପିନ୍ନୁ, ହାୟ, ଏୱା ଏଚିତୁକାତାୱା ଦୁଃକ ପାଁନୁ । ଇନାକି ଦେସାତାୱା ଗାପ୍ଚି ଦୁଃକ ଅଟେ ଇ ଜାତି ଦଣ୍ଡ ପାଁନେ । 24ଆଟେ ଏୱାରିକି କଣ୍ଡା ଡ଼ାହି କାତିନେରି ଆଟେ ଗାସାନାହି ହାବେତ୍ ଅନଜିହୁଦିଙ୍ଗ୍ଇନ୍ଦା ଅୱାଆନେରି, ଆଟେ ଅନଜିହୁଦିଙ୍ଗ୍ତି ଦିନା ୱିହେଟେଃଏ ଜିରୁସାଲମ ଏୱାର୍ତି କାଟ୍କା ନେତେ ବାସାଆନେ ।
କୁଏଞ୍ଜ୍ ମ୍ରିଃଏଞ୍ଜ୍ତି ରିହିକ୍ ୱାଅନ୍
(ମାତିଉ ୨୪:୨୯–୩୧; ମାର୍କ ୧୩:୨୪–୨୭)
25 #
ପ୍ରକା ୬:୧୨,୧୩ ଆଟେ ୱେଲା, ଡାଁଞ୍ଜୁ ଅଟେ ସୁକାଙ୍ଗ୍ତି ରୁକା ହୁଡ଼ନ୍ ଆନେ, ଆଟେ ପୁର୍ତିତି ଜାତି କୁଃଏଟି ବିହାନପୁ ୱାନେ, ସାମ୍ନ୍ଦେର୍ ଅଟେ ଲହଡ଼ା ଗାର୍ଜନ୍ତି ହାଦ୍ଦା ବାଗାଟି ଏୱାର୍ତି ବୁଦ୍ଦିଏଲୁ ମ୍ରାଙ୍ଗିନେ, 26ଆଟେ ପୁର୍ତି କୁଃଏଟି ୱାଇନି ହାବେତ୍ ଡୁଣ୍ଡେଲ୍ କାଚାନାହି ଦାଲ୍ଲା ଆଜ୍ଜିନେରି, ଇନାକି ଜାଗ୍ଗୁ ମୁଲ୍ଡେଞ୍ଜ୍ତି ବଲ ହାବେ କଲିବିଲି ଆନେ । 27#ପ୍ରକା ୧:୭ଏଚିତୁକାତାୱା ଦାଲ୍ଲା କୁଏଞ୍ଜ୍ ମ୍ରିଃଏଞ୍ଜିକି ଗାପ୍ଚି ବଲ ଅଟେ ମହିମାଟି ଜାଗ୍ଗୁ ମୁଲ୍ଡେଞ୍ଜ୍ତାୱା ୱାଅନ୍ତାଦା ହୁଡ଼ିନେରି 28ମତ୍ର ଇ ହାବେତ୍ ଡୁଣ୍ଡେଲ୍ ମ୍ରାନ୍ଦିତେସି ମିରୁ ତ୍ଲାଉ ଡେସାନାହି ୱାନ୍ଦା ମେହ୍ଦୁ, ଇନାକି ମି କୁଲ୍ପା ଦିନା ଟାକ୍କେ ଆତେ ।
ତଗା ମ୍ରାନୁତାୱାଟି ଗ୍ରାମ୍ବନି
(ମାତିଉ ୨୪:୩୨–୩୫; ମାର୍କ ୧୩:୨୮–୩୧)
29ଆଟେ ଜିସୁ ଏୱାରିକି ରଣ୍ଡା ତୁକାଙ୍ଗାତା ୱେସ୍ତେଞ୍ଜି, “ତଗା, ଆଟେ ହାବେତ୍ ମ୍ରାକା କୁଲାଟି ଏଲୁ କିଦୁ ।” 30ଏଚ୍ଚିକିଃଆ ଏ ମ୍ରାକାତାୱା କ୍ଡଗି ଆକା ହପିନ୍ନୁ, ଏଚିତୁକାତାୱା ଏଦା ହୁଡ଼ାନ୍ କାର୍ରା ତୁକା ୱାତେ ଇଞ୍ଜାନ୍ ମାରୁ ପୁଞ୍ଜିନ୍ନା; 31ଏହେଙ୍ଗିସି ମିରୁ ୱାଡ଼େ ଇ ହାବେତ୍ ଡୁଣ୍ଡେଲ୍ ହୁଡ଼ିତେସି ମୁଲାପେନୁତି ରାଜି ଜେ, ରେଃଏସ୍ ଏତାତେ, ଇଦା ପୁଞ୍ଜୁ ।
32ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ହାବେତ୍ ଡୁଣ୍ଡେଲ୍ ଆଃଆନ୍ ଟିକ୍ନା ଇ ହାଦାଡ଼୍ତି ଇ ଦାଲ୍ଲା ଇନ୍ନିୱାହୁ ୱାଡ଼େ ନାହେଡ୍ ଆଃଏରି । 33ଜାଗ୍ଗୁ ଅଟେ ପୁର୍ତି ନାହେଡ୍ ଆନେ, ମତ୍ର ନା ବାକ୍ୟ ଏଚ୍ଚେକ୍ୱାଡ଼େ ନାହେଡ୍ ଆଃଏ ।
ହାମ୍ୱେର୍ ଆନ୍ ମାନ୍ବନ୍ ଆବସକ
34ମତ୍ର ମିରୁ ମି ମି କୁଲାଟି ଜାଗ୍ରତ ଆନ୍ ମାଞ୍ଜୁ; ମିରୁ କାଲୁ ଉଣ୍ଡାନାହି ପାଞ୍ଜାନ୍ ବାସାଆଃଆଟୁ, ଆଟେ ମି ପରନ୍ତାୱା ଚିନ୍ତାଟି ମୁଞ୍ଜାନ୍ ବାସାଆଃଆଟୁ, ଇନାକି ଏ ୱିହାନ୍ଦୁକା ଏଚିୱାଡ଼େ ମି ଟାକ୍କେ ଏତାନେ; 35ଏ ଦିନା ପୁର୍ତିତି ହାବେତ୍ ଦାଲ୍ଲା ବାଗାଟି ସ୍ରୁହୁଡ଼୍ ଡେହେଙ୍ଗ୍ ଆନ୍ ୱାନେ । 36ମତ୍ର ମିରୁ ଇନିସ୍କି ଇ ହାବେ ୱାଇନି ଡୁଣ୍ଡେଲ୍ତାୱାଟି ନିମ୍ବନ୍ ବାଗାଟି ଆଟେ କୁଏଞ୍ଜ୍ ମ୍ରିଃଏଞ୍ଜି ନକେସି ଡିଡ୍ଡନ୍ ମୁଦେରି, ଏଦାବାଗା ଦିନାଙ୍ଗେଃଏ ପ୍ରାତ୍ନା କିଆନାହି କାଚାନ୍ ମାଞ୍ଜୁ ।
37 #
ଲୁକ ୧୯:୪୭
ଜିସୁ ହାବେ ଦିନା ମନ୍ଦିରତାୱା ଗ୍ରାପେଚ୍ଚେଞ୍ଜି, ଆଟେ ଦିନାଙ୍ଗେଃଏ ଡାଡ଼ିଙ୍ଗ୍ ହାଜ୍ଜାନାହି ଜିତ ହରୁତାୱା ମାଞ୍ଜିଚ୍ଚେଞ୍ଜି । 38ଆଟେ ହାବେ ଦାଲ୍ଲା ଜିରୁସାଲମ ମନ୍ଦିରତାୱା ଏୱାଞ୍ଜ୍ତି ଗ୍ରାପା ୱେନ୍ବନ୍ ବାଗାଟି ଡାଃଏସେଃଏ ଏୱାଞ୍ଜ୍ ଟାକ୍କେ ୱାଇଚ୍ଚେରି ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0