ଲୁକ 23
23
ପିଲାତ ନକେସ୍ ଜିସୁ
(ମାତିଉ ୨୭:୧–୨,୧୧–୧୪; ମାର୍କ ୧୫:୧–୫; ଜହନ ୧୮:୨୮–୩୮)
1ଡେଗ୍ଗା ବିଚାର ସବାତାୱା ମାଚ୍ଚି ଜିହୁଦି ଦାଲ୍ଲାତି ଗାମିନାରି ହାବେ ନିଙ୍ଗାନାହି ଜିସୁନିକି ପିଲାତ#୨୩:୧ ପିଲାତ ଆଇନ୍ନେଞ୍ଜି ରୁମିୟତି ରାଜ୍ୟପାଲ ଟାକ୍କେ ଅତେରି । 2ଆଟେ ଏୱାରି ଏୱାଞ୍ଜ୍ତି ବିରୁଦିଆଟି ଅଡ୍ଡାନାହି ୱେସ୍ପନ୍ ମ୍ରାସ୍ତେରି, “ମାମୁ ହୁଡ଼ିତାମୁ, ଇ କୁଏଞ୍ଜି ମା ଜାତିତାୱା ରାଜେଞ୍ଜ୍ତି ବିରୁଦି କିୱିକିଞ୍ଜାନ୍ନେଞ୍ଜି, ଆଟେ #୨୩:୨ କାଇସର ଆଇନ୍ନେଞ୍ଜି ରୁମିୟ ସମ୍ରାଟକାଇସରନିକି ସିସ୍ଟୁ ହିଅନ୍ ବାଗା ଆଃଏ କିଞ୍ଜାନେଞ୍ଜି ଅଟେ ତା ଗାଣ୍ଡି ନାନୁ କ୍ରିସ୍ଟ ଅଟେ ରାଜେଞ୍ଜି ଇଞ୍ଜାନ୍ ୱେସ୍ପିନ୍ନେଞ୍ଜି ।”
3ଏଦାକି ପିଲାତ ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜିହୁଦିଙ୍ଗ୍ତି ରାଜେଞ୍ଜାତି?” ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, “ନିନୁ ତ ୱେସ୍ପିଞ୍ଜି ।” 4ଏମ୍ୱାଟି ପିଲାତ ଗାମିନ୍ ଜାଜକଙ୍ଗ୍ନିକି ଅଟେ ଦାଲ୍ଲାନିକି ୱେସ୍ତେଞ୍ଜି, “ନାନୁ ଇ କୁଏଞ୍ଜ୍ତାୱାଟି ଇନ୍ନି ଦୁସ ୱାଡ଼େ ପାଁଣ୍ଡେହେଃଲ୍ଲାନୁ ।” 5ମତ୍ର ଏୱାରି ଆଟେ ୱାଡ଼େ ମାଞ୍ଜାଟି ୱେସ୍ପନ୍ ମ୍ରାସ୍ତେରି, “ଇ ହାବେତ୍ ଜିହୁଦା ରାଜିତାୱା ଗ୍ରାପ୍ଚାନ୍ ଗାଲିଲିତାୱାଟି ମ୍ରାସାନାହି ଇ ଗର୍ରି ଟିକ୍ନା ଦାଲ୍ଲାନିକି କ୍ରଟ୍ପେନ୍ନେଞ୍ଜି ।”
ଜିସୁନିକି ହେରଦ ରେଃଏସ୍ ପାଣ୍ଡନ୍
6ମତ୍ର ପିଲାତ ଇଦା ୱେଞ୍ଜାନାହି ୱେଚ୍ଚେଞ୍ଜି, “ଇ କୁଏଞ୍ଜି ଇନ୍ନା ରଃଅଞ୍ଜି ଗାଲିଲିତାଞ୍ଜି ?” 7ଆଟେ ଏୱାଞ୍ଜି ହେରଦତି ହକତ୍ତାୱା ମାନ୍ନେଞ୍ଜି, ଇଦା ପୁଞ୍ଜାନାହି ଏୱାଞ୍ଜିକି ହେରଦ ରେଃଏସ୍ ପାଣ୍ଡିତେଞ୍ଜି, ଇନାକି ହେରଦ ୱାଡ଼େ ଏଚିତୁକାତାୱା ଜିରୁସାଲମତାୱା ମାଚ୍ଚେଞ୍ଜି । 8ହେରଦ ଜିସୁନିକି ହୁଡ଼ାନାହି ଏଗେଲ୍ ରାହାଙ୍ଗ୍ ଆତେଞ୍ଜି, ଇନାକି ଏୱାଞ୍ଜି ଏୱାଞ୍ଜ୍ତି କୁଲାଟି ୱେଞ୍ଜାଚ୍ଚାୱିଃଆଟି ଏୱାଞ୍ଜିକି କାହେଟେଃଏ ହୁଡ଼ନ୍ ବାଗା ଗାପ୍ଚି ଇଚ୍ଚା କିଚ୍ଚେଞ୍ଜି, ଆଟେ ଜିସୁତାୱାଟି ଆକ୍କାବାଡ଼ାଙ୍ଗ୍ତି କାମା କିଅନ୍ତାଦା ହୁଡ଼ନ୍ତିକି ଆସା କିଚ୍ଚେଞ୍ଜି । 9ଏଦାକି ହେରଦ ଏୱାଞ୍ଜିକି ଏଗେଲ୍ କାତା ୱେନ୍ବନ୍ ମ୍ରାସ୍ତେଞ୍ଜି, ମତ୍ର ଏୱାଞ୍ଜି ତାଙ୍ଗେ ଇନ୍ନି କାତା ୱେଃସାତେଞ୍ଜି । 10ଆଟେ ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଡିଡ୍ଡାନାହି ଏୱାଞ୍ଜ୍ତି ବିରୁଦିଆଟି ଗାପ୍ଚି କାତା ୱେସ୍ପନ୍ ମ୍ରାସ୍ତେରି । 11ଆଟେ ହେରଦ ତା ସିପେଙ୍ଗ୍ ଡ଼ାହି ଏୱାଞ୍ଜିକି ନିଗାଡ଼୍ ହୁଡ଼ାନ୍ ଗେରୁ କିଅନ୍ ବାଗା ମ୍ଲିସ୍ପିଚ୍ଚି ଅଙ୍ଗି ମେଦ୍ଦିକିଆନାହି ପିଲାତ ରେଃଏସ୍ ରିହିକ୍ ପାଣ୍ଡିତେଞ୍ଜି । 12ଏଚିୱେଲା ହେରଦ ଅଟେ ପିଲାତ ତଡ଼େ ରିଃଆରି ଆତେରି; ଇ କାହେ ତାରୁ ରିଃଆରି ସତ୍ରୁ ଆନାହି ମାଚ୍ଚେରି ।
ଜିସୁନିକି ହାଅନ୍ତି ଦଣ୍ଡ ହିଅନ୍
(ମାତିଉ ୨୭:୧୫–୨୬; ମାର୍କ ୧୫:୬–୧୫; ଜହନ ୧୮:୩୯; ୧୯:୧୬)
13ଏମ୍ୱାଟି ପିଲାତ ଗାମିନ୍ ଜାଜକଙ୍ଗ୍, ଜିହୁଦିଙ୍ଗ୍ତି ଗାମିନାରି ଅଟେ ଦାଲ୍ଲାନିକି ଆର୍ଚାନାହି ରପାଟ୍ଟେ କିଆନ୍ ଏୱାରିକି ୱେସ୍ତେଞ୍ଜି, 14ଇ କୁଏଞ୍ଜି ଦାଲ୍ଲାନିକି ବିରୁଦି କିୱିକିନ୍ନେଞ୍ଜି ଇଞ୍ଜାନାହି ମିରୁ ଇୱାଞ୍ଜିକି ନା ରେଃଏସ୍ ତାଚ୍ଚାଚ୍ଚେରି; ଆଟେ ହୁଡ଼ାଟୁ, ନାନୁ ମି ନକେସି ଇୱାଞ୍ଜିକି ୱେଞ୍ଜାନ୍, ଏୱାଞ୍ଜ୍ତି ବିରୁଦିଆଟି ମିରୁ ଇମ୍ୱିନ୍ କାତା ୱେସ୍ପିଞ୍ଜେରି, ଏହେଙ୍ଗିସିତି ଇନ୍ନି ଦୁସ ଇୱାଞ୍ଜ୍ତାୱାଟି ନାନୁ ପାଃନାତାନୁ । 15ହେରଦ ୱାଡ଼େ ଇୱାଞ୍ଜ୍ଟିଆଟି ଇନ୍ନି ଦୁସ ପାଁଣ୍ଡାହେଃଲ୍ଲେଞ୍ଜି, ଏଦାକି ଇୱାଞ୍ଜିକି ନା ରେଃଏସ୍ ରିହିକ୍ ପାଣ୍ଡିଦାତେଞ୍ଜି; ଆଟେ ହୁଡ଼ାଟୁ, ଇୱାଞ୍ଜି ହାଅନ୍ତି ଦଣ୍ଡ ପାଁନ୍ବନ୍ ଡେହେଙ୍ଗ୍ ଇନ୍ନି ଡ଼ଃଆନ୍ କାମା କିଆହେଃଲ୍ଲେଞ୍ଜି; 16ଏଦାବାଗା ମାରୁ ଇୱାଞ୍ଜିକି ହାପ୍କା #୨୩:୧୬ କରଡ଼ାଡେଙ୍ଗ ମାଡା ହିଆନାହି ପିହାହିନା । 17ଜିହୁଦିଙ୍ଗ୍ତି ରେହାଙ୍ଗ୍ ତୁକାତାୱା ଜିହୁଦିଙ୍ଗ୍ତି ହାଜୁ ଡେହେଙ୍ଗ୍ ଏୱାର୍ ବାଗା ରଃଅଞ୍ଜି ବନ୍ଦିଗାଟାଞ୍ଜିକି ପିହ୍ପା ଆଇଚ୍ଚେ । 18ମତ୍ର ଏୱାରି ହାବେତାରି ରଣ୍ଡା ଉକୁଡ଼ିଆଟି ଗାପ୍ଚି ଗଲି ଆନ୍ ୱେସ୍ତେରି, ଇୱାଞ୍ଜିକି ପାଗାଟୁ, ମା ବାଗା ବାରବ୍ବାନିକି ପିହାହିଆଟୁ । 19ଇ ବାରବ୍ବା ଗାଡ଼ାନାଜୁତାୱା ଚାହ୍ପି ୱେପି କିୱିକିଚ୍ଚେଞ୍ଜି ଅଟେ କୁଇଙ୍ଗ୍ନିକି ପାଗେଚ୍ଚି ବାଗା ତାଙ୍ଗେ ବନ୍ଦି ଇଡ୍ଡୁତାୱା ଇଟ୍ଟାଚ୍ଚେରି ।
20ମତ୍ର ପିଲାତ ଜିସୁନିକି କୁଲ୍ପନ୍ ବାଗା ଏଲୁ କିଆନାହି ଏୱାରିକି ଆଟେ ରିହିକ୍ ବୁଜ୍ଜେ କିତେଞ୍ଜି । 21ମତ୍ର ଏୱାରି ଏଗେଲ୍ ଗଲି ଆନାହି ୱେସ୍ପନ୍ ମ୍ରାସ୍ତେରି, “ଏୱାଞ୍ଜିକି କ୍ରୁସତାୱା ଏକ୍ଦୁ, କ୍ରୁସତାୱା ଏକ୍ଦୁ ।” 22ଆଟେ ପିଲାତ ଏୱାରିକି ମୁଅଲି ଟିକ୍ନା ୱେସ୍ତେଞ୍ଜି, ଇନ୍ନା ବାଗା, ଏୱାଞ୍ଜି ଇନ୍ନି ଦୁସ କିଆନ୍ନେଞ୍ଜି ? ନାନୁ ତା ପାଟ୍ଟି ହାଅନ୍ତି ଦଣ୍ଡ ହିଅନ୍ ବାଗା ଇନ୍ନି ଦୁସ ପାଁଣ୍ଡେହେଃଲ୍ଲାନୁ; ଏଦାବାଗା, ମାରୁ ତାଙ୍ଗେ ହାପ୍କା ଡେଙ୍ଗ ଡ଼ାହି ମାଡା ହିଆନାହି ପିହାହିନା । 23ମତ୍ର ଏୱାଞ୍ଜିକି କ୍ରୁସତାୱା ଏପ୍କା ଆପାକାଦି ଇଞ୍ଜାନ୍ ଏୱାରି ବେର୍ ଉକୁଡ଼ିଆଟି ଜିଦ୍ କିଆନ୍ ୱେସ୍ପନ୍ ମ୍ରାସ୍ତେରି, ଆଟେ ଏୱାର୍ ଗଲି ଆନ୍ ୱେସ୍ପନ୍ତାଦିନେଃଏ ଆତେ । 24ଆଟେ ଏୱାର୍ତି ଦାବା ଡେହେଙ୍ଗ୍ ଆପାକାଦି ଇଞ୍ଜାନାହି ପିଲାତ ଆଦେସ୍ ହିତେଞ୍ଜି । 25ମତ୍ର ଏମ୍ବେନାଞ୍ଜିକି ଚାହ୍ପି ୱେପି ଅଟେ କୁଇଙ୍ଗ୍ନିକି ପାଗାନାହି ବନ୍ଦି ଆଚ୍ଚି କୁଏଞ୍ଜିକି ଏୱାରି ପିହ୍ପନ୍ ବାଗା ୱେସ୍ତେରି, “ତାଙ୍ଗେ ପିଲାତ ପିହାହିତେଞ୍ଜି, ଆଟେ ଜିସୁନିକି ତା ଇଚ୍ଚା ଡେହେଙ୍ଗ୍ ସର୍ପି କିତେଞ୍ଜି ।”
ଜିସୁନିକି କ୍ରୁସତାୱା ପାଗନ୍
(ମାତିଉ ୨୭:୩୨–୪୪; ମାର୍କ ୧୫:୨୧–୩୨; ଜହନ ୧୯:୧୭–୨୭)
26ସିପେଙ୍ଗ୍ ଜିସୁନିକି ଅଇଚ୍ଚି ତୁକାତାୱା ଡଟିନାଜୁ ତାୱାଟି ୱାଇଚ୍ଚି ସିମନ ପାରୁଟି ରଃଅଞ୍ଜି କୁରିନିୟ ଗାଡ଼ାନାଜୁତି କୁଏଞ୍ଜିକି ଆହାନାହି ଜିସୁତି କ୍ରୁସ ଡେକି କିତେରି ।
27ଆଟେ ଗାପ୍ଚି ଦାଲ୍ଲା ୱାଡ଼େ ଜିସୁ ବେତଟ୍ ହାଜ୍ଜିଚ୍ଚେରି; ଏ ଦାଲ୍ଲାତାୱାଟି ଏଚ୍ଚେ ଦାଲ୍ଲା ଆଚାସ୍କା ଜିସୁ ବାଗା ହଡାଙ୍ଗ୍ ୱେଚି ୱେଚି ଡ଼ିଚ୍ଚୁ । 28ମତ୍ର ଜିସୁ ଏୱାଡ଼୍ଇନ୍ଦା ମ୍ଲିଆନ୍ ୱେସ୍ତେଞ୍ଜି, “ଏ ଜିରୁସାଲମତି ଆଚାସ୍କାନାତେରି, ନା ବାଗା ଡ଼ିଃଆଟୁ, ମତ୍ର ମି ବାଗା ଅଟେ ମି ମି ମ୍ରିକା, ମ୍ରାଗାସ୍କା ବାଗା ଡ଼ିଦୁ ।” 29ଇନାକି ହୁଡ଼ାଟୁ, ଏମ୍ୱେନାଃଆ ୱାଞ୍ଜାଗାଟା, ଆଟେ ଏମ୍ୱେନାଃଆ ଏଚ୍ଚେକ୍ୱାଡ଼େ ଟୁଟୁ ଆହେଃଲ୍ଲ ଅଟେ ରାଙ୍ଗୁ ଉଟ୍ଚାହେଃଲ୍ଲ, ଏୱାଡ଼ିକି ଦାଲ୍ଲା ଏଚ୍ଚିକିଃଆ ଦନ୍ୟ ଇଞ୍ଜାନାହି ୱେସ୍ନେରି, ଇହିଙ୍ଗିସିତି ଦିନା ୱାଇନେ । 30#ପ୍ରକା ୬:୧୬ଏଚିତୁକାତାୱା ଦାଲ୍ଲା ହର୍କାତିଦି ୱେସ୍ପନ୍ ମ୍ରାସ୍ନେରି, ମା କୁଃଏଟି ହେଗ୍ଦାଟୁ, ଆଟେ ଡଟି ହର୍କାତିଦି ୱେସ୍ନେରି, ମାଙ୍ଗେ ମୁଚ୍ଚି କିଆଟୁ । 31ଇନାକି ଦାଲ୍ଲା ଜଦି ହିଡି ମ୍ରାନୁତିଦି ଇହିଙ୍ଗିସି କିନ୍ନେରି, ଏହେଙ୍ଗ୍ ଆତେସି ୱାଚ୍ଚାନ୍ନି ମ୍ରାନୁତିଦି ଇନ୍ନି କୁଲା ଆଃଏ ?
32ଆଟେ ହାଅନ୍ତି ଦଣ୍ଡ ପାଁନ୍ବନ୍ ବାଗା ରିଃଆର୍ ଦୁସ୍ଟଗାଟାରିକି ୱାଡ଼େ ଏୱାଞ୍ଜ୍ ଡ଼ାହି ଆଟ୍ଚାନ୍ ଅଇଚ୍ଚେରି । 33ଆଟେ ଏୱାରି ଡାମ୍ୱେର୍#୨୩:୩୩ ଡାମ୍ୱେର୍ ଇଚ୍ଚେସି ଡାପାଲ୍ ୱାଡ଼େ ଇନ୍ମ୍ୱନ୍ ଆଇନେ ପାରୁତି ଗର୍ରିତାୱା ଏତି ଡେଗ୍ଗା ଏଦିମ୍ୱା ଏୱାଞ୍ଜିକି କ୍ରୁସତାୱା ଏକ୍ତେରି, ଆଟେ ଦୁସ୍ଟଗାଟାର୍ତାୱାଟି ରଃଅଞ୍ଜିକି ତିନ୍ନି କାଜ୍ଜୁ ଇନ୍ଦେଟ୍ ଆଟେ ରଃଅଞ୍ଜିକି ଗିଃଇ କାଜ୍ଜୁ ଇନ୍ଦେଟ୍ କ୍ରୁସତାୱା ଏକ୍ତେରି । 34ଏଚିତୁକାତାୱା ଜିସୁ ୱେସ୍ତେଞ୍ଜି, “ଆବା, ଇୱାରିକି ମାକ୍ସାଡ଼ି କିମୁ, ଇନାକି ଇୱାରି ଇନ୍ନା କିନ୍ନେରି, ଏଦା ପୁଞ୍ଜେହେଃଲ୍ଲେରି ।” ଆଟେ ଏୱାରି ଏୱାଞ୍ଜ୍ତି ହୁଚ୍ଚା ଜିରାଙ୍ଗ୍ ହାବେ ପାହ୍ପନ୍ ବାଗାଟି ଗୁଲ୍ଲିଙ୍ଗ୍ କିତେରି । 35ଆଟେ ଦାଲ୍ଲା ଡିଡ୍ଡାନ୍ ହୁଡ଼େଚ୍ଚେରି । ମତ୍ର ଗାମିନାରି ୱାଡ଼େ ଏୱାଞ୍ଜିକି ଏହେଙ୍ଗିସି ଗ୍ରେସାନାହି ୱେସ୍ପନ୍ ମ୍ରାସ୍ତେରି, “ଏୱାଞ୍ଜି ବିହି ଦାଲ୍ଲାନିକି ରକ୍ୟା କିତେଞ୍ଜି; ଏୱାଞ୍ଜି ଜଦି ମୁଲାପେନୁ ଆଚି କିଆନ୍ନି କ୍ରିସ୍ଟ, ଆତେସି ତା ଗାଣ୍ଡି ରକ୍ୟା କିପାକାଞ୍ଜି ।” 36ଆଟେ ସିପେଙ୍ଗ୍ ୱାଡ଼େ ଏୱାଞ୍ଜ୍ତି ରେଃଏସ୍ ୱାନ୍ କାପେଲ୍ ନିରୁ ହିଆନ୍ ଏୱାଞ୍ଜିକି ଗେରୁ କିଆନ୍ ୱେସ୍ତେରି, 37“ନିନୁ ଜଦି ଜିହୁଦି ଦାଲ୍ଲାତି ରାଜେଞ୍ଜି, ଏହେଙ୍ଗ୍ ଆତେସି ନି ଗାଣ୍ଡି ରକ୍ୟା କିମୁ ।” 38ଆଟେ ଏୱାଞ୍ଜ୍ତି ତ୍ଲାଉ କୁଃଏଟି କ୍ରୁସତାୱା ଇହିଙ୍ଗିସି ୱ୍ରିଗାଆଚ୍ଚେ, “ଇୱାଞ୍ଜି ଜିହୁଦି ଦାଲ୍ଲାତି ରାଜେଞ୍ଜି ।”
39ଆଟେ କ୍ରୁସତାୱା ଏକ୍ଚାଚ୍ଚି ଡ଼ଃଆନାରିତାୱାଟି ରଃଅଞ୍ଜି ଜିସୁନିକି ଅଡ୍ଡାନ୍ ୱେସ୍ପନ୍ ମ୍ରାସ୍ତେଞ୍ଜି, “ନିନୁ ଇନ୍ନା କ୍ରିସ୍ଟ ଆଃଏ ? ନି ଗାଣ୍ଡି ଅଟେ ମାଙ୍ଗେ ନିପ୍ତାମୁ ।” 40ମତ୍ର ବିହିତାଞ୍ଜି ତାଙ୍ଗେ ୱ୍ଲିଚାନାହି ୱେସ୍ତେଞ୍ଜି, “ନିନୁ ଟିକ୍ ଦଣ୍ଡ ପାଁଣ୍ଡିଞ୍ଜି, ନିନୁ ଇନ୍ନା ମୁଲାପେନୁନିକି ଆଜ୍ଜେହେଃଲ୍ଲାଆ ?” 41ଆଟେ ମାରୁ ପାଃଏନା ନିୟେ ଡେହେଙ୍ଗ୍ ଦଣ୍ଡ ପାଁଣ୍ଡିନ୍ନା, ଇନାକି ମାରୁ ମା ମା ଡ଼ଃଆନ୍ କାମା କିଆନ୍ନି ଡେହେଙ୍ଗ୍ ଦଣ୍ଡ ପାଁଣ୍ଡିନ୍ନା, “ମତ୍ର ଇ କୁଏଞ୍ଜି ଇନ୍ନି ଦୁସ କିଆ ହେଃଲ୍ଲେଞ୍ଜି ।” 42ଆଟେ ଏୱାଞ୍ଜି ୱେସ୍ତେଞ୍ଜି, “ଏ ଜିସୁ, ନିନୁ ନି ରାଜିଇନ୍ଦା ହାଚ୍ଚେସି ନାଙ୍ଗେ ଏଲୁ କିଆମୁ ।” 43ଏମ୍ୱାଟି ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନାନୁ ନିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ନିଞ୍ଜୁ ନିନୁ ନା ଡ଼ାହି ପାରଦିସତାୱା ବାସାଆଦି ।”
ଜିସୁତି ହାଅନ୍
(ମାତିଉ ୨୭:୪୫–୫୬; ମାର୍କ ୧୫:୩୩–୪୧; ଜହନ ୧୯:୨୮–୩୦)
44ଏଚିତୁକାତାୱା ବାଇକ୍ ବାର୍ଟା ଆଚ୍ଚେ, ଆଟେ ୱେଲା ଡୁମ୍ୱନେଃଏ ମୁ ଗଣ୍ଟା ଦେସା ହାବେ ଆନ୍ଦେର୍ ଆତେ । 45ଆଟେ ଜିରୁସାଲମ ମନ୍ଦିରତାୱା ଆଙ୍ଗାଚ୍ଚି ପରଦା ମାଦ୍ଦେ ରି ପାହେଡ଼୍ନା ଗେଞ୍ଜିତେ । 46ଆଟେ ଜିସୁ ଏଗେଲ୍ ଗଲି ଆନ୍ ୱେସ୍ତେଞ୍ଜି ଏ ଆବା, ନି କାଜ୍ଜୁତାୱା ନାନୁ ନା ଡିଙ୍ଗା ସର୍ପି କିଆତେଃଏ । ଏଦା ୱେସାନ୍ ଏୱାଞ୍ଜି ପରନ୍ ପିହ୍ତେଞ୍ଜି ।
47ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜି ଇଦା ହୁଡ଼ାନ୍ ମୁଲାପେନୁତି ମହିମା କିଆନାହି ୱେସ୍ତେଞ୍ଜି, “ନିଜ୍ଜାନେଃଏ ଇୱାଞ୍ଜି ଦାର୍ମିକ ମାଚ୍ଚେଞ୍ଜି ।”
48ଆଟେ ଇମ୍ୱିନ୍ ଦାଲ୍ଲା ହାବେ ହୁଡ଼ନ୍ ବାଗା ରପାଟ୍ଟେ ଆଚ୍ଚେରି, ଏୱାରି ହାବେତାରି ଏଦା ହୁଡ଼ାନାହି ଦୁଃକଟି ହଡାଙ୍ଗ୍ ୱେଚି ୱେଚି ୱ୍ଡେଚାନ୍ ହାଲ୍ବନ୍ ମ୍ରାସ୍ତେରି । 49#ଲୁକ ୮:୨,୩ମତ୍ର ତାଙ୍ଗେ ପୁଞ୍ଜାଚ୍ଚି ଦାଲ୍ଲା ହାବେ ଅଟେ ଗାଲିଲି ରାଜିତାୱା ରପାଟ୍ଟେ ଆଡ୍ଡାନାହି ଏୱାଞ୍ଜ୍ତି ବେତ ବେତଟ୍ ୱାଇଚ୍ଚି ଆଚାସ୍କା ଦେହାଟି ଡିଡ୍ଡାନାହି, ଇଦା ହାବେ ହୁଡ଼େଚ୍ଚୁ ।
ଜିସୁତି ଗ୍ରିପାଙ୍ଗୁଟି
(ମାତିଉ ୨୭:୫୭–୬୧; ମାର୍କ ୧୫:୪୨–୪୭; ଜହନ ୧୯:୩୮–୪୨)
50ଆଟେ ହୁଡ଼ାଟୁ, ଜିହୁଦି ଦାଲ୍ଲାତି ହାରାମାତିଆ ଗାଡ଼ାନାଜୁତି ଜସେପ ପାରୁଗାଟି ରଃଅଞ୍ଜି କୁଏଞ୍ଜି ବେର୍ ସବାତି ଗାମିନାଞ୍ଜି ମାଚ୍ଚେଞ୍ଜି; ଏୱାଞ୍ଜି ରଃଅଞ୍ଜି ନେହାଞ୍ଜି ଅଟେ ଦାର୍ମିକ କୁଏଞ୍ଜି, 51ଆଟେ ହାରାମାତିଆ ବିହି ଜିହୁଦି ଗାମିନାରିତି କ୍ରଟ୍ପାଙ୍ଗାତା ଅଟେ ଡ଼ଃଆନ୍ କାମାତାୱା ଆଡ୍ଡାହେଃଲ୍ଲାତେଞ୍ଜି, ଆଟେ ମୁଲାପେନୁତି ରାଜି ହୁଡ଼ନ୍ ବାଗା କାଚାନ୍ ମାଚ୍ଚେଞ୍ଜି । 52ଏୱାଞ୍ଜି ପିଲାତ ରେଃଏସ୍ ହାଜ୍ଜାନାହି ଜିସୁତି ହାତି ଗାଣ୍ଡି ୱ୍ରିହ୍ତେଞ୍ଜି, 53ଆଟେ ଜିସୁତି ହାତିଗାଣ୍ଡି ଜାପ୍ଚ୍ଚାନାହି ହୁକୁଲ୍ ଜିରା ଡ଼ାହି ମୁଚ୍ଚି କିଆନାହି, ଇମ୍ୱିନାୱାକି ଏମ୍ୱେ ଏଚ୍ଚେକ୍ ହାତି ଗାଣ୍ଡି କିଟ୍ଟାହେଃଲ୍ଲାତେରି ଏହେଙ୍ଗ୍ତି ରଣ୍ଡା #୨୩:୫୩ ଇଦା ହାତି ଗାଣ୍ଡିଙ୍ଗ୍ କିଟ୍ଟନ୍ ବାଗା ୱାଲ୍ଲିଙ୍ଗ୍ ହାଲୁ କ୍ଲେହା ଆନ୍ନି ଗର୍ରିଗ୍ରିପାଙ୍ଗୁଟିତାୱା ଜିସୁନିକି ଇଟ୍ଟିତେରି । 54ଏଚିୱେଲା ୱାହୁଜାମ୍ବା ବାଗା ହାମ୍ୱେର୍ ଆଅନ୍ତି ଦିନା ମାଚ୍ଚେ । ଆଟେ ୱାହୁଜାମ୍ବା ୱାରା ଟାକ୍କେ ଆଏସ୍ନା ୱାଇଚ୍ଚେ ।
55ଆଟେ ଗାଲିଲିତାୱାଟି ତା ଡ଼ାହି ୱାଚି ଆଚାସ୍କା ଗ୍ରିପାଙ୍ଗୁଟିଇନ୍ଦା ବେତ ବେତଟ୍ ହାଚ୍ଚୁ ଅଟେ ଏୱାଞ୍ଜ୍ତି ହାତି ଗାଣ୍ଡି ଇନିମିଡି ଇଟ୍ଟିତେରି, ଏଦା ହୁଡ଼ିତୁ ।
56ଆଟେ ଏୱା ୱ୍ଡେଚାନ୍ ହାଜ୍ଜାନାହି ନେହିଗାନ୍ଦା କୁଲା ଅଟେ ନିଜ୍ଜୁ ହାମ୍ୱେର୍ କିତୁ । ଆଟେ ଏୱା ୱାହୁଜାମ୍ବା ୱାରା ମାଚ୍ଚାୱିଃଆଟି ଏୱା ୱାହୁଜାମ୍ୱିତୁ, ଇନାକି ପୁତିତାୱା ହାଜୁ ମାଚ୍ଚେ ।
Iliyochaguliwa sasa
ଲୁକ 23: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 23
23
ପିଲାତ ନକେସ୍ ଜିସୁ
(ମାତିଉ ୨୭:୧–୨,୧୧–୧୪; ମାର୍କ ୧୫:୧–୫; ଜହନ ୧୮:୨୮–୩୮)
1ଡେଗ୍ଗା ବିଚାର ସବାତାୱା ମାଚ୍ଚି ଜିହୁଦି ଦାଲ୍ଲାତି ଗାମିନାରି ହାବେ ନିଙ୍ଗାନାହି ଜିସୁନିକି ପିଲାତ#୨୩:୧ ପିଲାତ ଆଇନ୍ନେଞ୍ଜି ରୁମିୟତି ରାଜ୍ୟପାଲ ଟାକ୍କେ ଅତେରି । 2ଆଟେ ଏୱାରି ଏୱାଞ୍ଜ୍ତି ବିରୁଦିଆଟି ଅଡ୍ଡାନାହି ୱେସ୍ପନ୍ ମ୍ରାସ୍ତେରି, “ମାମୁ ହୁଡ଼ିତାମୁ, ଇ କୁଏଞ୍ଜି ମା ଜାତିତାୱା ରାଜେଞ୍ଜ୍ତି ବିରୁଦି କିୱିକିଞ୍ଜାନ୍ନେଞ୍ଜି, ଆଟେ #୨୩:୨ କାଇସର ଆଇନ୍ନେଞ୍ଜି ରୁମିୟ ସମ୍ରାଟକାଇସରନିକି ସିସ୍ଟୁ ହିଅନ୍ ବାଗା ଆଃଏ କିଞ୍ଜାନେଞ୍ଜି ଅଟେ ତା ଗାଣ୍ଡି ନାନୁ କ୍ରିସ୍ଟ ଅଟେ ରାଜେଞ୍ଜି ଇଞ୍ଜାନ୍ ୱେସ୍ପିନ୍ନେଞ୍ଜି ।”
3ଏଦାକି ପିଲାତ ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜିହୁଦିଙ୍ଗ୍ତି ରାଜେଞ୍ଜାତି?” ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, “ନିନୁ ତ ୱେସ୍ପିଞ୍ଜି ।” 4ଏମ୍ୱାଟି ପିଲାତ ଗାମିନ୍ ଜାଜକଙ୍ଗ୍ନିକି ଅଟେ ଦାଲ୍ଲାନିକି ୱେସ୍ତେଞ୍ଜି, “ନାନୁ ଇ କୁଏଞ୍ଜ୍ତାୱାଟି ଇନ୍ନି ଦୁସ ୱାଡ଼େ ପାଁଣ୍ଡେହେଃଲ୍ଲାନୁ ।” 5ମତ୍ର ଏୱାରି ଆଟେ ୱାଡ଼େ ମାଞ୍ଜାଟି ୱେସ୍ପନ୍ ମ୍ରାସ୍ତେରି, “ଇ ହାବେତ୍ ଜିହୁଦା ରାଜିତାୱା ଗ୍ରାପ୍ଚାନ୍ ଗାଲିଲିତାୱାଟି ମ୍ରାସାନାହି ଇ ଗର୍ରି ଟିକ୍ନା ଦାଲ୍ଲାନିକି କ୍ରଟ୍ପେନ୍ନେଞ୍ଜି ।”
ଜିସୁନିକି ହେରଦ ରେଃଏସ୍ ପାଣ୍ଡନ୍
6ମତ୍ର ପିଲାତ ଇଦା ୱେଞ୍ଜାନାହି ୱେଚ୍ଚେଞ୍ଜି, “ଇ କୁଏଞ୍ଜି ଇନ୍ନା ରଃଅଞ୍ଜି ଗାଲିଲିତାଞ୍ଜି ?” 7ଆଟେ ଏୱାଞ୍ଜି ହେରଦତି ହକତ୍ତାୱା ମାନ୍ନେଞ୍ଜି, ଇଦା ପୁଞ୍ଜାନାହି ଏୱାଞ୍ଜିକି ହେରଦ ରେଃଏସ୍ ପାଣ୍ଡିତେଞ୍ଜି, ଇନାକି ହେରଦ ୱାଡ଼େ ଏଚିତୁକାତାୱା ଜିରୁସାଲମତାୱା ମାଚ୍ଚେଞ୍ଜି । 8ହେରଦ ଜିସୁନିକି ହୁଡ଼ାନାହି ଏଗେଲ୍ ରାହାଙ୍ଗ୍ ଆତେଞ୍ଜି, ଇନାକି ଏୱାଞ୍ଜି ଏୱାଞ୍ଜ୍ତି କୁଲାଟି ୱେଞ୍ଜାଚ୍ଚାୱିଃଆଟି ଏୱାଞ୍ଜିକି କାହେଟେଃଏ ହୁଡ଼ନ୍ ବାଗା ଗାପ୍ଚି ଇଚ୍ଚା କିଚ୍ଚେଞ୍ଜି, ଆଟେ ଜିସୁତାୱାଟି ଆକ୍କାବାଡ଼ାଙ୍ଗ୍ତି କାମା କିଅନ୍ତାଦା ହୁଡ଼ନ୍ତିକି ଆସା କିଚ୍ଚେଞ୍ଜି । 9ଏଦାକି ହେରଦ ଏୱାଞ୍ଜିକି ଏଗେଲ୍ କାତା ୱେନ୍ବନ୍ ମ୍ରାସ୍ତେଞ୍ଜି, ମତ୍ର ଏୱାଞ୍ଜି ତାଙ୍ଗେ ଇନ୍ନି କାତା ୱେଃସାତେଞ୍ଜି । 10ଆଟେ ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଡିଡ୍ଡାନାହି ଏୱାଞ୍ଜ୍ତି ବିରୁଦିଆଟି ଗାପ୍ଚି କାତା ୱେସ୍ପନ୍ ମ୍ରାସ୍ତେରି । 11ଆଟେ ହେରଦ ତା ସିପେଙ୍ଗ୍ ଡ଼ାହି ଏୱାଞ୍ଜିକି ନିଗାଡ଼୍ ହୁଡ଼ାନ୍ ଗେରୁ କିଅନ୍ ବାଗା ମ୍ଲିସ୍ପିଚ୍ଚି ଅଙ୍ଗି ମେଦ୍ଦିକିଆନାହି ପିଲାତ ରେଃଏସ୍ ରିହିକ୍ ପାଣ୍ଡିତେଞ୍ଜି । 12ଏଚିୱେଲା ହେରଦ ଅଟେ ପିଲାତ ତଡ଼େ ରିଃଆରି ଆତେରି; ଇ କାହେ ତାରୁ ରିଃଆରି ସତ୍ରୁ ଆନାହି ମାଚ୍ଚେରି ।
ଜିସୁନିକି ହାଅନ୍ତି ଦଣ୍ଡ ହିଅନ୍
(ମାତିଉ ୨୭:୧୫–୨୬; ମାର୍କ ୧୫:୬–୧୫; ଜହନ ୧୮:୩୯; ୧୯:୧୬)
13ଏମ୍ୱାଟି ପିଲାତ ଗାମିନ୍ ଜାଜକଙ୍ଗ୍, ଜିହୁଦିଙ୍ଗ୍ତି ଗାମିନାରି ଅଟେ ଦାଲ୍ଲାନିକି ଆର୍ଚାନାହି ରପାଟ୍ଟେ କିଆନ୍ ଏୱାରିକି ୱେସ୍ତେଞ୍ଜି, 14ଇ କୁଏଞ୍ଜି ଦାଲ୍ଲାନିକି ବିରୁଦି କିୱିକିନ୍ନେଞ୍ଜି ଇଞ୍ଜାନାହି ମିରୁ ଇୱାଞ୍ଜିକି ନା ରେଃଏସ୍ ତାଚ୍ଚାଚ୍ଚେରି; ଆଟେ ହୁଡ଼ାଟୁ, ନାନୁ ମି ନକେସି ଇୱାଞ୍ଜିକି ୱେଞ୍ଜାନ୍, ଏୱାଞ୍ଜ୍ତି ବିରୁଦିଆଟି ମିରୁ ଇମ୍ୱିନ୍ କାତା ୱେସ୍ପିଞ୍ଜେରି, ଏହେଙ୍ଗିସିତି ଇନ୍ନି ଦୁସ ଇୱାଞ୍ଜ୍ତାୱାଟି ନାନୁ ପାଃନାତାନୁ । 15ହେରଦ ୱାଡ଼େ ଇୱାଞ୍ଜ୍ଟିଆଟି ଇନ୍ନି ଦୁସ ପାଁଣ୍ଡାହେଃଲ୍ଲେଞ୍ଜି, ଏଦାକି ଇୱାଞ୍ଜିକି ନା ରେଃଏସ୍ ରିହିକ୍ ପାଣ୍ଡିଦାତେଞ୍ଜି; ଆଟେ ହୁଡ଼ାଟୁ, ଇୱାଞ୍ଜି ହାଅନ୍ତି ଦଣ୍ଡ ପାଁନ୍ବନ୍ ଡେହେଙ୍ଗ୍ ଇନ୍ନି ଡ଼ଃଆନ୍ କାମା କିଆହେଃଲ୍ଲେଞ୍ଜି; 16ଏଦାବାଗା ମାରୁ ଇୱାଞ୍ଜିକି ହାପ୍କା #୨୩:୧୬ କରଡ଼ାଡେଙ୍ଗ ମାଡା ହିଆନାହି ପିହାହିନା । 17ଜିହୁଦିଙ୍ଗ୍ତି ରେହାଙ୍ଗ୍ ତୁକାତାୱା ଜିହୁଦିଙ୍ଗ୍ତି ହାଜୁ ଡେହେଙ୍ଗ୍ ଏୱାର୍ ବାଗା ରଃଅଞ୍ଜି ବନ୍ଦିଗାଟାଞ୍ଜିକି ପିହ୍ପା ଆଇଚ୍ଚେ । 18ମତ୍ର ଏୱାରି ହାବେତାରି ରଣ୍ଡା ଉକୁଡ଼ିଆଟି ଗାପ୍ଚି ଗଲି ଆନ୍ ୱେସ୍ତେରି, ଇୱାଞ୍ଜିକି ପାଗାଟୁ, ମା ବାଗା ବାରବ୍ବାନିକି ପିହାହିଆଟୁ । 19ଇ ବାରବ୍ବା ଗାଡ଼ାନାଜୁତାୱା ଚାହ୍ପି ୱେପି କିୱିକିଚ୍ଚେଞ୍ଜି ଅଟେ କୁଇଙ୍ଗ୍ନିକି ପାଗେଚ୍ଚି ବାଗା ତାଙ୍ଗେ ବନ୍ଦି ଇଡ୍ଡୁତାୱା ଇଟ୍ଟାଚ୍ଚେରି ।
20ମତ୍ର ପିଲାତ ଜିସୁନିକି କୁଲ୍ପନ୍ ବାଗା ଏଲୁ କିଆନାହି ଏୱାରିକି ଆଟେ ରିହିକ୍ ବୁଜ୍ଜେ କିତେଞ୍ଜି । 21ମତ୍ର ଏୱାରି ଏଗେଲ୍ ଗଲି ଆନାହି ୱେସ୍ପନ୍ ମ୍ରାସ୍ତେରି, “ଏୱାଞ୍ଜିକି କ୍ରୁସତାୱା ଏକ୍ଦୁ, କ୍ରୁସତାୱା ଏକ୍ଦୁ ।” 22ଆଟେ ପିଲାତ ଏୱାରିକି ମୁଅଲି ଟିକ୍ନା ୱେସ୍ତେଞ୍ଜି, ଇନ୍ନା ବାଗା, ଏୱାଞ୍ଜି ଇନ୍ନି ଦୁସ କିଆନ୍ନେଞ୍ଜି ? ନାନୁ ତା ପାଟ୍ଟି ହାଅନ୍ତି ଦଣ୍ଡ ହିଅନ୍ ବାଗା ଇନ୍ନି ଦୁସ ପାଁଣ୍ଡେହେଃଲ୍ଲାନୁ; ଏଦାବାଗା, ମାରୁ ତାଙ୍ଗେ ହାପ୍କା ଡେଙ୍ଗ ଡ଼ାହି ମାଡା ହିଆନାହି ପିହାହିନା । 23ମତ୍ର ଏୱାଞ୍ଜିକି କ୍ରୁସତାୱା ଏପ୍କା ଆପାକାଦି ଇଞ୍ଜାନ୍ ଏୱାରି ବେର୍ ଉକୁଡ଼ିଆଟି ଜିଦ୍ କିଆନ୍ ୱେସ୍ପନ୍ ମ୍ରାସ୍ତେରି, ଆଟେ ଏୱାର୍ ଗଲି ଆନ୍ ୱେସ୍ପନ୍ତାଦିନେଃଏ ଆତେ । 24ଆଟେ ଏୱାର୍ତି ଦାବା ଡେହେଙ୍ଗ୍ ଆପାକାଦି ଇଞ୍ଜାନାହି ପିଲାତ ଆଦେସ୍ ହିତେଞ୍ଜି । 25ମତ୍ର ଏମ୍ବେନାଞ୍ଜିକି ଚାହ୍ପି ୱେପି ଅଟେ କୁଇଙ୍ଗ୍ନିକି ପାଗାନାହି ବନ୍ଦି ଆଚ୍ଚି କୁଏଞ୍ଜିକି ଏୱାରି ପିହ୍ପନ୍ ବାଗା ୱେସ୍ତେରି, “ତାଙ୍ଗେ ପିଲାତ ପିହାହିତେଞ୍ଜି, ଆଟେ ଜିସୁନିକି ତା ଇଚ୍ଚା ଡେହେଙ୍ଗ୍ ସର୍ପି କିତେଞ୍ଜି ।”
ଜିସୁନିକି କ୍ରୁସତାୱା ପାଗନ୍
(ମାତିଉ ୨୭:୩୨–୪୪; ମାର୍କ ୧୫:୨୧–୩୨; ଜହନ ୧୯:୧୭–୨୭)
26ସିପେଙ୍ଗ୍ ଜିସୁନିକି ଅଇଚ୍ଚି ତୁକାତାୱା ଡଟିନାଜୁ ତାୱାଟି ୱାଇଚ୍ଚି ସିମନ ପାରୁଟି ରଃଅଞ୍ଜି କୁରିନିୟ ଗାଡ଼ାନାଜୁତି କୁଏଞ୍ଜିକି ଆହାନାହି ଜିସୁତି କ୍ରୁସ ଡେକି କିତେରି ।
27ଆଟେ ଗାପ୍ଚି ଦାଲ୍ଲା ୱାଡ଼େ ଜିସୁ ବେତଟ୍ ହାଜ୍ଜିଚ୍ଚେରି; ଏ ଦାଲ୍ଲାତାୱାଟି ଏଚ୍ଚେ ଦାଲ୍ଲା ଆଚାସ୍କା ଜିସୁ ବାଗା ହଡାଙ୍ଗ୍ ୱେଚି ୱେଚି ଡ଼ିଚ୍ଚୁ । 28ମତ୍ର ଜିସୁ ଏୱାଡ଼୍ଇନ୍ଦା ମ୍ଲିଆନ୍ ୱେସ୍ତେଞ୍ଜି, “ଏ ଜିରୁସାଲମତି ଆଚାସ୍କାନାତେରି, ନା ବାଗା ଡ଼ିଃଆଟୁ, ମତ୍ର ମି ବାଗା ଅଟେ ମି ମି ମ୍ରିକା, ମ୍ରାଗାସ୍କା ବାଗା ଡ଼ିଦୁ ।” 29ଇନାକି ହୁଡ଼ାଟୁ, ଏମ୍ୱେନାଃଆ ୱାଞ୍ଜାଗାଟା, ଆଟେ ଏମ୍ୱେନାଃଆ ଏଚ୍ଚେକ୍ୱାଡ଼େ ଟୁଟୁ ଆହେଃଲ୍ଲ ଅଟେ ରାଙ୍ଗୁ ଉଟ୍ଚାହେଃଲ୍ଲ, ଏୱାଡ଼ିକି ଦାଲ୍ଲା ଏଚ୍ଚିକିଃଆ ଦନ୍ୟ ଇଞ୍ଜାନାହି ୱେସ୍ନେରି, ଇହିଙ୍ଗିସିତି ଦିନା ୱାଇନେ । 30#ପ୍ରକା ୬:୧୬ଏଚିତୁକାତାୱା ଦାଲ୍ଲା ହର୍କାତିଦି ୱେସ୍ପନ୍ ମ୍ରାସ୍ନେରି, ମା କୁଃଏଟି ହେଗ୍ଦାଟୁ, ଆଟେ ଡଟି ହର୍କାତିଦି ୱେସ୍ନେରି, ମାଙ୍ଗେ ମୁଚ୍ଚି କିଆଟୁ । 31ଇନାକି ଦାଲ୍ଲା ଜଦି ହିଡି ମ୍ରାନୁତିଦି ଇହିଙ୍ଗିସି କିନ୍ନେରି, ଏହେଙ୍ଗ୍ ଆତେସି ୱାଚ୍ଚାନ୍ନି ମ୍ରାନୁତିଦି ଇନ୍ନି କୁଲା ଆଃଏ ?
32ଆଟେ ହାଅନ୍ତି ଦଣ୍ଡ ପାଁନ୍ବନ୍ ବାଗା ରିଃଆର୍ ଦୁସ୍ଟଗାଟାରିକି ୱାଡ଼େ ଏୱାଞ୍ଜ୍ ଡ଼ାହି ଆଟ୍ଚାନ୍ ଅଇଚ୍ଚେରି । 33ଆଟେ ଏୱାରି ଡାମ୍ୱେର୍#୨୩:୩୩ ଡାମ୍ୱେର୍ ଇଚ୍ଚେସି ଡାପାଲ୍ ୱାଡ଼େ ଇନ୍ମ୍ୱନ୍ ଆଇନେ ପାରୁତି ଗର୍ରିତାୱା ଏତି ଡେଗ୍ଗା ଏଦିମ୍ୱା ଏୱାଞ୍ଜିକି କ୍ରୁସତାୱା ଏକ୍ତେରି, ଆଟେ ଦୁସ୍ଟଗାଟାର୍ତାୱାଟି ରଃଅଞ୍ଜିକି ତିନ୍ନି କାଜ୍ଜୁ ଇନ୍ଦେଟ୍ ଆଟେ ରଃଅଞ୍ଜିକି ଗିଃଇ କାଜ୍ଜୁ ଇନ୍ଦେଟ୍ କ୍ରୁସତାୱା ଏକ୍ତେରି । 34ଏଚିତୁକାତାୱା ଜିସୁ ୱେସ୍ତେଞ୍ଜି, “ଆବା, ଇୱାରିକି ମାକ୍ସାଡ଼ି କିମୁ, ଇନାକି ଇୱାରି ଇନ୍ନା କିନ୍ନେରି, ଏଦା ପୁଞ୍ଜେହେଃଲ୍ଲେରି ।” ଆଟେ ଏୱାରି ଏୱାଞ୍ଜ୍ତି ହୁଚ୍ଚା ଜିରାଙ୍ଗ୍ ହାବେ ପାହ୍ପନ୍ ବାଗାଟି ଗୁଲ୍ଲିଙ୍ଗ୍ କିତେରି । 35ଆଟେ ଦାଲ୍ଲା ଡିଡ୍ଡାନ୍ ହୁଡ଼େଚ୍ଚେରି । ମତ୍ର ଗାମିନାରି ୱାଡ଼େ ଏୱାଞ୍ଜିକି ଏହେଙ୍ଗିସି ଗ୍ରେସାନାହି ୱେସ୍ପନ୍ ମ୍ରାସ୍ତେରି, “ଏୱାଞ୍ଜି ବିହି ଦାଲ୍ଲାନିକି ରକ୍ୟା କିତେଞ୍ଜି; ଏୱାଞ୍ଜି ଜଦି ମୁଲାପେନୁ ଆଚି କିଆନ୍ନି କ୍ରିସ୍ଟ, ଆତେସି ତା ଗାଣ୍ଡି ରକ୍ୟା କିପାକାଞ୍ଜି ।” 36ଆଟେ ସିପେଙ୍ଗ୍ ୱାଡ଼େ ଏୱାଞ୍ଜ୍ତି ରେଃଏସ୍ ୱାନ୍ କାପେଲ୍ ନିରୁ ହିଆନ୍ ଏୱାଞ୍ଜିକି ଗେରୁ କିଆନ୍ ୱେସ୍ତେରି, 37“ନିନୁ ଜଦି ଜିହୁଦି ଦାଲ୍ଲାତି ରାଜେଞ୍ଜି, ଏହେଙ୍ଗ୍ ଆତେସି ନି ଗାଣ୍ଡି ରକ୍ୟା କିମୁ ।” 38ଆଟେ ଏୱାଞ୍ଜ୍ତି ତ୍ଲାଉ କୁଃଏଟି କ୍ରୁସତାୱା ଇହିଙ୍ଗିସି ୱ୍ରିଗାଆଚ୍ଚେ, “ଇୱାଞ୍ଜି ଜିହୁଦି ଦାଲ୍ଲାତି ରାଜେଞ୍ଜି ।”
39ଆଟେ କ୍ରୁସତାୱା ଏକ୍ଚାଚ୍ଚି ଡ଼ଃଆନାରିତାୱାଟି ରଃଅଞ୍ଜି ଜିସୁନିକି ଅଡ୍ଡାନ୍ ୱେସ୍ପନ୍ ମ୍ରାସ୍ତେଞ୍ଜି, “ନିନୁ ଇନ୍ନା କ୍ରିସ୍ଟ ଆଃଏ ? ନି ଗାଣ୍ଡି ଅଟେ ମାଙ୍ଗେ ନିପ୍ତାମୁ ।” 40ମତ୍ର ବିହିତାଞ୍ଜି ତାଙ୍ଗେ ୱ୍ଲିଚାନାହି ୱେସ୍ତେଞ୍ଜି, “ନିନୁ ଟିକ୍ ଦଣ୍ଡ ପାଁଣ୍ଡିଞ୍ଜି, ନିନୁ ଇନ୍ନା ମୁଲାପେନୁନିକି ଆଜ୍ଜେହେଃଲ୍ଲାଆ ?” 41ଆଟେ ମାରୁ ପାଃଏନା ନିୟେ ଡେହେଙ୍ଗ୍ ଦଣ୍ଡ ପାଁଣ୍ଡିନ୍ନା, ଇନାକି ମାରୁ ମା ମା ଡ଼ଃଆନ୍ କାମା କିଆନ୍ନି ଡେହେଙ୍ଗ୍ ଦଣ୍ଡ ପାଁଣ୍ଡିନ୍ନା, “ମତ୍ର ଇ କୁଏଞ୍ଜି ଇନ୍ନି ଦୁସ କିଆ ହେଃଲ୍ଲେଞ୍ଜି ।” 42ଆଟେ ଏୱାଞ୍ଜି ୱେସ୍ତେଞ୍ଜି, “ଏ ଜିସୁ, ନିନୁ ନି ରାଜିଇନ୍ଦା ହାଚ୍ଚେସି ନାଙ୍ଗେ ଏଲୁ କିଆମୁ ।” 43ଏମ୍ୱାଟି ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନାନୁ ନିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ନିଞ୍ଜୁ ନିନୁ ନା ଡ଼ାହି ପାରଦିସତାୱା ବାସାଆଦି ।”
ଜିସୁତି ହାଅନ୍
(ମାତିଉ ୨୭:୪୫–୫୬; ମାର୍କ ୧୫:୩୩–୪୧; ଜହନ ୧୯:୨୮–୩୦)
44ଏଚିତୁକାତାୱା ବାଇକ୍ ବାର୍ଟା ଆଚ୍ଚେ, ଆଟେ ୱେଲା ଡୁମ୍ୱନେଃଏ ମୁ ଗଣ୍ଟା ଦେସା ହାବେ ଆନ୍ଦେର୍ ଆତେ । 45ଆଟେ ଜିରୁସାଲମ ମନ୍ଦିରତାୱା ଆଙ୍ଗାଚ୍ଚି ପରଦା ମାଦ୍ଦେ ରି ପାହେଡ଼୍ନା ଗେଞ୍ଜିତେ । 46ଆଟେ ଜିସୁ ଏଗେଲ୍ ଗଲି ଆନ୍ ୱେସ୍ତେଞ୍ଜି ଏ ଆବା, ନି କାଜ୍ଜୁତାୱା ନାନୁ ନା ଡିଙ୍ଗା ସର୍ପି କିଆତେଃଏ । ଏଦା ୱେସାନ୍ ଏୱାଞ୍ଜି ପରନ୍ ପିହ୍ତେଞ୍ଜି ।
47ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜି ଇଦା ହୁଡ଼ାନ୍ ମୁଲାପେନୁତି ମହିମା କିଆନାହି ୱେସ୍ତେଞ୍ଜି, “ନିଜ୍ଜାନେଃଏ ଇୱାଞ୍ଜି ଦାର୍ମିକ ମାଚ୍ଚେଞ୍ଜି ।”
48ଆଟେ ଇମ୍ୱିନ୍ ଦାଲ୍ଲା ହାବେ ହୁଡ଼ନ୍ ବାଗା ରପାଟ୍ଟେ ଆଚ୍ଚେରି, ଏୱାରି ହାବେତାରି ଏଦା ହୁଡ଼ାନାହି ଦୁଃକଟି ହଡାଙ୍ଗ୍ ୱେଚି ୱେଚି ୱ୍ଡେଚାନ୍ ହାଲ୍ବନ୍ ମ୍ରାସ୍ତେରି । 49#ଲୁକ ୮:୨,୩ମତ୍ର ତାଙ୍ଗେ ପୁଞ୍ଜାଚ୍ଚି ଦାଲ୍ଲା ହାବେ ଅଟେ ଗାଲିଲି ରାଜିତାୱା ରପାଟ୍ଟେ ଆଡ୍ଡାନାହି ଏୱାଞ୍ଜ୍ତି ବେତ ବେତଟ୍ ୱାଇଚ୍ଚି ଆଚାସ୍କା ଦେହାଟି ଡିଡ୍ଡାନାହି, ଇଦା ହାବେ ହୁଡ଼େଚ୍ଚୁ ।
ଜିସୁତି ଗ୍ରିପାଙ୍ଗୁଟି
(ମାତିଉ ୨୭:୫୭–୬୧; ମାର୍କ ୧୫:୪୨–୪୭; ଜହନ ୧୯:୩୮–୪୨)
50ଆଟେ ହୁଡ଼ାଟୁ, ଜିହୁଦି ଦାଲ୍ଲାତି ହାରାମାତିଆ ଗାଡ଼ାନାଜୁତି ଜସେପ ପାରୁଗାଟି ରଃଅଞ୍ଜି କୁଏଞ୍ଜି ବେର୍ ସବାତି ଗାମିନାଞ୍ଜି ମାଚ୍ଚେଞ୍ଜି; ଏୱାଞ୍ଜି ରଃଅଞ୍ଜି ନେହାଞ୍ଜି ଅଟେ ଦାର୍ମିକ କୁଏଞ୍ଜି, 51ଆଟେ ହାରାମାତିଆ ବିହି ଜିହୁଦି ଗାମିନାରିତି କ୍ରଟ୍ପାଙ୍ଗାତା ଅଟେ ଡ଼ଃଆନ୍ କାମାତାୱା ଆଡ୍ଡାହେଃଲ୍ଲାତେଞ୍ଜି, ଆଟେ ମୁଲାପେନୁତି ରାଜି ହୁଡ଼ନ୍ ବାଗା କାଚାନ୍ ମାଚ୍ଚେଞ୍ଜି । 52ଏୱାଞ୍ଜି ପିଲାତ ରେଃଏସ୍ ହାଜ୍ଜାନାହି ଜିସୁତି ହାତି ଗାଣ୍ଡି ୱ୍ରିହ୍ତେଞ୍ଜି, 53ଆଟେ ଜିସୁତି ହାତିଗାଣ୍ଡି ଜାପ୍ଚ୍ଚାନାହି ହୁକୁଲ୍ ଜିରା ଡ଼ାହି ମୁଚ୍ଚି କିଆନାହି, ଇମ୍ୱିନାୱାକି ଏମ୍ୱେ ଏଚ୍ଚେକ୍ ହାତି ଗାଣ୍ଡି କିଟ୍ଟାହେଃଲ୍ଲାତେରି ଏହେଙ୍ଗ୍ତି ରଣ୍ଡା #୨୩:୫୩ ଇଦା ହାତି ଗାଣ୍ଡିଙ୍ଗ୍ କିଟ୍ଟନ୍ ବାଗା ୱାଲ୍ଲିଙ୍ଗ୍ ହାଲୁ କ୍ଲେହା ଆନ୍ନି ଗର୍ରିଗ୍ରିପାଙ୍ଗୁଟିତାୱା ଜିସୁନିକି ଇଟ୍ଟିତେରି । 54ଏଚିୱେଲା ୱାହୁଜାମ୍ବା ବାଗା ହାମ୍ୱେର୍ ଆଅନ୍ତି ଦିନା ମାଚ୍ଚେ । ଆଟେ ୱାହୁଜାମ୍ବା ୱାରା ଟାକ୍କେ ଆଏସ୍ନା ୱାଇଚ୍ଚେ ।
55ଆଟେ ଗାଲିଲିତାୱାଟି ତା ଡ଼ାହି ୱାଚି ଆଚାସ୍କା ଗ୍ରିପାଙ୍ଗୁଟିଇନ୍ଦା ବେତ ବେତଟ୍ ହାଚ୍ଚୁ ଅଟେ ଏୱାଞ୍ଜ୍ତି ହାତି ଗାଣ୍ଡି ଇନିମିଡି ଇଟ୍ଟିତେରି, ଏଦା ହୁଡ଼ିତୁ ।
56ଆଟେ ଏୱା ୱ୍ଡେଚାନ୍ ହାଜ୍ଜାନାହି ନେହିଗାନ୍ଦା କୁଲା ଅଟେ ନିଜ୍ଜୁ ହାମ୍ୱେର୍ କିତୁ । ଆଟେ ଏୱା ୱାହୁଜାମ୍ବା ୱାରା ମାଚ୍ଚାୱିଃଆଟି ଏୱା ୱାହୁଜାମ୍ୱିତୁ, ଇନାକି ପୁତିତାୱା ହାଜୁ ମାଚ୍ଚେ ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0