ଲୁକ 20
20
ଜିସୁତି ହକତ୍ କୁଲାଟି ୱେନ୍ବନ୍
(ମାତିଉ ୨୧:୨୩–୨୭; ମାର୍କ ୧୧:୨୭–୩୩)
1ରନେସ୍ ଏଚ୍ଚିକିଃଆ ଜିସୁ ଜିରୁସାଲମ ମନ୍ଦିରତାୱା ଦାଲ୍ଲାନିକି ଗ୍ରାପେଚ୍ଚେଞ୍ଜି ଅଟେ ସୁସମାଚାର ପ୍ରଚାର କିଚ୍ଚେଞ୍ଜି, ଏଚିତୁକାତାୱା ଗାମିନ୍ ଜାଜକଙ୍ଗ୍ ଆଟେ ସାସ୍ତ୍ରିଙ୍ଗ୍ ଗାମିନାରି ଡ଼ାହି ୱାନ୍ ତାଙ୍ଗେ ୱେସ୍ତେରି, 2“ନିନୁ ଇମ୍ୱିନ୍ ହକତ୍ ଡ଼ାହି ଇ ହାବେତ୍ କାମା କିଞ୍ଜି, ଆଟେ ଏମ୍ୱେ ନିଙ୍ଗେ ଇ ହକତ୍ ହିଆତେ, ଏୱାଞ୍ଜି ଏମ୍ୱେନାଞ୍ଜି, ମାଙ୍ଗେ ୱେସ୍ତାମୁ ।”
3ମତ୍ର ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ୱାଡ଼େ ମିଙ୍ଗେ ରଣ୍ଡା କାତା ୱେଞ୍ଜା, ନାଙ୍ଗେ ୱେସ୍ତାଟୁ, 4ଜହନତି ଡୁବନ୍ ସର୍ଗତାୱାଟି କି କୁଇଙ୍ଗ୍ତାୱାଟି ଆତେ ?”
5ଏମ୍ୱାଟି ଏୱାରି ତାରୁ ତାରୁ କାତାବାର୍ତା ଆନ୍ ୱେସ୍ତେରି, ଜଦି ସର୍ଗତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଏୱାଞ୍ଜି ୱେସ୍ତାନେଞ୍ଜି, ମିରୁ ଇନ୍ନା କିଅନ୍ ଜହନନିକି ମାଞ୍ଜାଡ଼ି କିଃଆତେରି ? 6ମତ୍ର ଜଦି କୁଏଞ୍ଜ୍ତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଦାଲ୍ଲା ହାବେ ମାଙ୍ଗେ ୱାଲ୍ଲିଙ୍ଗ୍ ଜିସ୍କାନ୍ ପାଗାଦାନେରି, ଇନାକି ଜହନ ରଃଅଞ୍ଜି ବାବବାଦି, ଇଦା ନେହେନ୍ ପୁଞ୍ଜାନ୍ନେରି । 7ଏଦାକି ଏଦି ଇମ୍ୱିନାୱାଟି ଆତେ, ଏଦା ପୁଞ୍ଜାହେଃଲ୍ଲାମୁ ଇଞ୍ଜାନ୍ ଏୱାରି ୱେସ୍ତେରି ।
8ଜିସୁ ଏୱାରିକି ୱେସ୍ତେଞ୍ଜି, ନାନୁ ଇମ୍ୱିନ୍ ହକତ୍ଟିଆଟି ଇୱାହାବେ କିମାଃଇ, ଏଦା ନାନୁ ୱାଡ଼େ ମିଙ୍ଗେ ୱେସ୍ତାଦାଃଏନୁ ।
ଅଙ୍ଗୁରପାଙ୍ଗାତାୱା ବାଗା କାମା କିନ୍ନି ଦାଲ୍ଲାତି ତୁକାଙ୍ଗାତା
(ମାତିଉ ୨୧:୩୩–୪୬; ମାର୍କ ୧୨:୧–୧୨)
9ଏମ୍ୱାଟି ଜିସୁ ଦାଲ୍ଲାନିକି ଇ ତୁକାଙ୍ଗାତାଟି ୱେସ୍ପନ୍ ମ୍ରାସ୍ତେଞ୍ଜି, “ରଃଅଞ୍ଜି କୁଏଞ୍ଜି ରଣ୍ଡା ଅଙ୍ଗୁରପାଙ୍ଗା କିଆନ୍ ଏଦା କାମା କିଅନ୍ତାରିନିକି ବାଗା ହିଆନ୍ ଏଗେଲ୍ ଅଁଣ୍ଡୁ ବାଗାଟି ବିହି ଦେସାଇନ୍ଦା ହାଚ୍ଚେଞ୍ଜି ।” 10ଆଟେ କାମା କିଅନ୍ତାରି ଇନିମିଡି ତାଙ୍ଗେ ଅଙ୍ଗୁରପାଙ୍ଗାତି ପଲ ବାଗା ହିନେରି, ଏଦାବାଗା ତାନୁ ରଃଅଞ୍ଜି କାମ୍ବାରେଏଞ୍ଜିକି ଅଙ୍ଗୁର ଏସ୍ପନ୍ତି ତୁକାତାୱା ଏୱାର୍ ରେଃଏସ୍ ପାଣ୍ଡିତେଞ୍ଜି, ମତ୍ର ଏ ବାଗା କାମା କିଅନ୍ତାରି ଏୱାଞ୍ଜିକି ଚାହାନ୍ ୱାର୍ରି କାସ୍କାଟି ୱ୍ଡେପ୍ତେରି । 11ଏୱାଞ୍ଜି ଆଟେ ରଃଅଞ୍ଜି କାମ୍ବାରେଏଞ୍ଜିକି ପାଣ୍ଡିତେଞ୍ଜି; ଏୱାରି ଏୱାଞ୍ଜିକି ୱାଡ଼େ ଚାହାନ୍ ଅଟେ ଲେଜ୍ଜା କିଆନ୍ ୱାର୍ରି କାସ୍କାଟି ୱ୍ଡେପ୍ତେରି । 12ଡେଗ୍ଗା ଏୱାଞ୍ଜି ଆଟେ ରଃଅଞ୍ଜିକି ୱାଡ଼େ ପାଣ୍ଡିତେଞ୍ଜି; ମତ୍ର ଏୱାରି ଏୱାଞ୍ଜିକି ୱାଡ଼େ ଗାଜାଙ୍ଗ୍ କିଆନ୍ କାଟ ତୁହ୍ତେରି । 13ଏମ୍ୱାଟି ଅଙ୍ଗୁରପାଙ୍ଗାତି ସକାରେଏଞ୍ଜି ୱେସ୍ତେଞ୍ଜି, ନାନୁ ଇନ୍ନା କିଃଇ ? ନା ଜେଡାଗାଟି ମ୍ରିଃଏଞ୍ଜିକି ପାଣ୍ଡିଃଇ, ଏୱାରି ଏୱାଞ୍ଜିକି ମାନି ଆନେର୍ କିନାଙ୍ଗ୍ । 14ମତ୍ର କାମାଗାଟାରି ଏୱାଞ୍ଜିକି ହୁଡ଼ାନ୍ ତାରୁ ତାରୁ କାତାବାର୍ତା ଆନ୍ ୱେସ୍ପନ୍ ମ୍ରାସ୍ତେରି, ଇୱାଞ୍ଜି ସକାରତି ମ୍ରିଃଏଞ୍ଜି, ଇୱାଞ୍ଜିକି ପାଗିନା, ଇନିସ୍କି ହାବେତ୍ ଦନ ମାନ୍ଦି ଆନେ । 15ଆଟେ ଏୱାରି ଏୱାଞ୍ଜିକି ଅଙ୍ଗୁରପାଙ୍ଗାତି କାଟ ପାଗାନ୍ ତୁହ୍ତେରି । ଏମ୍ୱାଟି, ଅଙ୍ଗୁରପାଙ୍ଗାତି ସକାରେଏଞ୍ଜି ଏୱାରିକି ଇନ୍ନା କିନେଞ୍ଜି ? 16“ଏୱାଞ୍ଜି ୱାନ୍ ଇ କାମାଗାଟାରିକି ପାଗିନେଞ୍ଜି ଅଟେ ବିହିତାରିନିକି ଅଙ୍ଗୁରପାଙ୍ଗା ହିନେଞ୍ଜି ।” ଇଦା ୱେଞ୍ଜାନ୍ ଏୱାରି ୱେସ୍ତେରି, “ଏଦି ଆଃଆକାଦି ।”
17ମତ୍ର ଜିସୁ ଏୱାରିକି ନେହେନ୍ ମେହାନାହି ୱେସ୍ତେଞ୍ଜି,
ଆତେସି ଇ ଇମ୍ୱିନ୍ କାତା ୱ୍ରିଗାଆନ୍ନେ, ଇଦାତି ଅର୍ତ ଇନ୍ନି କୁଲା, ଇଡ୍ଡୁ କ୍ଲେହନ୍ତାରି ଇମ୍ୱିନ୍ ୱାଲ୍ଲିତିଦି ଅଗ୍ରାହ୍ୟ କିତେରି,
ଏଦି ମୁଜ୍ଜୁତି ଗାମିନ୍ ୱାଲ୍ଲି ଆତେ ।
18ଏମ୍ୱେନାଞ୍ଜି ଏ ୱାଲ୍ଲି କୁଃଏଟି ସ୍ରୁନେଞ୍ଜି, ଏୱାଞ୍ଜି କାଣ୍ଡା କାଣ୍ଡା ଆନେଞ୍ଜି, ଆଟେ ଏ ୱାଲ୍ଲି ଇନ୍ଦାର୍ କୁଃଏଟି ସ୍ରୁନେ, ଏୱାଞ୍ଜିକି ଏଦି ଲିର୍ଚପ୍ କିନେ ।
ସିସ୍ଟୁ ହିଅନ୍ତି କୁଲାଟି ୱେନ୍ବନ୍
(ମାତିଉ ୨୨:୧୫–୨୨; ମାର୍କ ୧୨:୧୩–୧୭)
19ଏମ୍ୱାଟି ସାସ୍ତ୍ରିଙ୍ଗ୍ ଅଟେ ଗାମିନ୍ ଜାଜକଙ୍ଗ୍ ଏ ତୁକାତାୱା ଜିସୁନିକି ଆହ୍ପନ୍ ବାଗା ସେସ୍ଟା କିତେରି, ମତ୍ର ଏୱାରି ଦାଲ୍ଲାତିଦି ଆଜ୍ଜେଚ୍ଚେରି, ଇନାକି ଏୱାଞ୍ଜି ଏ ତୁକାଙ୍ଗାତା ଏୱାରିକି ହୁଡ଼ାନ୍ ୱେସାଚ୍ଚେଞ୍ଜି ଇଞ୍ଜାନ୍ ଏୱାରି ବୁଜ୍ଜି ଆତେରି । 20ଏମ୍ୱାଟି ଏୱାରି ଜିସୁନିକି ଗାମିନାଞ୍ଜିତି କାଜ୍ଜୁତାୱା ଅଟେ ଆକୁଡ଼୍ଗାଟାଞ୍ଜ୍ତି କାଜ୍ଜୁତାୱା ସର୍ପି କିଅନ୍ ବାଗାଟି ପେଜୁ ଦାହାନ୍ ତା କାତାତି ବୁଲ୍ ଆହ୍ପନ୍ ବାଗା ହେଃଏସ୍ ଆନ୍ ତାରୁ ତାରୁ ଦାର୍ମିକଗାଟାଞ୍ଜି ଇଞ୍ଜାନ୍ ତସ୍ପିନ୍ନି ଟ୍ଡକାଙ୍ଗ୍ନିକି ପାଣ୍ଡିତେରି । 21ଏୱାରି ଜିସୁନିକି ୱେଚ୍ଚେରି, ଏ ଗ୍ରାପାଗାଟାତି, ମାମୁ ପୁଞ୍ଜିନ୍ନାମୁ ନିନୁ ନେହି କାତା ୱେସ୍ପିଞ୍ଜି ଅଟେ ଗ୍ରାପେଞ୍ଜି, ଆଟେ ଇନ୍ଦାର୍ତି ମ୍ରୁମ୍ୱୁ ହୁଡ଼ାନ୍ କାତା କିଏହେଃଲ୍ଲା, ମତ୍ର ନିଜ୍ଜାନେଃଏ ମୁଲାପେନୁତି ପାହେର୍ କୁଲାଟି ଗ୍ରାପେଞ୍ଜି । 22ମାଙ୍ଗେ ୱେସ୍ତାମୁ, କାଇସରନିକି ସିସ୍ଟୁ ହିଅନ୍ ମାଙ୍ଗେ ହାଜୁ ମାନ୍ନେ କି ଆଃଏ ?
23ମତ୍ର ଜିସୁ ଏୱାର୍ତି କାତା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, “ନାଙ୍ଗେ ରଣ୍ଡା ଟାକ୍କା ତସ୍ତାଟୁ । 24ଇ ଟାକ୍କାତାୱା ଇନ୍ଦାର୍ତି ୱାନ୍ନା ଅଟେ ପାରୁ ମାନ୍ନେ ?” ଏୱାରି ୱେସ୍ତେରି, “କାଇସରତାଦି ।”
25ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ଏହେଙ୍ଗ୍ ଆତେସି ଇନ୍ନାଦି କାଇସରତାଦି, ଏଦା କାଇସରନିକି ହିଦୁ; ଆଟେ ଇନ୍ନାଦି ମୁଲାପେନୁତାଦି, ଏଦା ମୁଲାପେନୁନିକି ହିଦୁ ।”
26ଏମ୍ୱାଟି ଏୱାରି ଦାଲ୍ଲା ନକେସ୍ ଜିସୁ କାତାତି ପେଜୁ ଆହ୍ପନ୍ ମୁଃଆତେରି, ଆଟେ ଏୱାରିକି ଜିସୁ ୱେସ୍ପନେଃଏ ଆକ୍କାବାଡ଼ାଙ୍ଗ୍ ଆନ୍ ଡାମ୍ନା ବାସାଆତେରି ।
ନିମ୍ୱାନ୍ନିଙ୍ଗନ୍ତି କୁଲାଟି ୱେନ୍ବନ୍
(ମାତିଉ ୨୨:୨୩–୩୩; ମାର୍କ ୧୨:୮–୨୭)
27 #
ପେରି ୨୩:୮
ଏମ୍ୱାଟି ନିମ୍ୱାନ୍ନିଙ୍ଗନ୍ତାଦା ମାଞ୍ଜାଡ଼ି କିଃହେଲ୍ଲାନ୍ ଏଚ୍ଚେ ସାଦୁକି ଦାଲ୍ଲା ଜିସୁ ରେଃଏସ୍ ୱାନ୍ ୱେଚ୍ଚେରି, 28ଏ ଗ୍ରାପାଗାଟାତି, ମସା ମା ବାଗା ୱ୍ରିଗାନ୍ନେଞ୍ଜି ଜେ, ରଃଅଞ୍ଜି କୁଏଞ୍ଜି କୁଆଲୁ ମାଞ୍ଜି ମାଞ୍ଜି ବଦାଙ୍ଗ୍ ପାଃନେଟେଃଏ ହାନେଞ୍ଜି, ଏହେଙ୍ଗ୍ ଆତେସି ତା ଆମ୍ୱେସ୍ ତା କୁଆଲୁନିକି ବିବା ଆନାହି ତା ଗାମିନ୍ ଆମ୍ୱେସ୍ ବାଗା ପୁଣ୍ଡି ଏପା କିନେଞ୍ଜି । 29ଏୱାରି ଅଡ଼ି ଗାଣ୍ଡି ଆମ୍ୱେସାଙ୍ଗା ମାଚ୍ଚେରି; କାହେତାଞ୍ଜି ରଣ୍ଡା କୁଆଲୁନିକି ବିବା ଆତେଞ୍ଜି ଅଟେ ବଦାଙ୍ଗ୍ ପାଃନେଟେଃଏ ହାତେଞ୍ଜି; 30ଡେଗ୍ଗା ତା ବେତଟ୍ତାଞ୍ଜି ଏମ୍ୱାଟି ଅଟେ ତା ଡେଗ୍ଗାତି ଆମ୍ୱେସ୍ ୱାଡ଼େ ଏ କୁଆଲୁନିକି ବିବା ଆତେଞ୍ଜି; 31ଏହେଙ୍ଗିସି ଅଡ଼ି ଗାଣ୍ଡି ହାବେ ବଦାଙ୍ଗ୍ ପାଃନେଟେଃଏ ହାତେରି । 32ୱିହାନ୍ଦୁକାତାୱା ଏ କୁଆଲୁ ୱାଡ଼େ ହାତେ । 33ଏହେଙ୍ଗ୍ ଆତେସି, ନିମ୍ୱାନ୍ନିଙ୍ଗନ୍ତି ତୁକାତାୱା ଏୱାର୍ତାୱାଟି ଏଦି ଇନ୍ଦାର୍ତି କୁଆଲୁ ଆନେ ? ଅଡ଼ି ଗାଣ୍ଡି ହାବେ ତାଙ୍ଗେ ବିବା ଆଚ୍ଚେରି ।
34ଜିସୁ ଏୱାରିକି ୱେସ୍ତେଞ୍ଜି, ନିଜ୍ଜାନେଃଏ ଇ ପୁର୍ତିତି ମ୍ରିକା ବିବା ଆଇନ୍ନେରି ଅଟେ ବିବା କିୱି କିନ୍ନେରି, 35ମତ୍ର ଏମ୍ୱେନାରି ହାନ୍ନାର୍ତାୱାଟି ନିମ୍ୱାନ୍ନିଙ୍ଗାନ୍ ୱାଇନି ପୁର୍ତିତାୱା ବାସାଆଅନ୍ ବାଗା ଜୁଗ୍ୟ ଆଇନ୍ନେରି, ଏୱାରି ବିବା ଆଏହେଃଲ୍ଲେରି; 36ଆଟେ ଏୱାରି ହାଅନ୍ ମୁଃଏରି, ଇନାକି ଏୱାରି ଦୁତଙ୍ଗ୍ ଲାକ୍କା ମାଞ୍ଜିନ୍ନେରି ଅଟେ ଏ ନିମ୍ୱାନ୍ନିଙ୍ଗନ୍ତି ମ୍ରିକା ଆନ୍ନାୱିଃଆଟି ମୁଲାପେନୁତି ମ୍ରିକା ଆନ୍ନେରି । 37ମତ୍ର ହାନ୍ନାରି ଜେ ନିଙ୍ଗେନ୍ନେରି, ଇଦା ମସା ୱାଡ଼େ ରିଞ୍ଜେନ୍ନି ଲାଟ୍ଟିତି କାତା ଡ଼ାହି ଦାର୍ମୁନିକି ଅବ୍ରାହାମତି ମୁଲାପେନୁ, ଇସାକତି ମୁଲାପେନୁ ଅଟେ ଜାକୁବତି ମୁଲାପେନୁ ଇଞ୍ଜାନ୍ ୱେସାନାହି ପୁନ୍ବି କିଆନ୍ନେଞ୍ଜି । 38ଏୱାଞ୍ଜ୍ ତ ହାନ୍ନାର୍ତି ମୁଲାପେନୁ ଆଃଏ, ମତ୍ର ନିମ୍ୱାନ୍ନାର୍ତି ମୁଲାପେନୁ; ଇନାକି ହାବେତାରି ତା ନକେସ୍ ନିମ୍ୱାନ୍ନେରି ।
39ଏମ୍ୱାଟି ସାସ୍ତ୍ରିଙ୍ଗ୍ତାୱାଟି ଏଚ୍ଚେ ଦାଲ୍ଲା ୱେସ୍ତେରି, ଏ ଗ୍ରାପାଗାଟାତି, ନିନୁ ନିଜ୍ଜା ୱେସ୍ତାତି । 40ଇନାକି ଏୱାରି ତାଙ୍ଗେ ଇମ୍ୱିନ୍ କାତା ୱେନ୍ବନ୍ ବାଗା ଆଟେ ବରେସ୍ କିଃଆତେରି ।
କ୍ରିସ୍ଟ କୁଲାଟି ୱେନ୍ବନ୍
(ମାତିଉ ୨୨:୪୧–୪୬; ମାର୍କ ୧୨:୩୫–୩୭)
41ମତ୍ର ଜିସୁ ଏୱାରିକି ୱେଚ୍ଚେଞ୍ଜି, “କ୍ରିସ୍ଟ ଜେ ଦାଉଦତି ମ୍ରିଃଏଞ୍ଜି, ଇଦା ଦାଲ୍ଲା ଇନିମିଡି ୱେସ୍ପିନ୍ନେରି ?” 42ଇନାକି ନିଜେ ଦାଉଦ ଗାଡ଼େମାଲା ପୁତିତାୱା ୱେସ୍ପିନ୍ନେଞ୍ଜି,
ଦାର୍ମୁ ନା ଦାର୍ମୁନିକି ୱେସ୍ତେଞ୍ଜି,
43ନାନୁ ଇମ୍ୱିନ୍ ଟିକ୍ନା ନି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନୁ,
ଏଚି ଟିକ୍ନା ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।
44ଆଟେ ୱାଡ଼େ, ଦାଉଦ ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି; ଆତେସି, ଏୱାଞ୍ଜି ଇନିମିଡି ଏୱାଞ୍ଜ୍ତି ମ୍ରିଃଏଞ୍ଜି ?
ଜିସୁ ସାସ୍ତ୍ରିଙ୍ଗ୍ତାୱାଟି ନେହେନ୍ ମାନ୍ବନ୍ ବାଗା ୱେସ୍ତେଞ୍ଜି
(ମାତିଉ ୨୩:୧–୩୬; ମାର୍କ ୧୨:୩୮–୪୦)
45ଡେଗ୍ଗା ଜିସୁ ଦାଲ୍ଲା ହାବେ ୱେଞ୍ଜିଚ୍ଚି ତୁକାତାୱା ଗ୍ରାମ୍ୱାଗାଟାରିକି ୱେସ୍ତେଞ୍ଜି, 46“ସାସ୍ତ୍ରିଙ୍ଗ୍ତାୱାଟି ନେହେନ୍ ବାସାଆଦୁ । ଏୱାରି ଲାମ୍ୱା ଗତାଙ୍ଗ୍ ମେଦ୍ଦାନାହି ତ୍ରେବନ୍ ବାଗାଟି, ଆଟେ ହାଟ୍ଟୁ ବଜାରତାୱା ଜୁହାରି, ହାଜା ଇଡ୍ଡୁତାୱା ଗାମିନ୍ ଗର୍ରିଙ୍ଗ୍ ଆଟେ ବୁଜିତାୱା ଗାମିନ୍ ଗର୍ରି ପାଁନ୍ବନ୍ ବାଗା ଦାହ୍ପିନ୍ନେରି; 47ଏୱାରି ୱାଟ୍ଟାଗାଟାଡ଼୍ତି ଇଟ୍କା ହାବେ ଗୁହ୍ପିନ୍ନେରି ଅଟେ କଲଟି ଲାମ୍ୱା ପ୍ରାତ୍ନା କିନ୍ନେରି, ଏୱାରି ଏଗେଲ୍ ଦଣ୍ଡ ପାଁନେରି ।”
Iliyochaguliwa sasa
ଲୁକ 20: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 20
20
ଜିସୁତି ହକତ୍ କୁଲାଟି ୱେନ୍ବନ୍
(ମାତିଉ ୨୧:୨୩–୨୭; ମାର୍କ ୧୧:୨୭–୩୩)
1ରନେସ୍ ଏଚ୍ଚିକିଃଆ ଜିସୁ ଜିରୁସାଲମ ମନ୍ଦିରତାୱା ଦାଲ୍ଲାନିକି ଗ୍ରାପେଚ୍ଚେଞ୍ଜି ଅଟେ ସୁସମାଚାର ପ୍ରଚାର କିଚ୍ଚେଞ୍ଜି, ଏଚିତୁକାତାୱା ଗାମିନ୍ ଜାଜକଙ୍ଗ୍ ଆଟେ ସାସ୍ତ୍ରିଙ୍ଗ୍ ଗାମିନାରି ଡ଼ାହି ୱାନ୍ ତାଙ୍ଗେ ୱେସ୍ତେରି, 2“ନିନୁ ଇମ୍ୱିନ୍ ହକତ୍ ଡ଼ାହି ଇ ହାବେତ୍ କାମା କିଞ୍ଜି, ଆଟେ ଏମ୍ୱେ ନିଙ୍ଗେ ଇ ହକତ୍ ହିଆତେ, ଏୱାଞ୍ଜି ଏମ୍ୱେନାଞ୍ଜି, ମାଙ୍ଗେ ୱେସ୍ତାମୁ ।”
3ମତ୍ର ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ୱାଡ଼େ ମିଙ୍ଗେ ରଣ୍ଡା କାତା ୱେଞ୍ଜା, ନାଙ୍ଗେ ୱେସ୍ତାଟୁ, 4ଜହନତି ଡୁବନ୍ ସର୍ଗତାୱାଟି କି କୁଇଙ୍ଗ୍ତାୱାଟି ଆତେ ?”
5ଏମ୍ୱାଟି ଏୱାରି ତାରୁ ତାରୁ କାତାବାର୍ତା ଆନ୍ ୱେସ୍ତେରି, ଜଦି ସର୍ଗତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଏୱାଞ୍ଜି ୱେସ୍ତାନେଞ୍ଜି, ମିରୁ ଇନ୍ନା କିଅନ୍ ଜହନନିକି ମାଞ୍ଜାଡ଼ି କିଃଆତେରି ? 6ମତ୍ର ଜଦି କୁଏଞ୍ଜ୍ତାୱାଟି ଇଞ୍ଜାନ୍ ୱେସ୍ନା, ଏହେଙ୍ଗ୍ ଆତେସି ଦାଲ୍ଲା ହାବେ ମାଙ୍ଗେ ୱାଲ୍ଲିଙ୍ଗ୍ ଜିସ୍କାନ୍ ପାଗାଦାନେରି, ଇନାକି ଜହନ ରଃଅଞ୍ଜି ବାବବାଦି, ଇଦା ନେହେନ୍ ପୁଞ୍ଜାନ୍ନେରି । 7ଏଦାକି ଏଦି ଇମ୍ୱିନାୱାଟି ଆତେ, ଏଦା ପୁଞ୍ଜାହେଃଲ୍ଲାମୁ ଇଞ୍ଜାନ୍ ଏୱାରି ୱେସ୍ତେରି ।
8ଜିସୁ ଏୱାରିକି ୱେସ୍ତେଞ୍ଜି, ନାନୁ ଇମ୍ୱିନ୍ ହକତ୍ଟିଆଟି ଇୱାହାବେ କିମାଃଇ, ଏଦା ନାନୁ ୱାଡ଼େ ମିଙ୍ଗେ ୱେସ୍ତାଦାଃଏନୁ ।
ଅଙ୍ଗୁରପାଙ୍ଗାତାୱା ବାଗା କାମା କିନ୍ନି ଦାଲ୍ଲାତି ତୁକାଙ୍ଗାତା
(ମାତିଉ ୨୧:୩୩–୪୬; ମାର୍କ ୧୨:୧–୧୨)
9ଏମ୍ୱାଟି ଜିସୁ ଦାଲ୍ଲାନିକି ଇ ତୁକାଙ୍ଗାତାଟି ୱେସ୍ପନ୍ ମ୍ରାସ୍ତେଞ୍ଜି, “ରଃଅଞ୍ଜି କୁଏଞ୍ଜି ରଣ୍ଡା ଅଙ୍ଗୁରପାଙ୍ଗା କିଆନ୍ ଏଦା କାମା କିଅନ୍ତାରିନିକି ବାଗା ହିଆନ୍ ଏଗେଲ୍ ଅଁଣ୍ଡୁ ବାଗାଟି ବିହି ଦେସାଇନ୍ଦା ହାଚ୍ଚେଞ୍ଜି ।” 10ଆଟେ କାମା କିଅନ୍ତାରି ଇନିମିଡି ତାଙ୍ଗେ ଅଙ୍ଗୁରପାଙ୍ଗାତି ପଲ ବାଗା ହିନେରି, ଏଦାବାଗା ତାନୁ ରଃଅଞ୍ଜି କାମ୍ବାରେଏଞ୍ଜିକି ଅଙ୍ଗୁର ଏସ୍ପନ୍ତି ତୁକାତାୱା ଏୱାର୍ ରେଃଏସ୍ ପାଣ୍ଡିତେଞ୍ଜି, ମତ୍ର ଏ ବାଗା କାମା କିଅନ୍ତାରି ଏୱାଞ୍ଜିକି ଚାହାନ୍ ୱାର୍ରି କାସ୍କାଟି ୱ୍ଡେପ୍ତେରି । 11ଏୱାଞ୍ଜି ଆଟେ ରଃଅଞ୍ଜି କାମ୍ବାରେଏଞ୍ଜିକି ପାଣ୍ଡିତେଞ୍ଜି; ଏୱାରି ଏୱାଞ୍ଜିକି ୱାଡ଼େ ଚାହାନ୍ ଅଟେ ଲେଜ୍ଜା କିଆନ୍ ୱାର୍ରି କାସ୍କାଟି ୱ୍ଡେପ୍ତେରି । 12ଡେଗ୍ଗା ଏୱାଞ୍ଜି ଆଟେ ରଃଅଞ୍ଜିକି ୱାଡ଼େ ପାଣ୍ଡିତେଞ୍ଜି; ମତ୍ର ଏୱାରି ଏୱାଞ୍ଜିକି ୱାଡ଼େ ଗାଜାଙ୍ଗ୍ କିଆନ୍ କାଟ ତୁହ୍ତେରି । 13ଏମ୍ୱାଟି ଅଙ୍ଗୁରପାଙ୍ଗାତି ସକାରେଏଞ୍ଜି ୱେସ୍ତେଞ୍ଜି, ନାନୁ ଇନ୍ନା କିଃଇ ? ନା ଜେଡାଗାଟି ମ୍ରିଃଏଞ୍ଜିକି ପାଣ୍ଡିଃଇ, ଏୱାରି ଏୱାଞ୍ଜିକି ମାନି ଆନେର୍ କିନାଙ୍ଗ୍ । 14ମତ୍ର କାମାଗାଟାରି ଏୱାଞ୍ଜିକି ହୁଡ଼ାନ୍ ତାରୁ ତାରୁ କାତାବାର୍ତା ଆନ୍ ୱେସ୍ପନ୍ ମ୍ରାସ୍ତେରି, ଇୱାଞ୍ଜି ସକାରତି ମ୍ରିଃଏଞ୍ଜି, ଇୱାଞ୍ଜିକି ପାଗିନା, ଇନିସ୍କି ହାବେତ୍ ଦନ ମାନ୍ଦି ଆନେ । 15ଆଟେ ଏୱାରି ଏୱାଞ୍ଜିକି ଅଙ୍ଗୁରପାଙ୍ଗାତି କାଟ ପାଗାନ୍ ତୁହ୍ତେରି । ଏମ୍ୱାଟି, ଅଙ୍ଗୁରପାଙ୍ଗାତି ସକାରେଏଞ୍ଜି ଏୱାରିକି ଇନ୍ନା କିନେଞ୍ଜି ? 16“ଏୱାଞ୍ଜି ୱାନ୍ ଇ କାମାଗାଟାରିକି ପାଗିନେଞ୍ଜି ଅଟେ ବିହିତାରିନିକି ଅଙ୍ଗୁରପାଙ୍ଗା ହିନେଞ୍ଜି ।” ଇଦା ୱେଞ୍ଜାନ୍ ଏୱାରି ୱେସ୍ତେରି, “ଏଦି ଆଃଆକାଦି ।”
17ମତ୍ର ଜିସୁ ଏୱାରିକି ନେହେନ୍ ମେହାନାହି ୱେସ୍ତେଞ୍ଜି,
ଆତେସି ଇ ଇମ୍ୱିନ୍ କାତା ୱ୍ରିଗାଆନ୍ନେ, ଇଦାତି ଅର୍ତ ଇନ୍ନି କୁଲା, ଇଡ୍ଡୁ କ୍ଲେହନ୍ତାରି ଇମ୍ୱିନ୍ ୱାଲ୍ଲିତିଦି ଅଗ୍ରାହ୍ୟ କିତେରି,
ଏଦି ମୁଜ୍ଜୁତି ଗାମିନ୍ ୱାଲ୍ଲି ଆତେ ।
18ଏମ୍ୱେନାଞ୍ଜି ଏ ୱାଲ୍ଲି କୁଃଏଟି ସ୍ରୁନେଞ୍ଜି, ଏୱାଞ୍ଜି କାଣ୍ଡା କାଣ୍ଡା ଆନେଞ୍ଜି, ଆଟେ ଏ ୱାଲ୍ଲି ଇନ୍ଦାର୍ କୁଃଏଟି ସ୍ରୁନେ, ଏୱାଞ୍ଜିକି ଏଦି ଲିର୍ଚପ୍ କିନେ ।
ସିସ୍ଟୁ ହିଅନ୍ତି କୁଲାଟି ୱେନ୍ବନ୍
(ମାତିଉ ୨୨:୧୫–୨୨; ମାର୍କ ୧୨:୧୩–୧୭)
19ଏମ୍ୱାଟି ସାସ୍ତ୍ରିଙ୍ଗ୍ ଅଟେ ଗାମିନ୍ ଜାଜକଙ୍ଗ୍ ଏ ତୁକାତାୱା ଜିସୁନିକି ଆହ୍ପନ୍ ବାଗା ସେସ୍ଟା କିତେରି, ମତ୍ର ଏୱାରି ଦାଲ୍ଲାତିଦି ଆଜ୍ଜେଚ୍ଚେରି, ଇନାକି ଏୱାଞ୍ଜି ଏ ତୁକାଙ୍ଗାତା ଏୱାରିକି ହୁଡ଼ାନ୍ ୱେସାଚ୍ଚେଞ୍ଜି ଇଞ୍ଜାନ୍ ଏୱାରି ବୁଜ୍ଜି ଆତେରି । 20ଏମ୍ୱାଟି ଏୱାରି ଜିସୁନିକି ଗାମିନାଞ୍ଜିତି କାଜ୍ଜୁତାୱା ଅଟେ ଆକୁଡ଼୍ଗାଟାଞ୍ଜ୍ତି କାଜ୍ଜୁତାୱା ସର୍ପି କିଅନ୍ ବାଗାଟି ପେଜୁ ଦାହାନ୍ ତା କାତାତି ବୁଲ୍ ଆହ୍ପନ୍ ବାଗା ହେଃଏସ୍ ଆନ୍ ତାରୁ ତାରୁ ଦାର୍ମିକଗାଟାଞ୍ଜି ଇଞ୍ଜାନ୍ ତସ୍ପିନ୍ନି ଟ୍ଡକାଙ୍ଗ୍ନିକି ପାଣ୍ଡିତେରି । 21ଏୱାରି ଜିସୁନିକି ୱେଚ୍ଚେରି, ଏ ଗ୍ରାପାଗାଟାତି, ମାମୁ ପୁଞ୍ଜିନ୍ନାମୁ ନିନୁ ନେହି କାତା ୱେସ୍ପିଞ୍ଜି ଅଟେ ଗ୍ରାପେଞ୍ଜି, ଆଟେ ଇନ୍ଦାର୍ତି ମ୍ରୁମ୍ୱୁ ହୁଡ଼ାନ୍ କାତା କିଏହେଃଲ୍ଲା, ମତ୍ର ନିଜ୍ଜାନେଃଏ ମୁଲାପେନୁତି ପାହେର୍ କୁଲାଟି ଗ୍ରାପେଞ୍ଜି । 22ମାଙ୍ଗେ ୱେସ୍ତାମୁ, କାଇସରନିକି ସିସ୍ଟୁ ହିଅନ୍ ମାଙ୍ଗେ ହାଜୁ ମାନ୍ନେ କି ଆଃଏ ?
23ମତ୍ର ଜିସୁ ଏୱାର୍ତି କାତା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, “ନାଙ୍ଗେ ରଣ୍ଡା ଟାକ୍କା ତସ୍ତାଟୁ । 24ଇ ଟାକ୍କାତାୱା ଇନ୍ଦାର୍ତି ୱାନ୍ନା ଅଟେ ପାରୁ ମାନ୍ନେ ?” ଏୱାରି ୱେସ୍ତେରି, “କାଇସରତାଦି ।”
25ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ଏହେଙ୍ଗ୍ ଆତେସି ଇନ୍ନାଦି କାଇସରତାଦି, ଏଦା କାଇସରନିକି ହିଦୁ; ଆଟେ ଇନ୍ନାଦି ମୁଲାପେନୁତାଦି, ଏଦା ମୁଲାପେନୁନିକି ହିଦୁ ।”
26ଏମ୍ୱାଟି ଏୱାରି ଦାଲ୍ଲା ନକେସ୍ ଜିସୁ କାତାତି ପେଜୁ ଆହ୍ପନ୍ ମୁଃଆତେରି, ଆଟେ ଏୱାରିକି ଜିସୁ ୱେସ୍ପନେଃଏ ଆକ୍କାବାଡ଼ାଙ୍ଗ୍ ଆନ୍ ଡାମ୍ନା ବାସାଆତେରି ।
ନିମ୍ୱାନ୍ନିଙ୍ଗନ୍ତି କୁଲାଟି ୱେନ୍ବନ୍
(ମାତିଉ ୨୨:୨୩–୩୩; ମାର୍କ ୧୨:୮–୨୭)
27 #
ପେରି ୨୩:୮
ଏମ୍ୱାଟି ନିମ୍ୱାନ୍ନିଙ୍ଗନ୍ତାଦା ମାଞ୍ଜାଡ଼ି କିଃହେଲ୍ଲାନ୍ ଏଚ୍ଚେ ସାଦୁକି ଦାଲ୍ଲା ଜିସୁ ରେଃଏସ୍ ୱାନ୍ ୱେଚ୍ଚେରି, 28ଏ ଗ୍ରାପାଗାଟାତି, ମସା ମା ବାଗା ୱ୍ରିଗାନ୍ନେଞ୍ଜି ଜେ, ରଃଅଞ୍ଜି କୁଏଞ୍ଜି କୁଆଲୁ ମାଞ୍ଜି ମାଞ୍ଜି ବଦାଙ୍ଗ୍ ପାଃନେଟେଃଏ ହାନେଞ୍ଜି, ଏହେଙ୍ଗ୍ ଆତେସି ତା ଆମ୍ୱେସ୍ ତା କୁଆଲୁନିକି ବିବା ଆନାହି ତା ଗାମିନ୍ ଆମ୍ୱେସ୍ ବାଗା ପୁଣ୍ଡି ଏପା କିନେଞ୍ଜି । 29ଏୱାରି ଅଡ଼ି ଗାଣ୍ଡି ଆମ୍ୱେସାଙ୍ଗା ମାଚ୍ଚେରି; କାହେତାଞ୍ଜି ରଣ୍ଡା କୁଆଲୁନିକି ବିବା ଆତେଞ୍ଜି ଅଟେ ବଦାଙ୍ଗ୍ ପାଃନେଟେଃଏ ହାତେଞ୍ଜି; 30ଡେଗ୍ଗା ତା ବେତଟ୍ତାଞ୍ଜି ଏମ୍ୱାଟି ଅଟେ ତା ଡେଗ୍ଗାତି ଆମ୍ୱେସ୍ ୱାଡ଼େ ଏ କୁଆଲୁନିକି ବିବା ଆତେଞ୍ଜି; 31ଏହେଙ୍ଗିସି ଅଡ଼ି ଗାଣ୍ଡି ହାବେ ବଦାଙ୍ଗ୍ ପାଃନେଟେଃଏ ହାତେରି । 32ୱିହାନ୍ଦୁକାତାୱା ଏ କୁଆଲୁ ୱାଡ଼େ ହାତେ । 33ଏହେଙ୍ଗ୍ ଆତେସି, ନିମ୍ୱାନ୍ନିଙ୍ଗନ୍ତି ତୁକାତାୱା ଏୱାର୍ତାୱାଟି ଏଦି ଇନ୍ଦାର୍ତି କୁଆଲୁ ଆନେ ? ଅଡ଼ି ଗାଣ୍ଡି ହାବେ ତାଙ୍ଗେ ବିବା ଆଚ୍ଚେରି ।
34ଜିସୁ ଏୱାରିକି ୱେସ୍ତେଞ୍ଜି, ନିଜ୍ଜାନେଃଏ ଇ ପୁର୍ତିତି ମ୍ରିକା ବିବା ଆଇନ୍ନେରି ଅଟେ ବିବା କିୱି କିନ୍ନେରି, 35ମତ୍ର ଏମ୍ୱେନାରି ହାନ୍ନାର୍ତାୱାଟି ନିମ୍ୱାନ୍ନିଙ୍ଗାନ୍ ୱାଇନି ପୁର୍ତିତାୱା ବାସାଆଅନ୍ ବାଗା ଜୁଗ୍ୟ ଆଇନ୍ନେରି, ଏୱାରି ବିବା ଆଏହେଃଲ୍ଲେରି; 36ଆଟେ ଏୱାରି ହାଅନ୍ ମୁଃଏରି, ଇନାକି ଏୱାରି ଦୁତଙ୍ଗ୍ ଲାକ୍କା ମାଞ୍ଜିନ୍ନେରି ଅଟେ ଏ ନିମ୍ୱାନ୍ନିଙ୍ଗନ୍ତି ମ୍ରିକା ଆନ୍ନାୱିଃଆଟି ମୁଲାପେନୁତି ମ୍ରିକା ଆନ୍ନେରି । 37ମତ୍ର ହାନ୍ନାରି ଜେ ନିଙ୍ଗେନ୍ନେରି, ଇଦା ମସା ୱାଡ଼େ ରିଞ୍ଜେନ୍ନି ଲାଟ୍ଟିତି କାତା ଡ଼ାହି ଦାର୍ମୁନିକି ଅବ୍ରାହାମତି ମୁଲାପେନୁ, ଇସାକତି ମୁଲାପେନୁ ଅଟେ ଜାକୁବତି ମୁଲାପେନୁ ଇଞ୍ଜାନ୍ ୱେସାନାହି ପୁନ୍ବି କିଆନ୍ନେଞ୍ଜି । 38ଏୱାଞ୍ଜ୍ ତ ହାନ୍ନାର୍ତି ମୁଲାପେନୁ ଆଃଏ, ମତ୍ର ନିମ୍ୱାନ୍ନାର୍ତି ମୁଲାପେନୁ; ଇନାକି ହାବେତାରି ତା ନକେସ୍ ନିମ୍ୱାନ୍ନେରି ।
39ଏମ୍ୱାଟି ସାସ୍ତ୍ରିଙ୍ଗ୍ତାୱାଟି ଏଚ୍ଚେ ଦାଲ୍ଲା ୱେସ୍ତେରି, ଏ ଗ୍ରାପାଗାଟାତି, ନିନୁ ନିଜ୍ଜା ୱେସ୍ତାତି । 40ଇନାକି ଏୱାରି ତାଙ୍ଗେ ଇମ୍ୱିନ୍ କାତା ୱେନ୍ବନ୍ ବାଗା ଆଟେ ବରେସ୍ କିଃଆତେରି ।
କ୍ରିସ୍ଟ କୁଲାଟି ୱେନ୍ବନ୍
(ମାତିଉ ୨୨:୪୧–୪୬; ମାର୍କ ୧୨:୩୫–୩୭)
41ମତ୍ର ଜିସୁ ଏୱାରିକି ୱେଚ୍ଚେଞ୍ଜି, “କ୍ରିସ୍ଟ ଜେ ଦାଉଦତି ମ୍ରିଃଏଞ୍ଜି, ଇଦା ଦାଲ୍ଲା ଇନିମିଡି ୱେସ୍ପିନ୍ନେରି ?” 42ଇନାକି ନିଜେ ଦାଉଦ ଗାଡ଼େମାଲା ପୁତିତାୱା ୱେସ୍ପିନ୍ନେଞ୍ଜି,
ଦାର୍ମୁ ନା ଦାର୍ମୁନିକି ୱେସ୍ତେଞ୍ଜି,
43ନାନୁ ଇମ୍ୱିନ୍ ଟିକ୍ନା ନି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନୁ,
ଏଚି ଟିକ୍ନା ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।
44ଆଟେ ୱାଡ଼େ, ଦାଉଦ ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି; ଆତେସି, ଏୱାଞ୍ଜି ଇନିମିଡି ଏୱାଞ୍ଜ୍ତି ମ୍ରିଃଏଞ୍ଜି ?
ଜିସୁ ସାସ୍ତ୍ରିଙ୍ଗ୍ତାୱାଟି ନେହେନ୍ ମାନ୍ବନ୍ ବାଗା ୱେସ୍ତେଞ୍ଜି
(ମାତିଉ ୨୩:୧–୩୬; ମାର୍କ ୧୨:୩୮–୪୦)
45ଡେଗ୍ଗା ଜିସୁ ଦାଲ୍ଲା ହାବେ ୱେଞ୍ଜିଚ୍ଚି ତୁକାତାୱା ଗ୍ରାମ୍ୱାଗାଟାରିକି ୱେସ୍ତେଞ୍ଜି, 46“ସାସ୍ତ୍ରିଙ୍ଗ୍ତାୱାଟି ନେହେନ୍ ବାସାଆଦୁ । ଏୱାରି ଲାମ୍ୱା ଗତାଙ୍ଗ୍ ମେଦ୍ଦାନାହି ତ୍ରେବନ୍ ବାଗାଟି, ଆଟେ ହାଟ୍ଟୁ ବଜାରତାୱା ଜୁହାରି, ହାଜା ଇଡ୍ଡୁତାୱା ଗାମିନ୍ ଗର୍ରିଙ୍ଗ୍ ଆଟେ ବୁଜିତାୱା ଗାମିନ୍ ଗର୍ରି ପାଁନ୍ବନ୍ ବାଗା ଦାହ୍ପିନ୍ନେରି; 47ଏୱାରି ୱାଟ୍ଟାଗାଟାଡ଼୍ତି ଇଟ୍କା ହାବେ ଗୁହ୍ପିନ୍ନେରି ଅଟେ କଲଟି ଲାମ୍ୱା ପ୍ରାତ୍ନା କିନ୍ନେରି, ଏୱାରି ଏଗେଲ୍ ଦଣ୍ଡ ପାଁନେରି ।”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0