ଲୁକ 19
19
ଜିସୁ ଅଟେ ଜକିୟ
1ଡେଗ୍ଗା ଜିସୁ ଜିରିହ ଗାଡ଼ାନାଜୁ ଏସେନ୍ ହାଜ୍ଜିଚ୍ଚେଞ୍ଜି । 2ଆଟେ ହୁଡ଼ାଟୁ, ଜକିୟ ପାରୁଟି ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି, ଏୱାଞ୍ଜି ରଃଅଞ୍ଜି ଗାମିନ୍ ସିସ୍ଟୁଅନ୍ତାଞ୍ଜି ଅଟେ ଦନିଗାଟାଞ୍ଜି । 3ଜିସୁ ଏମ୍ୱେନାଞ୍ଜି, ଏଦା ହୁଡ଼ନ୍ତିକି ଏୱାଞ୍ଜି ସେସ୍ଟା କିଚ୍ଚେଞ୍ଜି, ମତ୍ର ଗାପ୍ଚି ଦାଲ୍ଲା ମାଚ୍ଚି ବାଗା ହୁଡ଼ନ୍ ମୁପେହେଃଲ୍ଲାତେଞ୍ଜି, ଇନାକି ଏୱାଞ୍ଜି ଟ୍ଡେପାଗାଟାଞ୍ଜି ମାଚ୍ଚେଞ୍ଜି । 4ଏମ୍ୱାଟି ଏୱାଞ୍ଜି ଦାଲ୍ଲା ନକେସ୍ ଡେହାନାହି ହାଜ୍ଜାନ୍ ଜିସୁନିକି ହୁଡ଼ନ୍ ବାଗା ରଣ୍ଡା ତଗା ମ୍ରାନୁତାୱା ଏଙ୍ଗିତେଞ୍ଜି, ଇନାକି ଜିସୁ ଏ ପାହେର୍ ହିଆନ୍ ହାଲ୍ବନ୍ ମାଚ୍ଚେ । 5ଜିସୁ ଏ ଗର୍ରିଇନ୍ଦା ୱାନ୍ ୱାନ୍ଦା ମେହାନ୍ ଏୱାଞ୍ଜିକି ୱେସ୍ତେଞ୍ଜି, “ଜକିୟ, ୱିର୍ନା ଜାଚାନ୍ ୱାମୁ, ଇନାକି ନିଞ୍ଜୁ ନାନୁ ନି ଇଜ୍ଜା ବାସାଆଃଇ ।”
6ଏମ୍ୱାଟି ଏୱାଞ୍ଜି ୱିର୍ନା ଜାଚାନ୍ ୱାତେଞ୍ଜି ଅଟେ ରାହାଙ୍ଗ୍ ଆନ୍ ଜିସୁନିକି ଆଙ୍ଗୁଲ୍ ଆତେଞ୍ଜି । 7ଏଦା ହୁଡ଼ାନ୍ ହାବେତାରି ହେଃଏସ୍ ଆନ୍ ୱେସ୍ପନ୍ ମ୍ରାସ୍ତେରି, “ଏୱାଞ୍ଜି ରଃଅଞ୍ଜି ପାପିଗାଟାଞ୍ଜି ଇଜ୍ଜା ମାନ୍ବନ୍ ବାଗା ହାଜ୍ଜିନ୍ନେଞ୍ଜି ।”
8ମତ୍ର ଜକିୟ ଡିଡ୍ଡାନ୍ ଦାର୍ମୁନିକି ୱେସ୍ତେଞ୍ଜି, “ଏ ଦାର୍ମୁ, ହୁଡ଼ାମୁ, ନାନୁ ନା ପାହେଡ଼୍ ଦନ ହାକ୍କିଗାଟାରିକି ଦାନ ହିଃଇ, ଆଟେ ଜଦି ଅନିୟେଟି ଇନ୍ଦାର୍ତାୱାଟି ତାଚ୍ଚାମାଃଇ, ଏହେଙ୍ଗ୍ ଆତେସି ନାଲ୍ ଦୁଗୁଡ଼୍ ଏୱା ୱ୍ଡେପ୍ଚ୍ଚାହିଃଇ ।”
9ଏମ୍ୱାଟି ଜିସୁ ଜକିୟନିକି ୱେସ୍ତେଞ୍ଜି, “ନିଞ୍ଜୁ ଇ ଇଡ୍ଡୁତାୱା ଜ୍ଡିପା ୱାନ୍ନେ, ଇନାକି ଇୱାଞ୍ଜ୍ ୱାଡ଼େ ରଃଅଞ୍ଜି ଅବ୍ରାହାମତି ମ୍ରିଃଏଞ୍ଜି; 10#ମାତି ୧୮:୧୧ଇନାକି ଇନ୍ନା ମ୍ରାଙ୍ଗାନ୍ନୁ, ଏଦା ଦାହାନ୍ ରକ୍ୟା କିଅନ୍ ବାଗାଟି କୁଏଞ୍ଜ୍ ମ୍ରିଃଏଞ୍ଜି ୱାନ୍ନେଞ୍ଜି ।”
ସୁନା ଟାକ୍କାଙ୍ଗ୍ତି ତୁକାଙ୍ଗାତା
(ମାତିଉ ୨୫:୧୪–୩୦)
11ଦାଲ୍ଲା ଇ କାତା ହାବେ ୱେଞ୍ଜିନ୍ନି ତୁକାତାୱା ଜିସୁ ଆଟେ ରଣ୍ଡା ତୁକାଙ୍ଗାତା ୱେସ୍ତେଞ୍ଜି, ଇନାକି ଏୱାଞ୍ଜି ଏଚିତୁକାତାୱା ଜିରୁସାଲମ ରେଃଏସ୍ ଆଚ୍ଚେଞ୍ଜି, ଏମ୍ବାଟି ଏୱାରି ମୁଲାପେନୁତି ରାଜି କାର୍ବେକ୍ ପଙ୍ଗିନେ ଇଞ୍ଜାନ୍ ଏଲୁ କିଚ୍ଚେରି । 12ଏଦାକି ଏୱାଞ୍ଜି ୱେସ୍ତେଞ୍ଜି, ରଃଅଞ୍ଜି ଗାମିନ୍ କୁଏଞ୍ଜି ତା ବାଗା ରାଜେଞ୍ଜି ପଦ ପାଁଣ୍ଡାନାହି ୱ୍ଡେଚାନ୍ ୱାଅନ୍ ବାଗା ଦେହା ରାଜି ହାଚ୍ଚେଞ୍ଜି । 13ଏୱାଞ୍ଜି ତା ଦାସା ଜାଡ଼ା କାମ୍ବାରାଙ୍ଗାନିକି ଆର୍ଚାନ୍ ଏୱାରିକି ଦାସାଗଟ୍ଟା ସୁନା ଲେବୁଙ୍ଗ୍ ହିଆନ୍ ୱେସ୍ତେଞ୍ଜି, ନାନୁ ୱାନି ଟିକ୍ନା ବେପାର୍ କିଦୁ । 14ମତ୍ର ତା ଦେସାତାରି ତାଙ୍ଗେ ହେଃଏସ୍ ଆଇଚ୍ଚେରି, ଆଟେ ଏୱାରି ତା ବେତଟ୍ କବର ହିଅନ୍ତାଞ୍ଜିନିକି ଇ କାତା ୱେସାନ୍ ପାଣ୍ଡିତେରି, ଇ କୁଏଞ୍ଜି ଜେ ମା କୁଃଏଟି ଆକୁଡ଼୍ କିନେଞ୍ଜି, ଏଦା ମାଙ୍ଗେ ଇଚ୍ଚା ଆଃଏ ।
15ଡେଗ୍ଗା ଏୱାଞ୍ଜି ରାଜେଞ୍ଜ୍ତି ପଦ ପାଁଣ୍ଡାନ୍ ତା ରାଜି ୱ୍ଡେଚାନ୍ ୱାନ୍, ଇମ୍ୱିନ୍ କାମ୍ବାରାଙ୍ଗାନିକି ଲେବୁଙ୍ଗ୍ ହିଆଚ୍ଚେଞ୍ଜି, ଏୱାର୍ତାୱାଟି ବେପାର୍ କିଆନ୍ ଏମ୍ୱେନାରି ଏଚ୍ଚେ ଲାବା କିଆନେରି, ଏଦା ପୁନ୍ବନ୍ ବାଗା ଏୱାରିକି ତା ରେଃଏସ୍ ଆର୍ଚାନ୍ ତାପନ୍ ବାଗା ୱେସ୍ତେଞ୍ଜି । 16ଏମ୍ୱାଟି କାହେତାଞ୍ଜି ୱାନ୍ ୱେସ୍ତେଞ୍ଜି, ଏ ସକାର, ନିନୁ ହିଆଞ୍ଜାତି ଟାକ୍କା ଡ଼ାହି ଆଟେ ଦାସାଗଟ୍ଟା ଟାକ୍କାଙ୍ଗ୍ ପାଁଣ୍ଡାମାଃଇ । 17ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ବଡ଼ିଆ, ନିନୁ ନିଗ୍ଗା କାମ୍ବାରେଏଞ୍ଜ୍ତି, ନିନୁ ହିତେ କୁଲାତାୱା ବିସ୍ୱସ୍ତ ଆନ୍ନି ବାଗାଟି ଦାସାଗଟ୍ଟା ଗାଡ଼ାନାସ୍କା କୁଃଏଟି ଆକୁଡ଼୍ କିଦି । 18ଆଟେ ଡେଗ୍ଗାତାଞ୍ଜି ୱାନ୍ ୱେସ୍ତେଞ୍ଜି, ଏ ସକାର, ନିନୁ ନାଙ୍ଗେ ହିଆଞ୍ଜାତି ସୁନା ଟାକ୍କା ଡ଼ାହି ନାନୁ ସେଙ୍ଗା ସୁନା ଟାକ୍କାଙ୍ଗ୍ ଲାବା କିଆମାଃଇ । 19ଏୱାଞ୍ଜି ଏୱାଞ୍ଜିକି ୱାଡ଼େ ୱେସ୍ତେଞ୍ଜି, ନିନୁ ୱାଡ଼େ ସେଙ୍ଗା ଗାଡ଼ାନାସ୍କା କୁଃଏଟି ଆକୁଡ଼୍ କିଦି ।
20ଆଟେ ରଃଅଞ୍ଜି ୱାନ୍ ୱେସ୍ତେଞ୍ଜି, ଏ ସକାର, ହୁଡ଼ାମୁ, ଇଦି ନି ସୁନା ଟାକ୍କା, ନାନୁ ଇଦା ଚେଦର୍ ଡ଼ାହି ଗାସାନ୍ ଇଟ୍ଟାହିଆଞ୍ଜାତେଃଏ; 21ଇନାକି ନାନୁ ନିଙ୍ଗେ ଆଜ୍ଜିଦାଃତେଏ, ନିନୁ ରଃଅଞ୍ଜି କ୍ଲେଲି ଗାଟାତାତି, ଇନ୍ନା ଇଟ୍ଟାହେଃଲ୍ଲା, ଏୱା ଅଇଞ୍ଜି, ଆଟେ ଇନ୍ନା ମାଟ୍ଟାହେଃଲ୍ଲା, ଏୱା ରେଗ୍ଗେଞ୍ଜି । 22ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ଏ ଡ଼ଃଆନ୍ କାମ୍ବାରେଏଞ୍ଜାତି, ନି କାତା ଡ଼ାହି ନି ବିଚାର କିଃଇ । ନାନୁ ରଃଅଞ୍ଜି କ୍ଲେଲି ଗାଟାନୁ, ଇନ୍ନା ଇଟ୍ଟାହେଃଲ୍ଲାନୁ, ଏୱା ଅଃଇ, ଆଟେ ଇନ୍ନା ମାଟ୍ଟାହେଃଲ୍ଲାନୁ, ଏୱା ରେଗେମାଃଇ, ଇଦା ଇନ୍ନା ପୁଞ୍ଜାଚ୍ଚି ? 23ଏହେଙ୍ଗ୍ ଆତେସି, ବେଙ୍କ୍ତାୱା ଇନାବାଗା ନା ସୁନା ଟାକ୍କା ଇଟ୍ଟାତି ? ଏହେଙ୍ଗ୍ ଆତେସି ନାନୁ ୱାନ୍ ଏମ୍ବାତି ୱାଡ୍ଡି#୧୯:୨୩ ୱାଡ୍ଡି ଇଚ୍ଚେସି ଉଡ଼ିଆଟି କଲନ୍ତର ପାଃଇମା ।
24ଆଟେ ଏୱାଞ୍ଜି ରେଃଏସ୍ ଡିଡ୍ଡାଚି ଦାଲ୍ଲାନିକି ୱେସ୍ତେଞ୍ଜି, ଇୱାଞ୍ଜ୍ତାୱାଟି ଇ ଟାକ୍କାଙ୍ଗ୍ ଅଆନ୍, ଇନ୍ଦାରିକି ଦାସାଗଟ୍ଟା ଟାକ୍କାଙ୍ଗ୍ ମାନ୍ନୁ, ଏୱାଞ୍ଜିକି ହିଦୁ । 25ଏମ୍ୱାଟି ଏୱାରି ତାଙ୍ଗେ ୱେସ୍ତେରି, ସକାରେଏଞ୍ଜାତି, ଏୱାଞ୍ଜିକି ତ ଦାସାଗଟ୍ଟା ଟାକ୍କାଙ୍ଗ୍ ମାନ୍ନୁ । 26#ମାତି ୧୩:୧୨; ମାର୍କ ୪:୨୫; ଲୁକ ୮:୧୮ନାନୁ ମିଙ୍ଗେ ୱେସ୍ପିଞ୍ଜା, ଇମ୍ୱିନ୍ କୁଏଞ୍ଜିକି ମାନ୍ନେ, ଏୱାଞ୍ଜିକି ହିୱା ଆନେ; ମତ୍ର ଇନ୍ଦାରିକି ହେଃଲ୍ଲେଏ, ଏୱାଞ୍ଜ୍ ରେଃଏସ୍ ଇନ୍ନା ମାନ୍ନୁ, ଏୱା ଏୱାଞ୍ଜ୍ତାୱାଟି ଅୱାଆନେ । 27#ମାତି ୨୫:୧୪–୩୦ମତ୍ର ନା ଇମ୍ୱିନ୍ ସତ୍ରୁଙ୍ଗ୍ ନାଙ୍ଗେ ରାଜେଞ୍ଜି କିଅନ୍ ଇଚ୍ଚା କିଏହେଃଲ୍ଲାତେରି, ଏୱାରିକି ଇମ୍ୱା ତାଚ୍ଚାନାହି ନା ନକେସ୍ ପାଗାଟୁ ।
ଜିସୁ ଜିରୁସାଲମଇନ୍ଦା ହାଲ୍ବନ୍
(ମାତିଉ ୨୧:୧–୧୧; ମାର୍କ ୧୧:୧–୧୧; ଜହନ ୧୨:୧୨–୧୯)
28ଜିସୁ ଇ ହାବେତ୍ କାତା ୱେସାନ୍ ଜିରୁସାଲମଇନ୍ଦା ହାଲ୍ବନ୍ ମ୍ରାସ୍ତେଞ୍ଜି । 29ଆଟେ ଏଚ୍ଚିକିଃଆ ଏୱାଞ୍ଜି ଜିତ ହରୁ ରେଃଏସ୍ତି ବେତ୍ପାଗି ଅଟେ ବେତନିଆ ରେଃଏସ୍ ଏତେଞ୍ଜି, ଏଚିତୁକାତାୱା ଏୱାଞ୍ଜି ତା ଗ୍ରାମ୍ୱାଗାଟାରି ତାୱାଟି ରିଃଆରିକି ଇ କାତା ୱେସାନ୍ ପାଣ୍ଡିତେଞ୍ଜି, 30ମି ନକେସ୍ ମାନ୍ନି ଏ ନାଜୁଇନ୍ଦା ହାଜ୍ଜୁ; ଏମ୍ୱା ହଲ୍ନି ତୁକାତାୱା, ଇନ୍ଦାର୍ କୁଃଏଟି ଏମ୍ୱେ ଏଚ୍ଚେକ୍ କକ୍ଚ୍ଚାହେଃଲ୍ଲେରି, ଏହେଙ୍ଗ୍ତି ରଣ୍ଡା ଗଦ ଡଟିତିଦି ଗାସାନ୍ନାଦାଃଆ ହୁଡ଼ିଦେରି; ଏଦା ୱ୍ରିକ୍ଚ୍ଚାନ୍ ତାଚ୍ଚିୱାଦୁ । 31ଆଟେ ଜଦି ଏମ୍ୱେ ମିଙ୍ଗେ ଇନାକିଅନ୍ ଇଦା ଅଇଞ୍ଜେରି ଇଞ୍ଜାନ୍ ୱେଞ୍ଜାତେସି, ଇହିଙ୍ଗିସି ୱେସ୍ଦୁ, ଇନାକି ଇଦାଡ଼୍ ପାଟ୍ଟି ଦାର୍ମୁତି ଆବସକ ମାନ୍ନେ ।
32ଏମ୍ୱାଟି ଗ୍ରାମ୍ୱାଗାଟାରି ହାଜ୍ଜାନାହି, ଜିସୁ ଏୱାରିକି ଇନିମିଡି ୱେସାଚ୍ଚେଞ୍ଜି, ଏଚିଲାକ୍କା ହୁଡ଼ିତେରି । 33ଆଟେ ଏୱାରି ଗଦ ଡଟି ୱ୍ରିପ୍କିଚି ତୁକାତାୱା ଏଦାଡ଼୍ତି ସକାରେଏଞ୍ଜି ଏୱାରିକି ୱେଚ୍ଚେଞ୍ଜି, ଇନାକିଅନ୍ ଗଦ ଡଟିତିଦି ୱ୍ରିପ୍କିଞ୍ଜେରି ?
34ଏୱାରି ୱେସ୍ତେରି, ଇନାକି ଇଦାଡ଼୍ ପାଟ୍ଟି ଦାର୍ମୁତି ଆବସକ ମାନ୍ନେ ।
35ଆଟେ ଏୱାରି ଗଦ ଡଟିତିଦି ଜିସୁ ରେଃଏସ୍ ତାଚ୍ଚାନ୍ ଏଦାଡ଼୍ କୁଃଏଟି ତା ତା ଜିରାଙ୍ଗ୍ ପାସାନ୍ ଜିସୁନିକି କକ୍କି କିତେରି । 36ଆଟେ ଜିସୁ ତାକେଚ୍ଚି ତୁକାତାୱା ଦାଲ୍ଲା ତା ତା ଜିରାଙ୍ଗ୍ ପାହେର୍ତାୱା ପାସ୍ପାୱିଅନ୍ ମ୍ରାସ୍ତେରି ।
37ଆଟେ ଜିସୁ ଏଚ୍ଚିକିଃଆ ଜିତହରୁତି ହିରିଜାପେଡ଼୍ ଗର୍ରି ରେଃଏସ୍ ଏତେଞ୍ଜି, ଏଚିତୁକାତାୱା ହାବେତ୍ ଗ୍ରାମ୍ୱାଗାଟାରି ହୁଡ଼ାଚ୍ଚି ହାବେ ବଲତି କାମା ବାଗାଟି ରାହାଙ୍ଗିଃଆଟି ବେର୍ ଉକୁଡ଼୍ କିଆନ୍ ମୁଲାପେନୁନିକି ଜୁଙ୍ଗିତେରି, 38ଦାର୍ମୁତି ପାରୁଟି ଇମ୍ୱିନ୍ ରାଜେଞ୍ଜି ୱାଇନ୍ନେଞ୍ଜି, ଏୱାଞ୍ଜି ଦନ୍ୟ ଆପାକାଞ୍ଜି । ସର୍ଗତାୱା ଲତୁ ଅଟେ ମୁଲାପେନୁତି ଗଉରବ ଆପାକାଦି !
39ଏମ୍ୱାଟି ହାବେ ଦାଲ୍ଲା ତାୱାଟି ଏଚ୍ଚୁରି ପାରୁସିଙ୍ଗ୍ ଜିସୁନିକି ୱେସ୍ତେରି, “ଏ ଗ୍ରାପାଗାଟାତି, ନି ଗ୍ରାମ୍ୱାଗାଟାରିକି ଆସ୍ପି କିଆନ୍ ୱେସ୍ମୁ ।”
40ଏୱାଞ୍ଜି ୱେସ୍ତେଞ୍ଜି, “ନାନୁ ମିଙ୍ଗେ ୱେସ୍ପିଞ୍ଜା, ଇୱାରି ଡାମ୍ନା ବାସାଆତେସି, ୱାଲ୍ଲିଙ୍ଗ୍ ଗଜେଲ୍ ଆନୁ ।”
ଜିସୁ ଜିରୁସାଲମ ବାଗାଟି କିରେଡ଼୍ ଆଅନ୍
41ଆଟେ ଏଚ୍ଚିକିଃଆ ଜିସୁ ରେଃଏସ୍ ୱାତେଞ୍ଜି, ଏଚିତୁକାତାୱା ଜିରୁସାଲମତିଦି ହୁଡ଼ାନ୍ ତା ବାଗାଟି କିରେଡ଼୍ ଆନ୍ ୱେସ୍ତେଞ୍ଜି, 42“ନିନୁ ଜଦି ନିଞ୍ଜୁ ଲତୁ କୁଲାଟି ପୁଞ୍ଜାଞ୍ଜିମା ! ନିଞ୍ଜୁ ଏଦା ପୁଞ୍ଜାଞ୍ଜିମା ! ମତ୍ର ହାଦାଡ଼ି ଏୱା ହାବେ ନିନୁ ହୁଡ଼ନ୍ ମୁପେହେଃଲ୍ଲା । 43ଏଚ୍ଚିକିଃଆ ମୁଲାପେନୁ ନିଙ୍ଗେ ରକ୍ୟା କିଅନ୍ ବାଗା ସେସ୍ଟା କିଚ୍ଚେଞ୍ଜି, ଏଦା ନିନୁ ପୁଃନ୍ନାତାୱାଟି, ଏଚ୍ଚିକିଃଆ ନି ସତ୍ରୁଙ୍ଗ୍ ନି ଗୁଞ୍ଜେର୍ ଗାଡ଼ା ଗାସାନ୍ ନିଙ୍ଗେ ଆଙ୍ଗାଦାନ୍ନେରି, 44ଆଟେ ନିଙ୍ଗେ ଅଟେ ନି ତାୱା ମାନ୍ନି ହାବେତ୍ ନି ମ୍ରିକାବଦାଙ୍ଗ୍ନିକି ଡ଼ାଙ୍ଗ୍ନା ନାହେଡ୍ କିନେରି, ଆଟେ ନି ତାୱା ରଣ୍ଡି ୱାଲ୍ଲି ଆଟେ ରଣ୍ଡା ୱାଲ୍ଲି କୁଃଏଟି ବାସାଆଅନ୍ ବାଗା ହିଃଏରି, ଇହିଙ୍ଗିସି ତୁକା ନି ବାଗା ୱାନେ ।”
ଜିସୁ ଜିରୁସାଲମ ମନ୍ଦିରଇନ୍ଦା ହାଲ୍ବନ୍
(ମାତିଉ ୨୧:୧୨–୧୭; ମାର୍କ ୧୧:୧୫–୧୯; ଜହନ ୨:୧୩–୨୨)
45ଏମ୍ବାଟି ଜିସୁ ମନ୍ଦିର ଲାଃଇ ପ୍ରାପିଚ୍ଚି ଦାଲ୍ଲାନିକି ଇଦା ୱେସାନାହି ହପନ୍ ମ୍ରାସ୍ତେଞ୍ଜି, 46ଦର୍ମପୁତିତାୱା ୱ୍ରିଗାଆନ୍ନେ, “ମା ଇଡ୍ଡୁ ପ୍ରାତ୍ନା ଇଡ୍ଡୁ ଆନେ, ମତ୍ର ମିରୁ ଏଦାତିଦି ଟ୍ଡକେଙ୍ଗ୍ତି ହାଲୁ କିଆଞ୍ଜେରି ।” 47#ଲୁକ ୨୧:୩୭ଆଟେ ଏୱାଞ୍ଜି ହାବେ ୱେଲା ଜିରୁସାଲମ ମନ୍ଦିରତାୱା ଗ୍ରାପେଚ୍ଚେଞ୍ଜି, ମତ୍ର ଗାମିନ୍ ଜାଜକଙ୍ଗ୍, ସାସ୍ତ୍ରିଙ୍ଗ୍ ଅଟେ ଦାଲ୍ଲାତି ଗାମିନାରି ଏୱାଞ୍ଜିକି ପାଗନ୍ ବାଗା ସେସ୍ଟା କିଚ୍ଚେରି, 48ମତ୍ର ଦାଲ୍ଲା ହାବେ ରଣ୍ଡା ଏଲୁଟି ତା ଗ୍ରାପା ୱେଞ୍ଜିଚ୍ଚାୱିଃଆଟି ଏୱାରି ଇନ୍ନା କିନା ଇଞ୍ଜାନ୍ ଏଲୁ କିଅନ୍ ମୁପେହେଃଲ୍ଲାତେରି ।
Iliyochaguliwa sasa
ଲୁକ 19: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 19
19
ଜିସୁ ଅଟେ ଜକିୟ
1ଡେଗ୍ଗା ଜିସୁ ଜିରିହ ଗାଡ଼ାନାଜୁ ଏସେନ୍ ହାଜ୍ଜିଚ୍ଚେଞ୍ଜି । 2ଆଟେ ହୁଡ଼ାଟୁ, ଜକିୟ ପାରୁଟି ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି, ଏୱାଞ୍ଜି ରଃଅଞ୍ଜି ଗାମିନ୍ ସିସ୍ଟୁଅନ୍ତାଞ୍ଜି ଅଟେ ଦନିଗାଟାଞ୍ଜି । 3ଜିସୁ ଏମ୍ୱେନାଞ୍ଜି, ଏଦା ହୁଡ଼ନ୍ତିକି ଏୱାଞ୍ଜି ସେସ୍ଟା କିଚ୍ଚେଞ୍ଜି, ମତ୍ର ଗାପ୍ଚି ଦାଲ୍ଲା ମାଚ୍ଚି ବାଗା ହୁଡ଼ନ୍ ମୁପେହେଃଲ୍ଲାତେଞ୍ଜି, ଇନାକି ଏୱାଞ୍ଜି ଟ୍ଡେପାଗାଟାଞ୍ଜି ମାଚ୍ଚେଞ୍ଜି । 4ଏମ୍ୱାଟି ଏୱାଞ୍ଜି ଦାଲ୍ଲା ନକେସ୍ ଡେହାନାହି ହାଜ୍ଜାନ୍ ଜିସୁନିକି ହୁଡ଼ନ୍ ବାଗା ରଣ୍ଡା ତଗା ମ୍ରାନୁତାୱା ଏଙ୍ଗିତେଞ୍ଜି, ଇନାକି ଜିସୁ ଏ ପାହେର୍ ହିଆନ୍ ହାଲ୍ବନ୍ ମାଚ୍ଚେ । 5ଜିସୁ ଏ ଗର୍ରିଇନ୍ଦା ୱାନ୍ ୱାନ୍ଦା ମେହାନ୍ ଏୱାଞ୍ଜିକି ୱେସ୍ତେଞ୍ଜି, “ଜକିୟ, ୱିର୍ନା ଜାଚାନ୍ ୱାମୁ, ଇନାକି ନିଞ୍ଜୁ ନାନୁ ନି ଇଜ୍ଜା ବାସାଆଃଇ ।”
6ଏମ୍ୱାଟି ଏୱାଞ୍ଜି ୱିର୍ନା ଜାଚାନ୍ ୱାତେଞ୍ଜି ଅଟେ ରାହାଙ୍ଗ୍ ଆନ୍ ଜିସୁନିକି ଆଙ୍ଗୁଲ୍ ଆତେଞ୍ଜି । 7ଏଦା ହୁଡ଼ାନ୍ ହାବେତାରି ହେଃଏସ୍ ଆନ୍ ୱେସ୍ପନ୍ ମ୍ରାସ୍ତେରି, “ଏୱାଞ୍ଜି ରଃଅଞ୍ଜି ପାପିଗାଟାଞ୍ଜି ଇଜ୍ଜା ମାନ୍ବନ୍ ବାଗା ହାଜ୍ଜିନ୍ନେଞ୍ଜି ।”
8ମତ୍ର ଜକିୟ ଡିଡ୍ଡାନ୍ ଦାର୍ମୁନିକି ୱେସ୍ତେଞ୍ଜି, “ଏ ଦାର୍ମୁ, ହୁଡ଼ାମୁ, ନାନୁ ନା ପାହେଡ଼୍ ଦନ ହାକ୍କିଗାଟାରିକି ଦାନ ହିଃଇ, ଆଟେ ଜଦି ଅନିୟେଟି ଇନ୍ଦାର୍ତାୱାଟି ତାଚ୍ଚାମାଃଇ, ଏହେଙ୍ଗ୍ ଆତେସି ନାଲ୍ ଦୁଗୁଡ଼୍ ଏୱା ୱ୍ଡେପ୍ଚ୍ଚାହିଃଇ ।”
9ଏମ୍ୱାଟି ଜିସୁ ଜକିୟନିକି ୱେସ୍ତେଞ୍ଜି, “ନିଞ୍ଜୁ ଇ ଇଡ୍ଡୁତାୱା ଜ୍ଡିପା ୱାନ୍ନେ, ଇନାକି ଇୱାଞ୍ଜ୍ ୱାଡ଼େ ରଃଅଞ୍ଜି ଅବ୍ରାହାମତି ମ୍ରିଃଏଞ୍ଜି; 10#ମାତି ୧୮:୧୧ଇନାକି ଇନ୍ନା ମ୍ରାଙ୍ଗାନ୍ନୁ, ଏଦା ଦାହାନ୍ ରକ୍ୟା କିଅନ୍ ବାଗାଟି କୁଏଞ୍ଜ୍ ମ୍ରିଃଏଞ୍ଜି ୱାନ୍ନେଞ୍ଜି ।”
ସୁନା ଟାକ୍କାଙ୍ଗ୍ତି ତୁକାଙ୍ଗାତା
(ମାତିଉ ୨୫:୧୪–୩୦)
11ଦାଲ୍ଲା ଇ କାତା ହାବେ ୱେଞ୍ଜିନ୍ନି ତୁକାତାୱା ଜିସୁ ଆଟେ ରଣ୍ଡା ତୁକାଙ୍ଗାତା ୱେସ୍ତେଞ୍ଜି, ଇନାକି ଏୱାଞ୍ଜି ଏଚିତୁକାତାୱା ଜିରୁସାଲମ ରେଃଏସ୍ ଆଚ୍ଚେଞ୍ଜି, ଏମ୍ବାଟି ଏୱାରି ମୁଲାପେନୁତି ରାଜି କାର୍ବେକ୍ ପଙ୍ଗିନେ ଇଞ୍ଜାନ୍ ଏଲୁ କିଚ୍ଚେରି । 12ଏଦାକି ଏୱାଞ୍ଜି ୱେସ୍ତେଞ୍ଜି, ରଃଅଞ୍ଜି ଗାମିନ୍ କୁଏଞ୍ଜି ତା ବାଗା ରାଜେଞ୍ଜି ପଦ ପାଁଣ୍ଡାନାହି ୱ୍ଡେଚାନ୍ ୱାଅନ୍ ବାଗା ଦେହା ରାଜି ହାଚ୍ଚେଞ୍ଜି । 13ଏୱାଞ୍ଜି ତା ଦାସା ଜାଡ଼ା କାମ୍ବାରାଙ୍ଗାନିକି ଆର୍ଚାନ୍ ଏୱାରିକି ଦାସାଗଟ୍ଟା ସୁନା ଲେବୁଙ୍ଗ୍ ହିଆନ୍ ୱେସ୍ତେଞ୍ଜି, ନାନୁ ୱାନି ଟିକ୍ନା ବେପାର୍ କିଦୁ । 14ମତ୍ର ତା ଦେସାତାରି ତାଙ୍ଗେ ହେଃଏସ୍ ଆଇଚ୍ଚେରି, ଆଟେ ଏୱାରି ତା ବେତଟ୍ କବର ହିଅନ୍ତାଞ୍ଜିନିକି ଇ କାତା ୱେସାନ୍ ପାଣ୍ଡିତେରି, ଇ କୁଏଞ୍ଜି ଜେ ମା କୁଃଏଟି ଆକୁଡ଼୍ କିନେଞ୍ଜି, ଏଦା ମାଙ୍ଗେ ଇଚ୍ଚା ଆଃଏ ।
15ଡେଗ୍ଗା ଏୱାଞ୍ଜି ରାଜେଞ୍ଜ୍ତି ପଦ ପାଁଣ୍ଡାନ୍ ତା ରାଜି ୱ୍ଡେଚାନ୍ ୱାନ୍, ଇମ୍ୱିନ୍ କାମ୍ବାରାଙ୍ଗାନିକି ଲେବୁଙ୍ଗ୍ ହିଆଚ୍ଚେଞ୍ଜି, ଏୱାର୍ତାୱାଟି ବେପାର୍ କିଆନ୍ ଏମ୍ୱେନାରି ଏଚ୍ଚେ ଲାବା କିଆନେରି, ଏଦା ପୁନ୍ବନ୍ ବାଗା ଏୱାରିକି ତା ରେଃଏସ୍ ଆର୍ଚାନ୍ ତାପନ୍ ବାଗା ୱେସ୍ତେଞ୍ଜି । 16ଏମ୍ୱାଟି କାହେତାଞ୍ଜି ୱାନ୍ ୱେସ୍ତେଞ୍ଜି, ଏ ସକାର, ନିନୁ ହିଆଞ୍ଜାତି ଟାକ୍କା ଡ଼ାହି ଆଟେ ଦାସାଗଟ୍ଟା ଟାକ୍କାଙ୍ଗ୍ ପାଁଣ୍ଡାମାଃଇ । 17ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ବଡ଼ିଆ, ନିନୁ ନିଗ୍ଗା କାମ୍ବାରେଏଞ୍ଜ୍ତି, ନିନୁ ହିତେ କୁଲାତାୱା ବିସ୍ୱସ୍ତ ଆନ୍ନି ବାଗାଟି ଦାସାଗଟ୍ଟା ଗାଡ଼ାନାସ୍କା କୁଃଏଟି ଆକୁଡ଼୍ କିଦି । 18ଆଟେ ଡେଗ୍ଗାତାଞ୍ଜି ୱାନ୍ ୱେସ୍ତେଞ୍ଜି, ଏ ସକାର, ନିନୁ ନାଙ୍ଗେ ହିଆଞ୍ଜାତି ସୁନା ଟାକ୍କା ଡ଼ାହି ନାନୁ ସେଙ୍ଗା ସୁନା ଟାକ୍କାଙ୍ଗ୍ ଲାବା କିଆମାଃଇ । 19ଏୱାଞ୍ଜି ଏୱାଞ୍ଜିକି ୱାଡ଼େ ୱେସ୍ତେଞ୍ଜି, ନିନୁ ୱାଡ଼େ ସେଙ୍ଗା ଗାଡ଼ାନାସ୍କା କୁଃଏଟି ଆକୁଡ଼୍ କିଦି ।
20ଆଟେ ରଃଅଞ୍ଜି ୱାନ୍ ୱେସ୍ତେଞ୍ଜି, ଏ ସକାର, ହୁଡ଼ାମୁ, ଇଦି ନି ସୁନା ଟାକ୍କା, ନାନୁ ଇଦା ଚେଦର୍ ଡ଼ାହି ଗାସାନ୍ ଇଟ୍ଟାହିଆଞ୍ଜାତେଃଏ; 21ଇନାକି ନାନୁ ନିଙ୍ଗେ ଆଜ୍ଜିଦାଃତେଏ, ନିନୁ ରଃଅଞ୍ଜି କ୍ଲେଲି ଗାଟାତାତି, ଇନ୍ନା ଇଟ୍ଟାହେଃଲ୍ଲା, ଏୱା ଅଇଞ୍ଜି, ଆଟେ ଇନ୍ନା ମାଟ୍ଟାହେଃଲ୍ଲା, ଏୱା ରେଗ୍ଗେଞ୍ଜି । 22ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ଏ ଡ଼ଃଆନ୍ କାମ୍ବାରେଏଞ୍ଜାତି, ନି କାତା ଡ଼ାହି ନି ବିଚାର କିଃଇ । ନାନୁ ରଃଅଞ୍ଜି କ୍ଲେଲି ଗାଟାନୁ, ଇନ୍ନା ଇଟ୍ଟାହେଃଲ୍ଲାନୁ, ଏୱା ଅଃଇ, ଆଟେ ଇନ୍ନା ମାଟ୍ଟାହେଃଲ୍ଲାନୁ, ଏୱା ରେଗେମାଃଇ, ଇଦା ଇନ୍ନା ପୁଞ୍ଜାଚ୍ଚି ? 23ଏହେଙ୍ଗ୍ ଆତେସି, ବେଙ୍କ୍ତାୱା ଇନାବାଗା ନା ସୁନା ଟାକ୍କା ଇଟ୍ଟାତି ? ଏହେଙ୍ଗ୍ ଆତେସି ନାନୁ ୱାନ୍ ଏମ୍ବାତି ୱାଡ୍ଡି#୧୯:୨୩ ୱାଡ୍ଡି ଇଚ୍ଚେସି ଉଡ଼ିଆଟି କଲନ୍ତର ପାଃଇମା ।
24ଆଟେ ଏୱାଞ୍ଜି ରେଃଏସ୍ ଡିଡ୍ଡାଚି ଦାଲ୍ଲାନିକି ୱେସ୍ତେଞ୍ଜି, ଇୱାଞ୍ଜ୍ତାୱାଟି ଇ ଟାକ୍କାଙ୍ଗ୍ ଅଆନ୍, ଇନ୍ଦାରିକି ଦାସାଗଟ୍ଟା ଟାକ୍କାଙ୍ଗ୍ ମାନ୍ନୁ, ଏୱାଞ୍ଜିକି ହିଦୁ । 25ଏମ୍ୱାଟି ଏୱାରି ତାଙ୍ଗେ ୱେସ୍ତେରି, ସକାରେଏଞ୍ଜାତି, ଏୱାଞ୍ଜିକି ତ ଦାସାଗଟ୍ଟା ଟାକ୍କାଙ୍ଗ୍ ମାନ୍ନୁ । 26#ମାତି ୧୩:୧୨; ମାର୍କ ୪:୨୫; ଲୁକ ୮:୧୮ନାନୁ ମିଙ୍ଗେ ୱେସ୍ପିଞ୍ଜା, ଇମ୍ୱିନ୍ କୁଏଞ୍ଜିକି ମାନ୍ନେ, ଏୱାଞ୍ଜିକି ହିୱା ଆନେ; ମତ୍ର ଇନ୍ଦାରିକି ହେଃଲ୍ଲେଏ, ଏୱାଞ୍ଜ୍ ରେଃଏସ୍ ଇନ୍ନା ମାନ୍ନୁ, ଏୱା ଏୱାଞ୍ଜ୍ତାୱାଟି ଅୱାଆନେ । 27#ମାତି ୨୫:୧୪–୩୦ମତ୍ର ନା ଇମ୍ୱିନ୍ ସତ୍ରୁଙ୍ଗ୍ ନାଙ୍ଗେ ରାଜେଞ୍ଜି କିଅନ୍ ଇଚ୍ଚା କିଏହେଃଲ୍ଲାତେରି, ଏୱାରିକି ଇମ୍ୱା ତାଚ୍ଚାନାହି ନା ନକେସ୍ ପାଗାଟୁ ।
ଜିସୁ ଜିରୁସାଲମଇନ୍ଦା ହାଲ୍ବନ୍
(ମାତିଉ ୨୧:୧–୧୧; ମାର୍କ ୧୧:୧–୧୧; ଜହନ ୧୨:୧୨–୧୯)
28ଜିସୁ ଇ ହାବେତ୍ କାତା ୱେସାନ୍ ଜିରୁସାଲମଇନ୍ଦା ହାଲ୍ବନ୍ ମ୍ରାସ୍ତେଞ୍ଜି । 29ଆଟେ ଏଚ୍ଚିକିଃଆ ଏୱାଞ୍ଜି ଜିତ ହରୁ ରେଃଏସ୍ତି ବେତ୍ପାଗି ଅଟେ ବେତନିଆ ରେଃଏସ୍ ଏତେଞ୍ଜି, ଏଚିତୁକାତାୱା ଏୱାଞ୍ଜି ତା ଗ୍ରାମ୍ୱାଗାଟାରି ତାୱାଟି ରିଃଆରିକି ଇ କାତା ୱେସାନ୍ ପାଣ୍ଡିତେଞ୍ଜି, 30ମି ନକେସ୍ ମାନ୍ନି ଏ ନାଜୁଇନ୍ଦା ହାଜ୍ଜୁ; ଏମ୍ୱା ହଲ୍ନି ତୁକାତାୱା, ଇନ୍ଦାର୍ କୁଃଏଟି ଏମ୍ୱେ ଏଚ୍ଚେକ୍ କକ୍ଚ୍ଚାହେଃଲ୍ଲେରି, ଏହେଙ୍ଗ୍ତି ରଣ୍ଡା ଗଦ ଡଟିତିଦି ଗାସାନ୍ନାଦାଃଆ ହୁଡ଼ିଦେରି; ଏଦା ୱ୍ରିକ୍ଚ୍ଚାନ୍ ତାଚ୍ଚିୱାଦୁ । 31ଆଟେ ଜଦି ଏମ୍ୱେ ମିଙ୍ଗେ ଇନାକିଅନ୍ ଇଦା ଅଇଞ୍ଜେରି ଇଞ୍ଜାନ୍ ୱେଞ୍ଜାତେସି, ଇହିଙ୍ଗିସି ୱେସ୍ଦୁ, ଇନାକି ଇଦାଡ଼୍ ପାଟ୍ଟି ଦାର୍ମୁତି ଆବସକ ମାନ୍ନେ ।
32ଏମ୍ୱାଟି ଗ୍ରାମ୍ୱାଗାଟାରି ହାଜ୍ଜାନାହି, ଜିସୁ ଏୱାରିକି ଇନିମିଡି ୱେସାଚ୍ଚେଞ୍ଜି, ଏଚିଲାକ୍କା ହୁଡ଼ିତେରି । 33ଆଟେ ଏୱାରି ଗଦ ଡଟି ୱ୍ରିପ୍କିଚି ତୁକାତାୱା ଏଦାଡ଼୍ତି ସକାରେଏଞ୍ଜି ଏୱାରିକି ୱେଚ୍ଚେଞ୍ଜି, ଇନାକିଅନ୍ ଗଦ ଡଟିତିଦି ୱ୍ରିପ୍କିଞ୍ଜେରି ?
34ଏୱାରି ୱେସ୍ତେରି, ଇନାକି ଇଦାଡ଼୍ ପାଟ୍ଟି ଦାର୍ମୁତି ଆବସକ ମାନ୍ନେ ।
35ଆଟେ ଏୱାରି ଗଦ ଡଟିତିଦି ଜିସୁ ରେଃଏସ୍ ତାଚ୍ଚାନ୍ ଏଦାଡ଼୍ କୁଃଏଟି ତା ତା ଜିରାଙ୍ଗ୍ ପାସାନ୍ ଜିସୁନିକି କକ୍କି କିତେରି । 36ଆଟେ ଜିସୁ ତାକେଚ୍ଚି ତୁକାତାୱା ଦାଲ୍ଲା ତା ତା ଜିରାଙ୍ଗ୍ ପାହେର୍ତାୱା ପାସ୍ପାୱିଅନ୍ ମ୍ରାସ୍ତେରି ।
37ଆଟେ ଜିସୁ ଏଚ୍ଚିକିଃଆ ଜିତହରୁତି ହିରିଜାପେଡ଼୍ ଗର୍ରି ରେଃଏସ୍ ଏତେଞ୍ଜି, ଏଚିତୁକାତାୱା ହାବେତ୍ ଗ୍ରାମ୍ୱାଗାଟାରି ହୁଡ଼ାଚ୍ଚି ହାବେ ବଲତି କାମା ବାଗାଟି ରାହାଙ୍ଗିଃଆଟି ବେର୍ ଉକୁଡ଼୍ କିଆନ୍ ମୁଲାପେନୁନିକି ଜୁଙ୍ଗିତେରି, 38ଦାର୍ମୁତି ପାରୁଟି ଇମ୍ୱିନ୍ ରାଜେଞ୍ଜି ୱାଇନ୍ନେଞ୍ଜି, ଏୱାଞ୍ଜି ଦନ୍ୟ ଆପାକାଞ୍ଜି । ସର୍ଗତାୱା ଲତୁ ଅଟେ ମୁଲାପେନୁତି ଗଉରବ ଆପାକାଦି !
39ଏମ୍ୱାଟି ହାବେ ଦାଲ୍ଲା ତାୱାଟି ଏଚ୍ଚୁରି ପାରୁସିଙ୍ଗ୍ ଜିସୁନିକି ୱେସ୍ତେରି, “ଏ ଗ୍ରାପାଗାଟାତି, ନି ଗ୍ରାମ୍ୱାଗାଟାରିକି ଆସ୍ପି କିଆନ୍ ୱେସ୍ମୁ ।”
40ଏୱାଞ୍ଜି ୱେସ୍ତେଞ୍ଜି, “ନାନୁ ମିଙ୍ଗେ ୱେସ୍ପିଞ୍ଜା, ଇୱାରି ଡାମ୍ନା ବାସାଆତେସି, ୱାଲ୍ଲିଙ୍ଗ୍ ଗଜେଲ୍ ଆନୁ ।”
ଜିସୁ ଜିରୁସାଲମ ବାଗାଟି କିରେଡ଼୍ ଆଅନ୍
41ଆଟେ ଏଚ୍ଚିକିଃଆ ଜିସୁ ରେଃଏସ୍ ୱାତେଞ୍ଜି, ଏଚିତୁକାତାୱା ଜିରୁସାଲମତିଦି ହୁଡ଼ାନ୍ ତା ବାଗାଟି କିରେଡ଼୍ ଆନ୍ ୱେସ୍ତେଞ୍ଜି, 42“ନିନୁ ଜଦି ନିଞ୍ଜୁ ଲତୁ କୁଲାଟି ପୁଞ୍ଜାଞ୍ଜିମା ! ନିଞ୍ଜୁ ଏଦା ପୁଞ୍ଜାଞ୍ଜିମା ! ମତ୍ର ହାଦାଡ଼ି ଏୱା ହାବେ ନିନୁ ହୁଡ଼ନ୍ ମୁପେହେଃଲ୍ଲା । 43ଏଚ୍ଚିକିଃଆ ମୁଲାପେନୁ ନିଙ୍ଗେ ରକ୍ୟା କିଅନ୍ ବାଗା ସେସ୍ଟା କିଚ୍ଚେଞ୍ଜି, ଏଦା ନିନୁ ପୁଃନ୍ନାତାୱାଟି, ଏଚ୍ଚିକିଃଆ ନି ସତ୍ରୁଙ୍ଗ୍ ନି ଗୁଞ୍ଜେର୍ ଗାଡ଼ା ଗାସାନ୍ ନିଙ୍ଗେ ଆଙ୍ଗାଦାନ୍ନେରି, 44ଆଟେ ନିଙ୍ଗେ ଅଟେ ନି ତାୱା ମାନ୍ନି ହାବେତ୍ ନି ମ୍ରିକାବଦାଙ୍ଗ୍ନିକି ଡ଼ାଙ୍ଗ୍ନା ନାହେଡ୍ କିନେରି, ଆଟେ ନି ତାୱା ରଣ୍ଡି ୱାଲ୍ଲି ଆଟେ ରଣ୍ଡା ୱାଲ୍ଲି କୁଃଏଟି ବାସାଆଅନ୍ ବାଗା ହିଃଏରି, ଇହିଙ୍ଗିସି ତୁକା ନି ବାଗା ୱାନେ ।”
ଜିସୁ ଜିରୁସାଲମ ମନ୍ଦିରଇନ୍ଦା ହାଲ୍ବନ୍
(ମାତିଉ ୨୧:୧୨–୧୭; ମାର୍କ ୧୧:୧୫–୧୯; ଜହନ ୨:୧୩–୨୨)
45ଏମ୍ବାଟି ଜିସୁ ମନ୍ଦିର ଲାଃଇ ପ୍ରାପିଚ୍ଚି ଦାଲ୍ଲାନିକି ଇଦା ୱେସାନାହି ହପନ୍ ମ୍ରାସ୍ତେଞ୍ଜି, 46ଦର୍ମପୁତିତାୱା ୱ୍ରିଗାଆନ୍ନେ, “ମା ଇଡ୍ଡୁ ପ୍ରାତ୍ନା ଇଡ୍ଡୁ ଆନେ, ମତ୍ର ମିରୁ ଏଦାତିଦି ଟ୍ଡକେଙ୍ଗ୍ତି ହାଲୁ କିଆଞ୍ଜେରି ।” 47#ଲୁକ ୨୧:୩୭ଆଟେ ଏୱାଞ୍ଜି ହାବେ ୱେଲା ଜିରୁସାଲମ ମନ୍ଦିରତାୱା ଗ୍ରାପେଚ୍ଚେଞ୍ଜି, ମତ୍ର ଗାମିନ୍ ଜାଜକଙ୍ଗ୍, ସାସ୍ତ୍ରିଙ୍ଗ୍ ଅଟେ ଦାଲ୍ଲାତି ଗାମିନାରି ଏୱାଞ୍ଜିକି ପାଗନ୍ ବାଗା ସେସ୍ଟା କିଚ୍ଚେରି, 48ମତ୍ର ଦାଲ୍ଲା ହାବେ ରଣ୍ଡା ଏଲୁଟି ତା ଗ୍ରାପା ୱେଞ୍ଜିଚ୍ଚାୱିଃଆଟି ଏୱାରି ଇନ୍ନା କିନା ଇଞ୍ଜାନ୍ ଏଲୁ କିଅନ୍ ମୁପେହେଃଲ୍ଲାତେରି ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0