ଲୁକ 18
18
ୱାଟ୍ଟାଗାଟାଦି ଅଟେ ବିଚାର କିଅନ୍ତାଞ୍ଜିତି ତୁକାଙ୍ଗାତା
1ହାବେ ଦିନା ୱାହେଟେଃଏ ପ୍ରାତ୍ନା କିଅନ୍ତି କୁଲାଟି ଜିସୁ ତା ଗ୍ରାମ୍ୱାଗାଟାରିକି ତୁକାଙ୍ଗାତାଟି ୱେସ୍ତେଞ୍ଜି । 2ରଣ୍ଡା ଗାଡ଼ାନାଜୁତାୱା ରଃଅଞ୍ଜି ବିଚାର କିଅନ୍ତାଞ୍ଜି ମାଚ୍ଚେଞ୍ଜି, ଏୱାଞ୍ଜି ମୁଲାପେନୁନିକି ଆଜ୍ଜେହେଃଲ୍ଲାତେଞ୍ଜି କି କୁଇଙ୍ଗ୍ନିକି ୱାଡ଼େ ମାନି ଆଏହେଃଲ୍ଲାତେଞ୍ଜି । 3ଏ ଗାଡ଼ାନାଜୁତାୱା ରଣ୍ଡି ୱାଟ୍ଟାଗାଟାଦି ମାଚ୍ଚେ, ଏଦି ହାବେ ଦିନା ତା ଟାକ୍କେ ହାଜ୍ଜାନ୍ ୱେସ୍ପିଚ୍ଚେ, ନା ସତ୍ରୁ ଗାଟାଞ୍ଜ୍ତି ଅନିୟେତିଦି ବିଚାର କିଆ ହିଆମୁ । 4ଆଟେ ଏୱାଞ୍ଜି ଏଦାଡ଼୍ତି କାତା ୱେଞ୍ଜେହେଃଲ୍ଲାତେଞ୍ଜି, ମତ୍ର ଏୱାଞ୍ଜି ଡେଗ୍ଗା ଏଲୁକିତେଞ୍ଜି, ନାନୁ ତ ମୁଲାପେନୁନିକି ଆଜ୍ଜେହେଃଲ୍ଲେନୁ କି କୁଇଙ୍ଗ୍ନିକି ମାନି ଆଏହେଃଲ୍ଲେନୁ, 5ଆତେସ୍ୱାଡ଼େ ଇ ୱାଟ୍ଟାଗାଟାଦି ନାଙ୍ଗେ କସ୍ଟ ହିଞ୍ଜାନ୍ ବାଗାଟି ନାନୁ ତା ପାଟ୍ଟି ଆନ୍ନି ଅନିୟେତି ବିଚାର କିଆ ହିଃଇ, ଏହେଙ୍ଗ୍ ଆତେସି ଏଦି ହାବେୱେଲା ୱାନାହି ନାଙ୍ଗେ ଆଟେ କଲ୍ବଲ୍ କିଆଦାଃଏ ।
6ଏମ୍ବାଟି ଦାର୍ମୁ ୱେସ୍ତେଞ୍ଜି, “ଇ ଅଦର୍ମଗାଟି ବିଚାର କିଅନ୍ତାଞ୍ଜି ଇନ୍ନା ୱେସ୍ପିନ୍ନେଞ୍ଜି, ଏଦା ୱେଞ୍ଜୁ । 7ଏହେଙ୍ଗ୍ ଆତେସି ମୁଲାପେନୁତି ଇମ୍ୱିନ୍ ଆଚି କିଆନ୍ନି ଦାଲ୍ଲା ଡାଡ଼ିଙ୍ଗ୍କାର୍ରାତାୱା ତାଙ୍ଗେ ଆର୍ପିନ୍ନେରି, ଏୱାଞ୍ଜି ଇନ୍ନା ଏୱାର୍ ପାଟ୍ଟି ଆନ୍ନି ଅନିୟେତି ବିଚାର କିଃଏଞ୍ଜି, ଆତେସ୍ୱାଡ଼େ ଏୱାଞ୍ଜି ଏୱାରକି ସାହାଜ୍ୟ କିଅନ୍ ବାଗାଟି ଜୁକୁଡ଼୍ କିଃଏଞ୍ଜି ? 8ନାନୁ ମିଙ୍ଗେ ୱେସ୍ପିଞ୍ଜା, ଏୱାଞ୍ଜି ଏୱାର୍ ପାଟ୍ଟି ଆନ୍ନି ଅନିୟେ କାର୍ବେକ୍ ବିଚାର କିନେଞ୍ଜି । ଆତେସ୍ୱାଡ଼େ କୁଏଞ୍ଜ୍ ମ୍ରିଃଏଞ୍ଜି ୱାନ୍ ଇ ପୁର୍ତିତି ଇନ୍ନି ମାଞ୍ଜାଡ଼ି ହୁଡ଼ିନେଞ୍ଜି ?”
ପାରୁସି ଅଟେ ସିସ୍ଟୁଅନ୍ତାଞ୍ଜିତି ତୁକାଙ୍ଗାତା
9ତୁଲ୍ଲେତାରି ତା ତା ଗାଣ୍ଡି ଦାର୍ମିକଗାଟାମୁ ଇଞ୍ଜାନ୍ ନାର୍ରା ଇଟ୍ଟାନ୍ ବିହି ଦାଲ୍ଲାନିକି ହିନି ହୁଡ଼େଚ୍ଚେରି, ଜିସୁ ଏୱାରିକି ହୁଡ଼ାନ୍ ଇ ତୁକାଙ୍ଗାତା ୱାଡ଼େ ୱେସ୍ତେଞ୍ଜି, 10ରଃଅଞ୍ଜି ପାରୁସି ଅଟେ ରଃଅଞ୍ଜି ସିସ୍ଟୁଅନ୍ତାଞ୍ଜି, ଇ ରିଃଆରି ପ୍ରାତ୍ନା କିଅନ୍ ବାଗା ମନ୍ଦିରଇନ୍ଦା ହାଚ୍ଚେରି ।
11ପାରୁସି ଡିଡ୍ଡାନ୍ ଇହିଙ୍ଗିସି ପ୍ରାତ୍ନା କିଅନ୍ ମ୍ରାସ୍ତେଞ୍ଜି, ଏ ମୁଲାପେନୁତି, ନାନୁ ନିଙ୍ଗେ ଦିନାଙ୍ଗେଃଏ ଦନ୍ୟବାଦ ହିଞ୍ଜା, ନାନୁ ବିହି ଦାଲ୍ଲା ଲାକ୍କାଟି ଡ଼ଃଆନ୍ କାମା କିଅନ୍ତାନୁ ଆଃଏ, ଅଦାର୍ମିକଗାଟାନୁ ଆଃଏ, ଦାରିଗାଟାନୁ ଆଃଏ କି ଇ ସିସ୍ଟୁଅନ୍ତାଞ୍ଜି ଲାକ୍କାଟି ୱାଡ଼େ ଆଃଏ, 12ନାନୁ ପାଲୁତିକି ରି ଅଲି ୱାରାଆଞ୍ଜେମାଃଇ ଅଟେ ନାନୁ ଇନ୍ନା ପାଁଣ୍ଡିମାଃଇ ଏମ୍ୱାଟିଆଟି ଦସମାଂସ ହିମାଃଇ ।
13ମତ୍ର ସିସ୍ଟୁଅନ୍ତାଞ୍ଜି ଦେହା ଡିଡ୍ଡାନାହି ସର୍ଗଇନ୍ଦା ମେହ୍ପନ୍ତିକି ୱାଡ଼େ ବରେସ୍ କିଃଆତେଞ୍ଜି, ମତ୍ର ତା ହଡାଙ୍ଗ୍ ୱେଚାନ୍ ୱେସ୍ପନ୍ ମ୍ରାସ୍ତେଞ୍ଜି, ଏ ମୁଲାପେନୁତି ନାନୁ ପାପିଗାଟାନୁ ନାଙ୍ଗେ ପାପୁଅଲ୍ତାମୁ । 14#ମାତି ୨୩:୧୨; ଲୁକ ୧୪:୧୧ନାନୁ ମିଙ୍ଗେ ୱେସ୍ପିଞ୍ଜା, ଏ ପାରୁସି ଆଃଏ, ମତ୍ର ସିସ୍ଟୁଅନ୍ତାଞ୍ଜି ଦାର୍ମିକଗାଟାଞ୍ଜି ଆନ୍ ତାନୁ ତା ଇଡ୍ଡୁଇନ୍ଦା ହାଚ୍ଚେଞ୍ଜି; ଇନାକି ଏମ୍ୱେନାଞ୍ଜି ହାବେ ପୁଞ୍ଜାମାଃଇ ଇଞ୍ଜାନ୍ ତସ୍ପିନ୍ନେଞ୍ଜି, ଏୱାଞ୍ଜିକି ନେତେ କିୱା ଆନେ, ମତ୍ର ଏମ୍ୱେନାଞ୍ଜି ତା ଗାଣ୍ଡି ଡଟି କିନ୍ନେଞ୍ଜି ଏୱାଞ୍ଜିକି ନିପ୍କା ଆନେ ।
ଜିସୁ ବଦାଙ୍ଗ୍ନିକି ମେଲା କିଅନ୍
(ମାତିଉ ୧୯:୧୩–୧୫; ମାର୍କ ୧୦:୧୩–୧୬)
15ଜିସୁ ଇନିସ୍ ବଦାଙ୍ଗ୍ନିକି ଡିଗାନ୍ ମେଲା କିନେଞ୍ଜି, ଏଦାବାଗା ଦାଲ୍ଲା ହାବେ ବଦାଙ୍ଗ୍ନିକି ତା ଟାକ୍କେ ତାଚ୍ଚିୱାଅନ୍ ମ୍ରାସ୍ତେରି; ମତ୍ର ତା ଗ୍ରାମ୍ୱାଗାଟାରି ଇଦା ହୁଡ଼ାନ୍ ଏୱାରିକି ୱ୍ଲିପନ୍ ମ୍ରାସ୍ତେରି । 16ମତ୍ର ଜିସୁ ଏୱାରିକି ତା ଟାକ୍କେ ଆର୍ଚାନ୍ ୱେସ୍ତେଞ୍ଜି, “ବଦାଙ୍ଗ୍ନିକି ନା ଟାକ୍କେ ୱାଅନ୍ ବାଗା ପିହ୍ତାଟୁ, ଏୱାରିକି ଆଃଏ କିଃଆଟୁ; ଇନାକି ମୁଲାପେନୁତି ରାଜି ଇହିଙ୍ଗ୍ତି ବଦାଙ୍ଗ୍ ବାଗା ।”
17ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, “ଏମ୍ୱେନାଞ୍ଜିକି ବଦାଙ୍ଗ୍ ଲାକ୍କାଟି ମୁଲାପେନୁତି ରାଜି ଗ୍ରହନ କିଃଏଞ୍ଜି, ଏୱାଞ୍ଜି ଇନିମିଡି ୱାଡ଼େ ଏଦିମ୍ୱା ହଲ୍ବନ୍ ମୁଃଏଞ୍ଜି ।”
ରଃଅଞ୍ଜି ପାଁନ୍ବାଗାଟାଞ୍ଜି
(ମାତିଉ ୧୯:୧୬–୩୦; ମାର୍କ ୧୦:୧୭–୩୧)
18ରଃଅଞ୍ଜି ଗାମିନାଞ୍ଜି ଜିସୁନିକି ୱେଚ୍ଚେଞ୍ଜି, ଏ ନିଜ୍ଜା ଗ୍ରାପାଗାଟାତି, ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନାନୁ ଇନ୍ନି ନେହି କାମା କିଃଇ ?
19ଏମ୍ୱାଟି ଜିସୁ ଏୱାଞ୍ଜିକି ୱେସ୍ତେଞ୍ଜି, ନାଙ୍ଗେ ନିଗ୍ଗା ଇଞ୍ଜାନ୍ ଇନ୍ନା କିଅନ୍ ୱେସ୍ପିଞ୍ଜାଦି ? ରଃଅଞ୍ଜିକି ପିହାନ୍ ଇଚ୍ଚେସି ମୁଲାପେନୁନିକି ପିହାନ୍ ଅଟେ ଏମ୍ୱେନାରି ନିଗ୍ଗାଗାଟାରି ହେଃଲ୍ଲେରି । 20ନିନୁ ତ ପୁତିତି ହାବେ ଆଗ୍ୟାଁ ପୁଞ୍ଜାଞ୍ଜି, ଦାରି ଆଃଆଟୁ, କୁଇଙ୍ଗିଆ ପାଃଗାଟୁ, ମ୍ଡାମି କିଃଆଟୁ, କଲ ୱେଃସାଟୁ, ମି ଇୟାଆବାନିକି ମାନି ଆଦୁ ।
21ଏୱାଞ୍ଜି ୱେସ୍ତେଞ୍ଜି, ନାନୁ ଇୱା ହାବେ ଲାୱେଞ୍ଜି ୱେଲାଟେଃଏ ପାଲ୍ନି ଆଏସ୍ ୱାଇମାଃଇ ।
22ଜିସୁ ଇ କାତା ୱେଞ୍ଜାନ୍ ତାଙ୍ଗେ ୱେସ୍ତେଞ୍ଜି, ନିନୁ ଅଟେ ର କୁଲା କିଅନ୍ ମାନ୍ନେ; ନିନୁ ନି ହାବେତ୍ ଦନ ପ୍ରାଚାନ୍ ହାକ୍କିଗାଟାରିକି ପାହାଜିମୁ, ଆଟେ ନିନୁ ସର୍ଗତାୱା ଦନ ପାଁଣ୍ଡି; ଏମ୍ୱାଟି ନିନୁ ନା ବେତଟ୍ ୱାମୁ । 23ମତ୍ର ଏୱାଞ୍ଜି ଇ କାତା ୱେଞ୍ଜାନ୍ ଏଗେଲ୍ ଦୁଃକ ଆତେଞ୍ଜି, ଇନାକି ତାଙ୍ଗେ ଏଗେଲ୍ ଦନ ମାଚ୍ଚେ ।
24ଏମ୍ୱାଟି ଏୱାଞ୍ଜି ଦୁଃକ ଆନ୍ନାଦାଃଆ ହୁଡ଼ାନ୍ ଜିସୁ ୱେସ୍ତେଞ୍ଜି, “ଦନିଗାଟାରି ଗାପ୍ଚି କସ୍ଟ ଡ଼ାହି ମୁଲାପେନୁତି ରାଜି ହଲ୍ନେରି । 25ଇନାକି ମୁଲାପେନୁତି ରାଜିତାୱା ଦନିଗାଟାଞ୍ଜି ହଲ୍ବନ୍ ତାୱାଟି ନିମାତି#୧୮:୨୫ ନିମାତି “ନିମା” ଇଚ୍ଚେସି “ହିଡ଼ି” ତିଦି ବୁଜ୍ଜେ କିନ୍ନେ । ଉନାତାୱା ଉଟୁ ହଲ୍ବନ୍ ସହଜ ।”
26ଏମ୍ୱେନାରି ଇ କାତା ୱେଚ୍ଚେରି, ଏୱାର୍ ୱେସ୍ତେରି, ଏହେଙ୍ଗ୍ ଆତେସି ଏମ୍ୱେନାଞ୍ଜି ଜ୍ଡିପା ପାଁନ୍ବନ୍ ମୁନେଞ୍ଜି ?
27ମତ୍ର ଜିସୁ ୱେସ୍ତେଞ୍ଜି, ଇନ୍ନିକୁଲା କୁଇଙ୍ଗ୍ କିଅନ୍ ମୁଃଏରି, ମତ୍ର ଏଦା ମୁଲାପେନୁ ହାବେତ୍ କୁଲା କିଅନ୍ ମୁନେଞ୍ଜି ।
28ଏମ୍ୱାଟି ପିତର ୱେସ୍ତେଞ୍ଜି, “ହୁଡ଼ାମୁ, ମାମୁ ମା ହାବେତ୍ କୁଲା ତୁହାନାହି ନି ବେତଟ୍ ୱାଇନାମୁ ।”
29ଜିସୁ ଏୱାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେନାଞ୍ଜି ମୁଲାପେନୁତି ରାଜି ବାଗା ଇଡ୍ଡୁ କି କୁଆଲୁ କି ଆମ୍ୱେସ୍ କି ଇୟାଆବା କି ବଦାମିଡା ପିହାନ୍ନେଞ୍ଜି, 30ଏୱାଞ୍ଜି ଇ କାଲାତାୱା ଗାପ୍ଚି ଦୁଗୁଡ଼୍ ଅଟେ ୱାଇନି କାଲାତାୱା ଟାକ୍କିଡ଼ହ୍ନାତି ପରନ୍ ପାଁନେଞ୍ଜି ।”
ଜିସୁ ତା ହାଅନ୍ତି କୁଲାଟି ମୁଅଲି ୱେସ୍ତେଞ୍ଜି
(ମାତିଉ ୨୦:୧୭–୧୯; ମାର୍କ ୧୦:୩୨–୩୪)
31ଡେଗ୍ଗା ଜିସୁ ବାରାଗାଣ୍ଡି ଗ୍ରାମ୍ୱାଗାଟାରିକି ରେପ୍ଚ୍ଚାନ୍ ଅଆନ୍ ଏୱାରିକି ୱେସ୍ତେଞ୍ଜି, ହୁଡ଼ାଟୁ, ମାରୁ ଜିରୁସାଲମଇନ୍ଦା ହାଜ୍ଜିନ୍ନା, ଆଟେ କୁଏଞ୍ଜ୍ ମ୍ରିଃଏଞ୍ଜି କୁଲାଟି ବାବବାଦିଙ୍ଗ୍ ଇମ୍ୱିନ୍ କୁଲା ୱ୍ରିଗାନ୍ନେରି, ଏଦି ହାବେ ସପଲ ଆନେ; 32ଇନାକି ତାନୁ ବିହି ଜାତି କାଜ୍ଜୁତାୱା ସର୍ପି ଆନେଞ୍ଜି, ଆଟେ ଏୱାର୍ ତାଙ୍ଗେ ହେଃଏସ୍ ଆନେରି, ଗେରୁ କିନେରି ଅଟେ ହୁପୁଡ଼୍ ହୁପିନେରି, 33ତାଙ୍ଗେ ହାପ୍କାନଡ଼ ଡ଼ାହି ଚାହାନ୍ ପାଗିନେରି, ଆଟେ ତାନୁ ମୁ ଦିନାଟି ନିଙ୍ଗିନେଞ୍ଜି ।
34ମତ୍ର ଗ୍ରାମ୍ୱାଗାଟାରି ଏ କାତା ପୁଃନ୍ନାତେରି; ଇ ବାକ୍ୟ ଏୱାର୍ତାୱାଟି ହୁଟ୍ଟାନ୍ ବାସାଆତେ, ଆଟେ ଇନ୍ନା ଇନ୍ନା ୱେସ୍ପା ଆଇଚ୍ଚେ, ଏୱା ହାବେ ଏୱାର୍ ବୁଜ୍ଜି ଆଇହେଃଲ୍ଲାତେରି ।
ଜିସୁ ବିକ ୱ୍ରିହ୍ପିଚ୍ଚି କାଡ଼ାଙ୍ଗ୍ଗାଟାଞ୍ଜିକି ନେହି କିଅନ୍
(ମାତିଉ ୨୦:୨୯–୩୪; ମାର୍କ ୧୦:୪୬–୫୨)
35ଜିସୁ ଜିରିହ ଟାକ୍କେ ଏପିଚ୍ଚି ତୁକାତାୱା ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜି, ଗିଜ୍ଜୁ ରେଃଏସ୍ କକ୍ଚ୍ଚାନାହି ବିକ ୱ୍ରିହ୍ପିଚ୍ଚେଞ୍ଜି । 36ଏୱାଞ୍ଜି ଦାଲ୍ଲା ହାବେ ଗଜେଲ୍ ଆନ୍ ହାଜ୍ଜିଚ୍ଚାଦାଃଆ ୱେଞ୍ଜାନ୍ ଇନ୍ନା ଆଇନେ ଇଞ୍ଜାନ୍ ୱେଚ୍ଚେଞ୍ଜି ।
37ଏୱାର୍ ତାଙ୍ଗେ ୱେସ୍ତେରି, “ନାଜରିତ ଜିସୁ ଇ ଗିଜ୍ଜୁ ହିଆନ୍ ହାଜ୍ଜିନ୍ନେଞ୍ଜି ।”
38ଏମ୍ୱାଟି ଏୱାଞ୍ଜି ଗଜେଲ୍ ଆନ୍ ୱେସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ଜିସୁ ! ନାଙ୍ଗେ ପାପୁଅଲ୍ତାମୁ ।”
39ମତ୍ର ନକେସ୍ ହାଜ୍ଜିଚ୍ଚି ଦାଲ୍ଲା ତାଙ୍ଗେ ଡାମ୍ନା ବାସା ଆଅନ୍ ବାଗା ଆସ୍ପି କିତେରି, ମତ୍ର ଏୱାଞ୍ଜି ଆଟେ ଏଗେଲ୍ ଗଜେଲ୍ ଆନ୍ ୱେସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ନାଙ୍ଗେ ପାପୁଅଲ୍ତାମୁ ।”
40ଏମ୍ୱାଟି ଜିସୁ ଡିଡ୍ଡାନାହି ତାଙ୍ଗେ ତା ଟାକ୍କେ ତାପନ୍ ବାଗା ୱେସ୍ତେଞ୍ଜି; ଆଟେ ଏୱାଞ୍ଜି ରେଃଏସ୍ ଏପନେଃଏ, ଏୱାଞ୍ଜିକି ୱେଚ୍ଚେଞ୍ଜି, 41“ନାନୁ ନି ବାଗା ଇନ୍ନା କିଃଇ ଇଞ୍ଜାନ୍ ଏଲୁ କିଞ୍ଜି ?” ଏୱାଞ୍ଜି ୱେସ୍ତେଞ୍ଜି, “ଏ ଦାର୍ମୁ, ନାନୁ ଇନିସ୍ ହୁଡ଼ନ୍ ମୁଃଇ ।”
42ଜିସୁ ତାଙ୍ଗେ ୱେସ୍ତେଞ୍ଜି, “ହୁଡ଼ାମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।”
43ଏଚିୱାଡ଼େ ଏୱାଞ୍ଜି ହୁଡ଼ନ୍ ମୁଚାନ୍ ଏମ୍ୱାଟି ମୁଲାପେନୁତି ଗାଡ଼ିହେରୁ କି କି ତା ବେତ ବେତଟ୍ ହାଲ୍ବନ୍ ମ୍ରାସ୍ତେଞ୍ଜି ଅଟେ ଦାଲ୍ଲା ହାବେ ଇଦା ହୁଡ଼ାନ୍ ମୁଲାପେନୁନିକି ଜୁଙ୍ଗିତେରି ।
Iliyochaguliwa sasa
ଲୁକ 18: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 18
18
ୱାଟ୍ଟାଗାଟାଦି ଅଟେ ବିଚାର କିଅନ୍ତାଞ୍ଜିତି ତୁକାଙ୍ଗାତା
1ହାବେ ଦିନା ୱାହେଟେଃଏ ପ୍ରାତ୍ନା କିଅନ୍ତି କୁଲାଟି ଜିସୁ ତା ଗ୍ରାମ୍ୱାଗାଟାରିକି ତୁକାଙ୍ଗାତାଟି ୱେସ୍ତେଞ୍ଜି । 2ରଣ୍ଡା ଗାଡ଼ାନାଜୁତାୱା ରଃଅଞ୍ଜି ବିଚାର କିଅନ୍ତାଞ୍ଜି ମାଚ୍ଚେଞ୍ଜି, ଏୱାଞ୍ଜି ମୁଲାପେନୁନିକି ଆଜ୍ଜେହେଃଲ୍ଲାତେଞ୍ଜି କି କୁଇଙ୍ଗ୍ନିକି ୱାଡ଼େ ମାନି ଆଏହେଃଲ୍ଲାତେଞ୍ଜି । 3ଏ ଗାଡ଼ାନାଜୁତାୱା ରଣ୍ଡି ୱାଟ୍ଟାଗାଟାଦି ମାଚ୍ଚେ, ଏଦି ହାବେ ଦିନା ତା ଟାକ୍କେ ହାଜ୍ଜାନ୍ ୱେସ୍ପିଚ୍ଚେ, ନା ସତ୍ରୁ ଗାଟାଞ୍ଜ୍ତି ଅନିୟେତିଦି ବିଚାର କିଆ ହିଆମୁ । 4ଆଟେ ଏୱାଞ୍ଜି ଏଦାଡ଼୍ତି କାତା ୱେଞ୍ଜେହେଃଲ୍ଲାତେଞ୍ଜି, ମତ୍ର ଏୱାଞ୍ଜି ଡେଗ୍ଗା ଏଲୁକିତେଞ୍ଜି, ନାନୁ ତ ମୁଲାପେନୁନିକି ଆଜ୍ଜେହେଃଲ୍ଲେନୁ କି କୁଇଙ୍ଗ୍ନିକି ମାନି ଆଏହେଃଲ୍ଲେନୁ, 5ଆତେସ୍ୱାଡ଼େ ଇ ୱାଟ୍ଟାଗାଟାଦି ନାଙ୍ଗେ କସ୍ଟ ହିଞ୍ଜାନ୍ ବାଗାଟି ନାନୁ ତା ପାଟ୍ଟି ଆନ୍ନି ଅନିୟେତି ବିଚାର କିଆ ହିଃଇ, ଏହେଙ୍ଗ୍ ଆତେସି ଏଦି ହାବେୱେଲା ୱାନାହି ନାଙ୍ଗେ ଆଟେ କଲ୍ବଲ୍ କିଆଦାଃଏ ।
6ଏମ୍ବାଟି ଦାର୍ମୁ ୱେସ୍ତେଞ୍ଜି, “ଇ ଅଦର୍ମଗାଟି ବିଚାର କିଅନ୍ତାଞ୍ଜି ଇନ୍ନା ୱେସ୍ପିନ୍ନେଞ୍ଜି, ଏଦା ୱେଞ୍ଜୁ । 7ଏହେଙ୍ଗ୍ ଆତେସି ମୁଲାପେନୁତି ଇମ୍ୱିନ୍ ଆଚି କିଆନ୍ନି ଦାଲ୍ଲା ଡାଡ଼ିଙ୍ଗ୍କାର୍ରାତାୱା ତାଙ୍ଗେ ଆର୍ପିନ୍ନେରି, ଏୱାଞ୍ଜି ଇନ୍ନା ଏୱାର୍ ପାଟ୍ଟି ଆନ୍ନି ଅନିୟେତି ବିଚାର କିଃଏଞ୍ଜି, ଆତେସ୍ୱାଡ଼େ ଏୱାଞ୍ଜି ଏୱାରକି ସାହାଜ୍ୟ କିଅନ୍ ବାଗାଟି ଜୁକୁଡ଼୍ କିଃଏଞ୍ଜି ? 8ନାନୁ ମିଙ୍ଗେ ୱେସ୍ପିଞ୍ଜା, ଏୱାଞ୍ଜି ଏୱାର୍ ପାଟ୍ଟି ଆନ୍ନି ଅନିୟେ କାର୍ବେକ୍ ବିଚାର କିନେଞ୍ଜି । ଆତେସ୍ୱାଡ଼େ କୁଏଞ୍ଜ୍ ମ୍ରିଃଏଞ୍ଜି ୱାନ୍ ଇ ପୁର୍ତିତି ଇନ୍ନି ମାଞ୍ଜାଡ଼ି ହୁଡ଼ିନେଞ୍ଜି ?”
ପାରୁସି ଅଟେ ସିସ୍ଟୁଅନ୍ତାଞ୍ଜିତି ତୁକାଙ୍ଗାତା
9ତୁଲ୍ଲେତାରି ତା ତା ଗାଣ୍ଡି ଦାର୍ମିକଗାଟାମୁ ଇଞ୍ଜାନ୍ ନାର୍ରା ଇଟ୍ଟାନ୍ ବିହି ଦାଲ୍ଲାନିକି ହିନି ହୁଡ଼େଚ୍ଚେରି, ଜିସୁ ଏୱାରିକି ହୁଡ଼ାନ୍ ଇ ତୁକାଙ୍ଗାତା ୱାଡ଼େ ୱେସ୍ତେଞ୍ଜି, 10ରଃଅଞ୍ଜି ପାରୁସି ଅଟେ ରଃଅଞ୍ଜି ସିସ୍ଟୁଅନ୍ତାଞ୍ଜି, ଇ ରିଃଆରି ପ୍ରାତ୍ନା କିଅନ୍ ବାଗା ମନ୍ଦିରଇନ୍ଦା ହାଚ୍ଚେରି ।
11ପାରୁସି ଡିଡ୍ଡାନ୍ ଇହିଙ୍ଗିସି ପ୍ରାତ୍ନା କିଅନ୍ ମ୍ରାସ୍ତେଞ୍ଜି, ଏ ମୁଲାପେନୁତି, ନାନୁ ନିଙ୍ଗେ ଦିନାଙ୍ଗେଃଏ ଦନ୍ୟବାଦ ହିଞ୍ଜା, ନାନୁ ବିହି ଦାଲ୍ଲା ଲାକ୍କାଟି ଡ଼ଃଆନ୍ କାମା କିଅନ୍ତାନୁ ଆଃଏ, ଅଦାର୍ମିକଗାଟାନୁ ଆଃଏ, ଦାରିଗାଟାନୁ ଆଃଏ କି ଇ ସିସ୍ଟୁଅନ୍ତାଞ୍ଜି ଲାକ୍କାଟି ୱାଡ଼େ ଆଃଏ, 12ନାନୁ ପାଲୁତିକି ରି ଅଲି ୱାରାଆଞ୍ଜେମାଃଇ ଅଟେ ନାନୁ ଇନ୍ନା ପାଁଣ୍ଡିମାଃଇ ଏମ୍ୱାଟିଆଟି ଦସମାଂସ ହିମାଃଇ ।
13ମତ୍ର ସିସ୍ଟୁଅନ୍ତାଞ୍ଜି ଦେହା ଡିଡ୍ଡାନାହି ସର୍ଗଇନ୍ଦା ମେହ୍ପନ୍ତିକି ୱାଡ଼େ ବରେସ୍ କିଃଆତେଞ୍ଜି, ମତ୍ର ତା ହଡାଙ୍ଗ୍ ୱେଚାନ୍ ୱେସ୍ପନ୍ ମ୍ରାସ୍ତେଞ୍ଜି, ଏ ମୁଲାପେନୁତି ନାନୁ ପାପିଗାଟାନୁ ନାଙ୍ଗେ ପାପୁଅଲ୍ତାମୁ । 14#ମାତି ୨୩:୧୨; ଲୁକ ୧୪:୧୧ନାନୁ ମିଙ୍ଗେ ୱେସ୍ପିଞ୍ଜା, ଏ ପାରୁସି ଆଃଏ, ମତ୍ର ସିସ୍ଟୁଅନ୍ତାଞ୍ଜି ଦାର୍ମିକଗାଟାଞ୍ଜି ଆନ୍ ତାନୁ ତା ଇଡ୍ଡୁଇନ୍ଦା ହାଚ୍ଚେଞ୍ଜି; ଇନାକି ଏମ୍ୱେନାଞ୍ଜି ହାବେ ପୁଞ୍ଜାମାଃଇ ଇଞ୍ଜାନ୍ ତସ୍ପିନ୍ନେଞ୍ଜି, ଏୱାଞ୍ଜିକି ନେତେ କିୱା ଆନେ, ମତ୍ର ଏମ୍ୱେନାଞ୍ଜି ତା ଗାଣ୍ଡି ଡଟି କିନ୍ନେଞ୍ଜି ଏୱାଞ୍ଜିକି ନିପ୍କା ଆନେ ।
ଜିସୁ ବଦାଙ୍ଗ୍ନିକି ମେଲା କିଅନ୍
(ମାତିଉ ୧୯:୧୩–୧୫; ମାର୍କ ୧୦:୧୩–୧୬)
15ଜିସୁ ଇନିସ୍ ବଦାଙ୍ଗ୍ନିକି ଡିଗାନ୍ ମେଲା କିନେଞ୍ଜି, ଏଦାବାଗା ଦାଲ୍ଲା ହାବେ ବଦାଙ୍ଗ୍ନିକି ତା ଟାକ୍କେ ତାଚ୍ଚିୱାଅନ୍ ମ୍ରାସ୍ତେରି; ମତ୍ର ତା ଗ୍ରାମ୍ୱାଗାଟାରି ଇଦା ହୁଡ଼ାନ୍ ଏୱାରିକି ୱ୍ଲିପନ୍ ମ୍ରାସ୍ତେରି । 16ମତ୍ର ଜିସୁ ଏୱାରିକି ତା ଟାକ୍କେ ଆର୍ଚାନ୍ ୱେସ୍ତେଞ୍ଜି, “ବଦାଙ୍ଗ୍ନିକି ନା ଟାକ୍କେ ୱାଅନ୍ ବାଗା ପିହ୍ତାଟୁ, ଏୱାରିକି ଆଃଏ କିଃଆଟୁ; ଇନାକି ମୁଲାପେନୁତି ରାଜି ଇହିଙ୍ଗ୍ତି ବଦାଙ୍ଗ୍ ବାଗା ।”
17ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, “ଏମ୍ୱେନାଞ୍ଜିକି ବଦାଙ୍ଗ୍ ଲାକ୍କାଟି ମୁଲାପେନୁତି ରାଜି ଗ୍ରହନ କିଃଏଞ୍ଜି, ଏୱାଞ୍ଜି ଇନିମିଡି ୱାଡ଼େ ଏଦିମ୍ୱା ହଲ୍ବନ୍ ମୁଃଏଞ୍ଜି ।”
ରଃଅଞ୍ଜି ପାଁନ୍ବାଗାଟାଞ୍ଜି
(ମାତିଉ ୧୯:୧୬–୩୦; ମାର୍କ ୧୦:୧୭–୩୧)
18ରଃଅଞ୍ଜି ଗାମିନାଞ୍ଜି ଜିସୁନିକି ୱେଚ୍ଚେଞ୍ଜି, ଏ ନିଜ୍ଜା ଗ୍ରାପାଗାଟାତି, ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନାନୁ ଇନ୍ନି ନେହି କାମା କିଃଇ ?
19ଏମ୍ୱାଟି ଜିସୁ ଏୱାଞ୍ଜିକି ୱେସ୍ତେଞ୍ଜି, ନାଙ୍ଗେ ନିଗ୍ଗା ଇଞ୍ଜାନ୍ ଇନ୍ନା କିଅନ୍ ୱେସ୍ପିଞ୍ଜାଦି ? ରଃଅଞ୍ଜିକି ପିହାନ୍ ଇଚ୍ଚେସି ମୁଲାପେନୁନିକି ପିହାନ୍ ଅଟେ ଏମ୍ୱେନାରି ନିଗ୍ଗାଗାଟାରି ହେଃଲ୍ଲେରି । 20ନିନୁ ତ ପୁତିତି ହାବେ ଆଗ୍ୟାଁ ପୁଞ୍ଜାଞ୍ଜି, ଦାରି ଆଃଆଟୁ, କୁଇଙ୍ଗିଆ ପାଃଗାଟୁ, ମ୍ଡାମି କିଃଆଟୁ, କଲ ୱେଃସାଟୁ, ମି ଇୟାଆବାନିକି ମାନି ଆଦୁ ।
21ଏୱାଞ୍ଜି ୱେସ୍ତେଞ୍ଜି, ନାନୁ ଇୱା ହାବେ ଲାୱେଞ୍ଜି ୱେଲାଟେଃଏ ପାଲ୍ନି ଆଏସ୍ ୱାଇମାଃଇ ।
22ଜିସୁ ଇ କାତା ୱେଞ୍ଜାନ୍ ତାଙ୍ଗେ ୱେସ୍ତେଞ୍ଜି, ନିନୁ ଅଟେ ର କୁଲା କିଅନ୍ ମାନ୍ନେ; ନିନୁ ନି ହାବେତ୍ ଦନ ପ୍ରାଚାନ୍ ହାକ୍କିଗାଟାରିକି ପାହାଜିମୁ, ଆଟେ ନିନୁ ସର୍ଗତାୱା ଦନ ପାଁଣ୍ଡି; ଏମ୍ୱାଟି ନିନୁ ନା ବେତଟ୍ ୱାମୁ । 23ମତ୍ର ଏୱାଞ୍ଜି ଇ କାତା ୱେଞ୍ଜାନ୍ ଏଗେଲ୍ ଦୁଃକ ଆତେଞ୍ଜି, ଇନାକି ତାଙ୍ଗେ ଏଗେଲ୍ ଦନ ମାଚ୍ଚେ ।
24ଏମ୍ୱାଟି ଏୱାଞ୍ଜି ଦୁଃକ ଆନ୍ନାଦାଃଆ ହୁଡ଼ାନ୍ ଜିସୁ ୱେସ୍ତେଞ୍ଜି, “ଦନିଗାଟାରି ଗାପ୍ଚି କସ୍ଟ ଡ଼ାହି ମୁଲାପେନୁତି ରାଜି ହଲ୍ନେରି । 25ଇନାକି ମୁଲାପେନୁତି ରାଜିତାୱା ଦନିଗାଟାଞ୍ଜି ହଲ୍ବନ୍ ତାୱାଟି ନିମାତି#୧୮:୨୫ ନିମାତି “ନିମା” ଇଚ୍ଚେସି “ହିଡ଼ି” ତିଦି ବୁଜ୍ଜେ କିନ୍ନେ । ଉନାତାୱା ଉଟୁ ହଲ୍ବନ୍ ସହଜ ।”
26ଏମ୍ୱେନାରି ଇ କାତା ୱେଚ୍ଚେରି, ଏୱାର୍ ୱେସ୍ତେରି, ଏହେଙ୍ଗ୍ ଆତେସି ଏମ୍ୱେନାଞ୍ଜି ଜ୍ଡିପା ପାଁନ୍ବନ୍ ମୁନେଞ୍ଜି ?
27ମତ୍ର ଜିସୁ ୱେସ୍ତେଞ୍ଜି, ଇନ୍ନିକୁଲା କୁଇଙ୍ଗ୍ କିଅନ୍ ମୁଃଏରି, ମତ୍ର ଏଦା ମୁଲାପେନୁ ହାବେତ୍ କୁଲା କିଅନ୍ ମୁନେଞ୍ଜି ।
28ଏମ୍ୱାଟି ପିତର ୱେସ୍ତେଞ୍ଜି, “ହୁଡ଼ାମୁ, ମାମୁ ମା ହାବେତ୍ କୁଲା ତୁହାନାହି ନି ବେତଟ୍ ୱାଇନାମୁ ।”
29ଜିସୁ ଏୱାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେନାଞ୍ଜି ମୁଲାପେନୁତି ରାଜି ବାଗା ଇଡ୍ଡୁ କି କୁଆଲୁ କି ଆମ୍ୱେସ୍ କି ଇୟାଆବା କି ବଦାମିଡା ପିହାନ୍ନେଞ୍ଜି, 30ଏୱାଞ୍ଜି ଇ କାଲାତାୱା ଗାପ୍ଚି ଦୁଗୁଡ଼୍ ଅଟେ ୱାଇନି କାଲାତାୱା ଟାକ୍କିଡ଼ହ୍ନାତି ପରନ୍ ପାଁନେଞ୍ଜି ।”
ଜିସୁ ତା ହାଅନ୍ତି କୁଲାଟି ମୁଅଲି ୱେସ୍ତେଞ୍ଜି
(ମାତିଉ ୨୦:୧୭–୧୯; ମାର୍କ ୧୦:୩୨–୩୪)
31ଡେଗ୍ଗା ଜିସୁ ବାରାଗାଣ୍ଡି ଗ୍ରାମ୍ୱାଗାଟାରିକି ରେପ୍ଚ୍ଚାନ୍ ଅଆନ୍ ଏୱାରିକି ୱେସ୍ତେଞ୍ଜି, ହୁଡ଼ାଟୁ, ମାରୁ ଜିରୁସାଲମଇନ୍ଦା ହାଜ୍ଜିନ୍ନା, ଆଟେ କୁଏଞ୍ଜ୍ ମ୍ରିଃଏଞ୍ଜି କୁଲାଟି ବାବବାଦିଙ୍ଗ୍ ଇମ୍ୱିନ୍ କୁଲା ୱ୍ରିଗାନ୍ନେରି, ଏଦି ହାବେ ସପଲ ଆନେ; 32ଇନାକି ତାନୁ ବିହି ଜାତି କାଜ୍ଜୁତାୱା ସର୍ପି ଆନେଞ୍ଜି, ଆଟେ ଏୱାର୍ ତାଙ୍ଗେ ହେଃଏସ୍ ଆନେରି, ଗେରୁ କିନେରି ଅଟେ ହୁପୁଡ଼୍ ହୁପିନେରି, 33ତାଙ୍ଗେ ହାପ୍କାନଡ଼ ଡ଼ାହି ଚାହାନ୍ ପାଗିନେରି, ଆଟେ ତାନୁ ମୁ ଦିନାଟି ନିଙ୍ଗିନେଞ୍ଜି ।
34ମତ୍ର ଗ୍ରାମ୍ୱାଗାଟାରି ଏ କାତା ପୁଃନ୍ନାତେରି; ଇ ବାକ୍ୟ ଏୱାର୍ତାୱାଟି ହୁଟ୍ଟାନ୍ ବାସାଆତେ, ଆଟେ ଇନ୍ନା ଇନ୍ନା ୱେସ୍ପା ଆଇଚ୍ଚେ, ଏୱା ହାବେ ଏୱାର୍ ବୁଜ୍ଜି ଆଇହେଃଲ୍ଲାତେରି ।
ଜିସୁ ବିକ ୱ୍ରିହ୍ପିଚ୍ଚି କାଡ଼ାଙ୍ଗ୍ଗାଟାଞ୍ଜିକି ନେହି କିଅନ୍
(ମାତିଉ ୨୦:୨୯–୩୪; ମାର୍କ ୧୦:୪୬–୫୨)
35ଜିସୁ ଜିରିହ ଟାକ୍କେ ଏପିଚ୍ଚି ତୁକାତାୱା ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜି, ଗିଜ୍ଜୁ ରେଃଏସ୍ କକ୍ଚ୍ଚାନାହି ବିକ ୱ୍ରିହ୍ପିଚ୍ଚେଞ୍ଜି । 36ଏୱାଞ୍ଜି ଦାଲ୍ଲା ହାବେ ଗଜେଲ୍ ଆନ୍ ହାଜ୍ଜିଚ୍ଚାଦାଃଆ ୱେଞ୍ଜାନ୍ ଇନ୍ନା ଆଇନେ ଇଞ୍ଜାନ୍ ୱେଚ୍ଚେଞ୍ଜି ।
37ଏୱାର୍ ତାଙ୍ଗେ ୱେସ୍ତେରି, “ନାଜରିତ ଜିସୁ ଇ ଗିଜ୍ଜୁ ହିଆନ୍ ହାଜ୍ଜିନ୍ନେଞ୍ଜି ।”
38ଏମ୍ୱାଟି ଏୱାଞ୍ଜି ଗଜେଲ୍ ଆନ୍ ୱେସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ଜିସୁ ! ନାଙ୍ଗେ ପାପୁଅଲ୍ତାମୁ ।”
39ମତ୍ର ନକେସ୍ ହାଜ୍ଜିଚ୍ଚି ଦାଲ୍ଲା ତାଙ୍ଗେ ଡାମ୍ନା ବାସା ଆଅନ୍ ବାଗା ଆସ୍ପି କିତେରି, ମତ୍ର ଏୱାଞ୍ଜି ଆଟେ ଏଗେଲ୍ ଗଜେଲ୍ ଆନ୍ ୱେସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ନାଙ୍ଗେ ପାପୁଅଲ୍ତାମୁ ।”
40ଏମ୍ୱାଟି ଜିସୁ ଡିଡ୍ଡାନାହି ତାଙ୍ଗେ ତା ଟାକ୍କେ ତାପନ୍ ବାଗା ୱେସ୍ତେଞ୍ଜି; ଆଟେ ଏୱାଞ୍ଜି ରେଃଏସ୍ ଏପନେଃଏ, ଏୱାଞ୍ଜିକି ୱେଚ୍ଚେଞ୍ଜି, 41“ନାନୁ ନି ବାଗା ଇନ୍ନା କିଃଇ ଇଞ୍ଜାନ୍ ଏଲୁ କିଞ୍ଜି ?” ଏୱାଞ୍ଜି ୱେସ୍ତେଞ୍ଜି, “ଏ ଦାର୍ମୁ, ନାନୁ ଇନିସ୍ ହୁଡ଼ନ୍ ମୁଃଇ ।”
42ଜିସୁ ତାଙ୍ଗେ ୱେସ୍ତେଞ୍ଜି, “ହୁଡ଼ାମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।”
43ଏଚିୱାଡ଼େ ଏୱାଞ୍ଜି ହୁଡ଼ନ୍ ମୁଚାନ୍ ଏମ୍ୱାଟି ମୁଲାପେନୁତି ଗାଡ଼ିହେରୁ କି କି ତା ବେତ ବେତଟ୍ ହାଲ୍ବନ୍ ମ୍ରାସ୍ତେଞ୍ଜି ଅଟେ ଦାଲ୍ଲା ହାବେ ଇଦା ହୁଡ଼ାନ୍ ମୁଲାପେନୁନିକି ଜୁଙ୍ଗିତେରି ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0