ଲୁକ 17
17
ପାପ
(ମାତିଉ ୧୮:୬–୭,୨୧–୨୨; ମାର୍କ ୯:୪୨)
1ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ଇମ୍ୱିନ୍ ହାବେ ପରିକ୍ୟା ତାୱାଟି କୁଇଙ୍ଗ୍ ପାପତାୱା ଦିନ୍ନେରି, ଏ ହାବେ ସାମେନେଃଏ ୱାନେ, ମତ୍ର ଏମ୍ୱେନାଞ୍ଜି ଇ ହାବେ କିନ୍ନେଞ୍ଜି, ଏୱାଞ୍ଜି ଗାପ୍ଚି ଦଣ୍ଡ ପାଁନେଞ୍ଜି । ଏଦି ଆଅନ୍ ମୁଃଏ, ମତ୍ର ଏଦି ନିଜ୍ଜାନେଃଏ ଗଟି ଆନେ; 2ଇ ହିତାନାରିନିକି ଏମ୍ୱେନାଞ୍ଜି ପାପ କାମା କିୱିକିନ୍ନେଞ୍ଜି, ଏୱାଞ୍ଜି ତା ବଟାତାୱା ଗୁରନ୍ ୱାଲ୍ଲି ଡ଼େଚ୍ଚାନ୍ ସାମ୍ନ୍ଦେର୍ତାୱା ତୁହ୍ହାଚ୍ଚେସି ତା ବାଗାଟି ନେହି ଆନେମା । 3#ମାତି ୧୮:୧୫ମିରୁ ମି ମି କୁଲାତାୱା ନେହେନ୍ ବାସାଆଦୁ । ଜଦି ମି ଆମ୍ୱେସ୍ ପାପ କିନ୍ନେଞ୍ଜି ଏହେଙ୍ଗ୍ଆତେସ୍ ତାଙ୍ଗେ ୱ୍ଲିଦୁ; ଆଟେ ତାନୁ ଏଲୁୱ୍ଡେପେନ୍ନେଞ୍ଜି, ଏହେଙ୍ଗ୍ ଆତେସି ତାଙ୍ଗେ ମାକ୍ସାଡ଼ି ହିଦୁ । 4ଆଟେ ଏୱାଞ୍ଜି ର ଦିନାତିକି ଅଡ଼ି ଅଲି ମି ବିରୁଦିଆଟି ପାପ କିନ୍ନେଞ୍ଜି ଅଟେ ମି ଟାକ୍କେ ଅଡ଼ି ଅଲି ଟିକ୍ନା ୱାନାହି ନାନୁ ଏଲୁୱ୍ଡେପ୍ଚାମାଃଇ ଇଞ୍ଜାନ୍ ୱେସ୍ତାତେଞ୍ଜି, ଏହେଙ୍ଗ୍ ଆତେସି ତାଙ୍ଗେ ମାକ୍ସାଡ଼ି ହିଦୁ ।”
ମାଞ୍ଜାଡ଼ି
5ଏମ୍ୱାଟି ଗ୍ରାମ୍ବାଗାଟାରି ଦାର୍ମୁନିକି ୱେସ୍ତେରି, ମା ମାଞ୍ଜାଡ଼ି ଗାପ୍ଚ୍ଚା ହିଆମୁ ।
6ଦାର୍ମୁ ୱେସ୍ତେଞ୍ଜି, ଜଦି ମି ମାଞ୍ଜାଡ଼ି ରିଚ୍ଚ ପନ୍ନ ଲାକ୍କାଟି ଆନ୍ନେମା, ଏହେଙ୍ଗ୍ ଆତେସି ଇ ହାପ୍କା ମ୍ରାନୁତିଦି ଡାକ୍କି ହାବେ ଉନ୍ଦାନାହି ସାମ୍ନ୍ଦେର୍ତାୱା ନେଜି ହାଗାମୁ ଇଚ୍ଚେସି ଏଦି ମି କାତା ଆହ୍ନେ ।
କାମ୍ବାରେଏଞ୍ଜ୍ତି କାମା
7ମତ୍ର ମି ଦାଲ୍ଲାତାୱା ଇହିଙ୍ଗ୍ତି କୁଏଞ୍ଜି ଏମ୍ୱେ ମାନ୍ନେ, ଇମ୍ୱିନ୍ କାମ୍ବାରେଏଞ୍ଜି ହେରୁ ଡ଼ୁଆନ୍ ଅଟେ କଡିଙ୍ଗ୍ କପାନ୍ ମେରାଙ୍ଗ୍ ଇନ୍ଦେଟ୍ ୱାତେସି ଏୱାଞ୍ଜ୍ ତାଙ୍ଗେ ୱେସ୍ନେଞ୍ଜି, ଏଚିୱାଡ଼େ ୱାନ୍ ଉନ୍ବନ୍ ବାଗା କକ୍ମୁ ? 8ଏୱାଞ୍ଜ୍ ଇନ୍ନା ଆଟେ ୱାଡ଼େ ଏୱାଞ୍ଜିକି ୱେଃସେଞ୍ଜି, ନା ଉନ୍ବନ୍ ହାମ୍ୱେର୍ କିମୁ, ନାନୁ ତିନ୍ବା ଉନ୍ବା ମୁଃଆନ୍ ଟିକ୍ନା ଡାଡ୍ଡି ଗାସାନ୍ ନାଙ୍ଗେ ଆଙ୍ଗୁଲ୍ ଆଦାମୁ, ଏମ୍ୱାଟି ନିନୁ ତିନ୍ବା ଉନ୍ବା କିଦି ? 9କାମ୍ବାରେଏଞ୍ଜି ତା କାତା ୱେଞ୍ଜାନ୍ କାମା କିତାୱିଃଆଟି ଏୱାଞ୍ଜି ଇନ୍ନା ଏୱାଞ୍ଜିକି ଦନ୍ୟବାଦ ହିନେଞ୍ଜି ? 10ଏଚିଡେହେଙ୍ଗ୍ ମିରୁ ୱାଡ଼େ ତା ଆଗ୍ୟାଁ ଡେହେଙ୍ଗ୍ ହାବେତ୍ କାମା କିନାୱିଃଆଟି ୱେସ୍ଦୁ, ମାମୁ କାମା ମୁଃଆନ୍ କାମ୍ବାରାଙ୍ଗାନାମୁ, ଇନ୍ନା କିଅନ୍ ଉଚିତ୍ ମାଚ୍ଚେ, ୱାର୍ରି ଏୱା କିଆନ୍ନାମୁ ।
ଜିସୁ ଦାସା ଜାଡ଼ା ମୁଟ୍ଡାଙ୍ଗ୍ ରଗୁଗାଟାରିକି ନେହି କିଅନ୍
11ଜିସୁ ଜିରୁସାଲମଇନ୍ଦା ହାଜ୍ଜିଚ୍ଚି ତୁକାତାୱା ସମିରନ ଅଟେ ଗାଲିଲି ହିଆନ୍ ହାଜ୍ଜିଚ୍ଚେଞ୍ଜି । 12ଆଟେ ଜିସୁ ରଣ୍ଡା ନାଜୁତାୱା ହଲ୍ବନେଃଏ, ଦାସା ଜାଡ଼ା ମୁଟ୍ଡାଙ୍ଗ୍ ରଗୁଗାଟାରି ଜିସୁନିକି ପୁଁଣ୍ତିତେରି; 13ଏୱାରି ଦେହା ଡିଡ୍ଡାନ୍ ଗଜେଲ୍ ଆନ୍ ୱେସ୍ତେରି, “ଏ ଜିସୁ, ଗ୍ରାପାଗାଟାତି, ମାଙ୍ଗେ ପାପୁଅଲ୍ତାମୁ ।”
14ଆଟେ ଜିସୁ ଏୱାରିକି ହୁଡ଼ାନ୍ ୱେସ୍ତେଞ୍ଜି, “ମିରୁ ହାଜ୍ଜୁ ମି ଗାମିନ୍ ଜାଜକଙ୍ଗ୍ନିକି ତସ୍ଦୁ ।” ଏମ୍ୱାଟି ଏୱାରି ହାଜ୍ଜି ହାଜ୍ଜି ହାବେ ନେହିଆତେରି । 15ମତ୍ର ଏୱାର୍ତାୱାଟି ରଃଅଞ୍ଜେଃଏ ତା ନେହି ଆନ୍ନାଦାଃଆ ହୁଡ଼ାନ୍ ମୁଲାପେନୁନିକି ଗାଡ଼ିହେରୁ କି କି ୱ୍ଡେଚାନ୍ ୱାତେଞ୍ଜି, 16ଜିସୁତି କାଟ୍କାନାୱା ବ୍ଡିଆନ୍ ତାଙ୍ଗେ ଦନ୍ୟବାଦ ହିଅନ୍ ମ୍ରାସ୍ତେଞ୍ଜି; ଏୱାଞ୍ଜି ରଃଅଞ୍ଜି ସମିରନତି କୁଏଞ୍ଜି ମାଚ୍ଚେଞ୍ଜି । 17ଏମ୍ୱାଟି ଜିସୁ ତାଙ୍ଗେ ୱେଚ୍ଚେଞ୍ଜି, “ଆଟେ ଏ ଦାସା ଜାଡ଼ା ହାବେ ଇନ୍ନା ନେହି ଆହେଃଲ୍ଲେରି ?” ଏହେଙ୍ଗ୍ ଆତେସି ଆଟେ ନହାଜାଡ଼ା ଇମ୍ୱିନାରି ? 18ମୁଲାପେନୁନିକି ଗାଡ଼ିହେରୁ କିଅନ୍ ବାଗା ଇ ଅନଜିହୁଦିନିକି ପିହାନ୍ ଇନ୍ନା ଆଟେ ଏମ୍ୱେ ୱ୍ଡେଚାନ୍ ୱାହେଃଲ୍ଲେ ? 19ଏମ୍ୱାଟି ଜିସୁ ଏ କୁଏଞ୍ଜିକି ୱେସ୍ତେଞ୍ଜି, “ନିଙ୍ଗାନ୍ ହାଲ୍ମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।”
ମୁଲାପେନୁତି ରାଜି ରିହିକ୍ ୱାଅନ୍
(ମାତିଉ ୨୪:୨୩–୨୮,୩୭–୪୧)
20ମୁଲାପେନୁତି ରାଜି ଏଚ୍ଚେକ୍ ୱାନେ ଇଞ୍ଜାନ୍ ପାରୁସିଙ୍ଗ୍ ଜିସୁନିକି ୱେଚ୍ଚେରି, ଏୱାଞ୍ଜି ଏୱାରକି ୱେସ୍ତେଞ୍ଜି, “ମୁଲାପେନୁତି ରାଜି ୱାଅନ୍ତାଦା କାଡ଼୍କାଟି ହୁଡ଼ନ୍ ମୁପନ୍ ଆଃଏ; 21ହୁଡ଼ାଟୁ, ଇଦିମ୍ୱା କି ଉଦୁମ୍ୱା ଇଞ୍ଜାନ୍ ଦାଲ୍ଲା ୱେସ୍ପନ୍ ମୁତାଦାଃଏରି; ଇନାକି ହୁଡ଼ାଟୁ, ମୁଲାପେନୁତି ରାଜି ମି ତାୱା ମାନ୍ନେ ।”
22ମତ୍ର ଏୱାଞ୍ଜି ଗ୍ରାମ୍ୱାଗାଟାରିକି ୱେସ୍ତେଞ୍ଜି, ଇହିଙ୍ଗିସିତି ଦିନା ୱାନେ, ଏଚ୍ଚିକିଃଆ ମିରୁ କୁଏଞ୍ଜ୍ ମ୍ରିଃଏଞ୍ଜିତି ଦିନାଙ୍ଗ୍ ତାୱାଟି ର ଦିନା ହୁଡ଼ନ୍ ବାଗା ଇଚ୍ଚା କିଦେରି, ମତ୍ର ହୁଡ଼ନ୍ ମୁଃଏରି । 23ଇଦିମ୍ୱା ହୁଡ଼ାଟୁ ଉଦୁମ୍ୱା ହୁଡ଼ାଟୁ ଇଞ୍ଜାନ୍ ଦାଲ୍ଲା ୱେସ୍ତାନେରି; ମତ୍ର ମିରୁ ତା ବେତଟ୍ ହାଃଲ୍ଲାଟୁ କି ତା କାତା ୱେଃନ୍ନାଟୁ । 24ଇନିସ୍କି ଜାଗ୍ଗୁତାୱା ରକଟ୍ ବିଜ୍ଜି ରୁତିତେସି ଜାଗ୍ଗୁତି ଅଟେ ରକଟ୍ ଅଲା ଆଇନେ, କୁଏଞ୍ଜ୍ ମ୍ରିଃଏଞ୍ଜି ତା ୱାନି ଦିନାତାୱା ଏହେଙ୍ଗିସି ତଞ୍ଜିନେଞ୍ଜି । 25ମତ୍ର କାହେ ଏୱାଞ୍ଜି ନିଜ୍ଜାନେଃଏ ଏଗେଲ୍ ଦୁଃକ ପାଁନେଞ୍ଜି ଅଟେ ଇ ହାଦାଡ଼୍ତି କୁଇଙ୍ଗ୍ ତାଙ୍ଗେ ଅଗ୍ରାହ୍ୟ କିନେରି । 26ଆଟେ ନହତି ତୁକାତାୱା ଇନିମିଡି ଡୁଣ୍ଡେଲ୍ ଆଚ୍ଚେ ହାଦାଡ଼ି କୁଏଞ୍ଜ୍ ମ୍ରିଃଏଞ୍ଜ୍ତି ତୁକାତାୱା ୱାଡ଼େ ଏହେଙ୍ଗିସି ଡୁଣ୍ଡେଲ୍ ଆନେ । 27ଏଜୁ ଜାଜ୍ଜୁତାୱା ନହ ହଲ୍ବନ୍ତି ଦିନା ଏତି ଟିକ୍ନା ଦାଲ୍ଲା ହାବେ ତିନ୍ବା ଉନ୍ବା ଅଟେ ବିବା କିଚ୍ଚେରି ଅଟେ ବିବା ଆଇଚ୍ଚେରି, ଆଟେ ଏଜୁ ୱାନ୍ ହାବେତାରିନିକି ନାହେଡ୍ କିତେ । 28ଲଟତି ତୁକାତାୱା ୱାଡ଼େ ଏହେଙ୍ଗିସି ଡୁଣ୍ଡେଲ୍ ଆଚ୍ଚେ, ଦାଲ୍ଲା ହାବେ ତିନ୍ବନ୍ ଉନ୍ବନ୍, କଡ୍ଡନ୍ ପ୍ରାପନ୍, ମ୍ରାକା ଉହନ୍ ଅଟେ ଇଟ୍କା କ୍ଲେହନ୍ତି କାମାତାୱା ମାଚ୍ଚେରି । 29ମତ୍ର ଲଟ ସଦମ ତାୱାଟି ହଚାନ୍ ହାଚ୍ଚି ଦିନାତାୱା ଜାଗ୍ଗୁତାୱାଟି ନାଡ଼ି ଅଟେ ଦାରୁ ରିଆନାହି ହାବେତାରିନିକି ନାହେଡ୍ କିତେ । 30କୁଏଞ୍ଜ୍ ମ୍ରିଃଏଞ୍ଜି ୱାଅନ୍ତି ଦିନାତାୱା ଏହେଙ୍ଗିସି ଡୁଣ୍ତେଲ୍ ଆନେ ।
31 #
ମାତି ୨୪:୧୭,୧୮; ମାର୍କ ୧୩:୧୫,୧୬ ଏ ଦିନାତାୱା ଏମ୍ୱେନାଞ୍ଜି ଦଲାନ୍ ୱାନ୍ଦା ମାନ୍ନେଞ୍ଜି, ଏୱାଞ୍ଜି ଇଡ୍ଡୁ ଲାଃଇ ମାନ୍ନି ତା କୁଲା ତାପ୍କନ୍ ବାଗା ଜାଚାନ୍ ୱାଃଆକାଞ୍ଜି; ଏହେଙ୍ଗିସି ଏମ୍ୱେନାଞ୍ଜି ପାଙ୍ଗାତାୱା ମାନ୍ନେଞ୍ଜି, ୱ୍ଡେଚାନ୍ ଇଜ୍ଜା ହାଃଲ୍ଲାକାଞ୍ଜି । 32ଲଟତି କୁଆଲୁ କାତା ଏଲୁ କିଦୁ । 33#ମାତି ୧୦:୩୯; ୧୬:୨୫; ମାର୍କ ୮:୩୫; ଲୁକ ୯:୨୪; ଜହ ୧୨:୨୫ଏମ୍ୱେନାରି ତା ପରନ୍ ପାଁନ୍ବନ୍ ବାଗା ଏଲୁ କିନ୍ନେରି, ଏୱାରି ଏଦା ପାଃନେରି, ଆଟେ ଏମ୍ୱେନାରି ତା ପରନ୍ ହିନେରି, ଏୱାରି ଏଦା ନିପ୍ନେରି । 34ନାନୁ ମିଙ୍ଗେ ୱେସ୍ପିଞ୍ଜା, ଏ ଡାଡ଼ିଙ୍ଗ୍ ରିଃଆରି ରଣ୍ଡା ଗାଡ୍ଡେଲ୍ତାୱା ହୁଞ୍ଜାନ୍ନେରି, ରଃଅଞ୍ଜିକି ଗ୍ରହନ କିୱା ଆନେ ଅଟେ ରଃଅଞ୍ଜିକି ପିହ୍ପାଆନେ । 35ରିଣ୍ଡି ଆଚାସ୍କା ରପାଟ୍ଟେ ଗୁରନ୍ ୱାଲ୍ଲିତାୱା ନୁରେନ୍ନୁ, ରଣ୍ଡାଡ଼ିକି ଅୱାଆନେ, ଆଟେ ରଣ୍ଡାଡ଼ିକି ପିହ୍ପାଆନେ । 36ରିଃଆରି ମେରାତାୱା ବାସାଆନେରି, ରଃଅଞ୍ଜିକି ଅୱାଆନେ ଅଟେ ରଃଅଞ୍ଜିକି ପିହ୍ପାଆନେ ।
37ଏମ୍ୱାଟି ଗ୍ରାମ୍ୱାଗାଟାରି ଜିସୁନିକି ୱେଚ୍ଚେରି, ଏ ଦାର୍ମୁ ଇମ୍ୱିନାୱା ? ଏୱାଞ୍ଜି ଏୱାରିକି ୱେସ୍ତେଞ୍ଜି, ଇମ୍ୱିନାୱା, ହାତି ଗାଣ୍ଡି ମାନ୍ନେ, ଏମ୍ବା ଡାଡ଼୍କା ୱାଡ଼େ ରପାଟ୍ଟେ ଆନୁ ।
Iliyochaguliwa sasa
ଲୁକ 17: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 17
17
ପାପ
(ମାତିଉ ୧୮:୬–୭,୨୧–୨୨; ମାର୍କ ୯:୪୨)
1ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ଇମ୍ୱିନ୍ ହାବେ ପରିକ୍ୟା ତାୱାଟି କୁଇଙ୍ଗ୍ ପାପତାୱା ଦିନ୍ନେରି, ଏ ହାବେ ସାମେନେଃଏ ୱାନେ, ମତ୍ର ଏମ୍ୱେନାଞ୍ଜି ଇ ହାବେ କିନ୍ନେଞ୍ଜି, ଏୱାଞ୍ଜି ଗାପ୍ଚି ଦଣ୍ଡ ପାଁନେଞ୍ଜି । ଏଦି ଆଅନ୍ ମୁଃଏ, ମତ୍ର ଏଦି ନିଜ୍ଜାନେଃଏ ଗଟି ଆନେ; 2ଇ ହିତାନାରିନିକି ଏମ୍ୱେନାଞ୍ଜି ପାପ କାମା କିୱିକିନ୍ନେଞ୍ଜି, ଏୱାଞ୍ଜି ତା ବଟାତାୱା ଗୁରନ୍ ୱାଲ୍ଲି ଡ଼େଚ୍ଚାନ୍ ସାମ୍ନ୍ଦେର୍ତାୱା ତୁହ୍ହାଚ୍ଚେସି ତା ବାଗାଟି ନେହି ଆନେମା । 3#ମାତି ୧୮:୧୫ମିରୁ ମି ମି କୁଲାତାୱା ନେହେନ୍ ବାସାଆଦୁ । ଜଦି ମି ଆମ୍ୱେସ୍ ପାପ କିନ୍ନେଞ୍ଜି ଏହେଙ୍ଗ୍ଆତେସ୍ ତାଙ୍ଗେ ୱ୍ଲିଦୁ; ଆଟେ ତାନୁ ଏଲୁୱ୍ଡେପେନ୍ନେଞ୍ଜି, ଏହେଙ୍ଗ୍ ଆତେସି ତାଙ୍ଗେ ମାକ୍ସାଡ଼ି ହିଦୁ । 4ଆଟେ ଏୱାଞ୍ଜି ର ଦିନାତିକି ଅଡ଼ି ଅଲି ମି ବିରୁଦିଆଟି ପାପ କିନ୍ନେଞ୍ଜି ଅଟେ ମି ଟାକ୍କେ ଅଡ଼ି ଅଲି ଟିକ୍ନା ୱାନାହି ନାନୁ ଏଲୁୱ୍ଡେପ୍ଚାମାଃଇ ଇଞ୍ଜାନ୍ ୱେସ୍ତାତେଞ୍ଜି, ଏହେଙ୍ଗ୍ ଆତେସି ତାଙ୍ଗେ ମାକ୍ସାଡ଼ି ହିଦୁ ।”
ମାଞ୍ଜାଡ଼ି
5ଏମ୍ୱାଟି ଗ୍ରାମ୍ବାଗାଟାରି ଦାର୍ମୁନିକି ୱେସ୍ତେରି, ମା ମାଞ୍ଜାଡ଼ି ଗାପ୍ଚ୍ଚା ହିଆମୁ ।
6ଦାର୍ମୁ ୱେସ୍ତେଞ୍ଜି, ଜଦି ମି ମାଞ୍ଜାଡ଼ି ରିଚ୍ଚ ପନ୍ନ ଲାକ୍କାଟି ଆନ୍ନେମା, ଏହେଙ୍ଗ୍ ଆତେସି ଇ ହାପ୍କା ମ୍ରାନୁତିଦି ଡାକ୍କି ହାବେ ଉନ୍ଦାନାହି ସାମ୍ନ୍ଦେର୍ତାୱା ନେଜି ହାଗାମୁ ଇଚ୍ଚେସି ଏଦି ମି କାତା ଆହ୍ନେ ।
କାମ୍ବାରେଏଞ୍ଜ୍ତି କାମା
7ମତ୍ର ମି ଦାଲ୍ଲାତାୱା ଇହିଙ୍ଗ୍ତି କୁଏଞ୍ଜି ଏମ୍ୱେ ମାନ୍ନେ, ଇମ୍ୱିନ୍ କାମ୍ବାରେଏଞ୍ଜି ହେରୁ ଡ଼ୁଆନ୍ ଅଟେ କଡିଙ୍ଗ୍ କପାନ୍ ମେରାଙ୍ଗ୍ ଇନ୍ଦେଟ୍ ୱାତେସି ଏୱାଞ୍ଜ୍ ତାଙ୍ଗେ ୱେସ୍ନେଞ୍ଜି, ଏଚିୱାଡ଼େ ୱାନ୍ ଉନ୍ବନ୍ ବାଗା କକ୍ମୁ ? 8ଏୱାଞ୍ଜ୍ ଇନ୍ନା ଆଟେ ୱାଡ଼େ ଏୱାଞ୍ଜିକି ୱେଃସେଞ୍ଜି, ନା ଉନ୍ବନ୍ ହାମ୍ୱେର୍ କିମୁ, ନାନୁ ତିନ୍ବା ଉନ୍ବା ମୁଃଆନ୍ ଟିକ୍ନା ଡାଡ୍ଡି ଗାସାନ୍ ନାଙ୍ଗେ ଆଙ୍ଗୁଲ୍ ଆଦାମୁ, ଏମ୍ୱାଟି ନିନୁ ତିନ୍ବା ଉନ୍ବା କିଦି ? 9କାମ୍ବାରେଏଞ୍ଜି ତା କାତା ୱେଞ୍ଜାନ୍ କାମା କିତାୱିଃଆଟି ଏୱାଞ୍ଜି ଇନ୍ନା ଏୱାଞ୍ଜିକି ଦନ୍ୟବାଦ ହିନେଞ୍ଜି ? 10ଏଚିଡେହେଙ୍ଗ୍ ମିରୁ ୱାଡ଼େ ତା ଆଗ୍ୟାଁ ଡେହେଙ୍ଗ୍ ହାବେତ୍ କାମା କିନାୱିଃଆଟି ୱେସ୍ଦୁ, ମାମୁ କାମା ମୁଃଆନ୍ କାମ୍ବାରାଙ୍ଗାନାମୁ, ଇନ୍ନା କିଅନ୍ ଉଚିତ୍ ମାଚ୍ଚେ, ୱାର୍ରି ଏୱା କିଆନ୍ନାମୁ ।
ଜିସୁ ଦାସା ଜାଡ଼ା ମୁଟ୍ଡାଙ୍ଗ୍ ରଗୁଗାଟାରିକି ନେହି କିଅନ୍
11ଜିସୁ ଜିରୁସାଲମଇନ୍ଦା ହାଜ୍ଜିଚ୍ଚି ତୁକାତାୱା ସମିରନ ଅଟେ ଗାଲିଲି ହିଆନ୍ ହାଜ୍ଜିଚ୍ଚେଞ୍ଜି । 12ଆଟେ ଜିସୁ ରଣ୍ଡା ନାଜୁତାୱା ହଲ୍ବନେଃଏ, ଦାସା ଜାଡ଼ା ମୁଟ୍ଡାଙ୍ଗ୍ ରଗୁଗାଟାରି ଜିସୁନିକି ପୁଁଣ୍ତିତେରି; 13ଏୱାରି ଦେହା ଡିଡ୍ଡାନ୍ ଗଜେଲ୍ ଆନ୍ ୱେସ୍ତେରି, “ଏ ଜିସୁ, ଗ୍ରାପାଗାଟାତି, ମାଙ୍ଗେ ପାପୁଅଲ୍ତାମୁ ।”
14ଆଟେ ଜିସୁ ଏୱାରିକି ହୁଡ଼ାନ୍ ୱେସ୍ତେଞ୍ଜି, “ମିରୁ ହାଜ୍ଜୁ ମି ଗାମିନ୍ ଜାଜକଙ୍ଗ୍ନିକି ତସ୍ଦୁ ।” ଏମ୍ୱାଟି ଏୱାରି ହାଜ୍ଜି ହାଜ୍ଜି ହାବେ ନେହିଆତେରି । 15ମତ୍ର ଏୱାର୍ତାୱାଟି ରଃଅଞ୍ଜେଃଏ ତା ନେହି ଆନ୍ନାଦାଃଆ ହୁଡ଼ାନ୍ ମୁଲାପେନୁନିକି ଗାଡ଼ିହେରୁ କି କି ୱ୍ଡେଚାନ୍ ୱାତେଞ୍ଜି, 16ଜିସୁତି କାଟ୍କାନାୱା ବ୍ଡିଆନ୍ ତାଙ୍ଗେ ଦନ୍ୟବାଦ ହିଅନ୍ ମ୍ରାସ୍ତେଞ୍ଜି; ଏୱାଞ୍ଜି ରଃଅଞ୍ଜି ସମିରନତି କୁଏଞ୍ଜି ମାଚ୍ଚେଞ୍ଜି । 17ଏମ୍ୱାଟି ଜିସୁ ତାଙ୍ଗେ ୱେଚ୍ଚେଞ୍ଜି, “ଆଟେ ଏ ଦାସା ଜାଡ଼ା ହାବେ ଇନ୍ନା ନେହି ଆହେଃଲ୍ଲେରି ?” ଏହେଙ୍ଗ୍ ଆତେସି ଆଟେ ନହାଜାଡ଼ା ଇମ୍ୱିନାରି ? 18ମୁଲାପେନୁନିକି ଗାଡ଼ିହେରୁ କିଅନ୍ ବାଗା ଇ ଅନଜିହୁଦିନିକି ପିହାନ୍ ଇନ୍ନା ଆଟେ ଏମ୍ୱେ ୱ୍ଡେଚାନ୍ ୱାହେଃଲ୍ଲେ ? 19ଏମ୍ୱାଟି ଜିସୁ ଏ କୁଏଞ୍ଜିକି ୱେସ୍ତେଞ୍ଜି, “ନିଙ୍ଗାନ୍ ହାଲ୍ମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।”
ମୁଲାପେନୁତି ରାଜି ରିହିକ୍ ୱାଅନ୍
(ମାତିଉ ୨୪:୨୩–୨୮,୩୭–୪୧)
20ମୁଲାପେନୁତି ରାଜି ଏଚ୍ଚେକ୍ ୱାନେ ଇଞ୍ଜାନ୍ ପାରୁସିଙ୍ଗ୍ ଜିସୁନିକି ୱେଚ୍ଚେରି, ଏୱାଞ୍ଜି ଏୱାରକି ୱେସ୍ତେଞ୍ଜି, “ମୁଲାପେନୁତି ରାଜି ୱାଅନ୍ତାଦା କାଡ଼୍କାଟି ହୁଡ଼ନ୍ ମୁପନ୍ ଆଃଏ; 21ହୁଡ଼ାଟୁ, ଇଦିମ୍ୱା କି ଉଦୁମ୍ୱା ଇଞ୍ଜାନ୍ ଦାଲ୍ଲା ୱେସ୍ପନ୍ ମୁତାଦାଃଏରି; ଇନାକି ହୁଡ଼ାଟୁ, ମୁଲାପେନୁତି ରାଜି ମି ତାୱା ମାନ୍ନେ ।”
22ମତ୍ର ଏୱାଞ୍ଜି ଗ୍ରାମ୍ୱାଗାଟାରିକି ୱେସ୍ତେଞ୍ଜି, ଇହିଙ୍ଗିସିତି ଦିନା ୱାନେ, ଏଚ୍ଚିକିଃଆ ମିରୁ କୁଏଞ୍ଜ୍ ମ୍ରିଃଏଞ୍ଜିତି ଦିନାଙ୍ଗ୍ ତାୱାଟି ର ଦିନା ହୁଡ଼ନ୍ ବାଗା ଇଚ୍ଚା କିଦେରି, ମତ୍ର ହୁଡ଼ନ୍ ମୁଃଏରି । 23ଇଦିମ୍ୱା ହୁଡ଼ାଟୁ ଉଦୁମ୍ୱା ହୁଡ଼ାଟୁ ଇଞ୍ଜାନ୍ ଦାଲ୍ଲା ୱେସ୍ତାନେରି; ମତ୍ର ମିରୁ ତା ବେତଟ୍ ହାଃଲ୍ଲାଟୁ କି ତା କାତା ୱେଃନ୍ନାଟୁ । 24ଇନିସ୍କି ଜାଗ୍ଗୁତାୱା ରକଟ୍ ବିଜ୍ଜି ରୁତିତେସି ଜାଗ୍ଗୁତି ଅଟେ ରକଟ୍ ଅଲା ଆଇନେ, କୁଏଞ୍ଜ୍ ମ୍ରିଃଏଞ୍ଜି ତା ୱାନି ଦିନାତାୱା ଏହେଙ୍ଗିସି ତଞ୍ଜିନେଞ୍ଜି । 25ମତ୍ର କାହେ ଏୱାଞ୍ଜି ନିଜ୍ଜାନେଃଏ ଏଗେଲ୍ ଦୁଃକ ପାଁନେଞ୍ଜି ଅଟେ ଇ ହାଦାଡ଼୍ତି କୁଇଙ୍ଗ୍ ତାଙ୍ଗେ ଅଗ୍ରାହ୍ୟ କିନେରି । 26ଆଟେ ନହତି ତୁକାତାୱା ଇନିମିଡି ଡୁଣ୍ଡେଲ୍ ଆଚ୍ଚେ ହାଦାଡ଼ି କୁଏଞ୍ଜ୍ ମ୍ରିଃଏଞ୍ଜ୍ତି ତୁକାତାୱା ୱାଡ଼େ ଏହେଙ୍ଗିସି ଡୁଣ୍ଡେଲ୍ ଆନେ । 27ଏଜୁ ଜାଜ୍ଜୁତାୱା ନହ ହଲ୍ବନ୍ତି ଦିନା ଏତି ଟିକ୍ନା ଦାଲ୍ଲା ହାବେ ତିନ୍ବା ଉନ୍ବା ଅଟେ ବିବା କିଚ୍ଚେରି ଅଟେ ବିବା ଆଇଚ୍ଚେରି, ଆଟେ ଏଜୁ ୱାନ୍ ହାବେତାରିନିକି ନାହେଡ୍ କିତେ । 28ଲଟତି ତୁକାତାୱା ୱାଡ଼େ ଏହେଙ୍ଗିସି ଡୁଣ୍ଡେଲ୍ ଆଚ୍ଚେ, ଦାଲ୍ଲା ହାବେ ତିନ୍ବନ୍ ଉନ୍ବନ୍, କଡ୍ଡନ୍ ପ୍ରାପନ୍, ମ୍ରାକା ଉହନ୍ ଅଟେ ଇଟ୍କା କ୍ଲେହନ୍ତି କାମାତାୱା ମାଚ୍ଚେରି । 29ମତ୍ର ଲଟ ସଦମ ତାୱାଟି ହଚାନ୍ ହାଚ୍ଚି ଦିନାତାୱା ଜାଗ୍ଗୁତାୱାଟି ନାଡ଼ି ଅଟେ ଦାରୁ ରିଆନାହି ହାବେତାରିନିକି ନାହେଡ୍ କିତେ । 30କୁଏଞ୍ଜ୍ ମ୍ରିଃଏଞ୍ଜି ୱାଅନ୍ତି ଦିନାତାୱା ଏହେଙ୍ଗିସି ଡୁଣ୍ତେଲ୍ ଆନେ ।
31 #
ମାତି ୨୪:୧୭,୧୮; ମାର୍କ ୧୩:୧୫,୧୬ ଏ ଦିନାତାୱା ଏମ୍ୱେନାଞ୍ଜି ଦଲାନ୍ ୱାନ୍ଦା ମାନ୍ନେଞ୍ଜି, ଏୱାଞ୍ଜି ଇଡ୍ଡୁ ଲାଃଇ ମାନ୍ନି ତା କୁଲା ତାପ୍କନ୍ ବାଗା ଜାଚାନ୍ ୱାଃଆକାଞ୍ଜି; ଏହେଙ୍ଗିସି ଏମ୍ୱେନାଞ୍ଜି ପାଙ୍ଗାତାୱା ମାନ୍ନେଞ୍ଜି, ୱ୍ଡେଚାନ୍ ଇଜ୍ଜା ହାଃଲ୍ଲାକାଞ୍ଜି । 32ଲଟତି କୁଆଲୁ କାତା ଏଲୁ କିଦୁ । 33#ମାତି ୧୦:୩୯; ୧୬:୨୫; ମାର୍କ ୮:୩୫; ଲୁକ ୯:୨୪; ଜହ ୧୨:୨୫ଏମ୍ୱେନାରି ତା ପରନ୍ ପାଁନ୍ବନ୍ ବାଗା ଏଲୁ କିନ୍ନେରି, ଏୱାରି ଏଦା ପାଃନେରି, ଆଟେ ଏମ୍ୱେନାରି ତା ପରନ୍ ହିନେରି, ଏୱାରି ଏଦା ନିପ୍ନେରି । 34ନାନୁ ମିଙ୍ଗେ ୱେସ୍ପିଞ୍ଜା, ଏ ଡାଡ଼ିଙ୍ଗ୍ ରିଃଆରି ରଣ୍ଡା ଗାଡ୍ଡେଲ୍ତାୱା ହୁଞ୍ଜାନ୍ନେରି, ରଃଅଞ୍ଜିକି ଗ୍ରହନ କିୱା ଆନେ ଅଟେ ରଃଅଞ୍ଜିକି ପିହ୍ପାଆନେ । 35ରିଣ୍ଡି ଆଚାସ୍କା ରପାଟ୍ଟେ ଗୁରନ୍ ୱାଲ୍ଲିତାୱା ନୁରେନ୍ନୁ, ରଣ୍ଡାଡ଼ିକି ଅୱାଆନେ, ଆଟେ ରଣ୍ଡାଡ଼ିକି ପିହ୍ପାଆନେ । 36ରିଃଆରି ମେରାତାୱା ବାସାଆନେରି, ରଃଅଞ୍ଜିକି ଅୱାଆନେ ଅଟେ ରଃଅଞ୍ଜିକି ପିହ୍ପାଆନେ ।
37ଏମ୍ୱାଟି ଗ୍ରାମ୍ୱାଗାଟାରି ଜିସୁନିକି ୱେଚ୍ଚେରି, ଏ ଦାର୍ମୁ ଇମ୍ୱିନାୱା ? ଏୱାଞ୍ଜି ଏୱାରିକି ୱେସ୍ତେଞ୍ଜି, ଇମ୍ୱିନାୱା, ହାତି ଗାଣ୍ଡି ମାନ୍ନେ, ଏମ୍ବା ଡାଡ଼୍କା ୱାଡ଼େ ରପାଟ୍ଟେ ଆନୁ ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0