ଲୁକ 16
16
ଅବିସ୍ୱସ୍ତ ଚାଲାକି ଗୁମୁସ୍ତାତି ତୁକାଙ୍ଗାତା
1ଜିସୁ ଗ୍ରାମ୍ୱାଗାଟାରିକି ୱାଡ଼େ ୱେସ୍ତେଞ୍ଜି, “ରଃଅଞ୍ଜି ପାଁନ୍ବାଗାଟାଞ୍ଜି ମାଚ୍ଚେଞ୍ଜି; ଏୱାଞ୍ଜ୍ତି ରଃଅଞ୍ଜି ଗୁମୁସ୍ତା ମାଚ୍ଚେଞ୍ଜି ।” ଆଟେ ଏୱାଞ୍ଜି ଏୱାଞ୍ଜ୍ତି ଦନ ନାହେଡ୍ କିଆହିଚ୍ଚେଞ୍ଜି ଇଞ୍ଜାନ୍ ଏୱାଞ୍ଜ୍ କୁଲାଟି ୱେଞ୍ଜାନ୍ ଏୱାଞ୍ଜି ତାଙ୍ଗେ ଆର୍ଚାନ୍ ୱେସ୍ତେଞ୍ଜି, 2ନାନୁ ନି କୁଲାଟି ଇ ଇନ୍ନି କାତା ୱେଞ୍ଜିମାଃଇ ? ନି କାମାତି ହିସାବ ହିଆମୁ, ଇନାକି ନିନୁ ଆଟେ ଗୁମୁସ୍ତା ଆନ୍ ବାସା ଆଅନ୍ ମୁଃଆ । 3ଏମ୍ୱାଟି ଏ ଗୁମୁସ୍ତା ତା ହଡାଙ୍ଗିଃଆ ଏଲୁ କିତେଞ୍ଜି ନାନୁ ଇନ୍ନା କିଃଇ ? ସକାରେଏଞ୍ଜି ତ ନା କାମାତାୱାଟି ହପ୍ତାତେଞ୍ଜି । ନାଙ୍ଗେ ତ ୱିର୍ରା କାମା କିଅନ୍ତି ବଲ ହେଃଲ୍ଲେ ଅଟେ ବିକ ୱ୍ରିହ୍ପନ୍ତିକି ଲେଜ୍ଜା ଜେଡା ଆଇନେ । 4ନାନୁ କିନ୍ନି କାମାତାୱାଟି ହତେସି ଦାଲ୍ଲା ଇନିମିଡି ନାଙ୍ଗେ ତା ତା ଇଜ୍ଜା ହଟ୍ତାନେରି ଏଦାବାଗା ଇନାକିଅନ୍ ଆନେ, ଏଦା ନାନୁ ପୁଚ୍ଚେଦେ ।
5ଆଟେ ଏ କାମ୍ୱାରେଏଞ୍ଜି ତା ସକାରତାୱାଟି ଏଚ୍ଚେ ଦାଲ୍ଲା ରିଡ଼ା ଅଆଚ୍ଚି ହାବେତାରିନିକି ଆର୍ଚାନ୍ କାହେତାଞ୍ଜିନିକି ୱେଚ୍ଚେଞ୍ଜି, ନିନୁ ନା ସକାରେଏଞ୍ଜିକି ଏଚ୍ଚେ ହିଅନ୍ମାଞ୍ଜି ? ଏୱାଞ୍ଜି ୱେସ୍ତେଞ୍ଜି, ସେଙ୍ଗୁଡ଼ି ଆଡ୍ଡା ନିଜ୍ଜୁ । 6ଏୱାଞ୍ଜି ତାଙ୍ଗେ ୱେସ୍ତେଞ୍ଜି, ନିନୁ ସେଙ୍ଗୁଡ଼ି ଆଡ୍ଡା ନିଜ୍ଜୁ#୧୬:୬ ସେଙ୍ଗୁଡ଼ି ଆଡ୍ଡା ନିଜ୍ଜୁ ଇଚ୍ଚେସି ରଣ୍ଡା ଉଡ଼ିଆ ବାଇବଲତାୱା ସହେ ମହନ ତେଲ ଇଞ୍ଜାନ୍ ୱ୍ରିଗାଆନ୍ନେ । ଅଆଚ୍ଚି, ୱ୍ରିଗାନ୍ନି ଆକୁ ତାଚ୍ଚାନ୍ ୱିର୍ନା ରି କୁଡ଼ି ଦାସା ଇଞ୍ଜାନ୍ ୱ୍ରିଗାମୁ । 7ଏମ୍ୱାଟି ଏୱାଞ୍ଜି ଆଟେ ରଃଅଞ୍ଜିକି ୱେସ୍ତେଞ୍ଜି, ନିନୁ ଏଚ୍ଚେ ତେହ୍ପନ୍ ମାଞ୍ଜି ? ଏୱାଞ୍ଜ୍ ୱେସ୍ତେଞ୍ଜି, ସେଙ୍ଗୁଡ଼ି ବସ୍ତା ଗହମ । ଏୱାଞ୍ଜି ତାଙ୍ଗେ ୱେସ୍ତେଞ୍ଜି, ନିନୁ ୱ୍ରିଗାନ୍ନି ଆକୁ ତାଚ୍ଚାନ୍ ନାଲ୍କୁଡ଼ି ଇଞ୍ଜାନ୍ ୱ୍ରିଗାମୁ ।
8ଏ ଅବିସ୍ୱସ୍ତ କାମ୍ୱାରେଏଞ୍ଜି ବୁଦ୍ଦି ଡ଼ାହି କାମା କିତି ବାଗାଟି ତା ସକାରେଏଞ୍ଜି ଏୱାଞ୍ଜିକି ଜୁଙ୍ଗିତେଞ୍ଜି; ଏଦାକି ଇ କାଲାତି ମ୍ରିକା ତା ଦାଲ୍ଲା ବାଗା ଅଲାତି ମ୍ରିକାତାୱାଟି ଏଗେଲ୍ ପୁନ୍ବନ୍ତାରି ।
9ନାନୁ ୱାଡ଼େ ମିଙ୍ଗେ ୱେସ୍ପିଞ୍ଜା, ଅଦର୍ମ ଦନ ଡ଼ାହି ମି ମି ବାଗା ତଡ଼େଙ୍ଗ୍ କିଞ୍ଜେରି, ଏହେଙ୍ଗ୍ ଆତେସି, ଏ ଦନ ୱିହିତେସି ଏୱାରି ମିଙ୍ଗେ ଟାକ୍କିଡ଼ହ୍ନା ଇଡ୍ଡୁତାୱା ପୁଁଣ୍ଡାଦାନେରି । 10ଏମ୍ୱେନାଞ୍ଜି ହିତେ କୁଲାତାୱା ବିସ୍ୱସ୍ତ ଆନେଞ୍ଜି, ଏୱାଞ୍ଜି ଏଗେଲ୍ କୁଲାତାୱା ୱାଡ଼େ ବିସ୍ୱସ୍ତ ଆନେଞ୍ଜି, ଆଟେ ଏମ୍ୱେ ହିତେ କୁଲାତାୱା ଅବିସ୍ୱସ୍ତ ଆଇନ୍ନେଞ୍ଜି, ଏୱାଞ୍ଜି ଏଗେଲ୍ କୁଲାତାୱା ୱାଡ଼େ ଅବିସ୍ୱସ୍ତ ଆନେଞ୍ଜି । 11ଏଦାକି ଜଦି ମିରୁ ଇ ପୁର୍ତିତି ଅଦର୍ମ ଦନତାୱା ମାଞ୍ଜାଡ଼ି କିହେଃଲ୍ଲେରି, ଏହେଙ୍ଗ୍ ଆତେସି ଏମ୍ୱେନାଞ୍ଜି ମିଙ୍ଗେ ମାଞ୍ଜାଡ଼ି କିଆନ୍ ନିଜ୍ଜା ଦନ ମି କାଜ୍ଜୁତାୱା ସର୍ପି କିଆନେଞ୍ଜି ? 12ଆଟେ ଜଦି ମିରୁ ବିହିତାରିତି ଦନତାୱା ବିସ୍ୱସ୍ତ ଆହେଃଲ୍ଲେରି, ଆତେସି ଏମ୍ୱେନାରି ମିଙ୍ଗେ ତା ନିଜ ଦନ ହିଆନେରି ?
13 #
ମାତି ୬:୨୪
ରଃଅଞ୍ଜି କୁଏଞ୍ଜି ରିଃଆରି ସକାରତି କାମ୍ୱାରେଏଞ୍ଜି ଆଅନ୍ ମୁଃଏଞ୍ଜି; ଇନାକି ଏୱାଞ୍ଜି ରଃଅଞ୍ଜିକି ସ୍ରିଞ୍ଜିନେଞ୍ଜି ଅଟେ ରଃଅଞ୍ଜିକି ଜେଡା କିନେଞ୍ଜି, ରଃଅଞ୍ଜ୍ତି କାତା ମାନି ଆନେଞ୍ଜି ଅଟେ ରଃଅଞ୍ଜ୍ତି କାତା ମାନି ଆଃଏଞ୍ଜି, ମିରୁ ମୁଲାପେନୁ ଅଟେ ଦନ ଇ ରିଃଆର୍ତି କାମ୍ବାରାଙ୍ଗା ଆଅନ୍ ମୁଃଏରି ।
ଜିସୁତି ଏଚ୍ଚଡ଼୍ ଗ୍ରାପାଙ୍ଗାତା
(ମାତିଉ ୧୧:୧୨–୧୩; ୫:୩୧–୩୨; ମାର୍କ ୧୦:୧୧–୧୨)
14ଇ ହାବେତ୍ କାତା ୱେଞ୍ଜାନ୍ ଦନ ଲୁବୁଗାଟି ପାରୁସିଙ୍ଗ୍ ଜିସୁନିକି ଗେରୁ କିଅନ୍ ମ୍ରାସ୍ତେରି । 15ଏମ୍ୱାଟି ଏୱାଞ୍ଜି ଏୱାରିକି ୱେସ୍ତେଞ୍ଜି, ଏମ୍ୱେନାରି ତା ତା ପାଟ୍ଟି କୁଇଙ୍ଗ୍ ନକେସ୍ ଦାର୍ମିକଗାଟାରି ଇଞ୍ଜାନ୍ ତସ୍ପିନ୍ନେରି, ମିରୁ ଏଚିଲାକ୍କାତି ଦାଲ୍ଲା, ମତ୍ର ମୁଲାପେନୁ ମି ହଡାଙ୍ଗ୍ତି କୁଲା ପୁଞ୍ଜିନ୍ନେଞ୍ଜି; ଇନାକି ଇନ୍ନାଦି କୁଇଙ୍ଗ୍ତାୱା ବେର୍ରାଦି, ଏଦି ଦାର୍ମୁତି ନକେସ୍ ସ୍ରିଞ୍ଜନ୍ତାଦି ।
16 #
ମାତି ୧୧:୧୨,୧୩ ମସାତି ହାଜୁ ଆଟେ ବାବବାଦିଙ୍ଗ୍ତି ଦର୍ମପୁତି ଡୁବନ୍ ହିନ୍ନି ଜହନ ଟିକ୍ନା ପ୍ରେଜାଚ୍ଚେ; ଏଚିତୁକାତାୱାଟି ମୁଲାପେନୁ ରାଜିତି ସୁସମାଚାର ପ୍ରଚାର ଆଇନେ, ଆଟେ ହାବେତ୍ ଦାଲ୍ଲା ବଲଟି ଏମ୍ୱା ହଲ୍ବନ୍ ବାଗା ସେସ୍ଟା କିନ୍ନେରି । 17#ମାତି ୫:୧୮ମତ୍ର ମୁଲାପେନୁ ହାଜୁତି ରଣ୍ଡି ଟୁପା ୱାଡ଼େ ନାହେଡ୍ ଆଅନ୍ ତାୱାଟି ଜାଗ୍ଗୁ ଅଟେ ପୁର୍ତି କାର୍ବେକ୍ ନାହେଡ୍ ଆନେ ।
18 #
ମାତି ୫:୩୨; ୧କ ୭:୧୦,୧୧ ଏମ୍ୱେନାଞ୍ଜିକି ତା କୁଆଲୁନିକି ତୁହାନାହି ବିହିତାଦାଡ଼ିକି ବିବା ଆଇନ୍ନେଞ୍ଜି, ଏୱାଞ୍ଜି ଦାରି ଆଇନ୍ନେଞ୍ଜି; ଆଟେ ଏମ୍ୱେନାଞ୍ଜି ତୁହାନ୍ନି କୁଆଲୁନିକି ବିବା ଆନେଞ୍ଜି, ଏୱାଞ୍ଜି ଦାରି ଆଇନ୍ନେଞ୍ଜି ।
ପାଁନ୍ବାଗାଟାଞ୍ଜି ଅଟେ ଲାଜାର
19ରଃଅଞ୍ଜି ପାଁନ୍ବାଗାଟାଞ୍ଜି ମାଚ୍ଚେଞ୍ଜି, ଏୱାଞ୍ଜି କାଲେ ହୁକୁଲ୍ ଅଟେ ହେଜେ ପାଟୁଗାଟି ଏଗେଲ୍ ଟାକ୍କାଙ୍ଗ୍ତି ଅଙ୍ଗିଙ୍ଗ୍ ମେଦ୍ଦାନ୍ ଏଗେଲ୍ ରାହାଙ୍ଗ୍ ଆନ୍ ଦିନାଙ୍ଗେଃଏ ରାହାଙ୍ଗ୍ ଆଇଚ୍ଚେଞ୍ଜି; 20ମତ୍ର ଏୱାଞ୍ଜ୍ତି ଦାରା ହାପେଡ଼୍ ରେଃଏସ୍ ଲାଜାର ପାରୁଗାଟି ରଃଅଞ୍ଜି ବିକ ୱ୍ରିହ୍ପନ୍ତାଞ୍ଜି ମାଚ୍ଚେଞ୍ଜି, ତା ମୁକ୍କେଲ୍ ଗାଣ୍ଡି ହାବେ ହସ୍କାଟି ନେଞ୍ଜାଚ୍ଚେ; 21ଏୱାଞ୍ଜି ଏ ପାଁନ୍ବାଗାଟାଞ୍ଜ୍ତି ତିନ୍ବା ଗର୍ରିଟିଆଟି ସ୍ରୁଇଚି ଜୁଟ୍ଟାତିଦି ତିଞ୍ଜାନ୍ ଟୁଟୁ କ୍ଡିପନ୍ ବାଗା ଇଚ୍ଚା କିଚ୍ଚେଞ୍ଜି; ଆଟେ ନାହୁଡ଼୍କା ୱାନ୍ ୱାଡ଼େ ଏୱାଞ୍ଜ୍ତି ହସ୍କା ନାକାୱିଚ୍ଚୁ ।
22ଦିନା ୱାତେ ଏ ବିକ ୱ୍ରିହ୍ପନ୍ତାଞ୍ଜି ହାତେଞ୍ଜି ଅଟେ ସର୍ଗତି ଦୁତଙ୍ଗ୍ ଏୱାଞ୍ଜିକି ଅବ୍ରାହାମ ରେଃଏସ୍ ଅତୁ; ଡେଗ୍ଗା ଏ ପାଁନ୍ବାଗାଟି କୁଏଞ୍ଜି ୱାଡ଼େ ହାତେଞ୍ଜି ଅଟେ ଗ୍ରିପା ପାଟେଞ୍ଜି । 23ଆଟେ ଏୱାଞ୍ଜି ନାଡ଼ିକୁଟ୍ଟିତାୱା କସ୍ଟ ଡ଼ାହି ବିକଲ୍ ଆନ୍ ଡ଼ିପେ ମେହାନ୍ ଦେହାଟେଃଏ ଅବ୍ରାହାମ ଅଟେ ତା ଡଣ୍ଡଙ୍ଗ୍ତାୱା ଲାଜାରନିକି ହୁଡ଼ିତେଞ୍ଜି । 24ଏମ୍ୱାଟି ଏୱାଞ୍ଜି ଆର୍ଚାନ୍ ୱେସ୍ତେଞ୍ଜି, ଏ ଆବା, ଅବ୍ରାହାମ ନାଙ୍ଗେ ପାପୁଅଲ୍ଚାନ୍ ଲାଜାରନିକି ପାଣ୍ଡାଦାମୁ, ଇନିମିଡି ଏୱାଞ୍ଜ୍ ଏଜୁତାୱା ତା ସେଣ୍ଡାୱାଞ୍ଜୁ ମେସାନ୍ ନା ୱାଙ୍ଗେସ୍ତିଦି କାକର୍ କିନେଞ୍ଜି, ଇନାକି ନାନୁ ଇ ନାଡ଼ିତାୱା ବିକଲ୍ ଆଇମାଃଇ,
25ମତ୍ର ଅବ୍ରାହାମ ୱେସ୍ତେଞ୍ଜି, ମ୍ରିଃଏଞ୍ଜାତି, ନିନୁ ନିମ୍ୱାନ୍ ମାଚ୍ଚି ତୁକାତାୱା ନି ନେହି କୁଲା ହାବେ ପାଟ୍ଟି, ଆଟେ ଲାଜାର ଏଚିଲାକ୍କା ଡ଼ଃଆନ୍ କୁଲା ପାଟେଞ୍ଜି, ଏଦା ଏଲୁ କିମୁ; ମତ୍ର ହାଦାଡ଼ି ଇୱାଞ୍ଜି ଇ ଗର୍ରିତାୱା ଲତୁ ପାଁଣ୍ଡିନ୍ନେଞ୍ଜି, ଆଟେ ନିନୁ ବିକଲ୍ ଆଇଞ୍ଜି । 26ହାଦାଡ଼ି ନି ନା ମାଦ୍ଦେ ଗାପ୍ଚି ଦେହା ମାନ୍ନେ, ଇହିଙ୍ଗିସିକି ଏମ୍ୱେନାରି ଇ ଗର୍ରିଟି ମି ରେଃଏସ୍ ୱାଅନ୍ ବାଗା ମନ କିନେରି, ଏୱାରି ହାଲ୍ବନ୍ ମୁଃଏରି, ଏ ଗର୍ରିଟି ଏମ୍ୱେ ମା ରେଃଏସ୍ ଗ୍ଡାଚାନ୍ ୱାଅନ୍ ମୁଃଏରି । 27ଏମ୍ୱାଟି ଏୱାଞ୍ଜି ୱେସ୍ତେଞ୍ଜି, ଏ ଆବା, ଏହେଙ୍ଗ୍ ଆତେସି ନାନୁ ନିଙ୍ଗେ ଜିଗେଞ୍ଜା, ଏୱାଞ୍ଜିକି ନା ଆବା ଇଡ୍ଡୁଇନ୍ଦା ପାଣ୍ଡାମୁ, 28ଇନାକି ନା ଆମ୍ୱେସାଙ୍ଗା ସେ ଗାଣ୍ଡି ମାନ୍ନେରି; ଏୱାରି ୱାଡ଼େ ଇନିମିଡି ଇ ବିକଲ୍ ଆଇନି ଗର୍ରିତାୱା ୱାଃଆକାରି, ଏଦାବାଗା ଏୱାଞ୍ଜି ଏୱାର୍ ରେଃଏସ୍ ହାଜ୍ଜାନ୍ ଜାଗ୍ରତ ଆଅନ୍ ବାଗା ୱେସାକାଞ୍ଜି ।
29ମତ୍ର ଅବ୍ରାହାମ ୱେସ୍ତେଞ୍ଜି, ଏୱାର୍ ରେଃଏସ୍ ମସା ଅଟେ ବାବବାଦିଙ୍ଗ୍ତି ଦର୍ମପୁତି ମାନ୍ନେ, ଏୱାରି ଏୱାର୍ତି କାତା ୱେନ୍ନାକାରି । 30ଏମ୍ୱାଟି ଏୱାଞ୍ଜି ୱେସ୍ତେଞ୍ଜି, ଏ ଆବା ଅବ୍ରାହାମ, ଏଦି ପାଡ଼ି ଆଃଏ, ମତ୍ର ହାନ୍ନାର୍ତାୱାଟି ରଃଅଞ୍ଜି ଏୱାର୍ ରେଃଏସ୍ ହାନ୍ନେଞ୍ଜି, ଏହେଙ୍ଗ୍ ଆତେସି ଏୱାରି ଏଲୁ ୱ୍ଡେପ୍ନେରି । 31ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, ଜଦି ଏୱାରି ମସା ଅଟେ ବାବବାଦିଙ୍ଗ୍ତି କାତା ୱେଃନ୍ନେରି, ଏହେଙ୍ଗ୍ ଆତେସି ହାନ୍ନାର୍ଟିଆଟି ରଃଅଞ୍ଜି ନିଙ୍ଗାନାହି ହାଜ୍ଜାନ୍ ୱେସ୍ତେସ୍ ୱାଡ଼େ ଏୱାରି ପରାମର୍ସ ମାନି ଆଃଏରି ।
Iliyochaguliwa sasa
ଲୁକ 16: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 16
16
ଅବିସ୍ୱସ୍ତ ଚାଲାକି ଗୁମୁସ୍ତାତି ତୁକାଙ୍ଗାତା
1ଜିସୁ ଗ୍ରାମ୍ୱାଗାଟାରିକି ୱାଡ଼େ ୱେସ୍ତେଞ୍ଜି, “ରଃଅଞ୍ଜି ପାଁନ୍ବାଗାଟାଞ୍ଜି ମାଚ୍ଚେଞ୍ଜି; ଏୱାଞ୍ଜ୍ତି ରଃଅଞ୍ଜି ଗୁମୁସ୍ତା ମାଚ୍ଚେଞ୍ଜି ।” ଆଟେ ଏୱାଞ୍ଜି ଏୱାଞ୍ଜ୍ତି ଦନ ନାହେଡ୍ କିଆହିଚ୍ଚେଞ୍ଜି ଇଞ୍ଜାନ୍ ଏୱାଞ୍ଜ୍ କୁଲାଟି ୱେଞ୍ଜାନ୍ ଏୱାଞ୍ଜି ତାଙ୍ଗେ ଆର୍ଚାନ୍ ୱେସ୍ତେଞ୍ଜି, 2ନାନୁ ନି କୁଲାଟି ଇ ଇନ୍ନି କାତା ୱେଞ୍ଜିମାଃଇ ? ନି କାମାତି ହିସାବ ହିଆମୁ, ଇନାକି ନିନୁ ଆଟେ ଗୁମୁସ୍ତା ଆନ୍ ବାସା ଆଅନ୍ ମୁଃଆ । 3ଏମ୍ୱାଟି ଏ ଗୁମୁସ୍ତା ତା ହଡାଙ୍ଗିଃଆ ଏଲୁ କିତେଞ୍ଜି ନାନୁ ଇନ୍ନା କିଃଇ ? ସକାରେଏଞ୍ଜି ତ ନା କାମାତାୱାଟି ହପ୍ତାତେଞ୍ଜି । ନାଙ୍ଗେ ତ ୱିର୍ରା କାମା କିଅନ୍ତି ବଲ ହେଃଲ୍ଲେ ଅଟେ ବିକ ୱ୍ରିହ୍ପନ୍ତିକି ଲେଜ୍ଜା ଜେଡା ଆଇନେ । 4ନାନୁ କିନ୍ନି କାମାତାୱାଟି ହତେସି ଦାଲ୍ଲା ଇନିମିଡି ନାଙ୍ଗେ ତା ତା ଇଜ୍ଜା ହଟ୍ତାନେରି ଏଦାବାଗା ଇନାକିଅନ୍ ଆନେ, ଏଦା ନାନୁ ପୁଚ୍ଚେଦେ ।
5ଆଟେ ଏ କାମ୍ୱାରେଏଞ୍ଜି ତା ସକାରତାୱାଟି ଏଚ୍ଚେ ଦାଲ୍ଲା ରିଡ଼ା ଅଆଚ୍ଚି ହାବେତାରିନିକି ଆର୍ଚାନ୍ କାହେତାଞ୍ଜିନିକି ୱେଚ୍ଚେଞ୍ଜି, ନିନୁ ନା ସକାରେଏଞ୍ଜିକି ଏଚ୍ଚେ ହିଅନ୍ମାଞ୍ଜି ? ଏୱାଞ୍ଜି ୱେସ୍ତେଞ୍ଜି, ସେଙ୍ଗୁଡ଼ି ଆଡ୍ଡା ନିଜ୍ଜୁ । 6ଏୱାଞ୍ଜି ତାଙ୍ଗେ ୱେସ୍ତେଞ୍ଜି, ନିନୁ ସେଙ୍ଗୁଡ଼ି ଆଡ୍ଡା ନିଜ୍ଜୁ#୧୬:୬ ସେଙ୍ଗୁଡ଼ି ଆଡ୍ଡା ନିଜ୍ଜୁ ଇଚ୍ଚେସି ରଣ୍ଡା ଉଡ଼ିଆ ବାଇବଲତାୱା ସହେ ମହନ ତେଲ ଇଞ୍ଜାନ୍ ୱ୍ରିଗାଆନ୍ନେ । ଅଆଚ୍ଚି, ୱ୍ରିଗାନ୍ନି ଆକୁ ତାଚ୍ଚାନ୍ ୱିର୍ନା ରି କୁଡ଼ି ଦାସା ଇଞ୍ଜାନ୍ ୱ୍ରିଗାମୁ । 7ଏମ୍ୱାଟି ଏୱାଞ୍ଜି ଆଟେ ରଃଅଞ୍ଜିକି ୱେସ୍ତେଞ୍ଜି, ନିନୁ ଏଚ୍ଚେ ତେହ୍ପନ୍ ମାଞ୍ଜି ? ଏୱାଞ୍ଜ୍ ୱେସ୍ତେଞ୍ଜି, ସେଙ୍ଗୁଡ଼ି ବସ୍ତା ଗହମ । ଏୱାଞ୍ଜି ତାଙ୍ଗେ ୱେସ୍ତେଞ୍ଜି, ନିନୁ ୱ୍ରିଗାନ୍ନି ଆକୁ ତାଚ୍ଚାନ୍ ନାଲ୍କୁଡ଼ି ଇଞ୍ଜାନ୍ ୱ୍ରିଗାମୁ ।
8ଏ ଅବିସ୍ୱସ୍ତ କାମ୍ୱାରେଏଞ୍ଜି ବୁଦ୍ଦି ଡ଼ାହି କାମା କିତି ବାଗାଟି ତା ସକାରେଏଞ୍ଜି ଏୱାଞ୍ଜିକି ଜୁଙ୍ଗିତେଞ୍ଜି; ଏଦାକି ଇ କାଲାତି ମ୍ରିକା ତା ଦାଲ୍ଲା ବାଗା ଅଲାତି ମ୍ରିକାତାୱାଟି ଏଗେଲ୍ ପୁନ୍ବନ୍ତାରି ।
9ନାନୁ ୱାଡ଼େ ମିଙ୍ଗେ ୱେସ୍ପିଞ୍ଜା, ଅଦର୍ମ ଦନ ଡ଼ାହି ମି ମି ବାଗା ତଡ଼େଙ୍ଗ୍ କିଞ୍ଜେରି, ଏହେଙ୍ଗ୍ ଆତେସି, ଏ ଦନ ୱିହିତେସି ଏୱାରି ମିଙ୍ଗେ ଟାକ୍କିଡ଼ହ୍ନା ଇଡ୍ଡୁତାୱା ପୁଁଣ୍ଡାଦାନେରି । 10ଏମ୍ୱେନାଞ୍ଜି ହିତେ କୁଲାତାୱା ବିସ୍ୱସ୍ତ ଆନେଞ୍ଜି, ଏୱାଞ୍ଜି ଏଗେଲ୍ କୁଲାତାୱା ୱାଡ଼େ ବିସ୍ୱସ୍ତ ଆନେଞ୍ଜି, ଆଟେ ଏମ୍ୱେ ହିତେ କୁଲାତାୱା ଅବିସ୍ୱସ୍ତ ଆଇନ୍ନେଞ୍ଜି, ଏୱାଞ୍ଜି ଏଗେଲ୍ କୁଲାତାୱା ୱାଡ଼େ ଅବିସ୍ୱସ୍ତ ଆନେଞ୍ଜି । 11ଏଦାକି ଜଦି ମିରୁ ଇ ପୁର୍ତିତି ଅଦର୍ମ ଦନତାୱା ମାଞ୍ଜାଡ଼ି କିହେଃଲ୍ଲେରି, ଏହେଙ୍ଗ୍ ଆତେସି ଏମ୍ୱେନାଞ୍ଜି ମିଙ୍ଗେ ମାଞ୍ଜାଡ଼ି କିଆନ୍ ନିଜ୍ଜା ଦନ ମି କାଜ୍ଜୁତାୱା ସର୍ପି କିଆନେଞ୍ଜି ? 12ଆଟେ ଜଦି ମିରୁ ବିହିତାରିତି ଦନତାୱା ବିସ୍ୱସ୍ତ ଆହେଃଲ୍ଲେରି, ଆତେସି ଏମ୍ୱେନାରି ମିଙ୍ଗେ ତା ନିଜ ଦନ ହିଆନେରି ?
13 #
ମାତି ୬:୨୪
ରଃଅଞ୍ଜି କୁଏଞ୍ଜି ରିଃଆରି ସକାରତି କାମ୍ୱାରେଏଞ୍ଜି ଆଅନ୍ ମୁଃଏଞ୍ଜି; ଇନାକି ଏୱାଞ୍ଜି ରଃଅଞ୍ଜିକି ସ୍ରିଞ୍ଜିନେଞ୍ଜି ଅଟେ ରଃଅଞ୍ଜିକି ଜେଡା କିନେଞ୍ଜି, ରଃଅଞ୍ଜ୍ତି କାତା ମାନି ଆନେଞ୍ଜି ଅଟେ ରଃଅଞ୍ଜ୍ତି କାତା ମାନି ଆଃଏଞ୍ଜି, ମିରୁ ମୁଲାପେନୁ ଅଟେ ଦନ ଇ ରିଃଆର୍ତି କାମ୍ବାରାଙ୍ଗା ଆଅନ୍ ମୁଃଏରି ।
ଜିସୁତି ଏଚ୍ଚଡ଼୍ ଗ୍ରାପାଙ୍ଗାତା
(ମାତିଉ ୧୧:୧୨–୧୩; ୫:୩୧–୩୨; ମାର୍କ ୧୦:୧୧–୧୨)
14ଇ ହାବେତ୍ କାତା ୱେଞ୍ଜାନ୍ ଦନ ଲୁବୁଗାଟି ପାରୁସିଙ୍ଗ୍ ଜିସୁନିକି ଗେରୁ କିଅନ୍ ମ୍ରାସ୍ତେରି । 15ଏମ୍ୱାଟି ଏୱାଞ୍ଜି ଏୱାରିକି ୱେସ୍ତେଞ୍ଜି, ଏମ୍ୱେନାରି ତା ତା ପାଟ୍ଟି କୁଇଙ୍ଗ୍ ନକେସ୍ ଦାର୍ମିକଗାଟାରି ଇଞ୍ଜାନ୍ ତସ୍ପିନ୍ନେରି, ମିରୁ ଏଚିଲାକ୍କାତି ଦାଲ୍ଲା, ମତ୍ର ମୁଲାପେନୁ ମି ହଡାଙ୍ଗ୍ତି କୁଲା ପୁଞ୍ଜିନ୍ନେଞ୍ଜି; ଇନାକି ଇନ୍ନାଦି କୁଇଙ୍ଗ୍ତାୱା ବେର୍ରାଦି, ଏଦି ଦାର୍ମୁତି ନକେସ୍ ସ୍ରିଞ୍ଜନ୍ତାଦି ।
16 #
ମାତି ୧୧:୧୨,୧୩ ମସାତି ହାଜୁ ଆଟେ ବାବବାଦିଙ୍ଗ୍ତି ଦର୍ମପୁତି ଡୁବନ୍ ହିନ୍ନି ଜହନ ଟିକ୍ନା ପ୍ରେଜାଚ୍ଚେ; ଏଚିତୁକାତାୱାଟି ମୁଲାପେନୁ ରାଜିତି ସୁସମାଚାର ପ୍ରଚାର ଆଇନେ, ଆଟେ ହାବେତ୍ ଦାଲ୍ଲା ବଲଟି ଏମ୍ୱା ହଲ୍ବନ୍ ବାଗା ସେସ୍ଟା କିନ୍ନେରି । 17#ମାତି ୫:୧୮ମତ୍ର ମୁଲାପେନୁ ହାଜୁତି ରଣ୍ଡି ଟୁପା ୱାଡ଼େ ନାହେଡ୍ ଆଅନ୍ ତାୱାଟି ଜାଗ୍ଗୁ ଅଟେ ପୁର୍ତି କାର୍ବେକ୍ ନାହେଡ୍ ଆନେ ।
18 #
ମାତି ୫:୩୨; ୧କ ୭:୧୦,୧୧ ଏମ୍ୱେନାଞ୍ଜିକି ତା କୁଆଲୁନିକି ତୁହାନାହି ବିହିତାଦାଡ଼ିକି ବିବା ଆଇନ୍ନେଞ୍ଜି, ଏୱାଞ୍ଜି ଦାରି ଆଇନ୍ନେଞ୍ଜି; ଆଟେ ଏମ୍ୱେନାଞ୍ଜି ତୁହାନ୍ନି କୁଆଲୁନିକି ବିବା ଆନେଞ୍ଜି, ଏୱାଞ୍ଜି ଦାରି ଆଇନ୍ନେଞ୍ଜି ।
ପାଁନ୍ବାଗାଟାଞ୍ଜି ଅଟେ ଲାଜାର
19ରଃଅଞ୍ଜି ପାଁନ୍ବାଗାଟାଞ୍ଜି ମାଚ୍ଚେଞ୍ଜି, ଏୱାଞ୍ଜି କାଲେ ହୁକୁଲ୍ ଅଟେ ହେଜେ ପାଟୁଗାଟି ଏଗେଲ୍ ଟାକ୍କାଙ୍ଗ୍ତି ଅଙ୍ଗିଙ୍ଗ୍ ମେଦ୍ଦାନ୍ ଏଗେଲ୍ ରାହାଙ୍ଗ୍ ଆନ୍ ଦିନାଙ୍ଗେଃଏ ରାହାଙ୍ଗ୍ ଆଇଚ୍ଚେଞ୍ଜି; 20ମତ୍ର ଏୱାଞ୍ଜ୍ତି ଦାରା ହାପେଡ଼୍ ରେଃଏସ୍ ଲାଜାର ପାରୁଗାଟି ରଃଅଞ୍ଜି ବିକ ୱ୍ରିହ୍ପନ୍ତାଞ୍ଜି ମାଚ୍ଚେଞ୍ଜି, ତା ମୁକ୍କେଲ୍ ଗାଣ୍ଡି ହାବେ ହସ୍କାଟି ନେଞ୍ଜାଚ୍ଚେ; 21ଏୱାଞ୍ଜି ଏ ପାଁନ୍ବାଗାଟାଞ୍ଜ୍ତି ତିନ୍ବା ଗର୍ରିଟିଆଟି ସ୍ରୁଇଚି ଜୁଟ୍ଟାତିଦି ତିଞ୍ଜାନ୍ ଟୁଟୁ କ୍ଡିପନ୍ ବାଗା ଇଚ୍ଚା କିଚ୍ଚେଞ୍ଜି; ଆଟେ ନାହୁଡ଼୍କା ୱାନ୍ ୱାଡ଼େ ଏୱାଞ୍ଜ୍ତି ହସ୍କା ନାକାୱିଚ୍ଚୁ ।
22ଦିନା ୱାତେ ଏ ବିକ ୱ୍ରିହ୍ପନ୍ତାଞ୍ଜି ହାତେଞ୍ଜି ଅଟେ ସର୍ଗତି ଦୁତଙ୍ଗ୍ ଏୱାଞ୍ଜିକି ଅବ୍ରାହାମ ରେଃଏସ୍ ଅତୁ; ଡେଗ୍ଗା ଏ ପାଁନ୍ବାଗାଟି କୁଏଞ୍ଜି ୱାଡ଼େ ହାତେଞ୍ଜି ଅଟେ ଗ୍ରିପା ପାଟେଞ୍ଜି । 23ଆଟେ ଏୱାଞ୍ଜି ନାଡ଼ିକୁଟ୍ଟିତାୱା କସ୍ଟ ଡ଼ାହି ବିକଲ୍ ଆନ୍ ଡ଼ିପେ ମେହାନ୍ ଦେହାଟେଃଏ ଅବ୍ରାହାମ ଅଟେ ତା ଡଣ୍ଡଙ୍ଗ୍ତାୱା ଲାଜାରନିକି ହୁଡ଼ିତେଞ୍ଜି । 24ଏମ୍ୱାଟି ଏୱାଞ୍ଜି ଆର୍ଚାନ୍ ୱେସ୍ତେଞ୍ଜି, ଏ ଆବା, ଅବ୍ରାହାମ ନାଙ୍ଗେ ପାପୁଅଲ୍ଚାନ୍ ଲାଜାରନିକି ପାଣ୍ଡାଦାମୁ, ଇନିମିଡି ଏୱାଞ୍ଜ୍ ଏଜୁତାୱା ତା ସେଣ୍ଡାୱାଞ୍ଜୁ ମେସାନ୍ ନା ୱାଙ୍ଗେସ୍ତିଦି କାକର୍ କିନେଞ୍ଜି, ଇନାକି ନାନୁ ଇ ନାଡ଼ିତାୱା ବିକଲ୍ ଆଇମାଃଇ,
25ମତ୍ର ଅବ୍ରାହାମ ୱେସ୍ତେଞ୍ଜି, ମ୍ରିଃଏଞ୍ଜାତି, ନିନୁ ନିମ୍ୱାନ୍ ମାଚ୍ଚି ତୁକାତାୱା ନି ନେହି କୁଲା ହାବେ ପାଟ୍ଟି, ଆଟେ ଲାଜାର ଏଚିଲାକ୍କା ଡ଼ଃଆନ୍ କୁଲା ପାଟେଞ୍ଜି, ଏଦା ଏଲୁ କିମୁ; ମତ୍ର ହାଦାଡ଼ି ଇୱାଞ୍ଜି ଇ ଗର୍ରିତାୱା ଲତୁ ପାଁଣ୍ଡିନ୍ନେଞ୍ଜି, ଆଟେ ନିନୁ ବିକଲ୍ ଆଇଞ୍ଜି । 26ହାଦାଡ଼ି ନି ନା ମାଦ୍ଦେ ଗାପ୍ଚି ଦେହା ମାନ୍ନେ, ଇହିଙ୍ଗିସିକି ଏମ୍ୱେନାରି ଇ ଗର୍ରିଟି ମି ରେଃଏସ୍ ୱାଅନ୍ ବାଗା ମନ କିନେରି, ଏୱାରି ହାଲ୍ବନ୍ ମୁଃଏରି, ଏ ଗର୍ରିଟି ଏମ୍ୱେ ମା ରେଃଏସ୍ ଗ୍ଡାଚାନ୍ ୱାଅନ୍ ମୁଃଏରି । 27ଏମ୍ୱାଟି ଏୱାଞ୍ଜି ୱେସ୍ତେଞ୍ଜି, ଏ ଆବା, ଏହେଙ୍ଗ୍ ଆତେସି ନାନୁ ନିଙ୍ଗେ ଜିଗେଞ୍ଜା, ଏୱାଞ୍ଜିକି ନା ଆବା ଇଡ୍ଡୁଇନ୍ଦା ପାଣ୍ଡାମୁ, 28ଇନାକି ନା ଆମ୍ୱେସାଙ୍ଗା ସେ ଗାଣ୍ଡି ମାନ୍ନେରି; ଏୱାରି ୱାଡ଼େ ଇନିମିଡି ଇ ବିକଲ୍ ଆଇନି ଗର୍ରିତାୱା ୱାଃଆକାରି, ଏଦାବାଗା ଏୱାଞ୍ଜି ଏୱାର୍ ରେଃଏସ୍ ହାଜ୍ଜାନ୍ ଜାଗ୍ରତ ଆଅନ୍ ବାଗା ୱେସାକାଞ୍ଜି ।
29ମତ୍ର ଅବ୍ରାହାମ ୱେସ୍ତେଞ୍ଜି, ଏୱାର୍ ରେଃଏସ୍ ମସା ଅଟେ ବାବବାଦିଙ୍ଗ୍ତି ଦର୍ମପୁତି ମାନ୍ନେ, ଏୱାରି ଏୱାର୍ତି କାତା ୱେନ୍ନାକାରି । 30ଏମ୍ୱାଟି ଏୱାଞ୍ଜି ୱେସ୍ତେଞ୍ଜି, ଏ ଆବା ଅବ୍ରାହାମ, ଏଦି ପାଡ଼ି ଆଃଏ, ମତ୍ର ହାନ୍ନାର୍ତାୱାଟି ରଃଅଞ୍ଜି ଏୱାର୍ ରେଃଏସ୍ ହାନ୍ନେଞ୍ଜି, ଏହେଙ୍ଗ୍ ଆତେସି ଏୱାରି ଏଲୁ ୱ୍ଡେପ୍ନେରି । 31ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, ଜଦି ଏୱାରି ମସା ଅଟେ ବାବବାଦିଙ୍ଗ୍ତି କାତା ୱେଃନ୍ନେରି, ଏହେଙ୍ଗ୍ ଆତେସି ହାନ୍ନାର୍ଟିଆଟି ରଃଅଞ୍ଜି ନିଙ୍ଗାନାହି ହାଜ୍ଜାନ୍ ୱେସ୍ତେସ୍ ୱାଡ଼େ ଏୱାରି ପରାମର୍ସ ମାନି ଆଃଏରି ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0