ଲୁକ 15
15
ମ୍ରାଙ୍ଗାନ୍ନି ମେଁଣ୍ଡାଅଡାତି ତୁକାଙ୍ଗାତା
(ମାତିଉ ୧୮:୧୨–୧୪)
1 #
ଲୁକ ୫:୨୯,୩୦ ରନେସ୍ ସିସ୍ଟୁଅନ୍ତାରି ଅଟେ ପାପିଗାଟି ଦାଲ୍ଲା ହାବେ ଜିସୁତି ବାକ୍ୟ ୱେନ୍ବନ୍ ବାଗା ତା ରେଃଏସ୍ ୱାଇଚ୍ଚେରି । 2ଏମ୍ୱାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ ହେଃଏସ୍ ଆନ୍ ୱେସ୍ତେରି, ଇ କୁଏଞ୍ଜି ପାପି ଗାଟାରିକି ଗ୍ରହନ କିନ୍ନେଞ୍ଜି ଅଟେ ଏୱାର୍ ଡ଼ାହି ତିନ୍ବା ଉନ୍ବା କିନ୍ନେଞ୍ଜି ! 3ଏମ୍ୱାଟି ଜିସୁ ଏୱାରିକି ଇ ତୁକାଙ୍ଗାତା ୱେସ୍ତେଞ୍ଜି,
4ମି ତାୱା ଇହିଙ୍ଗିସି ଇମ୍ୱିନ୍ କୁଏଞ୍ଜ୍ ମାନ୍ନେଞ୍ଜି ଜେ, ଏୱାଞ୍ଜି ରେଃଏସ୍ ଜଦି ସେଙ୍ଗୁଡ଼ି ମେଁଣ୍ଡାଅଡାଙ୍ଗ୍ ମାନ୍ନୁ, ଆଟେ ଏୱାଡ଼୍ତାୱାଟି ରଣ୍ଡି ମ୍ରାଙ୍ଗିନେ, ଏହେଙ୍ଗ୍ ଆତେସି ତାନୁ ନାଲ୍କୁଡ଼ି ଅନିସ୍ଗଟ୍ଟା ମେଁଣ୍ଡାଅଡାଙ୍ଗ୍ତିଦି ପାଙ୍ଗାତାୱା ପିହାନ୍ ଏ ମ୍ରାଙ୍ଗାନ୍ନି ମେଁଣ୍ଡାଅଡା ପାଃନାନ୍ ଟିକ୍ନା ଏଦା ଦାଃହେଞ୍ଜି ? 5ଆଟେ ଏୱାଞ୍ଜି ଏଦା ପାଟେସି ରାହାଙ୍ଗ୍ ଡ଼ାହି ନେପିତାୱା ଡେକାନାହି ଇଜ୍ଜା ଆହାନ୍ ୱାନେଞ୍ଜି, 6ଏମ୍ୱାଟି ଏୱାଞ୍ଜି ତା ତଡ଼େଙ୍ଗ୍ନିକି ଅଟେ ତା ଦାଲ୍ଲାନିକି ଆର୍ଚାନ୍ ଉଜି କିଆନାହି ଏୱାରିକି ୱେସ୍ପିନ୍ନେଞ୍ଜି, ନା ଡ଼ାହି ରାହାଙ୍ଗ୍ ଆଦାଟୁ, ଇନାକି ନାନୁ ନା ମ୍ରାଙ୍ଗାଚ୍ଚି ମେଁଣ୍ଡାଅଡା ପାଟେଏ । 7ନାନୁ ମିଙ୍ଗେ ୱେସ୍ପିଞ୍ଜା, ଏହେଙ୍ଗିସି ନାଲ୍କୁଡ଼ି ଅନିସ୍ ଗାଣ୍ଡି ଦାର୍ମିକ ଦାଲ୍ଲା, ଇନ୍ଦାର୍ତି ଏଲୁୱ୍ଡେପନ୍ ଆବସକ ହେଃଲ୍ଲେ, ଏୱାର୍ତାୱାଟି ରଃଅଞ୍ଜି ପାପିଗାଟାଞ୍ଜି ଏଲୁ ୱ୍ଡେପ୍ତେସି, ଏୱାଞ୍ଜ୍ ବାଗା ସର୍ଗତାୱା ଏଗେଲ୍ ରାହାଙ୍ଗ୍ ଆନେ ।
ମ୍ରାଙ୍ଗାନ୍ନି ରୁପା ଟାକ୍କା
8“ଇହିଙ୍ଗିସି ଇମ୍ୱିନ୍ ଆଚାଲୁ ମାନ୍ନେ ଜେ, ଏଦାଡ଼୍ ଟାକ୍କେ ଜଦି ଦାସାଗଟ୍ଟା ରୁପା ଟାକ୍କାଙ୍ଗ୍#୧୫:୮ ଇୱା ରନେସ୍ତି କୁଲି ଟାକ୍କାଙ୍ଗ୍ ମାନ୍ନୁ, ଆଟେ ଏମ୍ୱାଟି ରଣ୍ଡି ମ୍ରାଙ୍ଗିନେ, ଇଚ୍ଚେସି ଏଦି ଡୁବ୍ବି ପ୍ରୁସାନ୍ ଇଡ୍ଡୁ ହେପାନାହି ଏଦା ପାଃନାନ୍ ଟିକ୍ନା ଇନ୍ନା ନେହେନ୍ ଦାଃହେଏ ?” 9ଆଟେ ଏଦି ଏଦା ପାଟେସି ତା ତଡ଼େଙ୍ଗ୍ ଆଟେ ତା ଦାଲ୍ଲାନିକି ଆର୍ଚାନ୍ ଉଜି କିଆନାହି ୱେସ୍ପିନ୍ନେ, ନା ଡ଼ାହି ରାହାଙ୍ଗ୍ ଆଦାଟୁ, ଇନାକି ଇମ୍ୱିନ୍ ର ଟାକ୍କା ମ୍ରାକ୍ଚ୍ଚାଚ୍ଚେଏ, ଏଦା ପାଟେଏ । 10ନାନୁ ମିଙ୍ଗେ ୱେସ୍ପିଞ୍ଜା, ଏଚିଲାକ୍କା ଏମ୍ୱେନାଞ୍ଜି ଏଲୁୱ୍ଡେପେନ୍ନେଞ୍ଜି, ଇହିଙ୍ଗିସି ରଃଅଞ୍ଜି ପାପିଗାଟାଞ୍ଜି ବାଗା ମୁଲାପେନୁତି ଦୁତଙ୍ଗ୍ ୱାଡ଼େ ରାହାଙ୍ଗ୍ ଆଇନୁ ।
ମ୍ରାଙ୍ଗାଚ୍ଚି ମ୍ରିଃଏଞ୍ଜ୍ତି ତୁକାଙ୍ଗାତା
11ଜିସୁ ଆଟେ ୱାଡ଼େ ୱେସ୍ତେଞ୍ଜି, ରଃଅଞ୍ଜି କୁଏଞ୍ଜିକି ରିଃଆର୍ ମ୍ରିକା ମାଚ୍ଚେରି । 12ଏ ରିଃଆର୍ ତାୱାଟି କଗିନ୍ ମ୍ରିଃଏଞ୍ଜି ତା ଆବାନିକି ୱେସ୍ତେଞ୍ଜି, ଆବା, ନା ବାଗାତି ଦନ ନାଙ୍ଗେ ହିଆମୁ । ଏମ୍ବାଟି ଏୱାଞ୍ଜି ତା ହାବେତ୍ ଦନ ଏୱାରିକି ପାହାହିତେଞ୍ଜି । 13ଏଚ୍ଚେ ଦିନା ଆଃଏଟେଃଏ କଗିନ୍ ମ୍ରିଃଏଞ୍ଜି ତା ବାଗାତି ଦନ ହାବେ ପ୍ରାଚାନାହି ଦେହା ଦେସା ହାଚ୍ଚେଞ୍ଜି, ଆଟେ ଏଦିମ୍ୱା ଡ଼ଃଆନ୍ କାମାତାୱା ତା ଦନତିଦି ୱିହି କିଆନ୍ ବାସାଆତେଞ୍ଜି । 14ମତ୍ର ହାବେ ୱିହି କିତାୱିଃଆଟି ଏ ରାଜିତାୱା କାରି ଦିଅନେଃଏ ଏୱାଞ୍ଜିକି ଅବାବ ଆଅନ୍ ମ୍ରାନ୍ଦିତେ । 15ଏମ୍ୱାଟି ଏୱାଞ୍ଜି ହାଜ୍ଜାନ୍ ଏ ରାଜିତି ରଃଅଞ୍ଜି କୁଏଞ୍ଜି ରେଃଏସ୍ ବାସାଆତେଞ୍ଜି, ଆଟେ ଏୱାଞ୍ଜି ଏୱାଞ୍ଜିକି ତା ପାଜ୍ଜିଙ୍ଗ୍ କପନ୍ ବାଗା ତା ପାଙ୍ଗାଇନ୍ଦା ପାଣ୍ଡିତେଞ୍ଜି; 16ଆଟେ ପାଜ୍ଜିଙ୍ଗ୍ ଇମ୍ୱିନ୍ ସିମ କାଉ ତିଞ୍ଜିଚ୍ଚୁ, ଏୱାଞ୍ଜି ଏ କୁଲା ତିଞ୍ଜାନ୍ ତା ଟୁଟୁ କ୍ଡିପିକିଅନ୍ ବାଗା ଏଲୁ କିଚ୍ଚେଞ୍ଜି, ମତ୍ର ଏମ୍ୱେନାରି ଏୱାଞ୍ଜିକି ଇନ୍ନା ହିହେଃଲ୍ଲାତେରି । 17ଏମ୍ବାଟି ଏୱାଞ୍ଜି ଏଲୁ କିତେଞ୍ଜି, ନା ଆବାତି ଏଚ୍ଚେ କାମ୍ୱାରାଙ୍ଗାତି ତିନ୍ବା କୁଲା ହାରେନ୍ନୁ, ମତ୍ର ନାନୁ ଇଦିମ୍ୱା ହାକ୍କି ଡ଼ାହି ହାଇମାଃଇ । 18ନାନୁ ନିଙ୍ଗାନ୍ ନା ଆବା ରେଃଏସ୍ ହାଃଇ ଆଟେ ତାଙ୍ଗେ ୱେସିଃଇ, ଆବା, ନାନୁ ସର୍ଗତି ମୁଲାପେନୁ ବିରୁଦିଆଟି ଅଟେ ନି ବିରୁଦିଆଟି ପାପ କିଆମାଃଇ; 19ଆଟେ ନାନୁ ନି ମ୍ରିଃଏଞ୍ଜି ଆଅନ୍ତି ଜୁଗ୍ୟ ଆଃଏ; ନାଙ୍ଗେ ନି କାମ୍ୱାରେଏଞ୍ଜି ଲାକ୍କାଟି ଇଟ୍ଟାଦାମୁ । 20ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ଆବା ରେଃଏସ୍ ହାଚ୍ଚେଞ୍ଜି । ମତ୍ର ତା ଆବା ଦେହାଟେଃଏ ଏୱାଞ୍ଜିକି ହୁଡ଼ାନ୍ ପାପୁଅଲ୍ଚାନ୍ ରାହାପାହା ଆତେଞ୍ଜି ଅଟେ ଡେହାନାହି ହାଜ୍ଜାନ୍ ଏୱାଞ୍ଜିକି ପମ୍ୱାନ୍ ଜେଡାଟି ଜୁମ୍ୱିତେଞ୍ଜି । 21ମ୍ରିଃଏଞ୍ଜି ତାଙ୍ଗେ ୱେସ୍ତେଞ୍ଜି, ଆବା, ସର୍ଗତି ମୁଲାପେନୁ ବିରୁଦିଆଟି ଅଟେ ନି ନକେସି ପାପ କିତେ, ନାନୁ ନି ମ୍ରିଃଏଞ୍ଜ୍ ଇଞ୍ଜାନ୍ ଆର୍ପନ୍ ବାଗା ଜୁଗ୍ୟ ଆଃଏ । 22ମତ୍ର ଆବା ତା କାମ୍ବାରାଙ୍ଗାନିକି ୱେସ୍ତେଞ୍ଜି, ହାବେତାୱାଟି ନେହି ଜିରା ୱିର୍ନା ତାଚ୍ଚାନାହି ଇୱାଞ୍ଜିକି ମେଦ୍ଦିକିଦୁ, ଇୱାଞ୍ଜ୍ତି କାଜ୍ଜୁତାୱା ମୁଦ୍ଦି ତୁଗିକିଦୁ ଆଟେ କାଟ୍କାନାୱା ପାଣ୍ଡେଙ୍ଗ୍ ତୁଗିକିଦୁ, 23ଆଟେ ନେହି କଡି ତାଚ୍ଚାନ୍ ପାଗାଟୁ; ୱାଦୁ, ମାରୁ ତିଞ୍ଜାନ୍ ରାହାଙ୍ଗ୍ ଆନା, 24ଇନାକି ନା ଇ ମ୍ରିଃଏଞ୍ଜି ହାଚେଞ୍ଜି, ଆଟେ ରିହିକ୍ ନିମ୍ୱିତେଞ୍ଜି; ମ୍ରାଙ୍ଗାଚ୍ଚେଞ୍ଜି, ରିହିକ୍ ପାଟେଏ । ଏମ୍ୱାଟି ଏୱାରି ରାହାଙ୍ଗ୍ ଆଅନ୍ ମ୍ରାସ୍ତେରି ।
25ଏଚିତୁକାତାୱା ଗାମିନ୍ ମ୍ରିଃଏଞ୍ଜି ପାଙ୍ଗାତାୱା ମାଚ୍ଚେଞ୍ଜି । ଏୱାଞ୍ଜି ଏଚ୍ଚିକିଃଆ ୱାନ୍ ଇଡ୍ଡୁ ରେଃଏସ୍ ଏତାତେଞ୍ଜି, ଏଚିତୁକାତାୱା ଏୱାଞ୍ଜି ବାଜାଙ୍ଗ୍ ଡ଼ାହି କ୍ରାହନ୍ତି ହାଦ୍ଦା ୱେଞ୍ଜାନ୍, 26ଏୱାଞ୍ଜି ରଃଅଞ୍ଜି କାମ୍ୱାରେଏଞ୍ଜିକି ରେଃଏସ୍ ଆର୍ଚାନ୍ ଇ ହାବେ ଇନ୍ନା ଆଇନେ ଇଞ୍ଜାନ୍ ୱେଚ୍ଚେଞ୍ଜି । 27ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ନି ଆମ୍ୱେସ୍ ୱାନ୍ନେଞ୍ଜି, ଆଟେ ନି ଆବା ଏୱାଞ୍ଜିକି ନେହି ଗାଣ୍ଡିଟି ପାଁଣ୍ଡାନ୍ନି ବାଗାଟି ନେହି କଡି ପାଗାନ୍ନେଞ୍ଜି ।
28ଏମ୍ୱାଟି ଏୱାଞ୍ଜି ରାଗା ଆନ୍ ଇଡ୍ଡୁ ଲାଃଇ ହଲ୍ବନ୍ ଇଚ୍ଚା କିଃଆତେଞ୍ଜି; ମତ୍ର ତା ଆବା କାଟ ୱାନ୍ ଏୱାଞ୍ଜିକି ଏଗେଲ୍ ବୁଜ୍ଜେ କିଅନ୍ ମ୍ରାସ୍ତେଞ୍ଜି । 29ମତ୍ର ଏୱାଞ୍ଜି ଆବାନିକି ୱେସ୍ତେଞ୍ଜି, ହୁଡ଼ାମୁ, ଇଚେ ଅଁଣ୍ଡୁ ଆତେ ନାନୁ ନି କାମ୍ୱାରେଏଞ୍ଜି ଲାକ୍କା କାମା କିଆନ୍ ୱାମାଃଇ, ଆଟେ ହାବେୱେଲା ନି ଆଗ୍ୟାଁ ମାନି ଆମାଃଇ, ଆତେସ୍ୱାଡ଼େ ନା ତଡ଼େଙ୍ଗ୍ ଡ଼ାହି ରାହାଙ୍ଗ୍ ଆଅନ୍ ବାଗା ନିନୁ ନାଙ୍ଗେ ଏଚ୍ଚେକ୍ ଅଡାଡଟି ୱାଡ଼େ ହିଆହେଲ୍ଲାଦାଃଆ; 30ମତ୍ର ନି ଇ ମ୍ରିଃଏଞ୍ଜି ଡ଼ଃଆନ୍ ଦାଲ୍ଲା ଡ଼ାହି ନି ହାବେତ୍ ଦନ ଅଆନ୍ ୱିହି କିଆନ୍ନେଞ୍ଜି, ଏଚ୍ଚିକିଃଆ ଏୱାଞ୍ଜି ୱାତେଞ୍ଜି, ହାଦାଡ଼ି ନିନୁ ଇୱାଞ୍ଜ୍ ବାଗା ନେହି କଡି ପାଗିତି । 31ଏମ୍ୱାଟି ଏୱାଞ୍ଜ୍ ଏୱାଞ୍ଜିକି ୱେସ୍ତେଞ୍ଜି, ମ୍ରିଃଏଞ୍ଜାତି, ନିନୁ ତ ହାବେ ୱେଲା ନା ଡ଼ାହି ମାଞ୍ଜି, ଆଟେ ଇନାହାବେ ନାଃଆ, ଏୱା ହାବେ ନିଃଆ; 32ମତ୍ର ଇୱାଞ୍ଜ୍ ଜେ ନି ଆମ୍ୱେସ୍ ହାଚେଞ୍ଜି, ଆଟେ ୱାଡ଼େ ନିମ୍ୱିତେଞ୍ଜି, ମ୍ରାଙ୍ଗାଚ୍ଚେଞ୍ଜି, ଆଟେ ପାଟାସୁ, ଏଦାବାଗା ରାହାଙ୍ଗ୍ ଆଅନ୍ତିକି ମାଚ୍ଚେ ।
Iliyochaguliwa sasa
ଲୁକ 15: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଲୁକ 15
15
ମ୍ରାଙ୍ଗାନ୍ନି ମେଁଣ୍ଡାଅଡାତି ତୁକାଙ୍ଗାତା
(ମାତିଉ ୧୮:୧୨–୧୪)
1 #
ଲୁକ ୫:୨୯,୩୦ ରନେସ୍ ସିସ୍ଟୁଅନ୍ତାରି ଅଟେ ପାପିଗାଟି ଦାଲ୍ଲା ହାବେ ଜିସୁତି ବାକ୍ୟ ୱେନ୍ବନ୍ ବାଗା ତା ରେଃଏସ୍ ୱାଇଚ୍ଚେରି । 2ଏମ୍ୱାଟି ପାରୁସିଙ୍ଗ୍ ଅଟେ ସାସ୍ତ୍ରିଙ୍ଗ୍ ହେଃଏସ୍ ଆନ୍ ୱେସ୍ତେରି, ଇ କୁଏଞ୍ଜି ପାପି ଗାଟାରିକି ଗ୍ରହନ କିନ୍ନେଞ୍ଜି ଅଟେ ଏୱାର୍ ଡ଼ାହି ତିନ୍ବା ଉନ୍ବା କିନ୍ନେଞ୍ଜି ! 3ଏମ୍ୱାଟି ଜିସୁ ଏୱାରିକି ଇ ତୁକାଙ୍ଗାତା ୱେସ୍ତେଞ୍ଜି,
4ମି ତାୱା ଇହିଙ୍ଗିସି ଇମ୍ୱିନ୍ କୁଏଞ୍ଜ୍ ମାନ୍ନେଞ୍ଜି ଜେ, ଏୱାଞ୍ଜି ରେଃଏସ୍ ଜଦି ସେଙ୍ଗୁଡ଼ି ମେଁଣ୍ଡାଅଡାଙ୍ଗ୍ ମାନ୍ନୁ, ଆଟେ ଏୱାଡ଼୍ତାୱାଟି ରଣ୍ଡି ମ୍ରାଙ୍ଗିନେ, ଏହେଙ୍ଗ୍ ଆତେସି ତାନୁ ନାଲ୍କୁଡ଼ି ଅନିସ୍ଗଟ୍ଟା ମେଁଣ୍ଡାଅଡାଙ୍ଗ୍ତିଦି ପାଙ୍ଗାତାୱା ପିହାନ୍ ଏ ମ୍ରାଙ୍ଗାନ୍ନି ମେଁଣ୍ଡାଅଡା ପାଃନାନ୍ ଟିକ୍ନା ଏଦା ଦାଃହେଞ୍ଜି ? 5ଆଟେ ଏୱାଞ୍ଜି ଏଦା ପାଟେସି ରାହାଙ୍ଗ୍ ଡ଼ାହି ନେପିତାୱା ଡେକାନାହି ଇଜ୍ଜା ଆହାନ୍ ୱାନେଞ୍ଜି, 6ଏମ୍ୱାଟି ଏୱାଞ୍ଜି ତା ତଡ଼େଙ୍ଗ୍ନିକି ଅଟେ ତା ଦାଲ୍ଲାନିକି ଆର୍ଚାନ୍ ଉଜି କିଆନାହି ଏୱାରିକି ୱେସ୍ପିନ୍ନେଞ୍ଜି, ନା ଡ଼ାହି ରାହାଙ୍ଗ୍ ଆଦାଟୁ, ଇନାକି ନାନୁ ନା ମ୍ରାଙ୍ଗାଚ୍ଚି ମେଁଣ୍ଡାଅଡା ପାଟେଏ । 7ନାନୁ ମିଙ୍ଗେ ୱେସ୍ପିଞ୍ଜା, ଏହେଙ୍ଗିସି ନାଲ୍କୁଡ଼ି ଅନିସ୍ ଗାଣ୍ଡି ଦାର୍ମିକ ଦାଲ୍ଲା, ଇନ୍ଦାର୍ତି ଏଲୁୱ୍ଡେପନ୍ ଆବସକ ହେଃଲ୍ଲେ, ଏୱାର୍ତାୱାଟି ରଃଅଞ୍ଜି ପାପିଗାଟାଞ୍ଜି ଏଲୁ ୱ୍ଡେପ୍ତେସି, ଏୱାଞ୍ଜ୍ ବାଗା ସର୍ଗତାୱା ଏଗେଲ୍ ରାହାଙ୍ଗ୍ ଆନେ ।
ମ୍ରାଙ୍ଗାନ୍ନି ରୁପା ଟାକ୍କା
8“ଇହିଙ୍ଗିସି ଇମ୍ୱିନ୍ ଆଚାଲୁ ମାନ୍ନେ ଜେ, ଏଦାଡ଼୍ ଟାକ୍କେ ଜଦି ଦାସାଗଟ୍ଟା ରୁପା ଟାକ୍କାଙ୍ଗ୍#୧୫:୮ ଇୱା ରନେସ୍ତି କୁଲି ଟାକ୍କାଙ୍ଗ୍ ମାନ୍ନୁ, ଆଟେ ଏମ୍ୱାଟି ରଣ୍ଡି ମ୍ରାଙ୍ଗିନେ, ଇଚ୍ଚେସି ଏଦି ଡୁବ୍ବି ପ୍ରୁସାନ୍ ଇଡ୍ଡୁ ହେପାନାହି ଏଦା ପାଃନାନ୍ ଟିକ୍ନା ଇନ୍ନା ନେହେନ୍ ଦାଃହେଏ ?” 9ଆଟେ ଏଦି ଏଦା ପାଟେସି ତା ତଡ଼େଙ୍ଗ୍ ଆଟେ ତା ଦାଲ୍ଲାନିକି ଆର୍ଚାନ୍ ଉଜି କିଆନାହି ୱେସ୍ପିନ୍ନେ, ନା ଡ଼ାହି ରାହାଙ୍ଗ୍ ଆଦାଟୁ, ଇନାକି ଇମ୍ୱିନ୍ ର ଟାକ୍କା ମ୍ରାକ୍ଚ୍ଚାଚ୍ଚେଏ, ଏଦା ପାଟେଏ । 10ନାନୁ ମିଙ୍ଗେ ୱେସ୍ପିଞ୍ଜା, ଏଚିଲାକ୍କା ଏମ୍ୱେନାଞ୍ଜି ଏଲୁୱ୍ଡେପେନ୍ନେଞ୍ଜି, ଇହିଙ୍ଗିସି ରଃଅଞ୍ଜି ପାପିଗାଟାଞ୍ଜି ବାଗା ମୁଲାପେନୁତି ଦୁତଙ୍ଗ୍ ୱାଡ଼େ ରାହାଙ୍ଗ୍ ଆଇନୁ ।
ମ୍ରାଙ୍ଗାଚ୍ଚି ମ୍ରିଃଏଞ୍ଜ୍ତି ତୁକାଙ୍ଗାତା
11ଜିସୁ ଆଟେ ୱାଡ଼େ ୱେସ୍ତେଞ୍ଜି, ରଃଅଞ୍ଜି କୁଏଞ୍ଜିକି ରିଃଆର୍ ମ୍ରିକା ମାଚ୍ଚେରି । 12ଏ ରିଃଆର୍ ତାୱାଟି କଗିନ୍ ମ୍ରିଃଏଞ୍ଜି ତା ଆବାନିକି ୱେସ୍ତେଞ୍ଜି, ଆବା, ନା ବାଗାତି ଦନ ନାଙ୍ଗେ ହିଆମୁ । ଏମ୍ବାଟି ଏୱାଞ୍ଜି ତା ହାବେତ୍ ଦନ ଏୱାରିକି ପାହାହିତେଞ୍ଜି । 13ଏଚ୍ଚେ ଦିନା ଆଃଏଟେଃଏ କଗିନ୍ ମ୍ରିଃଏଞ୍ଜି ତା ବାଗାତି ଦନ ହାବେ ପ୍ରାଚାନାହି ଦେହା ଦେସା ହାଚ୍ଚେଞ୍ଜି, ଆଟେ ଏଦିମ୍ୱା ଡ଼ଃଆନ୍ କାମାତାୱା ତା ଦନତିଦି ୱିହି କିଆନ୍ ବାସାଆତେଞ୍ଜି । 14ମତ୍ର ହାବେ ୱିହି କିତାୱିଃଆଟି ଏ ରାଜିତାୱା କାରି ଦିଅନେଃଏ ଏୱାଞ୍ଜିକି ଅବାବ ଆଅନ୍ ମ୍ରାନ୍ଦିତେ । 15ଏମ୍ୱାଟି ଏୱାଞ୍ଜି ହାଜ୍ଜାନ୍ ଏ ରାଜିତି ରଃଅଞ୍ଜି କୁଏଞ୍ଜି ରେଃଏସ୍ ବାସାଆତେଞ୍ଜି, ଆଟେ ଏୱାଞ୍ଜି ଏୱାଞ୍ଜିକି ତା ପାଜ୍ଜିଙ୍ଗ୍ କପନ୍ ବାଗା ତା ପାଙ୍ଗାଇନ୍ଦା ପାଣ୍ଡିତେଞ୍ଜି; 16ଆଟେ ପାଜ୍ଜିଙ୍ଗ୍ ଇମ୍ୱିନ୍ ସିମ କାଉ ତିଞ୍ଜିଚ୍ଚୁ, ଏୱାଞ୍ଜି ଏ କୁଲା ତିଞ୍ଜାନ୍ ତା ଟୁଟୁ କ୍ଡିପିକିଅନ୍ ବାଗା ଏଲୁ କିଚ୍ଚେଞ୍ଜି, ମତ୍ର ଏମ୍ୱେନାରି ଏୱାଞ୍ଜିକି ଇନ୍ନା ହିହେଃଲ୍ଲାତେରି । 17ଏମ୍ବାଟି ଏୱାଞ୍ଜି ଏଲୁ କିତେଞ୍ଜି, ନା ଆବାତି ଏଚ୍ଚେ କାମ୍ୱାରାଙ୍ଗାତି ତିନ୍ବା କୁଲା ହାରେନ୍ନୁ, ମତ୍ର ନାନୁ ଇଦିମ୍ୱା ହାକ୍କି ଡ଼ାହି ହାଇମାଃଇ । 18ନାନୁ ନିଙ୍ଗାନ୍ ନା ଆବା ରେଃଏସ୍ ହାଃଇ ଆଟେ ତାଙ୍ଗେ ୱେସିଃଇ, ଆବା, ନାନୁ ସର୍ଗତି ମୁଲାପେନୁ ବିରୁଦିଆଟି ଅଟେ ନି ବିରୁଦିଆଟି ପାପ କିଆମାଃଇ; 19ଆଟେ ନାନୁ ନି ମ୍ରିଃଏଞ୍ଜି ଆଅନ୍ତି ଜୁଗ୍ୟ ଆଃଏ; ନାଙ୍ଗେ ନି କାମ୍ୱାରେଏଞ୍ଜି ଲାକ୍କାଟି ଇଟ୍ଟାଦାମୁ । 20ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ଆବା ରେଃଏସ୍ ହାଚ୍ଚେଞ୍ଜି । ମତ୍ର ତା ଆବା ଦେହାଟେଃଏ ଏୱାଞ୍ଜିକି ହୁଡ଼ାନ୍ ପାପୁଅଲ୍ଚାନ୍ ରାହାପାହା ଆତେଞ୍ଜି ଅଟେ ଡେହାନାହି ହାଜ୍ଜାନ୍ ଏୱାଞ୍ଜିକି ପମ୍ୱାନ୍ ଜେଡାଟି ଜୁମ୍ୱିତେଞ୍ଜି । 21ମ୍ରିଃଏଞ୍ଜି ତାଙ୍ଗେ ୱେସ୍ତେଞ୍ଜି, ଆବା, ସର୍ଗତି ମୁଲାପେନୁ ବିରୁଦିଆଟି ଅଟେ ନି ନକେସି ପାପ କିତେ, ନାନୁ ନି ମ୍ରିଃଏଞ୍ଜ୍ ଇଞ୍ଜାନ୍ ଆର୍ପନ୍ ବାଗା ଜୁଗ୍ୟ ଆଃଏ । 22ମତ୍ର ଆବା ତା କାମ୍ବାରାଙ୍ଗାନିକି ୱେସ୍ତେଞ୍ଜି, ହାବେତାୱାଟି ନେହି ଜିରା ୱିର୍ନା ତାଚ୍ଚାନାହି ଇୱାଞ୍ଜିକି ମେଦ୍ଦିକିଦୁ, ଇୱାଞ୍ଜ୍ତି କାଜ୍ଜୁତାୱା ମୁଦ୍ଦି ତୁଗିକିଦୁ ଆଟେ କାଟ୍କାନାୱା ପାଣ୍ଡେଙ୍ଗ୍ ତୁଗିକିଦୁ, 23ଆଟେ ନେହି କଡି ତାଚ୍ଚାନ୍ ପାଗାଟୁ; ୱାଦୁ, ମାରୁ ତିଞ୍ଜାନ୍ ରାହାଙ୍ଗ୍ ଆନା, 24ଇନାକି ନା ଇ ମ୍ରିଃଏଞ୍ଜି ହାଚେଞ୍ଜି, ଆଟେ ରିହିକ୍ ନିମ୍ୱିତେଞ୍ଜି; ମ୍ରାଙ୍ଗାଚ୍ଚେଞ୍ଜି, ରିହିକ୍ ପାଟେଏ । ଏମ୍ୱାଟି ଏୱାରି ରାହାଙ୍ଗ୍ ଆଅନ୍ ମ୍ରାସ୍ତେରି ।
25ଏଚିତୁକାତାୱା ଗାମିନ୍ ମ୍ରିଃଏଞ୍ଜି ପାଙ୍ଗାତାୱା ମାଚ୍ଚେଞ୍ଜି । ଏୱାଞ୍ଜି ଏଚ୍ଚିକିଃଆ ୱାନ୍ ଇଡ୍ଡୁ ରେଃଏସ୍ ଏତାତେଞ୍ଜି, ଏଚିତୁକାତାୱା ଏୱାଞ୍ଜି ବାଜାଙ୍ଗ୍ ଡ଼ାହି କ୍ରାହନ୍ତି ହାଦ୍ଦା ୱେଞ୍ଜାନ୍, 26ଏୱାଞ୍ଜି ରଃଅଞ୍ଜି କାମ୍ୱାରେଏଞ୍ଜିକି ରେଃଏସ୍ ଆର୍ଚାନ୍ ଇ ହାବେ ଇନ୍ନା ଆଇନେ ଇଞ୍ଜାନ୍ ୱେଚ୍ଚେଞ୍ଜି । 27ଏୱାଞ୍ଜି ଏୱାଞ୍ଜିକି ୱେସ୍ତେଞ୍ଜି, ନି ଆମ୍ୱେସ୍ ୱାନ୍ନେଞ୍ଜି, ଆଟେ ନି ଆବା ଏୱାଞ୍ଜିକି ନେହି ଗାଣ୍ଡିଟି ପାଁଣ୍ଡାନ୍ନି ବାଗାଟି ନେହି କଡି ପାଗାନ୍ନେଞ୍ଜି ।
28ଏମ୍ୱାଟି ଏୱାଞ୍ଜି ରାଗା ଆନ୍ ଇଡ୍ଡୁ ଲାଃଇ ହଲ୍ବନ୍ ଇଚ୍ଚା କିଃଆତେଞ୍ଜି; ମତ୍ର ତା ଆବା କାଟ ୱାନ୍ ଏୱାଞ୍ଜିକି ଏଗେଲ୍ ବୁଜ୍ଜେ କିଅନ୍ ମ୍ରାସ୍ତେଞ୍ଜି । 29ମତ୍ର ଏୱାଞ୍ଜି ଆବାନିକି ୱେସ୍ତେଞ୍ଜି, ହୁଡ଼ାମୁ, ଇଚେ ଅଁଣ୍ଡୁ ଆତେ ନାନୁ ନି କାମ୍ୱାରେଏଞ୍ଜି ଲାକ୍କା କାମା କିଆନ୍ ୱାମାଃଇ, ଆଟେ ହାବେୱେଲା ନି ଆଗ୍ୟାଁ ମାନି ଆମାଃଇ, ଆତେସ୍ୱାଡ଼େ ନା ତଡ଼େଙ୍ଗ୍ ଡ଼ାହି ରାହାଙ୍ଗ୍ ଆଅନ୍ ବାଗା ନିନୁ ନାଙ୍ଗେ ଏଚ୍ଚେକ୍ ଅଡାଡଟି ୱାଡ଼େ ହିଆହେଲ୍ଲାଦାଃଆ; 30ମତ୍ର ନି ଇ ମ୍ରିଃଏଞ୍ଜି ଡ଼ଃଆନ୍ ଦାଲ୍ଲା ଡ଼ାହି ନି ହାବେତ୍ ଦନ ଅଆନ୍ ୱିହି କିଆନ୍ନେଞ୍ଜି, ଏଚ୍ଚିକିଃଆ ଏୱାଞ୍ଜି ୱାତେଞ୍ଜି, ହାଦାଡ଼ି ନିନୁ ଇୱାଞ୍ଜ୍ ବାଗା ନେହି କଡି ପାଗିତି । 31ଏମ୍ୱାଟି ଏୱାଞ୍ଜ୍ ଏୱାଞ୍ଜିକି ୱେସ୍ତେଞ୍ଜି, ମ୍ରିଃଏଞ୍ଜାତି, ନିନୁ ତ ହାବେ ୱେଲା ନା ଡ଼ାହି ମାଞ୍ଜି, ଆଟେ ଇନାହାବେ ନାଃଆ, ଏୱା ହାବେ ନିଃଆ; 32ମତ୍ର ଇୱାଞ୍ଜ୍ ଜେ ନି ଆମ୍ୱେସ୍ ହାଚେଞ୍ଜି, ଆଟେ ୱାଡ଼େ ନିମ୍ୱିତେଞ୍ଜି, ମ୍ରାଙ୍ଗାଚ୍ଚେଞ୍ଜି, ଆଟେ ପାଟାସୁ, ଏଦାବାଗା ରାହାଙ୍ଗ୍ ଆଅନ୍ତିକି ମାଚ୍ଚେ ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0